အခန်း ၁၆၀၈

အခန်း ( ၁၆၀၈ ) ပထမဆုံးအကြိမ် လှုပ်ရှားမှုက ကမ္ဘာကြီးကို တုန်လှုပ်စေသည်။

ကောင်းကင်နတ်ဘုရားကဲ့သို့ အလင်းတန်းများက ရုတ်တရက် ပေါက်ကွဲထွက်ပေါ်လာခဲ့ခြင်း ဖြစ်သည်။

၎င်း၏ တောက်ပမှုမှာ အဆုံးမရှိချေ။

ချီနှင့်သွေးစွမ်းအင်က ကောင်းကင်ယံကို လွှမ်းမိုးထားပြီး တာအိုနိယာမများလည်း စီးဆင်းနေသည်။

ထို့နောက် ဝေဝါးသော ပုံရိပ်တစ်ခုက အတွင်းမှ ထွက်ပေါ်လာခဲ့၏။

၎င်းက စစ်မှန်သော အင်မော်တယ်တစ်ဦး မြေကမ္ဘာသို့ ဆင်းသက်လာခဲ့သကဲ့သို့ပင်။

ဤပုံရိပ်နှင့် ရင်ဆိုင်လိုက်ရသောအခါ လူတိုင်း ကြောက်ရွံ့ကြရသော အနက်ရောင်ကပ်ဘေးမျိုးနွယ်ပင်လျှင် ထိုမျှလောက်အထိ ထိတ်လန့်စရာ မကောင်းတော့သကဲ့သို့ ဖြစ်သွားခဲ့ရသည်။

"အဲဒီ ပုံရိပ်က..."

လူတိုင်းမှာ ထိုအခိုက်အတန့်တွင် အသက်ရှူရပ်မတတ် ခံစားလိုက်ကြရသည်။

ကပ်ဘေးတစ်ခုမှ လွတ်မြောက်သွားခဲ့ရသည့်အတွက် ဝမ်းမြောက်သော ခံစားချက်မျိုးကိုလည်း ခံစားလိုက်ကြရ၏။

အင်မော်တယ်အင်အားစုတစ်ခုခုမှ မဟာပုဂ္ဂိုလ်တစ်ဦး နောက်ဆုံးတွင် ဤနေရာသို့ ရောက်ရှိလာခဲ့ပြီလော။

သို့သော်လည်း၊ စိတ်ထဲတွင် ခဏမျှ ဗလာဖြစ်သွားခဲ့ပြီးနောက်...

သူတို့က ထိုစကားစုကို သတိပြုမိလိုက်ကြသည်။

'ငါ့ရဲ့ ညီမလေးကို ထိဝံ့တယ်လား'

"ဒါက..."

ရောက်ရှိနေခဲ့ကြသော ကျင့်ကြံသူအားလုံးမှာ ကြက်သေသေသွားခဲ့ရသည်။

ယွမ်ကျူးနတ်ဘုရားမင်းဆက်၊ လီဟော်နတ်ဂိုဏ်း၊ ရေခဲနှင့်ဆီးနှင်း နတ်ဘုရားမနန်းတော်...

အားလုံးသော ပါရမီရှင်များအားလုံး၏ မျက်နှာပြင်ပေါ်တွင် ထိတ်လန့်တုန်လှုပ်သော အရိပ်အယောင်များ ဖြည်းညှင်းစွာ ပေါ်ထွက်လာခဲ့ကြသည်။

"ဒါက ဖြစ်နိုင်မလား..."

ပိုင်ရွယ်ဝေက သူမ၏ နုနယ်လှသော လက်ကလေးဖြင့် နီမြန်းသော နှုတ်ခမ်းလွှာကို အုပ်လိုက်မိသည်။

ဤအခိုက်အတန့်တွင် ယွင်ရှီ၏ စိတ်အာရုံမှာလည်း ဗလာဖြစ်နေခဲ့ပြီး သူမ၏ အတွေးအမြင်များအားလုံး ပျောက်ဆုံးသွားခဲ့သကဲ့သို့ပင်။

