အခန်း ၉၂၅

အခန်း (၉၂၅) - မြေကမ္ဘာအင်မော်တယ်စံအိမ်သို့ အပြန်၊ လွှမ်းမိုးနေသော သတ်ဖြတ်လိုစိတ်များ

အပျက်အစီးနယ်မြေ။

မြေကမ္ဘာအင်မော်တယ်စံအိမ်၏ ပထမ အင်မော်တယ်မြို့တော်သည် ယခုအခါ ပြိုကျပျက်စီးနေသော အပျက်အစီးပုံကြီးတစ်ခု ဖြစ်နေခဲ့ပြီ။ မြေကမ္ဘာအင်မော်တယ်စံအိမ်၏ လင်းရှန်း အင်မော်တယ်မြို့တော်နှင့် ဆက်သွယ်ထားသော နေရာရွှေ့ပြောင်း အခင်းအကျင်းပင်လျှင် အပိုင်းပိုင်းအစစ ဖျက်ဆီးခံထားရချေပြီ။

စုယွီ၏ တာအိုရုပ်သေးက ပထမဆုံး အင်မော်တယ်မြို့တော်၏ အပေါ်ယံကောင်းကင်ယံတွင် ပေါ်ထွက်လာပြီး အောက်ဘက်ရှိ အပျက်အစီးများကို ငုံ့ကြည့်လိုက်သောအခါ... သူ၏ ရင်ထဲတွင် လေးလံသော စိုးရိမ်ပူပန်မှု တစ်ရပ်က ကြီးစိုးသွားပြီး မျက်လုံးများတွင်မူ အေးစက်သော အရောင်တစ်ချက် လက်သွားတော့၏။

မြေကမ္ဘာအင်မော်တယ်စံအိမ်မှ အပျက်အစီးနယ်မြေသို့ လာရောက်နိုင်သော လူသိရှင်ကြား နေရာရွှေ့ပြောင်း အခင်းအကျင်းဟူ၍ ဤတစ်ခုတည်းသာ ရှိလေသည်။

အခြားသော အင်မော်တယ်မြို့တော်များမှ နေထိုင်သူများကလည်း အပျက်အစီးနယ်မြေသို့ အသွားအပြန် လုပ်ရန်အတွက် ဤပထမဆုံး အင်မော်တယ်မြို့တော်၏ နေရာရွှေ့ပြောင်း အခင်းအကျင်းကိုသာ အားကိုးကြရခြင်း ဖြစ်၏။

အကယ်၍ ပထမဆုံး အင်မော်တယ်မြို့တော် ပြိုကျပျက်စီးသွားပြီ ဆိုသည်မှာ အပျက်အစီးနယ်မြေအတွင်းရှိ မြေကမ္ဘာအင်မော်တယ်စံအိမ်၏ ဩဇာလွှမ်းမိုးမှု အားလုံး ပျောက်ကွယ်သွားပြီ ဖြစ်ကြောင်း အဓိပ္ပာယ်သက်ရောက်နေပေသည်။

စုယွီ၏ မျက်နှာအမူအရာ အနည်းငယ် ပျက်ယွင်းသွားတော့၏။

'ဒီတစ်ခေါက် တံခါးပိတ်ကျင့်ကြံတာ နည်းနည်းတော့ ကြာသွားပေမယ့်... နှစ်ပေါင်း တစ်ရာ့နှစ်ဆယ်နီး

ပါးလောက်ပဲ ရှိဦးမယ်... ဒီနှစ်တစ်ရာကျော်လေး အတွင်းမှာပဲ မြေကမ္ဘာအင်မော်တယ်စံအိမ်က ဒုက္ခရောက်နေပြီလား... အပျက်အစီးနယ်မြေက အင်မော်တယ်မြို့တော်တွေ အကုန်လုံး ဖျက်ဆီးခံလိုက်ရပြီလား...'

ဒီလိုဖြစ်အောင် ဘယ်သူလုပ်ခဲ့တာလဲ...

