အခန်း ၃၄၂

အခန်း ၃၄၂။ အုပ်စုလိုက် တိုက်ပွဲ စတင်ခြင်း နှင့် မင်း သိတတ်လို့ တော်သေးတာပေါ့

သုံးဖက် နှုတ်ဆက်ပြီးသည်နှင့် ပြိုင်ပွဲ က ချက်ချင်း စတင်လေသည်။

ပြိုင်ပွဲ စည်းကမ်း က အလွန် ရိုးရှင်းပြီး သုံးဖက်စလုံး က မိမိတို့ဘက်မှ အစွမ်းထက်သူ များကို အရေအတွက် အကန့်အသတ် မရှိ စေလွှတ်ကာ အုပ်စုလိုက် တိုက်ပွဲ ဝင်ကြရမည် ဖြစ်ပြီး နောက်ဆုံးတွင် အနိုင်ရရှိသူ ၃၆ ယောက်သာ ကျန်ရှိရမည် ဖြစ်လေသည်။

စည်းကမ်း က အရမ်း ရိုးရှင်းတယ်။

စကားတစ်ခွန်းတည်း နဲ့ ပြောရရင်... အုပ်စုလိုက် တိုက်ပွဲ ပဲ။

သေချာသည်မှာ သီအိုရီ အရ အရေအတွက် အကန့်အသတ် မရှိသော်လည်း တကယ်တမ်း အုပ်စုလိုက် တိုက်ပွဲ ဝင်ခွင့် ရှိသူ များမှာ လက်ချိုး ရေတွက်၍ ရလောက်အောင် နည်းပါးပြီး အားနည်းသော သူများ ဝင်သွားလျှင် အလကား သေရုံသာ ရှိမည် ဖြစ်လေသည်။

"အုပ်စုလိုက် တိုက်ပွဲ လား... ကျွတ်... ကျွတ်... မိစ္ဆာ တွေ ဆိုတဲ့ အတိုင်း ပဲ... နေရာ ရွေးတာ ကိုတောင် ဒီလောက် ရိုးရှင်းပြီး ကြမ်းတမ်းတာကိုး" ပြိုင်ပွဲ စည်းကမ်း ကို ကြားသောအခါ ဒိုဒိုလာ က မနေနိုင်ဘဲ ချီးကျူးလိုက်လေသည်။

"မိစ္ဆာ လောက က... ဒီလောက် ရိုးရှင်းတာပဲ လေ"

မုန်လဲ့ က ပြုံးကာ "အစွမ်းထက်တဲ့ သူ တွေ က နောက်ဆုံး အထိ တောင့်ခံနိုင်ပြီး... အားနည်းတဲ့ သူ တွေ က အလယ်အလတ် မှာ သေသွားတာ၊ ဒါမှမဟုတ် ကိုယ်တိုင် နုတ်ထွက်သွားတာ နဲ့... လူ ၃၆ ယောက် ပဲ ကျန်တဲ့ အထိ ဆက်တိုက်ရမှာပဲ" ဟု ပြောလိုက်သည်။

"အားလုံး က အလယ်အလတ် မဟာ မိစ္ဆာနတ်ဘုရား တွေချည်းပဲ ဆိုတော့... စွမ်းအား ကွာဟချက် က သိပ်မကြီးပါဘူး... သတိထားရင် အဆိုးဆုံး အခြေအနေ မှာတောင် ဘေးကင်းကင်း နဲ့ ထွက်ပြေးနိုင်မှာပါ... သေဖို့ ရာခိုင်နှုန်း က သိပ်မများဘူး" ဒိုဒိုလာ က စဉ်းစားကာ ပြောလိုက်သည်။

"အဲဒါတော့ ဟုတ်တယ်" မုန်လဲ့ ခေါင်းညိတ်လိုက်ပြီး "အရင် တစ်ခေါက် တုန်းက အုပ်စုလိုက် တိုက်ပွဲ မှာတောင် ကံဆိုးတဲ့ ၃ ယောက် ပဲ သေသွားတာလေ" ဟု ပြောလိုက်သည်။

"၃ ယောက်တည်း လား... ငါ ထင်ထားတဲ့ အတိုင်း ပဲ"

ဒိုဒိုလာ က ခေါင်းခါလိုက်ပြီး ရုတ်တရက် မျက်လုံးများ လှုပ်ရှားသွားကာ "ဒီတစ်ခေါက် ရော ဘယ်နှစ်ယောက် သေမလဲ မသိဘူး" ဟု မေးလိုက်သည်။

"ဖြစ်နိုင်ရင်... ငါ ကတော့ အကုန် သေစေချင်တာပဲ"

မုန်လဲ့ နှုတ်ခမ်းကို သပ်လိုက်ပြီး မျက်လုံးများထဲတွင် တောက်လောင်နေသော အလင်းတန်း များကို ဖုံးကွယ်ထား၍ မရပေ။ အလယ်အလတ် မဟာ မိစ္ဆာနတ်ဘုရား ၁ ပါး က နတ်ဘုရား သလင်းကျောက် သန်း ၆၀ နဲ့ ညီမျှတာလေ... ၁၀ ပါး ဆိုရင် သန်း ၆၀၀ ပေါ့။

