အခန်း ၁၂၅၁

အခန်း ( ၁၂၅၁ ) ကျွင်းရှောင်ယောက်၏ နည်းလမ်း။

"ရပါတယ်၊ အခြေအနေကို စောင့်ကြည့်ရအောင်"

ဘုရင်မက အတော်လေး တည်ငြိမ်သည်။

သူမ မျက်လုံးထောင့်မှ ကျွင်းရှောင်ယောက်ကို လှမ်းကြည့်လိုက်၏။

အကြောင်းတစ်ခုခုကြောင့်၊ သူ့ကိုယ်ပိုင်အထောက်အထားကို အမြဲဖုံးကွယ်ထားသော ဤလူသည် နားလည်ရခက်သော ယုံကြည်မှုတို့ ပြည့်နှက်နေသည်ဟု သူမ ခံစားခဲ့ရသည်။

အခြေအနေများက မည်မျှပင် ဆိုးရွားနေပါစေ၊ သူ့ရှေ့တွင် အလွယ်တကူ ဖြေရှင်းနိုင်သကဲ့သို့ပင်။

ယခုလည်း ထိုကဲ့သို့ပင် ဖြစ်သည်။

သူ့မျက်နှာတွင် ထိတ်လန့်ကြောက်ရွံ့မှု အရိပ်အယောင်မျှပင် မတွေ့ရပေ။

'သူ့မှာ တခြား ဝှက်ဖဲတွေ ရှိသေးတာလား'

ဘုရင်မက သူ့စိတ်ထဲမှ တွေးလိုက်မိသည်။

ယခုအချိန်တွင် ယွီတိုင်းပြည်၊ ဝိညာဉ်တိုင်းပြည်၊ ဝိညာဉ်မျိုးနွယ်စု၊ ပင်လယ်လောကနှင့် အမျိုးသမီးတိုင်းပြည်တို့ ရှိ၏။

တိုင်းပြည်ကြီးငါးခုက ယှဉ်ပြိုင်ကြတော့မည်။

ဤတိုင်းပြည်များကြားတွင် သာမန်သာဖြစ်သော အမျိုးသမီးတိုင်းပြည်အတွက် အထူးနည်းလမ်းမရှိလျှင် ဆုံးရှုံးမှု ကြီးကြီးမားမား ခံစားကြရမည်မှာ သေချာသည်။

"ဧကရာဇ်ငယ် လင်ယွမ်၊ မင်းကလည်း ဖီးရှန်းရေတံခွန် အခွင့်အလမ်းကို စိတ်ဝင်စားပုံရတယ်"

ရှင်းထျန်းအင်မော်တယ်မျိုးရိုးမှ ရှင်းယွီရှန်းက နှုတ်ခမ်းကိုတွန့်ကွေးကာ ပြုံးလိုက်သည်။

ပြင်ပကမ္ဘာတွင် အခြားသော အင်မော်တယ်မျိုးရိုးများ၏ မျိုးစေ့အဆင့် ပါရမီရှင်များပင်လျှင် လင်းယွမ်၏ အဆင့်အတန်းကို လေးစားရပေမည်။

သို့သော်လည်း ဤသည်မှာ မေ့ပျောက်ခြင်းမြေ ဖြစ်သည်။

အခွင့်အလမ်းကောင်းအတွက် ယှဉ်ပြိုင်ချိန်တွင် မည်သူမျှ နှိမ့်ချနေမည် မဟုတ်ပေ။

လင်ယွမ်၏ အဆင့်အတန်းကြောင့် အခြားသူများက အခွင့်အလမ်းကို စွန့်လွှတ်မည်မဟုတ်ပါ။

"တိုက်ခိုက်ချင်ရင် တိုက်ခိုက်ပါ၊ တရားမျှတမှုရှိရှိ ယှဉ်ပြိုင်ရမယ်"

