အခန်း ၃၅၁

🍋 Chapter 351

"ဟိုင်း"

ကျိုးထျန်း သူမကို နှုတ်ဆက်လိုက်ပြီးနောက် ဟယ်ချင်းဝမ်၏ ကြောင်တောင်တောင် ဖြစ်သွားသော မျက်နှာထားကို ကြည့်ကာ တံတွေးကို အနိုင်နိုင် မျိုချလိုက်မိသည်။

"ဘာလဲ မင်းက ဇီးသီးပေါက်စီ စားချင်လို့လား"

"အား" ဟယ်ချင်းဝမ်သည် သူမ၏ ရင်ဘတ်ကို လက်ဖြင့် အုပ်ကာ အခန်းထဲမှ အလောတကြီး ပြေးထွက်သွားခဲ့ပြီး လုံးဝ ပျောက်ကွယ်သွားခဲ့တော့သည်။

အကယ်၍ အမြင်အာရုံကို ပိတ်ဆို့ထားသည့် ပြတင်းပေါက်သာ မရှိခဲ့လျှင် သူမအနေဖြင့် အပြင်သို့ ပျံထွက်သွားလောက်သည်အထိပင် ဖြစ်သည်။

"ကြည့်လို့ ဝပြီလား"

"မဆိုးပါဘူး"

ဟယ်ဝေရွှမ်း ၏ မျက်လုံးများထဲတွင် ဒေါသအရိပ်အယောင်အချို့ ဖြတ်ပြေးသွားခဲ့သည်။

သို့သော် ဤအရာက သူမတွင်လည်း တစ်စိတ်တစ်ပိုင်း တာဝန်ရှိနေခဲ့သည်။

သူမ၏ ဝမ်းကွဲညီမသည် ပုံမှန်အားဖြင့် လွတ်လပ်ပေါ့ပါးစွာ နေတတ်ပြီး ၎င်းတို့နှစ်ဦးတည်း ရှိနေချိန်တွင် အဝတ်အစားကို ခပ်ပါးပါးသာ ဝတ်ဆင်တတ်သည်ကို သူမ မေ့လျော့နေခဲ့ခြင်း ဖြစ်သည်။

သူမက ကျိုးထျန်းကို စာကြည့်တိုက်ခန်းထဲသို့ ခေါ်ဆောင်လာခဲ့ပြီးနောက် ၎င်းတို့နှစ်ဦးလုံး ထိုင်လိုက်ကြသည်။

"မင်း ငါ့ကို အပေါ်ထပ်အထိ ဘာဖြစ်လို့ ဇွတ်အတင်း ဆွဲခေါ်လာရတာလဲ"

ဤအမျိုးသမီး မည်သည့်အရာကို လိုချင်နေသည်ကို သူ အခုထိ နားမလည်နိုင်သေးချေ။

"စာချုပ်ချုပ်မလို့လေ"

"ဘာ"

ကျိုးထျန်းသည် သူ့ကိုယ်သူ သတိမေ့လျော့ရောဂါ ရနေသည်ဟုပင် ခံစားလိုက်ရပြီး အဆင့်အချို့ကို ကျော်ဖြတ်လာခဲ့သလိုမျိုး ဖြစ်နေခဲ့သည်။

"ဘာစာချုပ်လဲ"

"ပူးပေါင်းဆောင်ရွက်မှု သဘောတူညီချက် စာချုပ်လေ၊ ငါ့ရဲ့ ကျောက်မျက်ရတနာ ကုမ္ပဏီနဲ့ မင်းရဲ့ ကျောက်မျက်ရတနာရိုင်း အခြေပြု ကုမ္ပဏီတို့ကြားက ပူးပေါင်းဆောင်ရွက်မှု သဘောတူညီချက်လေ"

ဟယ်ဝေရွှမ်း က သူမ၏ ကွန်ပျူတာကို ဖွင့်လှစ်လိုက်ပြီး ကီးဘုတ်ပေါ်တွင် လက်ချောင်းများကို အလျှင်အမြန် လှုပ်ရှားလိုက်သည်။

