အခန်း ၇၅၀

အခန်း (၇၅၀) သန့်စင်သော ရုပ်ခန္ဓာကို ပြန်လည် ပုံဖော်ခြင်း၊ အော့ထျန်းဖုန်း ၏ အဆင့်တက်လှမ်းမှု နှင့် ဓားပြလှေ

ကောင်းကင်တာအို အတု အနေဖြင့် အကြောက်ဆုံးအရာမှာ မိမိထက် အဆင့်မြင့်မားသော ကောင်းကင်ဘုံပင် ဖြစ်သည်။

တစ်ကြိမ် ဝါးမြို သန့်စင်ခံလိုက်ရပါက အသိစိတ်ကို ထိန်းသိမ်းထားနိုင်ပြီး ပိုင်ဆိုင်ထားသော စွမ်းအားများ မလျော့ကျသွားလျှင်တိုင်၊ အဆင့်မြင့် ကောင်းကင်တာအို၏ ကန့်သတ်ချုပ်ချယ်မှုကိုတော့ မလွဲမသွေ ခံရမည်သာ ဖြစ်၏။

ဒါက အလွန်တရာ စိတ်ပျက်စရာ ကောင်းလှ၏။

သို့သော် ယခု ထိုအခြေအနေနှင့် သူ ကြုံတွေ့နေရချေပြီ။

“နတ်ဘုရားမျိုးနွယ်စု နဲ့ သွားတိုက်ရမယ် ဆိုရင်... ငါ့ခေါင်းကို တို့ဟူးတုံးနဲ့သာ ပြေးဆောင့်ပြီး အဆုံးသတ်လိုက်တာကမှ ပိုကောင်းဦးမယ်...”

ရှေးဟောင်း မြင့်မြတ်သော အစစ်အမှန် နဂါး က ညည်းတွားလိုက်၏။

“မသေနိုင်တဲ့ ခန္ဓာကိုယ် ကို ရဖို့ မင်း စဉ်းစားဖူးလား...”

ရှေးဟောင်း မြင့်မြတ်သော အစစ်အမှန် နဂါး ၏ ညည်းတွားသံများကို ဂရုမစိုက်ဘဲ ယဲ့ဖုန်း က ရုတ်တရက် ဝင်ပြောလိုက်သည်။

“ဟင်... ဘာ ခန္ဓာကိုယ်...”

ရှေးဟောင်း မြင့်မြတ်သော အစစ်အမှန် နဂါး ဖန်တီးထားသော ပုံရိပ်ယောင်မှာ မျက်ခုံးတစ်ချက် ပင့်သွား၏။

“အစစ်အမှန်နဂါး နယ်မြေ က ရှန်ကျိုးတိုက်ကြီး ရဲ့ အောက်လောက တစ်ခု အဖြစ် သန့်စင်ခံလိုက်ရပြီ... ပြီးတော့ မင်းရဲ့ အသက်ရှင်ခြင်း နဲ့ သေဆုံးခြင်းကို ထိန်းချုပ်ခွင့်က ကောင်းကင်တာအို၏ အကြွင်းအကျန်များ နဲ့ ငါ့လက်ထဲမှာ ရှိနေတယ်... ဒါကြောင့် ငါတို့က မင်းကို သေခွင့်ပေးမှာ မဟုတ်သလို... မင်းလည်း သေလို့ မရဘူးလေ...”

ယဲ့ဖုန်း ၏ မျက်နှာမှာ လျှို့ဝှက်ဆန်းကြယ်မှုများ ပြည့်နှက်နေသည်။

“ခင်ဗျား ဘာကို ဆိုလိုတာလဲ...”

ရှေးဟောင်း မြင့်မြတ်သော အစစ်အမှန် နဂါး သည် တစ်စုံတစ်ခုကို ခန့်မှန်းမိသွားပြီး အနည်းငယ် အံ့ဩသွားသော်လည်း၊ ကိစ္စကို အတည်ပြုလိုသဖြင့် ကပျာကယာ မေးလိုက်၏။

“မင်းရဲ့ အရင်းအမြစ် အမှတ်အသား ကို ရှန်ကျိုးတိုက်ကြီး ရဲ့ အလယ်ဗဟို အနှစ်သာရ ဆီ ပြောင်းရွှေ့လိုက်ရင်ကော... အဲဒီလိုသာ လုပ်လိုက်ရင် အစစ်အမှန်နဂါး နယ်မြေကြီး ပျက်စီးသွားရင်တောင် မင်း သေမှာ မဟုတ်တော့ဘူး... အဲဒါက မသေနိုင်တဲ့ ခန္ဓာကိုယ် လို့ မဆိုလိုဘူးလား...”

