အခန်း ၉၉၀

အခန်း (၉၉၀) - ကမ္ဘာ နှစ်ခု အကြားက လမ်းကြောင်း

မြင်းနက်ကြီးသည် မည်သည့် တွေဝေ တုံ့ဆိုင်းမှု မျှ မရှိဘဲ အားလုံး ကို ဖြေကြားလိုက်သည်။

၎င်း က နယ်မြေများ ပင်လယ် ကို ဒေသ သုံးခု အဖြစ် ပိုင်းခြား ထားကြောင်း နှင့်... ၎င်းကို ခြိမ်းခြောက် နိုင်သော အရာ များမှာ လှိုင်းထန်သော ဧရိယာ အတွင်း၌ မကြာခဏ ရှိနေတတ်ကြောင်း ကို ပြောပြသည်။ သို့သော် လှိုင်းထန်သော ဧရိယာ အတွင်းရှိ မိစ္ဆာ များနှင့် မကောင်းဆိုးဝါးများသည်လည်း တစ်ခါတစ်ရံ တွင် မည်းနက်သည့် ရေပြင် နယ်မြေ အတွင်းသို့ ဝင်ရောက်လာတတ်ကြကြောင်း ကိုပါ ထည့်သွင်း ပြောပြ ခဲ့၏။

ဤဖြစ်ရပ်က မည်းနက်သည့် ရေပြင် နယ်မြေ နှင့် မြူခိုး ဧရိယာ အတွင်းရှိ မိစ္ဆာ သားရဲ များ အတွက်... အလွန်တရာ ဆိုးရွားလှသော ကပ်ဘေး တစ်ခု ပင် ဖြစ်တော့သည်။

ထိုစကားများကို ကြားလိုက်ရသောအခါ... နင်ချီသည် သိပ်ပြီး ဂရုစိုက်ပုံ မပေါ်ပါ။

သူတော်စင် ဘိုးဘေးကြီး ၏ ကိုယ်ပွား မှ ဆင့်ခေါ်ထားသော ရုပ်ပျက်ဆင်းပျက် မိစ္ဆာ ရာပေါင်းများစွာ ကို သူ ကိုယ်တိုင် မျက်မြင်ကိုယ်တွေ့ မြင်တွေ့ခဲ့ပြီး ဖြစ်ရာ... နောက်ထပ် ဘာကိုများ ကြောက်စရာ လိုသေးလို့လဲ။

အနည်းဆုံးတော့... ပျားမိစ္ဆာ ဘုရင်မ ထံမှ သူ ရရှိခဲ့သော သတင်း အချက်အလက် များ အရ ဆိုလျှင် ရုပ်ပျက်ဆင်းပျက် မိစ္ဆာများသည် မြင်းနက်ကြီး ပြောပြခဲ့သော လှိုင်းထန်သည့် ဧရိယာ အတွင်း၌ သာ ရှိနေသင့်သည် မဟုတ်ပါလော။

နင်ချီသည် မြင်းနက်ကြီး ကို စီးနင်းကာ... မည်းနက်သည့် ရေပြင် နယ်မြေ ကို ဖြတ်သန်း၍ သူ၏ ခရီးစဉ် ကို ဆက်လက် ချီတက် နေခဲ့၏။

ယခုအခါ လှိုင်းထန်သော ဧရိယာ နှင့် မီတာ တစ်ရာ ခန့် အကွာအဝေး သို့ ရောက်ရှိလာခဲ့သည်။

မြင်းနက်ကြီး မှာ နောက်တစ်ကြိမ် ပြဿနာ ရှာလုနီးပါး ပင် ဖြစ်သွားပြီး... ဘာပဲ ဖြစ်ဖြစ် လှိုင်းထန်သော ဧရိယာ အတွင်းသို့ လုံးဝ (လုံးဝ) မဝင်ရောက် ရဲတော့ချေ။

နင်ချီ မှာ အလွန်အမင်း စပ်စုချင်စိတ် ပြင်းပြ နေပြီး... ၎င်းကို စမ်းသပ် ကြည့်ချင် နေသော်ငြားလည်း သေချာ စဉ်းစားပြီးနောက် တွင်မူ... အရှုံးပေးလိုက်ရန် ဆုံးဖြတ်လိုက်တော့၏။

မည်သို့ပင် ဆိုစေကာမူ... ယခု အချိန်တွင် သူ၏ အရေးအကြီးဆုံး တာဝန် မှာ အစစ်အမှန်သိုင်းကမ္ဘာ နှင့် ကျယ်ပြန့်သော ကမ္ဘာ အကြား ဆက်သွယ်ရေး လမ်းကြောင်း တစ်ခု ကို တည်ဆောက်ရန် ပင် ဖြစ်သည်။

နယ်မြေများ ပင်လယ် ကို စူးစမ်း လေ့လာခြင်း ကိစ္စ နှင့် ပတ်သက်၍ ပြောရမည် ဆိုလျှင်တော့... ဝိညာဉ်နယ်မြေ စစ်ပွဲ ကြီး ပြီးဆုံးသွားသည့် အချိန်ကျမှပဲ ထိုအကြောင်း ကို ဆက်ပြောကြတာပေါ့လေ။

