အခန်း ၂၃၄

အခန်း ၂၃၄။ နတ်ဘုရား ကိုယ်ပွား ငါးခု၊ မိစ္ဆာ ဝင်စားခြင်း

"ဒိုဒိုလာ... ငါ့ကို အမြင့်ဆုံး နိယာမ ငါးမျိုး ရဲ့ ပေါင်းစပ်နည်း တွေကို မြန်မြန် ပြောပြပါ..."

မုန်လဲ့ က ဒိုဒိုလာ ကို ကြည့်ကာ မျက်လုံးများတွင် မျှော်လင့်ချက်များ ပြည့်နှက်နေလေသည်။ သူက ရူးသွပ်တဲ့ အကြံအစည် တစ်ခုကို ရုတ်တရက် တွေးမိလိုက်ခြင်း ဖြစ်သည်။ သူက ဒီ အမြင့်ဆုံး နိယာမ ၅ မျိုးလုံးကို တတ်ကျွမ်းအောင် လုပ်နိုင်မလား။

သီအိုရီ အရ ပြောရရင်... ဒါက အတော်လေး ဖြစ်နိုင်ခြေ ရှိပါတယ်။

"မင်း ဘာလုပ်ချင်တာလဲ..."

ဒိုဒိုလာ လန့်သွားလေသည် "မင်းက ဒီ အမြင့်ဆုံး နိယာမ ၅ မျိုးလုံး ကို နားလည်အောင် လုပ်ချင်နေတာလား..."

"ဘာလို့ မရရမှာလဲ..."

မုန်လဲ့ နှုတ်ခမ်းကို လျှာဖြင့် သပ်လိုက်လေသည် "ဒါက နိယာမ ၅ မျိုး ကို ပေါင်းစပ်တာပဲလေ... ငါ့အတွက်တော့ သိပ်မခက်ပါဘူး..."

"သိပ်မခက်ဘူး"

ဒိုဒိုလာ က အဆုံးအစမရှိတဲ့ စကြဝဠာ ကြီး မှာ အရမ်း မောက်မာတဲ့ စကား ကို ကြားလိုက်ရသလို ခံစားလိုက်ရပြီး... သူ ဒေါသထွက်သွားလေသည် "မုန်လဲ့... မင်း အရမ်း မောက်မာနေပြီ... နိယာမ ၅ မျိုး ပေါင်းစပ်တယ် ဆိုတာ ဘာကို ဆိုလိုလဲ ဆိုတာ မင်း လုံးဝ နားမလည်သေးဘူး..."

"ပြီးပြည့်စုံတဲ့ နတ်ဘုရား"

"အဆုံးအစမရှိတဲ့ စကြဝဠာ ကြီး မှာ ပြီးပြည့်စုံတဲ့ နတ်ဘုရား ဘယ်နှစ်ပါး ရှိလဲ ဆိုတာ မင်း သိလား... မင်းကို ပြောပြမယ်... နတ်ဘုရား တွေ အားလုံးရဲ့ အထက်မှာ ရှိတဲ့ ပင်မ နတ်ဘုရား တွေထက်တောင် ရှားပါးသေးတယ်..."

"အဆုံးအစမရှိတဲ့ စကြဝဠာ ကြီး... နှစ်ပေါင်း မရေမတွက်နိုင်တဲ့ အချိန်တွေ ဖြတ်သန်းလာတာတောင်... အခုအချိန်အထိ ပြီးပြည့်စုံတဲ့ နတ်ဘုရား ဆိုတာ လက်ချိုးရေလို့ ရတဲ့ အနည်းငယ်လေး ပဲ ရှိတာ... ပြီးပြည့်စုံတဲ့ နတ်ဘုရား က ဘယ်လောက်တောင် ရှားပါးလဲ..."

"ပင်မ နတ်ဘုရား ထက်တောင် နည်းသေးတာလား... တကယ်ကို ရှားပါးတာပဲ..." မုန်လဲ့ က မငြင်းဆိုပေ။

"နိယာမ ၅ မျိုး ပေါင်းစပ်ဖို့ ဘယ်လောက် ခက်ခဲလဲ ဆိုတာ မင်း သိလား... တခြားဟာ တွေ မပြောနဲ့... မင်းတို့ ကောင်းကင်ယံ တိုက်ကြီး ရဲ့ စစ်မှန်တဲ့ နတ်ဘုရား လေးပါး ထဲက နတ်သမီး ဘုရင်မ ကိုပဲ ကြည့်..."

