အခန်း ၃၃၁

အခန်း ၃၃၁။ ပြင်းထန်သော တိုက်ပွဲ နှင့် အခွင့်ကောင်း ယူခြင်း

"သေလိုက်စမ်း"

ဘီမွန် အလောင်းကောင် ဘုရင် က ဒေါသတကြီး ဟိန်းဟောက်လိုက်ပြီး အဆုံးအစမရှိသော ဖြူရော်နေသည့် အလောင်း အနံ့အသက်များ က သူ့ ကိုယ်တွင်းမှ ပေါက်ကွဲထွက်လာကာ ကောင်းကင်ကို ဖုံးလွှမ်းနိုင်သော ဧရာမ လက်ဝါးကြီး တစ်ခု အဖြစ် ပြောင်းလဲသွားပြီး ပြင်းထန်စွာ ရိုက်ချလိုက်လေသည်။

"ဝုန်း"

လေဟာနယ် မှာ ချက်ချင်း ကွဲအက်သွားပြီး အလောင်း အနံ့အသက် လက်ဝါးကြီး က လေဟာနယ်ကို ဖြတ်သန်းကာ ရေခဲမိစ္ဆာ နယ်စား ၏ ခေါင်းပေါ်သို့ ရောက်ရှိလာပြီး တောင်ကြီး တစ်တောင်အလား ပြင်းထန်စွာ ရိုက်ချလိုက်လေသည်။

"အလောင်း အနံ့အသက် လေး နည်းနည်း နဲ့ ငါ့ကို စိန်ခေါ်ရဲတယ်ပေါ့"

ရေခဲမိစ္ဆာ နယ်စား က လက်ချောင်းလေး တစ်ချက် တောက်လိုက်ရာ အဖြူရောင် အအေးလှိုင်း တစ်ခု ပန်းထွက်လာပြီး အလောင်း အနံ့အသက် လက်ဝါးကြီး နှင့် ထိတွေ့သည့် အခိုက်အတန့်တွင် ကြောက်မက်ဖွယ်ကောင်းသော အအေးဓာတ်များကို ထုတ်လွှတ်လိုက်လေသည်။

"ခွပ်"

အလောင်း အနံ့အသက် လက်ဝါးကြီး မှာ ချက်ချင်း အေးခဲသွားပြီး နှင်းပွင့်လေးများ အဖြစ် ပြောင်းလဲကာ လေထဲတွင် လွင့်စင်ကျလာလေသည်။

ထိုအချိန်လေး အတွင်းမှာပင် ဘီမွန် အလောင်းကောင် ဘုရင် က ရေခဲမိစ္ဆာ နယ်စား အရှေ့သို့ ရုတ်တရက် ရောက်ရှိလာပြီး ဧရာမ လက်ဝါးကြီး ဖြင့် လျှပ်စီးအလား ပြင်းထန်စွာ ရိုက်ချလိုက်လေသည်။

"ဒီလိုမှပေါ့"

ရေခဲမိစ္ဆာ နယ်စား က အနည်းငယ် ပြုံးလိုက်ပြီး ရေခဲများဖြင့် ဖွဲ့စည်းထားသော ညာလက်ဝါး ကို အလျင်အမြန် မြှောက်ကာ ဆီးကြိုလိုက်လေသည်။

"ခွပ်"

လက်ဝါး နှစ်ဖက် ဝင်တိုက်မိသွားရာ ကောင်းကင်နှင့် မြေကြီးကို တုန်ခါသွားစေသော ပေါက်ကွဲသံကြီး ထွက်ပေါ်လာပြီး လေဟာနယ် မှာ ချက်ချင်း ပေါက်ကွဲထွက်သွားလေသည်။

ကောင်းကင်ယံ က အမည်းရောင် အပေါက်ကြီး တစ်ခု အဖြစ် ပြောင်းလဲသွားပြီး ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့မှာ အမည်းရောင် အပေါက်ကြီး ထဲသို့ ချက်ချင်း မျိုချခံလိုက်ရသော်လည်း မိစ္ဆာ နှစ်ကောင်လုံး က လုံးဝ ဂရုမစိုက်ဘဲ အဆက်မပြတ် ရူးသွပ်စွာ တိုက်ခိုက်နေကြလေသည်။

"ဘုန်း... ဘုန်း... ဘုန်း..."

"ခွပ်... ခွပ်... ခွပ်..."

