အခန်း ၉၈၈

အခန်း (၉၈၈) - ကမ္ဘာလောက၏ ပြင်ပ

"ငါ က နောက်နေတာပါကွာ... မင်း က ဘာလို့ ဒီလောက်တောင် စိုးရိမ် နေရတာလဲ"

မြင်းနက်ကြီး ခမျာ လုံးဝ အားအင် ကုန်ခမ်းသွားတော့၏။ ဒါ က နောက်နေတာလား...။

ဒီ နေရာ က ကမ္ဘာ ၏ အတွင်းဘက် မှာ မဟုတ်ဘူးလေ... အဆုံးအစ မရှိ ကျယ်ပြောလှတဲ့ သမုဒ္ဒရာ ကြီး ထဲမှာ ရောက်နေတာ။ ဒီ နေရာ မှာ အဲဒီလို နောက်ပြောင် တာမျိုး ကို လုံးဝ (လုံးဝ) ခွင့်မပြု ဘူး။

သို့သော်ငြားလည်း... ၎င်းသည် ပတ်ဝန်းကျင် ရှိ အပြောင်းအလဲများကို မျက်ခြေမပြတ် စောင့်ကြည့် နေစဉ် တွင်ပင် နင်ချီ ကို ဆက်လက် အကဲခတ် နေတော့၏။

အချိန် အတော်ကြာ နင်ချီ ၏ ခွစီးခံခဲ့ရပြီးနောက်... နင်ချီသည် ပုံပြင် များ ထဲတွင် မိမိ ကြားဖူး ခဲ့သော ကျွမ်းကျင် ပညာရှင် မျိုး သေချာပေါက် ဖြစ်ကြောင်း နှင့် ကြွားဝါ ရတာ ကို အလွန် နှစ်သက်သော သူ မျိုး ဖြစ်ကြောင်း ကို မြင်းနက်ကြီး နားလည် သဘောပေါက်လာခဲ့လေပြီ။

ပုံပြင် တွေ ထဲမှာ ဆိုရင်ရော... သူတို့ က ဘယ်လောက်တောင် ကြီးကျယ် ခမ်းနားတယ် ဆိုတာကို ကြွားဝါ လေ့ ရှိတဲ့... ကိုယ့်ကိုယ်ကိုယ် ကျွမ်းကျင် ပညာရှင် လို့ သမုတ် ထားတဲ့ သူတွေ အမြဲတမ်း ရှိနေတတ်တယ် မဟုတ်ဘူးလား။

အချုပ်အားဖြင့် ဆိုရလျှင်... နင်ချီသည် လုံးဝ (လုံးဝ) အစွမ်းထက် လွန်းလှသည်။ ကြောက်မက်ဖွယ် ကောင်းလောက်အောင် အစွမ်းထက် လွန်းလှသည်။ မူလဝိညာဉ် နယ်ပယ် သို့ ရောက်ရှိ နေပြီ ဖြစ်သော နင်ချီ ကဲ့သို့ မဟာ မိစ္ဆာ ဘုရင်ကြီး ပင်လျှင် ၎င်း ကို လုံးဝ အကူအညီမဲ့သွားစေနိုင်၏။

သို့သော်ငြား... နင်ချီသည် ကြွားဝါ ရတာ ကို အလွန် နှစ်သက်သည်မှာ သေချာလှသည်။

မြင်းနက်ကြီးသည် ပတ်ဝန်းကျင် ရှိ ပင်လယ်ရေ ၏ အပြောင်းအလဲများကို စောင့်ကြည့် နေသော်ငြားလည်း... ၎င်း၏ မိခင် ဖော်ပြ ခဲ့သည့် အတိုင်း မည်သည့် လှုပ်ရှားမှု မျှ မရှိကြောင်း တွေ့လိုက်ရ၏။

ရုပ်ပျက်ဆင်းပျက် မိစ္ဆာများကို သတ်ဖြတ် သူတိုင်းသည် ကျိန်စာ သင့် လိမ့်မည် ၊ သူတို့ နယ်မြေများ ပင်လယ် သို့ ရောက်ရှိလာသည် နှင့် တစ်ပြိုင်နက်၊ သူတို့ ၏ ပတ်လည် ရှိ ရေ များမှာ ဆူပွက်လာလိမ့်မည် ဟု မိခင် ဖြစ်သူ က ပြောခဲ့ဖူးသည်။