ဒိုဒိုလာ က အော်ဟစ်လိုက်လေသည် "သူမ မှာ သစ်သား မူလ နတ်ဘုရား ခန္ဓာကိုယ် ရှိတယ်... ယုံကြည်သူ တွေ အများကြီး ရှိတယ်... ပြီးတော့ နောက်ကွယ်မှာ သဘာဝ နတ်သမီး အဖွဲ့အစည်း ကလည်း အပြည့်အဝ ထောက်ပံ့ပေးထားတယ်..."

"ဒါတောင် နှစ်ပေါင်း ၂ သိန်း ကြာတာတောင်... သူမ က အများဆုံး အခြေခံ နိယာမ ၃ မျိုး လောက်ပဲ ပေါင်းစပ်နိုင်သေးတာ... မင်း စဉ်းစားကြည့်... နိယာမ ၅ မျိုး ပေါင်းစပ်ဖို့ ဆိုတာ ဘယ်လောက်တောင် ခက်ခဲလဲ ဆိုတာ..."

"တကယ် ခက်ခဲပါတယ်..."

မုန်လဲ့ က အခုထိ မငြင်းဆိုသေးပေ။

"မုန်လဲ့... မင်းက အရမ်း စွမ်းတယ် ဆိုတာ ငါ သိတယ်... မင်းကိုယ်မင်း ယုံကြည်မှု ရှိတယ် ဆိုတာ လည်း ငါ သိတယ်..."

ဒိုဒိုလာ က မုန်လဲ့ ကို အသေအချာ ကြည့်ကာ "ဒါပေမဲ့... ပြီးပြည့်စုံတဲ့ နတ်ဘုရား ဖြစ်လာဖို့ ဆိုတာ တကယ်ကို အရမ်း ခက်ခဲလွန်းတယ်... သာမန်လူ တွေ ကောင်းကင် ပေါ် တက်ဖို့ထက် အဆ သန်း ၁၀၀ လောက် ပိုခက်တယ် လို့ ငါ မင်းကို ပြောရမယ်..."

"ဒါကြောင့်... ဒီလို မဖြစ်နိုင်တဲ့ အတွေး တွေကို အစောကြီး ကတည်းက ဖျောက်ဖျက်လိုက်ပါ... မဖြစ်နိုင်ဘူး..."

"အခု မင်း လုပ်ရမှာ က... လျှပ်စီး၊ မီး၊ လေ၊ အလင်း၊ အမှောင် ဆိုတဲ့ အခြေခံ နိယာမ ၅ မျိုး ကို ပေါင်းစပ်ပြီး... အချိန် နိယာမ ကို နားလည်အောင် လုပ်ဖို့ပဲ... အိုကေ လား..."

ဒီတစ်ခါတော့ မုန်လဲ့ ခေါင်းခါလိုက်လေသည်။

"ဒိုဒိုလာ... မင်းရဲ့ အဓိပ္ပာယ် ကို ငါ အပြည့်အဝ နားလည်ပါတယ်... ငါ အချိန် နိယာမ ကို သေချာပေါက် နားလည်အောင် လုပ်ပြီး... အချိန်ကာလ နတ်ဘုရား ရဲ့ အမွေ ကို ဆက်ခံမှာပါ..."

မုန်လဲ့ စကားလမ်းကြောင်း လွှဲလိုက်လေသည် "ဒါပေမဲ့ ပျက်စီးခြင်း နိယာမ၊ အသက် နိယာမ၊ လေဟာနယ် နိယာမ၊ သေခြင်း နိယာမ ဆိုတဲ့ အမြင့်ဆုံး နိယာမ ၄ မျိုး ကို လည်း ငါ လုံးဝ အရှုံးမပေးပါဘူး..."

"ပြီးတော့..."

"အခြေခံ နိယာမ ၁၀ မျိုးလုံး ကို တစ်ခုတည်း ဖြစ်အောင် ငါ ပေါင်းစပ်ချင်သေးတယ်... ဒီ အခြေခံ နိယာမ ၁၀ မျိုးလုံး တစ်ခုတည်း ဖြစ်သွားရင်... ဘာတွေ ဆက်ဖြစ်မလဲ ဆိုတာ ငါ အရမ်း သိချင်နေပြီ..."

"ရူးနေပြီ မင်း လုံးဝ ရူးနေပြီ..."