အကောင် ၁၀၀ ဆိုရင် ၆ ဘီလီယံ ။

အကောင် ၃၀၀ ဆိုရင် ၁၈ ဘီလီယံ ။

ဒီ အလယ်အလတ် မဟာ မိစ္ဆာနတ်ဘုရား တွေ အားလုံးကို သတ်ပစ်လိုက်ရင်... ငါ က ပြီးပြည့်စုံတဲ့ အဆင့် ကို ရောက်ဖို့ လုံလောက်ပြီ ထင်တယ်။

မုန်လဲ့ ၏ ခန္ဓာကိုယ် အတွင်းမှ သတ်ဖြတ်လိုစိတ် များ က ပေါက်ကွဲထွက်မတတ် ဖြစ်နေပြီး ကြီးမားသော တိုက်ပွဲ ကြီး တစ်ခု ဆင်နွှဲရန် အသင့် ဖြစ်နေလေသည်။

"အားလုံးပဲ... အခုက စပြီး မင်းတို့ အလှည့် ရောက်ပြီ"

သရဲတစ္ဆေ မိစ္ဆာ ဘုရင်ကြီး က မုန်လဲ့ အပါအဝင် နယ်စား ၁၀၈ ယောက် ကို ကြည့်ကာ နောက်ဆုံး အနေဖြင့် အားပေး စကား ပြောကြားလိုက်လေသည်။

"အဆုံးအစမရှိသော လောက က အဆုံးအစမရှိသော ဘုရင် ပင်မနတ်ဘုရား မဖြစ်ခင် တုန်းက သူ့ရဲ့ အမာခံ စခန်း လေ... အဆုံးအစမရှိသော ဘုရင် က နှစ်ပေါင်းများစွာ စီမံခန့်ခွဲခဲ့တာ ဆိုတော့ အဲဒီ ထဲမှာ ရတနာ တွေ အများကြီး ရှိနေတာ သေချာတယ်"

"အဲဒီ ထဲမှာ မိစ္ဆာ ဘိုးဘေး ရဲ့ လက်နက် တွေ၊ မိစ္ဆာ ဘိုးဘေး တွေရဲ့ အရိုး တွေ လိုမျိုး တန်ဖိုး မဖြတ်နိုင်တဲ့ ရတနာ တွေ အများကြီး ပါဝင်တယ်... အဲဒီ ထဲကို ဝင်ပြီး ရတနာ တွေကို ပြန်ယူလာနိုင်မလား ဆိုတာ မင်းတို့ အပေါ်မှာပဲ မူတည်တော့တယ်"

မိစ္ဆာ ဘိုးဘေး ရဲ့ လက်နက် တွေ၊ မိစ္ဆာ ဘိုးဘေး တွေရဲ့ အရိုး တွေ အကြောင်း ကြားသောအခါ နယ်စား များ အားလုံး မျက်လုံးများ တောက်ပလာပြီး သူတို့၏ ရင်ထဲမှ လိုချင်စိတ် များကို ဖုံးကွယ်ထား၍ မရပေ။

တကယ်လို့ ဒီရတနာ တွေကို ရပြီး... အဆုံးအစမရှိသော လောက မှာ အောင်မြင်စွာ ပေါင်းစပ်နိုင်ခဲ့ရင်... သူတို့ရဲ့ စွမ်းအား တွေ က ကောင်းကင်နဲ့ မြေကြီး ပြောင်းလဲသွားသလို ကြီးမားစွာ တိုးတက်လာမှာပဲ။

အဲဒီ အချိန် ကျရင် သရဲတစ္ဆေ တိုက်ကြီး ကို ပြန်ရောက်တဲ့ အခါ... သူတို့ က ပြိုင်ဘက်ကင်း အစွမ်းထက်သူ သုံးယောက် နဲ့ ယှဉ်နိုင်တဲ့ စွမ်းအား မျိုး ပိုင်ဆိုင်နိုင်လောက်ပြီ မဟုတ်လား။

"မိစ္ဆာ ဘုရင်ကြီး စိတ်ချပါ... ကျွန်တော်တို့ အစွမ်းကုန် ကြိုးစားပါ့မယ်" နယ်စား များ အားလုံး အလျင်အမြန် ကတိပေးလိုက်ကြလေသည်။

"သိပ်ကောင်းတယ်"

မိစ္ဆာ ဘုရင်ကြီး ၏ မျက်လုံးများထဲတွင် ထူးခြားသော အလင်းတန်း တစ်ခု ဖြတ်ပြေးသွားပြီး လူများ အားလုံး ၏ သဘောထား ကို အလွန် ကျေနပ်သွားကာ "သွားကြတော့" ဟု ပြောလိုက်သည်။

"ဟုတ်ကဲ့... မိစ္ဆာ ဘုရင်ကြီး"

