အခန်း ၆၉၅

အခန်း ( ၆၉၅ ) အရပ်ရပ်မှ ပါရမီရှင်များ စုရုံးခြင်း၊ လင်ယွမ်၏ အစေခံ၊ ဓားပြဆယ့်သုံးယောက်၏ လှုပ်ရှားမှုများ။

ရှေးဟောင်းလမ်း၏ အဆင့်ခုနစ်ဆယ်သို့ ကျွင်းရှောင်ယောက် ရောက်ရှိလာသော သတင်းသည် လျှို့ဝှက်ချက်မဟုတ်ဘဲ လျင်မြန်စွာ ပျံ့နှံ့သွားခဲ့သည်။

ထို့ပြင်၊ အ‌စောပိုင်း လှုပ်ရှားမှုမှ ဖြစ်ပေါ်လာသော အဓိပဓိကျွမ်းကျင်သူ စွမ်းအင်အတက်အကျများသည် ကျွမ်းကျင်သူများကို ဆွဲဆောင်ခဲ့၏။

ပါ့ရှင်း စန်းမိသားစုမှ လှုပ်ရှားမှုများကိုလည်း လူအများက သတိပြုမိသည်။

အသျှင်ကြယ်နှင့် ပျက်စီးခြင်းကြယ်တို့က အနာဂတ်တွင် ငြိမ်းချမ်းတော့မည်မဟုတ်ကြောင်း ရှေးဟောင်းလမ်း၏ အဆင့်ခုနစ်ဆယ်မှ ပါရမီရှင်အားလုံး နားလည်ခဲ့ပေသည်။

တချို့လူများကလည်း ပို၍ သိချင်လာကြသည်။ အသျှင်ခန္ဓာက ကျွင်းမိသားစု၏ နတ်ဘုရားသားတော်ကို တိုက်ခိုက်ရန် လာရောက်ပါမည်လော။

ဤအခြေအနေများကြောင့် ပါရမီရှင် တော်တော်များများဟာ ရှေးဟောင်းလမ်း၏ အဆင့်ခုနစ်ဆယ့်သို့ အပြေးအလွှား လာရောက်ကြတော့သည်။

သူတို့အားလုံး အသျှင်ခန္ဓာနှင့် မြင့်မြတ်ခန္ဓာကြားမှတိုက်ပွဲကို မျှော်လင့်နေမိကြပေသည်။

ယခင်အချိန်များမှာတော့ မြင့်မြတ်ခန္ဓာနှင့် အသျှင်ခန္ဓာကြားတွင် အနိုင်အရှုံးက ရှစ်ပွဲ-နှစ်ပွဲ ဖြစ်သည်။

တိုက်ပွဲ ဆယ်ပွဲရှိလျှင် မြင့်မြတ်ခန္ဓာက နှစ်ကြိမ်သာအနိုင်ရနိုင်ပြီး အသျှင်ခန္ဓာကတော့ ရှစ်ကြိမ် အနိုင်ရနိုင်ခဲ့၏။

ဟုတ်ပေသည်၊ ဤသည်မှာ အဓိကအားဖြင့် ရှေးဟောင်းမြင့်မြတ်ခန္ဓာ၏ ခွန်အားကို ကန့်သတ်ထားသော ကောင်းကင်အချုပ်ကြိုးများကြောင့် ဖြစ်သည်။

ယခင်အတိုင်းဆိုလျှင်၊ ဤခေတ်မှ မြင့်မြတ်ခန္ဓာနှင့် အသျှင်ခန္ဓာကြားမှ တိုက်ပွဲက အလွန်အမင်း သည်းထိတ်ရင်ဖို မဖြစ်သင့်ပါ။

သို့ရာတွင် ဤမြင့်မြတ်ခန္ဓာမျိုးဆက်ကတော့ ကွဲလွဲချက်တစ်ခု ရှိနေသည်။

‌၎င်းက ကျွင်းရှောင်ယောက် ဖြစ်၏။

ထာဝရကွဲလွဲမှုအနေဖြင့်၊ ကျွင်းရှောင်ယောက်သည် ၎င်း၏ မျိုးဆက်တူများကြား၌ ပြိုင်ဘက်ကင်းမှတ်တမ်းကို ယခုအချိန်ထိ ထိန်းထားနိုင်ခဲ့သည်။