ထို့အပြင်... နယ်မြေများ ပင်လယ် ၏ မည်းနက် နက်ရှိုင်းသော ရေပြင် နှင့် နီးကပ်လာလေလေ၊ ဤ အခြေအနေ က ပို၍ ပို၍ သိသာ ထင်ရှားလာလေလေ ပင် ဖြစ်၏။

မြင်းနက်ကြီးသည် ယခုအခါ နင်ချီ နှင့် ပတ်သက်၍ အခြေခံ နားလည်မှု တစ်ခု ကို ရရှိထားပြီ ဖြစ်သည်။

သူရဲကောင်းကြီးသည် အနောက်ဘက် ရှိ ကမ္ဘာ ထဲမှ လာသူ သေချာပေါက် ဖြစ်ရမည် ဖြစ်ပြီး... ဤ နေရာသည် သူ နယ်မြေများ ပင်လယ် သို့ ပထမဆုံး အကြိမ် ရောက်ရှိလာခြင်း ဖြစ်၏။

မဟုတ်ပါက... အချို့သော အခြေခံ ဗဟုသုတများကိုပင် ဤမျှလောက် အထိ သူရဲကောင်းကြီး လုံးဝ (လုံးဝ) သိရှိ နားလည်မှု မရှိဘဲ နေမည် မဟုတ်ပါ။

မြင်းနက်ကြီးသည် နင်ချီ ညွှန်ပြ ခဲ့သော ဦးတည်ချက် အတိုင်း ချဉ်းကပ်သွားလေသည်။ အချိန် အတန်ကြာ ပြီးနောက် တွင် သူတို့သည် မှုန်ဝါးဝါး မြူခိုးများကို ဖြတ်သန်း ကာ နယ်မြေများ ပင်လယ် ၏ မည်းနက်သော ရေပြင် အလွှာ သို့ ဝင်ရောက် တော့မည် ဖြစ်၏။

သို့သော်ငြား မြင်းနက်ကြီးသည် နယ်မြေများ ပင်လယ် ၏ မည်းနက်သော ရေပြင် ဆူပွက်လာမည့် အရိပ်အယောင် ကို ယခု အချိန်အထိ လုံးဝ မတွေ့ရသေးပါ။

ဤသည်မှာ နင်ချီသည် လုံးဝ (လုံးဝ) ပိုပိုသာသာ တွေ လျှောက်ပြော နေခြင်း ပင် ဖြစ်ကြောင်း ကို ရှင်းလင်းစွာ သက်သေ ပြနေတော့၏။

နင်ချီသည် မိစ္ဆာ မြင်းနက်ကြီး ကို စီးနင်းကာ... နယ်မြေများ ပင်လယ် ၏ အပြင်ဘက် တွင် ဖြည်းညင်းစွာ ခရီးနှင်နေသည်။

သူ ဦးတည် နေသော နေရာမှာ... ကျယ်ပြန့်သော ကမ္ဘာ တည်ရှိရာ အရပ် ပင် ဖြစ်၏။ နင်ချီ ၏ အစီအစဉ် မှာ နယ်မြေများ ပင်လယ် အတွင်း၌ အစစ်အမှန်သိုင်းကမ္ဘာ နှင့် ကျယ်ပြန့်သော ကမ္ဘာ အကြား ဆက်သွယ်ရေး လမ်းကြောင်း တစ်ခု ကို တည်ဆောက်ရန် ပင်။

၎င်းမှာ အစစ်အမှန်သိုင်းကမ္ဘာ နှင့် တောင်နှင့် ပင်လယ် ကမ္ဘာ တို့ အကြား ရှိသည့် ဆက်သွယ်မှု မျိုး အလားတူ ရှိ၏။

ဤ လမ်းကြောင်း သာ တည်ဆောက် ပြီးစီးသွားပါက... သူသည် အချိန်မရွေး ကျယ်ပြန့်သော ကမ္ဘာ အတွင်းသို့ လွတ်လပ်စွာ ဝင်ရောက် နိုင်မည်၊ ၎င်းကို အခြေစိုက် စခန်း မတိုက်ခိုက်မီ... ကြိုတင် စုံစမ်း ထောက်လှမ်းခြင်း အဖြစ် သတ်မှတ် နိုင်၏။