လောကကမ္ဘာပေါ်ရှိ အရာအားလုံးမှာ ကွယ်ပျောက်သွားခဲ့သကဲ့သို့ ထင်ရသည်။

သူမ၏ မျက်ဝန်းများထဲတွင်မူ၊ သူ့ရှေ့မှောက်ရှိ ဝေဝါးလှသော ပုံရိပ်တစ်ခုတည်းသာ ရှိနေတော့သည်။

"အစ်ကို... အစ်ကိုလား"

ယွင်ရှီ၏ လေသံက အနည်းငယ် တုန်ယင်နေပြီး မယုံနိုင်သေးပေ။

သူမ၏ အစ်ကိုဖြစ်သူက ကျင့်ကြံခြင်းမှ ထွက်လာခဲ့ပြီလား။

ထို့နောက်တွင် ပုံရိပ်တစ်ခုက အေးအေးလူလူ လျှောက်လှမ်း၍ ထွက်ပေါ်လာခဲ့သည်။

သူက အဖြူရောင် အဝတ်အစားများကို ဝတ်ဆင်ထားပြီး အရပ်မြင့်မြင့်၊ ဖြောင့်မတ်သော ကိုယ်ဟန်အနေအထား ရှိသည်။

သူက လူ့လောကသို့ ခေတ္တဆင်းသက်လာခဲ့သော အင်မော်တယ်တစ်ဦးကဲ့သို့ ချောမောခန့်ညားကာ သန့်စင်လွန်း၏။

သူ၏ ဆံပင်များက မင်ကဲ့သို့ နက်မှောင်နေပြီး အရှိန်အဝါကလည်း သာမန်လူများနှင့်မတူဘဲ ထူးခြားလွန်းလှသည်။

ယွင်ရှီမှာ အိမ်မက်မက်နေခဲ့သကဲ့သို့ ထိုနေရာတွင်တင် ဆွံ့အစွာ မတ်တပ်ရပ်နေခဲ့မိလေသည်။

ဒါက အမှန်တကယ်ပဲ ငါ့ရဲ့ အစ်ကိုလား။

သူက တကယ်‌တမ်း လူ့လောကကို ဆင်းသက်လာခဲ့တဲ့ အင်မော်တယ်တစ်ပါး မဟုတ်ဘူးလား။

ယွင်ရှီ၏ အူကြောင်ကြောင်ဖြစ်နေပုံရသော မျက်နှာထားလေးကို မြင်ရသောအခါ...

ကျွင်းရှောင်ယောက် ခပ်ဖွဖွ ပြုံးလိုက်မိပြီး ယွင်ရှီ၏ ခေါင်းလေးကို လှမ်းပုတ်လိုက်သည်။

"ယွင်ရှီ၊ မင်း တော်တော်လေးကို ကောင်းကောင်းလုပ်နိုင်ခဲ့တယ်"

သူ့အသံမှာ ညင်သာနေပြီး အသိအမှတ်ပြုသော အရိပ်အယောင်အချို့ကို ဆောင်ကျဉ်းထားလေသည်။

ယွင်ရှီ၏ လှပသော မျက်နှာလေးမှာ ချက်ချင်းပင် နီမြန်းသွားခဲ့ရသည်။

သူမ အမြဲတွေ့ချင်နေခဲ့သည့် အစ်ကိုကြီးက သူမ၏ ရှေ့မှောက်သို့ ရောက်ရှိလာခဲ့ပြီဖြစ်သော်လည်း ရုတ်တရက် ဘာပြောရမည်မှန်း မသိတော့ပေ။

သူ အလွန်စိတ်လှုပ်ရှားနေခဲ့မိသည်။

ဖြစ်ကောင်းဖြစ်နိုင်သည်မှာ၊ သူမ၏ ရှေ့မှောက်ရှိ အစ်ကိုကြီးက သူမ စိတ်ကူးယဉ်ထားခဲ့သည်ထက် များစွာ ကျော်လွန်နေခဲ့သောကြောင့် ဖြစ်လိမ့်မည်။

