အခန်း ၁၉၆

အခန်း ၁၉၆။ နတ်ဘုရား ဝိညာဉ် မီးတောက်၊ ယုံကြည်မှု စွမ်းအင်

"နိယာမ အရင်းအမြစ် ကျောက်သလင်း ၂၃၈ ခု..."

"အရမ်းကို များပြားလှတဲ့ ပိုင်ဆိုင်မှု တွေပဲ..."

"စနစ်... နိယာမ အရင်းအမြစ် ကျောက်သလင်း ၁၀၀ သုံးပြီး စိတ်စွမ်းအင် ကို အဆင့်မြှင့်မယ်..."

နိယာမ အရင်းအမြစ် ကျောက်သလင်း ၁၀၀ = ရွှေဒင်္ဂါး ၁ ထရီလီယံ (၁၀၀၀ ဘီလီယံ) = အရည်အချင်း အမှတ် ၁၀၀ ဘီလီယံ။

ရွှစ်...

ပိုင်ဆိုင်မှု များ ချက်ချင်း လျော့ကျသွားပြီး အရည်အချင်း အမှတ် ၁၀၀ ဘီလီယံ က စိတ်စွမ်းအင် အပိုင်းသို့ ချက်ချင်း ရောက်ရှိသွားလေသည်။

"ဝုန်း..."

အေးမြပြီး ကြီးမားလှသော စွမ်းအင် တစ်ခုက ဦးနှောက်ထဲသို့ ဝင်ရောက်လာကာ မုန်လဲ့၏ ဝိညာဉ်ကို အရူးအမူး အဆင့်မြှင့်တင်ပေးနေလေသည်။

အချိန်ခဏလေး အတွင်းမှာပင် မုန်လဲ့၏ ဝိညာဉ် စွမ်းအားက ပြိုင်ဘက်ကင်းသော အမြန်နှုန်းဖြင့် မြင့်တက်လာသည်ကို သူ ခံစားလိုက်ရလေသည်။

တစ်ချိန်တည်းမှာပင် မုန်လဲ့၏ စိတ်အာရုံ ပင်လယ် ထဲတွင်...

ကျယ်ဝန်း ဟာလာဟင်းလင်း ဖြစ်နေသော စိတ်အာရုံ ပင်လယ် ထဲတွင် ငွေရောင် မီးတောက်လေး တစ်ခုက အေးစက်စက်နှင့် တိတ်ဆိတ်စွာ တောက်လောင်နေလေသည်။

ဒါက မုန်လဲ့၏ ဝိညာဉ် မီးတောက်လေး ပါပဲ။

ရုတ်တရက်...

ရွှေရောင် အလင်းတန်းများ အမြောက်အမြား ထွက်ပေါ်လာပြီး အရပ်မျက်နှာ အသီးသီးမှ နေ၍ အပေါ်တွင် လွင့်မျောနေသော ငွေရောင် မီးတောက်လေး ဆီသို့ အရူးအမူး ပြေးဝင်သွားလေသည်။

ရွှေရောင် အလင်းတန်း တွေက ဓာတ်ဆီ တွေ အလား။

ရွှေရောင် အလင်းတန်း တွေက ထင်းခြောက် တွေ အလား။

ရွှေရောင် အလင်းတန်း တွေက သဘာဝ ဓာတ်ငွေ့ တွေ အလား။

"ဝုန်း..."

ထိတွေ့လိုက်သည်နှင့် ငွေရောင် မီးတောက်လေး က ရုတ်တရက် ကြီးထွားလာပြီး မျက်စိတစ်မှိတ် အတွင်းမှာပင် ကြီးမားလာလေသည်။

ကြီးထွားလာတယ်။

ကြီးထွားလာတယ်။

ကြီးထွားလာတယ်။

နှစ်ဆ...

သုံးဆ...

ဆယ်ဆ...

အဆနှစ်ဆယ်...

အဆငါးဆယ်...

"ဝုန်း..."

ငွေရောင် မီးတောက် က ယခင်ကထက် အဆ ၁၀၀ ခန့် ပိုမို ကြီးမားလာပြီး ပိုမို တောက်ပသော မီးတောက်ကြီး တစ်ခု အဖြစ် ပြောင်းလဲသွားလေသည်။

ထို့အပြင်... အရောင်လည်း ပြောင်းသွားလေသည်။

ငွေရောင် မဟုတ်တော့ဘဲ ရွှေရောင် အဖြစ် ပြောင်းသွားလေသည်။

ဟုတ်ပါတယ်... ရွှေရောင်ပါ။

အေးစက်စက် ငွေရောင် ဝိညာဉ် မီးတောက် ကနေ မျက်စိကျိန်းမတတ် တောက်ပတဲ့ ရွှေရောင် ဝိညာဉ် မီးတောက် အဖြစ် ပြောင်းသွားတာပါ။