အရှိန်လှိုင်း များ က အရပ်ရှစ်မျက်နှာသို့ ပျံ့နှံ့သွားပြီး ကောင်းကင်ယံရှိ အမည်းရောင် အပေါက်ကြီး က အဆက်မပြတ် ကျယ်ပြန့်လာကာ လေဟာနယ် မုန်တိုင်းများနှင့် လေဟာနယ် လေပြင်းများ တိုက်ခတ်နေသဖြင့် ရေခဲမိစ္ဆာ မြို့တော် ကောင်းကင်ယံမှာ ကမ္ဘာပျက်မည့် နေ့ ရောက်လာသကဲ့သို့ ဖြစ်နေလေသည်။

"အရမ်း... အရမ်း ကြောက်စရာ ကောင်းတာပဲ"

"ငါ့ရဲ့ စွမ်းအား နဲ့ဆိုရင် ဒီလှိုင်းတွေ ထိမိတာနဲ့ သေချာပေါက် သေမှာပဲ"

"ဒါက နယ်စား အဆင့် တွေရဲ့ တိုက်ပွဲ လား..."

ရေခဲမိစ္ဆာ မြို့တော် အတွင်းရှိ မိစ္ဆာ များမှာ အလွန် ကြောက်လန့်နေကြပြီး ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့၏ တိုက်ပွဲက သူတို့ကို ထိခိုက်မိပြီး အသက်ဆုံးရှုံးရမည်ကို စိုးရိမ်နေကြလေသည်။

သူတို့သာမက မုန်လဲ့ လို မဟာ မိစ္ဆာနတ်ဘုရား ပင်လျှင် ရင်တမမ ဖြစ်နေလေသည်။

အလယ်အလတ် မဟာ မိစ္ဆာနတ်ဘုရား များ၏ တိုက်ပွဲမှာ အလွန် ပြင်းထန်လွန်းလှပြီး တိုက်ခိုက်မှု တစ်ချက်စီတိုင်းက သူတို့ကို ပြင်းထန်စွာ ဒဏ်ရာရစေနိုင်စွမ်း ရှိလေသည်။

"ဒိုဒိုလာ... အဆင့်မြင့် နတ်ဘုရား အဆင့်ကို ရောက်သွားရင်... အဆင့် တစ်ခုနဲ့ တစ်ခု ကြားက ကွာဟချက် က ဘာလို့ ကောင်းကင်နဲ့ မြေကြီးလို ကွာခြားနေရသလဲ ဆိုတာ ငါ အခုမှ နားလည်တော့တယ်"

မုန်လဲ့ လေပြင်းတစ်ချက် ရှူသွင်းလိုက်မိသည်။ ယခု သူသည်လည်း အဆင့်မြင့် နတ်ဘုရား တစ်ပါး ဖြစ်နေပြီ ဖြစ်ရာ ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့၏ အစွမ်းအထက်မှုကို အပြည့်အဝ ခံစားသိရှိနိုင်လေသည်။ အရှိန်၊ စွမ်းအား၊ တုံ့ပြန်မှု အစရှိသည်တို့မှာ သာမန် မဟာ မိစ္ဆာနတ်ဘုရား များနှင့် လုံးဝ နှိုင်းယှဉ်၍ မရနိုင်ပေ။

"မင်း ဘယ်လို ထင်နေလို့လဲ"

ဒိုဒိုလာက သက်ပြင်းချလိုက်ပြီး "မဟာ မိစ္ဆာနတ်ဘုရား အဆင့်ကို ရောက်သွားရင်... ရှေ့ကို တစ်လှမ်း တိုးဖို့ ဆိုတာ အလွန် ခက်ခဲတယ်... ရတနာ တွေ အများကြီး ကုန်ကျရုံသာမက နှစ်ပေါင်းများစွာ စုဆောင်းထားမှု တွေလည်း လိုအပ်တယ်... ချဲ့ကား ပြောရရင် ရှေ့ကို တစ်လှမ်း တိုးဖို့ ဆိုတာ သာမန် လူ ကနေ နတ်ဘုရား ဖြစ်လာဖို့ထက် အဆ တစ်သောင်း ပိုခက်ခဲတယ် လို့ ပြောလို့ ရတယ်" ဟု ပြောလိုက်သည်။

မုန်လဲ့ က ဖြည်းညင်းစွာ ခေါင်းညိတ်လိုက်သည်။

နတ်ဘုရား များနှင့် မတူညီသည်မှာ မိစ္ဆာ များ၏ တိုက်ပွဲများမှာ များသောအားဖြင့် မိစ္ဆာ ခန္ဓာကိုယ် များ၏ တိုက်ပွဲများ ဖြစ်ပြီး ပိုမို ရိုးရှင်းကာ ပိုမို တိုက်ရိုက်ကျပြီး ပိုမို ကြမ်းတမ်းကာ ပိုမို ရက်စက်ကြလေသည်။

ဘယ်သူ့ မိစ္ဆာ ခန္ဓာကိုယ် က ပိုအစွမ်းထက်လဲ။

ဘယ်သူ့ စွမ်းအား က ပိုကြီးမားလဲ။

အဲဒီ သူ က တိုက်ပွဲ ရဲ့ အောင်နိုင်သူ ဖြစ်မှာပဲ။

ဤအချက်မှာ မိစ္ဆာ ပိရမစ် ၏ အထွတ်အထိပ်တွင် ရပ်တည်နေသော ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့ အတွက်လည်း ချွင်းချက် မဟုတ်ပေ။