ယဲ့ဖုန်း က ပြောလိုက်သည်။

“ရှန်ကျိုးတိုက်ကြီး ရဲ့ အနှစ်သာရ ကြီးသာ ဖျက်ဆီးခံလိုက်ရရင်ကော...”

ရှေးဟောင်း မြင့်မြတ်သော အစစ်အမှန် နဂါး က ခေတ္တ တုံ့ဆိုင်းနေပြီးမှ မေးလိုက်၏။

“နတ်ဘုရားမျိုးနွယ်စု ရဲ့ သူတော်စင် အရှင် တောင်မှ ရှန်ကျိုးတိုက်ကြီး ရဲ့ အနှစ်သာရ ကို မဖျက်ဆီးနိုင်ခဲ့တာ... မင်းကများ သေနိုင်ဦးမယ်လို့ ထင်နေသေးတာလား...”

ယဲ့ဖုန်း က လှောင်ပြောင်လိုက်သည်။

နတ်ဘုရားမျိုးနွယ်စု ၏ သူတော်စင် အရှင် သည် ရှန်ကျိုးတိုက်ကြီး သို့ ရောက်ရှိလာစဉ်က ဒဏ်ရာ အပြင်းအထန် ရရှိထားခဲ့ပြီး သူ၏ စွမ်းအားများမှာ အထွတ်အထိပ်တွင် မရှိတော့ချေ။ ထို့ကြောင့် ရှန်ကျိုးတိုက်ကြီး ကို ဖောက်ထွင်း ဖျက်ဆီးပစ်ရန်မှာ လုံးဝ မဖြစ်နိုင်ခဲ့ပေ။

“အမှန်အတိုင်း ပြောရရင်... ကျွန်တော် တော်တော်လေး စိတ်ဝင်စားသွားပြီ...”

ရှေးဟောင်း မြင့်မြတ်သော အစစ်အမှန် နဂါး ၏ မျက်လုံးများ ကျဉ်းမြောင်းသွား၏။

သူ၏ အရင်းအမြစ် အမှတ်အသား ကို အစစ်အမှန်နဂါး နယ်မြေ ၏ ကြယ်အနှစ်သာရ တွင် အပ်နှံထားခြင်းက သူ၏ ကိုယ်ပွား ဖျက်ဆီးခံရပြီးတိုင်း ပြန်လည် တည်ဆောက်နိုင်စွမ်း ရှိစေခဲ့သည်မှာ မှန်သော်လည်း၊ ကြယ်အနှစ်သာရ သာ အန္တရာယ် ကြုံတွေ့ရပါက သူ သေဆုံးနိုင်သေးသည်။

သို့သော် အကယ်၍ သူသာ အရင်းအမြစ် အမှတ်အသား ကို ရှန်ကျိုးတိုက်ကြီး ၏ အနှစ်သာရ တွင် ထားရှိမည် ဆိုပါက လုံးဝ ကွဲပြားခြားနားသော ကိစ္စတစ်ရပ် ဖြစ်သွားပေမည်။

ရှန်ကျိုးတိုက်ကြီး တည်ရှိနေသရွေ့ သူသည် မသေနိုင်၊ မပျက်စီးနိုင်သူ ဖြစ်လာတော့မည်တည်း။

“ကောင်းပြီ... ကျွန်တော် သဘောတူတယ်...”

နောက်ဆုံးတွင် ရှေးဟောင်း မြင့်မြတ်သော အစစ်အမှန် နဂါး သည် သူ၏ ဆုံးဖြတ်ချက်ကို ချလိုက်၏။

သူသည် အစစ်အမှန်နဂါး နယ်မြေ ၏ ကြယ်အနှစ်သာရ တွင် အပ်နှံထားသော သူ၏ အရင်းအမြစ် အမှတ်အသား ကို ဂရုတစိုက် ဆွဲထုတ်လိုက်ရာ ၎င်းမှာ ကြယ်တာရာ ကောင်းကင်ယံ ထဲတွင် လွင့်မျောနေတော့၏။

“ဝှီး...”