နင်ချီ က လှိုင်းထန်သော ဧရိယာ အတွင်းသို့ ဆက်လက် ဝင်ရောက်ရန် အတင်းအကျပ် ဖိအား မပေးတော့သည်ကို မြင်လိုက်ရသောအခါ... မြင်းနက်ကြီး မှာ သက်ပြင်းချကာ စိတ်သက်သာရာ ရသွားတော့၏။

လူ တစ်ယောက် နှင့် မြင်း တစ်ကောင်သည် မည်းနက်သည့် ရေပြင် နယ်မြေ ကို ဖြတ်သန်းသွားကြပြီး... အချိန် မည်မျှ ကြာသွားသည် ကိုတော့ မသိရပေ၊ နောက်ဆုံး တွင် သူတို့သည် မီးခိုးရောင် မြူခိုး ဧရိယာ သို့ ပြန်လည် ရောက်ရှိလာကြတော့သည်။

သို့သော်ငြား... သူတို့ ၏ အရှေ့တွင် ပေါ်ထွက်လာသော အရာ မှာ လက်ရှိ အစစ်အမှန်သိုင်းကမ္ဘာ ထက် အဆပေါင်း ဆယ်ဆ ကျော် ပိုမို ကြီးမားသော ကမ္ဘာ တစ်ခု ပင် ဖြစ်တော့၏။

မြင်းနက်ကြီးသည် ၎င်း၏ အရှေ့ရှိ ကမ္ဘာ ကို ငေးကြည့် နေရင်း မေးလိုက်သည်။

"သူရဲကောင်းကြီး... လူကြီးမင်း ထွက်လာခဲ့တဲ့ ကမ္ဘာ က ဝိညာဉ်ကမ္ဘာ တစ်ခု အဖြစ်တောင် သတ်မှတ် လို့ မရသင့်ဘူးလေ။ အဲဒါဆိုရင်... ဒီလောက် ကြီးမားတဲ့ ဝိညာဉ်ကမ္ဘာ ရဲ့ တည်နေရာ ကို လူကြီးမင်း က ဘယ်လို လုပ်ပြီး ဒီလောက်တောင် ရှင်းရှင်းလင်းလင်း သိနေရတာလဲ ခင်ဗျာ"

၎င်း မှာ အကြီးအကျယ် ဇဝေဇဝါ ဖြစ်သွားရ၏။ အကြောင်းမူကား နင်ချီ ၏ အပြုအမူ များမှာ ၎င်း အတွက် တကယ်ကို နားလည် ရခက်လွန်း နေသောကြောင့် ပင်။

နင်ချီသည် မြင်းနက်ကြီး ၏ မေးခွန်း ကို ပြန်လည် မဖြေကြားခဲ့ဘဲ... သူ၏ အရှေ့ရှိ ကျယ်ပြန့်သော ကမ္ဘာ ကိုသာ အာရုံစိုက် လေ့လာ နေခဲ့၏။

ဤ အခိုက်အတန့် တွင်... နင်ချီသည် ကျယ်ပြန့်သော ကမ္ဘာ ၏ အစစ်အမှန် ပုံသဏ္ဌာန် ကို ပထမဆုံး အကြိမ် အဖြစ် မျက်မြင်ကိုယ်တွေ့ ကြုံတွေ့ နေရသည်။

နယ်မြေများ ပင်လယ် အတွင်း၌ တည်ရှိနေသော ကျယ်ပြန့်သော ကမ္ဘာ တစ်ခုလုံးသည်... ခပ်ဖျော့ဖျာ့ ရွှေရောင် အလင်းတန်းများ ဖြာထွက် နေသည်။

၎င်းကို ဝန်းရံထားသော မီးခိုးရောင် မြူခိုး ဧရိယာ မှာလည်း... အစစ်အမှန်သိုင်းကမ္ဘာ နှင့် တောင်နှင့် ပင်လယ် ကမ္ဘာ တို့ ၏ မီးခိုးရောင် မြူခိုး ဧရိယာ များထက် သိသိသာသာ ပိုမို ကျယ်ပြန့် နေကြောင်း တွေ့ရ၏။

"ဒါက သူတော်စင် ဘိုးဘေးကြီး ရဲ့ စွမ်းအားလား... ဒါမှမဟုတ် ကျယ်ပြန့်သော ကမ္ဘာ ရဲ့ စွမ်းအားလား"

နင်ချီ က စိတ်ထဲမှ တိတ်တဆိတ် တွေးလိုက်မိ၏။

ကျယ်ပြန့်သော ကမ္ဘာ ကို ပထမဆုံး အကြိမ် မြင်တွေ့လိုက်ရသည့်အခိုက်... နယ်မြေများ ပင်လယ် ကို တိုက်ခိုက်ရာ တွင် ကျယ်ပြန့်သော ကမ္ဘာ သည် တောင်နှင့် ပင်လယ် ကမ္ဘာ ထက် ရော၊ အစစ်အမှန်သိုင်းကမ္ဘာ ထက် ပါ ပိုမို အစွမ်းထက် နေကြောင်း နင်ချီ ချက်ချင်း နားလည် သဘောပေါက်သွားတော့သည်။