လင်ယွမ်က ပြောလိုက်သည်။

သူကလည်း သူမ၏ ဧကရာဇ်ငယ်အထောက်အထားဖြင့် အခြားသူများကို ဖိအားပေးမည် မဟုတ်ပေ။

"ဖီးရှန်းရေတံခွန်မှာ အကြွင်းအကျန် အင်မော်တယ်သွေးတွေ ပါဝင်နေတယ်လို့ ကောလာဟလတွေ ထွက်နေတယ်။ ဒါက ဒီမေ့ပျောက်ခြင်းမြေမှာ အကြီးမားဆုံးအခွင့်အလမ်းတစ်ခုပဲ‌လေ။ ဒါက တကယ်ကို စိတ်ဝင်စားဖို့ကောင်းတယ်"

စန်းကျဲအင်မော်တယ်မျိုးရိုးမှ စန်းဂျူက ပေါ့ပေါ့ပါးပါး ပြောလိုက်သည်။

တစ်ဖက်တွင်၊ ကျစ်ယန်ထျန်းကျွင်း၏ သဘောထားက သာလွန်မြင့်မြတ်သူပမာ ရှိ၏။

သူက လင်ယွမ်ကို တစ်ချက်ကြည့်ပြီး ပြောလိုက်သည်။

"စိတ်မပူပါနဲ့၊ မင်းက ခေတ်ပြိုင်ဧကရာဇ်ငယ်တစ်ပါးပဲ၊ ပြိုင်ဆိုင်ရမဲ့ အချိန်ရောက်ရင် ငါ မင်းကို မျက်နှာသာပေးမှာပါ"

ကျစ်ယန်ထျန်းကျွင်းက မာနကြီးသူတစ်ဦး ဖြစ်သည်။

တိ‌ဟောက်ထျန်းကို ရင်ဆိုင်ရချိန်မှာပင် သူက စိန်ခေါ်လိုစိတ်ရှိပြီး အလွန်ရိုသေလေးစားမှု မရှိပေ။

လင်ယွမ်ဆိုလျှင် အထူးပြောနေစရာ မလိုတော့ပါ။

လင်ယွမ်၏ မျက်နှာက အေးစက်သွားသည်။

နောက်ပိုင်း အခြေအနေများကဝော့ အထွေအထူး စဉ်းစားစရာ မလိုတော့ပါ။

လေထုက ပြတ်တောက်တော့မည့် ကြိုးတစ်ချောင်းကဲ့သို့ အလွန်တင်းမာလာချိန်တွင်...

ကျွင်းရှောင်ယောက်က တည်ငြိမ်စွာ ရှေ့သို့ ထွက်လာသည်။

လူတိုင်း စိတ်ရှုပ်ထွေးသွား၏။

ဒါက ဘယ်သူလဲ။

ကျွင်းရှောင်ယောက်က မည်သူ့ကိုမျှ မကြည့်ဘဲ ပြောလိုက်သည်။

"ငါ့ကို မကြည့်ကြနဲ့"

ထိုစကားကိုကြားတော့ ယွီတိုင်းပြည်နှင့် အခြား တိုင်းပြည်များမှ လူများက ဘာကိုဆိုလိုမှန်း မသိသဖြင့် စိတ်ရှုပ်ထွေးသွားကြသည်။

သို့သော်လည်း အမျိုးသမီးတိုင်းပြည်မှ လူများ၊ လင်ယွမ်နှင့် အခြားသူများက ချက်ချင်း တုံ့ပြန်ခဲ့၏။

ကျွင်းရှောင်ယောက်၏ အဓိပ္ပါယ်ကို သူတို့ နားလည်သည်။

သူတို့ထဲတွင် မည်သူမျှ ကျွင်းရှောင်ယောက်ကို မကြည့်ကြတော့ပေ။

ကျွင်းရှောင်ယောက်က သူ့လက်ကို မြှောက်လိုက်သည်။ အလင်းစက်လုံးတစ်ခုက သူ့လက်ထဲတွင် ပေါ်လာ၏။

ထိုအလင်းစက်လုံးအတွင်း၌ ရှိနေသောအရာက...