ထူးဆန်းသော လေပြင်းတစ်ရပ် တိုက်ခတ်လာပြီး ယဲ့ဖုန်း၊ အရင်းအမြစ် အမှတ်အသား နှင့် ရှေးဟောင်း မြင့်မြတ်သော အစစ်အမှန် နဂါး ၏ ကိုယ်ပွား တို့ကို လွှမ်းခြုံသွားသည်။

နောက်တစ်စက္ကန့်တွင်..

သူတို့ သုံးဦးစလုံးသည် အဆုံးအစမဲ့ ကျယ်ပြောလှသော နေရာတစ်ခုသို့ ရောက်ရှိသွားကြ၏။

အထက်သို့ မော်ကြည့်လိုက်သောအခါ..

အလွန်အမင်း အစွမ်းထက်ပြီး ထူးကဲစွာ ပူပြင်းလှသော မီးတောက်ချော်ရည် ကန့်လန့်ကာကြီး တစ်ခုက ၎င်း၏ အောက်ဘက်ရှိ လောကကြီးကို ကာကွယ်ပေးထားသည်။

“ဒါက ရှန်ကျိုးတိုက်ကြီး ရဲ့ ဗဟို အနှစ်သာရ နေရာပဲ...”

ယဲ့ဖုန်း က ကြေညာလိုက်သည်။

ဤနေရာသည် သူကိုယ်တိုင် ပထမဆုံးအကြိမ် ဝင်ရောက်ဖူးခြင်းလည်း ဖြစ်သည်။

ရှန်ကျိုးတိုက်ကြီး ၏ အနှစ်သာရ မှာ ကျယ်ပြောလှသော ချော်ရည်ပြင်ကြီး ဖြစ်ပြီး၊ ကြယ်တိမ်တိုက် ပုံသဏ္ဌာန် ဖွဲ့စည်းထားကာ ရှန်ကျိုးတိုက်ကြီး ၏ ကောင်းကင်တာအို၏ အကြွင်းအကျန်များ နှင့် အထူး အမှတ်အသား တစ်ခုကို ကာကွယ်ပေးထား၏။

အကယ်၍ ယဲ့ဖုန်း သာ ကံကြမ္မာရဲ့ သားတော် မဟုတ်ခဲ့လျှင် ဤနေရာသို့ လာရောက်ခွင့် ရှိမည် မဟုတ်ချေ။

“ဝုန်း...”

ချော်ရည် ပင်မရေစီးကြောင်းကြီး တစ်ခု ကျဆင်းလာပြီး ရှေးဟောင်း မြင့်မြတ်သော အစစ်အမှန် နဂါး ၏ အရင်းအမြစ် အမှတ်အသား ကို ရစ်ပတ်ကာ ကျောက်ဆောင် တစ်ခုပေါ်တွင် တံဆိပ် ရိုက်နှိပ်လိုက်သည်။

ထိုအခိုက်အတန့်တွင်..

ရှေးဟောင်း မြင့်မြတ်သော အစစ်အမှန် နဂါး သည် လျှို့ဝှက်ဆန်းကြယ်သော စွမ်းအားတစ်ခု ချီးမြှင့်ခံလိုက်ရကြောင်း ခံစားလိုက်ရ၏။ ရှန်ကျိုးတိုက်ကြီး တည်ရှိနေသရွေ့ သူသည် မသေနိုင်၊ မပျက်စီးနိုင်သူ ဖြစ်လာခဲ့၏။

“ဟင်...”

“ငါ့ရဲ့ စွမ်းအားတွေ ထပ်တိုးလာသလိုပဲ...”

ရှေးဟောင်း မြင့်မြတ်သော အစစ်အမှန် နဂါး သည် သူ၏ ပုံရိပ်ယောင်မှာ ပိုမို ခိုင်မာ ထင်ရှားလာကြောင်း တွေ့ရှိလိုက်ရပြီး၊ အစစ်အမှန်နဂါး နယ်မြေ ၏ ကြယ်အနှစ်သာရ နှင့် ပေါင်းစပ်ရန် သူ စွန့်လွှတ်ခဲ့ရသော ခန္ဓာကိုယ် ကိုလည်း ရှန်ကျိုးတိုက်ကြီး ၏ ကောင်းကင်တာအို၏ အကြွင်းအကျန်များ က ပြန်လည် ပုံဖော်ပေးနေကြောင်း သိလိုက်ရ၏။

လေဟာနယ်ထဲတွင်..