ညင်သာကာ သန့်စင်သော အမူအရာဖြင့်၊ လူ့လောကသို့ ဆင်းသက်လာခဲ့သော အင်မော်တယ်တစ်ဦးကဲ့သို့ ဖြစ်နေခြင်းက ယွင်ရှီအား အစစ်အမှန်မဟုတ်သော ခံစားချက်မျိုးကို ပေးစွမ်းနေခဲ့သည်။

ဤမျှပြည့်စုံလွန်းလှတဲ့သူက အမှန်တကယ် သူမ၏ အစ်ကိုလား။

သူကဲ့သို့ သာမန်ညီမလေးတစ်ယောက်မှာ အမှန်တကယ်ပဲ ပြည့်စုံလွန်းသော အစ်ကိုတစ်ဦး ရှိနေခဲ့ပါသလား။

စိတ်အာရုံ လွင့်ပယ်နေခဲ့ရသူမှာ ယွင်ရှီ တစ်ဦးတည်းသာ မဟုတ်ချေ။

အခြားသော ထိပ်တန်း အင်မော်တယ်အင်အားစုများမှ ပါရမီရှင်များမှာလည်း ထို့အတူပင် ဖြစ်ကြသည်။

ပိုင်ရွယ်ဝေ၏ စိတ်အာရုံမှာ လုံးဝကို ဗလာဖြစ်သွားခဲ့ရသည်။

ဒါက သူနဲ့ တစ်ချိန်က စေ့စပ်ထားခဲ့ဖူးတဲ့ ရွှမ်ထျန်းဧကရာဇ်ငယ် ယွင်ရှောင်လား။

သူမအနေဖြင့် မိမိ၏ ဘဝတွင် အဆိုးဝါးဆုံးသော ဆုံးဖြတ်ချက်ကို ချမှတ်ခဲ့မိပြီဖြစ်ကြောင်း ဝိုးတဝါး ကြိုတင်ခံစားလိုက်ရပေသည်။

လူတိုင်း ဆွံ့အမှင်တက်နေကြသည့် အချိန်...

ပါ့မျိုးနွယ်၏ အဓိပဓိမှာလည်း ထိတ်လန့်တုန်လှုပ်သော အရိပ်အယောင်အချို့ဖြင့် ပြောလိုက်သည်။

"မြင့်မြတ်ခန္ဓာ တာအိုသန္ဓေ"

မြင့်မြတ်ခန္ဓာ တာအိုသန္ဓေက အလွန်ကျော်ကြားသည့်အတွက် လောကကြီးနှင့် အဆက်အသွယ်မပြတ်သူတိုင်း ၎င်းကို သိရှိကြသည်။

ပါ့မျိုးနွယ်၏ အဓိပဓိအနေဖြင့် ၎င်းကို တစ်ချက်ကြည့်ရုံမျှဖြင့် သိရှိနိုင်ခြင်းမှာ သဘာဝကျပေသည်။

သို့သော်လည်း သူ့အား ထိတ်လန့်သွားစေခဲ့သည့် အရာမှာမူ၊ ၎င်းက မြင့်မြတ်ခန္ဓာ တာအိုသန္ဓေ သက်သက်ကြောင့် မဟုတ်ပါချေ။

ထိုအစား၊ ၎င်းက အလွန်တရာ ငယ်ရွယ်လွန်းသော ပုံစံရှိနေခဲ့သည့် ကျွင်းရှောင်ယောက်ကြောင့် ဖြစ်သည်။

သို့သော်လည်း သူ့ခွန်အားက ကြောက်စရာကောင်းလွန်းလှ၏။

ပါ့မျိုးနွယ်၏ အဓိပဓိဖြစ်သော သူပင်လျှင် ယခင်က မခံစားဖူးခဲ့သော မငြိမ်မသက်ဖြစ်မှုကို ခံစားလိုက်ရသည်။

"ဪ... ဟုတ်သားပဲ၊ ဖြေရှင်းရဦးမဲ့ ပြဿနာတစ်ခု ကျန်ရှိနေသေးတာပဲ"