သူမသည် စက္ကန့်ပိုင်းမျှပင် အချိန်မဖြုန်းဘဲ သဘောတူညီချက် မူကြမ်းကို ချက်ချင်း စတင် ရေးဆွဲတော့သည်။

"ငါတို့က ဒါကို သေသေချာချာတောင် မဆွေးနွေးရသေးဘူးလေ၊ ဘာဖြစ်လို့ စာချုပ်ကို အခုချက်ချင်း ချုပ်ဆိုရမှာလဲ"

ဤအမျိုးသမီး၏ အရှိန်အဟုန်မှာ အလွန်ပင် မြန်ဆန်လှသဖြင့် သူ လိုက်မမီနိုင်တော့သလို ခံစားနေရသည်။

"မင်းမှာ ရောင်းချမယ့် လမ်းကြောင်း မရှိဘူး၊ ငါ့မှာကျတော့ ပစ္စည်းပံ့ပိုးပေးမယ့်သူ မရှိဘူး၊ ဒါကြောင့် ငါတို့က သဘာဝကျကျပဲ လက်တွဲဖော်တွေ ဖြစ်လာကြတာလေ"

"ဒါ့အပြင် မင်းက ကျောက်မျက်ရတနာရိုင်းတွေကို နိုင်ငံခြားသားတွေကို မရောင်းချင်ဘူးမလား၊ ဒါကြောင့် ပြည်တွင်းက လက်တွဲဖော်ကိုပဲ ရှာဖွေနေတာ ဖြစ်ရမယ်"

"ငါက မင်းအတွက် တစ်ခုတည်းသော ရွေးချယ်ခွင့် မဟုတ်ပေမဲ့ အခြားဘယ်သူမှ မပေးနိုင်တဲ့ စျေးနှုန်းနဲ့ အခြေအနေမျိုးကိုတော့ ငါ သေချာပေါက် ပေးနိုင်တယ်"

"ဒါကြောင့် မင်းအနေနဲ့ ငါတို့ရဲ့ ပူးပေါင်းဆောင်ရွက်မှုကို သေချာပေါက် သဘောတူလိမ့်မယ်"

"ဒါဆိုရင် ငါလည်း အချိန်ဖြုန်းနေစရာ မလိုတော့ဘူး၊ စာချုပ်ကိုသာ အရင်ချုပ်ဆိုလိုက်ပြီး နောက်ထပ်အဆင့်ကို ချက်ချင်း စတင်ကြတာပေါ့"

ဟယ်ဝေရွှမ်း သည် ဤစကားကို ပြောဆိုနေစဉ် ခေါင်းကိုပင် မော့မကြည့်ခဲ့သော်လည်း ကျိုးထျန်း၏ အတွေးများကိုမူ ရှင်းလင်းစွာ ခွဲခြမ်းစိတ်ဖြာပြသွားခဲ့သည်။

"ငါပြောမယ် မင်း အရှိန်နည်းနည်းလောက် လျှော့လို့မရဘူးလား။ အခုက သန်းခေါင်ကျော်နေပြီလေ၊ ပြီးတော့ ငါက အရက်လည်း သောက်ထားသေးတယ်။ ဒီအချိန်ကြီးမှာ စာချုပ်ချုပ်ဖို့ တိုက်တွန်းနေတာက နည်းနည်းတော့ လွန်မင်းမနေဘူးလား"

"မင်း အရက်မူးပြယ်တဲ့အထိ ဧည့်ခန်းမှာ သွားရောက် အနားယူနေလို့ရတယ်၊ အဲဒီနောက်မှ ငါတို့ စာချုပ်ချုပ်ဆိုကြတာပေါ့"

သူမက စာချုပ်မူကြမ်းကို ဆက်လက် ရေးဆွဲနေခဲ့ပြီး ရပ်တန့်မည့်ဟန် လုံးဝ မပြခဲ့ချေ။

"မင်းက ဒီလောက်အထိ အပင်ပန်းခံ အလုပ်လုပ်နေတာ မမောဘူးလား"