ကျန်းပေါင်း သောင်းချီ ရှည်လျားသော အထွတ်အထိပ် လက်သည်းငါးချောင်း ရွှေနဂါးကြီး တစ်ကောင်ကို ပြန်လည် တည်ဆောက်လိုက်သော်လည်း၊ ၎င်း၏ မျက်လုံးများမှာ သက်ဝင်မှု မရှိသလို စိတ်ဝိညာဉ် လည်း ကင်းမဲ့နေကာ အခွံသက်သက်မျှသာ ဖြစ်ကြောင်း အထင်းသား ပေါ်လွင်နေသည်။

နောက်တစ်စက္ကန့်တွင်..

ရှေးဟောင်း မြင့်မြတ်သော အစစ်အမှန် နဂါး ၏ အလိုဆန္ဒ သည် ပြန်လည် တည်ဆောက်ထားသော ခန္ဓာကိုယ် ထဲသို့ ဝင်ရောက်သွားပြီး ၎င်း၏ ဧရာမ မျက်လုံးကြီးများ ပွင့်လာရာ မယုံကြည်နိုင်မှုများ ပြည့်နှက်နေတော့၏။

“ငါ... ငါ့ရဲ့ နဂါး ခန္ဓာကိုယ် က တကယ်ကြီး အဆင့်တက်သွားတာလား...”

ရှေးဟောင်း မြင့်မြတ်သော အစစ်အမှန် နဂါး အမှန်တကယ်ပင် အံ့ဩထိတ်လန့် သွားရသည်။

ပေါင်းစပ်ခြင်း နယ်မြေ အဆင့် သို့ ဝင်ရောက်ရန်အတွက် သူသည် အသိစိတ်တစ်ခုသာ ချန်ရစ်၍ မိမိ၏ ရုပ်ခန္ဓာကို စွန့်လွှတ်ခဲ့ရပြီး ဖြစ်သည်။

သို့သော် ယခုအခါ..

ရှန်ကျိုးတိုက်ကြီး ၏ ကောင်းကင်တာအို၏ အကြွင်းအကျန်များ သည် အစစ်အမှန်နဂါး နယ်မြေ ၏ ကြယ်အနှစ်သာရ မှ စွမ်းအားများကို ထုတ်ယူကာ သူ၏ ခန္ဓာကိုယ်ကို ပြန်လည် တည်ဆောက်ပေးခဲ့ပြီး၊ ၎င်းကို အားကောင်းလာစေကာ အစစ်အမှန် သန့်စင်သော ရုပ်ခန္ဓာ တစ်ခု အဖြစ်သို့ ပြောင်းလဲပေးခဲ့၏။

ဆိုလိုသည်မှာ သူသည် ယခုအခါ သူတော်စင်အဆင့် ၏ အစစ်အမှန် တိုက်ခိုက်ရေး စွမ်းအားများကို ပိုင်ဆိုင်သွားပြီ ဖြစ်သည်။

မြူခိုးသူတော်စင် နှင့် လင်းဝေ သူတော်စင် ဧကရာဇ် တို့၏ အစစ်အမှန် ခန္ဓာကိုယ် များနှင့် ရင်ဆိုင်ရလျှင်ပင် သူသည် ရှုံးနိမ့်ခြင်း မရှိဘဲ အချီပေါင်း ရှစ်ရာတိုင်တိုင် တိုက်ခိုက်နိုင်စွမ်း ရှိ၏။

“ဝုန်း...”

တွန်းထုတ်သော စွမ်းအားတစ်ခု ရုတ်တရက် ပေါ်ထွက်လာ၏။

ပတ်ဝန်းကျင်ရှိ မြင်ကွင်းများ ပြိုကွဲသွားပြီး ပြန်လည် စုစည်းလာချိန်တွင် ယဲ့ဖုန်း နှင့် ရှေးဟောင်း မြင့်မြတ်သော အစစ်အမှန် နဂါး တို့ သတိလည်လာရာ၊ သူတို့သည် အစစ်အမှန်နဂါး နယ်မြေ ၏ ကြယ်တာရာ ကောင်းကင်ယံ သို့ ပြန်လည် ရောက်ရှိနေပြီ ဖြစ်ကြောင်း တွေ့လိုက်ရသည်။

တိတ်ဆိတ်နေသော ကြယ်တာရာ ကောင်းကင်ယံ တွင်..

