အခန်း ၄၆၃

အခန်း။ ၄၆၃

ဤရလဒ်သည် အပြင်လူများအတွက် အံ့ဩစရာ ဖြစ်စေသော်လည်း သူတို့အတွက်မူ မည်သို့မျှ မထူးဆန်းပေ။

သူတို့၏ စကားအတိုင်းဆိုရလျှင် "ခေါင်းဆောင်ရှိနေလျက်နဲ့တောင် ဒီလောက်တောင် မလုပ်နိုင်ရင်တော့ ငါတို့တွေ ပဲပြားတုံးနဲ့ ခေါင်းတိုက်သေလိုက်တာပဲ ကောင်းပါတယ်" ဟူ၍ပင်။

တစ်ချိန်တည်းမှာပင် မြို့ကို ကင်းလှည့်နေသော သိမ်းငှက်မိစ္ဆာများမှာ ကန်းယင်းခံတပ်၌ ဖြစ်ပျက်နေသော ပြောင်းလဲမှုများကို မြင်လိုက်ရသည်။

ကောင်းကင်တွင် စုစည်းနေသော အဆုံးမရှိသော ညစ်ညမ်းမှုများမှာ ဖျက်ဆီးခြင်းဆိုင်ရာ လျှပ်စီးတန်းတစ်ခုကြောင့် ပျက်စီးသွားသည်ကို မြင်လိုက်ရသဖြင့် သူတို့မှာ ချက်ချင်းပင် ထိတ်လန့်သွားကြသည်။

"ဘာတွေ ဖြစ်ကုန်တာလဲ"

"မြို့စားကြီးဆီမှာ တစ်ခုခုတော့ ဖြစ်သွားပြီ"

"ကောင်းကင်က အဲဒီစွမ်းအားက ညစ်ညမ်းမှုတွေလား"

"ဘယ်သူကများ ညစ်ညမ်းမှုတွေကို ဖြိုခွဲနိုင်လောက်အောင် အစွမ်းထက်တာလဲ"

သူတို့ ပြောဆိုနေစဉ်မှာပင် ခံတပ်ထဲမှ အရိပ်အချို့ ထွက်ပေါ်လာပြီး မြို့တစ်ခွင် လှည့်လည်သွားကြသည်။ သူတို့ ဖြတ်သန်းသွားသော နေရာတိုင်းတွင် သိမ်းငှက်မိစ္ဆာ ရာပေါင်းများစွာ လဲကျသွားကြသည်။

မကြာမီတွင် ကန်းယင်းမြို့တစ်ခုလုံးမှာ အလောင်းများဖြင့် ပြည့်နှက်သွားတော့သည်။

ကျားမလေးသည် ရွှေရောင်အလင်းတန်းအဖြစ် ပြောင်းလဲကာ မြို့ထဲတွင် လှည့်လည်၍ သူမ အလွန်လိုချင်နေသော အာကာသကျောက်မျက်ကို ရှာဖွေနေသည်။

နဂါးဖက်တီး၏ အသံ ထွက်ပေါ်လာသည်။

"ဟိုဘက်မှာ"

"နောက်ဆုံးတော့ တွေ့ပြီ"

ကျားမလေးက ဝမ်းသာအားရ ပြောသည်။ ထို့နောက် သူမသည် မြင့်မားသော မျှော်စင်တစ်ခု ရှေ့သို့ ရောက်လာသည်။

စိတ်ကူးယဉ် အတားအဆီးများက သူမလမ်းကို ပိတ်ဆို့ထားသည်။

ကျားမလေးက သူမ၏ လက်ကို ထိုနေရာတွင် တင်လိုက်ပြီး စမ်းသပ်ကြည့်လိုက်ရာ "ဒါ အာကာသစွမ်းအားပဲ" ဟု စိတ်လှုပ်ရှားစွာ ပြောသည်။

နဂါးဖက်တီးကလည်း ဘေးမှနေ၍ "အချိန်ကျောက်မျက်က ဒီမျှော်စင်ရဲ့ အပေါ်မှာပဲ" ဟု ပြောသည်။