ရွှေရောင် ဝိညာဉ် မီးတောက် က ကောင်းကင်ယံမှာ တောက်ပနေတဲ့ နေမင်းကြီး အလား ရွှေရောင် အလင်းတန်း တွေကို ထုတ်လွှတ်ပြီး အရပ်မျက်နှာ အသီးသီး ကို လွှမ်းခြုံကာ လေဟာနယ် တစ်ခုလုံး ကို လွှမ်းမိုးထားလေသည်။

ဝိညာဉ် က သာမန် ဝိညာဉ် မဟုတ်တော့ဘူး။

အဆင့်မြင့်ပြီး နတ်ဘုရား ဝိညာဉ် ဖြစ်သွားပြီ။

"ဒီခံစားချက် က... အရမ်းကို အံ့ဩစရာ ကောင်းလွန်းတယ်..."

မုန်လဲ့ က မျက်လုံးများကို မှိတ်ကာ တိတ်ဆိတ်စွာ လှဲလျောင်းနေပြီး ဝိညာဉ် အဆင့်တက်သွားခြင်းကြောင့် ဖြစ်ပေါ်လာသော အပြောင်းအလဲများကို ခံစားနေလေသည်။

အရာအားလုံးက အရမ်းကို သဘာဝ ကျလွန်းတယ်။

အရာအားလုံးက အရမ်းကို ရှုပ်ထွေးလွန်းတယ်။

ဒါပေမဲ့ အရာအားလုံးက အရမ်းကို ရိုးရှင်းလွန်းတယ်။

လေ က သာမန် လေ မဟုတ်တော့သလို လေ ကလည်း လေ ပါပဲ။

သစ်ပင် က သာမန် သစ်ပင် မဟုတ်တော့သလို သစ်ပင် ကလည်း သစ်ပင် ပါပဲ။

ရွေ့လျားနေတဲ့ လေထု ကတောင် သာမန် လေထု မဟုတ်တော့သလို လေထု ကလည်း လေထု ပါပဲ။

"ဒါက နတ်ဘုရားတစ်ဝက် အဆင့် လား..."

"အရမ်းကို အံ့ဩစရာ ကောင်းလွန်းတယ်..."

"ကောင်းကင်နဲ့ မြေကြီး ကို လွှမ်းခြုံထားပြီး လောကကြီး ကို ဖွဲ့စည်းထားတဲ့ ရွှေရောင် သံကြိုး တွေက လောက နိယာမ တွေလား..."

"လောက နိယာမ တွေကို လေ့လာရတာလည်း သိပ်မခက်ပါဘူး... မြူခိုး တွေ ဖယ်ရှားလိုက်သလို ပိုပြီး ရှင်းရှင်းလင်းလင်း မြင်ရတာပါပဲ..."

"လောက နိယာမ တွေ..."

မုန်လဲ့ က တိုးတိုးလေး ရေရွတ်လိုက်ပြီး စိတ်စွမ်းအင် ကို ပြန်ရုပ်သိမ်းကာ စိတ်အာရုံ ပင်လယ် ထဲသို့ ဝင်ရောက်သွားလေသည်။

အဖိုးအို ၏ အဆိုအရ နတ်ဘုရားတစ်ဝက် အဆင့်သို့ ရောက်ရှိသွားပါက ဝိညာဉ် က အဆင့်မြင့်သွားပြီး နတ်ဘုရား ဝိညာဉ် ဖြစ်သွားမည် ဖြစ်လေသည်။

နတ်ဘုရား ဝိညာဉ် မှာ သေဆုံးရန် ခဲယဉ်းလှသဖြင့် အပိုင်းပိုင်း အစအစ ဖြစ်သွားလျှင်ပင် ဖုန်မှုန့်လေး တစ်မှုန့်လောက် ကျန်ခဲ့ရင်တောင် နတ်ဘုရား တွေက နတ်ဘုရား ဝိညာဉ် အပိုင်းအစ လေး ကနေ ပြန်ပြီး အသက်ရှင်လာနိုင်ချေ ရှိလေသည်။

သူ့ရဲ့ ဝိညာဉ် အဆင့်တက်သွားပြီလား ဆိုတာကို မုန်လဲ့ အရမ်း သိချင်နေလေသည်။

"ဝိညာဉ် မီးတောက် က ရွှေရောင် ပြောင်းသွားပြီ..."

"ပြီးတော့ အရင်ကထက် အများကြီး ပိုအစွမ်းထက်လာတယ်..."

"ဒါက နတ်ဘုရား ဝိညာဉ် လား..."

"တကယ်ကို အံ့ဩစရာ ကောင်းလွန်းတယ်..."