သူ၏ ကျင့်ကြံမှုအမြန်နှုန်းက မြန်ဆန်လွန်းသဖြင့် အကန့်အသတ်မရှိဟုပင် လူများကို ထင်မြင်စေပေသည်။

ကျွင်းရှောင်ယောက်၏ မြင့်မြတ်ခန္ဓာက အချုပ်အနှောင် မည်မျှချိုးဖြတ်ခဲ့သည်ကိုပင် လူအများ ခန့်မှန်းမရ ဖြစ်ခဲ့ရသည်။

"သူက အနည်းဆုံး ခြေချင်း သုံး၊လေးခုလောက် ချိုးခဲ့တာထင်တယ်"

"အဲဒါတင် ဘယ်ကပါ့မလဲ။ ကျွင်းမိသားစုရဲ့ နတ်ဘုရားသားတော်က သူ့ရဲ့ ကျင့်ကြံခြင်းမှာ အတားအဆီး နည်းနည်းမှမရှိသေးဘူး။ သူက အနည်းဆုံးတော့ ခြေချင်းငါးချောင်း ချိုးဖြတ်ခဲ့သင့်တယ်"

"ဟင်း... ကျွင်းမိသားစုလို ဘီလူးကြီးကတော့ ကျွင်းမိသားစုက နတ်ဘုရားသားတော်ရဲ့ ခြေချင်းတွေကို ချိုးဖြတ်နိုင်အောင် ကူညီပေးနိုင်မှာပေါ့"

လူတော်တော်များများ ဆွေးနွေးပြောဆိုခဲ့ကြသည်။

သို့သော်လည်း ကျွင်းမိသားစု၏ အကူအညီကြောင့်သာ ကျွင်းရှောင်ယောက်က ခြေချင်းများကို ချိုးနိုင်သည်ဟု အားလုံးက အထင်လွဲခဲ့ကြပေသည်။

အမှန်တော့၊ ကျွင်းရှောင်ယောက်သည် မွေးဖွားလာကတည်းက ပြီးပြည့်စုံသော ရှေးဟောင်းမြင့်မြတ်ခန္ဓာကိုယ်ကို လက်မှတ်ရေးထိုးခဲ့သူ ဖြစ်သည်။

သတင်းပျံ့လာသည်နှင့်အမျှ ရှေးဟောင်းလမ်း၏ အဆင့်ခုနစ်ဆယ်တွင် ပါရမီရှင်များ ပို၍ များပြားလာခဲ့သည်။

ထိုအထဲတွင်၊ ရှေးဟောင်းလမ်းမှာ ကျော်ကြားသော အစွမ်းထက် ပါရမီရှင်တချို့လည်း ပါဝင်ကြ၏။

ဟင်းလင်းပြင်အတွင်း၌ ဖြတ်သန်းသွားနေသော ကျောက်စိမ်းလှေကို တစ်စုံတစ်ယောက်က တွေ့လိုက်ရသည်။

လှေပေါ်တွင်၊ စကတ်ဝတ်ထားပြီး လှပသော မိန်းကလေးတစ်ဦး ရပ်နေသည်။

ထိုမိန်းကလေး၏ ဘဲဥပုံမျက်နှာက ဖြူဆွတ်နေပြီး အနက်ရောင် ဆံပင်များကိုတာ့ ဆံထုံးနှစ်ထပ်ဖြင့် ခွဲချထားလေသည်။ သူမ၏ လှပသော မျက်လုံးများက တက်ကြွမှု အပြည့်ရှိသည်။

ထို့ထက် အံ့သြစရာအကောင်းဆုံးကတော့ သူမ၏ ကျင့်ကြံခြင်းအခြေခံပင်။ သူမက တားမြစ်ပါရမီရှင်များထက် အားမနည်းဘဲ သူတော်စင်နယ်ပယ် နှောင်းပိုင်းအဆင့် ဖြစ်သည်။

"အဲဒီမိန်းကလေးက ဘယ်သူလဲ၊ သူက အားမနည်းပေမဲ့ သိပ်ပြီး နာမည်ကြီးပုံမပေါ်ဘူး"

ပါရမီရှင်တစ်ယောက်က အံ့အားသင့်စွာ ပြောလိုက်သည်။

"မင်းမသိဘူးလား၊ သူက ဝါအင်မော်တယ်မျိုးရိုးက ဧကရီသမီးတော် လင်ယွမ်ရဲ့ ကိုယ်ပိုင်အစေခံလေ။ သူ့နာမည်က ရူယင်းတဲ့"