ထိုစကားကို ကြားသောအခါ ကျားမလေး၏ ခန္ဓာကိုယ်ထဲမှ အာကာသစွမ်းအားများ ဖြာထွက်လာပြီး သူမကို အပေါ်သို့ ပျံတက်စေသည်။

မကြာမီပင် သူမ မျှော်စင်ထိပ်သို့ ရောက်သွားသည်။ ထိုနေရာတွင် အားအင်းသော ရွှေရောင်အလင်းကို ထုတ်လွှတ်နေသည့် ပန်းကန်ပြား အရွယ်အစားရှိ ကျောက်မျက်တစ်ခုကို မြှုပ်နှံထားသည်။

"ဒါ အာကာသကျောက်မျက်ပဲ။"

ကျားမလေးက ရှေ့သို့ တိုးသွားပြီး လက်ဖြင့် ထိလိုက်သည်။

ထိတွေ့လိုက်သည်နှင့် ရွှေရောင်အလင်းတန်းများမှာ သူမ၏ ကိုယ်ခန္ဓာထဲသို့ ဖြည်းညင်းစွာ စီးဝင်လာသည်။

တစ်ခဏချင်းပင် အေးမြပြီး ထူးခြားသော ခံစားချက်တစ်ခုမှာ သူမအတွင်းတွင် လှည့်လည်သွားပြီး ရွှေရောင် မျှော်စင်ကြီးပေါ်လာကာ သူမကို လွှမ်းခြုံလိုက်သည်။

ဤအချိန်တွင် သူမကို စောင့်ကြည့်နေသော ရွှီရန်လည်း ကျားမလေး၏ ဘေးသို့ ရောက်ရှိလာသည်။

"ဒါ အာကာသစွမ်းအားပဲ"

"အာကာသကျောက်မျက်ကို ပထမဆုံး အကြိမ် စုပ်ယူတာဆိုတော့ အထူးစွမ်းရည် တစ်ခုခုတော့ ရမှာပဲ။ ဟုတ်တယ်မလား"

ရွှီရန်က ခန့်မှန်းသည်။ ကျူးယွီဟန်ကဲ့သို့ ထူးချွန်သူတစ်ဦးသည်ပင် ပထမဆုံးအကြိမ် စုပ်ယူစဉ် အချိန် အရှိန်မြှင့်တင်ခြင်းစွမ်းရည်ကို ရရှိခဲ့ဖူးသည်။

ကျားမလေး၏ အရည်အချင်းမှာလည်း ကျူးယွီဟန်နှင့် တန်းတူ ဖြစ်သဖြင့် စွမ်းရည်သစ် ရရှိခြင်းမှာ ပုံမှန်ပင်။

မိနစ် ၃၀ အကြာတွင် ကျူးယွီဟန်၊ နင်းရွှမ်၊ တန်ချီချီနှင့် ကွမ်ရှင်းတို့သည် ကန်းယင်းမြို့ရှိ မိစ္ဆာအားလုံးကို ရှင်းလင်းပြီးနောက် ကျားမလေး၏ ဘေးသို့ ရောက်ရှိလာကြသည်။

"အစ်မလျိုလီ အာကာသကျောက်မျက်ကို စုပ်ယူနေတာလား"

ကျူးယွီဟန်က မေးသည်။

ရွှီရန်က ခေါင်းညိတ်သည်။

"အခြေအနေကို ကြည့်ရသလောက်တော့ ပြီးခါနီးပြီ"

သူ ပြောနေစဉ်မှာပင် ရွှေရောင်မျှော်စင်မှာ တဖြည်းဖြည်း ပျောက်ကွယ်သွားပြီး ကျားမလေး ပြန်လည် ပေါ်လာသည်။

