အခန်း ၄၄၂

အခန်း။ ၄၄၂

နတ်ဘုရားသတ် အဖွဲ့သည် နောက်ဆုတ်သွားကြပြီး အခြေအနေ ဆိုးရွားနေကြောင်းကိုလည်း ကောင်းကင်ဘုံတောင်ထိပ်မျှော်စင်သို့ ချက်ချင်း အစီရင်ခံကြသည်။

ကောင်းကင်ဘုံလက်မှုပညာရှင် က စိတ်ပူပန်သော မျက်နှာဖြင့် "အဲဒီ မိစ္ဆာအင်အားစုကမိစ္ဆာတွေ ဘာလုပ်မလို့လဲ ဘာလို့ ရုတ်တရက် အင်အားအလုံးအရင်းနဲ့ တိုက်ခိုက်လာတာလဲ" ဟု မေးသည်။

ရေဒီယိုပညာရှင်က "သူတို့ ရွှီရန်ကို မကြောက်တော့ဘူးလား" ဟု မေးသည်။

ရေထိန်းချုပ်သူက "ရွှီရန် အပြာရောင်ကြယ်ပေါ်မှာ မရှိဘူးဆိုတာ သူတို့ သိသွားတာများလား" ဟု ပြောသည်။

ဗေဒင်ဆရာက "ဖြစ်နိုင်ခြေ အရမ်းများတယ်" ဟု ပြောလိုက်သည်။

ဘဏ်လုပ်ငန်းရှင်က သူ၏ မျက်မှန်ကို ပြင်ရင်း "အကြောင်းရင်း ဘာပဲဖြစ်ဖြစ် သူတို့ ရှေ့ဆက်မတိုးနိုင်အောင်တော့ တားဆီးရမယ်။ အနည်းဆုံးတော့ ရွှီရန်တို့ ပြန်ရောက်လာတဲ့အထိ ထိန်းထားဖို့ လိုတယ်" ဟု ပြောသည်။

ကောင်းကင်ဘုံလက်မှုပညာရှင် က "ဟုတ်တယ် လျှပ်စီးနတ်ဘုရားသတ် အဖွဲ့က မိစ္ဆာအင်အားစုကစစ်မြေပြင်ဆီ အမြန်ဆုံး သွားနေကြပြီ။ တစ်ကောင်ကို တားဆီးပေးနိုင်လိမ့်မယ်" ဟု ပြောသည်။

" မှော်မှန်နတ်ဘုရားသတ် အဖွဲ့ကလည်း ဒုတိယမြောက် နတ်ဘုရားအဆင့် မိစ္ဆာကို ဘယ်လိုပဲဖြစ်ဖြစ် တားဆီးထားနိုင်အောင် လုပ်ဆောင်ပေးလိမ့်မယ်"

အရင်းအမြစ်များစွာ သုံးစွဲထားသဖြင့် လျှပ်စီးအဖွဲ့မှာ နတ်ဘုရားအဆင့်သို့ အလွန်နီးကပ်နေပြီ ဖြစ်သည်။

မှော်မှန်အဖွဲ့မှာလည်း အံ့ဖွယ်အဖွဲ့ပြီးလျှင် အတော်ဆုံးဖြစ်ပြီး လျှို့ဝှက်နယ်မြေနှစ်ခုကို ဖြတ်သန်းခဲ့ရသဖြင့် စွမ်းအားများ မြင့်တက်လာကာ နတ်ဘုရားအဆင့် မိစ္ဆာတစ်ကောင်ကို ပူးပေါင်း တိုက်ခိုက်နိုင်သည့် အဆင့်သို့ ရောက်ရှိနေပြီ ဖြစ်သည်။

သို့သော်လည်း စစ်မြေပြင်တွင် ရှိနေသည့် နတ်ဘုရားအဆင့် မိစ္ဆာ သုံးကောင်တွင် တစ်ကောင်ကိုမူ မည်သူမျှ မတားဆီးနိုင်သေးပေ။