အံ့သြစရာကောင်းအောင် ကောင်းကင်တောင်မှ ကြာပန်းကဲ့သို့ ကြည်လင်သော ပန်းဖူးတစ်ပွင့်ပင်။

၎င်းကို ကျောက်စိမ်းဖြင့် ထွင်းထုထားပုံရပြီး လျှို့ဝှက်ဆန်းကျယ်သော အငွေ့အသက်တို့ ထွက်ပေါ်နေသည်။

၎င်းပန်းဖူး၏ အလယ်ဗဟိုမှာတော့ လူများကို နစ်မျောသွားစေနိုင်သည့် ကျက်သရေဖြင့် နတ်သမီးလေးများ ကခုန်နေပုံရလေသည်။

ယခင်က၊ ကျွင်းရှောင်ယောက် ခူးဆွတ်ခဲ့သော အတိတ်၏ပန်းပွင့် ဖြစ်သည်။

ကျွင်းရှောင်ယောက်က ပန်းပွင့်ကို ကိုင်ထားသော်လည်း သက်ရောက်မှု လုံးဝ မခံစားရပေ။

ယခင်အချိန်မှာပင် ကျွင်းရှောင်ယောက်က အတိတ်ပန်းပွင့်၏ သက်ရောက်မှုကို ခံနိုင်ရည်ရှိခဲ့သည်။

ယခုကဲ့သို့ ရှေးဦးဝိညာဉ်က အဆင့်တက်ပြီး ထာဝရသဲအဆင့်သို့ ရောက်ရှိသွားချိန်တွင် အတိတ်၏ပန်းကို ခံနိုင်ရည်မှာ ပို၍ မြင့်မားခဲ့ပေသည်။

သို့ရာတွင်၊ အမျိုးသမီးတိုင်းပြည်၏ မည်သူကမျှ ထိုပန်းပွင့်ကို မကြည့်ခဲ့ကြပါ။

သို့သော်လည်း အခြား တိုင်းပြည်လေးခုမှ စစ်သည်များနှင့် အင်မော်တယ်မျိုးရိုးများ၏ ပါရမီရှင်များ၊ ၎င်းတို့၏ အပေါင်းအဖော်များက အတိတ်၏ပန်းပွင့်ကို ကြည့်လိုက်မိကြသည်။

ထို့နောက် လူအားလုံး တုန်လှုပ်သွား၏။

ရုတ်တရက်၊ သူတို့အားလုံး တောင့်တောင့်ကြီးဖြစ်ကုန်တော့သည်။

"အခု လှုပ်ရှားကြတော့"

ကျွင်းရှောင်ယောက်က ပြောလိုက်သည်။

ဘုရင်မလည်း အံ့အားသင့်သွားပြီးနောက် ချက်ချင်း တုံ့ပြန်ခဲ့လေသည်။

'ဒါက သူ့ရဲ့နည်းလမ်းပဲလား။ ရိုးရှင်းပေမဲ့ တိုက်ရိုက်ဆန်ပြီး အထိရောက်ဆုံးပဲ'

ဘုရင်မက စစ်သည်များကို ချက်ချင်း အမိန့်ပေးလိုက်သည်။

ရန်သူတိုင်းပြည်လေးခုတွင် ကျင့်ကြံမှု အားနည်းသူတချို့က မလွတ်မြောက်နိုင်တော့လောက်အောင် ပိတ်မိတ်နေပြီး ဘာကိုမျှ သတိမရတော့ပေ။

အဆင့်မြင့် ကျင့်ကြံသူများနှင့် ပြင်းထန်သော စိတ်ဆန္ဒရှိသူတချို့ပင်လျှင် ခန္ဓာကိုယ်များ တုန်လှုပ်နေကြဆဲ ဖြစ်သည်။

