အခန်း ၆၂၂

အခန်း (၆၂၂) - ကုမိသားစုကို ခွဲထုတ်ရန် ကုယို၏ ချက်ချင်းကြေညာချက်

‎

‎

‎လမ်းသစ်ကို မည်သို့ ဖောက်ကြမည်နည်း။

‎ရိုးရှင်းပါ၏။ ကုမိသားစုရွာကို မီးပွားလေးများသဖွယ် ခွဲထုတ်ပြီး အင်မော်တယ်နယ်မြေတစ်ခွင်သို့ ဖြန့်ကြက်ပစ်ရန်ပင် ဖြစ်သည်။ ဤသို့လုပ်ခြင်းဖြင့် အကိုင်းအခက်အချို့ ဖွံ့ဖြိုးရန် အခက်အခဲရှိခဲ့လျှင်တောင်၊ အန္တရာယ်နှင့်ကြုံ၍ ပျက်စီးသွားခဲ့လျှင်တောင်မှ အခြားအဖွဲ့များ ကျန်နေသေးသရွေ့ ကုမိသားစုအတွက် မျှော်လင့်ချက် ရှိနေဦးမည်ဖြစ်သည်။ ထို့ပြင် တစ်စုတစ်ဖွဲ့ အောင်မြင်သွားခဲ့လျှင်လည်း ကျန်သောအဖွဲ့များကို ပြန်လည်ထောက်ပံ့ပေးနိုင်ပြီး မိသားစုတစ်ခုလုံး၏ တိုးတက်မှုကို ကောင်းစွာ အထောက်အကူပြုနိုင်ပေလိမ့်မည်။

‎

‎ဤအစီအစဉ်ကို ကုမိသားစုရွာလေး ကောင်းကင်တားမြစ်နယ်မြေမှ ထွက်ခွာလာကတည်းက ကုယို ကြိုတင်စဉ်းစားထားခဲ့ခြင်း ဖြစ်သည်။

‎

‎ယခု မိသားစုရွာလေး အခြေတကျဖြစ်သွားပြီဖြစ်ရာ အစီအစဉ်ကို အကောင်အထည်ဖော်ရမည့် အချိန်ရောက်လာပြီဖြစ်သည်။

‎ကုယို၏ အစီအစဉ်ကို ကြားလိုက်ရချိန်တွင် ခန်းမတစ်ခုလုံး အတန်ကြာ တိတ်ဆိတ်သွားတော့၏။ ထိုနေရာရှိ လူတိုင်းသည် ကုမိသားစုရွာ၏ အမာခံအင်အားစုများ ဖြစ်ကြပြီး စွမ်းအားအရရော၊ စိတ်နေသဘောထားအရပါ အကောင်းဆုံး ရွေးချယ်ခံထားရသူများ ဖြစ်ကြသည်။ သေချာတွေးကြည့်လျှင် ကုယို၏စကား မှန်ကန်ကြောင်း သူတို့ကောင်းကောင်း သိကြပါသည်။

‎

‎အတန်ကြာ တိတ်ဆိတ်နေပြီးနောက် ကုယဲ့မှ စတင်၍ မေးမြန်းလိုက်၏။

‎

‎" မိသားစုခေါင်းဆောင် ပြောတာ မှန်ပါတယ်... ဒါပေမဲ့ အခုလို မိသားစုကို ခွဲထုတ်မယ့်ကိစ္စက နည်းနည်းစောလွန်းမနေဘူးလား... အခုမှ ကျွန်တော်တို့တွေ အခြေတကျဖြစ်ကာစပဲ ရှိသေးတာ... ခရီးပန်းလာကြတဲ့သူတွေကို ခဏလောက် အနားပေးပြီးမှ ဒီအစီအစဉ်ကို လုပ်ရင်လည်း မနောက်ကျပါဘူး "

‎

‎ထိုစကားကြောင့် ကျန်လူများလည်း ခေါင်းညိတ် ထောက်ခံလိုက်ကြ၏။ သူတို့လည်း ဤသို့ပင် တွေးနေကြခြင်းဖြစ်သည်။

‎

‎လူတိုင်းသည် အခက်အခဲပေါင်းများစွာကို ဖြတ်ကျော်ပြီးမှ အခုလို အခြေတကျဖြစ်လာခဲ့ခြင်းဖြစ်သည်။ သို့သော် အမောတောင် မပြေသေးခင်မှာပင် ကုယိုသည် အစီအစဉ်ကို အကောင်အထည်ဖော်ကာ လူတိုင်းကို မိသားစုထဲမှ ထုတ်ပြီး 'ခြေသလုံးအိမ်တိုင်' ဘဝသို့ ပြန်ရောက်စေချင်နေ၏။ စိတ်ခံစားချက်အရဖြစ်စေ၊ ယုတ္တိရှိရှိပင်ဖြစ်စေ ဤကိစ္စသည် များစွာ အလျင်လိုလွန်းနေသည်။

‎

‎သို့သော်လည်း လူအများ၏ မျှော်လင့်တကြီး ကြည့်နေသည့် အကြည့်များကို ကြည့်ကာ ကုယိုမှ တည်ငြိမ်စွာ ခေါင်းခါလိုက်ပြီး ပြတ်သားစွာ ပြောဆိုလိုက်၏။

