အခန်း ၉၇၆

အခန်း (၉၇၆) - ရိတ်သိမ်းမှု

အဆုံးအစမရှိ ကျယ်ပြောလှသော နယ်မြေများ ပင်လယ် အတွင်း၌... ဧရာမ စက်လုံးကြီး နှစ်ခု အကြားတွင် တံတား တစ်စင်း အလား လမ်းကြောင်း တစ်ခု ပေါ်ထွက်လာပြီး ၎င်းတို့ကို တစ်ခုနှင့် တစ်ခု ဆက်သွယ်ပေးထား၏။

အဝေးမှနေ၍ ကြည့်မည် ဆိုပါက... ၎င်းမှာ ဧရာမ အလေးတုံး ကြီး တစ်ခု နှင့်ပင် ဆင်တူနေတော့သည်။

ဤ မြင်ကွင်း၊ အဆုံးအစမရှိ ကျယ်ပြောလှသော နယ်မြေများ ပင်လယ် ၏ ထောင့်တစ်နေရာသည်... ယခုအခါ တောင်နှင့် ပင်လယ် ကမ္ဘာ နှင့် ကျယ်ပြန့်သော ကမ္ဘာ တို့ ၏ လက်ရှိ ပုံသဏ္ဌာန် ပင်။

နယ်မြေများ ပင်လယ် အတွင်း၌ ဤကဲ့သို့သော ပုံသဏ္ဌာန် မျိုး မရေမတွက်နိုင်အောင် ရှိနေပြီး... အချို့မှာ မတူညီသော အရွယ်အစားများ ရှိသည့် စက်လုံး အများအပြား ကို တစ်ခုနှင့် တစ်ခု ဆက်သွယ် ထားလေ၏။ သို့သော် ၎င်းတို့မှာ တောင်နှင့် ပင်လယ် ကမ္ဘာ နှင့် ကျယ်ပြန့်သော ကမ္ဘာ တို့ တည်ရှိရာ နေရာမှ မည်မျှအထိ ဝေးကွာနေသနည်း ဆိုသည်ကိုတော့ မည်သူကမျှ မသိရှိနိုင်ချေ။

စစ်မြေပြင်နယ်မြေ ၏ အတွင်းဘက် ၌ကား...

ယခုအခါ စစ်မြေပြင်နယ်မြေ တစ်ခုလုံး မှာ လုံးလုံးလျားလျား ချိတ်ဆက် ပွင့်လင်းနေပြီ ဖြစ်ပြီး... ဝိညာဉ်ကမ္ဘာ နှစ်ခု နှင့် ဆုံမှတ် နေရာ များရှိ နယ်နိမိတ် အတားအဆီး များသာလျှင် ကျန်ရှိတော့၏။

၎င်းမှာ ဝိညာဉ်ကမ္ဘာ နှစ်ခု အကြားရှိ နောက်ဆုံး တာအို အတားအဆီး ပင် ဖြစ်သည်။ ဤ တာအို အတားအဆီး ကြီးသာ ပြိုကျ ပျက်စီးသွားပြီ ဆိုပါက... သူတို့ အနေဖြင့် တစ်ဖက်ရန်သူ ၏ ဝိညာဉ်ကမ္ဘာ အတွင်းသို့ တိုက်ရိုက် ဝင်ရောက် တိုက်ခိုက် နိုင်ကြတော့မည်သာ။

နင်ချီသည် ကမ္ဘာ နှစ်ခု ၏ နယ်နိမိတ် အတားအဆီး ကို အသေအချာ စစ်ဆေး ကြည့်ရှုလိုက်ရာ... နယ်နိမိတ်ကြီးမှာ တိတ်ဆိတ်စွာ ပွင့်ဟလာနေကြောင်း ကို အာရုံခံ သိရှိလိုက်ရ၏။

သို့သော် ပတ်ဝန်းကျင် ကို ဝေ့ကြည့်လိုက်သောအခါ... တာအို အတားအဆီးကြီးမှာ ပွင့်တော့မည့် ဆဲဆဲ အခြေအနေ တွင်သာ ဆက်လက် ရှိနေပြီး လူများကို စိုးရိမ် ပူပန်လာစေတော့သည်။

စစ်မြေပြင်နယ်မြေ တစ်ခုလုံး တွင် ယခုအခါ တောင်နှင့် ပင်လယ် ကမ္ဘာ မှ ကျင့်ကြံသူ များသာလျှင် ကျန်ရစ်နေခဲ့တော့၏။

ကျယ်ပြန့်သော ကမ္ဘာ မှ ကျင့်ကြံသူ များ အားလုံး ကို... သူတော်စင် ဘိုးဘေးကြီး ၏ ကိုယ်ပွား က သူ၏ နတ်ဘုရား မှော်စွမ်းရည် နှင့် ကျယ်ပြန့်သော ကမ္ဘာ့ဆန္ဒတော် ၏ စွမ်းအားများကို အသုံးပြုကာ... ကျယ်ပြန့်သော ကမ္ဘာ အတွင်းသို့ တိုက်ရိုက် ပြန်လည် ခေါ်ဆောင်သွားခဲ့လေပြီ။