"ဝုန်း"

ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့၏ တိုက်ပွဲမှာ ဆက်လက် ဖြစ်ပွားနေဆဲ ဖြစ်ပြီး မိစ္ဆာကြီး နှစ်ကောင်၏ စွမ်းအားမှာ အလွန် နီးစပ်နေပုံ ရသဖြင့် ဤမျှ အချိန်ကြာမြင့်စွာ တိုက်ခိုက်နေသော်လည်း တစ်ယောက်ကို တစ်ယောက် အနိုင်မယူနိုင်သေးပေ။

ဘီမွန် အလောင်းကောင် ဘုရင် က အဆက်မပြတ် ဟိန်းဟောက်နေပြီး တိုက်ခိုက်မှုများ ပိုမို ပြင်းထန်လာကာ ရေခဲမိစ္ဆာ နယ်စား ကလည်း အစပိုင်းက အိပ်ချင်မူးတူး ပုံစံ မှ လုံးဝ ပြောင်းလဲသွားပြီး သေချာ အာရုံစိုက် တိုက်ခိုက်လာလေသည်။

"ဝုန်း... ဝုန်း... ဝုန်း..."

ကောင်းကင်နှင့် မြေကြီး မှောင်မိုက်သွားပြီး နေနှင့် လ တို့၏ အလင်းရောင်များ ပျောက်ကွယ်သွားလေသည်။

အဆက်မပြတ် တိုက်ခိုက်ပြီးနောက် မိစ္ဆာကြီး နှစ်ကောင်မှာ နောက်ဆုံးတွင် ခဏတာ ခွဲခွာသွားကြပြီး နှစ်ယောက်လုံး မောဟိုက်နေကြကာ စွမ်းအင် အများအပြား ကုန်ခမ်းသွားကြောင်း သိသာလှသည်။

"မင်းကို အထင်သေးမိသွားတာပဲ"

ရေခဲမိစ္ဆာ နယ်စား က ဘီမွန် အလောင်းကောင် ဘုရင် ကို ကြည့်ကာ "မင်းလို အစွမ်းထက်တဲ့ သူ တစ်ယောက် က နာမည် မကြီးဘဲ နေမှာ မဟုတ်ဘူး... ဘာလို့ မင်းကို ငါ တစ်ခါမှ မမြင်ဖူးရတာလဲ" ဟု မေးလိုက်သည်။

"ငါ ကလည်း မင်းကို မဖုံးကွယ်ပါဘူး" ဘီမွန် အလောင်းကောင် ဘုရင် က လှောင်ပြောင်လိုက်ပြီး "ငါ က ငရဲ လောက က လာတာ" ဟု ပြောလိုက်သည်။

"ငရဲ လောက... ဒါကြောင့် ကိုး"

ရေခဲမိစ္ဆာ နယ်စား မျက်လုံးများ ကျဉ်းသွားပြီး ဖြည်းညင်းစွာ ခေါင်းညိတ်လိုက်ကာ "သွေးပူ လေ့ကျင့်ခန်း လုပ်တာ လည်း ပြီးလောက်ပြီ... မင်းရဲ့ တကယ့် စွမ်းအား ကို ထုတ်ပြပြီး ငါ့ကို သေချာ ပြစမ်းပါ" ဟု ပြောလိုက်သည်။

"မင်း ဆန္ဒ အတိုင်း ပါပဲ"

ဘီမွန် အလောင်းကောင် ဘုရင် က အသံနှိမ့်ကာ ဟိန်းဟောက်လိုက်ပြီး လေထိုးထားသော ပူဖောင်း တစ်လုံးအလား ကြီးထွားလာကာ အသက်ရှူကြိမ် အနည်းငယ် အတွင်းမှာပင် ဧရာမ သတ္တဝါကြီး တစ်ကောင် အဖြစ် ပြောင်းလဲသွားလေသည်။

အရပ် ကျန်း ခုနစ်သိန်း ရှိပြီး တစ်ကိုယ်လုံး အလောင်း အနံ့အသက်များ လွှမ်းခြုံနေကာ ကီလိုမီတာ တစ်သန်း ပတ်လည် ကို အလောင်း အနံ့အသက်များဖြင့် ဖုံးလွှမ်းသွားသဖြင့် ရေခဲမိစ္ဆာ မြို့တော် အတွင်းရှိ မိစ္ဆာ များမှာ တစ်ကိုယ်လုံး အေးစက်လာပြီး ကြောက်လန့်တကြား ဖြစ်သွားကြလေသည်။

