အခန်း ၃၇၀

အခန်း (၃၇၀) ကြင်နာယုယမှုများ ပြည့်နှက်နေသော နေရာ... ချီမိသားစု၏ ကျား

သူမ၏ ဤညီမလေးနှင့် ပတ်သက်၍ ချီဝမ်ကျင်းသည် ယခုအခါတွင် အမှန်တကယ်ပင် မည်သို့မျှ မတတ်နိုင်တော့ချေ။

အထူးသဖြင့် အမျိုးသားနှင့် အမျိုးသမီး ကြားရှိ ကိစ္စရပ်များတွင် ကျန်းချဲ့ထက်ပင် ပိုမို စိတ်အားထက်သန်နေပြီး ပုံစံအသစ်အဆန်းများကို တီထွင်ဖန်တီးလိုစိတ် ပြင်းပြနေလေသည်။

ဤအရာက သူမကို အလွန် အနေရခက်စေလေသည်။

"အစ်မရယ်... ကောင်းကင်နဲ့ မြေကြီးကိုတောင် ကန်တော့ပြီးသွားပြီပဲ... ဘာတွေ ရှက်နေသေးတာလဲ... ခဲအိုက သူ့ရဲ့ ကျင့်ကြံခြင်းစွမ်းအားတွေကိုတောင် အနစ်နာခံပြီး ညီမတို့ကို ကူညီပေးခဲ့တာလေ... ညီမတို့ကလည်း သူ့ကို သေချာလေး ပြန်လည် ပေးဆပ်ရမှာပေါ့... ပြီးတော့... ခဲအိုက ဘယ်လို လူမျိုးလဲဆိုတာ အစ်မလည်း သိသားပဲ... သူ့ဘေးမှာ ညီမတို့ နှစ်ယောက်တည်း မဟုတ်တာ သေချာတယ်... နောက်ပိုင်းကျရင် ပိုပြီးတော့တောင် များလာနိုင်သေးတယ်... သူ့ကို ဆွဲဆောင်ထားနိုင်မယ့် နည်းလမ်းတစ်ခုခု မသုံးဘူးဆိုရင်... နောက်ပိုင်း ညီမတို့ အခန်းလွတ်ကြီးထဲမှာ အထီးကျန်နေရလိမ့်မယ်နော်..."

ချီနင်ပင်းက ပြုံးစိစိဖြင့် ပြောလိုက်လေသည်။

ချီဝမ်ကျင်း၏ နှုတ်ခမ်းထောင့် အနည်းငယ် တွန့်ကွေးသွားလေသည်။ သူမသည် 'အခန်းလွတ်ကြီးထဲမှာ အထီးကျန်နေရမယ်' ဆိုသည့် စကားကို အစက နားမလည်ခဲ့သော်လည်း ယခင်က ချီနင်ပင်း ရှင်းပြပြီးနောက် ကောင်းစွာ နားလည်သွားခဲ့လေသည်။

ဤကိစ္စနှင့် ပတ်သက်၍ သူမ အလွန် စကားမပြောနိုင် ဖြစ်ရလေသည်။

'ဒါတွေ အားလုံးကို ဘယ်ကနေ သင်ယူလာတာလဲ'

"နင်ပင်း... ညီမလေးက ခင်ပွန်းသည်နဲ့တောင် မင်္ဂလာဆောင်ပြီးသွားပြီပဲ... အခေါ်အဝေါ်ကို နည်းနည်းလေး ပြောင်းသင့်တယ် မထင်ဘူးလား... တခြားလူတွေ ကြားသွားရင် မကောင်းပါဘူး..."

ချီဝမ်ကျင်းက ချက်ချင်းပင် စကားလမ်းကြောင်း လွှဲလိုက်ပြီး ညစ်ညမ်းသော စကားလုံးများဖြင့် ဆက်လက် ငြင်းခုန်လိုခြင်း မရှိတော့ချေ။

"အစ်မက နားမလည်ပါဘူး... ယောက်ျားတွေက ဒီလိုမျိုး ခေါ်တာကို ပိုသဘောကျတာ... ပြီးတော့ တခြားလူတွေ ရှိနေရင် ညီမလေး အဲ့ဒီလို ခေါ်မှာ မဟုတ်ပါဘူး... စိတ်ချပါ..."

"ဟူး..."

ချီဝမ်ကျင်း ဖြည်းညင်းစွာ ခေါင်းရမ်းလိုက်ပြီး အလွန် စကားမပြောနိုင်အောင် ဖြစ်နေဆဲ ပင်ဖြစ်သည်။

"ဟဲ့... အစ်မ... စကားလမ်းကြောင်း မလွှဲနဲ့လေ... အစောက ညီမလေး ပြောတဲ့ကိစ္စကို ကြားလား... နောက်ပိုင်း ညီမတို့..."

"ဘာ ညီမတို့လဲ... အတူတူ အိပ်မယ် ဆိုရင်တောင် တစ်ယောက် တစ်ရက်စီ အလှည့်ကျ အိပ်မှာပဲ... အတူတူ အိပ်ဖို့တော့ လုံးဝ မစဉ်းစားနဲ့... ပြီးတော့... ကျန်းချဲ့က တခြား မိန်းမတွေကို သဘောကျရင်တောင်မှ အစ်မက အများကြီး တွေးနေမှာ မဟုတ်ဘူး..."

ချီဝမ်ကျင်း မျက်နှာ ရဲတက်သွားပြီး ချက်ချင်းပင် ဝင်ပြောလိုက်လေသည်။

ချီနင်ပင်း မျက်လုံးလေး ပေကလပ် ပေကလပ် လုပ်လိုက်ပြီး မျက်နှာပေါ်တွင် အပြုံးများ ပေါ်လွင်နေဆဲ ပင်ဖြစ်သည်။

"ဟုတ်ပါတယ်... ဟုတ်ပါတယ်... အဲ့ဒီလိုမျိုး လုပ်ရမှာပေါ့... နောက်ပိုင်းကျရင် အစ်မက တည်ငြိမ်တဲ့ ဇနီးမယားကြီး နေရာမှာ နေလေ... ညီမလေးကတော့... ဟီးဟီး... ညီမလေးကတော့ ခဲအို့ရဲ့ မိန်းမပျက်လေး နေရာမှာ နေမယ်... ညီမတို့ ညီအစ်မ နှစ်ယောက် ပေါင်းပြီး ရှန်းရှန်းကိုပါ ခေါ်လိုက်မယ်ဆိုရင်... နောက်ပိုင်းကျရင် ခဲအိုက မျက်စိကျနေရင်တောင်မှ... လက်တွေ့ လုပ်နိုင်စွမ်း ရှိတော့မှာ မဟုတ်ဘူး..."