ကျွင်းရှောင်ယောက်က ယွင်ရှီအား ညင်သာစွာ ပြုံးပြလိုက်သည်။

ထို့နောက်၊ ပြန်လှည့်လိုက်ပြီး ပါ့မျိုးနွယ်၏ အဓိပဓိအား လှမ်းကြည့်လိုက်၏။

သူ၏ မျက်ဝန်းများထဲတွင် စူးစမ်းသော အကြည့်များ ရှိလာသည်။

မျှော်လင့်ထားသည့်အတိုင်း ဤအချိန်မှာပင် စနစ်၏အသံက သူ့စိတ်အာရုံထဲတွင် ထွက်ပေါ်လာတော့သည်။

'ဒင်၊ ဂုဏ်ပြုတယ် ပိုင်ရှင်။ လက်မှတ်ထိုးဝင်ရမဲ့နေရာကို ရောက်ရှိပါပြီ၊ လက်မှတ်ထိုးဝင်လိုပါသလား'

'ဝင်မယ်'

'ဂိုဏ်ပြုပါတယ် ပိုင်ရှင်၊ ကြယ်ရှစ်ပွင့်ဆုလာဘ် 'ပါ့မျိုးနွယ်ရဲ့ဧကရီပုလဲ'ကို လက်မှတ်ထိုးဝင်ရရှိခဲ့ပါပြီ'

'ပါ့မျိုးနွယ်ရဲ့ဧကရီပုလဲ... ဒါက ဘာလဲ'

ကျွင်းရှောင်ယောက စိတ်ထဲမှ တွေးတောလိုက်မိသည်။

၎င်းက ပါ့မျိုးနွယ်ဟု ခေါ်ဆိုကြသော အရာနှင့် ဆက်စပ်နေပုံ ရသည်။

သို့သော်လည်း၊ လက်ရှိအချိန်မှာတော့ အချို့သော ပြဿနာများကို ဖြေရှင်းရန် လိုအပ်နေသေးသည့်အတွက်၊ ၎င်းကို အသေးစိတ် တွေးတောမနေတော့ချေ။

"မင်း... မင်းရဲ့ စွမ်းအားက..."

ပါ့မျိုးနွယ်၏ အဓိပဓိက ကြောက်ရွံ့တုန်လှုပ်နေသော လေသံမျိုးဖြင့် ပြောလိုက်သည်။

သူ့တွင် ယခင်က ရှိနေခဲ့သော မောက်မာမှုများနှင့် ရက်စက်မှုများ လုံးဝ မရှိတော့ပေ။

သို့သော်လည်း ကျွင်းရှောင်ယောက်က သူနှင့် စကားများစွာ ပြောဆိုနေရန် ပျင်းရိသည်။

လက်ဝါးတစ်ချက် ရိုက်ချလိုက်ခြင်းဖြင့်၊ ရွှေရောင်အလင်းတန်းများ ပေါက်ကွဲထွက်ပေါ်လာခဲ့ပြီး တာအိုနိယာမများ လေထုထဲတွင် ပျံ့နှံ့သွားခဲ့ရ၏။

"ဝုန်း"

ပါ့မျိုးနွယ်၏ အဓိပဓိမှာ သွေးများနှင့် အသားစများအဖြစ်သို့ ရိုက်ချခြင်း ခံလိုက်ရတော့သည်။

ပတ်ပတ်လည်တွင် ကျန်ရှိနေခဲ့ကြသော အခြားသော သတ္တဝါများလည်း တုန်လှုပ်သွားခဲ့ကြသည်။

ကျွင်းရှောင်ယောက်က လက်ချောင်းများဖြင့် ဓားတစ်လက်အသွင် ဖန်တီးလိုက်ပြန်သည်။

ဓားအလင်းများမှာ အရပ်ရပ်သို့ ဖြတ်သန်းထိုးဖောက်သွားခဲ့ကြ၏။

ပတ်ဝန်းကျင်ရှိ သတ္တဝါများ အားလုံးမှာလည်း သုတ်သင်ရှင်းလင်းခြင်း ခံလိုက်ကြရတော့သည်။