ကျားမလေး မျက်လုံးဖွင့်လိုက်ရာ ပတ်ဝန်းကျင်မှ အဖွဲ့ဝင်များကို မြင်လိုက်ရပြီး သူမ၏ မျက်နှာမှာ အလွန် စိတ်လှုပ်ရှားနေသည်။

"အားလုံး ရောက်လာကြပြီပဲ"

"မင်း အရမ်း စိတ်လှုပ်ရှားနေတာကို ကြည့်ရတာ အာကာသကျောက်မျက်က ပေးတဲ့ အကျိုးကျေးဇူးက မသေးဘူး ထင်တယ် ဟုတ်လား"

ရွှီရန်သည် ကျားမလေး၏ စိတ်ခံစားချက်ကို ကောင်းစွာ သိသည်။ ကျားမလေးကဲ့သို့ တိုက်ခိုက်ရေး ဝါသနာအိုးတစ်ဦးအတွက် ဤမျှ စိတ်လှုပ်ရှားနေခြင်းမှာ တိုက်ခိုက်ရေး စွမ်းအား တိုးတက်လာခြင်းကြောင့်သာ ဖြစ်ပေမည်။

ကျားမလေးက ရယ်မောလိုက်သည်။

"အစ်ကိုကြီးကတော့ အစ်ကိုကြီးပါပဲ မှန်လိုက်တာ"

"ကဲပါ ဘာတွေ ရလိုက်လဲဆိုတာ အားလုံးကို ပြောပြလိုက်ပါဦး။"

ကျားမလေးက ခဏမျှ စဉ်းစားပြီးနောက် ချောင်းဟန့်လိုက်သည်။

"အရမ်း ရိုးရှင်းပါတယ်"

"အရင်ကဆိုရင် ရွှေရောင် မျှော်စင်ရဲ့ အတိုင်းအတာအတွင်းမှာပဲ ကျွန်မ တစ်ယောက်တည်း ချက်ချင်း ရွှေ့ပြောင်းနိုင်ခဲ့တာ။ အခု အာကာသကျောက်မျက်ကို စုပ်ယူပြီးသွားတော့ တခြားသူတွေကိုပါ ခေါ်ပြီး ချက်ချင်း ရွှေ့ပြောင်းပေးနိုင်ပြီ။ တစ်ဦးတည်း ကျွမ်းကျင်မှုကနေ အဖွဲ့လိုက် ကျွမ်းကျင်မှု ဖြစ်သွားတာပေါ့"

"ဒါပေမဲ့ စွမ်းအင်သုံးစွဲမှုက သုံးဆ တိုးသွားပြီး လူငါးဦးအထိပဲ ကန့်သတ်ချက် ရှိတယ်"

အဖွဲ့လိုက် ချက်ချင်း ရွှေ့ပြောင်းနိုင်ခြင်း ဤစွမ်းရည်မှာ အလွန် အစွမ်းထက်လှသည်။

ရွှီရန်မှာ အလွန် စိတ်လှုပ်ရှားသွားသည်။

"ဒီ အဖွဲ့လိုက် ရွှေ့ပြောင်းနိုင်တဲ့ စွမ်းရည်က တကယ်ကို အစွမ်းထက်လွန်းတယ်"

"အထူးသဖြင့် မင်းရဲ့ ကိုယ်ပျောက်ကျွမ်းကျင်မှုနဲ့ တွဲသုံးလိုက်ရင် သွေးစွမ်းအင် သန်း ၆၀ အထက် မဟုတ်ရင် ဘယ်သူမှ ကျွန်တော်တို့ကို မတွေ့နိုင်တော့ဘူး။ ကိုယ်ပျောက်ကျွမ်းကျင်မှုကို သုံးပြီးမှ အဖွဲ့လိုက် ရွှေ့ပြောင်းလိုက်ရင် ရန်သူတွေ ဘယ်မှာမှန်း မသိဘဲနဲ့ တိုက်ခိုက်ခံရလိမ့်မယ်"