နယ်စား ၁၀၈ ယောက် ကောင်းကင် သို့ ပျံတက်သွားကြလေသည်။

တစ်ချိန်တည်းမှာပင် ကျဆင်းနေသော အင်ပါယာ နှင့် ငရဲ ခေါင်းသုံးလုံး နိုင်ငံ တို့မှ အစွမ်းထက်သူ များ လည်း ကောင်းကင် သို့ ပျံတက်သွားကြပြီး ကောင်းကင် တွင် ရောက်သောအခါ သုံးဖက်စလုံး က တြိဂံ ပုံစံ ဖြင့် ရပ်လိုက်ကြလေသည်။

တစ်ယောက်ကို တစ်ယောက် စိုက်ကြည့်နေကြပြီး တိုက်ပွဲ စတင်ရန် အသင့် ဖြစ်နေကြလေသည်။

"စပြီ"

"တိုက်ပွဲ ကြီး စတော့မယ်"

လာရောက် ကြည့်ရှုသော မိစ္ဆာ များ အားလုံး စိတ်လှုပ်ရှားလာကြပြီး မျက်လုံးများ တောက်ပကာ မျှော်လင့်ချက် ကြီးစွာဖြင့် ကြည့်နေကြလေသည်။

"အုပ်စုလိုက် တိုက်ပွဲ စတော့မယ်"

ဆွဲဆောင်မှု ရှိပြီး လှပသော ငရဲ ခေါင်းသုံးလုံး နိုင်ငံ ၏ ဘုရင်မ ယူဖီမီးယား က ပြုံးရွှင်စွာဖြင့် "ဒီတစ်ခေါက် ဘယ်နိုင်ငံ က လူ အများဆုံး ကျန်မယ် ထင်လဲ" ဟု မေးလိုက်သည်။

ကျဆင်းနေသော အင်ပါယာ ၏ ဧကရာဇ် က အေးဆေးစွာ ဖြင့် "ဘယ်နိုင်ငံ အများဆုံး ကျန်မယ် ဆိုတာကိုတော့ မသိသေးပေမယ့်... လူအနည်းဆုံး ကျန်မှာ ကတော့ သရဲတစ္ဆေ မိစ္ဆာ နိုင်ငံ ဆိုတာ... သံသယ ဝင်စရာ မလိုပါဘူး" ဟု ပြောလိုက်သည်။

"ဟိဟိဟိ... ဖွင့်မပြောပါနဲ့... အိုက်ဇိုင်းယား စိတ်ဆိုးသွားပါလိမ့်မယ်" ယူဖီမီးယား က သူမ ၏ ဆွဲဆောင်မှု ရှိသော နှုတ်ခမ်း နီနီ လေးကို ကာကာ ချွဲနွဲ့စွာ ရယ်မောလိုက်လေသည်။

အရင်က ဤသို့ နောက်ပြောင်ခံရလျှင် သရဲတစ္ဆေ မိစ္ဆာ ဘုရင် က ချက်ချင်း ပြန်လည် တုံ့ပြန်လေ့ ရှိသော်လည်း ဤတစ်ကြိမ် တွင် သူ က ဒေါသမထွက်ဘဲ အဓိပ္ပာယ် ပါပါ ပြုံးကာ "အပို စကား တွေ မပြောပါနဲ့တော့... စောင့်ကြည့်ကြတာပေါ့" ဟု ပြောလိုက်သည်။

သရဲတစ္ဆေ မိစ္ဆာ ဘုရင် ၏ မျက်နှာ အမူအရာ ကို မြင်သောအခါ ယူဖီမီးယား နှင့် အဲလက် တို့ အနည်းငယ် အံ့အားသင့်သွားကြလေသည်။

‘အိုက်ဇိုင်းယား ဘာဖြစ်သွားတာလဲ... အရင်က နဲ့ သိပ်မတူတော့ဘူးပဲ'

"ဝုန်း..."

ကောင်းကင် တွင် တိုက်ပွဲ စတင်သွားပြီ ဖြစ်လေသည်။

"တိုက်"

"သတ်"

"အဆုံးအစမရှိသော လောက က ငါတို့ဟာ ပဲ"

သုံးဖက်စလုံး မှ လူများ က ပြင်းထန်စွာ ဝင်တိုက်မိသွားကြပြီး ကောင်းကင်နှင့် မြေကြီး ကို တုန်ခါသွားစေသော အုပ်စုလိုက် တိုက်ပွဲ ကြီး က ချက်ချင်း စတင်သွားလေသည်။

"ဝုန်း... ဝုန်း... ဝုန်း..."