ချီဝမ်ကျင်း စကားမပြောနိုင်တော့ဘဲ ဆွံ့အသွားလေသည်။

ညီမဖြစ်သူကို မျက်စောင်းတစ်ချက် ထိုးလိုက်ပြီး ချီဝမ်ကျင်း သက်ပြင်း ဖွဖွလေး တစ်ချက်ချကာ သူမ၏ အဓိပ္ပာယ်မရှိသော စကားများကို ဆက်လက် နားထောင်မနေတော့ဘဲ ကုတင်ပေါ်တွင် တည်ငြိမ်စွာ ဝင်ထိုင်ကာ မျက်လုံးမှိတ်ပြီး အနားယူနေလိုက်လေသည်။

ကျွီခနဲ အသံနှင့်အတူ တံခါး ရုတ်တရက် ပွင့်လာလေသည်။

အနီရောင် မင်္ဂလာဝတ်ရုံကြီးကို ဝတ်ဆင်ထားသော ကျန်းချဲ့သည် မင်္ဂလာဦးည အိပ်ဆောင် အတွင်းသို့ ဝင်ရောက်လာပြီး ချီဝမ်ကျင်း နှင့် ချီနင်ပင်း တို့ကို တစ်ချက် လှမ်းကြည့်လိုက်ကာ အနီးသို့ လျှောက်သွားလိုက်လေသည်။

"နည်းနည်း အချိန်ကြန့်ကြာသွားလို့... မင်းတို့ အကြာကြီး စောင့်လိုက်ရလား..."

ချီဝမ်ကျင်း နှုတ်ခမ်းကို ကိုက်လိုက်ပြီး ဘာမှ ဝင်မပြောဘဲ မတ်တတ်ထရပ်ကာ စားပွဲဆီသို့ လျှောက်သွားလိုက်လေသည်။ ထို့နောက် အနီရောင် ဗန်းလေး တစ်ခုကို ကိုင်ဆောင်လာပြီး ထိုအပေါ်တွင် အနီရောင် ဝိုင်ခွက် သုံးခွက် ရှိနေကာ အထဲတွင် မင်္ဂလာဝိုင်အရက်များ အသင့် ပြင်ဆင်ထားလေသည်။

"ခဲအို..."

ကျန်းချဲ့ အနီးသို့ ရောက်သွားသည်နှင့် ချီနင်ပင်းက စောင်ကို ရုတ်တရက် ဖယ်ခွာလိုက်ပြီး ကျန်းချဲ့၏ ကိုယ်ပေါ်သို့ ခုန်တက်ကာ ဖက်တွယ်လိုက်လေသည်။

ချီနင်ပင်း ကိုယ်ပေါ်ရှိ ပါးလွှာသော အဝတ်အစားလေးများကို ကြည့်ရင်း ကျန်းချဲ့၏ မျက်ဝန်းများထဲတွင် အပြုံးများ ပြည့်နှက်သွားလေသည်။

"နင်ပင်း... မင်းက တကယ်ကို နတ်မိမယ်လေး တစ်ပါးပါပဲကွာ..."

"တော်ကြပါတော့... အရင်ဆုံး မင်္ဂလာအရက်လေး အရင် သောက်ကြရအောင်..."

ချီဝမ်ကျင်းက အလွန် စကားမပြောနိုင်သော မျက်နှာထားဖြင့် အနီးသို့ လျှောက်သွားကာ ဝိုင်ခွက် နှစ်ခွက်ကို ချီနင်ပင်း နှင့် ကျန်းချဲ့ တို့ထံသို့ ကမ်းပေးလိုက်လေသည်။

"အစ်မ... အစ်မက အကြီးဆုံးလေ... အစ်မ အရင် သောက်ပါ..."

ချီနင်ပင်းက အလျင်အမြန် ငြင်းဆန်လိုက်လေသည်။

"အားလုံး အတူတူပါပဲ... ညီမလေးပဲ အရင် သောက်လိုက်ပါ..."

"ကဲပါ... မငြင်းကြပါနဲ့တော့... အားလုံး အတူတူ သောက်ကြတာပေါ့..."

ကျန်းချဲ့က ဝင်ရောက် တားဆီးလိုက်ပြီးနောက် ဘယ်ညာ တစ်ဖက်တစ်ချက်စီတွင် လှပ ကျက်သရေရှိသော အမျိုးသမီးလေး နှစ်ယောက်ကို ဖက်တွယ်ထားကာ မင်္ဂလာအရက်ကို အတူတကွ သောက်သုံးလိုက်ကြလေသည်။

"အစ်မ... အရက်လည်း သောက်ပြီးပြီ ဆိုတော့... မြန်မြန် လာခဲ့လေ... ညီမလေး ကြည့်ရတာ ခဲအိုက သိပ်ပြီး တောင့်ခံနိုင်တော့မယ့် ပုံ မပေါ်ဘူး..."

ချီနင်ပင်းက တခစ်ခစ် ရယ်မောလိုက်ပြီး ချီဝမ်ကျင်းကို ဆွဲကာ စောင်ထဲသို့ ဝင်ရောက်ရန် ပြင်ဆင်လိုက်လေသည်။

"မ... မလုပ်ပါနဲ့... ညီမလေးတို့ပဲ အရင် လုပ်ကြပါ... အစ်မက... အစ်မက..."

ချီဝမ်ကျင်း မျက်နှာ ရဲတက်သွားပြီး စကားကိုပင် ပီပီသသ မပြောနိုင်အောင် ဖြစ်နေရလေသည်။

"မင်္ဂလာဦးညပဲကွာ... အားလုံး အတူတူ ပျော်ပျော်ပါးပါး နေကြတာပေါ့..."

ကျန်းချဲ့က ဝင်ရောက် ဖျောင်းဖျလိုက်လေသည်။

ချီဝမ်ကျင်း အနည်းငယ် တွန့်ဆုတ်နေပြီး အချိန်အတော်ကြာအောင် စဉ်းစားပြီးမှသာ ဖြည်းညင်းစွာ ခေါင်းညိတ်လိုက်လေသည်။

"ဒါ... ဒါဆိုရင်လည်း... ဒီတစ်ကြိမ် တည်းနော်..."

