အခန်း ၉၂၃

အခန်း (၉၂၃) - အချိန် မဟာတာအို၏ အမှတ်အသား၊ သက်တမ်း နှစ်ခြောက်ထောင်

ချီသန့်စင်အိုးက အဆင့် (၆) အဆင့်မြင့် ဝိညာဉ်အရည်ကို စုစည်းပေးနိုင်သော်လည်း စုယွီ၏ လက်ဝယ်တွင် များများစားစား မရှိပေ။ ယခုအခါ ချီသန့်စင်အိုးထဲတွင် အဆင့် (၆) အဆင့်မြင့် ဝိညာဉ်အရည် လေးစက်သာ ကျန်ရှိနေပြီး ၎င်းတို့မှာ ယခင်က စုယွီ ချီသန့်စင်အိုး၏ ဝိညာဉ်အရည် စုစည်းနိုင်မှု ကန့်သတ်ချက်ကို စမ်းသပ်စဉ်က ကျန်ရစ်ခဲ့ခြင်းပင်။

အဘယ်ကြောင့်ဆိုသော် ယခင်က သူ၏ ကျင့်ကြံခြင်းအဆင့်မှာ မူလဝိညာဉ်အဆင့်တွင်သာ ရှိနေခဲ့ခြင်းကြောင့်တည်း။

သူ၏ ကျင့်ကြံခြင်းအဆင့်နှင့်ဆိုလျှင် အဆင့် (၅) အဆင့်နိမ့် ဝိညာဉ်အရည်ကို သန့်စင်အသုံးပြုခြင်းကပင် လုံလောက်နေခဲ့ပြီ ဖြစ်၏။

သို့သော် ယခုအခါ စုယွီသည် သဘာဝ၏ ဝိညာဉ်စွမ်းအင်များကို စုစည်းကာ ချီသန့်စင်အိုးကို အဆင့် (၆) အဆင့်မြင့် ဝိညာဉ်အရည်များ ဆက်လက် စုစည်းစေလိုက်ပြီး အိုးထဲတွင် သိမ်းဆည်းထားသော အဆင့် (၆) အဆင့်မြင့် ဝိညာဉ်အရည် လေးစက်ကို ဆင့်ခေါ်လိုက်တော့သည်။

စုယွီက သူ၏ဝိညာဉ်ကို ခွဲထုတ်ကာ ရွှေရောင် ပုစဉ်းရင်ကွဲ နည်းစနစ်ကို လည်ပတ်စေလိုက်ရာ ဝူထုံသစ်သားထဲသို့ ပေါင်းစည်းသွားသော ဝိညာဉ်ခွဲထွက် နတ်ဘုရား ခန္ဓာမှာ ရုတ်ချည်းပင် လေဟာနယ်သဖွယ် ဖြစ်တည်သွားတော့၏။

အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ တာအိုနည်းစနစ်က သူ၏ စိတ်အာရုံထဲတွင် ပေါ်ပေါက်လာလေသည်။

အဆင့် (၆) အဆင့်မြင့် ဝိညာဉ်အရည် တစ်စက် ကျဆင်းလာပြီး ဝူထုံသစ်သား၏ အဆီအနှစ်ထဲသို့ ပေါင်းစည်းဝင်ရောက်သွားသည်။

စူးရှတောက်ပသော မြစိမ်းရောင် ကောင်းကင်အလင်းတန်းများနှင့်အတူ သဘာဝ၏ ဝိညာဉ်စွမ်းအင် လှိုင်းလုံးကြီး တစ်ခု ပေါက်ကွဲထွက်ပေါ်လာကာ ခြောက်သွေ့နေသော ဝူထုံသစ်သားကို အစွမ်းထက်လှသော အသက်စွမ်းအင် အဆီအနှစ်ဖြင့် လန်းဆန်းတက်ကြွသွားစေတော့၏။

စုယွီ၏ ဝိညာဉ်ခွဲထွက် နတ်ဘုရား ခန္ဓာက သူ၏ ခန္ဓာကို ဝိညာဉ်စွမ်းအားများဖြင့် ပြည့်လျှံသွားစေ၏။ ဤဝိညာဉ်စွမ်းအင် ဒီရေလှိုင်းကြီးကို စတင် ချယ်လှယ်ကာ အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ ပထမဆုံး အကြိမ် တာအိုစွမ်းအားကို လည်ပတ်

စေလိုက်သည်။

"ဝုန်း..."

အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ ပထမဆုံး အကြိမ် လည်ပတ်မှုမှစ၍ သူ၏ ကျင့်ကြံခြင်းအဆင့်ကို တစ်ဆင့်ချင်း စတင် မြှင့်တင်လေတော့သည်။

သာမန်မျက်စိဖြင့်ပင် မြင်တွေ့နိုင်လောက်အောင် သိသာထင်ရှားလှ၏။

သစ်သားဓာတ် ဝိညာဉ်စွမ်းအား စီးကြောင်းတစ်ခုက ဝူထုံသစ်သား ခန္ဓာ၏ အဓိက အချက်အချာ နေရာတစ်ခုတွင် စုဝေးလာပြီး အသက်စွမ်းအင် အဆီအနှစ်များ အသစ်တဖန် ပြန်လည် ပေါင်းဆုံလာတော့သည်။

အစပိုင်းတွင် ၎င်းမှာ သေးငယ်သော ရေစီးကြောင်းလေး တစ်ခုကဲ့သို့ အရေး မပါလှပေ။

သို့သော် တဖြည်းဖြည်းနှင့် စုယွီက နတ်ဘုရား ခန္ဓာ၏ ဝိညာဉ်ခွဲထွက် နတ်ဘုရား ခန္ဓာအတွင်း ဝိညာဉ်စွမ်းအားများကို ရွေ့လျားစေပြီး အစိမ်းရောင် သစ်သား နှစ်ပတ်လည် ကွင်း ကျင့်စဉ်ကို ကျင့်ကြံလိုက်သောအခါ အရပ်မျက်နှာ အသီးသီးမှ အသက်စွမ်းအင်များ ရုတ်တရက် အဟုန်ပြင်းစွာ စီးဆင်းလာတော့၏။ အချက်အချာနေရာရှိ ထိုအသက်စွမ်းအင်ကလည်း တစ်ဟုန်ထိုး အားကောင်းလာလေသည်။ ၎င်းမှာ ပါးလွှာသော ပိုးချည်မျှင်လေး တစ်ခုမှသည် ချောင်းငယ်လေး တစ်ခုအဖြစ်သို့ ကြီးထွားလာသည့်နှယ်။

စုယွီက ဝူထုံသစ်သား နတ်ဘုရားခန္ဓာ၏ ပြောင်းလဲမှုများကို သူ၏ ဝိညာဉ်ခွဲထွက် နတ်ဘုရား ခန္ဓာဖြင့် အာရုံခံသိရှိနိုင်၏။ ကြီးထွားလာမှု နှုန်းထားမှာ သာမန်မျက်စိဖြင့်ပင် မြင်တွေ့နိုင်လောက်အောင် မြန်ဆန်လှပြီး အတွင်းရှိ ဝိညာဉ်စွမ်းအားများမှာလည်း အဆက်မပြတ် တက်ကြွလှုပ်ရှားနေတော့သည်။

"ဝုန်း..."

နတ်ဘုရားခန္ဓာက အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ ပထမဆုံးအကြိမ် လည်ပတ်မှုကို ကျင့်ကြံပြီးစီးသွားသော ခဏတွင် စုယွီက ဝူထုံသစ်သားပေါ်ရှိ အချိန် တာအို၏ ရှေးဟောင်း အငွေ့အသက် အနည်းငယ်ကို ခံစားမိလိုက်သည်။

ဝူထုံသစ်သား၏ ထိုအသက်စွမ်းအင် အချက်အချာပေါ်တွင် မှိန်ဖျော့ဖျော့ အချိန်ကွင်းဆက် တစ်ခု ထပ်မံ ပေါ်ပေါက်လာ၏။ ဒါက အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ အခြေခံအုတ်မြစ်ပင် ဖြစ်သည်။

ဤအခြေခံအုတ်မြစ်ကို စောင့်ကြည့်ရင်း စုယွီ အံ့အားသင့်စွာ ရေရွတ်လိုက်သည်။

'နတ်ဘုရားခန္ဓာကရော အချိန် တာအိုလမ်းစဉ်ရဲ့ အဆီအနှစ်ကို စုစည်းပေးနိုင်တာလား...'