"တကယ့်ကို ခမ်းနား ကြီးကျယ်လှတဲ့ ကျယ်ပြန့်သော ကမ္ဘာပဲ... နာမည် နဲ့ တကယ့်ကိုလိုက်ဖက်ပါပေတယ်"

နင်ချီသည် မြင်း ၏ ကျော ပေါ်သို့ နောက်တစ်ကြိမ် လွှဲခွလိုက်ပြီး... မြင်းနက်ကြီး ကလည်း နားလည် သဘောပေါက်စွာ ဖြင့် သူ့ကို သယ်ပိုး ကာ ကျယ်ပြန့်သော ကမ္ဘာ အတွင်းသို့ ဝင်ရောက်သွားတော့၏။

နင်ချီ က လက်ကို ဆန့်ထုတ်လိုက်ပြီး... ကျယ်ပြန့်သော ကမ္ဘာ ၏ နယ်နိမိတ် နံရံ ပေါ်သို့ သူ၏ လက် ကို တင်လိုက်သည်။

အစစ်အမှန်သိုင်းကမ္ဘာ ၏ ဆန္ဒတော် ဖြစ်သလို အစစ်အမှန်သိုင်းကမ္ဘာ ကိုယ်တိုင် လည်း ဖြစ်နေသော နင်ချီ အနေဖြင့်... ကမ္ဘာသည် ကျင့်ကြံသူ များ ကဲ့သို့ပင် အသက်မဲ့ သော အရာဝတ္ထု တစ်ခု မဟုတ်ဘဲ ၎င်း၏ ကိုယ်ပိုင် အသက် စွမ်းအင် ရှိကြောင်း ကို ကောင်းကောင်းကြီး သိထား၏။

အစစ်အမှန်သိုင်းကမ္ဘာသည် တောင်နှင့် ပင်လယ် ကမ္ဘာ မှ ကျင့်ကြံသူ များ အပေါ်သို့ ဆင်းသက်လာသူ များ၏ ဖျက်ဆီးခံခဲ့ရမည် ဖြစ်သော်ငြားလည်း... နင်ချီ ၏ ပေါ်ထွက်လာမှု က ၎င်းကို ကယ်တင် နိုင်ခဲ့ပြီး ၎င်း၏ အသက် စွမ်းအင်များကို ပိုမို အစွမ်းထက်လာစေခဲ့သည်။

တောင်နှင့် ပင်လယ် ကမ္ဘာ နှင့် ပတ်သက်၍ ပြောရမည် ဆိုလျှင်တော့... ၎င်းသည် ပတ်ဝန်းကျင် ရှိ ကမ္ဘာငယ် လေးများ ကို လုယူ ဖျက်ဆီး ခြင်း အပေါ် တွင် ပိုမို အာရုံစိုက် နေပုံ ရပြီး ၎င်းတို့ကို ဝါးမျို ခြင်း ဖြင့် မိမိ၏ ကိုယ်ပိုင် စွမ်းအား နှင့် အသက် စွမ်းအင်များကို တိုးမြှင့်လာစေရန် လုပ်ဆောင် နေပုံ ရ၏။

နင်ချီသည် သူ၏ အရှေ့ရှိ ကျယ်ပြန့်သော ကမ္ဘာ ၏ ပတ်လည် တွင် အခြားသော ကမ္ဘာငယ် လေးများ မှေးမှိန်စွာ ပေါ်ထွက်လာနေသည်ကို ယခုလေးတင် မှ တွေ့လိုက်ရသည်။ တစ်ချက် ကြည့်လိုက်ရုံ ဖြင့်... ဤ ဧရိယာ တွင် ကမ္ဘာငယ် လေး အနည်းဆုံး ဆယ်ခု ခန့် ရှိနေ၏။

ထို ကမ္ဘာငယ် လေးများ မှာ ကျယ်ပြန့်သော ကမ္ဘာ ကိုယ်တိုင် မှ မျောလွင့်နေသော ဧရာမ စက်လုံး သေးသေးလေး များ အသွင်... ၊ ဂြိုဟ်ရံ စက်လုံး များ အလား ဖြစ်နေပြီး တစ်ခုစီ တိုင်း မှာ ကျယ်ပြန့်သော ကမ္ဘာ ၏ အလင်းရောင် ကြောင့် ရွှေရောင် ဖျော့ဖျော့ လေးများ သန်းနေကြ၏။

တစ်နည်းအားဖြင့် ဆိုရလျှင်... ကျယ်ပြန့်သော ကမ္ဘာသည် ထို ကမ္ဘာငယ် လေးများ ကို ဝါးမြိုခဲ့ခြင်း မရှိဘဲ... ထိုအစား ၎င်း၏ ကိုယ်ပိုင် စွမ်းအားများဖြင့် သူတို့ကို ပြုစု ပျိုးထောင် ပေးနေခဲ့သည်။