ဤစွမ်းရည်မှာ အံ့ဖွယ်အဖွဲ့အတွက် အံဝင်ခွင်ကျ ဖြစ်လွန်းလှသည်။

"စွမ်းအင်သုံးစွဲမှု တိုးသွားတာကလည်း ပြဿနာ မဟုတ်ပါဘူး။ တိုက်ပွဲဝင်နေရင်းနဲ့ မဟာ ပြန်လည်နုပျိုရေး အဆောင်တွေကို ကပ်ပေးလိုက်ရင် အလွယ်တကူ ဖြေရှင်းလို့ ရတာပဲ"

ရွှီရန်က စိတ်လှုပ်ရှားစွာ ပြောဆို လိုက်သည်။

ရွှီရန်၏ စကားကို ကြားသောအခါ အခြားသူများလည်း စိတ်လှုပ်ရှားသွားပြီး အပြန်အလှန် ချီးကျူးကြသည်။

"ဒီစွမ်းရည် တိုးတက်မှုက တကယ်ကို ကောင်းမွန်တာပဲ"

"ဒီအဖွဲ့လိုက် ရွှေ့ပြောင်းနိုင်တဲ့ စွမ်းရည်နဲ့ဆိုရင် ကျွန်မတို့ လိုအပ်သလို တိုက်ခိုက်ပြီး နောက်ပြန်ဆုတ်နိုင်ပြီ"

"လက်ရှိ အံ့ဖွယ်အဖွဲ့က ဘက်စုံမှာ ဖွံ့ဖြိုးတိုးတက်နေပြီလို့ ပြောလို့ရတယ်။ ဘယ်နေရာမှာမှ အားနည်းချက် မရှိတော့ဘူး"

"အစ်မလျိုလီရဲ့ အဖွဲ့လိုက် စွမ်းရည်က တကယ်ကို အားကောင်းတာပဲ"

လူတိုင်း၏ ချီးကျူးမှုကို ခံရသဖြင့် ကျားမလေးမှာ ပါးပြင်များ နီရဲလာပြီး အနည်းငယ် ရှက်သွားသည်။

"အဖွဲ့အတွက် အကျိုးရှိတာဆိုရင် ဒါက ကောင်းတဲ့ အရာပေါ့"

ရွှီရန်က သဘောတူလိုက်သည်။

"ဟုတ်တယ်။ မင်းတို့အတွက် အခုချိန်မှာ အဖွဲ့လိုက် အကျိုးကျေးဇူးတွေက အရေးအကြီးဆုံးပဲ။ ဘာလို့လဲဆိုတော့ ငါက မင်းတို့ဘေးမှာ အမြဲတမ်း ရှိနေပေးနိုင်မှာ မဟုတ်လို့လေ။ ပြီးတော့ မကြာခင်မှာပဲ တစ်ခုခုတော့ ကြီးမားတဲ့ ဖြစ်ရပ် ဖြစ်လာတော့မယ်လို့ ငါ ခံစားနေရတယ်။ မင်းတို့လည်း ဘုရားသခင်အဆင့်များစွာ ဒါမှမဟုတ် အရှင်သခင်တွေနဲ့တောင် ရင်ဆိုင်ရနိုင်တယ်"

ထိုစကားကို ကြားသောအခါ အားလုံးမှာ ခေါင်းညိတ် သဘောတူလိုက်ကြသည်။

ရွှီရန်တွင် အရှင်သခင်များကို သတ်ဖြတ်နိုင်သည့် စွမ်းရည် ရှိသော်လည်း သူတို့ငါးယောက် စည်းလုံးနိုင်ပါက အရှင်သခင်တစ်ဦးကို ရင်ဆိုင်တားဆီးခြင်းက လူသားမျိုးနွယ်အတွက် အကျိုးရှိစေမည်ပင်။

ထို့နောက် ရွှီရန်က ကျူးယွီဟန်ကို ကြည့်ကာ "ကန်းယင်းမြို့မှာ အချိန်ကျောက်မျက်ကို ရှာတွေ့ခဲ့လား" ဟု မေးသည်။