"ငါ့ရဲ့ ရည်မှန်းချက် အောင်မြင်သရွေ့တော့ ငါမမောပါဘူး"

ကျိုးထျန်းက ခေါင်းညိတ်လိုက်မိသည်။

သူမ၏ ဇွဲလုံ့လမှာ တကယ်ကို ချီးကျူးစရာ ကောင်းလှပေသည်။

"ကောင်းပြီ ငါ နားလည်ပါပြီ"

သူ စကားပြောပြီးသည်နှင့် ကွန်ပျူတာအနီးသို့ လျှောက်လှမ်းသွားကာ မျက်နှာပြင်ကို ပိတ်ပစ်လိုက်တော့သည်။

ဟယ်ဝေရွှမ်း ၏ လှုပ်ရှားနေသော လက်ချောင်းများမှာ ရုတ်တရက် ရပ်တန့်သွားခဲ့ပြီး သူ့ကို ကြောင်တောင်တောင်ဖြင့် စိုက်ကြည့်နေခဲ့သည်။

"မင်းကိုယ်မင်းလည်း ပြန်ကြည့်ဦး၊ မျက်ကွင်းတွေတောင် ညိုနေပြီ။ မင်းကိုယ်မင်းရော အခြားလူတွေကိုပါ ဒီလိုမျိုး ဖိအားပေးတာက မကောင်းပါဘူး"

"ငါက ထွက်ပြေးမှာ မဟုတ်ပါဘူး။ ငါတို့ မနက်ဖြန် မနက်စာ အတူတူစားရင်း အသေးစိတ်အချက်အလက်တွေကို ဆွေးနွေးကြရင်ော ဘယ်လိုလဲ”

“ အကယ်၍ သင့်တော်မယ်ဆိုရင် ငါ မင်းကိုပဲ ပူးပေါင်းဆောင်ရွက်ဖို့အတွက် သေချာပေါက် ဦးစားပေးပါ့မယ်၊ ဒါဆို အဆင်ပြေတယ်မလား"

ဟယ်ဝေရွှမ်း က မကျေနပ်သေးသည့် အမူအရာမျိုး ပြသနေဆဲ ဖြစ်သည်ကို မြင်သောအခါ ကျိုးထျန်းက ခေါင်းကို ခါယမ်းလိုက်မိရင်း သေတ္တာကို သူမထံသို့ မတတ်နိုင်စွာ ကမ်းပေးလိုက်သည်။

"ရော့ ဒါကို ယူထားလိုက်။ ယင်းကို ငါ့ရဲ့ ပူးပေါင်းဆောင်ရွက်မှု အသိအမှတ်ပြုမှုနဲ့ ပထမဆုံး ရင်းနှီးမြှုပ်နှံမှုအတွက် စပေါ်ငွေလို့ပဲ သတ်မှတ်လိုက်ပါ"

"ဒါဆိုရင်ရော ငါ့ကို သွားခွင့်ပြုတော့မလား"

ဟယ်ဝေရွှမ်း က ခေါင်းကို ငုံ့ကာ စက္ကန့်အနည်းငယ်မျှ စဉ်းစားလိုက်ပြီးနောက် မတ်တပ်ရပ်၍ သေတ္တာကို စာကြည့်တိုက်ခန်းရှိ မီးခံသေတ္တာအတွင်းသို့ ထည့်သွင်းလိုက်တော့သည်။

"မနက်ဖြန် မနက် ၈ နာရီမှာ စားသောက်ဆိုင်မှာ ဆုံမယ်"

"၁၀ နာရီ လုပ်ပါ၊ မဟုတ်ရင် ငါ အိပ်ရာက နိုးမှာ မဟုတ်ဘူး"

"မနက် ၉ နာရီ၊ နင် ရောက်မလာဘူးဆိုရင် ငါ ဧည့်ကြိုကောင်တာကို သွားပြီး သော့တောင်းပြီး လုံခြုံရေးတွေကို မင်းကို ဇွတ်အတင်း ဆွဲခေါ်ခိုင်းလိုက်မယ်"