ဟုတ်ပေသည်၊ လူတိုင်းက ခုခံနိုင်စွမ်းကင်းမဲ့ကြတာ မဟုတ်ပါ။

ဥပမာအားဖြင့် ကျစ်ယန်ထျန်းကျွင်း၊ ရှင်းယွီရှန်း၊ လုံရွှမ်ယီ၊ စန်းဂျူ၊ မင်ယာနှင့် အခြား အစွမ်းထက် ပါရမီရှင်များ အားလုံးက ကိုယ်ပိုင် အထူးနည်းလမ်းများကို အသုံးပြုခဲ့ကြသည်။

၎င်းတို့တွင် ရှေးဦးဝိညာဉ်ကို အထူးကာကွယ်ပေးသည့် မှော်လက်နက်များ သို့မဟုတ် စိတ်ဝိညာဉ်လက်နက်များ ရှိသောကြောင့် ဝိညာဉ်အသိကို ထိန်းထားနိုင်ကာ မကြာမီ ပြန်လည်ကောင်းမွန်လာခဲ့သည်။

"မကောင်းတော့ဘူး၊ ငါတို့ လှည့်စားခံရပြီ"

"အဲဒါဘာလဲ"

"အရင်ပြန်ဆုတ်ဟ"

ဤအကြောင်းကို ကြိုသိခဲ့ပါက ကြိုတင်ပြင်ဆင်ထားမိလိမ့်မည်။

သို့သော်လည်း ‌အခြေအနေက ရုတ်တရက်ဆန်လွန်းသည်။

လင်ယွမ်နှင့် အခြားသူများက ဤအခွင့်အရေးကို မည်သို့လက်လွှတ်ခံမည်နည်း။

အင်မော်တယ်ခုံရုံး၏ ဧကရာဇ်ငယ်ဖြစ်သောကြောင့် လင်ယွမ်သည် အင်မော်တယ်ခုံရုံး၏ လူများကိုသတ်မည် မဟုတ်ပေ။

သို့သော်လည်း သူတို့ကို ဒဏ်ရာရစေပြီး ယှဉ်ပြိုင်နိုင်စွမ်း ဆုံးရှုံးစေနိုင်သည်။

အခြေအနေက ချက်ချင်း ဖရိုဖရဲဖြစ်သွားပေသည်။ အမျိုးသမီးတိုင်းပြည်၏ စစ်သည်များကလည်း တိုက်ခိုက်ခဲ့ကြသည်။

အခြား တိုင်းပြည်လေးခုမှ စစ်သည်များက အတိတ်၏ပန်းတွင် နစ်မျောနေသောကြောင့် လုံးဝ မခုခံနိုင်တော့ပေ။

အားလုံးက တပ်ပျက်ကာ အသက်လုပြီး ထွက်ပြေးခဲ့ကြရသည်။

"ကောင်မစုတ်လေး၊ မင်းက ငါ့ကို ကိုင်တွယ်ချင်နေတာမဟုတ်လား။ အခု ဘာဖြစ်လို့ ထွက်ပြေးချင်နေရတာလဲ"

လုဖူးကွေ့က အော်ဟစ်လိုက်သည်။

မှော်ရတနာတစ်ခုကို အသုံးပြုပြီး ထွက်ပြေးရန် ကြိုးစားလိုက်သော မော့ယန်းယုကို သူမြင်ရ၏။

မော့မိသားစုနှင့် လုမိသားစုတို့က အပြိုင်အဆိုင် ဆက်ဆံရေးရှိသည်။ နှစ်ယောက်စလုံးက အလွန်ကျော်ကြားသော ပန်းပဲမိသားစုများမှ ဖြစ်၏။

လုဖူးကွေ့က မော့ယန်းယုကို ဖိနှိပ်ရန် လက်နက်မျိုးစုံကို ချက်ချင်း အသုံးပြုခဲ့သည်။

"နင်...ဖက်တီးစုတ်"