တစ်ခဏအတွင်းမှာပင် ကောင်းကင် ကြီး မှာ အမည်းရောင် အပေါက်ကြီး တစ်ခု အဖြစ် ပြောင်းလဲသွားပြီး ကီလိုမီတာ သန်းပေါင်းများစွာ ကျယ်ဝန်းသော နေရာ တစ်ခုလုံး မှာ အရှိန်လှိုင်း များနှင့် လေဟာနယ် မုန်တိုင်း များ ပြည့်နှက်သွားလေသည်။

ဤမြင်ကွင်း က ကမ္ဘာပျက်မည့် နေ့ ရောက်လာသကဲ့သို့ ဖြစ်နေသဖြင့် တိုက်ပွဲ ကို စောင့်ကြည့်နေသော မိစ္ဆာ များ မှာ အလွန် ကြောက်လန့်သွားကြပြီး ခြေထောက် နှစ်ချောင်းလောက် ထပ်မပါလာတာကိုပဲ နောင်တရနေကြကာ အဝေးသို့ အလျင်အမြန် ထွက်ပြေးကြလေသည်။ ထပ်ပြီး ဆက်နေရင် သူတို့ပါ သေသွားမှာကို စိုးရိမ်နေကြတာလေ။

သုံးဖက်စလုံး မှ အလယ်အလတ် မဟာ မိစ္ဆာနတ်ဘုရား သုံးရာ ကျော် ပါဝင်သော အုပ်စုလိုက် တိုက်ပွဲ တွင် အားလုံး က သွေးဆာနေကြပြီး အနီးသို့ ရောက်လာသော မည်သူ့ကိုမဆို အရင် စတင် တိုက်ခိုက်ကြလေသည်။

ထို့ကြောင့် အုပ်စုလိုက် တိုက်ပွဲ စတင်သည်နှင့် မုန်လဲ့ လည်း လျှပ်စီး မိစ္ဆာ မဟာ မိစ္ဆာနတ်ဘုရား တစ်ပါး နှင့် လေမိစ္ဆာ မဟာ မိစ္ဆာနတ်ဘုရား တစ်ပါး ၏ ဝိုင်းဝန်း တိုက်ခိုက်ခြင်းကို ခံလိုက်ရလေသည်။

တစ်ယောက် က လျှပ်စီးများ လွှမ်းခြုံထားပြီး နောက်တစ်ယောက် က လေပြင်းများ တိုက်ခတ်နေကာ အလွန် ကြောက်မက်ဖွယ် ကောင်းသော အရှိန်အဝါ ဖြင့် ပျံသန်းလာကြလေသည်။

"ကောင်လေး... မင်း က အသစ် မဟုတ်လား"

"ဟားဟားဟား... ငါ့ လက်ထဲ မှာ လာသေလိုက်စမ်း"

ထို မိစ္ဆာ နှစ်ကောင် က မုန်လဲ့ ကို ကြည့်လိုက်သည်နှင့် မုန်လဲ့ က အတွေ့အကြုံ မရှိသေးသော လူသစ် တစ်ယောက် ဖြစ်ကြောင်း ချက်ချင်း သိလိုက်ကြသဖြင့် သတ်ဖြတ်လိုစိတ် များ ပေါက်ကွဲထွက်လာပြီး မုန်လဲ့ ဆီသို့ ချက်ချင်း ပြေးဝင်လာကြလေသည်။

"ငါ့ကို အပျော့စား လို့ ထင်နေတာလား"

မုန်လဲ့ က နှာခေါင်းကို ပွတ်လိုက်လေသည်။

"ဟားဟား... လူသစ် က လူသစ် ပဲ လေ... ကြောက်လန့်သွားပြီ မဟုတ်လား... ငါ့ လက်ထဲ မှာ သေလိုက်စမ်း"

လျှပ်စီး မိစ္ဆာ မဟာ မိစ္ဆာနတ်ဘုရား ၏ လက်ထဲတွင် လျှပ်စီး ကြာပွတ် တစ်ခု ထွက်ပေါ်လာပြီး မုန်လဲ့ ဆီသို့ ရိုက်ချလိုက်လေသည်။ ဤလျှပ်စီး ကြာပွတ် က သာမန် လျှပ်စီး မဟုတ်ဘဲ ဖျက်ဆီးခြင်း အမည်းရောင် လျှပ်စီး ပင် ဖြစ်လေသည်။

ဖျက်ဆီးခြင်း အမည်းရောင် လျှပ်စီး သည် လျှပ်စီး မိစ္ဆာ များ ၏ ကိုယ်ပိုင် မွေးရာပါ စွမ်းရည် ဖြစ်ပြီး မဟာ မိစ္ဆာနတ်ဘုရား အဆင့် သို့ ရောက်ရှိမှသာ နှိုးဆွနိုင်ကာ စွမ်းအား က အလွန် ကြောက်မက်ဖွယ် ကောင်းလှပေသည်။

ဤ လျှပ်စီး မိစ္ဆာ မဟာ မိစ္ဆာနတ်ဘုရား က ယုံကြည်မှု အပြည့် ရှိနေလေသည်။ ဤကြာပွတ် တစ်ချက်တည်း နှင့်တင် သာမန် အလယ်အလတ် မဟာ မိစ္ဆာနတ်ဘုရား တစ်ပါး ဆိုလျှင်တောင် မသေရင်တောင် ဒဏ်ရာ ပြင်းပြင်းထန်ထန် ရသွားမှာပဲ... လူသစ် တစ်ယောက် က ဘယ်လိုလုပ် ခံနိုင်ရည် ရှိမှာလဲ။