မုန်လဲ့ အလွန် ဝမ်းသာနေသော်လည်း ချက်ချင်းပင် ဝမ်းနည်းသွားပြန်လေသည်။ "ငါသာ နတ်ဘုရား ဝိညာဉ် ကို စောစော ရခဲ့ရင် ကျောင်းအုပ်ကြီး သေရမှာ မဟုတ်ဘူး... ဟူး... ထားလိုက်ပါတော့... ဟို အဖြူရောင် ကြိုးလေး တွေက ဘာတွေလဲ..."

မုန်လဲ့ ၏ မြင်ကွင်းတွင် အဖြူရောင် ကြိုးလေးများ အမြောက်အမြား ထွက်ပေါ်လာလေသည်။

ထိုကြိုးလေးများက ဘယ်ကနေ လာမှန်း မသိသော်လည်း အင်တင်နာ ကြိုးလေးများ အလား ရွှေရောင် နတ်ဘုရား ဝိညာဉ် ပေါ်တွင် လာရောက် ဆက်သွယ်နေလေသည်။

မုန်လဲ့ အနည်းငယ် သံသယဖြစ်သွားပြီး နတ်ဘုရား ဝိညာဉ် စွမ်းအားများဖြင့် အဖြူရောင် ကြိုးလေး တစ်ချောင်းကို ထိတွေ့ကြည့်လိုက်လေသည်။

ချက်ချင်းဆိုသလိုပင် ကျေးဇူးတင်မှုများ ပြည့်နှက်နေသော အသံတစ်ခုက ဦးနှောက်ထဲသို့ ဝင်ရောက်လာလေသည်။ "ကိုကိုမုန်လဲ့... ညီမလေး ကိုကို့ကို အရမ်း အားကျတာပဲ ညီမလေး ကြီးလာရင် ကိုကို့ လို လူတစ်ယောက် ဖြစ်အောင် လုပ်မယ်..."

"အာ... ဒါ မော်နီကာ ရဲ့ အသံပဲ..." မုန်လဲ့ အနည်းငယ် အံ့အားသင့်သွားလေသည်။

မော်နီကာ ၏ နာမည် အပြည့်အစုံမှာ မော်နီကာ ဒရေပါ ဖြစ်ပြီး ရွာထဲမှ မိန်းကလေး တစ်ယောက် ဖြစ်ကာ လီယာ ဟတ်စတာ ဒရေပါ အမည်ရှိ အမြွှာ အစ်မ တစ်ယောက်လည်း ရှိလေသည်။

သူတို့ နှစ်ယောက်က မုန်လဲ့ နှင့် ဂျိုအန်နာ မှလွဲ၍ ရွာထဲတွင် မှော်ပါရမီ ပါသော တစ်ဦးတည်းသော သူများ ဖြစ်ကြလေသည်။

ထို့အပြင် သူတို့၏ မှော်ပါရမီ က ဂျိုအန်နာ ထက်ပင် ပိုကောင်းသေးပြီး မီးဓာတ် အထက်တန်း အဆင့် ပါရမီ ပါကြလေသည်။

"မော်နီကာ ရဲ့ အသံ က ဘာလို့ ငါ့ရဲ့ စိတ်အာရုံ ပင်လယ် ထဲကို ရောက်လာရတာလဲ..."

မုန်လဲ့ က အနည်းငယ် သံသယဖြစ်သွားပြီး အဖြူရောင် ကြိုးလေး အတိုင်း ဆက်ကြည့်လိုက်ရာ မော်နီကာ က ကုတင်ပေါ်တွင် အိပ်ပျော်နေပြီး အိပ်မက် မက်နေသကဲ့သို့ တိုးတိုးလေး ယောင်နေသည်ကို တွေ့လိုက်ရလေသည်။

"ထူးဆန်းတယ်... အရမ်း ထူးဆန်းတယ်..."

မုန်လဲ့ က အခြား အဖြူရောင် ကြိုးလေး များကို ထပ်မံ ရွေးချယ်လိုက်လေသည်။

"မုန်လဲ့... ကျေးဇူးတင်ပါတယ် မင်း လုပ်ပေးခဲ့တာတွေ အားလုံး အတွက် ကျေးဇူးတင်ပါတယ်..." ဒါက ဟာဒက်စ် အဖွဲ့မှူး ၏ အသံ ဖြစ်လေသည်။

"ကိုကိုမုန်လဲ့..." ဒါက ဂျိုအန်နာ ၏ အသံ ဖြစ်လေသည်။

"ငါ ဘယ်လိုလုပ် လူတိုင်းရဲ့ အသံ ကို ကြားနေရတာလဲ... ဟာဒက်စ် အဖွဲ့မှူး နဲ့ မော်နီကာ တို့က ထားပါတော့ ဂျိုအန်နာ က အင်ပါယာ မြို့တော် မှာလေ... ကီလိုမီတာ သောင်းနဲ့ချီ ဝေးတဲ့ နေရာမှာ ရှိနေတာကို... ဖြစ်နိုင်တာက... ဒါက ယုံကြည်မှု စွမ်းအင် လား..." မုန်လဲ့ မျက်လုံး ပြူးသွားလေသည်။