"ဝုန်း"

ရေခဲမိစ္ဆာ နယ်စား ကလည်း ဆက်ပြီး ဖုံးကွယ်မထားတော့ဘဲ အသွင်ပြောင်းလိုက်ရာ သူ၏ မူလ ပုံစံ သို့ ပြောင်းလဲသွားလေသည်။

အရပ် ကျန်း ခုနစ်သိန်း ရှိပြီး တစ်ကိုယ်လုံး ရေခဲများဖြင့်သာ ဖွဲ့စည်းထားသော ဧရာမ ရေခဲမိစ္ဆာကြီး တစ်ကောင်။

ကျန်း ခုနစ်သိန်း = ကီလိုမီတာ ၂,၁၀၀။

လကမ္ဘာ ၏ အချင်း ကတောင် ကီလိုမီတာ ၃,၄၀၀ ပဲ ရှိတာလေ။

ဒါကို ကြည့်ရင် မိစ္ဆာကြီး နှစ်ကောင် က ဘယ်လောက်တောင် ကြီးမားသလဲ ဆိုတာ သိနိုင်ပါတယ်။

"ဝုန်း"

မူလ ပုံစံ သို့ ပြောင်းလဲသွားပြီးနောက် ရေခဲမိစ္ဆာ နယ်စား နှင့် ဘီမွန် အလောင်းကောင် ဘုရင် တို့သည် တိုက်ပွဲ အသစ် တစ်ခုကို ထပ်မံ စတင်လိုက်ကြလေသည်။

တိုက်ပွဲကြောင့် ဖြစ်ပေါ်လာသော အရှိန်လှိုင်းများမှာ ပိုမို ကြီးမားလာပြီး ပိုမို ကြောက်မက်ဖွယ် ကောင်းလာကာ အရှိန်လှိုင်း အချို့က ရေခဲမိစ္ဆာ မြို့တော် ကိုပင် ထိခိုက်လာလေသည်။

အဆောက်အအုံ များစွာ ပျက်စီးသွားပြီး အထပ်မြင့် အဆောက်အအုံများ ပြိုကျကာ ကျောက်တုံးကြီးများ လိမ့်ဆင်းလာသဖြင့် ကံဆိုးသော မိစ္ဆာ အများအပြား လည်း ထိခိုက် သေဆုံးသွားကြလေသည်။

"ပြေး... ပြေးကြ"

"ဒီလို အဆင့် ရှိတဲ့ တိုက်ပွဲ က ငါတို့ ကြည့်လို့ ရတာ မဟုတ်ဘူး... ငါတို့ သေလိမ့်မယ်"

"ပျင်းရိ မိစ္ဆာ ဘိုးဘေး ကို တိုင်တည်ပါတယ်... သနားစရာ ကောင်းပြီး အောက်တန်းကျတဲ့ မျိုးဆက် တွေကို ကယ်တင်တော်မူပါ..."

ရေခဲမိစ္ဆာ မြို့တော် မှာ လုံးဝ ရှုပ်ယှက်ခတ်သွားပြီး မိစ္ဆာ အမြောက်အမြား ကြောက်လန့်တကြား ထွက်ပြေးနေကြကာ ခြေထောက် နှစ်ချောင်းလောက် ထပ်မပါလာတာကိုပဲ နောင်တရနေကြလေသည်။

"ဝုန်း... ဝုန်း... ဝုန်း..."

ရေခဲတုံးများ လွင့်စင်လာပြီး အလောင်း အနံ့အသက်များ လွှမ်းခြုံလာလေသည်။

မိစ္ဆာကြီး နှစ်ကောင် မှာ လုံးဝ ရပ်တန့်မည့် အရိပ်အယောင် မရှိဘဲ ညနေစောင်း အထိ အဆက်မပြတ် တိုက်ခိုက်နေကြလေသည်။

"ဟူး... ဟူး... ဟူး..."

ရေခဲမိစ္ဆာ နယ်စား မှာ လေမှုတ်စက်ကြီး တစ်ခုအလား အဆက်မပြတ် အသက်ရှူနေပြီး တစ်ကိုယ်လုံး တွင် အပေါက်ရာများ အများအပြား ဖြစ်ပေါ်နေကာ အရှိန်အဝါ မှာ အစပိုင်းကထက် အများကြီး အားနည်းသွားပြီး ခွန်အားများ အများအပြား ကုန်ခမ်းသွားကာ ဒဏ်ရာ အနည်းငယ်လည်း ရရှိထားလေသည်။