ဘဏ်လုပ်ငန်းရှင်က ခဏစဉ်းစားပြီး "အရင် စစ်မျက်နှာကို စွန့်လွှတ်လိုက်ကြ နတ်ဘုရားသတ် အဖွဲ့အားလုံး နောက်ဆုံး ကာကွယ်ရေး မျဉ်းဆီ ဆုတ်ခွာကြ။ နတ်ဘုရားအဆင့် သုံးကောင်ကို ကမ္ဘာ့မြေသွေးကြောပန်း ရှိတဲ့ နေရာဆီ ဦးတည်လာအောင် လုပ်လိုက်" ဟု ပြောသည်။

"အဲဒါ အဆင်ပြေပါ့မလား"

ရေဒီယိုပညာရှင်က မေးလိုက်သည်။

ကမ္ဘာ့မြေသွေးကြောပန်းက... နတ်ဘုရားအဆင့် မိစ္ဆာတွေကို တိုက်ခိုက်တဲ့နေရာမှာ ကူညီပေးနိုင်တယ်ဆိုပေမဲ့... အကယ်၍ ဘိုးဘေးအဆင့် မိစ္ဆာတစ်ကောင်ပါ ထပ်ပြီး ပေါ်လာခဲ့ရင်... ငါတို့ ဘာဆက်လုပ်ကြမလဲ...

ဘဏ်လုပ်ငန်းရှင်က ခေါင်းခါလိုက်သည်။

"တခြား ရွေးချယ်စရာ မရှိတော့ဘူး ရွှီရန်တို့ ပြန်ရောက်လာတဲ့အထိ ဘေးကင်းရာ နေရာကို ထိန်းထားနိုင်ဖို့ပဲ လိုတယ်"

...

တစ်ရက် အပြည့် ကုန်ဆုံးသွားသည်။

နောက်ဆုံးတွင် ငြိမ်သက်နေသော ရေကန်မှာ ရုတ်တရက် ဆူပွက်လာသည်။

ထို့နောက် စက်လုံးပုံစံ စက်တစ်ခု ရေကန်အောက်ခြေမှ ပေါ်လာပြီး အားလုံး ထွက်ပေါ်လာကြသည်။ သူတို့ ထွက်လာသည်နှင့် လန်းဆန်းနေကြသည်။

ရွှီရန်က သူတို့၏ မျက်နှာကို ကြည့်ကာ "အားလုံး တော်တော်လေး အကျိုးရှိသွားပုံပဲ" ဟု ပြောလိုက်သည်။

ကျားမလေးက အရင်ဆုံး ပြောလိုက်သည်။

"ဟုတ်တာပေါ့ ကျွန်မရဲ့ သွေးစွမ်းအင်နဲ့ ရုပ်ပိုင်းဆိုင်ရာ ကျင့်ကြံခြင်းက သုံးသန်းအထိ ရောက်သွားပြီ တစ်သန်းကျော် တိုးသွားတာ"

"ကျွန်မရောပဲ"

"ကျွန်မရောပဲ"

"ကျွန်မရောပဲ"

"ကျွန်မရောပဲ"

"ကျွန်မရောပဲ"

ကျန် ငါးယောက်မှာလည်း တစ်ပြိုင်တည်း ပြောလိုက်ကြသည်။

သူတို့အားလုံး အလွန် ဝမ်းသာနေကြသည်။

အပြာရောင်ကြယ်အတွက် ဤမျှ စွမ်းအားကြီးမားသည့် အကူအညီ ရရှိလိုက်ခြင်းမှာပင် ကြီးမားသည့် အကျိုးအမြတ် ဖြစ်သော်လည်း နောက်ဆုံး စည်းမျဉ်းဆိုင်ရာ မြင့်မြတ်သော စမ်းရေကြောင့် သွေးစွမ်းအင်များ သုံးသန်းအထိ ရောက်သွားလိမ့်မည်ဟု မမျှော်လင့်ထားခဲ့ပေ။

ဤသည်မှာ ရိုးရှင်းသော တိုးတက်မှုမျိုး မဟုတ်ဘဲ အဆင့်မြင့်မြင့် တိုက်ခိုက်နိုင်သော စွမ်းအားမျိုး ဖြစ်သည်။

"ကွမ်ရှင်းနဲ့ နင်ရွှမ်းတို့ရဲ့ မြှင့်တင်မှုတွေနဲ့ဆိုရင် သွေးစွမ်းအင် တစ်သန်းခွဲရှိတဲ့ မိစ္ဆာကိုတောင် တစ်ချက်တည်းနဲ့ သတ်နိုင်လိမ့်မယ်"