မော့ယန်းယု၏ ပါးပြင်နှစ်ဖက်ရ ဒေါသကြောင့် နီမြန်းသွားသည်။ သူက အံကိုတင်းတင်းကြိတ်လိုက်၏။

"ငါ့ကို အမြဲတမ်း ပစ်မှတ်ထားနေဖို့ မင်းကို ဘယ်သူကပြောလဲ။ အခု မင်းက ငါ့လက်ထဲကို ရောက်လာရတော့မယ်"

လုဖူးကွေ့၏ မျက်နှာပေါ်တွင် ဆိုးရွားသော အပြုံးတစ်ခု ပေါ်လာသည်။ သူ့မျက်နှာပေါ်ရှိ အဆီများပင် တလှုပ်လှုပ်ဖြစ်လာ၏။

မော့ယန်းယု၏ မျက်နှာက ဖြူဖျော့သွားသည်။

အကယ်၍ ဤရွံရှာဖွယ်ကောင်းသော ဖက်တီး၏လက်ထဲသို့ အမှန်တကယ် ကျရောက်သွားခဲ့ပါက၊ သူမ ရူးသွားလိမ့်မည်။

နောက်ဆုံးတွင်၊ လုဖူးကွေ့က ‌နှစ်တစ်သောင်းပိုးကြိုးဖြင့် ပြုလုပ်ထားသည့် ကောင်းကင်ပိုက်ကွန်ဖြင့် မော့ယန်းယုကို ဖမ်းဆီးလိုက်သည်။

သို့သော်လည်း အမှန်တရား၏သားတော်၊ စန်းဂျူနှင့် အခြား ခရီးသွားဖော်များက သူမကို ဂရုမစိုက်ပေ။

အကြောင်းမူ၊ ၎င်းတို့က ခရီးသွားဖော် ဆက်ဆံရေးမျှသာ ရှိသောကြောင့် ဖြစ်သည်။

သူတို့ကိုယ်တိုင်ပင် အန္တရာယ်ရှိနေသောကြောင့် အသက်စွန့်ပြီး မော့ယန်းယုကို ကယ်တင်ရန်မှာ သဘာဝအတိုင်း မဖြစ်နိုင်ပေ။

စန်းဂျူ၏ မျက်ခုံးနှစ်ခုကြားတွင် တောက်ပသော ရှေးစာလုံးများ ပေါ်လာသည်။

ယင်းက သူ၏ ဝိညာဉ်အသိကို တည်ငြိမ်အောင် ထိန်းထားနိုင်စေခဲ့ပေသည်။

အမှန်တရား၏သားတော်မှာလည်း အထူး ယုံကြည်ခြင်းရှေးဦးဝိညာဉ်ပိုင်ရှင်ဖြစ်သောကြောင့် ဤပုံရိပ်ယောင်များကို ခံနိုင်ရည်ရှိသည်။

သို့သော်...

ထိုအချိန်တွင်၊ ဝတ်ရုံနက်ဝတ် လူရိပ်တစ်ခုက သူ့ရှေ့တွင် ပေါ်လာသည်။

ထိုပုံရိပ်ကိုမြင်တော့ အမှန်တရား၏သားတော်မှာ အမူအရာ ပြောင်းလဲသွား၏။

ဝတ်ရုံနက်ဝတ်လူက သူ့ကို အဘယ်ကြောင့် ပစ်မှတ်ထားနေသနည်း။

ကျွင်းရှောင်ယောက်က အမှန်တရား၏သားတော်ကိုကြည့်ပြီး ပြုံးလိုက်သည်။

ကျွင်းရှောင်ယောက်က မေ့ပျောက်ခြင်းမြေကို ဝင်ရောက်နိုင်မည်မဟုတ်ကြောင်း သိထားသဖြင့် အမှန်တရား၏သားတော်သည် ဤအတွေ့အကြုံကို လုံခြုံသည်ဟု ယူဆထားခဲ့သည်။