ဒိုဒိုလာ လုံးဝ စိတ်မရှည်တော့ဘဲ အော်ဟစ်လိုက်လေသည် "မုန်လဲ့... မင်း ဒီလို လုပ်ရင် ကိုယ့်ကိုယ်ကိုယ် ဖျက်ဆီးပစ်တာနဲ့ အတူတူပဲ..."

"တော်ပါတော့... ဘယ်လို လုပ်ရမလဲ ဆိုတာ ငါ့စိတ်ထဲမှာ အစီအစဉ် ရှိပါတယ်... မင်း ငါ့ကို မတားပါနဲ့တော့..."

မုန်လဲ့ လက်ယမ်းပြလိုက်လေသည် "ကျန်တဲ့ အမြင့်ဆုံး နိယာမ ၄ မျိုး ရဲ့ ပေါင်းစပ်နည်း တွေကို ငါ့ကို မြန်မြန် ပြောပြပါ... ဒါမှ ငါလည်း အလကား ပိုက်ဆံတွေ မဖြုန်းမိမှာ..."

"မင်း တကယ်ပဲ ဒီလို လုပ်ချင်တာလား..."

ဒိုဒိုလာ က မုန်လဲ့ ကို စူးစိုက်ကြည့်နေလေသည်။

"ဟုတ်တယ်..."

မုန်လဲ့ က အသေအချာ ခေါင်းညိတ်လိုက်ပြီး လုံးဝ သံသယ မရှိပေ။

"ကျန်တဲ့ အမြင့်ဆုံး နိယာမ ၄ မျိုး ရဲ့ ပေါင်းစပ်နည်း တွေကို ငါ မင်းကို ပြောပြလို့ ရပါတယ်... ဒါပေမဲ့ မင်း ငါ့ကို ကတိတစ်ခု ပေးရမယ်... အချိန် နိယာမ ကို မဖြစ်မနေ နားလည်အောင် လုပ်ပြီး... အချိန်ကာလ နတ်ဘုရား ရဲ့ အမွေ ကို ဆက်ခံရမယ်... ဒါက ငါ့ရဲ့ အနိမ့်ဆုံး သတ်မှတ်ချက် ပဲ..."

ဒိုဒိုလာ ၏ မျက်နှာမှာ အလွန် တည်ကြည်နေလေသည်။

"အချိန် နိယာမ က ဒီလောက်တောင် စွမ်းအားကြီးတာ... ငါက ဘယ်လိုလုပ် လက်လွတ်ခံမှာလဲ..." မုန်လဲ့ ရယ်မောလိုက်လေသည် "ငါ့ရဲ့ ရည်မှန်းချက် တွေက အရမ်း ကြီးမားတယ်... မင်းထင်ထားတာထက် အများကြီး ပိုကြီးတယ်..."

"ဟားဟား..."

ဒိုဒိုလာ က ဒီစကား ကို အလေးမထားပေ။ ရည်မှန်းချက် ကြီးတော့ရော ဘာဖြစ်လဲ။ ဒါပေမဲ့ သူက မုန်လဲ့ ကို ကျန်တဲ့ အမြင့်ဆုံး နိယာမ ၄ မျိုး ရဲ့ ပေါင်းစပ်နည်း တွေကို ပြောပြလိုက်လေသည်။

"မြေ-သစ်-လျှပ်စီး... သတ္တု-အမှောင်-မီး..."

မုန်လဲ့ အံ့ဩသွားလေသည် "မင်း ပြောတဲ့ အတိုင်း ဆိုရင်... ငါက တကယ်ပဲ ပျက်စီးခြင်း နိယာမ နဲ့ အသက် နိယာမ ဆိုတဲ့ လမ်းကြောင်း နှစ်ခု ဆီကို ရောက်သွားတာလား..."

"ဒါပေါ့"

ဒိုဒိုလာ အလွန် မကျေမနပ် ဖြစ်နေလေသည် "မင်းရဲ့ ပေါင်းစပ်တဲ့ လမ်းကြောင်း အတိုင်း ဆိုရင်... ပျက်စီးခြင်း နိယာမ နဲ့ အသက် နိယာမ ကို အရင်ဆုံး နားလည်သွားဖို့ အခွင့်အရေး များတယ်... ဒါဆို အချိန် နိယာမ ကရော ဘယ်လို လုပ်မလဲ..."