ကျားမလေးက ခန့်မှန်းကာ ပြောဆို လိုက်သည်။

လူတိုင်းကလည်း သူမ၏ ပြောစကားကို သဘောတူကြသည်။

"အင်း တကယ်ကို စွမ်းဆောင်နိုင်တာပဲ"

ရွှီရန်က ချီးကျူးသည်။

"အစ်ကို အစ်ကိုကရော"

ကျားမလေးက မေးလိုက်သည်။

လူတိုင်းမှာလည်း ရွှီရန်ကို စိတ်ဝင်တစား ကြည့်နေကြသည်။ ရွှီရန်၏ စွမ်းအားမှာ အမြဲတမ်း အများဆုံး တိုးတက်လေ့ ရှိသောကြောင့်ပင်။

"ဟားဟား"

ရွှီရန်က စိတ်ပါလက်ပါ ရယ်မောလိုက်ပြီး "ကျွန်တော့်ရဲ့ သွေးစွမ်းအင်တန်ဖိုးက အခုဆိုရင် ရှစ်သန်းအထိ ရောက်သွားပြီ။ သွေးစွမ်းအင် သန်းငါးဆယ်ရှိတဲ့ မိစ္ဆာတစ်ကောင်ကိုတောင် အလွယ်တကူနဲ့ ချက်ချင်း သတ်နိုင်တယ်" ဟု ပြောသည်။

ရှစ်သန်း၊ သန်းငါးဆယ် ရွှီရန်၏ ပါးစပ်မှ ထွက်လာသော ဤဂဏန်းတို့မှာ အလွန်ပေါ့ပါးနေသယောင် ရှိသည်။

ရွှီရန်ထံမှ ဤမျှ ကြောက်မက်ဖွယ်ကောင်းသော ဂဏန်းများကို ကြားရသည်မှာ ပထမဆုံးအကြိမ် မဟုတ်သော်လည်း ကြားရသည့်အကြိမ်တိုင်းတွင် အံ့ဩရစမြဲပင်။

"အစ်ကို အစ်ကိုက တကယ့်ကို မိစ္ဆာကြီးပဲ"

"ရှောင်ရန် အစ်ကို့ရဲ့ တိုးတက်မှုက နေရာတိုင်းမှာ အရမ်းကို မြန်ဆန်လွန်းတယ်"

"ခေါင်းဆောင် ခေါင်းဆောင်က တကယ်ကို မယုံနိုင်စရာပဲ"

"ခေါင်းဆောင်က အံ့ဖွယ် အရိုးစုကို ပိုင်ဆိုင်ထားသူဆိုတော့ အမြဲတမ်း အံ့ဖွယ်တွေကို ဖန်တီးနေတာပဲ"

"ခေါင်းဆောင် ခေါင်းဆောင်က ကျွန်မတို့ရဲ့ နတ်ဘုရားပါပဲ"

အံ့ဖွယ်အဖွဲ့ဝင်များမှာ သူတို့၏ စိတ်ထဲရှိသည်ကို ပွင့်ပွင့်လင်းလင်း ပြောဆိုနေကြသည်။ သူတို့၏ စွမ်းအား တိုးတက်ခြင်းထက်ပင် ရွှီရန်၏ တိုးတက်မှုကို ပို၍ ပျော်ရွှင်နေကြသည်။

ရွှီရန်က သူတို့ကို တိတ်ဆိတ်စွာ ကြည့်နေသည်။

တကယ်တမ်းတွင် ရွှီရန်၏ စွမ်းအား တိုးတက်မှုမှာ ယခုထက် ပိုမိုများပြားသေးသည်။

သူတွင် မရေမတွက်နိုင်သော လျှို့ဝှက်လက်နက်များ ရှိနေသေးသည်။

ဖျက်ဆီးခြင်း တံဆိပ်တစ်ခုတည်းဖြင့်ပင် သွေးစွမ်းအင် သန်းရှစ်ဆယ်ရှိသော ပြိုင်ဘက်ကို ခေတ္တမျှ ဖိနှိပ်ထားနိုင်သည်။

