အခန်း ၁၃၀၅

အခန်း ( ၁၃၀၅ ) အိမ်ထောင်ရေးကို ငြင်းဆိုခြင်း။

ယွမ်ချယ်၏ စူးရှသော မျက်လုံးအကြည့်များကို ရင်ဆိုင်ရသော်လည်း ကျွင်းရှောင်ယောက်၏ အမူအရာက တည်ငြိမ်သည်။

အခြားသူများအတွက် ဤသည်မှာ တောင်းဆိုလျှင်ပင် မရနိုင်သော အရာပင်။

ဒါက ဘဝသုံးခု၏ ကောင်းချီးတစ်ခု ဖြစ်သည်။

ယွမ်ချယ်၏ ရုပ်ရည်နှင့် အဆင့်အတန်းက ထိပ်တန်းဖြစ်ပြီး ပြီးပြည့်စုံသလောက် ဖြစ်၏။

ဤနေရာတွင် အခြား အမျိုးသားတစ်ယောက်ဖြစ်လျှင် ဝမ်းမြောက်ဝမ်းသာ လက်ခံမိလိမ့်မည်။

သို့ရာတွင်၊ ကျွင်းရှောင်ယောက်က မတူပါ။

သူကိုယ်တိုင်လည်း ထိပ်တန်း ဆရာကြီးတစ်ပါး ဖြစ်သည်။

ယွမ်ချယ်ကို လက်ထပ်လိုက်လျင်ပင်၊ ယွမ်ချယ်က အားသာချက်သိပ်မရှိဘဲ သူ့အဆင့်အတန်းကလည်း တန်းတူအဆင့်ပင် ရှိလိမ့်မည်။

ထို့ပြင်၊ ကျွင်းရှောင်ယောက်က သဘောမတူနိုင်သော အချက်တချို့ ရှိသေးသည်။

နောက်ဆုံးတွင်၊ သူက ကျန်းစန်းယီ၊ ကျန်းလော့လီတို့နှင့် စေ့စပ်ရန် ကတိပေးထားပြီးပြီ ဖြစ်သည်။

ယခုအချိန်တွင် ယွမ်ချယ်နှင့် တိုက်ရိုက် လက်ထပ်လိုက်ပါက...

ကျန်းစန်းယီနှင့် ကျန်းလော့လီတို့က မည်ကဲ့သို့ ခံစားရမည်နည်း။

သူတို့က လွန်စွာစာနာတတ်ပြီး သူ့အပေါ်တွင် နားလည်ပေးကြမည် ဖြစ်သည်။

သို့သော်လည်း ငယ်စဉ်ကတည်းက သူ့အပေါ်တွင် ချစ်မြတ်နိုးခဲ့သော ဤအမျိုးသမီးနှစ်ယောက်အတွက် ဒါက လုံးဝ မတရားပေ။

ကျွင်းရှောင်ယောက်၏ အယူအဆက ရိုးရှင်းသည်။

သူက ကတိမပေးခဲ့လျှင် တာဝန်ယူသည်ဖြစ်စေ၊ မယူသည်ဖြစ်စေ အရေးမကြီးပေ။

သို့ရာတွင်၊ ကတိတစ်ခုပေးပြီးပါက ပြောင်းလဲမရနိုင်ဘဲ တည်စေမည် ဖြစ်သည်။

သူက ကျန်းစန်းယီနှင့် ကျန်းလော့လီတို့ကို စေ့စပ်ရန် ကတိပေးပြီးပြီမို့ အခြားသူတစ်ဦးနှင့် ရှုပ်နေတော့မည် မဟုတ်ပေ။

ယွမ်ချယ်၏ မြင့်မြတ်သော အဆင့်အတန်းကြောင့် သူ့စိတ်က ပြောင်းလဲမည် မဟုတ်ပါ။

ကျွင်းရှောင်ယောက်က ချက်ချင်း သဘောမတူတာကို တွေ့လိုက်ရတော့ အားလုံးက သက်ပြင်းချလိုက်သည်။