တိုက်ခိုက်ရေး စွမ်းအား လျော့ကျသွားပြီ။

ဘီမွန် အလောင်းကောင် ဘုရင် ကို ကြည့်လိုက်သောအခါ အရှိန်အဝါ တွေလည်း အများကြီး ကျဆင်းသွားပြီး လွှမ်းခြုံနေတဲ့ အလောင်း အနံ့အသက် တွေလည်း အများကြီး နည်းပါးသွားကာ သွေးတွေလည်း အများကြီး ထွက်နေပြီး ဒဏ်ရာ တော်တော် ပြင်းပြင်းထန်ထန် ရထားလေသည်။

တိုက်ခိုက်ရေး စွမ်းအား လျော့ကျသွားပြီ။

"မင်း က ငါ့ကို ဒီအခြေအနေ အထိ ရောက်အောင် လုပ်နိုင်တာ... ဒီနှစ်ပေါင်း ၄ သောင်း အတွင်းမှာ ပထမဆုံး ပဲ... ဒါပေမဲ့ ငါတို့ နှစ်ယောက်လုံး ဒဏ်ရာ ပြင်းပြင်းထန်ထန် ရသွားတာ မျိုး မဖြစ်ချင်ရင်... မင်း ငါ့ကို အနိုင်ယူနိုင်မှာ မဟုတ်ဘူး"

ရေခဲမိစ္ဆာ နယ်စား က အသံကျယ်ကျယ်ဖြင့် ပြောလိုက်သည်။ "ဒီလောက်နဲ့ပဲ ရပ်လိုက်ဖို့ ငါ အကြံပေးချင်တယ်... ဆက်တိုက်နေရင်လည်း နှစ်ယောက်လုံး ဒဏ်ရာ ရပြီး မင်း အတွက် ဘာအကျိုးအမြတ် မှ ရှိမှာ မဟုတ်ဘူး"

ဘီမွန် အလောင်းကောင် ဘုရင် က တိုက်ပွဲကို စောင့်ကြည့်နေသော မဟာ မိစ္ဆာနတ်ဘုရား များနှင့် သန်းဆယ်ချီ သော ရေခဲမိစ္ဆာ နယ်မြေစောင့်တပ် များကို တစ်ချက် ကြည့်လိုက်ပြီး မျက်လုံးများထဲတွင် မကျေနပ်မှုများ ပေါ်လာလေသည်။

သူ ဝန်မခံချင်သော်လည်း ရေခဲမိစ္ဆာ နယ်စား ပြောတာ မှန်ကြောင်း သူ လက်ခံရမည် ဖြစ်လေသည်။ သူ့ စွမ်းအား က ရေခဲမိစ္ဆာ နယ်စား နှင့် သိပ်မကွာခြားလှသဖြင့် ရေခဲမိစ္ဆာ နယ်စား ကို အနိုင်ယူချင်ပါက သူလည်း ပြင်းထန်စွာ ဒဏ်ရာရမည်မှာ သေချာလှပေသည်။

နှစ်ယောက်လုံး ဒဏ်ရာ ပြင်းပြင်းထန်ထန် ရသွားမယ် ဟုတ်လား။

ဒါက သူ့အတွက် ကောင်းတဲ့ ကိစ္စ တစ်ခု မဟုတ်ဘူးလေ။ ရေခဲမိစ္ဆာ နယ်မြေစောင့်တပ် သန်းဆယ်ချီ ကို မပြောနဲ့ဦး... တိုက်ပွဲ ကို စောင့်ကြည့်နေတဲ့ မဟာ မိစ္ဆာနတ်ဘုရား တွေကတောင် သူ့ကို အလွတ်ပေးမှာ မဟုတ်ဘူး... မဟာ မိစ္ဆာနတ်ဘုရား အားလုံးက သူ ဒဏ်ရာ ရနေတုန်း သူ့ကို သတ်ပစ်ချင်နေကြမှာ သေချာတယ်။

အတွေ့အကြုံ ရင့်ကျက်သော မဟာ မိစ္ဆာနတ်ဘုရား တစ်ပါး အနေဖြင့် ဤအချက်ကို ဘီမွန် အလောင်းကောင် ဘုရင် လုံးဝ သံသယ မဝင်ပေ။

"ရေခဲမိစ္ဆာ နယ်စား... ဒီတစ်ခါ မင်း ကံကောင်းသွားတယ်"

ဘီမွန် အလောင်းကောင် ဘုရင် က ရေခဲမိစ္ဆာ နယ်စား ကို သေချာ စိုက်ကြည့်လိုက်ပြီးနောက် အလင်းတန်း တစ်ခု အဖြစ် ပြောင်းလဲကာ အဝေးသို့ ချက်ချင်း ထွက်ပြေးသွားလေသည်။ ဆက်ပြီး တိုက်ခိုက်နေပါက ကိုယ့်ကိုယ်ကိုယ် အန္တရာယ် ထဲ တွန်းပို့သလို ဖြစ်သွားမည် ဖြစ်ရာ ဤသို့သော အလုပ်မျိုးကို သူ လုံးဝ လုပ်မည် မဟုတ်ပေ။