‎

‎" မရဘူး... မိသားစုကို ခွဲထုတ်မယ့် အစီအစဉ်ကို အခုချက်ချင်း စရမယ် "

‎

‎" ဘိုးဘေးကြီး အမိန့်ပေးတုန်းက ကောင်းကင်တားမြစ်နယ်မြေမှာရှိတဲ့ မိသားစုခွဲတွေ အားလုံးက နာခံပြီး အင်မော်တယ်နယ်မြေအနှံ့ကို သွားခဲ့ကြတယ်... ဘာလို့လဲဆိုတော့ ဘိုးဘေးကြီးဆီမှာ ပြိုင်ဘက်ကင်းတဲ့ ဩဇာအာဏာရှိနေလို့ပဲ... မိသားစုတစ်ခုလုံးက ဘိုးဘေးကြီးအပေါ်မှာပဲ မှီခိုနေရတာမို့ သူ့အမိန့်ကို နာခံရုံကလွဲပြီး မရှိဘူးလေ... အခု ငါက ဒီအစီအစဉ်ကို ရွှေ့ဆိုင်းလိုက်ပြီး အချိန်ကြာလာလို့ လူတိုင်းရဲ့ တက်ကြွမှုတွေ ပျောက်ဆုံးသွားတဲ့အခါကြမှ မိသားစုကို ခွဲထုတ်ဖို့ဆိုတာ ပိုခက်ခဲသွားလိမ့်မယ် "

‎

‎ဤအစီအစဉ်ကို လုပ်ဆောင်ရန် အကောင်းဆုံးအချိန်မှာ ယခုအချိန်ပင်ဖြစ်ကြောင်း ကုယို ရှင်းရှင်းလင်းလင်း မြင်နေ၏။ အချိန်ဆွဲလေ ပိုခက်ခဲလာလေ ဖြစ်မည်။ ဘိုးဘေးကြီးကတော့ သူ၏ ဩဇာအာဏာဖြင့် အချိန်မရွေး ခွဲထုတ်နိုင်စွမ်းရှိသော်လည်း ကုယိုမှာမူ မည်သည့်စွမ်းဆောင်ရည်မျိုး ရှိနေပါသနည်း။

‎

‎ယခုအချိန်တွင် သူသည် မိသားစုကို အခြေတကျဖြစ်အောင် အောင်မြင်စွာ ဦးဆောင်နိုင်ခဲ့သည့် သူ၏ကျန်ရှိနေသေးသော ဩဇာကိုသုံး၍ မိသားစုကို ပြတ်ပြတ်သားသား ခွဲထုတ်နိုင်သေးသည်။ သို့သော် အချိန်ကြာလာ၍ လူတိုင်း စိတ်အေးသွားသည့်အခါ ထိုခြေသလုံးအိမ်တိုင်ဘဝမျိုးကို ပြန်သွားရန် မည်သူမှ ဆန္ဒရှိကြမည် မဟုတ်ပေ။

‎

‎ဤအချက်ကို သဘောပေါက်သောကြောင့်ပင် ကုယိုသည် ယခုအချိန်ကို ရွေးချယ်ခဲ့ခြင်း ဖြစ်သည်။ သူ၏ ဆုံးဖြတ်ချက်မှာ အလွန်ခိုင်မာနေပြီး မည်သူမျှ ဖျောင်းဖျ၍ ရမည်မဟုတ်ချေ။

‎ကုယို၏ ပြတ်သားသော ဆုံးဖြတ်ချက်နှင့် တုန်လှုပ်မှုမရှိသော ဟန်ပန်ကို မြင်သောအခါ ခန်းမထဲရှိ လူများအားလုံး တိတ်ဆိတ်သွားကြ၏။ သူတို့ အတူတကွ ရွေးချယ်တင်မြှောက်ခဲ့သည့် ဤလူငယ် မိသားစုခေါင်းဆောင်၏ အကြောင်းကို သူတို့ ကောင်းကောင်းသိကြသည်။ ဤလူငယ်ခေါင်းဆောင်သည် ဆုံးဖြတ်ချက်တစ်ခု ချပြီးပြီဆိုပါက မည်သူတွေ မည်မျှပင် ဖျောင်းဖျပါစေ သူ၏ဆုံးဖြတ်ချက်ကို လုံးဝ ပြောင်းလဲမည်မဟုတ်ပေ။

‎

‎" ကောင်းပြီ... မိသားစုခွဲထုတ်မယ့် အစီအစဉ်ကို အခု ကြေညာမယ် "

‎

‎ကုယိုသည် ထိုနေရာရှိ လူအားလုံးကို ဝေ့ကြည့်လိုက်ပြီး ပြတ်ပြတ်သားသားပင် ကြေညာလိုက်တော့သည်။

‎

‎" ကုယဲ့... မင်းက ကုထုန်... ကုလင်းအာတို့နဲ့ တစ်ဖွဲ့နေ... ကုချုံ... မင်းက ကုရှန်ချန်... ကုဝူကျီတို့နဲ့ တစ်ဖွဲ့... "

‎