စုယွီ၏ ရင်ထဲတွင် ဒေါသအမျက်များ ဆူပွက်လာတော့သည်။ ရုတ်ချည်းပင် သူ၏ ပုံရိပ်က ယခင် ပထမဆုံး အင်မော်တယ်မြို့တော်၏ နေရာရွှေ့ပြောင်း အခင်းအကျင်း ရှိခဲ့သော နေရာတွင် ပေါ်ပေါက်လာ၏။

သူ့ထံမှ ဟင်းလင်းပြင် တာအိုစွမ်းအားများ ဖြာထွက်လာပြီး သူ၏ ကိုယ်ပိုင် ဟင်းလင်းပြင် တာအိုစွမ်းအားဖြင့် လင်းရှန်း အင်မော်တယ်မြို့တော်၏ နေရာရွှေ့ပြောင်း အခင်းအကျင်းနှင့် အတင်းအကျပ် ချိတ်ဆက်ရန် ကြိုးစားလိုက်သည်။

သို့သော်လည်း ရှာဖွေကြည့်ပြီးနောက် လင်းရှန်း အင်မော်တယ်မြို့တော်၏ နေရာရွှေ့ပြောင်း အခင်းအကျင်း၏ အရိပ်အယောင်ကိုပင် သူ မတွေ့ရချေ။

အခြားတစ်နည်း အားဖြင့်ဆိုရသော် လင်းရှန်း အင်မော်တယ်မြို့တော်ရှိ တစ်ဖက် နေရာရွှေ့ပြောင်း အခင်းအကျင်းလည်း ဖျက်ဆီးခံလိုက်ရပြီပင်။

ဒီလမ်းကြောင်းက အပြီးတိုင် ဖျက်ဆီးခံလိုက်ရပြီ...

"ဟမ့်..."

ဝှစ်...

စုယွီ၏ ပုံရိပ်က ပထမဆုံး အင်မော်တယ်မြို့တော်၏ အပျက်အစီးများကြားမှ လျှပ်တစ်ပြက်အတွင်း ပျောက်ကွယ်သွားလေသည်။ တစ်ချိန်က စီနီယာ အစ်ကိုကြီး ဟုန်ယွဲ့က သူတို့ကို မြေကမ္ဘာ အင်မော်တယ်

စံအိမ်အတွင်းရှိ လျှို့ဝှက် နေရာရွှေ့ပြောင်း အခင်းအကျင်း လမ်းကြောင်းတစ်ခုမှတစ်ဆင့် ခေါ်ဆောင်သွားခဲ့ဖူး၏။

ထိုနေရာအကြောင်းကို သိရှိသူ သိပ်မများလှချေ။

သို့သော် လျှို့ဝှက် ဂူကောင်းကင်နယ်မြေ အတွင်းရှိ ထိုလျှို့ဝှက် နေရာရွှေ့ပြောင်း အခင်းအကျင်း လမ်းကြောင်းဆီသို့ စုယွီ ရောက်ရှိသွားသောအခါ... ထိုနေရာရွှေ့ပြောင်း အခင်းအကျင်းလည်း ဖျက်ဆီးခံထားရပြန်သည်။

ယင်းကို မြင်သောအခါ စုယွီ၏ နှလုံးသားက နောက်တစ်ကြိမ် ထပ်မံ ဆွေးမြည့်သွားတော့၏။

လျှို့ဝှက် နေရာရွှေ့ပြောင်း အခင်းအကျင်းပါ ဖျက်ဆီးခံလိုက်ရပြီ...

၎င်းကို မြေကမ္ဘာအင်မော်တယ်စံအိမ်ကိုယ်တိုင်က ဖျက်ဆီးခဲ့သည်ဖြစ်စေ၊ ရန်သူက ဖျက်ဆီးခဲ့သည်ဖြစ်စေ အချက်တစ်ချက်ကိုမူ ရှင်းလင်းစွာ ညွှန်ပြနေပေသည်။

‘မြေကမ္ဘာအင်မော်တယ်စံအိမ်က အကမ်း ဆိုးရွားတဲ့ အကျပ်အတည်းထဲ ကျရောက်နေပြီ ဆိုတာပဲ...

ဒီနှစ်တစ်ရာကျော်လေး အတွင်းမှာ မြေကမ္ဘာအင်မော်တယ်စံအိမ်ကို ဘာတွေများ ဖြစ်သွားခဲ့တာလဲ…’

“ဝှစ်…”

စုယွီက မနီးမဝေးတွင်ရှိသော ယွီလုံနန်းတော်၏ ပထမဆုံး အင်မော်တယ်မြို့တော်ဆီသို့ အပြေးအလွှား သွားလိုက်၏။ သူတို့၏ နေရာရွှေ့ပြောင်း အခင်းအကျင်းကို အသုံးပြုကာ တာ့ချန် ကျင့်ကြံခြင်းကမ္ဘာသို့ ပြန်သွားရန် ရည်ရွယ်ချက်ဖြင့်ပင်။