"စိတ်ချပါ... တစ်ခုမှ လျော့သွားမှာ မဟုတ်ပါဘူး..."

မုန်လဲ့ နှုတ်ခမ်းကို လျှာဖြင့် သပ်လိုက်လေသည် "ငါ အမြင့်ဆုံး နိယာမ တစ်ခု ကို နားလည်သွားတာနဲ့... နတ်ဘုရား ဝိညာဉ် ကို ခွဲထုတ်ပြီး... ပြီးပြည့်စုံတဲ့ နတ်ဘုရား ကိုယ်ပွား တစ်ခု ကို အရင်ဆုံး ဖန်တီးလိုက်မယ်..."

"ပြီးပြည့်စုံတဲ့... နတ်ဘုရား ကိုယ်ပွား"

ဒိုဒိုလာ အနည်းငယ် ကြောင်သွားလေသည်။

အမြင့်ဆုံး နိယာမ တစ်ခု ကို အရင်ဆုံး နားလည်အောင် လုပ်ပြီး... အဲဒီ အမြင့်ဆုံး နိယာမ ကို အခြေခံပြီး နတ်ဘုရား မီးတောက် ကို လင်းထိန်စေကာ... နတ်ဘုရား အမြုတေ ကို ပုံဖော်လိုက်မယ် ဆိုရင်... သီအိုရီ အရ ဆိုရင်တော့ ပြီးပြည့်စုံတဲ့ နတ်ဘုရား ဖြစ်လာနိုင်တာ အမှန်ပါပဲ။

ပြီးပြည့်စုံတဲ့ နတ်ဘုရား ဆိုတာ နိယာမ ၅ မျိုး ကို တစ်ခုတည်း အဖြစ် ပေါင်းစပ်ထားတဲ့ စစ်မှန်တဲ့ နတ်ဘုရား ကို ခေါ်တာ မဟုတ်လား။

နတ်ဘုရားတစ်ဝက် ကနေ တိုက်ရိုက် ပြီးပြည့်စုံတဲ့ နတ်ဘုရား ဖြစ်သွားမှာလား။

ဒါကလည်း ပြီးပြည့်စုံတဲ့ နတ်ဘုရား ဖြစ်လာမယ့် နည်းလမ်း တစ်ခုလား။

ဒိုဒိုလာ အနည်းငယ် သံသယ ဖြစ်သွားလေသည်။

"ငါ အမြင့်ဆုံး နိယာမ ၅ မျိုးလုံး ကို နားလည်သွားတဲ့ အခါကျရင်... ငါ့မှာ ပြီးပြည့်စုံတဲ့ နတ်ဘုရား ကိုယ်ပွား ၅ ခု ရှိလာလိမ့်မယ်... တိုက်ခိုက်တဲ့ အခါကျရင် အကုန်လုံး ကို ထုတ်သုံးလိုက်မယ် ဆိုရင်... လူတွေကို လန့်သေသွားစေနိုင်တယ်..."

မုန်လဲ့ ဟီးဟီး ရယ်မောလိုက်ပြီး သွားရည်များပင် ကျလာလေသည် "ဟားဟား... စဉ်းစားကြည့်ရုံနဲ့တင် အရမ်း စိတ်လှုပ်ရှားဖို့ ကောင်းနေပြီ..."

"ပြီးပြည့်စုံတဲ့ နတ်ဘုရား ကိုယ်ပွား ၅ ခု..."

ဒိုဒိုလာ တံတွေး မျိုချလိုက်မိလေသည်။

"ထားလိုက်ပါတော့... အခုချိန်မှာ ဒါတွေကို စဉ်းစားဖို့က အရမ်း စောသေးတယ်... ငါ ပိုက်ဆံ သေချာ ရှာတာပဲ ကောင်းပါတယ်..."

စကားပြောပြီးနောက် မုန်လဲ့ က အချိန်ကာလ မျှော်စင် မှ ထွက်လာခဲ့လေသည်။

"ပိုက်ဆံရှာမယ်"

ဒိုဒိုလာ လုံးဝ နားမလည် ဖြစ်သွားလေသည် "နိယာမ ပေါင်းစပ်တာ နဲ့ ပိုက်ဆံရှာတာ နဲ့ ဘာဆိုင်လို့လဲ..."

...

