အခန်း ၁၄၇၄

အခန်း ( ၁၄၇၄ ) ကြယ်ဆယ်ပွင့် ဆုလာဘ်၊ ကံကြမ္မာကျင့်စဉ်ငယ်။

ကွေ့ရှအပျက်အယွင်း၏ အနက်ရှိုင်းဆုံးအရပ်က ကမ္ဘာကြီး၏ အဆုံးသတ်ကဲ့သို့ ဖြစ်နေပုံရသည်။

ထိုနေရာတွင် မိုးထိအောင် မြင့်မားသော အဆောက်အဦကြီးတစ်ခု ရှိ၏။

၎င်းက ဒဏ္ဍာရီထဲမှ ကောင်းကင်ကို ထောက်ပံ့ပေးထားသော နတ်ဘုရားတိုင်များကဲ့သို့ပင်။

ကျွင်းရှောင်ယောက်ကဲ့သို့ အကြားအမြင် ဗဟုသုတ ကြွယ်ဝသူပင် ဤအခိုက်မှာ အံ့အားသင့်ခြင်း အရိပ်အယောင်တို့ ပေါ်လာခဲ့ရသည်။

ထိုအင်မော်တယ်ယဇ်ပလ္လင်က အလွန်ကြီးမားသည်။

ယဇ်ပလ္လင်ရှေ့တွင် ရပ်နေချိန်မှာ၊ သူတို့က ပုရွက်ဆိတ်များထင်ပင် သေးငယ်လွန်းပေသည်။

၎င်းက အလွန်မြင့်မားသောကြောင့် အဆုံးမဲ့ကြယ်ကောင်းကင်၏ အနက်ရှိုင်းဆုံးအထိ ထိုးဖောက်သွားသကဲ့သို့ ဖြစ်သည်။

အင်မော်တယ်ယဇ်ပလ္လင် တစ်ခုလုံးကို အမျိုးအမည်မသိရသော အနက်ရောင်ကျောက်များဖြင့် တည်ဆောက်ထားသည်။

‌၎င်းက ကျောက်တုံးနှင့်တူသော်လည်း နတ်ရွှေထက် ပိုမာကျောသလို ခံစားရ၏။

ထို့ပြင်၊ ၎င်းကို အနက်ရောင်သွေးကဲ့သို့ အစက်အပြောက်များဖြင့် ဖုံးလွှမ်းထားသည်။

မရေမတွက်နိုင်သော နှစ်များ ကြာမြင့်ခဲ့ပြီးနောက် သွေးများက သွေးခဲများအဖြစ် ပြောင်းလဲသွားကာ ယဇ်ပလ္လင်၏ မျက်နှာပြင်မှာ ကပ်ငြိနေခဲ့ခြင်းဖြစ်ပုံပင်။

ဤသည်မှာ ရှေးကျခြင်း၊ လျှို့ဝှက်ဆန်းကြယ်ခြင်း၊ လူသူကင်းမဲ့ခြင်း၊ ခမ်းနားထည်ဝါခြင်း၊ ကြောက်ရွံ့‌စေခြင်း၊ ဖိနှိပ်ခြင်းနှင့် ထိတ်လန့်ဖွယ်ကောင်းခြင်း အငွေ့အသက်မျိုးစုံတို့ဖြင့် ပြည့်နှက်နေသော ယဇ်ပလ္လင်တစ်ခု ဖြစ်သည်။

အဆုံးမဲ့သွေးရောင်လွင်ပြင်နှင့် ရှေးကျ၍ ကြောက်မက်ဖွယ်ကောင်းသော ယဇ်ပလ္လင်တစ်ခု...

ဤမြင်ကွင်းက မြင်ရသူတိုင်း၏ နှလုံးသားထဲတွင် ထူးဆန်း‌စွာ ဝမ်းနည်းကြေကွဲမှုကို ခံစားရစေနိုင်သည်ဟု ဆိုနိုင်သည်။

"ဒါက အင်မော်တယ်ယဇ်ပလ္လင်လား"

ကျွင်းရှောင်ယောက်က လေးလေးနက်နက် ကြည့်လိုက်သည်။

ဤနေရာမှာ အဓိက ယဇ်ပူဇော်ပွဲအခမ်းအနားကို ကျင်းပရာနေရာ ဖြစ်သည်။

သမိုင်းတစ်လျှောက်တွင်၊ အင်မော်တယ်နယ်မြေကြီးရှိ မရေမတွက်နိုင်သော သတ္တဝါများ၏ အသက်သွေးနှင့် ဝိညာဉ်များကို ဤနေရာမှာ ယဇ်ပူဇော်ခဲ့ကြပေသည်။