ယုံကြည်မှု ဆိုသည်မှာ အလွန် အံ့ဩစရာကောင်းသော အရာ တစ်ခု ဖြစ်ပြီး လူများကို ခွန်အား ဖြစ်စေကာ သန့်စင်စေနိုင်လေသည်။

ကောင်းကင်ယံ တိုက်ကြီး တွင် ယုံကြည်မှု က နောက်ထပ် ကြောက်စရာကောင်းသော အစွမ်း တစ်ခု ရှိသေးလေသည်။ အဲဒါကတော့ နတ်ဘုရား ဖြစ်လာစေခြင်းပင်။

ယုံကြည်သူ များများ ရှိလေ ယုံကြည်မှု ပိုများလေ ဖြစ်ကာ ယုံကြည်ခံရသူများက အများအပြား ရှိသော ယုံကြည်မှု စွမ်းအင် များကို အသုံးပြု၍ တစ်ဟုန်ထိုး အဆင့်တက်ကာ နတ်ဘုရား အဖြစ်သို့ ရောက်ရှိနိုင်လေသည်။

"မော်နီကာ ဟာဒက်စ် အဖွဲ့မှူး တို့က... ငါ့ကို ယုံကြည် ကိုးကွယ်နေကြတာလား..."

မုန်လဲ့ အနည်းငယ် ကြောင်အမ်းသွားလေသည်။ သူက ရွာ အတွက် အများကြီး လုပ်ပေးခဲ့တာ မဟုတ်ဘူး အလွယ်တကူ လုပ်ပေးခဲ့တာလေးတွေပဲ ရှိတာ ဒါပေမဲ့ ရွာသားတွေက သူ့ကို ယုံကြည် ကိုးကွယ်နေကြလိမ့်မယ်လို့ လုံးဝ မထင်ထားခဲ့ဘူး။

တကယ်ကို မထင်ထားခဲ့တာပဲ။

"ထားလိုက်ပါတော့... ယုံကြည်ချင်လည်း ယုံကြည်ပါစေပေါ့..."

မုန်လဲ့ က ဒီကိစ္စကို ဆက်မတွေးတော့ဘဲ အခြား အဖြူရောင် ကြိုးလေး များကို ဆက်ကြည့်လိုက်ရာ အားလုံးနီးပါးက မှော်သားရဲ ရွာမှ ရွာသားများချည်းသာ ဖြစ်နေသည်ကို တွေ့လိုက်ရလေသည်။

"ဒီလောက် များတဲ့ လူတွေက ငါ့ကို ယုံကြည် ကိုးကွယ်နေကြတာလား..."

"ယုံကြည်မှု စွမ်းအင် တွေက အကျိုးကျေးဇူး တွေ အများကြီး ရှိတယ်လို့ ကြားဖူးတယ်..."

"နတ်ဘုရား ဝိညာဉ် ကို အဆင့်မြှင့်ပေးနိုင်သလို လောက နိယာမ တွေကို လေ့လာရာမှာလည်း ပိုပြီး လွယ်ကူစေတယ်တဲ့..."

"ပြီးတော့ နတ်ဘုရားစွမ်းအား အဖြစ် ပြောင်းလဲနိုင်ပြီး နတ်ဘုရား တွေရဲ့ စွမ်းအားကို မြှင့်တင်ပေးနိုင်တယ် ဆိုတော့... တကယ့်ကို ဆေးစွမ်းကောင်း တစ်လက်ပဲ..."

"ဒါပေမဲ့ ငါ ဘာလို့ ယုံကြည်မှု စွမ်းအင် ရဲ့ အဲဒီ အစွမ်းတွေကို လုံးဝ မခံစားရတာလဲ..."

"ယုံကြည်သူ နည်းလို့များလား..."

"ထားလိုက်တော့..."

"ယုံကြည်မှု ဖြန့်ဝေဖို့ နဲ့ ယုံကြည်မှု စွမ်းအင် တွေ စုဆောင်းဖို့ ငါ့မှာ အချိန်မှ မရှိတာ..."

"ငွေကြေးသုံးပြီး အဆင့်မြှင့်ရင် ရနေတာပဲ..."