သို့သော် နောက်ဆက်တွဲ ဖြစ်ပေါ်လာသော အဖြစ်အပျက် က သူ ထင်ထားသည် နှင့် လုံးဝ ကွဲလွဲနေလေသည်။ လောကကြီး တစ်ခုလုံးကို ဖျက်ဆီးပစ်နိုင်လောက်အောင် အစွမ်းထက်သော ဖျက်ဆီးခြင်း လျှပ်စီး ကြာပွတ် ကို မုန်လဲ့ က ညာလက် ဖြင့် ညင်သာစွာ ဖမ်းလိုက်လေသည်။

"ဟင်"

လျှပ်စီး မိစ္ဆာ မဟာ မိစ္ဆာနတ်ဘုရား ၏ ပါးစပ်ကြီး ပြဲနေပြီး သူ၏ မျက်လုံးများကို သူ လုံးဝ မယုံနိုင်အောင် ဖြစ်နေလေသည်။ တကယ်ကြီး ဖမ်းလိုက်နိုင်တာလား။

"ဒီကို လာခဲ့စမ်း"

သူ ကြောင်အမ်းအမ်း ဖြစ်နေသည့် အချိန်လေး တွင် မုန်လဲ့ က လျှပ်စီး ကြာပွတ် ကို လှမ်းဆွဲလိုက်ရာ လျှပ်စီး မိစ္ဆာ မဟာ မိစ္ဆာနတ်ဘုရား လည်း မုန်လဲ့ အရှေ့သို့ လွင့်ပါလာလေသည်။

"သေလိုက်စမ်း"

မုန်လဲ့ က လက်ချောင်းလေး ဖြင့် လျှပ်စီး မိစ္ဆာ မဟာ မိစ္ဆာနတ်ဘုရား ၏ မျက်ခုံးကြား ကို ထိုးလိုက်လေသည်။

"ခွပ်"

တိုးညင်းသော အသံ တစ်ခု ထွက်ပေါ်လာပြီး လျှပ်စီး မိစ္ဆာ မဟာ မိစ္ဆာနတ်ဘုရား ၏ နောက်စေ့ မှ သွေးများ ပန်းထွက်သွားကာ လက်ချောင်း အရွယ်အစား ရှိ သွေးပေါက်ကြီး တစ်ခု နောက်စေ့ တွင် ပေါ်လာလေသည်။

လျှပ်စီး မိစ္ဆာ မဟာ မိစ္ဆာနတ်ဘုရား တစ်ကိုယ်လုံး တောင့်တင်းသွားပြီး မျက်လုံးများထဲရှိ အလင်းရောင်များ တဖြည်းဖြည်း ပျောက်ကွယ်သွားကာ နောက်ဆုံးတွင် လုံးဝ အသက်ပျောက်သွားလေသည်။

မုန်လဲ့ က သူ၏ မိစ္ဆာအမြုတေ ကို ထုတ်ယူလိုက်ပြီး အလောင်း ကို အချိန်ကာလ မျှော်စင် ထဲသို့ ပစ်ထည့်လိုက်ကာ ကြောက်လန့်တကြား ဖြင့် ရပ်နေသော လေမိစ္ဆာ မဟာ မိစ္ဆာနတ်ဘုရား ကို ကြည့်လိုက်လေသည်။

"သူ သေသွားပြီ... မင်းလည်း သူ့နောက် လိုက်သွားလိုက်တော့"

မုန်လဲ့ သည် လေမိစ္ဆာ မဟာ မိစ္ဆာနတ်ဘုရား အရှေ့သို့ နေရာရွှေ့ပြောင်းသွားပြီး လက်ထဲတွင် ရွှေရောင် ဓားမြှောင် တစ်လက် ထွက်ပေါ်လာကာ လေမိစ္ဆာ မဟာ မိစ္ဆာနတ်ဘုရား ၏ လည်ပင်း ကို ညင်သာစွာ ဖြတ်လိုက်လေသည်။

"ရွှမ်း"

သွေးများ ပန်းထွက်လာပြီး ခေါင်းကြီး တစ်လုံး ကောင်းကင်သို့ လွင့်စင်သွားရာ မုန်လဲ့ က လက်ဝှေ့ယမ်းကာ လွင့်စင်သွားသော ခေါင်း နှင့် အလောင်း ကို အချိန်ကာလ မျှော်စင် ထဲသို့ ပို့လိုက်လေသည်။

"သူ က ဘယ်သူလဲ"

မဟာ မိစ္ဆာနတ်ဘုရား ရာနှင့်ချီ ပါဝင်သော အုပ်စုလိုက် တိုက်ပွဲ ကြီး မှာ အလွန် ရှုပ်ထွေးနေသဖြင့် မုန်လဲ့ က မဟာ မိစ္ဆာနတ်ဘုရား နှစ်ပါး ကို ဆက်တိုက် သတ်ပစ်လိုက်သည် ကို အုပ်စုလိုက် တိုက်ပွဲ ဝင်နေသော မဟာ မိစ္ဆာနတ်ဘုရား များ သတိမထားမိကြသော်လည်း တိုက်ပွဲကို စောင့်ကြည့်နေသူ အချို့ ကတော့ သတိထားမိသွားကြလေသည်။