အဆုံးအစမဲ့ စီးဆင်းနေသော ကြီးမားသည့် မြစ်ကြီးတစ်စင်း၏ ဘေးတွင် ယွီလုံနန်းတော်မှ အစွမ်းထက် မှော်အတတ်တစ်ခုဖြင့် ပေသုံးထောင်ကျော် မြင့်မားသော တောင်ကြီးတစ်လုံးကို အလယ်ဗဟိုမှ ထွင်းဖောက်ထားလေသည်။

ယင်းကို ကြီးမားခမ်းနားလှသော အင်မော်တယ်တောင်ကုန်း မြို့တော်ကြီးအဖြစ် အသွင်ပြောင်းထားခြင်း ဖြစ်၏။

အနီးရှိ ကျယ်ပြောလှသော မြစ်ကြီးအတွင်း၌လည်း ယွီလုံနန်းတော်မှ တည်ဆောက်ထားသော ရေအောက် အင်မော်တယ်မြို့တော်တစ်ခု ရှိပြီး မြေပေါ်ရှိ မြို့တော်နှင့် ချိတ်ဆက်ထားလေသည်။

၎င်းက ယွီလုံနန်းတော်၏ စီးတော်ယာဉ်ဖြစ်သော မြွေဝိညာဉ်သားရဲများကို မွေးမြူပြုစုရန် အသုံးပြုခြင်းပင်။

ယွီလုံနန်းတော်၏ ပထမဆုံး အင်မော်တယ်မြို့တော်သို့ စုယွီ တစ်ခါမျှ မရောက်ဖူးခဲ့သော်လည်း အပျက်အစီးနယ်မြေတွင် ကျင့်ကြံစဉ်က သိရှိခဲ့ရသော ယွီလုံနန်းတော်၏ အင်မော်တယ်မြို့တော် အချို့၏ အချက်အလက်များအပေါ် အခြေခံ၍ ဤနေရာကို စုယွီ ရှာဖွေတွေ့ရှိခဲ့ခြင်း ဖြစ်သည်။

ယွီလုံနန်းတော်၏ ပထမဆုံး အင်မော်တယ်မြို့တော် အပြင်ဘက်သို့ စုယွီက သူ၏ ဟင်းလင်းပြင် နတ်ဘုရားစွမ်းရည်များ ဖော်ထုတ်ကာ နေရာရွှေ့ပြောင်း ရောက်ရှိလာသောအခါ မြို့တော်အတွင်းမှ ဝိညာဉ်ခွဲထွက်အဆင့် နှောင်းပိုင်း အရှိန်အဝါ တစ်ခု ရုတ်တရက် ဖိနှိပ်လာတော့၏။

"တာအိုမိတ်ဆွေ... ယွီလုံနန်းတော်ရဲ့ အင်မော်တယ်မြို့တော်ကို အခု ပိတ်ဆို့ထားပါတယ်... ဧည့်သည်တွေကို လက်မခံတဲ့အတွက် ချက်ချင်း ထွက်သွားပေးပါ..."

ကြီးမြတ်ခမ်းနားပြီး လေးနက်သော အသံကြီးတစ်ခုက ကောင်းကင်နှင့် မြေကြီးတစ်ခွင် ပဲ့တင်ထပ်သွားလေသည်။

ယွီလုံနန်းတော်၏ ပထမဆုံး အင်မော်တယ်မြို့တော် အတွင်း၌ ထောင်နှင့်ချီသော ခန္ဓာသန့်စင်ခြင်း ကျင့်ကြံသူများ စုရုံးရောက်ရှိလာပြီး မြို့တော်အပြင်ဘက်တွင် ရုတ်တရက် ပေါ်ပေါက်လာသော စုယွီအပေါ် အာရုံစူးစိုက်လိုက်သည်နှင့်အတူ ကမ္ဘာလောကကြီး တစ်ခုလုံး ပြင်းထန်သော သတ်ဖြတ်လိုစိတ်များဖြင့် ပြည့်နှက်သွားတော့၏။ သူတို့အားလုံး၏ အကြည့်များက ရောက်ရှိလာသော ပုံရိပ်ဆီသို့ စုပြုံကျရောက်သွားသည်။