လောလောဆယ် တွင်... သူတော်စင် ဘိုးဘေးကြီး နှင့် ပင်လယ်ဘိုးဘေးကြီး တို့မှာ စစ်မြေပြင်နယ်မြေ အတွင်း၌ အသေအလဲ တိုက်ခိုက် နေကြဆဲ ဖြစ်၏။ မူလ က နင်ချီသည် တောင်နှင့် ပင်လယ် ကမ္ဘာ သို့သွားရောက် လည်ပတ်ရန် ရည်ရွယ် ထားခဲ့သော်ငြားလည်း... တောင်ဘိုးဘေးကြီး မှာ ယခု အချိန်အထိ တိုက်ပွဲ ဝင်ရောက်လာခြင်း မရှိသေးဘဲ တောင်နှင့် ပင်လယ် ကမ္ဘာ တွင်သာ ဆက်လက် ပုန်းအောင်း နေသေးသည်။

ထို့ကြောင့် နင်ချီသည် ဘိုးဘေးကြီး မရှိသော ကျယ်ပြန့်သော ကမ္ဘာ ကို အရင်ဆုံးသွားရောက် စစ်ဆေးရန် ဆုံးဖြတ်လိုက်တော့၏။

တည်နေရာ ကို အရင်ဆုံး အောင်မြင်စွာ ထောက်လှမ်း ပြီးမှသာ... အခြေစိုက် စခန်း ကို ခိုးယူ တိုက်ခိုက် နိုင်မည် ဟူသော အချက် ကို နင်ချီ အမြဲတမ်း ယုံကြည် လက်ကိုင် ထားသည်။

နင်ချီသည် မြင်းနက်ကြီး ကို နှင်ကာ... နယ်မြေများ ပင်လယ် ကို ဖြတ်သန်း၍ ရှေ့သို့ ဆက်လက် ချီတက်သွားသည်။

မြင်းနက်ကြီး မှာ နင်ချီ ၏ ဆန္ဒများကို အလွန်တရာ နာခံမှု ရှိလှ၏။ ကမ္ဘာ အတွင်းသို့ ပြန်လည် ရောက်ရှိရန် နှင့် နယ်မြေများ ပင်လယ် ၏ ဒုက္ခ များမှ ကင်းဝေး စေရန် အတွက်... မြင်းနက်ကြီးသည် နင်ချီ ကို သယ်ပိုးကာ အစွမ်းကုန် ကြိုးစား ပမ်းစားသွားလာ နေတော့သည်။

ရုတ်တရက်... မြင်းနက်ကြီး ရပ်တန့်သွားပြီး ၎င်း၏ ဧရာမ မြင်း ခေါင်းကြီး ကို လှည့်ကာ ၎င်း၏ ကျောပေါ် တွင် ထိုင်နေသော နင်ချီ ကို စူးစိုက် ကြည့်လိုက်၏။

"သူရဲကောင်းကြီး... အရှေ့ဘက် နားလေး မှာ မည်းနက်တဲ့ ရေပြင် နယ်မြေ ရှိပါတယ်။ ဆက်သွားဖို့ ဆန္ဒ ရှိသေးလား ခင်ဗျာ"

"ငါ ဒီမှာ ရှိနေတာပဲ... မင်း က ဘာကို ကြောက်နေရတာလဲ"

နင်ချီ က ပြန်မေးလိုက်သည်။

မြင်းနက်ကြီး မှာ ခေတ္တမျှ တုံ့ဆိုင်းသွားသော်ငြားလည်း... ရှေ့သို့ တစ်လှမ်း ဆက်လက် တက်လှမ်းလိုက်သေး၏။

နယ်မြေများ ပင်လယ် အတွင်း၌ အမြဲတမ်း နေထိုင်လာခဲ့သော မိစ္ဆာ သားရဲ တစ်ကောင် အနေဖြင့်... နယ်မြေများ ပင်လယ်ကြီး မှာ အမှန်တကယ် မည်မျှအထိ ကျယ်ပြော ခမ်းနား လှသနည်း ဆိုသည်ကို မြင်းနက်ကြီး လုံးဝ မသိရှိခဲ့ချေ။