လောကကမ္ဘာကြီးတစ်ခုလုံးမှာ သုသာန်တစပြင်ကဲ့သို့ တိတ်ဆိတ်သွားခဲ့ရသည်။

ကျင့်ကြံသူအားလုံး၏ ပါးစပ်များမှာ အဟောင်းသားဖြစ်နေပြီး မျက်လုံးများမှာလည်း ကျွတ်ထွက်လုနီးပါး ပြူးကျယ်သွားခဲ့ကြ၏။

အသက်တစ်ဆယ့်ငါးနှစ်အရွယ်သာ ရှိသေးသော ဤရွှမ်ထျန်းဧကရာဇ်ငယ်၏ ကျင့်ကြံမှုအခြေခံအဆင့်မှာ တကယ်တမ်း မည်သည့်အဆင့်အထိ ရောက်ရှိနေခဲ့ပြီနည်း။

လူတိုင်း အိမ်မက်မက်နေခဲ့ကြသကဲ့သို့ ခံစားလိုက်ကြရသည်။

သူတို့က သူနှင့် ကမ္ဘာတစ်ခုတည်းတွင် အတူတူ ရှိနေခဲ့ကြခြင်းကော ဟုတ်ပါသေးရဲ့လား။

သူက တစ်ဆယ့်ငါးနှစ်တိုင်တိုင် ကျင့်ကြံခြင်းတွင် နစ်မြုပ်နေခဲ့သည်။

တကယ်တမ်းမှာတော့ သူသည် တစ်ကမ္ဘာလုံးကို တုန်လှုပ်စေမည့် လှုပ်ရှားမှုကို မလုပ်ဆောင်မချင်း တိတ်ဆိတ်စွာ ရှိနေခဲ့ကြခြင်း ဖြစ်ပေသည်။

ယွင်ရှီ၏ လှပလှသော မျက်နှာလေးပေါ်တွင် ယခင်က မရှိဖူးခဲ့သော တောက်ပမှုများဖြင့် အလင်းရောင်များ ဖြာထွက်နေခဲ့သည်။

သူမ၏ မျက်ဝန်းများထဲတွင်မူ ဝမ်းမြောက်ခြင်း၊ လေးစားမှုများနှင့် ရိုသေမှုများ ရှိနေခဲ့၏။

သူမ၏ အစ်ကိုကြီးက သူမ စိတ်ကူးယဉ်ထားခဲ့သည်ထက် များစွာ ပိုမို၍ သန်မာနေသေးသည်။

"အဲဒါက... အဓိပဓိ... အသက်တစ်ဆယ့်ငါးနှစ်အရွယ် အဓိပဓိတစ်ဦးပဲ"

တစ်စုံတစ်ဦးက အဓိပဓိနယ်ပယ် ကျွမ်းကျင်သူတစ်ဦးအား အလွယ်တကူ သတ်ဖြတ်နိုင်ခဲ့မည်ဆိုပါက၊ ထိုသူမှာ မည်သို့ပင်ဖြစ်စေ အဓိပဓိအဆင့်တွင် ရှိနေရလိမ့်မည်။

အသက်တစ်ဆယ့်ငါးနှစ်အရွယ် အဓိပဓိတစ်ဦး...

ဒါက ဖြစ်နိုင်ပါ့မလား။

နတ်ဆိုးအိုကြီးတစ်ဦး ပြန်လည်ဝင်စားလာခဲ့ခြင်း သို့မဟုတ် ဧကရာဇ်ကြီးတစ်ပါး ပြန်လည်မွေးဖွားလာခဲ့ခြင်းဖြစ်လျှင်ပင်...

သူတို့က ဤမျှလောက်အထိ ထိတ်လန့်ဖွယ်ကောင်းလှသော အရှိန်အဟုန်ဖြင့် ကျင့်ကြံနိုင်ခြင်းမျိုး ရှိလိမ့်မည် မဟုတ်ပါချေ။

၎င်းက လူတိုင်း၏ ကမ္ဘာ့အမြင်ကို လုံးဝ ရိုက်ခွဲဖျက်ဆီးပစ်လိုက်ပြီ ဖြစ်သည်။

သို့သော်လည်း ပိုမို၍ ထိတ်လန့်ဖွယ်ကောင်းလှသော အရာမှာမူ ရောက်မလာသေးချေ။

ဟင်းလင်းပြင်အက်ကွဲကြောင်းအတွင်း၌ နောက်ထပ် ထူးခြားသော ဖြစ်စဉ်တစ်ခု ဖြစ်ပျက်လာခဲ့သည်။