"ကျွင်းမိသားစုရဲ့ နတ်ဘုရားသားတော် မျှော်လင့်ထားတဲ့အတိုင်းပါပဲ။ ဒီလိုအခြေအနေမျိုးမှာ တခြားသူတွေဆိုရင် စိတ်အားထက်သန်ပြီး ဆယ်ပေလောက် ထခုန်နိုင်ပေမဲ့ ကျွင်းမိသားစုရဲ့ နတ်ဘုရားသားတော်ကတော့ အင်မတန် တည်ငြိမ်တယ်"

"ဒါပဲလေ၊ ကျွင်းမိသားစုရဲ့ နတ်ဘုရားသားတော်ရဲ့ အဆင့်အတန်းက ဘာလဲ။ မင်းသမီးယွမ်ချယ်က မြင့်မြတ်ပြီး တုနှိုင်းမယှဉ်နိုင်ပေမယ့် ကျွင်းမိသားစုရဲ့ နတ်ဘုရားသားတော်ကလည်း ထိပ်ဆုံးမှာ ရပ်တည်နေသူပဲ"

လူများက ဆွေးနွေးပြောဆိုလိုက်ကြသည်။

ထိုအချိန်တွင်၊ လင်ယွမ်က ဦးစွာလှုပ်ရှားလာပြီး ဝင်ရပ်လိုက်သည်။

ကျွင်းရှောင်ယောက်၏ရှေ့တွင် ရပ်နေရသော သူ့ရည်ရွယ်ချက်က သိသာထင်ရှား၏။

ထိုအချိန်တွင် ယွမ်ချယ်က လင်ယွမ်ကို ကြည့်လိုက်သည်။

"မြေဝိညာဉ်နဲ့ လူသားဝိညာဉ်က အမှန်တကယ် ပေါင်းစပ်ပြီး ကိုယ်ပိုင် အလိုဆန္ဒတစ်ခု မွေးဖွားလာခဲ့တာပဲ"

"ငါက မြေဝိညာဉ်မဟုတ်သလို လူသားဝိညာဉ်လည်း မဟုတ်ဘူး။ ငါက အင်မော်တယ်ခုံရုံးရဲ့ ခေတ်ပြိုင်ဧကရာဇ်ငယ် လင်ယွမ်ပဲ"

လင်ယွမ်က ပြောလိုက်၏။

"ဒါက ဘာမှ ကွာခြားမှု မရှိပါဘူး။ ဒါထက် အရေးကြီးတာက နင်ကလည်း ကျွင်းရှောင်ယောက်အပေါ် ချစ်မြတ်နိုးတဲ့စိတ် ရှိနေပုံရတယ်။ ဒါက ကျွင်းရှောင်ယောက်နဲ့ ငါကြားက ကံကြမ္မာကို သက်သေပြလိုက်တာပဲ"

ယွမ်ချယ်က တောက်ပစွာ ပြုံးလိုက်လေသည်။

"မဟုတ်ဘူး၊ နင်က ငါ့ကို ကိုယ်စားမပြုဘူး။ ဒါက ငါ့ရဲ့ကိုယ်ပိုင်ဆန္ဒပဲ"

လင်ယွမ်က သူမ၏ လက်သီးများကို တင်းတင်းဆုပ်ထားသည်။

"အဆင်ပြေပါတယ်။ နင်က ငါ့ဆီကို ပြန်ရောက်လာရင် ငါကနင်၊ နင်ကငါပဲ ဖြစ်လိမ့်မယ်။ ဒီနည်းနဲ့ပဲ အဖေ့ရဲ့ မျှော်လင့်ချက်တွေကို ပြီးပြည့်စုံအောင် လုပ်နိုင်မယ်"