ထိုသို့ တွေးလိုက်ပြီးနောက် မုန်လဲ့ က စိတ်အာရုံ ပင်လယ် ထဲမှ ပြန်ထွက်လာပြီး သူ၏ အကြည့်များက အရည်အချင်း မှတ်တမ်း မျက်နှာပြင် ပေါ်သို့ ထပ်မံ ရောက်ရှိသွားလေသည်။

ပိုင်ဆိုင်မှု - နိယာမ အရင်းအမြစ် ကျောက်သလင်း ၁၃၈ ခု

ခန္ဓာကိုယ်ကြံ့ခိုင်မှု - နတ်ဘုရားတစ်ဝက် ခန္ဓာကိုယ် (အဆင့်နိမ့်)

စိတ်စွမ်းအင် - နတ်ဘုရားတစ်ဝက် ဝိညာဉ် (အဆင့်နိမ့်)

မှော်စွမ်းအင် - မြင့်မြတ်သောနယ်မြေ (၁၀.၃၇၁၀၈၇၆၅ ဘီလီယံ / ၁၀၀၀ ဘီလီယံ)

"ခန္ဓာကိုယ်ကြံ့ခိုင်မှု နဲ့ စိတ်စွမ်းအင် တွေက အဆင့်မြင့်သွားပြီ... အခု မှော်စွမ်းအင် တစ်ခုပဲ ကျန်တော့တယ်... ငွေကြေးသုံးပြီး အဆင့်မြှင့်လိုက်ရမလား... ပြီးပြည့်စုံအောင်လို့..."

မုန်လဲ့ က မေးစေ့ကို ပွတ်သပ်ကာ တွေဝေသွားလေသည်။ မှော်စွမ်းအင် အဆင့်မြင့်သွားရင် ဘာဖြစ်သွားမလဲ။

နတ်ဘုရားစွမ်းအား လား။

တကယ်လို့သာ နတ်ဘုရားစွမ်းအား ဖြစ်သွားရင် သူက တကယ့်ကို အစစ်အမှန် နတ်ဘုရားတစ်ဝက် ဖြစ်သွားပြီပေါ့။

နတ်ဘုရားတစ်ဝက် ခန္ဓာကိုယ်။

နတ်ဘုရားတစ်ဝက် ဝိညာဉ်။

နတ်ဘုရားစွမ်းအား။

အခုလိုမျိုး နတ်ဘုရားတစ်ဝက် ခန္ဓာကိုယ် နဲ့ နတ်ဘုရားတစ်ဝက် ဝိညာဉ် ပဲ ရှိပြီး နတ်ဘုရားစွမ်းအား မရှိတဲ့ နတ်ဘုရားတစ်ဝက် အတုအယောင် မဟုတ်တော့ဘူးလေ။

ဒါပေမဲ့ ပြဿနာက မှော်စွမ်းအင် ကို ငွေကြေးသုံးပြီး အဆင့်မြှင့်ဖို့ နိယာမ အရင်းအမြစ် ကျောက်သလင်း ၁၀၀ တောင် လိုတာလေ။

ဒါကိုသာ သုံးလိုက်ရင် သူက စာရင်းဇယား အရ သူတောင်းစား ပြန်ဖြစ်သွားမှာ။

အဆင့်မြှင့်မလား။

မမြှင့်ဘူးလား။

"ထားလိုက်တော့... အဆင့်မြှင့်လိုက်မယ်... စနစ်... နိယာမ အရင်းအမြစ် ကျောက်သလင်း ၁၀၀ သုံးပြီး မှော်စွမ်းအင် ကို အဆင့်မြှင့်မယ်..."

ရွှစ်...

ပိုင်ဆိုင်မှု များ ထပ်မံ လျော့ကျသွားလေသည်။

မုန်လဲ့ ၏ ခန္ဓာကိုယ်တွင်းရှိ မှော်စွမ်းအင် များက ဆူပွက်လာသကဲ့သို့ ဖြစ်သွားပြီးနောက် ဦးနှောက်ထဲသို့ ညီညာစွာ စီးဝင်သွားကာ မျက်စိတစ်မှိတ် အတွင်းမှာပင် အားလုံး ဝင်ရောက်သွားလေသည်။

အချိန်ခဏလေး အတွင်းမှာပင် မုန်လဲ့ ၏ ခန္ဓာကိုယ်က အားအင် ကုန်ခမ်းသွားသကဲ့သို့ ဖြစ်သွားပြီး အလွန် အားနည်းသွားလေသည်။

သို့သော် ထိုသို့ အားနည်းသွားသည့် ခံစားချက်က ကြာရှည် မခံလိုက်ပေ။ ဦးနှောက်ထဲမှ ပိုမို ကြီးမားသော စွမ်းအင် တစ်ခု ထွက်ပေါ်လာပြီး ခန္ဓာကိုယ် အနှံ့အပြားသို့ ချက်ချင်း ပြန့်နှံ့သွားလေသည်။