မင်္ဂလာဦးည၏ ဝမ်းသာပျော်ရွှင်မှုများကို အပြင်လူများအား ပြောပြရန် မဖြစ်နိုင်ချေ။ အချုပ်အားဖြင့် ဆိုရလျှင် ကျန်းချဲ့ကိုယ်တိုင် အလွန်အမင်း သာယာကြည်နူးမှုများကို ခံစားခဲ့ရပြီး တိုက်ပွဲမှာလည်း အလွန် ပြင်းထန်ခဲ့လေသည်။

မင်္ဂလာဦးည အိပ်ဆောင်ထဲမှ ညအချိန် ကုန်ဆုံးသွားပြီးနောက်ပိုင်းတွင် မင်္ဂလာပွဲသို့ လာရောက်ကြသော ဧည့်သည်တော်များ အချို့လည်း တစ်ယောက်ပြီး တစ်ယောက် ပြန်လည် ထွက်ခွာသွားကြလေသည်။

ဤတစ်ကြိမ်တွင် ကျန်းချဲ့ ကိုယ်တိုင်ကိုယ်ကျ ထွက်ခွာ နှုတ်ဆက်ရမည် ဖြစ်ပြီး အထူးသဖြင့် ချီဆန်းကျား၊ လျိုကျစ် ကဲ့သို့သော မိတ်ဆွေဟောင်း များကို ကိုယ်တိုင် လိုက်လံ ပို့ဆောင်ကာ ကျင့်ကြံခြင်း အရင်းအမြစ် အချို့ကိုပါ ပေးအပ်ခဲ့လေသည်။

ယခင်က ကျန်းချဲ့သည် ချီဆန်းကျားကို ကြီးကြီးမားမား ကူညီပေးနိုင်စွမ်း မရှိခဲ့ဘဲ ချီဟွမ်း အပေါ်တွင်သာ အကူအညီများ ပေးအပ်နိုင်ခဲ့လေသည်။ သို့သော် ယခုအခါ မင်္ဂလာဆောင် ပြီးနောက် ချမ်းသာကြွယ်ဝ လာသော ကျန်းချဲ့တွင် လုံလောက်သော စွမ်းရည်များ ရှိနေပြီ ဖြစ်လေသည်။

ယွမ်ကျောက်တုံးများ၊ ဝိညာဉ်ဆေးပင်များ နှင့် သာမန် ကောင်းကင်နှင့်မြေကြီး ရတနာ များသည် သူ၏ အတွက် ယခုအခါတွင် ခက်ခဲသော ပြဿနာ လုံးဝ မဟုတ်တော့ချေ။

လက်ထဲမှ အနည်းငယ် ဖဲ့ပေးလိုက်ရုံဖြင့် သာမန် သိုင်းသခင် တစ်ယောက် တစ်သက်လုံး စုဆောင်းထားသော ပိုင်ဆိုင်မှုများထက် ပိုမို များပြားနေပြီ ဖြစ်လေသည်။

ထို့အပြင် မြောက်ပိုင်း ချီမိသားစု ကလည်း ကျန်းချဲ့ကို အလွန် ကြီးမားလှသော မင်္ဂလာလက်ဖွဲ့ပစ္စည်းများကို ပေးအပ်ခဲ့လေသည်။

ယခင်က ကျန်းချဲ့ ပေးအပ်ခဲ့သော တောင်းရမ်း လက်ဖွဲ့ ပစ္စည်းများထက် အများကြီး ပိုမို များပြားနေလေသည်။ ကွမ်ကျွင်းနယ်စား အိမ်တော် ကိုတော့ ထိုက်အန်းဒေသ တွင် လက်ရှိ ဆောက်လုပ်ဆဲ ပင်ဖြစ်သည်။

သို့သော် ကျန်းချဲ့သည် ထိုနေရာသို့ ပြန်လည် သွားရောက်ရန် ရာခိုင်နှုန်း အလွန် နည်းပါးပြီး နာမည်ခံ သက်သက်သာ ဖြစ်လေသည်။

ကျန်းချဲ့ သေချာ စဉ်းစားကြည့်ပြီးနောက် ဤတာဝန်ကို ယခင်က သူနှင့်အတူ အသက်စွန့်ခဲ့ဖူးသော ဆန်းအာ နှင့် အခြားသော သူများကို လွှဲပြောင်းပေးရန် ဆုံးဖြတ်လိုက်လေသည်။

သူတို့၏ ကျင့်ကြံခြင်း အဆင့်များမှာ အလွန် နိမ့်ကျလွန်းပြီး အလားအလာ လုံးဝ မရှိတော့ချေ။

မွေးရာပါအဆင့် သို့ပင် တက်လှမ်း နိုင်စွမ်း မရှိတော့ဘဲ ကျန်းချဲ့ အတွက် ဝန်ထုပ်ဝန်ပိုး သက်သက်သာ ဖြစ်နေပြီ ဖြစ်လေသည်။

သို့သော် မည်သို့ပင်ဆိုစေ သူတို့သည် သူ၏ အတွက် အလုပ်လုပ်ပေးခဲ့ဖူးသူများ ဖြစ်ရာ နယ်စားအိမ်တော်ကို စောင့်ရှောက်ရင်း အေးချမ်းစွာ အသက်မွေးဝမ်းကျောင်း ပြုခြင်းက သူတို့အတွက် အကောင်းဆုံးသော ရွေးချယ်မှု တစ်ခု သေချာပေါက် ဖြစ်ပေလိမ့်မည်။

ချီဟွမ်း နှင့် အခြားသော သူများ ကတော့ ထျန်းနန်မြို့ သို့ ပြန်လည် ထွက်ခွာသွားကြလေသည်။

ယခုအခါ ကျန်းချဲ့ ၏ တိကျသော ရာထူး ကို မသတ်မှတ် ရသေးရာ သူတို့ကို အလွယ်တကူ ရွှေ့ပြောင်း၍ မရနိုင်ချေ။ သေချာသည် ကတော့ ကျန်းချဲ့ ပြောင်းရွှေ့သွားမည် ဆိုလျှင်တောင်မှ သူတို့ကို ယွဲ့ပြည်နယ် တွင် အခြေချ နေထိုင်စေရန် အများဆုံး ဖြစ်နိုင်လေသည်။

ဤသည်မှာ ကျန်းချဲ့ ၏ အင်အားစု အခြေခံအုတ်မြစ် ပင်ဖြစ်သည်။

ချန်ချင်းဖန် သည် နောက်ဆုံးမှ ထွက်ခွာသွားသူ များထဲတွင် ပါဝင်ပြီး မထွက်ခွာမီ အချိန်တွင် ကျန်းချဲ့ နှင့် သီးသန့် စကားပြောဆို ခဲ့လေသည်။