ကြောက်စရာကောင်းသော ပုံရိပ်တစ်ခုက အတွင်းမှ ထွက်ပေါ်လာခဲ့၏။

၎င်းက အခြားသူမဟုတ်ဘဲ ပါ့မျိုးနွယ်၏ ကောင်းကင်အဓိပဓိငယ် တစ်ဦးပင် ဖြစ်တော့သည်။

ပါ့မျိုးနွယ်၏ ထိုကောင်းကင်အဓိပဓိငယ်၏ မျက်ဝန်းများမှာ ယခင်က ပါ့မျိုးနွယ် အဓိပဓိ၏ မျက်ဝန်းများထက် ပိုမို၍ စိမ်းလန်းနေခဲ့သည်။

"အဓိပတိနယ်ပယ် မြင့်မြတ်ခန္ဓာ တာအိုသန္ဓေ... ဒါက အကောင်းဆုံး အသားနဲ့ သွေးပဲ"

၎င်းက ကျွင်းရှောင်ယောက်ထက် တစ်ဆင့်ပိုမြင့်ပြီး ကောင်းကင်အဓိပတိငယ် ကျင့်ကြံမှုရှိ၏။

ပါ့မျိုးနွယ်၏ ထိုကောင်းကင်အဓိပဓိငယ်က လက်တစ်ဖက်ကို ဆန့်တန်းလိုက်ပြီး ကျွင်းရှောင်ယောက် အား ဖမ်းဆီးလိုက်တော့သည်။

"ဧကရာဇ်ငယ်၊ သတိထား..."

ဟင်းလင်းပြင်အတွင်း၌၊ ဝတ်စုံနက်ကို ဝတ်ဆင်ထားသော ယဲ့လျိုလီ ပေါ်ထွက်လာခဲ့သည်။

သူမအနေဖြင့် ယခင်က ကျွင်းရှောင်ယောက်၏ စွမ်းအားများကြောင့် ထိတ်လန့်သွားခဲ့ရသော်လည်း...

လက်ရှိအချိန်တွင် ပေါ်ထွက်လာခဲ့သည်မှာမူ ပါ့မျိုးနွယ်၏ ကောင်းကင်အဓိပဓိငယ် ဖြစ်သည်။

ကောင်းကင်အဓိပဓိငယ်နှင့် အဓိပဓိအဆင့်တို့အကြားတွင် ကြီးမားသော ကွာဟချက်တစ်ခု ရှိ၏။

သို့သော်လည်း ကျွင်းရှောင်ယောက်၏ ဓမ္မကာကွယ်သူတစ်ဦးအနေဖြင့်၊ ယဲ့လျိုလီက သူ့အား ကာကွယ်ရန်အတွက် မိမိကိုယ်ကိုယ် စွန့်လွှတ်ရန် ဆန္ဒရှိနေခဲ့ဆဲပင်။

"ဝုန်း"

ပါ့မျိုးနွယ်၏ ကောင်းကင်အဓိပဓိငယ်က တစ်ဖက်ဖြင့် ရိုက်ထုတ်လိုက်သည်။

ယဲ့လျိုလီမှာ သွေးတစ်လုပ် အန်ထုတ်လိုက်ရပြီး သူမ၏ မျက်နှာပေါ်ရှိ မျက်နှာဖုံးပုဝါနက်မှာလည်း သွေးများ စွန်းထင်သွားရတော့သည်။

ကျွင်းရှောင်ယောက်က ခပ်တိုးတိုး ပြောလိုက်သည်။

"ဓား... လာ စမ်း"

ကျွင်းရှောင်ယောက်က သူ့လက်တစ်ဖက်ကို မြှောက်လိုက်ပြီး ဖမ်းယူဆုပ်ကိုင်ဟန် ပြုလုပ်လိုက်၏။