အကြောင်းသိသူတစ်ဦးက ပြောလိုက်၏။

"ဘယ်လို၊ ဒီကောင်မလေးက အိမ်အကူပဲ"

ပါရမီရှင် တော်တော်များများ အံ့သြသွားကြသည်။

လှပပြီး တားမြစ်ပါရမီရှင်များနှင့် နှိုင်းယှဉ်နိုင်သည့် သူတော်စင်နယ်ပယ် နှောင်းပိုင်းအဆင့် ကျင့်ကြံခြင်းအခြေခံရှိသော မိန်းကလေးမှာ အစေခံတစ်ဦး ဖြစ်နေသည်။

သို့ဆိုလျှင် ဝါအင်မော်တယ်မျိုးရိုး၏ ဧကရီသမီးတော်က မည်မျှ အစွမ်းထက်သနည်း။

"အဓိပဓိအင်မော်တယ်ခုံရုံးက မျှော်လင့်ထားတဲ့အတိုင်းပါပဲ။ သူတို့က ကျဆင်းခဲ့ပြီဖြစ်ပေမဲ့လည်း မျိုးရိုးကြီးကိုးခုက အခုထိ အရမ်းအားကောင်းနေတုန်းပဲ"

လူများစွာက သက်ပြင်းချလိုက်ကြသည်။

အင်မော်တယ်ခုံရုံးတွင် အင်မော်တယ်မျိုးရိုး ကိုးခုရှိပြီး တစ်ခုစီက သာမန် အင်မော်တယ်အင်အားစုများထက် ပို၍ အားကောင်းကြပေသည်။

ယခုအချိန်ထိ၊ ကျွင်းမိသားစုကဲ့သို့ ရှေးခေတ်အင်အားစုကြီး အနည်းငယ်မှလွဲ၍ အဓိပဓိ အင်မော်တယ်ခုံရုံးကို ယှဉ်ပြိုင်ဝံ့သူ အနည်းငယ်သာ ရှိသည်။

ရူယင်းအမည်ရှိသော ထိုမိန်းမလှလေးက ကျောက်စိမ်းလှေ၏ ကုန်းပတ်ပေါ်တွင် ရပ်နေနေခဲ့ပေသည်။

သူမသည် အစေခံတစ်ဦးသာဖြစ်သော်လည်း ဧကရီလင်ယွမ်၏ဘေးနားရှိ အစေခံ ဖြစ်သည်။

သူ၏အဆင့်အတန်းက အင်မော်တယ် အင်အားစုများစွာ၏ မျိုးဆက်များ၊ သူတော်စင်သားတော်များနှင့် လူများစွာတို့ထက် မြင့်မားနေသေးသည်။

"မြင့်မြတ်ခန္ဓာနဲ့ အသျှင်ခန္ဓာကြား တိုက်ပွဲက တော်တော်ကို စိတ်ဝင်စားစရာကောင်းတယ်"

"ဒါပေမဲ့ ရိုးရိုးသားသားပြောရရင် ဧကရီက လူတစ်ယောက်ကို ဒီလောက်ဂရုစိုက်နေတာ ပထမဆုံး မြင်ဖူးတာဘဲ။ သူ့ရဲ့ စွမ်းဆောင်ရည်က ဧကရီကို စိတ်ပျက်စေမလား ငါသိချင်မိတယ်"

ရူယင်းက အနည်းငယ်ပြုံးလိုက်သည်။

ကျွင်းမိသားစုနှင့် အင်မော်တယ်ခုံရုံးက အပြိုင်အဆိုင်ဆက်ဆံရေးရှိနေကြောင်း သူမသိပေသည်။

ဧကရီလင်ယွမ်က ဧကရာဇ်မင်းမြတ်ကို ဆန့်ကျင်သော ဧကရာဇ်ခုနစ်ပါးထဲမှ တစ်ပါးဖြစ်သည်ကိုပင် သူသိသည်။