သို့သော်၊ သူ အထင်မှားခဲ့သည်။

ကျွင်းရှောင်ယောက်က အနည်းငယ်မျှ မတုံ့ဆိုင်းဘဲ လက်ဝါးတစ်ဖက်ကို ဆန့်ထုတ်လိုက်သည်။ သူက ထာဝရသဲအဆင့် ရှေးဦးဝိညာဉ်ကို အသက်သွင်းလိုက်၏။

ကျွင်းရှောင်ယောက်သည် သူ၏ နတ်ဘုရားဓမ္မခန္ဓာကို ကြံစည်နေသော ကုရ်အာန်သူတော်စင်ဂိုဏ်းဝင်အားလုံးအပေါ်တွင် ကောင်းမွန်သောအမြင် မရှိပေ။

"ဒါက ဘယ်လိုဖြစ်နိုင်မှာလဲ၊ ထာဝရသဲအဆင့် ရှေးဦးဝိညာဉ်"

အမှန်တရား၏သားတော်မှာ လိပ်ပြာလွင့်မတတ် လန့်ဖျပ်သွားသည်။

သူသည်ဝိညာဉ်က အထူး‌ ယုံကြည်ခြင်း ရှေးဦးဝိညာဉ်ဖြစ်သော် ထာဝရသဲအဆင့်နှင့် အဝေးကြီးရှိသေးသည်။

အဓိပတိနယ်ပယ်ခုနစ်ခုတွင် ထာဝရသဲအဆင့် ရှေးဦးဝိညညာဉ်ကို မည်သူက ပိုင်ဆိုင်ဖူးသနည်း။

'ဒါက ဧကရာဇ်တစ်ပိုင်းလား'

အမှန်တရားသားတော်၏ စိတ်ထဲတွင် အဓိပ္ပာယ်မဲ့သော အတွေးတစ်ခု ပေါ်လာခဲ့သည်။

သို့သော်လည်း သူ များများမတွေးနိုင်ပါ။

ကျွင်းရှောင်ယောက်က သူ၏ လှုပ်ရှားမှုများကို တားဆီးလိုက်သည်။

ယခုအခါ ကျွင်းရှောင်ယောက်က ယခင်နှင့်မတူတော့ပေ။

ထာဝရသဲအဆင့် ရှေးဦးဝိညာဉ်၊ ထာဝရကွဲလွဲမှုဘုရင် အရည်အချင်း၊ မြင့်မြတ်ခန္ဓာတာအိုသန္ဓေတစ်ပိုင်းဖြင့်...

ဤအင်အားမျိုးက အမှန်တရား၏သားတော် ခံနိုင်ရည်ရှိသောအရာ မဟုတ်ပါ။

ထိုအချိန်တွင် အိပ်မက်ဆိုးတစ်ခုကဲ့သို့ အသံတစ်ခုက သူ့နားထဲတွင် ထွက်ပေါ်လာသည်။

"အမှန်တရားရဲ့သားတော်၊ အရာအားလုံး ပြီးသွားပြီ"

ဤရင်းနှီးသောအသံက အမှန်တရား၏သားတော်အား မယုံကြည်နိုင်စွာ တုန်လှုပ်သွားစေသည်။

သူ့မျက်လုံးများတွင် သွေးပျက်မှု အရိပ်အယောင်များ ပေါ်လာ၏။

"ကျွ..."

"ဖောင်း"

သူက တစ်ခုခုကို ပြောလိုသော်လည်း ကျွင်းရှောင်ယောက်က ဖမ်းဆုပ်ဟန်ပြုလိုက်သည်။

အမှန်တရား၏သားတော်၏ ခန္ဓာကိုယ်က တိုက်ရိုက်ပြိုကျသွားပြီး ယုံကြည်ခြင်းဝိညာဉ်သည်လည်း ပြန့်ကျဲသွားကာ အရပ်ရပ်သို့ လွင့်စဉ်သွားတော့သည်။