ဂန္ဓမာဝက် တွေက အဆင့် ၁ မှော်သားရဲ တွေပဲ ဖြစ်လို့ အရသာ က သိပ်မကောင်းလှပေမဲ့... နတ်ဘုရားတစ်ဝက် ၄ ပါး ကတော့ အရမ်း အားရပါးရ စားသောက်နေကြပြီး... နတ်ပြည် က အစားအစာ တွေကို စားနေရသလိုမျိုး ဖြစ်နေလေသည်။

မုန်လဲ့ လည်း အေးအေးဆေးဆေး စားသောက်နေပြီး... သူ၏ နတ်ဘုရား အာရုံ များကို တိုက်တန် မြို့တော် ကြီး တစ်ခုလုံး ကို လွှမ်းခြုံထားကာ တိုက်တန် အင်ပါယာ ၏ ရတနာတိုက် ကို ရှာဖွေနေလေသည်။

"မတွေ့ဘူးလား..."

"တိုက်တန် အင်ပါယာ လည်း နဂါးနတ်ဘုရား အင်ပါယာ လိုပဲ... ရတနာ တွေကို လေဟာနယ် တစ်ဝက် ထဲမှာ သိမ်းထားတာ ဖြစ်ရမယ်... တိုက်တန် ဘုရင် ကို ဖမ်းပြီး မေးကြည့်ဖို့ လိုမလား..."

"သေချာပေါက် ဖမ်းရမယ်..."

မုန်လဲ့ စိတ်ထဲတွင် ဆုံးဖြတ်ချက် ချလိုက်ပြီးနောက် "အများကြီး စားကြ... ခဏနေရင် ငါတို့ အကြီးအကျယ် လုပ်ကြမယ်... အားလုံး စားကောင်းသောက်ကောင်း စားပြီး ခွန်အား တွေ ဖြည့်ထားကြ..." ဟု ပြောလိုက်လေသည်။

အကြီးအကျယ် လုပ်မယ်…

ဘာဘရူးစ် မျက်လုံးများ တောက်ပသွားလေသည် "သခင်... ဒါဆို သခင် က..."

"စကားမများနဲ့... အရင် စား..." မုန်လဲ့ က သူ့ကို မျက်စောင်းထိုးလိုက်လေသည် "အဲဒီအချိန်ကျရင် မင်း သိလာလိမ့်မယ်..."

"သခင်... တကယ်တော့ ကျွန်တော်တို့ မစားလည်း... အဆင်ပြေပါတယ်..."

ဘာဘရူးစ် က သတိထားပြီး ပြောလိုက်လေသည် "ကျွန်တော်တို့ အားလုံးက နတ်ဘုရားတစ်ဝက် တွေလေ... ဒါတွေကို စားလည်း ဗိုက်မဝပါဘူး... သခင့် ရဲ့ သုံးချောင်းထောက် ဝက်ကြီး သာ ဆိုရင်တော့..."

မုန်လဲ့ က ဘာဘရူးစ် ကို စွေကြည့်လိုက်လေသည် "ဘယ်လိုလဲ... မင်းက ရွေးချယ်ချင်နေသေးတာလား..."

"မဟုတ်ပါဘူး... မဟုတ်ပါဘူး..."

ဂန္ဓမာဝက် အကောင် ၁၀၀ ကို အကုန်စားပြီးနောက်... မုန်လဲ့ တို့ အဖွဲ့ က စားသောက်ဆိုင် မှ တိုက်ရိုက် ထွက်ခွာလာပြီး တိုက်တန် နတ်ဘုရား ကျောင်းတော် ဆီသို့ ဦးတည်သွားကြလေသည်။

သတင်းတွေ အရ ဆိုရင်... တိုက်တန် ဘုရင်... တော်ဝင် မိသားစု ဝင်တွေ... နဲ့ မြင့်မြတ်သောနယ်မြေ အဆင့် တွေ အများကြီး က တိုက်တန် နတ်ဘုရား ကျောင်းတော် မှာ နတ်ဘုရားရှေ့မှောက် ပြိုင်ပွဲ ကို ကြည့်ရှုနေကြတယ်... တိုက်တန် ဘုရင် ကို ရှာချင်ရင် တိုက်တန် နတ်ဘုရား ကျောင်းတော် ကို သွားရမယ်။

"တိုက်တန် နတ်ဘုရား ကျောင်းတော် က တိုက်တန် နတ်ဘုရား တောင် ရဲ့ အမြင့်ဆုံး တောင်ထိပ် ဖြစ်တဲ့ တိုက်တန် နတ်ဘုရား တောင်ထိပ် ပေါ်မှာ ရှိတယ်... အမြင့် က ၁၈၈၈၈ မီတာ ရှိပြီး... ကောင်းကင်ယံ တိုက်ကြီး ရဲ့ အမြင့်ဆုံး တောင်ထိပ် ပဲ..."