ခဏအကြာမှာ‌တော့ နတ်ဘုရားခန္ဓာက အစိမ်းရောင် သစ်သား နှစ်ပတ်လည် ကွင်း ကျင့်စဉ်က ဒုတိယအကြိမ် လည်ပတ်နေပြီ ဖြစ်သည်။

ဝူထုံသစ်သား၏ အချက်အချာတွင် အခြား အချိန်ကွင်းဆက် တစ်ခု ထပ်မံ ဖြစ်တည်လာပြန်ရာ စုယွီ၏ အတွင်းပိုင်း အချိန် တာအို အခြေခံအုတ်မြစ်မှာ ယခုအခါ ကွင်းဆက် ငါးခု ရှိနေပြီပင်။

ထို့နောက် တတိယအကြိမ်...။

ချီသန့်စင်အိုးမှ အဆင့် (၆) အဆင့်မြင့် ဝိညာဉ်အရည် တစ်စက်က ဝူထုံသစ်သားအား အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ စတုတ္ထအကြိမ် လည်ပတ်မှု ဝိညာဉ်စွမ်းအားများကို ခိုင်မာစေရန် အထောက်အကူ ပြုလေသည်။

စုယွီက ဝူထုံသစ်သား နတ်ဘုရားခန္ဓာကို ရုတ်ချည်းပင် နောက်ထပ် ဝိညာဉ်အရည် တစ်စက် စုပ်ယူစေလိုက်ပြီး အစိမ်းရောင် သစ်သား နှစ်ပတ်လည် ကွင်း ကျင့်စဉ်ကို ဆက်လက် ကျင့်ကြံစေလိုက်သည်။

"ဝုန်း..."

အစိမ်းရောင် သစ်သား နှစ်ပတ်လည် ကွင်း ကျင့်စဉ်က ပဉ္စမအကြိမ်မြောက် လည်ပတ်မှုသို့ ရောက်ရှိသွားသော ခဏတွင် ဝူထုံသစ်သား နတ်ဘုရားခန္ဓာထံမှ အချိန်အရှိန်အဝါလှိုင်းတစ်ခု ဖြာထွက်လာ၏။ တစ်ချိန်တည်းမှာပင် စုယွီ၏ အသိစိတ်မှာ တုန်ခါသွားတော့၏။ မိုးခြိမ်းသံကဲ့သို့ ကျယ်လောင်သော ပေါက်ကွဲသံကြီးနှင့်အတူ သူသည် အဆုံးအစမဲ့ မဟာတာအိုများ ယှက်နွှယ်နေသော ကမ္ဘာကြီးထဲသို့ တစ်ဖန် ပြန်လည် သက်ဆင်း

သွားပြန်သည်။

ဤတစ်ကြိမ်တွင် စုယွီ အရှင်းလင်းဆုံး တွေ့မြင်ရသော တာအိုမှာ ဓာတ်ကြီး ငါးပါး တာအိုလမ်းစဉ် မဟုတ်သလို ဟင်းလင်းပြင် တာအိုလည်း မဟုတ်ပေ။

ထိုအစား အစိမ်းရောင် သစ်သား နှစ်ပတ်လည် ကွင်း ကျင့်စဉ်၏ သီးသန့် အချိန် တာအိုလမ်းစဉ်သာ ဖြစ်နေလေ၏။

စုယွီသည် အချိန် တာအိုလမ်းစဉ်၏ စွမ်းအားအရှိန်အဝါများဖြင့် လွှမ်းခြုံခံလိုက်ရပြီး သူ၏ အသိစိတ်ကို ဤတာအိုကမ္ဘာကြီး အတွင်း၌ ခိုင်မာစွာ ရပ်တည်နိုင်စေတော့သည်။