အပြင်ပန်းတွင် သာမန် စကားပြောဆို နေသည်ဟု ထင်ရသော်လည်း တကယ်တမ်း တွင်တော့ သတိပေး စကား အချို့ကို အရိပ်အမြွက် ပြောကြား နေခြင်း ပင်ဖြစ်သည်။

အခြား သူများ၏ ကဲ့ရဲ့ ပြောဆိုမှု များကို ရှောင်လွှဲ နိုင်ရန် မြို့တော် သို့ အမြန်ဆုံး လာရောက်ရန် မျှော်လင့်ကြောင်း ပြောကြားခဲ့လေသည်။

အရာအားလုံး ပြီးဆုံးသွားသောအခါ။

မင်္ဂလာပွဲသို့ လာရောက်ကြသော ဧည့်သည်တော် များ၏ ပျံ့နှံ့မှု ကြောင့် မင်္ဂလာပွဲ အခမ်းအနား ၏ အခြေအနေ များမှာလည်း သိုင်းလောက တစ်ခွင်လုံး သို့ လျင်မြန်စွာ ပျံ့နှံ့ သွားခဲ့လေသည်။ ထိုအထဲတွင် အဓိက အကျဆုံးသော ကိစ္စ သုံးခု ရှိလေသည်။

ပထမ တစ်ခုမှာ မင်္ဂလာပွဲသို့ လာရောက်ကြသော ဧည့်သည်တော် များ၏ အဆင့်အတန်း ပင်ဖြစ်သည်။ ရှန်ရှန်းအဆင့် ရှိသော မဟာသိုင်းသခင်ကြီး အယောက် နှစ်ဆယ်ထက် မနည်း တက်ရောက် ခဲ့ကြပြီး ယွင်ပြည်နယ်၊ ယွဲ့ပြည်နယ်၊ ချင်းပြည်နယ် အစရှိသော တောင်ပိုင်း ပြည်နယ် အတော်များများ မှ အင်အားစု ရာချီအောင် လာရောက် ဂုဏ်ပြု ခဲ့ကြလေသည်။

ယခုအခါ ချီမိသားစု ၏ ဩဇာအာဏာ မှာ မွန်းတည့် နေမင်း အလား အလွန် ကြီးမား နေကြောင်းကို အံ့အားသင့်ဖွယ် မြင်တွေ့ နေရလေသည်။

ဒုတိယ တစ်ခုမှာ ကျန်းချဲ့ ၏ မင်္ဂလာပွဲ တွင် ချီမိသားစု ၏ ညီအစ်မ နှစ်ယောက် ကို တစ်ပြိုင်တည်း လက်ထပ် လိုက်သော သတင်း ပင်ဖြစ်သည်။ ဤကိစ္စက လူအများ ကို အားကျ စေရုံ သာမက အချင်းချင်း ဆွေးနွေး ပြောဆိုစရာ ကိစ္စ တစ်ခု လည်း ဖြစ်လာခဲ့လေသည်။

ကျန်းချဲ့ ကဲ့သို့သော ပြိုင်ဘက်ကင်း အစွမ်းထက် သူကြီး တစ်ယောက် က မြောက်ပိုင်း ချီမိသားစု ၏ တရားဝင် သမီး နှစ်ယောက် ကို တစ်ပြိုင်တည်း လက်ထပ် လိုက်ခြင်းမှာ လူတိုင်း အတွက် စံပြ ပုဂ္ဂိုလ် တစ်ယောက် အဖြစ် သတ်မှတ် ခံရလောက်အောင် ပင်ဖြစ်သည်။

မည်သို့ပင်ဆိုစေ မြောက်ပိုင်း ချီမိသားစု ကဲ့သို့သော နှစ်ထောင်ချီ သက်တမ်း ရှိသည့် မိသားစုကြီး တစ်ခု အနေဖြင့် မျိုးရိုး ဂုဏ်သိက္ခာ နှင့် စည်းမျဉ်း စည်းကမ်း များကို မည်မျှ အလေးထား ကြောင်းကို အားလုံး သိရှိထား ကြလေသည်။

ကျန်းချဲ့ သည် ကိုယ်လုပ်တော် အဖြစ် ထားရှိခွင့် ရှိသော်လည်း ဇနီးမယား နှစ်ယောက် ကို တစ်ပြိုင်တည်း လက်ထပ်ခွင့်၊ အထူးသဖြင့် ထို အမျိုးသမီး နှစ်ယောက် စလုံး က ညီအစ်မ အရင်း များ ဖြစ်နေခြင်း က လူအများ ကို အလွန်အမင်း အံ့အားသင့် သွားစေခဲ့လေသည်။

မြောက်ပိုင်း ချီမိသားစု ကို ဤကဲ့သို့ အလျော့ပေး လာအောင် ဖျောင်းဖျ နိုင်ခဲ့သည့် ကျန်းချဲ့ ကို အားလုံး က လေးစား အားကျ နေကြလေသည်။

အချို့က တကယ့် ယောက်ျားကောင်း တစ်ယောက် ဟု ချီးကျူး ကြလေသည်။

အချို့ကလည်း ကျန်းချဲ့ သည် ချီမိသားစု ၏ ကျား တစ်ကောင် ဖြစ်လာပြီး ကိုယ်ပိုင် စွမ်းအား တစ်ခုတည်း ဖြင့် မြောက်ပိုင်း ချီမိသားစု ၏ စည်းမျဉ်း စည်းကမ်း များကို အပြည့်အဝ ချိုးဖျက်ပစ် ကာ အားလုံး ကို အလျော့ပေး လာအောင် လုပ်နိုင်ခဲ့သဖြင့် သိုင်းလျှို့ဝှက်နယ်မြေ ပြိုင်ပွဲ ၏ နံပါတ်တစ် ဆိုသည့် ဂုဏ်ပုဒ် နှင့် အမှန်တကယ် ထိုက်တန် ကြောင်း ချီးကျူး ကြလေသည်။

သေချာသည် ကတော့ ကျန်းချဲ့ ၏ အစွမ်းအစ ကို ချီးကျူး သူများ ရှိသလို မြောက်ပိုင်း ချီမိသားစု ကို ကဲ့ရဲ့ သူများ လည်း ရှိလေသည်။

ကျန်းချဲ့ ကို ဆွဲဆောင် စည်းရုံး နိုင်ရန် အတွက် ကိုယ်ပိုင် အခြေခံ စည်းမျဉ်း များကို စွန့်လွှတ် လိုက်ခြင်းမှာ နှစ်ထောင်ချီ သက်တမ်း ရှိသော မိသားစုကြီး တစ်ခု ၏ ဂုဏ်သိက္ခာ ကို အရှက်ရ စေသည်ဟု ဆိုကြလေသည်။

'ဘယ်လို နာမည်ကြီး မိသားစု မျိုးလဲ... ကျန်းချဲ့ လို ပြိုင်ဘက်ကင်း ပါရမီရှင် မျိုး ရဲ့ အရှေ့မှာ ရောက်တော့လည်း စည်းမျဉ်း တွေ လျှို့ဝှက်ချက် တွေ အားလုံးကို ဘေးဖယ် ထားလိုက်တာပဲ မဟုတ်လား...'