"ကဲပါ ကဲပါ၊ ငါ အရှုံးပေးပါတယ်။ ငါ နင့်ရဲ့ ပေါင်ကော ဟိုတယ်မှာ နောက်တစ်ခါ ထပ်မနေတော့ဘူး"

ကျိုးထျန်းက အလျှင်အမြန်ပင် ထွက်ခွာသွားခဲ့သည်။

အကယ်၍ သူသာ ဆက်ရှိနေပါက ဤအမျိုးသမီး စိတ်ပြောင်းသွားပြီး သူ့ကို ထွက်ခွာခွင့်မပေးဘဲ တစ်ညလုံး အတူတူ အလုပ်လုပ်ခိုင်းမည်ကို သူ စိုးရိမ်နေမိသောကြောင့် ဖြစ်သည်။

"မစ္စဟယ် မမကြီးဟယ်၊ ကျိုးထျန်း သွားပြီလားဟင်"

ဟယ်ချင်းဝမ်က အခန်းထဲမှ အသာအယာ ချောင်းကြည့်လိုက်ရင်း မျက်နှာတစ်ခုလုံး နီမြန်းနေခဲ့ကာ အလွန်ပင် ရှက်ရွံ့နေခဲ့ပုံရသည်။

"ထွက်လာခဲ့တော့ သူ သွားပြီ"

"အမျိုးသားတစ်ယောက်ရဲ့ ကြည့်တာကို ခံရတာပဲဟာကို၊ မင်းက ဘာဖြစ်လို့ ဒီလောက်အထိ ရှက်နေရတာလဲ"

ဟယ်ဝေရွှမ်း က သူမ၏ အပေါ်အင်္ကျီနှင့် ဒေါက်မြင့်ဖိနပ်များကို ချွတ်လိုက်ရင်း မျက်ခုံးများကို မောပန်းနွမ်းနယ်စွာဖြင့် နှိပ်နယ်လိုက်သည်။

"ညီမက မမကြီးလိုမှ မဟုတ်တာ၊ ဒီလောက်အထိ အာဏာမပြနိုင်ဘူးလေ။ ပြီးတော့ ညီမမှာ ရည်းစားတောင် တစ်ခါမှ မရှိဖူးသေးဘူး"

"ငါ့မှာလည်း မရှိဖူးပါဘူး၊ ဒါပေမဲ့ အမျိုးသားတွေရဲ့ ရှေ့မှာတော့ ပျာယာခတ်မသွားသင့်ဘူးလေ"

ဟယ်ဝေရွှမ်း က သူမကို သနားစဖွယ် အမူအရာမျိုးဖြင့် လှမ်းကြည့်လိုက်သည်။

"ကဲပါ မင်းလည်း သွားပြီး အနားယူတော့။ ဒီနေ့ကိုတော့ အနားယူရက်လို့ပဲ သတ်မှတ်လိုက်ပါဦး ဒါပေမဲ့ မနက်ဖြန် မနက်ကျရင်တော့ ကျောက်မျက်ရတနာ ကုမ္ပဏီအတွက် ပူးပေါင်းဆောင်ရွက်မှု သဘောတူညီချက် မူကြမ်းတစ်ခု ရေးဆွဲဖို့ ငါ့ကို ကူညီပေးဦး"

"အာ ကျောက်မျက်ရတနာ ကုမ္ပဏီက လက်တွဲဖော် ရှာတွေ့သွားပြီလားဟင်"

ဟယ်ချင်းဝမ်သည် သူမ၏ မမကြီး ဤစီမံကိန်းအတွက် မည်မျှအထိ မောပန်းနွမ်းနယ်ခဲ့ရပြီး အကြိမ်ပေါင်းများစွာ ငြင်းပယ်ခြင်း ခံခဲ့ရသည်ကို သိရှိထားခဲ့သည်။

"ဒါက ထိုကျိုးထျန်းတော့ မဟုတ်ပါဘူးနော်"

သူမက ရုတ်တရက် အော်ဟစ်လိုက်မိရင်း ပါးစပ်ကို လက်ဖြင့် အုပ်လိုက်မိတော့သည်။

အကယ်၍ ထိုသို့သာဆိုလျှင် သူမ၏ မမကြီးက သူ့ကို ဤနေရာသို့ ခေါ်ဆောင်လာခဲ့ခြင်းက ဖြစ်နိုင်ချေ ရှိနေခဲ့သည်။