ရှေ့တွင် အချိန် တာအိုလမ်းစဉ်၏ မြစ်အလျားကြီးကို သူ မြင်တွေ့လိုက်ရ၏။ ထိုမြစ်ကြီး၏ အဆုံးတွင်ကား သက်ရှိခပ်သိမ်းကို ထိတ်လန့်တုန်လှုပ်သွားစေမည့် ကြောက်မက်ဖွယ်ရာ အချိန်မြစ်ကြီး ရှိနေလေသည်။

စုယွီ၏ မျက်လုံးများ အရောင်လက်သွားပြီး တုံ့ဆိုင်းခြင်း အလျဉ်းမရှိဘဲ သူ၏ ဝိညာဉ်နှင့် အသိစိတ်တို့က ရှေ့ရှိ အချိန် တာအို မြစ်ကြီးဆီသို့ ပြေးဝင်သွားတော့၏။

"ဘုန်း..."

အချိန်များက လျှပ်တစ်ပြက်အတွင်း ကုန်ဆုံးသွားလေသည်။

စုယွီ၏ အသိစိတ်မှာ မရေမတွက်နိုင်သော ကပ်ကမ္ဘာများစွာတိုင်အောင် ဖြူရော်ရော် လေဟာနယ်ကြီးထဲတွင် မျောပါနေရသည့်နှယ် ခံစားလိုက်ရသည်။ စိတ်အာရုံများ ဗလာကျင်းသွားကာ မိမိကိုယ်မိမိ မည်သူမည်ဝါဖြစ်ကြောင်းနှင့် ဘာလုပ်နေကြောင်းကိုပင် မေ့လျော့သွားတော့သည်။

သူ၏ စိတ်အာရုံထဲတွင် ပုံရိပ်များ တဖန် ပြန်လည် ပေါ်ပေါက်လာသောအခါ အသိစိတ်က ဖြည်းညင်းစွာ ပြန်လည် နိုးကြားလာတော့၏။ စိတ်ဝိညာဉ်က ခန္ဓာတွင်းသို့ ပြန်လည်ဝင်ရောက်လာပြီး စုယွီ၏ မူလအသိစိတ်မှာ သတိပြန်လည်လာလေသည်။

ပတ်ဝန်းကျင်ရှိ အချိန်ကာလ ပြောင်းလဲမှုများကို ခံစားလိုက်ရသောအခါ စုယွီ၏ မျက်နှာမှာ အနည်းငယ် ပြောင်းလဲသွားတော့သည်။ သူ၏ အသိစိတ်က အချိန် မဟာတာအို၏ အမှတ်အသားကို စုစည်းရန် ရည်ရွယ်ချက်ဖြင့် အချိန် တာအိုလမ်းစဉ်ကို ရိုက်ခတ်လိုက်သော အချိန်မှစ၍ ယခုအထိ အတိအကျဆိုပါက (၈) နှစ်တိုင်တိုင် ကုန်ဆုံးသွားခဲ့လေပြီ။

သို့သော်လည်း... စိတ်အာရုံ အနည်းငယ် လှုပ်ရှားလိုက်သောအခါ အချိန် မဟာတာအို၏ ကြီးမားခမ်းနားလှသော အရှိန်အဝါက သူ၏ပတ်လည်တွင် ကျဆင်းလာတော့သည်။

စုယွီ၏ ပတ်ဝန်းကျင်ရှိ ဟင်းလင်းပြင်နှင့် အချိန်တို့က ရုတ်ချည်းပင် လိမ်ကောက်သွားသည့်နှယ် ဖြစ်သွားပြီး မတူညီသော အချိန်စီးဆင်းမှုများရှိသည့် ဟင်းလင်းပြင်တစ်ခုကို ဖန်တီးလိုက်သည်။ သူ၏ အသိစိတ်က အချိန် တာအို မြစ်အလျားကြီး၏ တည်ရှိမှုကို အမှန်တကယ် ခံစားသိရှိနိုင်စွမ်း ရှိနေပြီပင်။