ဤကဲ့သို့ ပြောဆို သူများ မှာ အများအားဖြင့် နာမည်ကြီး မိသားစု များမှ သခင်လေး များ သာ ဖြစ်ကြလေသည်။

တစ်ဖက် တွင် သူတို့ သည် မြောက်ပိုင်း ချီမိသားစု က ကျန်းချဲ့ ကဲ့သို့သော သမက်ကောင်း တစ်ယောက် ရရှိသွားသည်ကို အားကျ မနာလို ဖြစ်နေကြပြီး အခြား တစ်ဖက် တွင်တော့ အတင်းအဖျင်း ပြောဆိုကာ ကဲ့ရဲ့ နေကြခြင်း ပင်ဖြစ်သည်။

နောက်ဆုံး တတိယ ကိစ္စ ကတော့ သိုင်းလောက တစ်ခုလုံး သာမက အလယ်ပိုင်းဒေသ တစ်ခုလုံး ကို အကြီးအကျယ် တုန်လှုပ် သွားစေခဲ့သော သတင်း ကြီး တစ်ခု ပင်ဖြစ်သည်။

၎င်းမှာ ကျန်းချဲ့ သည် အသက် နှစ်ဆယ် ကျော် အရွယ် ဖြင့် တော်ဝင်နန်းတော် ၏ နယ်စား ဘွဲ့ကို ချီးမြှင့် ခံလိုက်ရပြီး လောက တစ်ခွင်လုံး တွင် နာမည် ကျော်ကြား လာခဲ့ခြင်း ပင်ဖြစ်သည်။

မည်သို့ပင်ဆိုစေ တာ့ကျိုး နိုင်ငံတော် ၏ သမိုင်း တစ်လျှောက် တွင် နိုင်ငံတော် စတင် တည်ထောင် ကတည်းက ဤမျှလောက် ငယ်ရွယ်သော နယ်စား ဆိုသည်မှာ လုံးဝ မရှိခဲ့ဖူးချေ။ တကယ့်ကို အံ့မခန်း ကြောက်စရာ ကောင်းလွန်းလှပေသည်။

သို့သော် လူအများစု ကလည်း ကျန်းချဲ့ နယ်စားဘွဲ့ ရရှိခြင်းမှာ သူ၏ ကိုယ်ပိုင် အကျိုးဆောင် မှုများ ကြောင့် သာ ဖြစ်ကြောင်းကို ကောင်းစွာ နားလည် သဘောပေါက် ကြလေသည်။

ယွဲ့ပြည်နယ် နယ်စပ် တိုက်ပွဲ တွင် တောင်ပိုင်း ယွဲ့ နိုင်ငံ မှ မဟာသိုင်းသခင်ကြီး လေးယောက် ကို သတ်ဖြတ် ကာ တောင်ပိုင်း ယွဲ့ နိုင်ငံ ၏ လက်ရွေးစင် စစ်သည် သောင်းချီ ကို အပြတ်အသတ် သတ်ဖြတ် နိုင်ခဲ့ခြင်းက တောင်ပိုင်း ဒေသ တစ်ခုလုံး ကို တုန်လှုပ် သွားစေခဲ့သည်။

သိုင်းလျှို့ဝှက်နယ်မြေ တိုက်ပွဲ တွင် လောက တစ်ခွင် က သူရဲကောင်း များကို အပြည့်အဝ အနိုင်ယူ ဖိနှိပ် နိုင်ခဲ့ပြီး ဩဇာအာဏာ ကြီးမား လာခဲ့ခြင်း။

အခြား အရာများကို အသာထား ၍ ဤ သုံးချက် တည်း နှင့်တင် အချို့ သော သူများ ၏ ပါးစပ်ကို ပိတ်သွား စေရန် လုံလောက် နေလေပြီ။

အကြောင်းမူကား သူ တွင် လုံလောက်သော အကျိုးဆောင် မှုများ ရှိနေသောကြောင့် ပင်ဖြစ်သည်။

ထို့အပြင် သိုင်းလောက တွင် လျှို့ဝှက်စွာ ပျံ့နှံ့ နေသော ခေါက်ရှန်းနတ်မင်းကြီး ကျီချန်တောက် ၏ ကျန်းချဲ့ အပေါ် ချီးကျူး စကားဖြစ်သော 'စစ်တပ် တစ်ခုလုံး မှာ ထိပ်ဆုံး ကပဲ... လောက တစ်ခွင် မှာ ပြိုင်ဘက်ကင်း တယ်...' ဟူသော စကား ကြောင့် ကျန်းချဲ့ သည် အစွမ်းထက် သူကြီး များ ၏ မျက်စိကျ ခြင်းကို ခံနေရပြီ ဖြစ်ကြောင်း အားလုံး ကောင်းစွာ သဘောပေါက် သွားကြလေသည်။

အနာဂတ် တွင် ကျန်းချဲ့ သည် တော်ဝင်နန်းတော် ၏ အင်အားကြီးမားသော အရာရှိကြီး တစ်ယောက် သေချာပေါက် ဖြစ်လာမည် ကို ကြိုတင် ခန့်မှန်း နိုင်လေသည်။ နယ်စားပယ်စား အရာရှိကြီး တစ်ယောက် ပင် ဖြစ်လာနိုင်ချေ ရှိလေသည်။

ထိုအကြောင်းကြောင့် သိုင်းလောက မှ သိုင်းပညာရှင် များ သာမက တော်ဝင်နန်းတော် ၏ အရာရှိ များ အားလုံး ပင်လျှင် အလွန်အမင်း အားကျ နေကြပြီး လူငယ် သိုင်းပညာရှင် များ ကတော့ ကျန်းချဲ့ ကို စံပြ ပုဂ္ဂိုလ် တစ်ယောက် အဖြစ် ရည်မှန်းချက် တစ်ခု အဖြစ် သတ်မှတ် လာကြလေသည်။

အချိန်တို အတွင်းမှာပင် ကျန်းချဲ့ ၏ ဩဇာအာဏာ မှာ မွန်းတည့် နေမင်း အလား အဆက်မပြတ် မြင့်တက် လာခဲ့လေသည်။

"သိုင်းလောက က သတင်းတွေ အပေါ် ဘယ်လို မြင်လဲ..."