"ကျောင်းတော် ထဲမှာ တိုက်တန် နတ်ဘုရား ကို ကိုးကွယ်ထားပြီး... ဆယ်နှစ် တစ်ကြိမ် ကျင်းပတဲ့ နတ်ဘုရားရှေ့မှောက် ပြိုင်ပွဲ ကို တိုက်တန် နတ်ဘုရား ရဲ့ ရုပ်တု ရှေ့မှာ ကျင်းပတာပါ..."

လူတိုင်း ၏ အမြန်နှုန်း က အလွန် မြန်ဆန်လှသဖြင့်... အချိန်တို အတွင်း တိုက်တန် နတ်ဘုရား တောင်ထိပ် သို့ ရောက်ရှိသွားလေသည်။ ဤ ကောင်းကင်ယံ တိုက်ကြီး ၏ အမြင့်ဆုံး တောင်ထိပ် မှာ တိမ်တိုက် များဖြင့် ဖုံးလွှမ်းနေလေသည်။

တောင်ကမ်းပါး တွေက ထောင်မတ်နေပြီး... အရမ်း မတ်စောက်ပါတယ်။

တောင်ခြေ ကနေ အဆုံးအစမရှိတဲ့ တိမ်တိုက် တွေထဲ အထိ... မီတာ ၃ မီတာ အကျယ် ရှိတဲ့ လှေကားထစ် လမ်းလေး တစ်လမ်းပဲ ရှိပြီး... တောင်ထိပ် ကို သွားဖို့ တစ်ခုတည်းသော လမ်းပဲ ဖြစ်ပါတယ်။

"တက်..."

မုန်လဲ့ က ကောင်းကင် သို့ ပျံတက်သွားပြီး... တောင်ထိပ် ဆီသို့ ဦးတည် ပျံသန်းသွားလေသည်။ နတ်ဘုရားတစ်ဝက် လက်အောက်ငယ်သား ၄ ပါး ကလည်း မုန်လဲ့ နောက်မှ ကပ်ပါလာကြလေသည်။

တိမ်တိုက် တွေကို ဖြတ်ကျော်ပြီးတဲ့ နောက်မှာ... အဝေးကနေ ပြင်းထန်တဲ့ တိုက်ခိုက်သံ တွေကို ကြားလိုက်ရပြီး... တောင်ထိပ် ကို ရောက်တဲ့ အခါမှာတော့... ဧရာမ ရင်ပြင် ကြီး တစ်ခု ကို တွေ့လိုက်ရလေသည်။

ရင်ပြင် က အရမ်း ညီညာပြီး... အလျားအနံ မိုင်အနည်းငယ် လောက် ရှိကာ... တောင်ထိပ် ကို အတင်း ဖြတ်တောက်ထားသလိုမျိုး ဖြစ်နေပါတယ်။ အလယ်မှာတော့ မီတာ ၃၀၀၀ လောက် မြင့်တဲ့ ရုပ်တု ကြီး တစ်ခု ရပ်တည်နေပါတယ်။

သံတူ ကြီး ကို ကိုင်ဆောင်ထားပြီး... လျှပ်စီး တွေ အပေါ်မှာ ရပ်နေတယ်။

ကြွက်သား တွေ ထင်းနေပြီး... မျက်လုံး တွေက တောက်ပနေတယ်။

ဒေါသတကြီး စိုက်ကြည့်နေပြီး... မျက်နှာ က တည်ကြည် ခန့်ညားနေတယ်။

ဒါက တိုက်တန် နတ်ဘုရား ရဲ့ ရုပ်တု ပဲ ဖြစ်လေသည်။

မုန်လဲ့ ရဲ့ အဆင့် ကနေ ကြည့်ရင်... ဒီ မီတာ ၃၀၀၀ မြင့်တဲ့ ရုပ်တု ကြီး က အဖြူရောင် ယုံကြည်မှု စွမ်းအား တွေ အပြည့် ဖုံးလွှမ်းနေတာကို ရှင်းရှင်းလင်းလင်းမြင် ရသည်။

ယုံကြည်မှု စွမ်းအား တွေကနေ ထွက်ပေါ်လာတဲ့ ယုံကြည်မှု အလင်းတန်း တွေက... တောင်ထိပ် က အအေးဒဏ် တွေကို လုံးဝ ကာကွယ်ပေးထားပြီး... လူတွေကို နွေဦးလေပြေ လေး တိုက်ခတ်နေသလို... ငြိမ်းချမ်း အေးချမ်းတဲ့ ခံစားချက် ကို ပေးစွမ်းနေသည်။

"ယုံကြည်မှု စွမ်းအား တွေက အရမ်း များတာပဲ..."