အင်မော်တယ်နယ်မြေကြီး၏ မည်သူမဆို ဤယဇ်ပလ္လင်ရှေ့တွင် ရပ်လိုက်ပါက စိတ်ရှုပ်ထွေးပြီး နှလုံးသားမှာ မတည်မငြိမ် ဖြစ်လာရလိမ့်မည်။

ကြီးကျယ်ခမ်းနားသော သူရဲကောင်းတစ်ဦး၏ စိတ်မျိုးမရှိသော သို့မဟုတ် ကမ္ဘာကိုကယ်တင်သော သူရဲကောင်းမဟုတ်မျိုးမဟုတ်သည့် ကျွင်းရှောင်ယောက်ပင်လျှင် စိတ်ငြိမ်ငြိမ်ထားရန် ခက်ခဲခဲ့သည်။

"အင်မော်တယ်ယဇ်ပလ္လင်၊ ငါ အင်မော်တယ်ယဇ်ပလ္လင်ကို တကယ်မြင်နေရပြီ"

တစ်ဖက်တွင်၊ သက်ရှည်ခြင်းနတ်ဘုရားမက အမှန်တကယ် ဒူးထောက်လိုက်၏။ သူ့မျက်နှာမှာလည်း အကြွင်းမဲ့ ရိုသေလေးစားမှုတို့ ပြည့်နေတော့သည်။

သူ့အဖို့ ဤနေရာမှာ မြင့်မြတ်နယ်မြေတစ်ခုဖြစ်ကြောင်း ထင်ရှားသည်။

သူတို့ သက်ရှည်ကျွန်း၏ ပထမယဇ်ဆရာသခင်က ဤနေရာတွင် ယဇ်ပူဇော်မှုများ ပြုခဲ့သည်။

ဤအင်မော်တယ်ယဇ်ပလ္လင်က ကောင်းကင်ကိုးပါးမှ သတ္တဝါများအတွက် မြင့်မြတ်သော ဓလေ့ထုံးတမ်းတစ်ခု၏ အမှတ်သင်္ကေတပင်။

သို့သော်လည်း အင်မော်တယ်နယ်မြေကြီးရှိ သတ္တဝါများအတွက် ဒါဟာ ထာဝရဝေဒနာနှင့် နာကျင်မှုတစ်ခု ဖြစ်သည်။

"ဘာတွေ အပိုလုပ်နေတာလဲ။ အခုထစမ်း"

ကျွင်းရှောင်ယောက်က သက်ရှည်ခြင်းနတ်ဘုရားမကို အင်မော်တယ်ယဇ်ပလ္လင်နှင့် ပိုနီးကပ်စေရန် ဆွဲခေါ်သွားလိုက်သည်။

အင်မော်တယ်ယဇ်ပလ္လင်နှင့် ပိုမိုနီးကပ်လာလေလေ၊ လူသားများက အရေးမပါသလို ပိုမိုခံစားရလေလေပင်။

တစ်ချိန်တည်းမှာပင်၊ ကြောက်စရာကောင်းပြီးဖြစ်သော ဖိအားများက ပို၍ပင် ပြင်းထန်လာခဲ့သည်။

ထိုစဉ်၊ ကျွင်းရှောင်ယောက်က သူ၏ အတွင်းစကြဝဠာထဲရှိ ယဇ်ဆရာသခင်၏အမိန့်တော်က တစ်စုံတစ်ခုနှင့် ပဲ့တင်ထပ်နေသကဲ့သို့ အနည်းငယ် တုန်ခါနေကြောင်း သတိပြုလိုက်မိသည်။

'‌ဒီတော့ သူတို့ကြားမှာ ဆက်စပ်မှုတကယ်ရှိတယ်ပေါ့'

ကျွင်းရှောင်ယောက်က သူ့စိတ်ထဲမှ တွေးလိုက်သည်။

ဤအင်မော်တယ်ယဇ်ပလ္လင်ရှေ့တွင် ရပ်နေစဉ်မှာ သူကိုယ်တိုင် အရေးမပါသလို ခံစားခဲ့ရသည်။

တစ်ချိန်တည်းမှာပင်၊ ၎င်းက လူတို့အား မငြင်းဆန်နိုင်သော စိတ်ပျက်အားငယ်မှုကို ယူဆောင်လာနိုင်ပေသည်။