ယွမ်ချယ်က ဤရွှေခေတ်တွင် နိုးထခြင်းသည် သူ၏ အပြစ်စွမ်းအားကို လုံးလုံးလျားလျား ဖြေရှင်းရန်ဖြစ်သည်။

ထို့ပြင်၊ သူမက သူ့ဖခင် တုန်ဟွဧကရာဇ်၏ မျှော်လင့်ချက်ကို ဖြည့်ဆည်းပြီး မကြုံစဖူးသော ဧကရာဇ်နှစ်ပါးခန္ဓာအဖြစ် လေ့ကျင့်လိုပေသည်။

ယခုဆိုလျှင်၊ သူက ဖူရှီမြင့်မြတ်ခန္ဓာ၏ မူလရင်းမြစ်ကို ရရှိထားပြီးပြီဖြစ်သောကြောင့် ဝါဟွမ်မြင့်မြတ်ခန္ဓာ၏ မူလရင်းမြစ်ကိုသာ လိုသည်။

သို့သော်လည်း ယခုအခါ ယွမ်ချယ်က ရည်မှန်းချက်အသစ်တစ်ခု ရှိနေပြီ ဖြစ်သည်။

ဒါက ကျွင်းရှောင်ယောက်နှင့်အတူ ပျံသန်းနိုင်ရန်ပင်။

ယွမ်ချယ်က ကျွင်းရှောင်ယောက်က အမှန်တကယ် ကြွေဆင်းသွားပြီ ဖြစ်သည်။

ထို့ကြောင့် ယခင် အမှတ်တရများက အိပ်မက်များပင်ဖြစ်သော်လည်း အရေးမကြီးတော့ပါချေ။

သူ၏ ရုပ်ရည်၊ ခွန်အား၊ စိတ်နေစိတ်ထား မည်သည့်နေရာတွင်ဖြစ်စေ... သူက ထိပ်တန်းအဆင့် ဖြစ်သည်။

ထို့ပြင် ကျွင်းရှောင်ယောက်က တိဟောက်ထျန်းကို ယခုလေးတင် အနိုင်ယူခဲ့သည်ကိုလည်း သူ သိထားသေးသည်။

အိပ်မက်ထဲတွင် ဆုံခွင့်မရှိခဲ့လျှင်ပင်...

ကျွင်းရှောင်ယောက်က ကောင်းကင်ကိုးခု အင်မော်တယ်နယ်မြေကြီး တစ်ခုလုံးတွင် သူမနှင့် လိုက်ဖက်နိုင်သော တစ်ဦးတည်းသောသူ ဖြစ်သည်။

"မပြန်လာနိုင်ဘူး"

လင်ယွမ်က အံကြိတ်ပြီး ပြောလိုက်သည်။

သို့သော်၊ ထိုအချိန်တွင် ဝါဟွမ်အင်မော်တယ်မျိုးရိုးမှ လူတစ်ယောက်က စကားပြောလာသည်။

"ယွမ်အာ၊ ရှုပ်ထွေးအောင် မလုပ်ပါနဲ့တော့။ အဲဒါကမှ မင်း အစစ်အမှန်... မင်း ပြန်ရမဲ့နေရာပဲ"

စကားပြောလာသူက အမှန်တကယ် အဘွားလန်ပင်။

သူမကို ငယ်စဉ်ကတည်းက ပညာသင်ကြားခဲ့ပြီး ကောင်းစွာ ပြုစုစောင့်ရှောက်ခဲ့သောကြောင့် လင်ယွမ်သည်ပင် သူမ၏ အဖွားအရင်းအဖြစ် ခင်တွယ်ခဲ့မိသည်။

ယခုမူ၊ သူက ယွမ်ချယ်ထံသို့ ပြန်သွားရန် သူမကို ပြောဆိုလာခဲ့ပြီ။

"အဘွားလန်၊ ရှင်..."