"အခြေအနေ မကောင်းတာ မြင်တာနဲ့ ချက်ချင်း ထွက်ပြေးတာပဲ" မုန်လဲ့ က ပြုံးကာ ချီးကျူးလိုက်သည်။

"တကယ်ကို ဉာဏ်ကောင်းတဲ့ ကောင် ပဲ"

"သွေးထွက်သံယို များပြီး ရက်စက်တဲ့ မိစ္ဆာ လောက ကြီး ထဲကနေ အသက်ရှင် လွတ်မြောက်လာတဲ့ သူတွေ ထဲမှာ... အရူး တစ်ယောက် မှ မပါဘူး" ဒိုဒိုလာ က ရယ်မောလိုက်ပြီး "အရူး တွေ အကုန်လုံး က စောစောကတည်းက သေကုန်ကြပြီ" ဟု ပြောလိုက်သည်။

"ဟုတ်တာပေါ့"

မုန်လဲ့ က ဖြည်းညင်းစွာ ခေါင်းညိတ်လိုက်ပြီး မျက်လုံးများထဲတွင် အလင်းတန်း တစ်ခု ဖြတ်ပြေးသွားကာ "ငါ ဝင်ပါရမယ့် အချိန် ရောက်ပြီ" ဟု ပြောလိုက်သည်။

"မင်း က အခွင့်ကောင်း ယူချင်တာလား"

ဒိုဒိုလာ မျက်ခုံးပင့်လိုက်လေသည်။

"အခွင့်ကောင်း ယူတော့ရော ဘာဖြစ်လဲ... ဒီနေရာက မိစ္ဆာ လောက လေ" မုန်လဲ့ က လှောင်ပြောင်လိုက်ပြီး "မင်း က ငါ့ကို လူကောင်း တစ်ယောက် ဖြစ်ဖို့ ပြောချင်နေတာတော့ မဟုတ်ပါဘူး နော်" ဟု ပြောလိုက်သည်။

"လူကောင်း အကြောင်း သွားမပြောစမ်းပါနဲ့... မင်း မြန်မြန် ဝင်ပါလိုက်တော့"

ဒိုဒိုလာ က ဒေါသတကြီး ပြောလိုက်ပြီး "စိတ်ချပါ... မင်း က အရှေ့ကနေ တိုက်... ငါ က အနောက်ကနေ ကူညီပေးမယ်... ငါတို့ နှစ်ယောက် ပူးပေါင်းရင်... ဒဏ်ရာ ရနေတဲ့ ရေခဲမိစ္ဆာ နယ်စား ကို သတ်ဖို့ ဆိုတာ ပြဿနာ မရှိပါဘူး" ဟု ပြောလိုက်သည်။

"အင်း"

...

"နောက်ဆုံးတော့ ထွက်သွားပြီပဲ"

ဘီမွန် အလောင်းကောင် ဘုရင် ထွက်သွားသော ကျောပြင်ကို ကြည့်ကာ ရေခဲမိစ္ဆာ နယ်စား သက်ပြင်းချလိုက်လေသည်။ ဘီမွန် အလောင်းကောင် ဘုရင် က ခေါင်းမာပြီး သူနှင့် အသေအကြေ ဆက်တိုက်နေမည်ကို သူ တကယ်ပင် စိုးရိမ်နေခဲ့လေသည်။

အဲဒီလိုသာ ဆိုရင်... အခြေအနေ က တော်တော်လေး ဆိုးရွားသွားမှာ သေချာတယ်။

ရေခဲမိစ္ဆာ နယ်စား က တိုက်ပွဲကို စောင့်ကြည့်နေသော မဟာ မိစ္ဆာနတ်ဘုရား များကို တစ်ချက် ကြည့်လိုက်ပြီး မျက်လုံးများထဲတွင် သတိပေးမှုများ ပြည့်နှက်နေလေသည်။

ဒီကောင်တွေ က အပြင်ပန်းမှာတော့ ရိုသေတဲ့ ပုံစံ ဖမ်းနေကြပေမယ့်... သူ တစ်ခုခု ဖြစ်သွားရင် ဒီကောင်တွေ က သူ့ကို အပိုင်းပိုင်း ဆွဲဖြဲပစ်ဖို့ ချက်ချင်း ပြေးလာကြမယ် ဆိုတာ သူ သေချာ သိတယ်လေ။

မိစ္ဆာ တွေ ကြားမှာ... သံယောဇဉ် ဆိုတာ လုံးဝ မရှိဘူး။

တကယ့် လက်တွေ့မှာလည်း ဒီအတိုင်းပါပဲ... ဘီမွန် အလောင်းကောင် ဘုရင် ထွက်သွားတာကို မြင်တော့ တိုက်ပွဲ ကို စောင့်ကြည့်နေတဲ့ မဟာ မိစ္ဆာနတ်ဘုရား ၁၀ ပါး ကျော် ရဲ့ မျက်လုံးထဲမှာ စိတ်ပျက်မှု တွေကို ဖုံးကွယ်ထားလို့ မရဘူး။