စက္ကူလူသား တပ်မတော်ထဲရှိ မိုဓား ဗိုလ်ချုပ်တစ်ဦးချင်းစီသည်ပင် သွေးစွမ်းအင် သန်းသုံးဆယ်ရှိသော မိစ္ဆာများကို သတ်နိုင်စွမ်း ရှိသည်။

ထို့ပြင် ရန်သူ၏ စွမ်းအားကို လျော့ကျစေနိုင်သည့် မြင့်မြတ်သော ဝိညာဉ်ကို ဖိနှိပ်ခြင်းနှင့် အသက်စွန့် တိုက်ခိုက်နိုင်သည့် သွေးဆာသော မသေမျိုး အရိုးစုတို့မှာလည်း ရှိသေးသည်။

ရွှီရန်မှာ ယခုအခါတွင် ရန်သူဟူ၍ မရှိသလောက်ပင်။

သွေးမြစ်အစစ်အမှန် ပြန်ပေါ်လာလျှင်ပင် မရေမတွက်နိုင်သော အဆောင်များနှင့် လိပ်ခွံအလင်းတန်းများကို အားမကိုးဘဲ သူ တစ်ဦးတည်းနှင့်ပင် အနိုင်ယူနိုင်ပြီ ဖြစ်သည်။

ပျော်ရွှင်နေစဉ်မှာပင် ရှောင်လန်၏ စိုးရိမ်တကြီး စကားကြောင့် သူတို့၏ ပျော်ရွှင်မှုမှာ ရပ်တန့်သွားသည်။

"ရွှီရန် အပြာရောင်ကြယ်ဆီက သတင်း ရောက်လာတယ်။ မိစ္ဆာအင်အားစုကစစ်မြေပြင်မှာ နတ်ဘုရားအဆင့် မိစ္ဆာတစ်ကောင် ခေါင်းဆောင်ပြီး သွေးစွမ်းအင် တစ်သန်းစီရှိတဲ့ သတ္တဝါတွေ အများအပြားနဲ့ တိုက်ခိုက်လာနေတယ်။ ဒီတစ်ခါတော့ ဘိုးဘေးအဆင့် မိစ္ဆာတစ်ကောင်ပါ ပေါ်လာနိုင်တယ်"

ထိုသတင်းကို ကြားသောအခါ လူတိုင်း၏ နှလုံးသားမှာ တစ်ချက် ရပ်တန့်သွားသည်။

"ဘာဖြစ်တာလဲ သူတို့ ဘာလို့ ဒီလောက် မြန်မြန် တိုက်ခိုက်လာတာလဲ"

"ဘယ်လောက်မှ မကြာသေးဘူး ဘိုးဘေးအဆင့် မိစ္ဆာက ပေါ်လာပြီလား"

"ခေါင်းဆောင်ရဲ့ နောက်ဆုံး အကြောက်တရား ပြသမှုက မပြင်းထန်ဘူးလား"

ကျားမလေးက စိုးရိမ်စွာဖြင့် ရွှီရန်ကို ကြည့်ကာ "အစ်ကို ကျွန်မတို့ ဘာလုပ်ကြမလဲ" ဟု မေးသည်။

ရွှီရန်က ပြုံးလျက် "ကောင်းလိုက်တာ လျှို့ဝှက်နယ်မြေက ငါ့ရဲ့ စွမ်းအားကို ဘယ်လောက် မြှင့်တင်ပေးလိုက်လဲ ဆိုတာ စမ်းကြည့်ချင်နေတာနဲ့ အတော်ပဲ။ ဘိုးဘေးအဆင့် မိစ္ဆာတစ်ကောင် ပေါ်လာတာ စမ်းသပ်ဖို့အတွက် အကောင်းဆုံးပဲ" ဟု ပြောသည်။

ထိုစကားနှင့်အတူ သူသည် မျိုးစေ့အချို့နှင့် စက်ယန္တရား တိုင်နိုဆော နှစ်ကောင်ကို ယူကာ ထွက်ခွာသွားသည်။

"မိစ္ဆာအင်အားစုက မိစ္ဆာတွေ ဟွာရှရဲ့ အမွေအနှစ်ကို မြင်တွေ့ရမယ့် အချိန် ရောက်လာပြီ"