"ဘုရားရေ... ဒီကောင် က တကယ် ရက်စက်တာပဲ... အလယ်အလတ် မဟာ မိစ္ဆာနတ်ဘုရား နှစ်ပါး ကို ဒီတိုင်း သတ်ပစ်လိုက်တယ် တဲ့လား"

"သူ တကယ် ဘယ်သူလဲ... အရမ်း အစွမ်းထက်တာပဲ"

"အိုက်ဇိုင်းယား... ငါ မှတ်မိသလောက် တော့... သူ က မင်း ရဲ့ လူ မဟုတ်လား" ငရဲ ခေါင်းသုံးလုံး နိုင်ငံ ၏ ဘုရင်မ ယူဖီမီးယား မျက်နှာ ပျက်သွားပြီး မေးလိုက်လေသည်။

ခုနက မုန်လဲ့ သတ်လိုက်သော လျှပ်စီး မိစ္ဆာ နှင့် လေမိစ္ဆာ မဟာ မိစ္ဆာနတ်ဘုရား တို့မှာ သူတို့၏ ငရဲ ခေါင်းသုံးလုံး နိုင်ငံ မှ ဖြစ်လေသည်။

"ဟုတ်တယ်"

သရဲတစ္ဆေ မိစ္ဆာ ဘုရင် က အနည်းငယ် ပြုံးလိုက်ပြီး မုန်လဲ့ ၏ တိုက်ခိုက်ရေး စွမ်းအား ကို အလွန် ကျေနပ်နေကာ "သူ က ရေခဲမိစ္ဆာ နယ်မြေ က လာတာ... ငါတို့ သရဲတစ္ဆေ မိစ္ဆာ နိုင်ငံ ရဲ့ ရေခဲမိစ္ဆာ နယ်စား အသစ် ပဲ" ဟု ပြောလိုက်သည်။

"ရေခဲမိစ္ဆာ နယ်စား လား"

ယူဖီမီးယား က အသံနှိမ့်ကာ "မင်း ရဲ့ လက်အောက် မှာ ဒီလို အစွမ်းထက်တဲ့ ကောင် တစ်ကောင် ထွက်လာမယ် လို့ မထင်ထားခဲ့ဘူး... ငါ မင်းတို့ သရဲတစ္ဆေ မိစ္ဆာ နိုင်ငံ ကို အထင်သေးမိသွားတာပဲ" ဟု ပြောလိုက်သည်။

"အထင်သေးတာလား... အခုမှ အစပဲ ရှိသေးတာလေ" သရဲတစ္ဆေ မိစ္ဆာ ဘုရင် က ခေါင်းခါကာ ရယ်မောလိုက်ပြီး "စောင့်ကြည့်နေလိုက်... ငါ့ရဲ့ ရေခဲမိစ္ဆာ နယ်စား က မင်းတို့ကို ကြီးမားတဲ့ အံ့ဩစရာ ကြီး တစ်ခု ပေးလိမ့်မယ်" ဟု ပြောလိုက်သည်။

"ဟွန့်"

ယူဖီမီးယား က သရဲတစ္ဆေ မိစ္ဆာ ဘုရင် ကို ဂရုမစိုက်တော့ဘဲ ကောင်းကင်ရှိ မုန်လဲ့ ကိုသာ ကြည့်နေလေသည်။

ကျဆင်းနေသော အင်ပါယာ ၏ ဧကရာဇ် အဲလက် လည်း မုန်လဲ့ ကို သေချာ စောင့်ကြည့်နေလေသည်။ အလယ်အလတ် မဟာ မိစ္ဆာနတ်ဘုရား ကို လက်ချောင်း တစ်ချောင်းတည်း နဲ့ သတ်ပစ်နိုင်တယ် ဆိုတော့... ဒီလို စွမ်းအား မျိုး က တကယ်ကို ကြောက်စရာ ကောင်းလွန်းတယ်။ အဆင့်မြင့် မဟာ မိစ္ဆာနတ်ဘုရား မဟုတ်ရင်တောင် အဲဒီ အဆင့် နဲ့ သိပ်မဝေးတော့ဘူး ဆိုတာ သေချာသည်။

"နတ်ဘုရား သလင်းကျောက် သန်း ၁၂၀ ရသွားပြီ... နေလို့ ကောင်းလိုက်တာ"

အလွယ်တကူ နှင့် နတ်ဘုရား သလင်းကျောက် သန်း ၁၂၀ ရသွားသဖြင့် မုန်လဲ့ ၏ ရင်ထဲရှိ လောဘ များ အပြည့်အဝ နိုးထလာလေသည်။

