ရှေးဟောင်းမြင့်မြတ်ခန္ဓာမှ စတင်၍

အဟမ်း၊ အဟမ်း၊ စာရှုသူ ရောင်းရင်းတို့အားလုံးပဲ မင်္ဂလာပါဗျ။ အားလုံးပဲ OP MC ကိုကြိုက်ပါသလား။ OP နောက်ခံကို ကြိုက်ပါသလား။ အဖေအားကိုးနဲ့ ကြမ်းချင်သလား။ အစ်ကို အားကိုးနဲ့ ကြမ်းချင်သလား။ တစ်မျိုးလုံး တစ်ဆွေလုံးကြမ်းနေတာကို ကြိုက်သလား။ စနစ် (System) ကလေးရော မလိုချင်ဘူးလား။ မောင်ရုပ်ဆိုးဖြစ်နေလို့ ချောမောခန့်ညားတဲ့ ရုပ်သွင်ရှိသူကို မြင်ယောင်ကြည့်ချင်ပါသလား။ ဒါဆိုရင်တော့ ဒီစာစဉ်ကို ဖတ်ရှုကြဖို့ အကြံပေးချင်ပါတယ်။ ဒါက ဘဝတစ်ခုမှ ဘဝတစ်ခုကို ကူးပြောင်းလာပြီးနောက် အံ့မခန်းနောက်ခံ၊ ပါရမီ၊ စနစ်တစ်ခုနဲ့ ရှယ်လန်းမယ့် "ကျွင်းရှောင်ယောက်" ဆိုတဲ့ သခင်လေးတစ်ယောက်အကြောင်းကို ရေးသားထားတာပါ။ ပြောရရင် မောင်ကျွင်းရှောင်ဆိုတာက ရွှေဇွန်းကိုက်ပြီး မွေးဖွားလာတဲ့သူ။ သူ့ကို သူ့ကမ္ဘာမှာ အသန်မာဆုံး မိသားစုမှာ မွေးဖွားခဲ့တယ်။ အဖေဘက်ကိုကြည့်မလား၊ အမေဘက်ကိုကြည့်မလား၊ ဘယ်ဘက်ကိုကြည့်ကြည့် အားနည်းမှုမရှိဘူး။ မိသားစုက သန်မာလို့ သွေးကြောဘာညာသရကာ ပျက်စီးနေတဲ့ အမှိုက်သခင်လေးအဖြစ် မွေးဖွားလာမယ် ထင်နေသလား။ ဝေးပါသေးတယ်။ သူက မွေးဖွားလာကတည်းက အသန်မာဆုံး တာအိုခန္ဓာ၊ ပြိုင်ဘက်ကင်းတဲ့ ပါရမီတို့နဲ့ မွေးဖွားလာတာ။ ဒီလိုချမ်းသာပြီး ပါရမီရှိတာကို နတ်သားလေးလို အသေချောမောတဲ့ ရူပကာနဲ့ အရမ်းလန်းတဲ့ စနစ်တစ်ခုလည်း ပါသေးတယ်ဗျာ။ တချို့ လူပျိုကြီးတွေကတော့ ပညာရအောင် စော်‌တွေကို တော်ကီနဲ့ ချုပ်စေချင်ကြတယ်။ ဒါပေမဲ့ သူက တော်ကီအစား ရူပါနဲ့ချုပ်တာဗျ၊ သူ့ရုပ်ရည်က ယောကျာ်းချင်းတောင် မနာလိုစေနိုင်တာမျိုး။ အဲ့လိုတွေ ကိုယ်တိုင်ကလည်း အရမ်းကြမ်းပြီး ဘိုးဘေးတွေကပါ အလိုလိုက်ခံထားရလို့ လိုတရနေတဲ့ဘဝမှာ MC လို "ဘာလို" ကောင်တွေပေါ်လာရင်လည်း ဒီဇာတ်လမ်းမှာ သူသာလျှင် MC ဖြစ်ကြောင်းပြောကာ နှိမ်နင်းဦးမယ့် သခင်ကြီးရှောင်ယောက်ကို မြင်ရမှာပါ။ သူ့ရဲ့စရိုက်ကို