"သူပဲလေ"

ဟယ်ဝေရွှမ်း က သူမ၏ အဖြူရောင် ရှပ်အင်္ကျီနှင့် ဘောင်းဘီရှည်ကို ချွတ်လိုက်ရာ အတွင်းခံအဝတ်အစားသာ ကျန်ရှိတော့သည့် ဆီးနှင်းကဲ့သို့ ဖြူစင်ဝင်းပသော ခန္ဓာကိုယ် ပေါ်ထွက်လာခဲ့သည်။

သူမ၏ ခန္ဓာကိုယ်မှာ သူမ၏ မျက်နှာကဲ့သို့ ပြီးပြည့်စုံခြင်းမျိုး မရှိဘဲ တံတောင်ဆစ်နှင့် ဒူးဆစ်များတွင် အမာရွတ်အသေးစားလေးများ ရှိနေခဲ့သည်။

ဤအရာများက အားကစားလုပ်ရာမှ ရရှိထားခဲ့သော ဒဏ်ရာများ ဖြစ်ပြီး သူမအနေဖြင့် အခြားလူများကို မည်သည့်အခါမျှ မပြသခဲ့ဖူးချေ။

ထို့ကြောင့်လည်း သူမသည် အခြားအမျိုးသမီးများကဲ့သို့ စကတ်များကို မဝတ်ဆင်ဘဲ ဘောင်းဘီရှည်ကိုသာ အမြဲတမ်း ဝတ်ဆင်လေ့ ရှိခြင်း ဖြစ်သည်။

လူအများစုက သူမ၏ ပြီးပြည့်စုံသော တစ်ဖက်ခြမ်းကိုသာ မြင်တွေ့ခဲ့ကြရခြင်း ဖြစ်သည်။

သူမ၏ ဖခင်မှလွဲ၍ ဟယ်ချင်းဝမ်တစ်ဦးတည်းသာ သူမ၏ စစ်မှန်ဆုံးသော အခြေအနေကို မြင်တွေ့ဖူးခဲ့ခြင်း ဖြစ်သည်။

ရှည်လျားလှသော ခြေလက်များနှင့်အတူ ပြီးပြည့်စုံသော အချိုးအစားရှိသည့် ခန္ဓာကိုယ်နှင့် တင်းရင်းလှသော ကြွက်သားများ ရှိနေခဲ့သည်။

ယင်းက သူမ၏ E-cup ရှိသော ရင်သားများနှင့် ပေါင်းစပ်လိုက်သောအခါ ရှားပါးလှသော အလှတရားတစ်ခုအဖြစ် ဖော်ပြနိုင်လောက်သည့် လှပသော မြင်ကွင်းတစ်ခုကို ဖန်တီးပေးနေခဲ့သည်။

ယခုအချိန်တွင် သူမသည် ကြမ်းပြင်မှ မျက်နှာကြက်အထိ မြင့်မားသော မှန်ပြတင်းပေါက်ကြီး၏ ရှေ့တွင် ရပ်တန့်နေခဲ့ပြီး အောက်ခြေတွင် ဖြတ်သန်းသွားလာနေကြသော ကားများကို စောင့်ကြည့်နေခဲ့သည်။

သူမအနေဖြင့် အဝတ်အစားမရှိဘဲ ပေါ်လွင်သွားမည်ကို စိုးရိမ်ခြင်းမရှိချေ။

ဟယ်ချင်းဝမ်ကဲ့သို့ပင် သူမသည်လည်း သီးသန့်အချိန်များတွင် ပေါ့ပါးလွတ်လပ်စွာ ဝတ်ဆင်ရသည်ကို နှစ်သက်သဖြင့် ဤနေရာရှိ မှန်များကို အပြင်ဘက်မှကြည့်လျှင် အတွင်းပိုင်းကို လုံးဝ မမြင်နိုင်စေရန် အထူးပြုလုပ်ထားခဲ့သောကြောင့် ဖြစ်သည်။