သူ့ မျက်လုံးထဲမှာတော့... အုပ်စုလိုက် တိုက်ပွဲ ဝင်နေကြတဲ့ ဒီ မဟာ မိစ္ဆာနတ်ဘုရား တွေ အားလုံး က မဟာ မိစ္ဆာနတ်ဘုရား တွေ မဟုတ်တော့ဘဲ... သူ လာသိမ်းမယ့် အချိန် ကို စောင့်နေတဲ့ ရွှေတောင်ကြီး တွေ၊ ငွေတောင်ကြီး တွေ လိုပဲ ဖြစ်နေလေသည်။

ဒီလောက် များတဲ့ နတ်ဘုရား သလင်းကျောက် တွေကို မယူဘူး ဆိုရင်... ကောင်းကင် ကတောင် အပြစ်ပေးလိမ့်မယ်။

"ဟားဟား... ငါ လာပြီ"

မုန်လဲ့ က အကြမ်းပတမ်း စတင် တိုက်ခိုက်လိုက်လေသည်။

"ရွှမ်း"

မုန်လဲ့ သည် သွေးမိစ္ဆာ တစ်ကောင် ၏ အရှေ့သို့ နေရာရွှေ့ပြောင်းသွားပြီး သူ၏ နှလုံး ကို လက်ဖြင့် နှိုက်ယူကာ ချက်ချင်း ညှစ်ခွဲပစ်လိုက်လေသည်။

"ဘာ"

သွေးမိစ္ဆာ နှင့် အုပ်စုလိုက် တိုက်ပွဲ ဝင်နေသော ငရဲ ခေါင်းသုံးလုံးခွေး တစ်ကောင် က ထိုမြင်ကွင်း ကို မြင်သောအခါ တစ်ကိုယ်လုံး တုန်ရီသွားပြီး မုန်လဲ့ ကို ကြည့်သော မျက်လုံးများထဲတွင် ကြောက်ရွံ့မှုများ ပြည့်နှက်သွားလေသည်။

လက်သီး တစ်ချက်တည်း နဲ့ သူ့ရဲ့ ပြိုင်ဘက် ကို သတ်ပစ်လိုက်တယ် တဲ့လား။

ဒါက ဘယ်လို စွမ်းအားမျိုးလဲ။

ငရဲ ခေါင်းသုံးလုံးခွေး မှာ ကြောက်လန့်တကြား ဖြင့် အဝေးသို့ ထွက်ပြေးရန် ပြင်လိုက်သော်လည်း သိပ်မဝေးခင် မှာပင် မုန်လဲ့ က သူ၏ ကျောဘက်သို့ ရောက်ရှိသွားပြီး လက်သီး ဖြင့် ပြင်းထန်စွာ ထိုးချလိုက်လေသည်။

"ဝုန်း"

ငရဲ ခေါင်းသုံးလုံးခွေး ၏ ခေါင်းကြီး မှာ ချက်ချင်း ပေါက်ကွဲထွက်သွားပြီး သွေးများ၊ ဦးနှောက်များ က အရပ်ရှစ်မျက်နှာသို့ လွင့်စင်သွားကာ ခေါင်းသုံးလုံးခွေး မှာ နေရာမှာတင် အသက်ပျောက်သွားလေသည်။

"သေနာကောင်"

ခေါင်းသုံးလုံး နိုင်ငံ ၏ ဘုရင်မ ယူဖီမီးယား ဒေါသတကြီး ခုန်ပေါက်နေလေသည်။ မုန်လဲ့ သတ်လိုက်သော ငရဲ ခေါင်းသုံးလုံးခွေး မှာ သူမ ၏ မျိုးဆက် တစ်ကောင် ဖြစ်ပြီး ယခုအခါ မုန်လဲ့ ၏ သတ်ဖြတ်ခြင်းကို ခံလိုက်ရရာ သူမ ဘယ်လိုလုပ် ဒေါသမထွက်ဘဲ နေနိုင်ပါ့မလဲ။

"ယူဖီမီးယား... စိတ်အေးအေး ထားပါ... ဒါ က အခုမှ အစပဲ ရှိသေးတာ" သရဲတစ္ဆေ မိစ္ဆာ ဘုရင် က အလွန် ကျေနပ်နေလေသည်။

"သေနာကောင်"

ယူဖီမီးယား က အံကြိတ်ကာ သရဲတစ္ဆေ မိစ္ဆာ ဘုရင် သာ ဤနေရာတွင် မရှိပါက သူမ က ချက်ချင်း ပြေးသွားပြီး မုန်လဲ့ ကို သတ်ပစ်မည်မှာ သေချာလှပေသည်။ နေရာ လုမယ့် ပြိုင်ပွဲ၊ စည်းကမ်း... အကုန်လုံး ဘေးဖယ်ထားလိုက်။

"ဒီသေနာကောင် ကတော့"

ထိုအချိန်တွင် ကျဆင်းနေသော ဧကရာဇ် အဲလက် က ရုတ်တရက် အော်ဆဲလိုက်ပြီး မျက်နှာ အလွန် ပျက်သွားကာ ဒေါသ ပေါက်ကွဲလုမတတ် ဖြစ်သွားလေသည်။