ကျူးယွီဟန်က ခေါင်းညိတ်သည်။

"တွေ့ခဲ့တယ်၊ဟ စုပ်ယူပြီးသွားပြီ မှိုမြို့တော်က ကျောက်မျက်ထက် ပိုကြီးတယ်။ ကြိတ်ဆုံကျောက် အရွယ်လောက်ရှိတယ်။ စုပ်ယူပြီးတဲ့နောက် အချိန် အရှိန်မြှင့်တင်ခြင်းရဲ့ စွမ်းအင်သုံးစွဲမှု တစ်ရာခိုင်နှုန်း ထပ်လျော့သွားပြီး အချိန်အပ်ရဲ့ စွမ်းအားကလည်း တစ်ရာခိုင်နှုန်း တိုးတက်လာတယ်" ဟု ပြန်ဖြေသည်။

ရွှီရန်မှာ ဤရလဒ်အတွက် အလွန် ကျေနပ်နေသည်။

ကန်းယင်းမြို့ကို သိမ်းပိုက်လိုက်ခြင်းမှာ နောက်ထပ် ပြီးပြည့်စုံသော လေ့ကျင့်ခန်း တစ်ခုပင်။

"ဒါဆိုရင် ခဏလောက် အနားယူကြမယ်။ နှစ်ရက်လောက်နေရင် လေ့ကျင့်ရေး ခရီးစဉ်ကို ဆက်သွားမယ်"

...

တစ်ချိန်တည်းမှာပင် ကပ်ဘေးအဆင့် ညစ်ညမ်းမှုဇုန်တစ်ခုလုံးတွင် မြို့များမှာ ကြီးမားသော ပြောင်းလဲမှုများ ဖြစ်ပေါ်နေသည်။

မိစ္ဆာအင်အားစုသတ္တဝါများမှာလည်း ထိတ်လန့်စွာဖြင့် တစ်နေရာရာသို့ စုပြုံကာ ထွက်ခွာနေကြသည်။ ထိုသို့ လှုပ်ရှားမှုကြောင့် ကမ္ဘာမြေပင် တုန်ခါနေသည်။

လိုဏ်ဂူသို့ ပြန်ရောက်လာသည့် ရွှီရန်တို့အဖွဲ့မှာလည်း ထိုအခြေအနေကို သတိထားမိလိုက်သည်။

"ဘာတွေ ဖြစ်ကုန်တာလဲ"

လှုပ်ရှားမှုများကို ခံစားမိသည်နှင့် ရွှီရန်တို့အဖွဲ့မှာ ကိုယ်ပျောက်ကျွမ်းကျင်မှုကို အသုံးပြု၍ ပုန်းအောင်းလိုက်သည်။

သူတို့ ပျောက်ကွယ်သွားသည်နှင့် မိစ္ဆာအင်အားစုသတ္တဝါများမှာ တစ်နေရာတည်းသို့ ဦးတည်ကာ အစီအရီ ချီတက်သွားကြသည်။

သူတို့ ဖြတ်သန်းသွားသည့် နေရာတိုင်းရှိ အပင်ကြီးများမှာလည်း နင်းချေခံလိုက်ရသည်။

ရွှီရန်မှာ သတ္တဝါများ သွားရာလမ်းကြောင်းကို ကြည့်ကာ နားမလည်နိုင်ပေ။

"ဘာဖြစ်နေတာလဲ"

"ကျွန်တော်တို့ မြို့နှစ်မြို့ကို ရှင်းပစ်လိုက်လို့ ကပ်ဘေးအဆင့် ညစ်ညမ်းမှုဇုန်ထဲမှာ ထိတ်လန့်မှုတွေ ဖြစ်သွားတာလား"

ကျူးယွီဟန်က မေးသည်။

ရွှီရန်က ခဏမျှ စဉ်းစားပြီးနောက် ခေါင်းခါလိုက်သည်။

"မဖြစ်နိုင်ဘူး မြို့နှစ်မြို့ ပျက်စီးသွားရုံနဲ့ ဒီလောက်ကြီးမားတဲ့ လှုပ်ရှားမှုမျိုး ဖြစ်လာစရာ အကြောင်းမရှိဘူး"