မက်မွန်ခြံ အတွင်း တွင် ချီကျန်းနန် နှင့် ကျန်းချဲ့ တို့ မျက်နှာချင်းဆိုင် ထိုင်ကာ အပြင်ဘက် မှ သတင်းများ ကို ဆွေးနွေး နေကြလေသည်။

"ဦးလေး ပြောတာ ခေါက်ရှန်းနတ်မင်းကြီး ကိုလား..."

ကျန်းချဲ့ ၏ ရင်ထဲတွင် အတွေးတစ်ခု ပေါ်လာပြီး ရုတ်တရက် ပြန်မေး လိုက်လေသည်။

ချီကျန်းနန် က ချီးကျူး လိုသော မျက်နှာထား ဖြင့် ခေါင်းညိတ် လိုက်လေသည်။

"တော်ဝင်နန်းတော် ရဲ့ ကိစ္စတွေ နဲ့ ပတ်သက်ပြီး ငါတို့ ချီမိသားစု မှာလည်း သတင်း ရင်းမြစ် တွေ မျက်လုံး တွေ အများကြီး ရှိပါတယ်... အရင်တုန်းက မင်းကို ဆုချီးမြှင့်တဲ့ အချိန်မှာ တော်ဝင်နန်းတော် ထဲမှာ အကြီးအကျယ် လှိုင်းဂယက် တွေ ထသွားခဲ့တယ်... မူလက ဧကရာဇ်မင်း က မင်းကို မြို့စားဘွဲ့ ပဲ ပေးချင်တာ... ထုံးတမ်းစဉ်လာ ဌာန ကတောင် အမိန့်တော် ကို ရေးဆွဲ ပြီးနေပြီ... ဒါပေမဲ့ ကျီချန်တောက် ကြောင့်... နောက်ဆုံး ဧကရာဇ်မင်း က နောက်ဆုတ် ပေးလိုက်ရပြီး မင်းကို နယ်စားဘွဲ့ ချီးမြှင့် လိုက်တာပဲ... အခု လက်ရှိ အခြေအနေ အရ ကြည့်မယ် ဆိုရင်... လူတိုင်း ရဲ့ အမြင်မှာ မင်းက ကျီချန်တောက် ရဲ့ လူ ဖြစ်သွားပြီ... ဒါက မင်းအတွက် အကျိုးကျေးဇူး တွေ ရှိသလို ဆိုးကျိုး တွေလည်း ရှိတယ်... အကျိုးကျေးဇူး ကတော့ ကျီချန်တောက် က သာမန် လူ မဟုတ်ဘူး... တော်ဝင်နန်းတော် မှာ သူရဲ့ အဆင့်အတန်း က အရမ်းကို မြင့်မားတယ်... ဧကရာဇ်မင်း ကိုယ်တိုင် တောင်မှ သူ့ကို ရှောင်ဖယ် ပေးနေရတယ်... ဆိုးကျိုး ကတော့ ဧကရာဇ်မင်း က ဒီကိစ္စ ကြောင့် မင်းကို ဖိနှိပ် ချင်လာ လိမ့်မယ်... မင်းကို အကြီးမားဆုံး ခြိမ်းခြောက်မှု ကြီး တစ်ခု အဖြစ် မဖြစ်လာအောင် ကာကွယ် ချင်လာ လိမ့်မယ်..."

ချီကျန်းနန် က သူ နားလည် ထားသမျှ အရာ အားလုံးကို အစအဆုံး ကျန်းချဲ့ ကို ရှင်းပြ လိုက်ပြီး တော်ဝင်နန်းတော် ၏ အခြေအနေ များကို သေချာစွာ ရှင်းပြ ပေးလိုက်လေသည်။

မြောက်ပိုင်း ချီမိသားစု ၏ အခြေခံ အုတ်မြစ် မှာ တောင်ပိုင်း ဒေသ တွင် သာ ရှိပြီး အလယ်ပိုင်းဒေသ မြို့တော် တွင်တော့ အပြည့်အဝ ဝင်ရောက် စွက်ဖက် နိုင်စွမ်း မရှိချေ။ ကျန်းချဲ့ သည် မကြာမီ မြို့တော် သို့ သွားရောက် ရတော့မည် ဖြစ်ရာ ကြိုတင် ပြင်ဆင် မှုများ သေချာစွာ လုပ်ဆောင် ထားရန် လိုအပ် လေသည်။

"ဒါဆို... ဦးလေး ရဲ့ အမြင် မှာ... ကျွန်တော် ဘယ်လို လုပ်သင့်တယ် လို့ ထင်လဲ..."

"ဧကရာဇ်မင်း ဖြစ်ဖြစ်... ကျီချန်တောက် ဖြစ်ဖြစ် အခု လက်ရှိ မင်း အနေနဲ့ လုံးဝ ယှဉ်ပြိုင် နိုင်စွမ်း မရှိသေးဘူး... မင်း လုပ်ဖို့ လိုအပ်တာက သူတို့ နှစ်ယောက် ကြားက ချိန်ခွင်လျှာ ညီမျှ မှုကို ထိန်းသိမ်း ထားဖို့ပဲ... ဘယ်သူ့ လူ ဆိုပြီး အစောကြီး ကတည်းက ပွင့်ပွင့်လင်းလင်း ရပ်တည် တာမျိုး မလုပ်သင့်ဘူး... ဧကရာဇ်မင်း က ဝမ်ကျင်း ကို ဂုဏ်ထူးဆောင်ကတော် အဖြစ် သူကောင်းပြု တဲ့ အမိန့်တော် ကို ကြည့်မယ် ဆိုရင်... ဧကရာဇ်မင်း ကလည်း မင်းကို ဆွဲဆောင် စည်းရုံး ချင်နေတာ အသေအချာပဲ... တကယ်လို့ မင်းက ငြင်းဆန် လိုက်မယ် ဆိုရင် ဧကရာဇ်မင်း ရဲ့ အငြိုးထား ခြင်း ကို သေချာပေါက် ခံရလိမ့်မယ်... အဲ့ဒီ အတိုင်းပဲ ကျီချန်တောက် ဆီမှာ လည်း အတူတူပဲ... ဒါက ငါ့ရဲ့ ကိုယ်ပိုင် အမြင် သက်သက် ပါပဲ... တကယ်တမ်း ဘယ်လို လုပ်မလဲ ဆိုတာကတော့ မင်း ကိုယ်တိုင် သေချာ ချိန်ဆ ဖို့ လိုတယ်... ဘာလို့လဲဆိုတော့ ဧကရာဇ်မင်း ဖြစ်ဖြစ် ကျီချန်တောက် ဖြစ်ဖြစ်... သာမန် လူတွေ အလွယ်တကူ နားလည် နိုင်တဲ့ သူတွေ လုံးဝ မဟုတ်လို့ပဲ..."