"ဟင်"

ယူဖီမီးယား အနည်းငယ် ကြောင်အမ်းသွားပြီး အလျင်အမြန် မော့ကြည့်လိုက်ရာ မုန်လဲ့ က ကျဆင်းနေသော ကောင်းကင်တမန် တစ်ယောက် ကို သတ်ပစ်လိုက်ပြီး ဦးနှောက် ထဲမှ မိစ္ဆာအမြုတေ ကို ထုတ်ယူနေသည်ကို တွေ့လိုက်ရလေသည်။

ထိုမြင်ကွင်း ကို မြင်သောအခါ ယူဖီမီးယား လေပြင်းတစ်ချက် ရှူသွင်းလိုက်ပြီး အရင်က ဒေါသများ အားလုံး ပျောက်ကွယ်သွားကာ ရန်သူ ဒုက္ခ ရောက်တာကို ကြည့်ပြီး ကျေနပ်နေလေသည်။

သို့သော် နောက်တစ်စက္ကန့် တွင် သူမ ထပ်မံ ဒေါသထွက်သွားပြန်လေသည်။ မုန်လဲ့ က နောက်ထပ် ငရဲ ခေါင်းသုံးလုံးခွေး တစ်ကောင် ကို ပစ်မှတ်ထားလိုက်ပြီး ထိုအကောင် ဆီသို့ ပြေးသွားသည်ကို တွေ့လိုက်ရလေသည်။

"အရူး ကောင်... မြန်မြန် ရှောင်စမ်း"

ယူဖီမီးယား က အသံကျယ်ကျယ်ဖြင့် အော်ဟစ် သတိပေးလိုက်လေသည်။ တစ်ယောက်ချင်း တိုက်ရင်... ငရဲ ခေါင်းသုံးလုံးခွေး က မုန်လဲ့ ကို ဘယ်လိုလုပ် ယှဉ်နိုင်မှာလဲ။

"ယူဖီမီးယား... မင်း စည်းမျဉ်း ဖောက်နေပြီနော်"

အိုက်ဇိုင်းယား က အေးစက်စက် သတိပေးလိုက်လေသည်။

"ချီးပဲ စည်းမျဉ်း... ငါ ကိုယ်တိုင် က စည်းမျဉ်း ပဲ"

ယူဖီမီးယား က ဒေါသတကြီး ဖြင့် "ဒီသေနာကောင် က ငါ့ လက်အောက် က မဟာ မိစ္ဆာနတ်ဘုရား တစ်ပါး ကို ထပ်သတ်ရဲရင်... ငါ သူ့ကို သေချာပေါက် သတ်ပစ်မယ်" ဟု ပြောလိုက်သည်။

"အိုက်ဇိုင်းယား... ဒီနေ့ ပွဲ ရဲ့ အဓိက ရည်ရွယ်ချက် က နေရာ ရွေးဖို့ ပဲ... ရန်သူ ကို သတ်ဖို့ မဟုတ်ဘူး"

အဲလက် က လည်း အေးစက်စက် ပြောလိုက်သည်။ "မင်း လူ ကို သတိပေးလိုက်... သတ်ဖြတ်တာ တွေ ကို ရပ်လိုက်တော့ လို့... မဟုတ်ရင်..."

"..."

သရဲတစ္ဆေ မိစ္ဆာ ဘုရင်ကြီး ရင်ထဲတွင် ဒေါသထွက်သွားသော်လည်း မုန်လဲ့ သာ ဆက်ပြီး သတ်နေပါက ယူဖီမီးယား နှင့် အဲလက် တို့၏ စရိုက် အရ သေချာပေါက် ဝင်ပါလာမည် ဖြစ်ပြီး သူတို့ နှစ်ယောက် ပေါင်းတိုက်မည် ဆိုလျှင် သူ လည်း တားနိုင်မည် မဟုတ်ကြောင်း ကောင်းစွာ သိရှိထားလေသည်။

ဒါကြောင့်... လုံလောက်ပြီ လို့ သတ်မှတ်လိုက်တာ ပိုကောင်းမယ်။

"ရေခဲမိစ္ဆာ နယ်စား... သတ်ဖြတ်တာ တွေ ကို ရပ်လိုက်တော့... တစ်ဖက်လူ ကို အနိုင်ယူလိုက်ရုံ နဲ့ လုံလောက်ပြီ" သရဲတစ္ဆေ မိစ္ဆာ ဘုရင်ကြီး က ရင်ထဲရှိ ဒေါသ များကို မြိုသိပ်ကာ မုန်လဲ့ ကို သတိပေးလိုက်လေသည်။

"ဟွန့်"

ယူဖီမီးယား နှင့် အဲလက် တို့ က နှာခေါင်းရှုံ့လိုက်ပြီး... မင်း သိတတ်လို့ တော်သေးတာပေါ့ ဟု တွေးလိုက်ကြလေသည်။

ဒါပေမဲ့ နှမြောစရာ ကောင်းတာက…