"ဒါဆိုရင် ကပ်ဘေးအဆင့် ညစ်ညမ်းမှုဇုန်ထဲက သတ္တဝါတွေက ကျွန်မတို့ကို ဝိုင်းတိုက်ဖို့ လာနေတာများလား"

ကျားမလေးက ခန့်မှန်းသည်။

ရွှီရန်က "အဲဒါလည်း မဖြစ်နိုင်ဘူး။ မိစ္ဆာအင်အားစုကိုယ်တိုင် မဟုတ်ရင် တစ်မြို့လုံးကို ဘယ်သူမှ မအမိန့်ပေးနိုင်ဘူး" ဟု ပြန်ပြောသည်။

ရုတ်တရက် ရွှီရန် တစ်ခုခုကို သတိရသွားသည်။

"ဟုတ်ပြီ ဒါ မိစ္ဆာအင်အားစုပဲ ဖြစ်ရမယ်။ မိစ္ဆာအင်အားစုမှာ ကြီးမားတဲ့ အပြောင်းအလဲ တစ်ခုခု မဖြစ်ရင် ကပ်ဘေးအဆင့် ညစ်ညမ်းမှုဇုန်တစ်ခုလုံးက သတ္တဝါတွေ ဒီလို စုပေါင်းပြီး လှုပ်ရှားစရာ အကြောင်းမရှိဘူး"

အားလုံးမှာ ရွှီရန်၏ အတွေးကို သဘောတူလိုက်ကြသည်။

'ဒီမိစ္ဆာအင်အားစုပေါ်မှာ... ဘာတွေများ ဖြစ်ပျက်နေတာလဲ...'

ပြီးခဲ့တဲ့တစ်ခေါက်ကလည်း 'သွေးမြစ်' ရဲ့ စစ်မှန်တဲ့အရှိန်အဝါ သဏ္ဌာန်ကြောင့်သာ အဲဒီမိစ္ဆာအင်အားစုသတ္တဝါတွေ ကြောက်လန့်တကြားနဲ့ ပြန်ဆုတ်ခွာသွားခဲ့ကြတာ...

ကျားမလေးက စိတ်လှုပ်ရှားစွာဖြင့် "ဘာစောင့်နေမှာလဲ သူတို့နောက်ကို လိုက်သွားကြည့်ရအောင်" ဟု ပြောသည်။

...

တစ်ချိန်တည်းမှာပင် မိစ္ဆာအင်အားစုရှိ အသားနှင့် သွေး နန်းတော်၌ မြင့်မြတ်သော မျက်လုံး အရှင်သခင်၊ နှင်းနယ်မြေ ဘုရင်၊ တစ္ဆေမိခင် အရှင်သခင်နှင့် အခြားသော အရှင်သခင်များမှာ ထိုနေရာတွင် စုဝေးနေကြသည်။

သူတို့သည် စိုးရိမ်သော မျက်နှာအမူအရာများဖြင့် တစ်နေရာတည်းကိုသာ စိုက်ကြည့်နေကြသည်။

"ဧကရာဇ် လျှို့ဝှက်နယ်မြေက အခြေအနေက ပေါက်ကွဲထွက်တော့မယ့် အခြေအနေမှာ ရှိနေပြီ"

နှင်းနယ်မြေ ဘုရင်က စိုးရိမ်တကြီး ပြောသည်။

ရွှီရန်သာ အရှင်သခင်များ၏ စကားပြောဆိုမှုကို ကြားလိုက်ရပါက အလွန်တုန်လှုပ်သွားပေလိမ့်မည်။

မိစ္ဆာအင်အားစုအတွင်းတွင် လျှို့ဝှက်နယ်မြေ တစ်ခု ရှိနေခြင်းပင်။