အခန်း ၁၃၆

အခန်း ၁၃၆။ မြင့်မြတ်သောနယ်မြေသို့ ရောက်ရှိခြင်း၊ စနစ် အဆင့်တက်ခြင်း

"ဒီကောင်လေး..."

ဖိလစ် ခြောက်ဆယ့်ခြောက်ဆက်မြောက် မျက်မှောင်ကြုတ်သွားလေသည်။ "အလုပ်လုပ်တာ အရမ်း ရမ်းကားလွန်းတယ် ဒီမှာ ကြည့်နေတဲ့ ပရိသတ် သောင်းချီ ရှိနေတာကို မီးဓာတ် တားမြစ်မှော်ပညာကို ထုတ်ရဲတယ် တကယ်ကို သတ္တိ အရမ်း ကောင်းနေပြီပဲ"

"ခုနက စစ်နဂါး ကျောင်းအုပ်ကြီးသာ အချိန်မီ ဝင်မတားရင် သေပျောက်ဒဏ်ရာရမှု ဘယ်လောက်တောင် များသွားမလဲ မသိဘူး သေချာပေါက် ပြင်းပြင်းထန်ထန် အပြစ်ပေးရမယ်"

"ဒီလောက် ငယ်ငယ်ရွယ်ရွယ်နဲ့ ဒီလောက်တောင် ရက်စက်နေတာ အနာဂတ်ဆိုရင် ဘယ်လိုလုပ်မလဲ ကျောင်းအုပ်ကြီး ဖရက်ဒ် ခင်ဗျားရဲ့ တာဝန်လစ်ဟင်းမှုပဲ"

"ဒီလောက် လူအများကြီး ရှိတဲ့ နေရာမှာ ကြယ်ပျံ ကျဆင်းခြင်း လိုမျိုး အထွတ်အထိပ် တားမြစ်မှော်ပညာကို ထုတ်ရဲတယ် သူ့ခေါင်းကို မြင်းကန်ထားတာလား ဒါမှမဟုတ် ပရိသတ်တွေ သေမှာ ရှင်မှာကို လုံးဝ ဂရုမစိုက်တာလား ဆိုတာ တကယ် မသိတော့ဘူး"

"ပြင်းပြင်းထန်ထန် အပြစ်ပေးရမယ် သေချာပေါက် ပြင်းပြင်းထန်ထန် အပြစ်ပေးရမယ်..."

ကျောင်းအုပ်ကြီးများက အသီးသီး ဝင်ပြောလာကြပြီး ပြင်းပြင်းထန်ထန် ဝေဖန် ပြစ်တင်နေကြကာ ခုနက မုန်လဲ့၏ လုပ်ရပ်ကို အလွန် မကျေနပ်ဖြစ်နေကြကြောင်း သိသာလှပေသည်။

ဖိလစ် ခြောက်ဆယ့်ခြောက်ဆက်မြောက်က ဖြည်းညင်းစွာ ခေါင်းညိတ်လိုက်ပြီး "မူလက သူက ပုရွက်ဆိတ်လှိုင်းလုံးကြီးကို ကာကွယ်ရာမှာ ကုသိုလ် ရှိတယ် ပြီးတော့ တော်ဝင် သွေးမျိုးဆက်လည်း ရှိတယ်ဆိုတော့ မြို့စားကြီး အဖြစ် ခန့်အပ်ဖို့ စဉ်းစားထားတာ ဖလှယ်ရေးပြိုင်ပွဲ အပြီးကျရင် တစ်ခါတည်း ချီးမြှင့်မလို့ပဲ"

"အခုတော့ မလိုတော့ပါဘူး"

...