ယဇ်ဆရာသခင်များ၏ အခမ်းအနားကို မည်သူမျှ ရပ်တန့်နိုင်စေပုံမရပေ။

ထိုအချိန်တွင်ပင် စနစ်၏ အသံက ကျွင်းရှောင်ယောက်၏စိတ်ထဲတွင် ပဲ့တင်ထပ် ထွက်ပေါ်လာသည်။

"ဒင်... ဂုဏ်ယူပါတယ် ပိုင်ရှင်... လက်မှတ်ထိုးဝင်ဖို့ တည်နေရာကို ရောက်ပါပြီ။ လက်မှတ်ထိုးဝင်ချင်ပါသလား"

ဤနေရာမှာ ကွေ့ရှအပျက်အယွင်း၏ အနက်ရှိုင်းဆုံးအပိုင်းဖြစ်သောကြောင့် စနစ်က အသက်ဝင်လာခြင်း ဖြစ်သည်။

'လက်မှတ်ထိုးဝင်မယ်'

ကျွင်းရှောင်ယောက်က သူ့စိတ်ထဲမှ ပြောလိုက်၏။

ကွေ့ရှအပျက်အယွင်းက အလွန်ထူးခြားသဖြင့် ဆုလာဘ်များမှာလည်း သူ့ကို စိတ်ပျက်စေမည် မဟုတ်ဘူးဟု သူ ခံစားမိသည်။

"ဒင်... ဂုဏ်ယူပါတယ် ပိုင်ရှင်၊ ကြယ်ဆယ်ပွင့်ဆုလာဘ်... အင်မော်တယ်ပညာရပ်၊ ကံကြမ္မာကျင့်စဉ်ငယ်ကို ရရှိပါပြီ"

စနစ်၏ အသံအဆုံးတွင် ကျွင်းရှောင်ယောက်က စိတ်ကူး၍မရနိုင်အောင် များပြားသော သတင်းအချက်အလက် စီးကြောင်းကြီးတစ်ခု သူ့အသိစိတ်ထဲသို့ စီးဝင်လာသည်ကို ခံစားလိုက်ရသည်။

၎င်းက သူ၏ဝိညာဉ်ကို ပေါက်ကွဲစေလုနီးပါးပင်။

သတင်းအချက်အလက် ပမာဏက များလွန်းသဖြင့် ကျွင်းရှောင်ယောက်၏ အသိစိတ်ပင်လယ်ကို နစ်မြုပ်သွားစေခဲ့သည်။

ယခင်ကလည်း သူသည် ထိပ်တန်း ပညာရပ်များဖြစ်သော လမ်းစဉ်ခြောက်သွယ် ဆမ်ဆာရာလက်သီးသိုင်း၊ သေခြင်းရှင်ခြင်းဘီး စသည်တို့ကို ရရှိခဲ့ဖူးသည်။

သို့ရာတွင်၊ ထိုမဟာနတ်ဘုရားစွမ်းရည် အားလုံးကို ပေါင်းလိုက်လျှင်ပင် ယခုရရှိသော အင်မော်တယ်ပညာရပ်၏ သတင်းအချက် ပမာဏကို မမီသေးပေ။

ကျွင်းရှောင်ယောက်လည်း သူ့နဖူးကို လက်ဖြင့်နှိပ်လိုက်မိသည်။

သူ၏ ထာဝရသဲအဆင့် ရှေးဦးဝိညာဉ်ဖြင့် ထိုသတင်းအချက်အလက်များကို ခံနိုင်ရည်ရှိစေရန်နှင့် ချေဖျက်နိုင်ရန် အပြင်းအထန် ကြိုးစားနေရပေသည်။

သို့သော်လည်း၊ ဘေးနားရှိ သက်ရှည်ခြင်းနတ်ဘုရားမက ကျွင်းရှောင်ယောက်၏ မိန်းမောနေသော အမူအရာကို မြင်သောအခါ အင်မော်တယ်ယဇ်ပလ္လင်ကြောင့် မင်သက်နေသည်ဟု ထင်လိုက်မိသည်။

ဆယ့်ငါးမိနစ်ခန့် ကြာပြီးနောက်...