ယဲ့ဖုန်း နှင့် ရှေးဟောင်း မြင့်မြတ်သော အစစ်အမှန် နဂါး တို့သည် တစ်ဦးကိုတစ်ဦး မျက်လုံးပြူးကာ စိုက်ကြည့်နေကြ၏။

“ဘာကြည့်တာလဲ...”

“ကျုပ် ကြည့်တော့ ခင်ဗျားက ဘာဖြစ်ချင်လို့လဲ...”

“မင်း ဘယ်လို ရဲရတာလဲကွ...”

ယဲ့ဖုန်း သည် ကောင်းကင်နှင့် မြေကြီး၏ နယ်ပယ် ကို ဖြန့်ကျက်ကာ သူ၏ လက်အောက်ငယ်သား ဖြစ်သော ရှေးဟောင်း မြင့်မြတ်သော အစစ်အမှန် နဂါး ကို ဖိနှိပ်လိုက်ပြီး၊ သူတော်စင် ဧကရာဇ် ဓား ဖြင့် အော်ဟစ် ငိုယိုသွားသည်အထိ ရိုက်နှက်တော့သည်။

“အီးဟီး…ကံကြမ္မာသားတော်ယဲ့... ကျွန်တော့်အသက်ကို ချမ်းသာပေးပါဗျာ...”

ရှေးဟောင်း မြင့်မြတ်သော အစစ်အမှန် နဂါး အော့ထျန်းဖုန်း မှာ ချက်ချင်းပင် အသနားခံ တောင်းပန်တော့သည်။

“မင်း ထပ်ပြီး မောက်မာရဲသေးလား ကြည့်ရသေးတာပေါ့...”

ယဲ့ဖုန်း က ကောင်းကင်နှင့် မြေကြီး၏ နယ်ပယ် ကို ပြန်ရုပ်သိမ်းလိုက်ပြီး သူတော်စင် ဧကရာဇ် ဓား ကို သိမ်းကာ၊ အရာရာကို ပုံဖော်နိုင်သော မျက်လုံး ကို ဖွင့်၍ အသစ် ပြန်လည် တည်ဆောက်ထားသော ရှေးဟောင်း မြင့်မြတ်သော အစစ်အမှန် နဂါး ၏ ခန္ဓာကိုယ်ကို အကဲခတ်ကြည့်လိုက်သည်။

[အမည် - အော့ထျန်းဖုန်း]

[အဆင့် - ပေါင်းစပ်ခြင်း နယ်မြေ အဆင့် ၏ အစပိုင်း]

[ရာထူး - ရှန်ကျိုးတိုက်ကြီး ၏ လက်အောက်ခံ အစစ်အမှန်နဂါး နယ်မြေ ၏ နယ်မြေသခင်]

[မှတ်ချက် - ဂိုဏ်းချုပ် နှင့် ရှန်ကျိုးတိုက်ကြီး ၏ ကောင်းကင်တာအို၏ အကြွင်းအကျန်များ ၏ တွက်ချက်မှုဖြင့် ရှန်ကျိုးတိုက်ကြီး နှင့် ဖိအားပေး ပူးပေါင်းစေခြင်း ခံရကာ၊ အစစ်အမှန်နဂါး နယ်မြေ ၏ ကောင်းကင်တာအို အတု ဘဝမှ နယ်မြေသခင် အဖြစ် အဆင့်မြှင့်တင်ခံရပြီး ပြန်လည် တည်ဆောက်ထားသော သန့်စင်သော ရုပ်ခန္ဓာ ကြောင့် သူ၏ တိုက်ခိုက်ရေး စွမ်းအားမှာ သူတော်စင်အဝင် အဆင့် နှင့် တန်းတူ မြင့်တက်လာသည်]

ဤအချက်အလက်များကို ဖတ်ရှုပြီးနောက် ယဲ့ဖုန်း အံ့အားသင့်သွားရ၏။

“မင်းရဲ့ တိုက်ခိုက်ရေး စွမ်းအား က သူတော်စင်အဆင့် ကို ရောက်သွားပြီလား...”