မြစ်ကြီး၏ ရေတိမ်ပိုင်းတွင် တည်ရှိနေသော တာအိုအမှတ်အသား တစ်ခုက သူ့အပေါ်သို့ ခိုင်မာစွာ ရိုက်နှိပ်ခံလိုက်ရ၏။ ဓာတ်ကြီး ငါးပါး တာအိုလမ်းစဉ်အပြင် နတ်ဘုရားခန္ဓာ၏ အခြေခံအုတ်မြစ် အကူအညီဖြင့် စုယွီသည် အချိန် တာအိုလမ်းစဉ်၏ အမှတ်အသား တစ်ခုကိုပါ ကျင့်ကြံနိုင်ခဲ့လေပြီ။

အချိန် တာအိုလမ်းစဉ်၏ အခြေခံအုတ်မြစ်က မနက်ရှိုင်းသေးသလို အချိန် တာအိုလမ်းစဉ်၏ အမှတ်အသားမှာလည်း အပေါ်ယံ အကျဆုံးသော အခြေခံအဆင့် အမှတ်အသားသာ ဖြစ်နေသေးသော်လည်း သူ့ပတ်လည်တွင် ဝန်းရံနေသော အချိန်အရှိန်အဝါ၏ တည်ရှိမှုကို စုယွီ ခံစားနေရ၏။

ယခင် အချိန် တာအိုနယ်မြေ၏ စွမ်းအားနှင့် လက်ရှိ အချိန် တာအိုလမ်းစဉ်၏ စွမ်းအားကြားက ကွာခြားချက်ကို အကဲခတ် သိရှိနိုင်လေသည်။

ယခင် အချိန် တာအိုနယ်မြေ၏ စွမ်းအားက ဝိညာဉ်ခွဲထွက်အဆင့် အရှင်သခင် တစ်ပါးကိုပင် မဖြစ်စလောက်သာ သက်ရောက်မှု ရှိနိုင်ခဲ့ခြင်း ဖြစ်သည်။

သို့သော် ယခုအခါ သူ ထိန်းချုပ်ထားသော အချိန် တာအို မြစ်ကြီး၏ စွမ်းအားက ဝိညာဉ်ခွဲထွက်အဆင့် အရှင်သခင် တစ်ပါးအတွက် ကြီးမားလှသော သက်တမ်းပမာဏတစ်ခုကို အချိန်တိုအတွင်း ကုန်ဆုံးသွားစေနိုင်နေလေပြီ။

ရန်သူကို သက်တမ်း ကုန်ဆုံးသွားစေရုံသာမက အချိန် တာအိုလမ်းစဉ်၏ စွမ်းအားအောက်တွင် အသက်ပါ ပျောက်ဆုံးသွားစေနိုင်စွမ်း ရှိနေပြီပင်။

၎င်းက ပကတိ ပကတိဟင်းလင်းပြင် အဆင့် တာအိုသခင်ကြီး တစ်ပါးကိုပင် သက်ရောက်မှု ရှိကောင်းရှိနိုင်ပေလိမ့်မည်။

'ပြီးတော့ ဓာတ်ကြီး ငါးပါး တာအိုလမ်းစဉ်လည်း ရှိသေးတယ်...'

ဓာတ်ကြီး ငါးပါး တာအိုလမ်းစဉ်၏ ပြောင်းလဲလာသော စွမ်းအားကို စုယွီ ဂရုတစိုက် အာရုံခံလိုက်သည်။

ထိုစွမ်းအားမှာ သူ၏ ဖြစ်တည်မှုထဲသို့ ပေါင်းစည်းဝင်ရောက်သွားသည့်နှယ် သူ၏ ကိုယ်လက်

အင်္ဂါအစိတ်အပိုင်းများပမာ အလွယ်တကူ ထိန်းချုပ် အမိန့်ပေးနိုင်စွမ်း ရှိနေလေ၏။

တာအိုနယ်မြေ တစ်ခုကို ဖွဲ့တည်ရန် မလိုအပ်တော့ဘဲ တာအိုနည်းစနစ်များ ၊ နတ်ဘုရားစွမ်းရည်များ ဖော်ဆောင်ဖို့ တာအိုစွမ်းအားများကို မိမိ၏ ဝိညာဉ်စွမ်းအားများထဲသို့ အလွယ်တကူ ပေါင်းစပ်လိုက်နိုင်ပြီတည်း။