"ဒီကျိုးထျန်းက တကယ်ကို အံ့သြဖို့ကောင်းတာပဲ။ သူ ဘယ်တုန်းက ဒီလို တွင်းထွက်ပစ္စည်းမျိုးကို ရရှိထားခဲ့မှန်း ငါ မသိဘူး"

"ဒါက ဘုရားသခင်က ငါ့ကို ကူညီဖို့အတွက် သူ့ကို စီစဉ်ပေးလိုက်သလိုမျိုးပဲ၊ သူက အချိန်ကိုက်ပဲ ပေါ်လာခဲ့တယ်"

သူမသည် ကံကြမ္မာကို မယုံကြည်သော်လည်း ယခုအခါတွင်မူ အနည်းငယ် တုန်လှုပ်ချင်စရာ ဖြစ်နေခဲ့ပြီ ဖြစ်သည်။

"ချင်းဝမ် မင်း ငါ့အတွက် သူ့ရဲ့ မကြာသေးခင်က လှုပ်ရှားမှုတွေကို ထပ်ပြီး စစ်ဆေးပေးဦး၊ နေပါဦး ထားလိုက်ပါတော့၊ မနက်ဖြန်မှပဲ ငါကိုယ်တိုင် စစ်ဆေးလိုက်ပါ့မယ်၊ အခုတော့ ငါ ရေသွားချိုးလိုက်ဦးမယ်"

သူမက အနားယူမည်ဟု ပြောဆိုလိုက်သည်နှင့် တပြိုင်နက် ယင်းကို အမှန်တကယ်ပင် လုပ်ဆောင်လေ့ ရှိသည်၊ သူမက မိမိကိုယ်ကို အလွန် ထိန်းချုပ်နိုင်စွမ်း ရှိသူ ဖြစ်သည်။

သူမက ဟယ်ချင်းဝမ်၏ အနားမှ ဖြတ်သန်းသွားစဉ် ခေတ္တမျှ ရပ်တန့်လိုက်သည်။

"ငါ့မျက်လုံးမှာ မျက်ကွင်းညိုတာမျိုး ရှိနေတာကို မင်း မြင်ရလား"

"ဟုတ်ကဲ့ နည်းနည်းတော့ ရှိနေတယ် မမကြီး"

"အင်း ကြည့်ရတာ ငါ သေသေချာချာ အနားယူဖို့ လိုအပ်နေပြီထင်တယ်။ မနက်ဖြန် မနက် ၇ နာရီကျရင် ငါ့ကို နှိုးပေးပါဦး။ ငါတို့ ရံဖန်ရံခါတော့ အလိုလိုက်သင့်တာပေါ့"

သူမအတွက်တော့ ၇ နာရီကြာ အိပ်စက်ခြင်းကပင် အလွန်အမင်း အလိုလိုက်ခြင်း ဖြစ်နေခဲ့ပြီ ဖြစ်သည်။

သူမက ရေချိုးခန်းဆီသို့ လျှောက်လှမ်းသွားစဉ် သူမ၏ မျက်လုံးများကို ထိတွေ့နေခဲ့ရာ ဟယ်ချင်းဝမ်ကမူ သူမ၏ နောက်ကွယ်တွင် လျှာကို အသာအယာ သပ်လိုက်မိတော့သည်။

"ဒီကျိုးထျန်းက တကယ်ကို အံ့သြဖို့ကောင်းတာပဲ။ ငါ့ရဲ့ မမကြီးက သူ့ရဲ့ စကားကို တကယ်ပဲ နားထောင်တယ်နော်"

"စောစောအိပ်ပြီး နောက်ကျမှ ထရုံတင်မကဘူး၊ သူမမှာ မျက်ကွင်းညိုတာမျိုး ရှိ၊ မရှိကိုတောင် တကယ်ပဲ စိုးရိမ်နေသေးတယ်"

"ဒီလောက်အထိ ယုံကြည်မှု ရှိလှတဲ့ ငါ့ရဲ့ မမကြီးက မိမိကိုယ်ကို သံသယဝင်နေတာလား"