ထိုစွမ်းအင်က အလွန် ကြောက်စရာ ကောင်းလွန်းလှပြီး မုန်လဲ့ ၏ ခန္ဓာကိုယ်တွင်းမှ အဆုံးမရှိသော ခွန်အားများ ပေါက်ကွဲထွက်လာသကဲ့သို့ ခံစားရကာ လက်သီး တစ်ချက်တည်းဖြင့် တိုက်ကြီး တစ်ခုလုံးကို ဖျက်ဆီးပစ်နိုင်မည့် အတိုင်းပင် ဖြစ်လေသည်။

မုန်လဲ့ က အလျင်စလို စစ်ဆေးကြည့်လိုက်ရာ မှော်စွမ်းအင် များ ပျောက်ကွယ်သွားပြီး အသစ်သော စွမ်းအင် တစ်ခု ဖြင့် အစားထိုး ဝင်ရောက်လာသည်ကို တွေ့လိုက်ရလေသည်။

ထိုစွမ်းအင်များက ခန္ဓာကိုယ် အနှံ့အပြားတွင် ပြည့်နှက်နေပြီး ရွှေရောင် အလင်းတန်းလေးများ တောက်ပနေကာ ကြောက်စရာကောင်းသော ဖိအားကြီး တစ်ခုကို ထုတ်လွှတ်နေလေသည်။

ဒီဖိအားကို မုန်လဲ့ က အရမ်း ရင်းနှီးနေလေသည်။

"နတ်ဘုရားစွမ်းအား... တကယ်ပဲ နတ်ဘုရားစွမ်းအား ဖြစ်နေတာပဲ..."

မုန်လဲ့ က အရည်အချင်း မှတ်တမ်း မျက်နှာပြင် ကို အလျင်စလို ကြည့်လိုက်လေသည်။

ပိုင်ဆိုင်မှု - နိယာမ အရင်းအမြစ် ကျောက်သလင်း ၃၈ ခု

ခန္ဓာကိုယ်ကြံ့ခိုင်မှု - နတ်ဘုရားတစ်ဝက် ခန္ဓာကိုယ် (အဆင့်နိမ့်)

စိတ်စွမ်းအင် - နတ်ဘုရားတစ်ဝက် ဝိညာဉ် (အဆင့်နိမ့်)

နတ်ဘုရားစွမ်းအား - ၀.၁ နတ်ဘုရား ကျောက်သလင်း

"မှော်စွမ်းအင် က... တကယ်ပဲ နတ်ဘုရားစွမ်းအား အဖြစ် ပြောင်းသွားတာပဲ... ၀.၁ နတ်ဘုရား ကျောက်သလင်း ဟုတ်လား... စနစ်... နတ်ဘုရား ကျောက်သလင်း ဆိုတာ ဘာလဲ..."

"သတိပေးချက် - နတ်ဘုရား ကျောက်သလင်း ဆိုတာ နတ်ဘုရားစွမ်းအား ကျောက်သလင်း ပဲ... နတ်ဘုရားစွမ်းအား ကို တိုင်းတာတဲ့ ယူနစ် တစ်ခု ဖြစ်သလို နတ်ဘုရား တွေ အကြားမှာ သုံးတဲ့ ငွေကြေး လည်း ဖြစ်တယ်... ပုံမှန်အားဖြင့် နတ်ဘုရားစွမ်းအား အစက် ၁၀၀ က နတ်ဘုရား ကျောက်သလင်း ၁ ခု နဲ့ ညီမျှတယ်..." စနစ် က အေးစက်စက် ဖြင့် ပြန်ဖြေလိုက်လေသည်။

"ဆိုလိုတာက ငါ့ဆီမှာ နတ်ဘုရားစွမ်းအား ၁၀ စက် ပဲ ရှိသေးတာပေါ့... ဒါက အရမ်း နည်းလွန်းတယ်... ဒီလောက် နတ်ဘုရားစွမ်းအား လေး နဲ့ ဘာလုပ်လို့ ရမှာလဲ... လုံခြုံမှု မရှိသလို ခံစားရတယ်... ငွေကြေးသုံးပြီး အဆင့်မြှင့်မယ်... အရင်ဆုံး ၁၀ နတ်ဘုရား ကျောက်သလင်း လောက် အဆင့်မြှင့်ထားဦးမယ်..." မုန်လဲ့ မျက်တောင်လေးများ ခတ်လိုက်သည်။

"သတိပေးချက် - ၁ နတ်ဘုရား ကျောက်သလင်း အဆင့်မြှင့်ဖို့ အတွက် နိယာမ အရင်းအမြစ် ကျောက်သလင်း ၁၀၀၀၀ လိုအပ်ပါတယ်..."