လင်ယွမ်၏ မျက်နှာက စက္ကူကဲ့သို့ ဖြူဖျော့သွားသည်။

တစ်ချိန်တည်းမှာပင်၊ ဝါဟွမ်အင်မော်တယ်မျိုးရိုးမှ အခြား အကျော်အမော်များ၏ အမူအရာများကလည်း ထူးခြားနေကြောင်း သူမ တွေ့လိုက်ရ၏။

"ရှင်တို့..."

လင်ယွမ် နားလည်သွားသည်။ သူမ လုံးလုံးလျားလျား နားလည်သွားပြီ။

ဝါဟွမ်အင်မော်တယ်မျိုးရိုးက သူမကို ယွမ်ချယ်၏ မြေဝိညာဉ်ဖြစ်ကြောင်း အစကတည်းက သိသည်။

သူမကို ဂရုတစိုက် ပြုစုပျိုးထောင်ပြီး ဝါဟွမ်အင်မော်တယ်မျိုးရိုး၏ ဆက်ခံသူအဖြစ် သတ်မှတ်ရခြင်း အကြောင်းရင်းက ယွမ်ချယ်နှင့် ကံကြမ္မာရေစက်ကြိုး ငြိတွယ်စေရန်ပင်။

တစ်နည်းဆိုရသော် ၎င်းတို့တန်ဖိုးထားသောအရာမှာ ယွမ်ချယ်ဖြစ်ပြီး လင်ယွမ် မဟုတ်ပါ။

သူတို့က ယွမ်ချယ်ကြောင့်သာ လင်ယွမ်ကို အလေးထားခဲ့ခြင်း ကြသည်။

ထိုအကြောင်းကို တွေးမိသောအခါ လင်ယွမ်၏ နူးညံ့သော ခန္ဓာကိုယ်လေးက ဆတ်ခနဲ တုန်ခါသွားပြီး လဲကျလုနီး ဖြစ်သွားသည်။

ထိုစဉ်...

လက်တစ်ဖက်က သူမ၏ပခုံးကို ဆုပ်ကိုင်ပြီး ဖေးမလိုက်သည်။

လင်ယွမ်က လှည့်ကြည့်လိုက်သောအခါ အပြုံးနှင့်ကြည့်နေသော ကျွင်းရှောင်ယောက်ကို တွေ့လိုက်ရ၏။

လင်ယွမ်က ရက်စက်ကြမ်းကြုတ်သော အမှန်တရားကို သိရှိလာချိန်တွင်...

ကျွင်းရှောင်ယောက် တစ်ဦးသာ သူမ၏ဘေးတွင် အခိုင်အမာ ရပ်တည်နေဆဲ ဖြစ်သည်။

ဤအခိုက်အတန့်တွင်၊ လင်ယွမ်က ယခုမှစပြီး သူမ၏နှလုံးသားက ကျွင်းရှောင်ယောက်အတွက်သာ ခုန်နိုင်တော့မည်ဖြစ်ကြောင်း သိလိုက်သည်။

ဝါဟွမ်အင်မော်တယ်မျိုးရိုးပင်လျှင် သူမအတွက် အဓိပ္ပါယ်မရှိတော့ပေ။

လင်ယွမ်က ဝါဟွမ်အင်မော်တယ်မျိုးရိုးကို ဆက်ခံရန် သို့မဟုတ် အင်မော်တယ်ခုံရုံး၏ ဧကရာဇ်ငယ် ရာထူးကိုပင် ဂရုမစိုက်တော့ပါ။

သူမ၏ မျက်လုံးများက မကြုံစဖူး ချစ်ခြင်းမေတ္တာများ၊ လွမ်းဆွတ်မှုများဖြင့် ပြည့်နှက်သွားသည်။