သို့သော်လည်း လင်ယွမ်သည် တာအိုသက်သေပြခြင်းတံဆိပ်ကို မသန့်စင်သေးပေ။

သူမကိုယ်ကို မိုးကောင်းကင်၏ အသုံးချခံအဖြစ် မမှတ်ယူချင်ပါ။

"ရူယင်းကလည်း ကိုယ်ပိုင်လမ်းစဉ်ကိုဖွင့်ပြီး ကောင်းကင်နဲ့ ကစားဝံ့တဲ့ ဒီနာမည်ကြီး တည်ရှိမှုဟာ ဘယ်လိုအမူအရာမျိုးဖြစ်မလဲ မြင်ချင်တယ်"

စိတ်ထဲမှ သိလိုစိတ်များနှင့် အဆင့်ခုနစ်ဆယ်၏ ရှေးမြို့ဟောင်းကို သူမ ရောက်လာခဲ့လေသည်။

အင်မော်တယ်ခုံရုံးအပြင် အခြား အင်အားစုများကလည်း သူလျှိုအချို့ကို စေလွှတ်ခဲ့ကြသည်။

၎င်းတွင် ကျွင်းရှောင်ယောက်နှင့် ဆန့်ကျင်ဘက်ဖြစ်သော ကောင်းကင်ပိုးတောင်ကြား၊ မြင့်မြတ်ဝိညာဉ်ကျွန်း၊ ရှေးဟောင်းမင်းမျိုးနွယ် ချင်မိသားစု၊ စသည်တို့လည်း ပါဝင်သည်။

လေဟာပြင်တွင်း၌ ရွှေရောင်ဝတ်စုံကို ၀တ်ဆင်ထားသော လူငယ်တစ်ဦးက ရှေးမြို့ဟောင်းသို့ ဆင်းသက်လာသည်။

"အဲဒါ... သူတော်စင်ဂိုဏ်းရဲ့ သူတော်စင်သားတော် ရှစ်ယောက်ထဲက တစ်ယောက်ဖြစ်တဲ့ ရှန့်ရွယ်ရီပဲ"

လူတချို့၏ မျက်လုံးများက ပြူးကျယ်သွားသည်။

ရှန့်ရွယ်ရီသည် ကုရ်အာန်သူတော်စင်ဂိုဏ်း၏ သူတော်စင်သားတော် ရှစ်ယောက်တွင် တတိယအဆင့် ရှိ၏။

သူ့ခွန်အားက ယခင် ရှန့်ယုရီနှင့် ရှန့်ကျိုးရီထက် အဆများစွာ အားကောင်းသည်။

"ကျွင်းရှောင်ယောက်၊ ငါ့ဂိုဏ်းရဲ့ သူတော်စင်သားတော်ရှစ်ယောက်မှာ လေးယောက်က မင်းကြောင့် သေသွားတယ်။ မင်းက တကယ်ပဲ ခေါင်းသုံးလုံးနဲ့ လက်ခြောက်ဖက်ရှိတာလား"

ရှန့်ရွယ်ရီက လျစ်လျူရှုစွာ ပြောလိုက်သည်။

သူတို့ သူတော်စင်သားတော်တစ်ဝက်ကို သတ်ဖြတ်ခဲ့သော ကျွင်းမိသားစု၏ နတ်ဘုရားသားတော်က မည်မျှအားကောင်းသည်ကိုကြည့်ရန် ရှေးဟောင်းလမ်း၏ ခုနစ်ဆယ်မြောက်လမ်းသို့ သူရောက်လာခဲ့ခြင်း ဖြစ်ချေသည်။

သူ့အပြင်၊ ပါရမီရှင်များ တစ်ယောက်ပြီးတစ်ယောက် ရှေးဟောင်းမြို့တော်သို့ ရောက်ရှိလာပြီး လူတော်တော်များများကို ထုံကျင်စေခဲ့သည်။

ထိုအချိန်တွင်၊ ချောမောလှပသော နောက်ထပ်ရုပ်ပုံလွှာတစ်ခုက ဖုန်မှုန့်များ မစွန်းထင်းဘဲ ဖြတ်ကျော်လာပြန်သည်။

သူမက မိုးပြာရောင်ဝတ်စုံကို ဝတ်ဆင်ထားကာ မိုးပြာရောင် ကြာပန်းပလ္လင်ပေါ်တွင် တင်ပျဉ်ခွေ ထိုင်နေခဲ့၏။ သူမ၏ ဆံနွယ်များကလည်း လေထဲတွင် လွင့်မျောနေလေသည်။