ထို့နောက်... သူတော်စင် ဘိုးဘေးကြီး နှင့် ပင်လယ်ဘိုးဘေးကြီး ၏ ကိုယ်ပွား တို့ နှစ်ဦးစလုံး မှာလည်း သူတို့၏ စွမ်းအား များ ကုန်ခမ်းသွားခဲ့ပြီး စစ်မြေပြင်နယ်မြေ အတွင်းမှ လုံးဝ ပျောက်ကွယ်သွားခဲ့ကြတော့သည်။

နင်ချီသည် အောက်ဘက် သို့ ငုံ့ကြည့်လိုက်၏။

ကျောက်ယွီကျွင်း၊ ကုန်းထျန်းတောက်၊ ဓားဘိုးဘေးကြီး နှင့် ချီခယ်ချင်း တို့ အပါအဝင်... ထိုနေရာရှိ လူတိုင်း နီးပါး မှာ သူ့ကို မော့ကြည့် နေကြသည်။

သူတို့၏ အရှေ့တွင် မည်သည့် ရန်သူမျှ မရှိတော့ချေ။ ထို့ကြောင့် ယခုအခါ သူတို့ အနေဖြင့် စစ်မြေပြင်နယ်မြေ ၏ ထောင့်တစ်နေရာ တွင် ဆက်လက် နေထိုင်ကာ... ဘိုးဘေးကြီး များ ရောက်ရှိလာမည့် အချိန် ကို ဖြစ်စေ၊ ဘိုးဘေးကြီး များ က ရန်သူ့ အတားအဆီးများကို ချိုးဖျက်ပေးမည့် အချိန် ကို ဖြစ်စေ စောင့်ဆိုင်း နေရုံမှလွဲ၍ အခြား မတတ်နိုင်ကြတော့ပေ။ ထိုအချိန် ကျမှသာ တစ်ဖက်ရန်သူ ၏ ဝိညာဉ်ကမ္ဘာ အတွင်းသို့ ဝင်ရောက် တိုက်ခိုက် နိုင်ကြမည် မဟုတ်ပါလော။

စစ်ပွဲကြီးမှာ ဤ အဆင့်အထိ ရောက်ရှိလာခဲ့ပြီ ဖြစ်ပြီး... ယေဘုယျအားဖြင့် ဆိုရလျှင်တော့ တောင်နှင့် ပင်လယ် ကမ္ဘာ ၏ ကျင့်ကြံသူ များ က အသာစီး ရနေခဲ့လေပြီ။

သေချာသည်မှာ... ဤအရာများ အားလုံး တွင် နင်ချီ က အလွန်တရာ ကြီးမားလှသော အခန်းကဏ္ဍ မှ ပါဝင်ခဲ့လေ၏။

အစောပိုင်း ကတည်းက စစ်မြေပြင်နယ်မြေ အများအပြား ကို သူ သိမ်းပိုက် ခဲ့သည် ဖြစ်စေ... သံလိုက်အိမ်မြှောင် ကို သူ တီထွင် ဖန်တီးခဲ့သည် ဖြစ်စေ၊ ထို အရာ နှစ်ခု စလုံး က စစ်ပွဲ တစ်ခုလုံး ၏ အရှိန်အဟုန် ကို လျင်မြန်လာစေရန် အုတ်မြစ် ချပေးခဲ့ခြင်း ပင်။

ဤ ကျင့်ကြံသူ များ အကြားတွင်... အချို့က ကျယ်ပြန့်သော ကမ္ဘာ မှ ကျင့်ကြံသူ များ နည်းတူ၊ သူတို့ အနေဖြင့် ဆက်လက် တိုက်ခိုက်နေရန် မလိုအပ်တော့ဘဲ... ဘိုးဘေးကြီး က သူတို့ကို တောင်နှင့် ပင်လယ် ကမ္ဘာ သို့ ပြန်လည် ခေါ်ဆောင်သွားပေးရန် မျှော်လင့် နေကြသူများ လည်း ရှိနေ၏။

ဝိညာဉ်နယ်မြေ စစ်ပွဲ စတင် ကတည်းက... ယနေ့တိုင်အောင် အသက်ရှင် ကျန်ရစ်ခဲ့သူ များ အားလုံး နီးပါး မှာ စစ်ပွဲ အတွင်း၌ အရင်းအမြစ် အမြောက်အမြား ကို ရယူ ပိုင်ဆိုင်ထားနိုင်ခဲ့ကြသော အစွမ်းအထက်ဆုံး ပုဂ္ဂိုလ်ကြီး များ ပင် ဖြစ်ကြသည်။

ထို့ကြောင့် အချို့သော ကျင့်ကြံသူ များမှာ ယခု အခြေအနေ ဖြင့်ပင် အလွန် ကျေနပ် ရောင့်ရဲ နေကြလေပြီ။

သို့သော် အခြားသော လူအများအပြား မှာမူ ယခုမျှ နှင့် မကျေနပ်နိုင်ကြသေးဘဲ... ရန်သူ့ ဝိညာဉ်ကမ္ဘာ ကို ချိုးဖျက် ဝင်ရောက်ကာ ထိုအထဲတွင် ပိုမို ကြီးမားသော အကျိုးအမြတ်များကို လုယူ သိမ်းပိုက်ရန် မျှော်လင့် နေကြဆဲပင်။