"ကျွန်တော် နားလည် ပါပြီ..."

ကျန်းချဲ့ တွေးတော နေသော မျက်နှာထား ဖြင့် ခေါင်းညိတ် လိုက်လေသည်။

"မြို့တော် ရဲ့ အခြေအနေ တွေ နဲ့ ပတ်သက်ပြီး သတင်း အချက်အလက် တွေ စုဆောင်း ခိုင်းထား ပါတယ်... မင်း မသွားခင် အချိန်ကျရင် မင်းဆီကို လာပေးပါ့မယ်... ဆုံးဖြတ်ချက် ချဖို့ အထောက်အကူ ဖြစ်ပါလိမ့်မယ်... ဆုချီးမြှင့်တဲ့ ကိစ္စ နဲ့ ပတ်သက် ပြီးတော့ ကတော့... မင်းကို တောင်ပိုင်း ဒေသ ကိုပဲ ပြန်ပြီး နေရာချထား ပေးဖို့ မျှော်လင့် မိတယ်... ဒီနေရာ မှာ ချီမိသားစု ရဲ့ အင်အား တွေ ရှိတယ်... မင်း ပိုပြီး ခြေကုပ် ခိုင်မာ အောင် ကူညီ ပေးနိုင် လိမ့်မယ်..."

"ကျွန်တော် တတ်နိုင်သလောက် ကြိုးစား ပါ့မယ်..."

ကျန်းချဲ့ ၏ မူလ ဆန္ဒ ကလည်း တောင်ပိုင်း ဒေသ မှ လုံးဝ ထွက်ခွာ လိုခြင်း မရှိချေ။ မည်သို့ပင်ဆိုစေ ဤ နေရာ တွင် သူ အခြေအနေ ကောင်း တစ်ခု ကို စတင် ဖန်တီး နိုင်ခဲ့ပြီ မဟုတ်ပါလော။ သို့သော် ပြဿနာ မှာ သူ လိုအပ်သော ယဇ်ပူဇော် ပစ္စည်းများ မှာ ပိုပိုပြီး ရှာဖွေ ရန် ခက်ခဲ လာခြင်း ပင်ဖြစ်သည်။

မြောက်ပိုင်း ချီမိသားစု တစ်ခုတည်း ၏ အင်အား ဖြင့် ယဇ်ပူဇော် ပစ္စည်းများ အားလုံးကို အပြည့်အစုံ စုဆောင်း နိုင်ရန် ဆိုသည်မှာ လုံးဝ မလွယ်ကူ သော ကိစ္စ တစ်ခု ဖြစ်လေသည်။

"ဒါနဲ့... နောက်ထပ် သတိထား ရမယ့် ကိစ္စ တစ်ခု ရှိသေးတယ်..."

ဤနေရာ သို့ ရောက်သောအခါ ချီကျန်းနန် ၏ မျက်နှာထား မှာ ပို၍ပင် တည်ကြည် လေးနက် လာပြီး ကျန်းချဲ့ ကလည်း တစ်ဖက်လူ ပြောမည့် စကားမှာ အလွန် အရေးကြီး ကြောင်းကို ချက်ချင်း ရိပ်မိ လိုက်လေသည်။

"သိုင်းလျှို့ဝှက်နယ်မြေ တိုက်ပွဲမှာ မင်းက ချူးဟယ် ကို အနိုင်ယူ နိုင်ခဲ့ပြီး ချင်းထျန်းဂိုဏ်း နဲ့ ရန်သူ ဖြစ်သွား ခဲ့ပြီ... အရမ်းကို သတိထား ပါ... ဒီတစ်ကြိမ် သိုင်းလျှို့ဝှက်နယ်မြေ တိုက်ပွဲ က အရင်တုန်းကနဲ့ လုံးဝ မတူတော့ဘူး... ချင်းထျန်းဂိုဏ်း ကလည်း သေချာပေါက် ကြိုတင် ပြင်ဆင်မှု တွေ အများကြီး လုပ်ထား မှာပဲ... မင်းက သူတို့ရဲ့ အကြံအစည် တွေကို ဖျက်ဆီး ပစ်ခဲ့တာ ဆိုတော့ သေချာပေါက် လက်စားချေ တာကို ခံရလိမ့်မယ်... ပြီးတော့ ချင်းထျန်းဂိုဏ်း ရဲ့ စွမ်းအား တွေက... အရမ်းကို ကြောက်စရာ ကောင်းတယ်... တော်ဝင်နန်းတော် ကတောင် နှစ်ပေါင်း ရာချီအောင် နှိမ်နှင်း လာခဲ့တာတောင် အမြစ်ဖြတ် ရှင်းလင်း နိုင်ခြင်း မရှိသေးဘူး ဆိုတာကပဲ သူတို့ ဘယ်လောက် ကြောက်စရာ ကောင်းလဲ ဆိုတာကို ပြသနေတာပဲ... တကယ်လို့ ထိပ်တိုက် ရင်ဆိုင် ရမယ် ဆိုရင် ငါတို့ မြောက်ပိုင်း ချီမိသားစု လည်း ချင်းထျန်းဂိုဏ်း ရဲ့ ပြိုင်ဘက် လုံးဝ မဟုတ်ဘူး... တကယ်လို့များ မင်း ချုံခို တိုက်ခိုက် ခံရမယ် ဆိုရင်... အသက်ရှင်ဖို့ ကို အဓိက ထားပါ..."