သူ့တစ်ကိုယ်လုံးမှာလည်း နတ်အလင်းတို့က ဖုံးလွှမ်းနေသည်။ ကျက်သရေရှိသော အငွေ့အသက်နှင့် အလင်းများကြောင့် မှုန်ရီဝေသော မျက်နှာထက်တွင်၊ ရေကဲ့သို့ ကြည်လင်ပြီး စိန်ကဲ့သို့ တောက်ပနေသော မျက်လုံးတစ်စုံကိုသာ မြင်ကြရသည်။

အကယ်၍ ကျွင်းရှောင်ယောက်သာ ဤနေရာမှာ ရှိခဲ့လျှင်တော့ ထိုမိန်းကလေးက ကျိချင်းရီဖြစ်ကြောင်း အသိအမှတ်ပြုနိုင်လိမ့်မည်။

ကျိချင်းရီက အလွန်သတိကြီးပြီး ပါးနပ်သူ ဖြစ်သည်။

ကျွင်းရှောင်ယောက်ပင်လျှင် သူမက အလွန်နက်ရှိုင်းစွာ ဖုံးကွယ်ထားသည်ဟု တစ်ကြိမ်တစ်ခါက မှတ်ချက်ပေးခဲ့ဖူးပေသည်။ ယင်းက ရိုးရှင်းခြင်းနှင့် အဆများစွာ ဝေးကွာသည်။

ဤအခိုက်မှာတော့ ကျိချင်းရီက ရှေးဟောင်းလမ်း၏ အဆင့်ခုနစ်ဆယ်သို့ တစ်ဖန် ရောက်ရှိလာခဲ့ပြီ။

"ဘယ်လောက်တောင်ထူးကဲတဲ့ ပုံစံမျိုးပါလိမ့်၊ သူမက လူသားအင်မော်တယ်ဂိုဏ်းရဲ့ နတ်သမီးချင်းရီပဲ"

ကျိချင်းရီက အဆုံးစွန်ရှေးဟောင်းလမ်းပေါ်တွင် အလွန်နာမည်ကြီးသည်။

သူသည် ဧကရီလင်ယွမ်၊ ကျန်းစန်းယီ၊ အခြား မိန်းကလေးများနှင့် ပခုံးချင်းယှဉ်ရပ်ကာ ရပ်တည်နိုင်သော ရှေးဟောင်းလမ်းပေါ်ရှိ နတ်ဘုရားမအဆင့် တည်ရှိမှုများထဲမှ တစ်ဦးဖြစ်၏။

သူမသည် ပုံပန်းသဏ္ဍာန်နှင့် ခွန်အားတွင် ထူးကဲရုံသာမကဘဲ၊ လူသားအင်မော်တယ်ဂိုဏ်းနှင့် ကျိမိသားစုဖြစ်သည့် အင်မော်တယ်အင်အားစုနှစ်ခုနှင့် ပတ်သက်သည်။

တစ်ချိန်တည်းမှာပင် သူမက လူသားအင်မော်တယ်ဂိုဏ်း၏ လျှို့ဝှက်ဆန်းကြယ်သော တားမြစ်ခံဆက်ခံသူနှင့်လည်း အဆက်အသွယ်ရှိပေသည်။ သူမက ထိုဆက်ခံသူကို ထောက်ပံ့သူလည်း ဖြစ်သည်။

ထိုအတွက်ကြောင့်ပင် လူအများက ဒေါသဖြစ်ခဲ့ကြပေသည်။ ကျိချင်းရီ၏ အဆင့်အတန်းအရ လူသားအင်မော်တယ်ဂိုဏ်းမှ ဆက်ခံသူကို ကူညီစရာမလိုဘူးဟု ပြောခဲ့ကြသည်။

တချို့ကလည်း လူသားအင်မော်တယ်ဂိုဏ်း၏ ဆက်ခံသူမှာ အလွန်အစွမ်းထက်၍ ရှေးဟောင်းလမ်းဆုံးအထိ လျှောက်လှမ်းနိုင်ပြီး အပြိုင်ကမ္ဘာကြီး၏ ခေတ်ရေစီးကြောင်းကို ထူးခြားစေမည်ဟု ပြောကြသည်။

"ကျွင်းရှောင်ယောက်၊ ငါနင့်ကို မတွေ့ရတာ နှစ်အတော်ကြာပြီ။ အခု နင် ဘယ်အဆင့်ထိ ရောက်နေပြီဆိုတာ ချင်းရီ တကယ်သိချင်မိတယ်"