တာ့လော့ဓားသန္ဓေမှာ အိမ်မွေးတိရစ္ဆာန်လေးတစ်ကောင်က သူ၏ သခင်အား တွေ့မြင်လိုက်ရသကဲ့သို့ တုန်ခါသွားခဲ့သည်။

ဓားသန္ဓေ၏ မျက်နှာပြင်ပေါ်ရှိ ပျံသန်းနေသော အင်မော်တယ် အမှတ်အသားများမှာလည်း အပြည့်အဝ လင်းထိန်သွားခဲ့ရ၏။

၎င်း၏ တောက်ပမှုမှာ လူတိုင်းကို မျက်စိကျိန်းစပ်‌ေစပြီး၊ စစ်မှန်သော အင်မော်တယ်တစ်ဦး အမှန်တကယ် ထွက်ပေါ်လာခဲ့သကဲ့သို့ ထင်ရသည်။

"ဝမ်"

တောက်ပသော ဓားအလင်းတန်းတစ်ခုက လူတိုင်း၏ မျက်စိကို ကွယ်သွားစေလောက်အောင် တောက်ပနေခဲ့ပြီး၊ ကျယ်ပြောလှသော ကောင်းကင်ယံကို ဖြတ်သန်းလျက် မိုင်ပေါင်းသောင်းချီအထိ ဆန့်တန်းသွားတော့သည်။

သူက တာ့လော့ဓားသန္ဓေဖြင့် ပါ့မျိုးနွယ်၏ ကောင်းကင်အဓိပဓိငယ်နှင့် ဟင်းလင်းပြင်အက်ကွဲကြောင်းဆီသို့ လှမ်း၍ ခုတ်ပိုင်းလိုက်ခြင်း ဖြစ်သည်။

"ဝုန်း... ဝုန်း..."

နတ်ဘုရားအလင်းတန်းများ ပေါက်ကွဲထွက်ပေါ်လာခဲ့သည်။

ဓားအလင်းက ကြယ်တာရာနယ်ပယ်တစ်ခုလုံးကို တုန်ခါသွားစေခဲ့ပြီး ကောင်းကင်နှင့် မြေပြင်ကို လှုပ်ခါသွားစေခဲ့၏။

လှိုင်းလုံးများ ပေါက်ကွဲထွက်ပေါ်လာခဲ့သော နေရာမှမူ၊ ပါ့မျိုးနွယ် ကောင်းကင်အဓိပဓိငယ်၏ ကြောက်စရာ အော်ဟစ်သံကြီး ထွက်ပေါ်လာခဲ့တော့သည်။

သန်မာလှသော ပါ့မျိုးနွယ်၏ ကောင်းကင်အဓိပဓိငယ်မှာ ဓားချက်တစ်ချက်တည်းဖြင့် ချက်ချင်းပင် သတ်ဖြတ်ခြင်း ခံလိုက်ရပြီ ဖြစ်သည်။

ထိုမျှမကသေးဘဲ၊ ထိုဓားချက်က အလွန်တရာ အံ့ဩဖွယ်ကောင်းပြီး ထာဝရကာလကို ဖြတ်သန်းထိုးဖောက်သွားခဲ့သကဲ့သို့ ဖြစ်၏။

ဟင်းလင်းပြင်အက်ကွဲကြောင်းပင်လျှင် ဤဓားချက်အောက်တွင် စတင်၍ ပျက်စီးကာ ပြိုကျသွားခဲ့ရတော့သည်။

ဖရိုဖရဲ ဟင်းလင်းပြင်လှိုင်းလုံးများမှာ မြင့်တက်လာခဲ့ပြီး၊ အက်ကွဲကြောင်းကို လုံးဝ လွှမ်းခြုံသွားခဲ့သည်။

ပြီးဆုံးသွားခဲ့ပြီ။

ဓားချက်တစ်ချက်တည်းဖြင့်၊ ကျွင်းရှောင်ယောက်က အရာအားလုံးကို အဆုံးသတ်ပစ်လိုက်ပြီ ဖြစ်သည်။