ဤသည်မှာ ချီကျန်းနန် ၏ သတိပေး စကား ပင်ဖြစ်သည်။

သူ အလွန်အမင်း စိုးရိမ် ပူပန် နေသော ကိစ္စ လည်း ဖြစ်လေသည်။

ယခင်က သူပေးခဲ့သော ယွမ်ရှန် အဆောင်လက်ဖွဲ့ မှာ ကျန်းချဲ့ ကို အကာအကွယ် ပေးနိုင်စွမ်း ရှိခဲ့သော်လည်း ယခုအခါ တွင်တော့ လုံးဝ မဖြစ်နိုင်တော့ချေ။ အကြောင်းမူကား သူ့ထံတွင် ဒုတိယမြောက် အဆောင်လက်ဖွဲ့ မရှိတော့သလို အကယ်၍ ရှိနေမည် ဆိုလျှင်တောင် မှ အစစ်အမှန် ယွမ်ရှန်အဆင့် အရှင်သခင် တစ်ပါး နှင့် နှိုင်းယှဉ် လျှင် အများကြီး ကွာခြား နေသေးသောကြောင့် ပင်ဖြစ်သည်။

ချီမိသားစု ၏ သိုင်းသူတော်စင် ဘိုးဘေးကြီး ကလည်း ကျန်းချဲ့ ၏ ဘေးတွင် အချိန်ပြည့် လိုက်ပါ စောင့်ရှောက် ပေးရန် ဆိုသည်မှာ လုံးဝ မဖြစ်နိုင်ချေ။

ချီမိသားစု မှ အဝေးသို့ ထွက်ခွာ သွားသည် နှင့် ကျန်းချဲ့ အနေဖြင့် ကိုယ့်ကိုယ်ကိုယ် သာ အားကိုး ရမည် ဖြစ်ပြီး မြောက်ပိုင်း ချီမိသားစု ၏ ဂုဏ်သတင်း အချို့ ကိုသာ အားကိုး နိုင်မည် ဖြစ်လေသည်။

ဤအရာများ က အချို့သော အင်အားစု များကို နောက်တွန့် သွားစေနိုင် သော်လည်း အကယ်၍ ချင်းထျန်းဂိုဏ်း သာ ဆိုပါက လုံးဝ သေချာမည် မဟုတ်ချေ။

တစ်ဖက်လူ က တော်ဝင်နန်းတော် ကို ပုန်ကန် နေသူ များ ဖြစ်ရာ မြောက်ပိုင်း ချီမိသားစု ကို လုံးဝ ဂရုစိုက် နေမည် မဟုတ်ကြောင်းမှာ အလွန် ရှင်းလင်း လှပေသည်။

ကျန်းချဲ့ အလွန် တည်ကြည် လေးနက်သော မျက်နှာထား ဖြင့် ခေါင်းညိတ် လိုက်လေသည်။

ချီကျန်းနန် ၏ စကားကို သူ ကိုယ်တိုင် လည်း ကောင်းစွာ နားလည် သဘောပေါက် လေသည်။

ချင်းထျန်းဂိုဏ်း ကဲ့သို့သော ရန်သူ ကြီးကို သိုင်းသူတော်စင် မဖြစ်လာ သေးသရွေ့ လုံးဝ ခုခံ ကာကွယ် နိုင်မည် မဟုတ်ကြောင်းကို သူ ကောင်းစွာ သိရှိထားလေသည်။ သူ၏ ယခု လက်ရှိ အင်အား များမှာ ပြည်နယ် တစ်ခု အတွင်းတွင် အလွန် ကြီးမား သည်ဟု ဆိုနိုင်သော်လည်း သိုင်းလောက တစ်ခုလုံး ကမ္ဘာလောက ကြီး တစ်ခုလုံး နှင့် နှိုင်းယှဉ် ပါက အလယ်အလတ် အဆင့် တွင်သာ ရှိနေသေးလေသည်။

သို့သော် ကံကောင်း ထောက်မစွာ ဖြင့် သူ့တွင် ကျောထောက်နောက်ခံ ရှိသလို အခွင့်အရေး လည်း ရှိနေလေသည်။

တော်ဝင်နန်းတော် ကို အားကိုး ခြင်းဖြင့် ခြိမ်းခြောက် မှု အများစု ကို သူ ရှောင်လွှဲ နိုင်မည် ဖြစ်ပြီး အခွင့်အရေး ဆိုသည် ကတော့ သူ့တွင် ယဇ်ပူဇော် ပစ္စည်းများ အလုံအလောက် ရှိနေသရွေ့ အချိန်တို အတွင်း ကြီးမား လာနိုင်သောကြောင့် ပင်ဖြစ်သည်။

ယဇ်ပူဇော်... ဆက်လက် ယဇ်ပူဇော် ရမည် သာဖြစ်သည်။

လွန်ခဲ့သော ရက်အနည်းငယ် က မိန်းမ လှလေး များနှင့် သာယာ ကြည်နူး နေခဲ့ရပြီး အလှမာယာ ကြောင့် အနည်းငယ် အားနည်း သွားခဲ့ရရာ ယခုအခါ လုံးဝ ရုန်းထွက် ရမည့် အချိန်သို့ ရောက်ရှိ လာခဲ့လေပြီ။

လုံလောက်သော စွမ်းအား များကို ပိုင်ဆိုင် မှသာ တကယ့် အစစ်အမှန် စိတ်ကြိုက် နေထိုင် နိုင်စွမ်း ရှိမည် ဖြစ်လေသည်။

မင်္ဂလာဆောင် ပြီးနောက် ချီကျန်းနန် ၏ ကျန်းချဲ့ အပေါ် ဆက်ဆံရေး မှာ အများကြီး ပြောင်းလဲ သွားကြောင်းကို ကျန်းချဲ့ ရှင်းလင်းစွာ ခံစား သိရှိ လိုက်ရလေသည်။

ပိုမို ရင်းနှီး လာပြီး ပိုမို အလေးထား လာလေသည်။

သူနှင့် စကားပြောဆို ရာတွင် လည်း ကျန်းချဲ့ ကို အကျိုးကျေးဇူး အများအပြား ရရှိစေခဲ့လေသည်။

အထူးသဖြင့် ကျင့်ကြံခြင်း နှင့် ပတ်သက်၍ ချီကျန်းနန် ၏ အတွေ့အကြုံ များမှာ ချီရွှယ်မိစ္ဆာသခင် ထက်ပင် ပိုမို သင့်တော် လှပေသည်။

မည်သို့ပင်ဆိုစေ ချီရွှယ်မိစ္ဆာသခင် သည် မိစ္ဆာ လမ်းစဉ် ကို လိုက်ပါ ကျင့်ကြံသူ ဖြစ်ပြီး သူကတော့ မှန်ကန်သော တာအို လမ်းစဉ် ကို ကျင့်ကြံ နေသူ ဖြစ်သောကြောင့် ပင်တည်း။