ကျွင်းရှောင်ယောက်က သူ၏ မျက်လုံးများကို ဖြည်းညှင်းစွာ ဖွင့်လိုက်လေသည်။

သို့သော်လည်း သူမျက်လုံးဖွင့်လိုက်သည့် အခိုက်အတန့်တွင် သူ၏ သူငယ်အိမ်ထဲ၌ နက်နဲသော နိယာမများ စီးဆင်းသွားပုံရသည်။

'အင်မော်တယ်ကျင့်စဉ်၊ ဒါက တကယ်ကို အင်မော်တယ်ကျင့်စဉ်ပဲ။ ဒီတစ်ခါတော့ ငါ တကယ်ကို အခွင့်အလမ်းကြီးတစ်ခု ရခဲ့ပြီ'

ကျွင်းရှောင်ယောက်က ကျေနပ်စွာ တွေးလိုက်မိသည်။

သူကဲ့သို့ တည်ငြိမ်အေးစက်သော စိတ်သဘောထားရှိသူပင်လျှင် ယခုအချိန်မှာ စိတ်လှုပ်ရှားမှုကို မဖုံးကွယ်နိုင်တော့ပေ။

အင်မော်တယ်ကျင့်စဉ်ဆိုသည်မှာ အဘယ်နည်း။‌

ဒါက စစ်မှန်သော အင်မော်တယ် နတ်ဘုရားစွမ်းရည် ဖြစ်သည်။

၎င်းက သူ ယခင်ရရှိခဲ့ဖူးသော စွမ်းရည်များနှင့် မတူပါ။

ရှေးဟောင်း နတ်သားရဲများဖြစ်သော ခွန်ပန် သို့မဟုတ် အစစ်အမှန်နဂါးတို့၏ စွမ်းရည်များနှင့် နှိုင်းစာလျှင်ပင် ဤ'ကံကြမ္မာကျင့်စဉ်ငယ်'က အရည်အသွေးပိုင်း သိသိသာသာ ကွာခြားသည်။

ဧကရာဇ်ကြီးများလျှင် သွေးဆောင်ခံရမည်ဟု ဆိုနိုင်ပေသည်။

၎င်းက စစ်မှန်သော အင်မော်တယ်လမ်းစဥ် ပညာရပ် ဖြစ်သည်။

ထို့ပြင် ကံကြမ္မာကျင့်စဉ်ငယ်၏ စွမ်းရည်က အလွန်ထူးခြားဆန်းကြယ်သည်။

ကံကြမ္မာကျင့်စဉ်ငယ်ကို ကျွမ်းကျင်ပိုင်နိုင်ပါက အမှောင်ထဲမှ အရာအားလုံး၏ ကံကြမ္မာကို နားလည်နိုင်သည်။

၎င်းတွင် လျှို့ဝှက်ဆန်းကြယ်ပြီး မယုံနိုင်စရာကောင်းသော စွမ်းရည်အမျိုးမျိုး ရှိ၏။

ကျွင်းရှောင်ယောက်ကို အအံ့သြဆုံးဖြစ်စေသည်

မှာ...

ဤကံကြမ္မာကျင့်စဉ်ငယ်က အကြောင်းအကျိုးဆက်စပ်မှု ကြီးမားသော လက်နက်များကို အသုံးပြုပြီး ရှေးဟောင်း 'အစစ်အမှန်ဝိညာဉ်'များကို ဆင့်ခေါ်နိုင်သည်။

ဥပမာအားဖြင့် ကျွင်းရှောင်ယောက်က လွမ်ကုပုဆိန်ကို အသုံးပြုပြီး ၎င်းနှင့် အကြောင်းအကျိုးဆက်နွယ်နေသော လွမ်ကုဧကရာဇ်၏ အစစ်အမှန်ဝိညာဉ်ကို ဆင့်ခေါ်နိုင်ခြင်းမျိုးပင်။

ဤစွမ်းအားက ကောင်းကင်ကို အမှန်တကယ် ဆန့်ကျင်သည်။

ယခင်က အန္တိမကပ်ဘေးကြီးနှင့် တိုက်ပွဲအတွင်းမှာလည်း ကျွင်းဝူဟွေ့က ဧကရာဇ်ကြီး ကျွင်းချီထျန်း၏အဆောင်ကို အသုံးပြုပြီး ၎င်း၏ အစစ်အမှန်ဝိညာဉ်ကို ဆင့်ခေါ်ခဲ့ဖူးပေသည်။

သို့သော်လည်း ၎င်းမှာ ကျွင်းချီထျန်းနှင့် ကျွင်းဝူဟွေ့တို့က သွေးသားတော်စပ်မှုရှိသောကြောင့် ဖြစ်သည်။