"နိယာမ အရင်းအမြစ် ကျောက်သလင်း ၁၀၀၀၀ ဟုတ်လား... ဒုက္ခပါပဲ... အရမ်း ဈေးကြီးလွန်းတယ် မဟုတ်လား..." မုန်လဲ့ ဒေါသထွက်လွန်း၍ ခုန်တက်မတတ် ဖြစ်သွားလေသည်။

"၁ နတ်ဘုရား ကျောက်သလင်း ကို နတ်ဘုရားစွမ်းအား အစက် ၁၀၀ နဲ့ ညီတယ်... ၁ နတ်ဘုရား ကျောက်သလင်း ကို နိယာမ အရင်းအမြစ် ကျောက်သလင်း ၁၀၀၀၀ ပေးရတယ်... ဆိုလိုတာက ၁ နတ်ဘုရားစွမ်းအား ကို နိယာမ အရင်းအမြစ် ကျောက်သလင်း ၁၀၀ လား... အမလေး... နတ်ဘုရားစွမ်းအား တစ်စက် က နိယာမ အရင်းအမြစ် ကျောက်သလင်း ၁၀၀ တောင် လိုတာလား... ခွေးစနစ်... မင်းက အရမ်း အမြတ်ကြီးစားလွန်းတယ် မဟုတ်လား..."

မုန်လဲ့ သေးထွက်ကျမတတ် ဖြစ်သွားလေသည်။

နိယာမ အရင်းအမြစ် ကျောက်သလင်း ၁၀၀ ဆိုရင် အကန့်အသတ်မဲ့ ကောက်ယူခြင်း ကို အကြိမ် ၁၀၀ တောင် သုံးလို့ ရတာလေ။

နိယာမ အရင်းအမြစ် ကျောက်သလင်း ၁၀၀ ဆိုရင် နတ်ဘုရားသတ်ကြွက် သွေးမျိုးဆက် ပေါင်းစပ်မှု ကို ၁၀% တောင် မြှင့်တင်လို့ ရတာလေ။

ဒါပေမဲ့ အခုတော့ နိယာမ အရင်းအမြစ် ကျောက်သလင်း ၁၀၀ နဲ့ နတ်ဘုရားစွမ်းအား တစ်စက်တည်း ရမယ် ဆိုတော့ အရမ်း လွန်လွန်းတယ် မဟုတ်ဘူးလား။

စနစ် က ဘာမှ ပြန်မဖြေဘဲ မုန်လဲ့ ကို တိတ်ဆိတ်စွာ ထားခဲ့လေသည်။

"ချီးပဲ... အရမ်း အမြတ်ကြီးစားတယ်..."

မုန်လဲ့ အရမ်း မကျေမနပ် ဖြစ်နေသော်လည်း ဘာမှ မတတ်နိုင်ပေ။ သူ ခုနကတော့ နည်းနည်း ပျော်သွားခဲ့သေးတာ။

ဘာလို့လဲဆိုတော့ နောက်ပိုင်းမှာ နတ်ဘုရား ဝိညာဉ် ကို ငွေကြေးသုံးပြီး အဆင့်မြှင့်လို့ မရတော့သလို ခန္ဓာကိုယ် ကိုလည်း တိုက်ရိုက် ငွေကြေးသုံးပြီး အဆင့်မြှင့်လို့ မရတော့ဘူးလေ။

နတ်ဘုရားစွမ်းအား တစ်ခုပဲ ငွေကြေးသုံးပြီး အဆင့်မြှင့်လို့ ရတော့တာ။

ဒါပေမဲ့ အခုတော့ ဒီလို ဖြစ်သွားပြန်ပြီ။

နိယာမ အရင်းအမြစ် ကျောက်သလင်း ၁၀၀ မှ နတ်ဘုရားစွမ်းအား ၁ စက် ရမယ် ဆိုတော့ လုယက်နေတာလား။

တရားမျှတမှု ရော ရှိသေးရဲ့လား ဥပဒေ ရော ရှိသေးရဲ့လား။

"အရင်ကတော့ ငါ ညတွင်းချင်း ချမ်းသာသွားပြီး အောင်မြင်မှု တွေ ရတော့မယ် ထင်နေတာ... ဒါပေမဲ့ အခုတော့... သူတောင်းစား ပြန်ဖြစ်သွားပြန်ပြီ... နတ်ဘုရားသတ်ကြွက် သွေးမျိုးဆက် ပေါင်းစပ်မှု ကို အဆင့်မြှင့်ဖို့ ကလည်း ပိုက်ဆံ လိုတယ်... နတ်ဘုရားစွမ်းအား ကို အဆင့်မြှင့်ဖို့ ကလည်း ပိုက်ဆံ လိုတယ်... နိယာမ အသိတရား ကို အဆင့်မြှင့်ဖို့ ကလည်း ပိုက်ဆံ လိုတယ်... နေရာတိုင်းမှာ ပိုက်ဆံ လိုနေတယ်... ပြီးတော့ သာမန် ပိုက်ဆံ မျိုးတောင် မဟုတ်ဘူး အရမ်း များပြားတဲ့ ပိုက်ဆံ တွေ လိုတာ..."