စိန်ခေါ်ပွဲက ဆက်လက် ကျင်းပနေပြီး ညရှစ်နာရီအထိ ကြာမြင့်သွားကာ နောက်ဆုံးတွင် အနိုင်ရသူ ၅၂ ယောက်ကို ရွေးချယ်နိုင်ခဲ့လေသည်။

ထို့နောက် ဘုရင်ကြီးက မိန့်ခွန်းပြောကြားပြီး အရည်အချင်းစစ်ပြိုင်ပွဲ တရားဝင် ပြီးဆုံးကြောင်း ကြေညာလိုက်လေသည်။

မုန်လဲ့နှင့် ဝတုတ်လေးတို့က တိုက်ပွဲကွင်းမှ အတူတကွ ထွက်ခွာလာပြီးနောက် ကျွီရှန်း စားသောက်ဆိုင်သို့ သွားကာ အသားများကို အားရပါးရ စားပြီး အရက်များကို သောက်ကာ ညလယ်လောက်မှသာ ကျောင်းသို့ ပြန်လာပြီး အနားယူလိုက်ကြလေသည်။

"အရင်တုန်းကတော့ ငါ့စွမ်းအားက ဒီဖလှယ်ရေးပြိုင်ပွဲမှာ အသာလေး ရင်ဆိုင်နိုင်မယ်လို့ ထင်ထားတာ ဒါပေမယ့် အခုတော့..."

ဆိုဖာပေါ်တွင် လှဲလျောင်းနေရင်း မုန်လဲ့က နေ့လယ်ပိုင်း တိုက်ပွဲများကို ပြန်လည် တွေးတောနေမိသည်။ အယ်လီဇဘက်နှင့် ဖရန်စစ်၊ သူတို့နှစ်ယောက်လုံးကို အနိုင်ယူနိုင်ခဲ့သော်လည်း မလွယ်ကူခဲ့ပေ။

အယ်လီဇဘက်ကို အနိုင်ယူရန်အတွက် လက်နှစ်ဖက်ကို ပုရွက်ဆိတ် ပုံစံ ပြောင်းခဲ့ရပြီး ၎င်းမှာ လျှို့ဝှက်ချက် တစ်စိတ်တစ်ပိုင်းကို ထုတ်ဖော်လိုက်ခြင်းပင် ဖြစ်လေသည်။

ဖရန်စစ်ကို အနိုင်ယူရန်အတွက် တားမြစ်မှော်ပညာကို အသုံးပြုခဲ့ရပြီး ကြယ်ပျံ ကျဆင်းခြင်း မှော်ပညာ တစ်ခုတည်းကပင် ရွှေဒင်္ဂါး သန်းတစ်ရာကျော် ကုန်ကျခဲ့လေသည်။

အလွယ်လေးလို ထင်ရပေမယ့် တကယ်တော့ မလွယ်ကူခဲ့ပါဘူး။

'အရည်အချင်းစစ်ပြိုင်ပွဲတောင် ဒီလိုဆိုရင် တကယ့် ဖလှယ်ရေးပြိုင်ပွဲဆို ဘယ်လိုနေမလဲ တွေ့ရမယ့် ပြိုင်ဘက်တွေက သေချာပေါက် ပိုစွမ်းမှာပဲ'

'စွမ်းအား မြှင့်တင်ဖို့က အချိန်ဆွဲနေလို့ မရတော့ဘူး'

မုန်လဲ့က အချက်အလက် ဇယားကို တိုက်ရိုက် ဖွင့်လိုက်လေသည်။

ပိုင်ရှင် - မုန်လဲ့

မျိုးနွယ် - လူသား (မီးနဂါး သွေးမျိုးဆက် မီးမိစ္ဆာ သွေးမျိုးဆက် ရွှေရောင် နတ်ဘုရားသတ် ပုရွက်ဆိတ် သွေးမျိုးဆက်)

ချမ်းသာကြွယ်ဝမှု - ရွှေဒင်္ဂါး ၂၅၈၇၆၅၄၆၅၃၉

ခန္ဓာကိုယ်ကြံ့ခိုင်မှု - အဆင့်ကိုး စစ်သည်တော် (၇၆၉၈၇၉၁၀၈ / ၁၀၀၀၀၀၀၀၀၀)

စိတ်စွမ်းအင် - အဆင့်ကိုး မဟာမှော်ဆရာကြီး (၁၃၈၈၇၆၀ / ၁၀၀၀၀၀၀၀၀၀)