ဘီမွန် အလောင်းကောင် ဘုရင် က နယ်စား နဲ့ အသေအကြေ တိုက်ခိုက်ပြီး နောက်ဆုံးမှာ နှစ်ယောက်လုံး ဒဏ်ရာ ပြင်းပြင်းထန်ထန် ရသွားဖို့ ကို သူတို့ အရမ်း မျှော်လင့်နေခဲ့တာလေ... အဲဒီလို ဆိုရင် သူတို့က အခွင့်ကောင်း ယူပြီး နယ်စား ကို သတ်ကာ နေရာ လုယူလို့ ရမှာကိုး။

နှမြောစရာပဲ...

"တကယ့် အသုံးမကျတဲ့ ကောင် ပဲ"

ထို မဟာ မိစ္ဆာနတ်ဘုရား များ က ရင်ထဲတွင် တိတ်တဆိတ် ဆဲဆိုနေကြသော်လည်း မျက်နှာပေါ်တွင်တော့ ရိုသေ လေးစားသော အမူအရာ များ ဆက်လက် ပြသနေကြလေသည်။

"ပြန်ရအောင်"

ရေခဲမိစ္ဆာ နယ်စား က လေပြင်းတစ်ချက် ရှူသွင်းလိုက်ပြီး နယ်စား အိမ်တော် သို့ ပြန်ကာ အနားယူရန် ပြင်လိုက်လေသည်။

သို့သော် ထိုအချိန်တွင် အေးဆေးသော အသံ တစ်ခု က နားထဲသို့ ရုတ်တရက် ဝင်ရောက်လာလေသည်။

"ရေခဲမိစ္ဆာ နယ်စား... စိန်ခေါ်မှု က မပြီးသေးပါဘူး... ဘာလို့ ဒီလောက် အလျင်စလို ပြန်သွားချင်ရတာလဲ"

"ဘယ်သူလဲ"

ထိုစကားကို ကြားသောအခါ လူများ အားလုံး တစ်ကိုယ်လုံး တုန်ရီသွားကြပြီး သန်းဆယ်ချီ သော ရေခဲမိစ္ဆာ နယ်မြေစောင့်တပ် များ၊ တိုက်ပွဲကို စောင့်ကြည့်နေသော မိစ္ဆာ နတ်ဘုရား များနှင့် မဟာ မိစ္ဆာနတ်ဘုရား များ၊ ထို့အပြင် ရေခဲမိစ္ဆာ နယ်စား ကိုယ်တိုင် ပါ အားလုံး အသံလာရာ ဘက်သို့ ချက်ချင်း လှည့်ကြည့်လိုက်ကြလေသည်။

ထို့နောက် ရေခဲမိစ္ဆာ နယ်စား ဆီသို့ တစ်လှမ်းချင်း လျှောက်လာနေသော မုန်လဲ့ကို သူတို့ တွေ့လိုက်ရလေသည်။

"သူပဲ"

"ဒီကောင် ဖြစ်နေတာကိုး"

"သူက နယ်စားကြီး ကို စိန်ခေါ်ချင်တာလား"

"သူ က ဘယ်သူလဲ"

"မင်းတို့ ထဲက သူ့ကို သိတဲ့ သူ ရှိလား"

"မသိဘူး"

"တစ်ခါမှ မမြင်ဖူးဘူး"

"မျက်နှာစိမ်း ပဲ"

မိစ္ဆာ များ က မုန်လဲ့ကို ကြည့်ကာ မျက်လုံးများထဲတွင် သံသယများ ပေါ်လာလေသည်။ ရေခဲမိစ္ဆာ နယ်မြေ အတွင်းရှိ အစွမ်းထက်သူ များကို သူတို့ ကောင်းစွာ သိရှိထားသော်လည်း မုန်လဲ့ကိုတော့ တစ်ခါမှ မမြင်ဖူးကြပေ။

မုန်လဲ့ အကြောင်း သူတို့ သိထားသည်မှာ မုန်လဲ့ က ခုနက မီးမိစ္ဆာ နတ်ဘုရား တစ်ပါး ကို သတ်လိုက်သည် ဆိုခြင်း သက်သက်သာ ဖြစ်ပြီး ကျန်သည်များကိုတော့ ဘာမှ မသိကြပေ။