ယဲ့ဖုန်း အံ့ဩတကြီး ရေရွတ်လိုက်သည်။

“ဟုတ်ပါတယ်... ကောင်းကင်တာအို အတု ကနေ နယ်မြေသခင် အဖြစ် ကိုယ့်ကိုယ်ကိုယ် အဆင့်တက်သွားလိမ့်မယ် လို့ မမျှော်လင့်ထားခဲ့ဘူး... ပြီးတော့ သန့်စင်သော ရုပ်ခန္ဓာ တစ်ခုကိုတောင် ပြန်လည် တည်ဆောက်နိုင်ခဲ့သေးတယ်...”

ရှေးဟောင်း မြင့်မြတ်သော အစစ်အမှန် နဂါး အော့ထျန်းဖုန်း သည် မည်သည့်အရာကိုမျှ မဖုံးကွယ်ရဲချေ။

ယဲ့ဖုန်း သည် ရှန်ကျိုးတိုက်ကြီး ၏ ကံကြမ္မာရဲ့ သားတော် ဖြစ်သဖြင့် အော့ထျန်းဖုန်း ၏ တိုက်ရိုက် အထက်လူကြီး ဖြစ်နေ၏။ တစ်စုံတစ်ခုကို ဖုံးကွယ်ထားရန်မှာ အချည်းနှီးသာ ဖြစ်ပေမည်။

“အရမ်း ကောင်းတယ်... ရှန်ကျိုးတိုက်ကြီး မှာ နောက်ဆုံးတော့ သူတော်စင်အဆင့် စွမ်းအားရှင် တစ်ယောက် ရှိသွားပြီပဲ...”

ယဲ့ဖုန်း သက်ပြင်းတစ်ချက် ချလိုက်သည်။

မြူခိုးသူတော်စင် နှင့် လင်းဝေ သူတော်စင် ဧကရာဇ် တို့ သူတို့၏ အစစ်အမှန် ခန္ဓာကိုယ် များနှင့် ဆင်းသက်လာလျှင်ပင် သူ ထိတ်လန့်တော့မည် မဟုတ်ချေ။ အော့ထျန်းဖုန်း ကို လွှတ်၍ ထိုနှစ်ဦးကို တိုက်ခိုက်ခိုင်းနိုင်သည် မဟုတ်ပါလား။

မည်သို့ပင်ဆိုစေ ဤကောင် သေသွားလျှင်တောင် ပြန်လည် တည်ဆောက်နိုင်သေး၏။ အလွန်ဆုံး အချိန်အနည်းငယ် ပေးရုံသာ ရှိမည်ဖြစ်ပြီး ကြီးမားသော ပြဿနာ မဟုတ်ပေ။

“ဝေါ့...”

အော့ထျန်းဖုန်း မှာ သွေးအန်မိသွားတော့၏။

“ကံကြမ္မာသားတော်ယဲ့... ခင်ဗျား ဘာကို ဆိုလိုတာလဲ... အခု လက်ရှိ ရှန်ကျိုးတိုက်ကြီး မှာ သူတော်စင်အဆင့် စွမ်းအားရှင် လုံးဝ မရှိဘူးလို့ ပြောချင်တာလား...”

“အင်း... ဂုဏ်ပြုပါတယ်... မင်း ခန့်မှန်းတာ မှန်တယ်...”

“ဒါ... ဒါ မဖြစ်နိုင်ဘူး မဟုတ်လား...”

အော့ထျန်းဖုန်း ၏ သွားများ အချင်းချင်း ရိုက်ခတ်ကာ တုန်ယင်လာတော့သည်။

ကျယ်ပြောလှသော ရှန်ကျိုးတိုက်ကြီး တွင် သူတော်စင်အဆင့် စွမ်းအားရှင် မရှိဘဲ မည်သို့ နေနိုင်မည်နည်း။

အကယ်၍ နတ်ဘုရားမျိုးနွယ်စု သာ တိုက်ခိုက်လာပါက ရှန်ကျိုး သည် မည်သို့ တောင့်ခံနိုင်မည်နည်း။

“မင်းက ရှန်ကျိုးတိုက်ကြီး ရဲ့ လက်ရှိ အခြေအနေ ကို သေချာ မသိသေးလို့ပါ... ငါ့နောက်ကို လိုက်ခဲ့... ပတ်ဝန်းကျင်ကို လေ့လာကြည့်လိုက်ရင် မင်း နားလည်သွားလိမ့်မယ်...”

ဟု ယဲ့ဖုန်း က ပြောလိုက်သည်။

ယဲ့ဖုန်း ဟင်းလင်းပြင်ကို ဆုတ်ဖြဲလိုက်၏။

ခေတ္တအကြာတွင်..