မှော်စွမ်းအင် - အဆင့်ကိုး မဟာမှော်ဆရာကြီး (၉၆၈၆၇၈ / ၁၀၀၀၀၀၀၀၀၀)

"စနစ် ရွှေဒင်္ဂါး ၂.၄ ဘီလီယံ လဲလှယ်ပြီး ခန္ဓာကိုယ်ကြံ့ခိုင်မှုထဲ ထည့်လိုက်"

ဝှစ်

ချမ်းသာကြွယ်ဝမှု ဇယားမှ ရွှေဒင်္ဂါး ၂.၄ ဘီလီယံ ချက်ချင်း လျော့ကျသွားလေသည်။

တစ်ချိန်တည်းမှာပင် လှိုင်းလုံးကြီးတစ်ခုအလား ပူနွေးသော စီးကြောင်းတစ်ခုက ခန္ဓာကိုယ်ထဲတွင် ရိုင်းစိုင်းစွာ ပြေးလွှားသွားပြီး နေရာတိုင်းသို့ ပျံ့နှံ့သွားကာ အရူးအမူး အားဖြည့်ပေးနေလေသည်။

မုန်လဲ့က သူ၏ ခန္ဓာကိုယ်မှာ ဒုံးပျံစီးထားသကဲ့သို့ မျက်စိဖြင့် မြင်နိုင်သော အမြန်နှုန်းဖြင့် တိုးတက်လာသည်ကို ခံစားနေရလေသည်။

သန်း ၈၀၀... သန်း ၈၈၀... သန်း ၉၀၀... သန်း ၉၉၀...

"ဝုန်း"

ခန္ဓာကိုယ်ကြံ့ခိုင်မှုက နောက်ဆုံးတွင် ၁ ဘီလီယံ အမှတ်အသားကို ကျော်ဖြတ်သွားပြီး နယ်ပယ်သစ် တစ်ခုသို့ ဝင်ရောက်သွားကာ မုန်လဲ့၏ ခန္ဓာကိုယ်မှ ကြောက်မက်ဖွယ်ကောင်းသော အရှိန်အဝါများ ထွက်ပေါ်လာပြီး အခန်းတစ်ခုလုံးကို ချက်ချင်း လွှမ်းခြုံသွားလေသည်။

ဤအခိုက်အတန့်တွင် မုန်လဲ့က ခန္ဓာကိုယ် တစ်ခုလုံး ပေါ့ပါးသွားသည်ဟု ခံစားလိုက်ရပြီး ဤကောင်းကင်နှင့် မြေကြီးထဲသို့ ဝင်ရောက်သွားသကဲ့သို့ သူသာ ဆန္ဒရှိပါက အချိန်မရွေး ကောင်းကင်ယံသို့ ပျံသန်းကာ လေထဲတွင် ခရီးမိုင် သောင်းချီ ပျံသန်းနိုင်မည်ဟု ခံစားနေရလေသည်။

"ဒီခံစားချက်က..."

မုန်လဲ့က ငြင်းဆန်ခြင်း မပြုခဲ့ပေ။

ထို့နောက် သူက ပူဖောင်း တစ်လုံးအလား ဖြည်းညင်းစွာ ပေါလောပေါ်လာပြီး နောက်ဆုံးတွင် လေထဲတွင် တိတ်ဆိတ်စွာ ပျံဝဲနေကာ ငြိမ်သက်သွားလေသည်။

လေထဲတွင် မတ်တတ်ရပ်နေသည်။

လေထဲတွင် ပျံသန်းနေသည်။

"ကောင်စုတ်လေး မင်းက မြင့်မြတ်သောနယ်မြေကို ရောက်သွားပြီလား"

အဖိုးအိုက နေရာလွတ် လက်စွပ်ထဲမှ ပျံသန်းထွက်လာပြီး လေထဲတွင် ပျံဝဲနေသော မုန်လဲ့ကို ကြည့်ကာ မျက်လုံးများပင် ပြူးကျယ်တော့မတတ် ဖြစ်သွားလေသည်။