ကျိချင်းရီက ရေရွတ်လိုက်သည်။

သူမက ပျက်စီးခြင်းကောင်းကင် အင်မော်တယ်နယ်မြေကြီးရှိ ကျွင်းရှောင်ယောက်၏ အသိအကျွမ်းဟောင်းတစ်ဦးလည်း ဖြစ်သည်။

သူတို့ကြားမှ ဆက်ဆံရေးက သိပ်ရင်းနှီးတာမဟုတ်သော်လည်း အမြဲအသိအကျွမ်းများ ဖြစ်ခဲ့ပေသည်။

'ငါ့ဂိုဏ်းရဲ့ ကောင်းကင်ဆန့်ကျင်သားတော်ကတော့ မယုံနိုင်စရာအဆင့်ကို ရောက်နေပြီ။ သူက အင်မော်တယ်စွမ်းအင် ကိုးခုရဲ့ အကန့်အသတ်ကိုတောင် ရောက်လုနီးနီးဖြစ်နေပြီလေ'

'နင်တို့နှစ်ယောက်ဆုံရင် ဘာဖြစ်မလဲ ငါသိချင်မိတယ်'

ကျိချင်းရီက လေးနက်သော မျက်လုံးများနှင့် တွေးတောလိုက်သည်။

လူသားအင်မော်တယ်ဂိုဏ်း၏ လျှို့ဝှက်ဆန်းကြယ်သော ဆက်ခံသူသည် အင်မော်တယ်စွမ်းအင် လေ့ကျင့်ရာ၌ အကောင်းဆုံးဟု ဆိုနိုင်သော လူသားအင်မော်တယ်ခန္ဓာကို ပိုင်ဆိုင်ထားခဲ့ပေသည်။

ထို့ပြင် သူက ကိုးခုအကန့်အသတ်ကို ဖြတ်ကျော်ပြီး အင်မော်တယ်စွမ်းအင် ဆယ်ခုကိုလေ့ကျင့်၍ အဆင့်သစ်တစ်ခုသို့ အချိန်မရွေး ရောက်ရှိသွားနိုင်သည်။

ထိုအချိန်တွင်၊ ကျိချင်းရီက သူနှင့်ရင်ဆိုင်နိုင်သည့် မျိုးဆက်သစ်မည်သူမျှရှိမည်ကို စိတ်ကူးမယဉ်နိုင်တော့ပေ။

ကျွင်းရှောင်ယောက်ပင်လျှင် မလုပ်နိုင်မှာကို သူမ ကြောက်မိသည်။

ဝါဧကရီ၏ အစေခံ၊ ကျိချင်းရီ၊ သူတော်စင်သားတော်နှင့် အခြား ပါရမီရှင်များက တိုက်ပွဲကြီးကို စောင့်မျှော်ရင်း ရှေးမြို့ဟောင်းတွင် စုရုံးခဲ့ကြသည်။

ထိုအချိန်တွင်၊ ရှေးမြို့ဟောင်း၏ ထောင့်တစ်နေရာ၌ သာမာန်ဆန်သော လူငယ်တစ်ဦးက သူ့ပါးစပ်ထဲတွင် မြက်တစ်ပင်ကိုကိုက်ပြီး ပေါ့ပေါ့ပါးပါး လမ်းလျှောက်နေခဲ့သည်။

သူ့အသွင်က ရိုးရှင်းလွန်း၍ မည်သူမျှ ဂရုမထားမိကြပေ။

"ကျွင်းရှောင်ယောက်နဲ့ ကျန်းစန်းယီက တကယ်လိုက်တဲ့ စုံတွဲတွေပါပဲ။ သူတို့က ငါ့ ဓားပြဆယ့်သုံးယောက်စလုံးကို သတ်မိလုနီးပဲ"

"လောဘဝံပုလွေနဲ့ တပ်မဟာဖျက်က ငါ့ကို အခြေအနေစုံစမ်းဖို့ လွှတ်လိုက်ကြတယ်။ ဒါက ငါ့ကို မီးတွင်းထဲ တွန်းချလိုက်တာ မဟုတ်လား”

ထိုလူက ခေါင်းကိုခါယမ်းကာ နေရာမှ ပျောက်ကွယ်သွားတော့သည်။