ဘာဘရူးစ် နဲ့ တခြား ၃ ယောက် က တိုးတိုးလေး အော်ဟစ်လိုက်ပြီး... မျက်လုံး တွေထဲမှာ လိုချင်တပ်မက်မှု တွေ အပြည့် ဖြစ်နေကြလေသည်။

သူတို့က မြေအောက်ကမ္ဘာ မှာ ယုံကြည်သူ တွေ အများကြီး ရှိပေမဲ့... တိုက်တန် နတ်ဘုရား နဲ့ ယှဉ်လိုက်ရင်... သူတို့က တောက သူဌေးလေး တွေလောက်ပဲ ရှိတာပေါ့။

ယုံကြည်သူ အရေအတွက် က နည်းတယ်... စွမ်းအား ကလည်း အားနည်းတယ်... ယုံကြည်မှု စွမ်းအား တွေကလည်း နည်းနည်းလေး ပဲ ရတာ... ပြီးတော့ ရသလောက်လေး ကို ချက်ချင်း သန့်စင်လိုက်တာ ဆိုတော့... ဒီလောက် များပြားပြီး ပြည့်ဝတဲ့ ယုံကြည်မှု စွမ်းအား တွေကို ဘယ်မှာ မြင်ဖူးပါ့မလဲ။

"ဒါက နတ်ဘုရားစွမ်းအား ဘယ်နှစ်စက် လောက် သန့်စင်လို့ ရမလဲ မသိဘူး..."

သူတို့ ၄ ယောက်လုံး တံတွေး မျိုချလိုက်မိပြီး... ရှေ့ကို ပြေးသွားကာ ဒီ ရုပ်တု ကြီး ကို ဖြိုဖျက်ပြီး... ဒီ ယုံကြည်မှု စွမ်းအား တွေကို ခွဲဝေယူချင်စိတ် တွေ ပေါ်လာကြလေသည်။

"ငါတို့ သွားကြည့်ရအောင်..."

မုန်လဲ့ က ရုပ်တု ဆီကို အရင် လျှောက်သွားလိုက်လေသည်။ ရုပ်တု အရှေ့မှာ ဧရာမ စင်မြင့် ကြီး တစ်ခု ရှိပြီး... ခန္ဓာကိုယ် ကြီးမားတဲ့ လူ နှစ်ယောက် က စင်မြင့် ပေါ်မှာ တိုက်ခိုက်နေကြလေသည်။

စင်မြင့် ဘေးမှာလည်း ပရိသတ် တွေ အပြည့် ရှိနေပြီး... မီတာ ၁၀ ကျော် မြင့်တဲ့ လူသားတစ်ဝက် တွေ... တိရစ္ဆာန် ခေါင်း နဲ့ လူကိုယ် ရှိတဲ့ မြင့်မြတ်သောနယ်မြေ အဆင့် သားရဲလူသား တွေ... နဲ့ လူသား စွမ်းအားရှင် တွေ ပါဝင်လေသည်။

အခုအချိန်မှာ... လူတွေ အားလုံးက စင်မြင့် ပေါ်က တိုက်ပွဲ ကို ကြည့်ရင်း... အားပေး အော်ဟစ်နေကြလေသည်။

တိုက်ခိုက်နေတဲ့ သူ နှစ်ယောက် က မီတာ ၅၀ လောက် မြင့်ပြီး... စစ်မှန်တဲ့ တိုက်တန် တွေ ဖြစ်တာ သေချာသည်။

တစ်ယောက်က ငွေရောင် ဆံပင် တွေ ရှိပြီး... ရေခဲ လို အသားအရေ နဲ့... ရေခဲတောင် လို ကြွက်သား တွေ ရှိကာ... တိုက်တန် ၁၂ မျိုး ထဲက ရေခဲ တိုက်တန် ပဲ ဖြစ်သည်။