အရင်တုန်းက မုန်လဲ့ အကြောင်းပြချက် မရှိဘဲ စွမ်းအား မြင့်တက်လာတိုင်း သူ အံ့ဩခဲ့ရသော်လည်း မနည်း လက်ခံနိုင်ခဲ့သည်။ ယခုတစ်ကြိမ်ကတော့ မတူတော့ပေ။

မြင့်မြတ်သောနယ်မြေ။

မုန်လဲ့က မြင့်မြတ်သောနယ်မြေ စွမ်းအားရှင် ဖြစ်သွားပြီ။

မရေမတွက်နိုင်သော လူများက အိပ်မက် မက်သော်လည်း မရနိုင်သော မြင့်မြတ်သောနယ်မြေ ဖြစ်လေသည်။

အဖိုးအို အံ့ဩတုန်လှုပ်ခြင်း မရှိဘဲ မနေနိုင်တော့ပေ။

အဆင့်ကိုး။

မြင့်မြတ်သောနယ်မြေ။

ခြေတစ်လှမ်းသာ ကွာသည်ဟု ထင်ရသော်လည်း ကောင်းကင်နှင့် မြေကြီးကဲ့သို့ ကွာခြားလှပြီး မရေမတွက်နိုင်သော လူများက အဆင့်ကိုး အထွတ်အထိပ်တွင် ပိတ်မိနေကာ တစ်သက်လုံး ရှေ့မတိုးနိုင် ဖြစ်နေကြရသည်။ သို့သော် မုန်လဲ့ကတော့ အသံတိတ်ဖြင့် မြင့်မြတ်သောနယ်မြေသို့ ရောက်ရှိသွားခဲ့လေပြီ။

ယုတ္တိနဲ့ လုံးဝ မကိုက်ညီဘူး။

"ဟုတ်တယ် မြင့်မြတ်သောနယ်မြေကို ရောက်သွားပြီ"

ခန္ဓာကိုယ်ထဲမှ လှိုင်းလုံးကြီးများအလား ပြင်းထန်သော စွမ်းအားများကို ခံစားရင်း မုန်လဲ့က အလွန် သန်မာလာသည်ဟု ခံစားနေရပြီး ယခင်က တစ်ခါမှ မဖြစ်ဖူးလောက်အောင် သန်မာကာ လက်သီး တစ်ချက်တည်းဖြင့် ဧရာမ တောင်ကြီး တစ်တောင်ကို ရိုက်ခွဲနိုင်မည်ဟုပင် ခံစားနေရလေသည်။

"အရေးအကြီးဆုံးက ပျံသန်းလို့ ရသွားပြီပဲ"

"ဘယ်စွမ်းအားကိုမှ အားကိုးစရာ မလိုဘူး ဘယ်ကိရိယာကိုမှ အားကိုးစရာ မလိုဘဲ ဒီလိုမျိုး ပျံသန်းနိုင်သွားပြီ မွေးရာပါ စွမ်းရည် တစ်ခုလိုပဲ"

"ဒါက မြင့်မြတ်သောနယ်မြေလား"

"သတ္တဝါဆန်း"

"မင်းက တကယ့် သတ္တဝါဆန်းပဲ"

အဖိုးအို ရူးတော့မတတ် ဖြစ်သွားလေသည်။ "အကြောင်းပြချက် မရှိဘဲ မီးဓာတ် နိယာမကို နားလည်တယ် အခုလည်း အကြောင်းပြချက် မရှိဘဲ မြင့်မြတ်သောနယ်မြေ ဖြစ်သွားပြန်ပြီ ဘာလို့လဲ တကယ်တော့ ဘာလို့လဲ မင်း ဘယ်လို လုပ်လိုက်တာလဲ"

အဖိုးအို တကယ်ကို ရူးတော့မတတ် ဖြစ်နေပြီး တတ်နိုင်ပါက မုန်လဲ့၏ ခေါင်းကို ဖွင့်ကာ ဘာလျှို့ဝှက်ချက်တွေ ရှိနေလဲ ဆိုတာ သေချာ ကြည့်ချင်နေလေသည်။

"ကျောင်းအုပ်ကြီး စိတ်အေးအေး ထားပါ"