ကျွင်းရှောင်ယောက်က နှစ်သိမ့်ပေးသော အပြုံးဖြင့် လင်ယွမ်ကို ပြုံးပြလိုက်သည်။

ထို့နောက်တွင်၊ သူက ယွမ်ချယ်ကိုကြည့်ပြီး ပြောလိုက်၏။

"မင်းသမီးရဲ့ စကားတွေက ဒီလူကို ဂုဏ်ယူစေပါတယ်။ ဒါပေမဲ့... စိတ်မကောင်းစရာက လက်မခံနိုင်ဘူး"

ဤအခိုက်အတန့်တွင် နေရာတစ်ခုလုံး တိတ်ဆိတ်သွားသည်။

ကျွင်းရှောင်ယောက်က ဤမျှကောင်းမွန်သော ကမ်းလှမ်းချက်ကို အမှန်တကယ် ငြင်းဆန်ခဲ့၏။

အင်မော်တယ်ခုံရုံးမှ ကျင့်ကြံသူများ အားလုံးလည်း စိတ်သက်သာရာရစွာ သက်ပြင်းချလိုက်ကြလေသည်။

ကျွင်းရှောင်ယောက်က သဘောတူခဲ့လျှင် တကယ်ကို ပြဿနာကြီးနိုင်သည်။

တိဟောက်ထျန်းကလည်း တိတ်တဆိတ် သက်ပြင်းချလိုက်၏။

သို့သော်လည်း သူ၏အမူအရာမှာ ပေါ့ပါးမသွားပေ။

ယွမ်ချယ်၏ စရိုက်ကို သူ ကောင်းစွာသိသည်။

မျှော်လင့်ထားသည့်အတိုင်း၊ ယွမ်ချယ်က မမျှော်လင့်ထားသော အမူအရာတစ်ခုကို ပြသခဲ့ပေသည်။

"ရှောင်ယောက်၊ ငါတို့က အသင့်တော်ဆုံးဆိုတာ ထင်ရှားနေတာပဲလေ။ အဲဒါက အိပ်မက်တစ်ခုဆိုရင်တောင် ငါတို့က အိပ်မက်ထဲမှာ အလိုက်ဖက်ဆုံးဖြစ်နေကြတာ"

ယွမ်ချယ်က နားမလည်နိုင်သလို ကြည့်လိုက်သည်။

"မင်းသမီး၊ ဒီကမ္ဘာမှာ စကားလုံးတွေနဲ့ ရှင်းပြလို့မရတဲ့အရာတွေ အများကြီးရှိတယ်"

ကျွင်းရှောင်ယောက်က ပြောလိုက်သည်။

"ဒါက သူ့ကြောင့်လား၊ ဒါပေမဲ့ သူက ငါပဲလေ။ ငါ သူ့ကို ပြန်ခေါ်လိုက်လို့ရတယ်"

ယွမ်ချယ်က စကားအဆုံးတွင် သူမ၏ ကောင်းကင်ဝိညာဉ်စွမ်းအားကို အသက်သွင်းလိုက်သည်။

ဝိညာဉ်သုံးပါးတို့တွင်၊ ကောင်းကင်ဝိညာဉ်က ခေါင်းဆောင်ဖြစ်ပြီး အကြွင်းမဲ့ လွှမ်းမိုးထား၏။

လင်ယွမ်လည်း သူမ၏ ဝိညာဉ်က မတည်မငြိမ်ဖြစ်နေပြီဟု ချက်ချင်း ခံစားလိုက်ရတော့သည်။

သူမ၏ဝိညာဉ်က ယွမ်ချယ်ထံသို့ ပြေးသွားတော့မလိုပင် ခံစားလာခဲ့ရသည်။

ထိုစဉ်၊ ကျွင်းရှောင်ယောက်က သူ့လက်ကိုဝှေ့ယမ်းပြီး လင်ယွမ်၏ရှေ့တွင် ဝင်ရပ်လိုက်သည်။

"မင်းသမီး ယွမ်ချယ်၊ ငါတို့ သဘောတူညီချက်ယူကြရအောင်... ဘယ်လိုလဲ"