လူပုံသဏ္ဌာန် ပြောင်းလဲထားသော အော့ထျန်းဖုန်း နှင့် ယဲ့ဖုန်း တို့သည် မြူခိုးဂိုဏ်း ၏ အထက် ကောင်းကင်ယံ သို့ ရောက်ရှိလာပြီး မိုးကြိုးရေကန် နန်းတော် ၏ ပင်မ အဆောက်အအုံ အတွင်းသို့ ဝင်ရောက်သွားကြသည်။

မိုးကြိုးရေကန် နန်းတော် အတွင်းရှိ ကုသိုလ်မှတ်တမ်း စာရင်း ကို မြင်တွေ့ရသောအခါ အော့ထျန်းဖုန်း ၏ မျက်နှာအမူအရာ အကြီးအကျယ် ပြောင်းလဲသွားတော့သည်။

“နတ်ဘုရားမျိုးနွယ်စု ရဲ့ သူတော်စင် အရှင် က တကယ့်ကို အကြံပိုင်တာပဲ... အဆ (၁၀၀) လနီ ကို ဖန်တီးပြီး မိုးကြိုးရေကန် ခန်းမကြီး ကို ချိတ်ပိတ်ထားခဲ့တယ်... တကယ့်ကို ကြီးမားတဲ့ အစီအစဉ်ကြီးပဲ...”

အော့ထျန်းဖုန်း သည် ပတ်ဝန်းကျင်ကို စူးစမ်းရန် သူ၏ နတ်ဘုရား အာရုံ ကို ဖြန့်ကျက်လိုက်၏။

သူ၏ အသိစိတ်သည် ရှေးဟောင်း စာပေအချို့ကို လွှမ်းခြုံသွားပြီးနောက်၊ ရှန်ကျိုးတိုက်ကြီး ၏ အသေးစိတ် အခြေအနေများကို ပိုမို သိရှိလာကာ အကြောင်းကျိုး ဆက်စပ်မှုများကို နားလည် သဘောပေါက်သွား၏။

“သြော်... အဲဒီလိုကိုး...”

“ကျုပ် တကယ်ကြီး ခင်ဗျားရဲ့ ဓားပြလှေ ပေါ်ကို ရောက်လာတာပဲ... ဒေါသထွက်စရာ ကောင်းလိုက်တာ...”

အော့ထျန်းဖုန်း ၏ နှုတ်ခမ်းများ ဆက်တိုက် တွန့်ကွေးနေတော့သည်။

မိုးကြိုးရေကန် ခန်းမကြီး ကို ချိတ်ပိတ်ထားသဖြင့် ရှန်ကျိုးတိုက်ကြီး မှ မည်သူမျှ သူတော်စင် အဖြစ် တက်လှမ်းနိုင်မည် မဟုတ်ချေ။ အခြား သူတော်စင်များမှာလည်း ပြင်ပလောက မှ ရန်သူများ၏ ဟန့်တားမှုများကို ခံနေရသည်။ အကယ်၍ နတ်ဘုရားမျိုးနွယ်စု ၏ သူတော်စင် အရှင် သာ ပြန်လည် နိုးထလာပါက ရှန်ကျိုးတိုက်ကြီး မှာ ဇာတ်သိမ်းပြီ ဖြစ်သည်။

နတ်ဘုရားမျိုးနွယ်စု ၏ သူတော်စင် အရှင် နိုးထမလာလျှင်ပင်၊ သူ၏ လက်အောက်ငယ်သားများ သည် လက်ရှိ ရှန်ကျိုး ကို ဖျက်ဆီးပစ်ရန် လုံလောက်နေ၏။

“ဟွန်း...”

“မင်းက ဒီဂိုဏ်းချုပ် ရဲ့ လက်အောက်ငယ်သား ဖြစ်လာပြီပဲ... အစစ်အမှန်နဂါး နယ်မြေ ကို သေချာ အုပ်ချုပ်ပြီး ပုန်းအောင်းနေလိုက်... မင်းကို လိုအပ်တဲ့ အချိန်ကျရင် ငါ ကြိုပြီး အကြောင်းကြားမယ်...”

ယဲ့ဖုန်း က ခပ်ချေချေဖြင့် ပြောလိုက် ယတော့သည်။

--