နောက်တစ်ယောက် က တစ်ကိုယ်လုံး မည်းနက်နေပြီး... ကြွက်သား တွေ ထင်းနေကာ... မည်းနက်တဲ့ ကျောက်မီးသွေး လို ဖြစ်နေပြီး... တိုက်တန် ၁၂ မျိုး ထဲက အမှောင် တိုက်တန် ပဲ ဖြစ်သည်။

တိုက်တန် နှစ်ယောက်လုံး က မြင့်မြတ်သောနယ်မြေ အဆင့် ရှိပြီး... ကိုယ်ပိုင် အားသန်တဲ့ ရေခဲ မှော်ပညာ နဲ့ အမှောင် မှော်ပညာ တွေကို သုံးနေကြပေမဲ့... သူတို့က လက်သီးချင်း ယှဉ်ပြီး အကြိတ်အနယ် တိုက်ခိုက်နေကြတာပါ။

"ဘာဘရူးစ်... ဟို အမှောင် တိုက်တန် က မင်းရဲ့ သွေးမျိုးဆက် လား..." ကလောက်စ် က တိုးတိုးလေး မေးလိုက်လေသည်။

"မဟုတ်ဘူး..."

ဘာဘရူးစ် ခေါင်းခါလိုက်လေသည် "ငါ့နောက်ပိုင်း စစ်မှန်တဲ့ အမှောင် တိုက်တန် တွေ အကုန်လုံး ပျောက်ကွယ်သွားပြီ... ဒီကောင် က သွေးမျိုးဆက် အပြည့်အဝ နိုးထလာတဲ့ လူသားတစ်ဝက် အမှောင် တိုက်တန် ဖြစ်ရမယ်..."

"အဲဒီလို ကိုး..." ကလောက်စ် အနည်းငယ် ခေါင်းညိတ်လိုက်လေသည် "သူ နိုင်မယ် ထင်လား..."

"သေချာပေါက် ရှုံးမှာပဲ..."

ဘာဘရူးစ် ခေါင်းခါလိုက်လေသည် "ဟို ရေခဲ တိုက်တန် က ပိုပြီး အားကောင်းတယ်... သူ့ကို ကစားနေတာပဲ..."

ဘာဘရူးစ် ပြောတဲ့ အတိုင်းပါပဲ... အနည်းငယ် ကစားပြီးတဲ့ နောက်မှာ... ရေခဲ တိုက်တန် က အစွမ်းကုန် သုံးလိုက်ပြီး... တစ်ချက်တည်း နဲ့ အမှောင် တိုက်တန် ကို အနိုင်ယူလိုက်လေသည်။

"ရေခဲ ဘုရင် ဘာလမ်း... နိုင်ပါတယ်..."

အစီအစဉ် တင်ဆက်သူ က တိုက်ပွဲ ရလဒ် ကို အသံကျယ်ကျယ် နဲ့ ကြေညာလိုက်လေသည်။

ပရိသတ် တွေ အားလုံး လက်ခုပ်သြဘာ တွေ တီးပြီး... ဝမ်းသာအားရ အော်ဟစ်လိုက်ကြလေသည်။

"ရေခဲ ဘုရင် ဘာလမ်း တကယ်ကို စွမ်းတာပဲ ၂၇ ပွဲ ဆက်တိုက် နိုင်သွားပြီ... နတ်ဘုရားသားတော် ဖြစ်ဖို့ သေချာနေပြီပဲ..."

"အသက် ၂၁ နှစ် နဲ့ ဒီလောက် စွမ်းအား ရှိတာ... ဘာလမ်း ရဲ့ ပါရမီ က တကယ်ကို လောကမှာ ပြိုင်ဘက်ကင်း ပဲ..."

"လောကမှာ ပြိုင်ဘက်ကင်း မင်း နဂါးနတ်ဘုရား အင်ပါယာ က အဲဒီ တစ်ယောက် ကို မေ့သွားပြီလား... သူက ကောင်းကင်ယံ တိုက်ကြီး သမိုင်းမှာ နံပါတ် ၁ ပဲ... သူနဲ့ ယှဉ်ရင် ဘာလမ်း က အဝေးကြီး ကျန်သေးတယ်..."

"သူက လူမှ မဟုတ်တာ... မိစ္ဆာ ဝင်စားတာလေ…”