မုန်လဲ့က ဟက်ဟက် ရယ်လိုက်ပြီး "နောက်ဆိုရင် အကြောင်းပြချက် မရှိတဲ့ ကိစ္စတွေ အများကြီး ရှိလာဦးမှာပဲ ခင်ဗျား အံ့ဩပါများလာရင် ဖြည်းဖြည်းချင်း အသားကျသွားလိမ့်မယ်" ဟု ပြောလိုက်လေသည်။

"ဟွန်း"

အဖိုးအိုက အေးစက်စွာ နှာခေါင်းရှုံ့လိုက်ပြီး အလွန် မကျေမနပ် ဖြစ်သွားလေသည်။

အရေးကြီးတဲ့ ကိစ္စတွေ ရောက်လာတိုင်း ဒီကောင်စုတ်လေးက အမြဲတမ်း ပါးစပ်ပိတ်နေတတ်တယ်၊ ဒါမှမဟုတ် ရှောင်ထွက်သွားတယ်၊ ဒါမှမဟုတ် စကားလမ်းကြောင်း လွှဲပစ်တယ်... အရမ်း လွန်လွန်းတယ်

"ဒင်... မြင့်မြတ်သောနယ်မြေ စစ်သည်တော် အဖြစ် အဆင့်တက်သွားတဲ့အတွက် ဂုဏ်ယူပါတယ် နောက်ထပ် ထပ်ပြီး တိုးတက်အောင် ကြိုးစားပါ"

"ဒင်... မြင့်မြတ်သောနယ်မြေကို ရောက်ရှိသွားတဲ့အတွက် စနစ် အဆင့်တက်ဖို့ သတ်မှတ်ချက်နဲ့ ကိုက်ညီသွားပါပြီ ချက်ချင်း အဆင့်တက်မလား"

"အဆင့်တက်မယ်"

"မင်း အဆင့်တက်တော့မလို့လား"

မုန်လဲ့ ကြောင်အမ်းသွားလေသည်။

"ဟုတ်ပါတယ်"

စနစ်က ဖြေလိုက်လေသည်။

"တက်လိုက်"

မုန်လဲ့ အလွန် မျှော်လင့်နေမိသည်။

"ဒင်... စနစ် အဆင့်တက်ဖို့ ရွှေဒင်္ဂါး ၁၀ ဘီလီယံ ကုန်ကျပါမယ်..."

"နေဦး ရွှေဒင်္ဂါး ၁၀ ဘီလီယံ" မုန်လဲ့ ကြောင်အမ်းသွားလေသည်။ "အဆင့်တက်ရင် တက်ပေါ့ ဘာလို့ ရွှေဒင်္ဂါး ၁၀ ဘီလီယံတောင် ကုန်ရတာလဲ"

မုန်လဲ့က ချမ်းသာကြွယ်ဝမှု ဇယားကို တစ်ချက် ကြည့်လိုက်ရာ ၂၃.၄ ဘီလီယံသာ ကျန်ရှိတော့သည်။ အကယ်၍ အဆင့်တက်လိုက်ပါက ၁၃.၄ ဘီလီယံသာ ကျန်တော့မည် မဟုတ်လော။

အရမ်း ရှုံးတာပဲ

"ဒင်... ပိုင်ရှင် စနစ် အဆင့်တက်ပြီးသွားရင် ပိုပြီး အစွမ်းထက်လာမယ် လုပ်ဆောင်ချက်တွေ ပိုပြီး ပြည့်စုံလာမယ် ပိုင်ရှင်ကို ပိုပြီး ကောင်းကောင်း ဝန်ဆောင်မှု ပေးနိုင်ပါလိမ့်မယ်"

"ပိုင်ရှင် ချက်ချင်း အဆင့်တက်မလား"

"လုပ်ဆောင်ချက်တွေ ပိုပြီး အစွမ်းထက်လာမယ်"

"ပိုပြီး ပြည့်စုံလာမယ်"

မုန်လဲ့က သွားကိုက်လျက် "တက်" ဟု ပြောလိုက်လေသည်။

"ဒင်... စနစ် အဆင့်တက်တာကို စတင်ပါပြီ"