ဒါတွေက ထားပါတော့ အနည်းဆုံးတော့ ငွေကြေးသုံးပြီး အဆင့်မြှင့်လို့ ရသေးတယ်လေ။ မုန်လဲ့ အနေနဲ့ အခု လက်ရှိ စွမ်းအားနဲ့ ဆိုရင် နည်းနည်း ကြိုးစားလိုက်ရင် ပိုက်ဆံ အလုံအလောက် ပြန်ရှာနိုင်မယ် လို့ ယုံကြည်နေလေသည်။

ပြဿနာ က နတ်ဘုရား ဝိညာဉ် ပဲ။

နတ်ဘုရား ဝိညာဉ် က ငွေကြေးသုံးပြီး အဆင့်မြှင့်လို့ မရတော့ဘူး။

ဒီတော့ ဘယ်လို အဆင့်မြှင့်ရမလဲ။

မုန်လဲ့ က တွေးတောနေလေသည်။ တရားထိုင်ခြင်း က စိတ်စွမ်းအင် ကို မြင့်တက်စေသလို နတ်ဘုရား ဝိညာဉ် ကိုလည်း မြင့်တက်စေနိုင်မည် ဖြစ်လေသည်။

ဒါပေမဲ့ အမြန်နှုန်း ကတော့ ပြောနေစရာတောင် မလိုတော့ပါဘူး။

"နတ်ဘုရား ဝိညာဉ် ကို မြှင့်တင်ဖို့ နောက်ထပ် နည်းလမ်း တစ်ခု ရှိသေးတယ်... အဲဒါကတော့ ယုံကြည်မှု စွမ်းအင် တွေ စုဆောင်းတာပဲ... ယုံကြည်မှု စွမ်းအင် ဆိုတာ နတ်ဘုရား ဝိညာဉ် ကို အဆင့်မြှင့်ပေးတဲ့ အကောင်းဆုံး ဆေးပဲ... လုံလောက်တဲ့ ယုံကြည်မှု စွမ်းအင် တွေသာ ရှိရင်... ဒါပေမဲ့ ကောင်းကင်ယံ တိုက်ကြီး က ယုံကြည်မှု စွမ်းအင် တွေက ခွဲဝေယူပြီးသား ဖြစ်နေပြီလေ... ငါက ဘယ်သွားပြီး ယုံကြည်မှု တွေ ဖြန့်ဝေရမလဲ... ခေါင်းကိုက်လိုက်တာ..."

မုန်လဲ့ က တွေးတောနေစဉ်မှာပင် မှော်ဆက်သွယ်ရေး ကိရိယာ က ရုတ်တရက် မြည်လာရာ မုန်လဲ့ ထုတ်ကြည့်လိုက်ရာ ကျောင်းအုပ်ကြီး ဖရက်ဒ် ဆီမှ ဖြစ်နေလေသည်။

"မုန်လဲ့... မင်း အခု ဘယ်မှာလဲ..." ကျောင်းအုပ်ကြီး ဖရက်ဒ် ၏ မျက်နှာက အနည်းငယ် မကောင်းပေ။

"ကျွန်တော် မှော်သားရဲ ရွာမှာပါ..."

"မှော်သားရဲ ရွာ..." ကျောင်းအုပ်ကြီး ဖရက်ဒ် အနည်းငယ် ကြောင်အမ်းသွားပြီးနောက် ချက်ချင်း သဘောပေါက်သွားလေသည်။ "မင်းက ဘာလို့ မှော်သားရဲ ရွာ ရောက်နေတာလဲ... ပျောက်ဆုံးနေသော တိုက်ကြီး မှာ မဟုတ်ဘူးလား..."

"ကျောင်းအုပ်ကြီး... အကြောင်းစုံ ကတော့ ပြောရရင် ရှည်ပါတယ်... ကျောင်းအုပ်ကြီး ကျွန်တော့်ကိုခေါ်တာ ကိစ္စ ရှိလို့လား..." မုန်လဲ့ က ခေါင်းခါလိုက်ပြီး သံသယဖြစ်စွာဖြင့် မေးလိုက်လေသည်။

"ပြဿနာကြီး တက်ပြီ... ဘာဘာရိုဆာ မင်းသား သေသွားပြီ... ဧကရာဇ်မင်းမြတ် အချစ်ဆုံး ၁၃ ပါးမြောက် မင်းသမီး လည်း သေသွားပြီ..."