မြင်းနက်ကြီးတို့ ၏ စိတ်ကူး ထဲတွင်... နယ်မြေများ ပင်လယ် ကို ဒေသ သုံးခု အဖြစ် ပိုင်းခြား ထားကြ၏။

ပထမ ဒေသ မှာ ကမ္ဘာ နှင့် နီးကပ်သော နယ်မြေများ ပင်လယ် ဧရိယာ ဖြစ်သည်။ ဤ ဧရိယာ ကို များသောအားဖြင့် မှုန်ဝါးဝါး မြူခိုးများဖြင့် ဖုံးလွှမ်း ထားလေ့ ရှိပြီး... နယ်မြေများ ပင်လယ် အတွင်း၌ အလုံခြုံဆုံး နေရာ အဖြစ် သတ်မှတ် ထားကြ၏။

ဒုတိယ ဒေသ မှာ နယ်မြေများ ပင်လယ် ၏ အတွင်းဘက် ၌ ရှိသော မည်းနက်သည့် ရေပြင် နယ်မြေ ဖြစ်၏။ မည်းနက်သည့် ရေပြင် နယ်မြေမှာ မြူခိုး ဧရိယာ နှင့် ကပ်လျက် တွင် တည်ရှိကာ... ပိုမို နက်ရှိုင်းစွာ ဝင်ရောက်သွားလေလေ၊ ပိုမို အန္တရာယ် များလာလေလေ ပင် ဖြစ်သည်။

ယနေ့တိုင်အောင်... မြင်းနက်ကြီးသည် နှစ်ပေါင်း များစွာ အတွင်း မည်းနက်သည့် ရေပြင် နယ်မြေ ၏ အတွင်းပိုင်း ဆယ်မိုင် ထက် ပို၍ မဝင်ရဲခဲ့ပါ။

ဆယ်မိုင် ဧရိယာ ကို ဖြတ်ကျော်သွားပြီးနောက်... တတိယ ဒေသ ဖြစ်သော နယ်မြေများ ပင်လယ် ၏ လှိုင်းထန်သော ဧရိယာ စတင်လာတော့၏။

ထို နေရာ တွင် မည်းနက်သော ရေ များမှာ အလွန်တရာ မြန်ဆန်စွာ စီးဆင်းနေသည်။ ရေနက်ပိုင်း ၏ အဆက်မပြတ် လှိုင်းထနေသော သမုဒ္ဒရာ လှိုင်းလုံးများနှင့် ဆင်တူကာ မြင်းနက်ကြီး ကိုယ်တိုင် ပင်လျှင် အလွန်တရာ ကြောက်ရွံ့ ထိတ်လန့် ရသော ကြောက်မက်ဖွယ် သတ္တဝါ များစွာ ကိန်းအောင်း နေထိုင် ကြသည်။

၎င်း တွင် ရုပ်ပျက်ဆင်းပျက် မိစ္ဆာ များ၊ ခန့်မှန်း၍ မရနိုင်သော ပတ်ဝန်းကျင် အခြေအနေ များနှင့်... အခြားသော အမည်မသိ ကြောက်မက်ဖွယ် သတ္တဝါ များနှင့် အန္တရာယ် များ ပါဝင် နေတော့၏။

အချုပ်အားဖြင့် ဆိုရလျှင်... နယ်မြေများ ပင်လယ် ၏ လှိုင်းထန်သော ရေပြင် များမှာ မြင်းနက်ကြီး ကဲ့သို့သော အစွမ်းအထက်ဆုံး မိစ္ဆာ သားရဲ မျိုး ပင်လျှင်သွားရောက်ရန် မဝံ့ရဲသော နေရာ တစ်ခု သေချာပေါက် ဖြစ်၏။

ဝင်သွားတာနှင့် ချက်ချင်း သေမည်ဟု ဆိုလိုတာ မဟုတ်သော်ငြား... ဝင်သွားပြီးတာနှင့် မိမိ၏ မူလ သဘာဝ အစစ်အမှန် ဆုံးရှုံးသွားပြီး တခြားသူတွေလို ရုပ်ပျက်ဆင်းပျက် မိစ္ဆာ အဖြစ် အသွင်ပြောင်းသွားတတ်၍ပင် ဖြစ်၏။