ပြောရရင်တော့ ရက်စက်သင့်တာ ရက်စက်တယ်၊ ပြတ်သားသင့်တဲ့အခါ ပြတ်သားတယ်။ မိန်းမလှလေးဆိုပြီး ညှာမယ်မထင်နဲ့ ဆော်လွှတ်လိုက်မှာ တအား (ရိုက်တာ၊ ပုတ်တာ၊ တိုက်ခိုက်တာပါ အဟဲ) ကလိန်ကကျစ်ကျတယ်၊ ရိုက်စားလုပ်တယ်၊ အဓိကဇာတ်ကောင်ဆိုသူတွေကို ကြိုးရှည်ရှည်နဲ့လှန်ပြီး ရှယ်ကြိတ်တယ်။ သူ့ရဲ့ လက်သုံး စကားကတော့ - "ငါ့ကိုဦးညွတ်ရင် တိုးတက်မယ်၊ ငါ့ကိုဆန့်ကျင်ရင် ကျဆုံးမယ်၊ သေမယ်" တဲ့။ ဆိုတော့... ကျွင်းရှောက်ယောက်တစ်ယောက် ပါရမီရှင်တွေကို ဖိနှိပ်ပြီး ဘယ်လိုတွေ ကြမ်းပြဦးမလဲ သိချင်ရင်တော့ ကိုယ်တိုင် လိုက်ပါခံစားရင်းသာ အဖြေရှာကြည့်ကြပါစို့ဗျာ။ ........... မူရင်း အကျဉ်းချုပ် ကျွင်းရှောင်ယောက်ဟာ လျှို့ဝှက်ဆန်းကျယ်တဲ့ကမ္ဘာကို ရောက်ရှိသွားပြီးနောက် ရှေးဟောင်းမျိုးနွယ်ကြီးတစ်ခုရဲ့ နတ်ဘုရားသားတော်တစ်ယောက် ဖြစ်လာခဲ့ပါတယ်။ သူက ပြိုင်ဘက်ကင်းနောက်ခံနဲ့ မွေးဖွားလာခဲ့တာပါ။ သူ့မှာ ပြိုင်ဘက်ကင်းပါရမီရှိတဲ့အပြင် လက်မှတ်ထိုးဝင်ခြင်း (Sign-in) စနစ်တစ်ခုလည်း ပါလာခဲ့ပါသေးတယ်။ နောက်ပြီး သူ့ဘဝသစ်ရဲ့ အစကတည်းက ပြီးပြည့်စုံတဲ့ ရှေးဟောင်း မြင့်မြတ်ခန္ဓာတစ်ခုကို ရရှိလာခဲ့တာပါ..။ သူဟာ တိုင်ယွဲ့ကျောက်စာတိုင်ဟောင်းတစ်ခုမှာ လက်မှတ်ထိုးဝင်ရောက်ပြီး ကြယ်ခြောက်ပွင့်ဆုလာဘ်၊ အနှိုင်းမဲ့ နတ်ဆင်ခွန်အားကို ရရှိခဲ့တယ်။ သူ့ရဲ့ ဆယ်နှစ်ပြည့်မွေးနေ့မှာ လက်မှတ်ထိုးဝင်ပြီး ကြယ်ခုနစ်ပွင့်ဆုလာဘ်၊ အနှိုင်းမဲ့အရိုးကို ရရှိခဲ့ပါတယ်။ ကြေးအင်မော်တယ်နန်းတော်မှာ လက်မှတ်ထိုးဝင်ပြီး ကြယ်ရှစ်ပွင့်ဆုလာဘ်၊ အရာအားလုံး၏မိခင်ချီ ဒယ်စောက်အိုးကို ရရှိခဲ့ပြန်တယ်။ ဒီလိုနဲ့ နှစ်ပေါင်းပရိစ္ဆေဒ ကြာမြင့်သွားပြီးနောက်မှာတော့ တိမ်တိုက်တွေပေါ်မှာထိုင်ပြီး ကောင်းကင်ကို ဓားနဲ့ရွယ်ကာ ပြောလိုက်ပါတော့တယ်။ "မိုးကောင်းကင်နဲ့ မြေကမ္ဘာကို ငါသာလျှင် အုပ်ချုပ်မယ်... အဆုံးမဲ့လမ်းရဲ့ အဆုံးသတ်မှာ ငါသာလျှင် အမြင့်ဆုံးဖြစ်ရမယ်”