သို့သော် မုန်လဲ့ က နယ်စား ကို စိန်ခေါ်မည်ဟု ကြားသောအခါ မိစ္ဆာ အများအပြား အလွန် အံ့အားသင့်သွားကြပြီး အထူးသဖြင့် အရင်က မုန်လဲ့ကို ဆဲဆိုခဲ့သော မိစ္ဆာ များ ဆိုလျှင် ကြောက်လန့်တကြား ဖြစ်နေကြလေသည်။

မုန်လဲ့ က နယ်စား ကို စိန်ခေါ်မယ် တဲ့လား... သူ ဘယ်လောက်တောင် အစွမ်းထက်လို့လဲ။

ဘုရားရေ... သူတို့ က ခုနက မုန်လဲ့ကို အဲဒီလောက် ဆဲဆိုခဲ့ကြတာ... အဲဒါ ကိုယ့်သေတွင်း ကိုယ်တူးတာ မဟုတ်ဘူးလား။

သံသယ ဝင်နေသော မဟာ မိစ္ဆာနတ်ဘုရား များနှင့် ကြောက်လန့်နေသော မိစ္ဆာ နတ်ဘုရား များကို ထားလိုက်ပါတော့... ရေခဲမိစ္ဆာ နယ်စား ၏ မျက်နှာမှာ အလွန် ကြည့်ရဆိုးနေပြီး မုန်လဲ့ကို သေချာ စိုက်ကြည့်ကာ မျက်လုံးများထဲတွင် သတ်ဖြတ်လိုစိတ်များ ပျံ့နှံ့လာပြီး "မင်း က ငါ့ကို စိန်ခေါ်ချင်တာလား" ဟု မေးလိုက်သည်။

"ဟုတ်တယ်"

မုန်လဲ့ က ဖြည်းညင်းစွာ ခေါင်းညိတ်လိုက်ပြီး "မင်း က နယ်စား တစ်ယောက် အနေနဲ့ အရမ်း ဂုဏ်ယူဝင့်ကြွားနေတာကို မြင်ရတော့... ငါလည်း နည်းနည်း စိတ်ဝင်စားသွားပြီး... နယ်စား လုပ်ရတဲ့ အရသာ ကို စမ်းကြည့်ချင်လာလို့" ဟု ပြောလိုက်သည်။

"စိန်ခေါ်သူ... စိန်ခေါ်ဖို့ ဆိုတာ စွမ်းအား လိုတယ်"

ရေခဲမိစ္ဆာ နယ်စား က အသံနှိမ့်ကာ ဟိန်းဟောက်လိုက်ပြီး "စွမ်းအား မရှိရင်... အသက် ကို အလကား ပေးလိုက်ရုံပဲ ရှိမယ်" ဟု ပြောလိုက်သည်။

"ဟုတ်လား... ဒါဆိုလည်း လာလေ... မင်း ဆိုတဲ့ ရေခဲမိစ္ဆာ နယ်စား မှာ... ခွန်အား ဘယ်လောက် ကျန်သေးလဲ ဆိုတာ ငါ ကြည့်ရသေးတာပေါ့" မုန်လဲ့ က လက်ချောင်းလေး တစ်ချက် တောက်လိုက်ပြီး ပြုံးကာ ပြောလိုက်သည်။

"သေလိုက်စမ်း"

ရေခဲမိစ္ဆာ နယ်စား က ဒေါသတကြီး ဟိန်းဟောက်လိုက်ပြီး ချက်ချင်း စတင် တိုက်ခိုက်လိုက်လေသည်။ ဧရာမ ရေခဲ လက်ဝါးကြီး ကို မြှောက်ကာ မုန်လဲ့ဆီသို့ ပြင်းထန်စွာ ရိုက်ချလိုက်ပြီး စွမ်းအား အပြည့် သုံးလိုက်လေသည်။

ရေခဲမိစ္ဆာ နယ်စား က စတင် တိုက်ခိုက်သည်နှင့် အသေအကြေ တိုက်ခိုက်မည့် အကွက်များကို အသုံးပြုလိုက်လေသည်။ တိုက်ပွဲကို လျင်မြန်စွာ အဆုံးသတ်ပြီး ရက်စက်သော နည်းလမ်းများဖြင့် မုန်လဲ့ကို သတ်ဖြတ်ကာ အခြား သူများကိုပါ သတိပေးရန် ရည်ရွယ်ထားကြောင်း သိသာလှသည်။

"လာစမ်းပါ"

မုန်လဲ့ က အသံကျယ်ကျယ်ဖြင့် ဟိန်းဟောက်လိုက်ပြီး နေရာရွှေ့ပြောင်းကာ ရေခဲမိစ္ဆာ နယ်စား ၏ ကျောဘက်သို့ ချက်ချင်း ရောက်ရှိသွားပြီး မျက်လုံးများ ပြူးကျယ်သွားကာ အမည်းရောင် မီးတောက် နှစ်ခု ပန်းထွက်လာလေသည်။

"ဝုန်း…”