ဟယ်ချင်းဝမ်က ခေါင်းကို ခါယမ်းလိုက်မိရင်း နားမလည်နိုင်စွာဖြင့် သူမ၏ အခန်းသို့ ပြန်လည် လျှောက်လှမ်းသွားခဲ့တော့သည်။

ရေနွေးကန်ထဲတွင် စိမ်နေခဲ့သော ဟယ်ဝေရွှမ်း သည် ရေချိုးခန်း၏ မျက်နှာကြက်ကို စူးစူးစိုက်စိုက် စိုက်ကြည့်နေခဲ့သည်။

‘မနက်ဖြန်ကျရင် ငါ ဒေါက်ဖိနပ်မစီးဘဲ ဖိနပ်အပြားကိုပဲ ဝတ်ဆင်သင့်တယ်ထင်တယ်။ ဒေါက်မြင့်ဖိနပ် စီးထားရင် ငါက အလွန်အမင်း အရပ်ရှည်လွန်းသလို ခံစားရတယ်....’

‘အင်း သူကလည်း ငါ့ရဲ့ အရပ်အမောင်းလောက်ပဲ ရှိပုံရတယ်’

‘ဒီနေ့ သူ့ကို တွေ့လိုက်ရတုန်းက သူက ပိုပြီးတော့ ချောမောလာပြီး ပိုပြီးတော့ သန်မာလာသလိုမျိုးပဲ၊ ဒါက တကယ်ကို ထူးဆန်းတာပဲ’

‘ဒါပေမဲ့ သူက ယခင်ကထက်စာရင် အများကြီး ပိုပြီးတော့ သဘောထားကြီးလာပုံရတယ်၊ သူက ကျောက်ရိုင်းကိုတောင် ငါ့ကို ပေးခဲ့သေးတယ်မဟုတ်လား’

‘ ငွေပေးပြီး ဝယ်ယူလို့မရနိုင်တဲ့ အရာမျိုးလေ။ သူက ဂရုမစိုက်ဘူးဆိုပေမဲ့ ငါ့အတွက်တော့ ဒါက အရမ်း အရေးကြီးပါတယ်’

‘ငါလည်း သူ့ကို တစ်ခုခု ပြန်ပေးသင့်တယ်ထင်တယ်’

သူမ အတွေးများထဲတွင် နစ်မြောနေစဉ်မှာပင် သူမ၏ ဖုန်းက ရုတ်တရက် မြည်လာခဲ့သည်။

သူမက လက်ချောင်းများမှ ဆပ်ပြာများကို ခါထုတ်ပစ်လိုက်ပြီးနောက် ဖုန်းကို ကောက်ကိုင်လိုက်ရာ သူမ၏ မျက်နှာထားမှာ ချက်ချင်းပင် တည်ကြည်လေးနက်သွားခဲ့တော့သည်။

"ဟယ်လို ဒေါက်တာ အန်ဒါဆန်"

"ဟုတ်ကဲ့ ဟုတ်ကဲ့ပါ၊ ညီမ နားလည်ပါတယ်ရှင်"

"အခြား ကုသမှု အစီအစဉ်မျိုးရော ရှိနိုင်ဦးမလားဟင်"

"ဒါဆိုရင် ညီမတို့မှာ အချိန် ဘယ်လောက်အထိ ကျန်ရှိနေသေးလဲဟင်"

"ကောင်းပါပြီ ညီမ နားလည်ပါပြီရှင်။ ကျေးဇူးပြုပြီး ဒီအကြောင်းအရာကို လောလောဆယ် လျှို့ဝှက်ထားပေးပါဦးနော်"

ဖုန်းကို ချလိုက်ပြီးနောက် သူမသည် ဖုန်း၏ Screen Saver ကို ကြည့်လိုက်မိရင်း သူမ၏ မျက်လုံးများထဲတွင် အတိုင်းအဆမရှိသော ဝမ်းနည်းပူဆွေးမှုများဖြင့် ပြည့်နှက်သွားသည်။