"အဆင့်တက်မည့် အချိန် - နာရီဝက်"

"အဆင့်တက်နေစဉ် အတွင်း စနစ်က လုပ်ဆောင်ချက် အားလုံးကို ပိတ်ထားပါမယ် ကျေးဇူးပြုပြီး စိတ်ရှည်ရှည်နဲ့ စောင့်ပေးပါ"

စနစ်၏ အသံ ချက်ချင်း တိတ်ဆိတ်သွားပြီး အချက်အလက် ဇယားလည်း ပျောက်ကွယ်သွားလေသည်။ မုန်လဲ့က ခုတင်ပေါ်သို့ ပြန်သွားကာ မျက်လုံးများထဲတွင် မျှော်လင့်ချက်များ ပြည့်နှက်နေလေသည်။

"စနစ် အဆင့်တက်ပြီးသွားရင် ဘယ်လို လုပ်ဆောင်ချက်တွေ ထပ်တိုးလာမလဲ မသိဘူး"

စောင့်ဆိုင်းရခြင်းက အမြဲတမ်း ကြာမြင့်တတ်သည်။

နာရီဝက် ဆိုသည့် အချိန်လေးက ရာစုနှစ် တစ်ခုလောက် ကြာသည်ဟု ထင်ရလေသည်။

နောက်ဆုံးတွင် ခေါင်းထဲသို့ ရင်းနှီးနေသော အေးစက်စက် အသံ ထွက်ပေါ်လာလေသည်။

"ဒင်... အစွမ်းအထက်ဆုံး ကောက်ယူရေး စနစ် အဆင့်တက်တာ ပြီးဆုံးသွားပါပြီ"

"ဒင်... အစွမ်းအထက်ဆုံး ကောက်ယူရေး စနစ်က ဝန်ဆောင်မှု ပေးနေပါတယ်"

"နောက်ဆုံးတော့ အဆင့်တက်တာ ပြီးသွားပြီပဲ"

မုန်လဲ့ အလွန် ဝမ်းသာသွားပြီး "စနစ် မြန်မြန် ပြောပြပါဦး အဆင့်တက်ပြီးသွားတော့ မင်းဆီမှာ ဘာလုပ်ဆောင်ချက်တွေ ထပ်တိုးလာလဲ" ဟု မေးလိုက်လေသည်။

"ပိုင်ရှင် စနစ် အဆင့်တက်ပြီးသွားရင် ကောက်ယူတဲ့ လုပ်ဆောင်ချက် အပြင် နောက်ထပ် လုပ်ဆောင်ချက် ကြီးနှစ်ခု ထပ်တိုးလာပါတယ်"

"အဲဒါတွေက အကန့်အသတ်မရှိ ကောက်ယူခြင်း နဲ့ ရက်စက်စွာ လုယူခြင်း တို့ ဖြစ်ပါတယ်" စနစ်က အေးစက်စွာ ပြောလိုက်လေသည်။

"အကန့်အသတ်မရှိ ကောက်ယူခြင်း"

"ရက်စက်စွာ လုယူခြင်း"

မုန်လဲ့ မျက်တောင်ခတ်လိုက်ပြီး "နားထောင်ရတာ အရမ်း မိုက်တဲ့ပုံပဲ ဒါပေမယ့် အသေးစိတ်တော့ မသိရသေးဘူး စနစ် မြန်မြန် ရှင်းပြပါဦး" ဟု ပြောလိုက်လေသည်။

"အကန့်အသတ်မရှိ ကောက်ယူခြင်း - တခြား ကမ္ဘာတွေဆီက ကျလာတဲ့ ပစ္စည်းတွေကို ကျပန်း ကောက်ယူနိုင်ပါတယ် အဲဒီအထဲမှာ ပိုက်ဆံ၊ သွေးမျိုးဆက်၊ နိယာမ အပိုင်းအစ၊ နတ်ဘုရား စွမ်းအင်၊ နတ်ဘုရား လက်နက် စတာတွေ ပါဝင်ပါတယ်"

"ဈေးနှုန်း - ၁၀ ဘီလီယံ / တစ်ကြိမ်"