နောက်ဆက်တွဲ လှိုင်းလုံးများမှာလည်း ဖြည်းညှင်းစွာပင် ကွယ်ပျောက်သွားခဲ့ကြရ၏။

ဟင်းလင်းပြင်အတွင်း၌၊ ဓားအလင်းတန်းကြောင့် ဖြစ်ပေါ်လာခဲ့သော ဟင်းလင်းပြင်အက်ကွဲကြောင်းကြီးမှာလည်း ဖြည်းညှင်းစွာပင် ပြန်လည်၍ ပိတ်သွားခဲ့ပြီ ဖြစ်သည်။

ကြယ်တာရာနယ်ပယ်တစ်ခုလုံးမှာ အပ်ကျသံပင် ကြားရလောက်အောင် တိတ်ဆိတ်သွားခဲ့သည်။

ကျွင်းရှောင်ယောက် တစ်ဦးတည်းသာလျှင် လက်ထဲတွင် ဓားကို ကိုင်ဆောင်ထားလျက် တည်ငြိမ်စွာ ရပ်နေခဲ့သည်။

သူ၏ နှင်းသားကဲ့သို့ ဖြူစင်သော ဝတ်စုံဖြူမှာလည်း လေညင်းထဲတွင် လှုပ်ရှားနေခဲ့၏။

သူ၏ ချောမောလှသော မျက်နှာကမူ တည်ငြိမ်ကာ အေးအေးလူလူ ရှိလှသည်။

ကောင်းကင်အဓိပဓိငယ်တစ်ဦးအား ဓားတစ်ချက်တည်းဖြင့် သတ်ဖြတ်လိုက်ခြင်းနှင့် ဟင်းလင်းပြင်အက်ကွဲကြောင်းအား ပိတ်ပစ်လိုက်ခြင်းတို့မှာ သူ့အတွက် သာမန်ကာလျှံကာ ကိစ္စရပ်တစ်ခုမျှသာ ဖြစ်ပုံရပေသည်။

ကျွင်းရှောင်ယောက် ဓားသန္ဓေအား ဓားအိမ်ထဲသို့ ပြန်လည်ထည့်သွင်းလိုက်သည်။

ထို့နောက်တွင်၊ သူက ယွင်ရှီအား ပြန်လှည့်ကြည့်လိုက်လေသည်။

"မင်း အဆင်ပြေရဲ့လား၊ ပြဿနာကို ဖြေရှင်းပြီးသွားပြီ"

ကျွင်းရှောင်ယောက်က တည်ငြိမ်စွာ ပြောလိုက်သည်။

တစ်ဖက်တွင်၊ ယဲ့လျိုလီက သူမ၏ နှုတ်ခမ်းထောင့်မှ သွေးများကို သုတ်လိုက်မိပြီး ဤမြင်ကွင်းကို ဆွံ့အစွာဖြင့် စိုက်ကြည့်နေခဲ့မိသည်။

စင်စစ်တွင်၊ မည်သူက မည်သူ့ကို ကာကွယ်စောင့်ရှောက်နေခဲ့ခြင်း ဖြစ်သနည်း။

ယဲ့လျိုလီ၏ မျက်နှာလေးမှာ အနည်းငယ် နီမြန်းသွားခဲ့ရသည်။

သူမအနေဖြင့် သူ့အား ကာကွယ်စောင့်ရှောက်ရန် အမှန်တကယ် လိုအပ်ပါဦးမည်လော။

အခြေအနေအရ ကျွင်းရှောင်ယောက်ကသာ သူ့အား ကာကွယ်စောင့်ရှောက်ပေးခဲ့ရခြင်း ဖြစ်သည်။

အခြားသူများအတွက်မူ၊ အရာအားလုံးက အစစ်အမှန် ဖြစ်မနေခဲ့သကဲ့သို့ ခံစားလိုက်ကြရသည်။

ကျွင်းရှောင်ယောက် ပေးစွမ်းခဲ့သော ထိတ်လန့်တုန်လှုပ်မှုများက စကားဖြင့် ဖော်ပြ၍ မရနိုင်တော့ပေ။

သူ၏ ပထမဆုံးသော လှုပ်ရှားမှုက တစ်လောကလုံးကို တုန်လှုပ်စေခဲ့ပြီ ဖြစ်သည်။