ကံကြမ္မာကျင့်စဉ်ငယ်မှာတော့ သွေးသားတော်စပ်မှုကဲ့သို့ ကန့်သတ်ချက်များ မရှိပေ။

သီအိုရီအရ၊ အကြောင်းအကျိုးဆက်နွယ်မှု မြင့်မားသော အရာဝတ္တုတစ်ခုခုကို ရရှိထားသရွေ့၊ ရှေးခေတ်မှ ယနေ့ခေတ်အထိ ရှိခဲ့ဖူးသော ဧကရာဇ်အားလုံး၏ အစစ်အမှန်ဝိညာဉ်များကို ဆင့်ခေါ်နိုင်မည် ဖြစ်သည်။

ယင်းက မည်မျှကြောက်စရာကောင်းသနည်း။

ကောင်းကင်ကိုးပါး တားမြစ်နယ်မြေမှ မဟာပုဂ္ဂိုလ်များပင်လျှင် ဒါကိုမြင်ရင် ကြက်သီးထသွားမည်ဟု ဆိုနိုင်သည်။

ယဇ်ဆရာသခင်များသည်ပင် လုံးဝ အံ့သြသွားလိမ့်မည်။

အစစ်အမှန်ဝိညာဉ်များကို မူလခန္ဓာနှင့် နှိုင်းယှဉ်၍မရသော်လည်း အလွန်စွမ်းအားကြီးနေဆဲ ဖြစ်သည်။

ကျွင်းရှောင်ယောက်လည်း လေးလေးနက်နက် သက်ပြင်းချလိုက်မိသည်။

ကံကြမ္မာကို စိတ်ကြိုက်ခြယ်လှယ်ပြီး အစစ်အမှန်ဝိညာဉ်များကို ဆင့်ခေါ်နိုင်သော ဤစွမ်းရည်က ကောင်းကင်ကို အကြွင်းမဲ့ ဆန့်ကျင်နိုင်သည်။

၎င်းက နိယာမသုံးထောင်တွင် အထူးဆန်းဆုံးနှင့် ရှားပါးဆုံးဖြစ်သော ကံကြမ္မာနိယာမကို အမှတ်ရစေပေသည်။

ဒဏ္ဍာရီများအရ၊ ကံကြမ္မာနိယာမကို ထိန်းချုပ်နိုင်သူတိုင်းက သက်ရှိအားလုံး၏ ကံကြမ္မာကို ထိန်းချုပ်ပြီး အချိန်မြစ်ကို စိုးမိုးခြယ်လှယ်နိုင်ကြသည်။

သို့ရာတွင်... သူသိသလောက်တော့ ထိုသို့လုပ်ဆောင်နိုင်သူ တစ်ဦးမျှမရှိသေးပါ။

ကျွင်းရှောင်ယောက်၏ အမြင်အရ ဤကံကြမ္မာကျင့်စဉ်ငယ်တွင် ကံကြမ္မာနိယာမ၏ အရိပ်အယောင်တစ်ခု ပါဝင်သည်။

ဟုတ်သည်၊ ‌ဒါက စစ်မှန်သော ကံကြမ္မာနိယာမထက်တော့ အများကြီး နိမ့်ကျနေသေးသည်။

ထို့ပြင်၊ ဤကဲ့သို့ ကောင်းကင်ကို ဆန့်ကျင်သော ပညာရပ်တစ်ခုတွင် ပေးဆပ်ရမည့် တန်ဖိုးရှိသည်။

၎င်းမှာ ဤပညာရပ်ကို အသုံးပြုသူတိုင်း၏ သက်တမ်းနှင့် ကံကောင်းမှုကို လောင်ကျွမ်းစေခြင်း ဖြစ်သည်။

ကံကြမ္မာ၏ ကောင်းမွန်သော လက်ဆောင်မွန်တိုင်းတွင် တန်ဖိုးတစ်ခုက လျှို့ဝှက်စွာ ရေးသားထားပြီးသားပင်။

ကံကြမ္မာကျင့်စဥ်ငယ်က အလွန်အမင်း အစွမ်းထက်ပြီး အကြောင်းအကျိုးဆက်နွယ်မှုမြင့်မားသော အရာဝတ္တုတစ်ခုကို ထုတ်ယူကာ သူတို့၏ အစစ်အမှန်ဝိညာဉ်များကို ဆင့်ခေါ်နိုင်သည်။

သို့ရာတွင်၊ ကံကြမ္မာကျင့်စဥ်ငယ်ကို ကျင့်ကြံသူသည်လည်း တန်ကြေးတစ်ခုကို ပေးဆပ်ရလိမ့်မည်။

ထို့ပြင် ပေးဆပ်ရမည့် တန်ကြေးက အလွန်ကြီးမားသည်။