နင်ချီသည် ထို လူအုပ်ကြီး ကို ငေးကြည့် နေရင်း... ဘဝ ၏ ရှုထောင့် ပေါင်းစုံ ကို မြင်တွေ့နေရသည့်အလား၊ လူအမျိုးမျိုး ၏ ခံစားချက်များ၊ အတွင်းစိတ် သဘောထားများ နှင့် လူ့ သဘာဝများကို အကဲခတ် လေ့လာနေမိတော့သည်။

ယခုအခါ သူ လုပ်စရာ အခြား ဘာမှ မရှိတော့သဖြင့်... နင်ချီသည် သူ၏ ကိုယ်ပိုင် အခြေအနေ ကို ခံစားကြည့်ရင်း၊ စစ်မြေပြင်နယ်မြေ အတွင်းသို့ ဝင်ရောက်လာ ကတည်းက သူ ရရှိခဲ့သော အကျိုးအမြတ် များ အားလုံးကို အသေအချာ ပြန်လည် သုံးသပ်ကြည့်ရန် စတင်လိုက်တော့၏။

သူ၏ ကျင့်ကြံခြင်း အဆင့်အတန်း မှာ ပေါင်းစည်းခြင်း နယ်ပယ် အစောပိုင်း အဆင့် မှနေ၍ လက်ရှိ တာအို နှင့် ပေါင်းစည်းခြင်း နယ်ပယ် (သဟဇာတဖြစ်ခြင်း နယ်ပယ်) နှောင်းပိုင်း အဆင့် သို့ တိုက်ရိုက် ခုန်တက်သွားခဲ့လေပြီ။ ကြီးမားလှသော နယ်ပယ်ကြီး တစ်ခု လုံးကို ကျော်ဖြတ်သွားခဲ့ရုံ သာမက နယ်ပယ်ငယ် ခြောက်ခု ကိုပါ အောင်မြင်စွာ ကျော်ဖြတ် နိုင်ခဲ့လေ၏။

ဤ ဝင်စား ခန္ဓာကိုယ် ၏ လက်ရှိ ကျင့်ကြံခြင်း အဆင့်အတန်း တစ်ခုတည်း နှင့်ပင်... နင်ချီသည် တောင်နှင့် ပင်လယ် ကမ္ဘာ တွင် ဘိုးဘေးကြီး နှစ်ပါး နှင့် တောင်နှင့် ပင်လယ် ကမ္ဘာ့ဆန္ဒတော် တို့ ပြီးလျှင် ဒုတိယ အစွမ်းအထက်ဆုံး ပုဂ္ဂိုလ်ကြီး တစ်ဦး အဖြစ် သတ်မှတ် ခံရလောက်အောင် အစွမ်းထက် နေခဲ့လေပြီ။

လမင်းပင်လယ် အင်မော်တယ်ဂိုဏ်း ၏ ဂိုဏ်းချုပ် ကျောက်ယွီကျွင်း နှင့် ကျိုးရှန်း အင်မော်တယ်ဂိုဏ်း ၏ ဂိုဏ်းချုပ် ကုန်းထျန်းတောက် တို့ ပင်လျှင်... ယခုအခါ သူ့ထက် များစွာ နိမ့်ကျ နေခဲ့ပြီ ဖြစ်၏။

နင်ချီ ကိုယ်တိုင် ပင်လျှင် ဤ အချက်ကို မယုံကြည်နိုင်အောင် ဖြစ်နေရသည်။ ယခင်က သူ အထက်စီး မှ မော့ကြည့် ခဲ့ရသော သူများ မှာ ယခုအခါ သူ အောက်စီး မှ ငုံ့ကြည့် နိုင်သော သူများ အဖြစ်သို့ ပြောင်းလဲသွားခဲ့ပြီ မဟုတ်ပါလော။

ထို့ပြင် သူ က အစွမ်းအထက်ဆုံး ပုဂ္ဂိုလ်ကြီး တွေ၏ အဆင့်အတန်း ကိုတောင် ရောက်ရှိနေပြီလေ။

ရုပ်ပိုင်းဆိုင်ရာ ကြွယ်ဝ ချမ်းသာမှု အကျိုးအမြတ် များနှင့် ပတ်သက်၍ ပြောရမည် ဆိုလျှင်တော့... နင်ချီသည် ကျယ်ပြန့်သော ကမ္ဘာ မှ ကျင့်ကြံသူ အမြောက်အမြား ကို မျိုးတုံး သတ်ဖြတ်ခဲ့ပြီး... သူတို့ ထံမှ မရေမတွက်နိုင်သော ကျင့်စဉ် နည်းစနစ် များ၊ ဝိညာဉ် ရတနာ များ၊ ဝိညာဉ် ကျောက်တုံး များ နှင့် ကောင်းကင်နှင့် မြေကြီး ၏ အဖိုးတန် ရတနာများကို လုယူ သိမ်းပိုက် နိုင်ခဲ့သည်။