သူတို့အားလုံး၏ မျက်နှာများက အလွန်တရာ လေးနက်တည်ကြည်နေပြီး မျက်လုံးများထဲတွင် အံ့အားသင့်မှုနှင့် တုန်လှုပ်မှုများ ပြည့်နှက်နေ၏။

စုယွီ၏ တာအိုရုပ်သေး ရုတ်တရက် ရောက်ရှိလာပုံက သူတို့ကို အံ့အားသင့် ထိတ်လန့်သွားစေခဲ့သည်မှာ ထင်ရှားလှပေသည်။

သို့သော်လည်း ဤမျှော်လင့်မထားသော ဧည့်သည်ကို နှင်ထုတ်ရန် သူတို့ ပြင်ဆင်နေစဉ်မှာပင် အင်မော်တယ်မြို့တော် အပြင်ဘက်ရှိ စုယွီ၏ ပုံရိပ်က လျှပ်တစ်ပြက်အတွင်း ပျောက်ကွယ်သွားလေ၏။

ယွီလုံနန်းတော်၏ ပထမဆုံး အင်မော်တယ်မြို့တော် အတွင်းရှိ ထွင်းဖောက်ထားသော တောင်ကြီးထဲတွင်၊ အင်မော်တယ်နန်းတော်၏ အလယ်ဗဟို၌

အနက်ရောင် ဝတ်ရုံ ဆင်မြန်းထားသော အစွမ်းထက် ပုံရိပ်တစ်ခုက ဂူစံအိမ်တစ်ခုအတွင်းမှ ရိပ်ခနဲ ထွက်လာသည်။ ဤနေရာသို့ ရောက်ရှိလာကာ နောက်တစ်စက္ကန့်တွင် သူ၏ ခြေလှမ်းများ ရပ်တန့်သွားတော့၏။

သူ၏ မျက်လုံးများက ပြိုင်ဘက်ကင်း ဓားနှစ်လက်ကဲ့သို့ စူးရှ ထက်မြက်လှသည်။

သူ၏ ကြောက်မက်ဖွယ် စွမ်းအားများ ပေါက်ကွဲ ထွက်ပေါ်လာပြီး ရှေ့ရှိ ဟင်းလင်းပြင်ကို ဖိနှိပ်ကာ ရုတ်တရက် ပေါ်ပေါက်လာသော ပုံရိပ်ဆီသို့ တစ်ဟုန်ထိုး ပြေးဝင်သွားတော့၏။

"ဘုန်း..."

ဤသည်ကား မျက်တောင်တစ်ခတ်အတွင်း စုစည်းသွားသော သတ္တုဓား တာအို၏ မဟာတာအို စွမ်းအားပင်တည်း။ ကောင်းကင်ယံတွင် ဆိုင်းငံ့နေသော ဓားတစ်ထောင်ပမာ အဆုံးအစမဲ့ ဓားနယ်မြေကြီးတစ်ခုကို ဖန်တီးလိုက်လေသည်။

သူ့ရှေ့တွင် ရုတ်တရက် ပေါ်လာသော စုယွီ၏ တာအိုရုပ်သေးကို မြင်လိုက်ရသောအခါ ယွီလုံနန်းတော်မှ ဝိညာဉ်ခွဲထွက်အဆင့် နှောင်းပိုင်း အကြီးအကဲက ဒေါသတကြီး အော်ဟစ်လိုက်တော့၏။

"သောက်ရူး... သတ္တိမသေးလှပါလား..."

"ယွီလုံနန်းတော်ရဲ့ အင်မော်တယ်မြို့တော်ထဲကို ကျူးကျော်ဝင်ရောက်ရဲတယ်ပေါ့လေ..."

“ဝှစ်…”

"ဘုန်း..."

ဓားတာအို၏ လွှမ်းမိုးနိုင်စွမ်းရှိသော စွမ်းအားများက ဓားနယ်မြေ တစ်ခုအဖြစ် ဖွဲ့တည်သွား၏။ မရေမတွက်နိုင်သော မှော်ဓားများစွာက စုယွီကို အမှုန့်ကြိတ်ပစ်ရန် ရည်ရွယ်ချက်ဖြင့် တစ်ဟုန်ထိုး ပြေးဝင်သည်။

သို့သော်လည်း ဓားနယ်မြေက စုယွီအနီးသို့ ချဉ်းကပ်လာသော ခဏတွင် သတ္တုဓား တာအိုမှ ဖန်တီးထားသော ထိုရွှေရောင်ဓား ထောင်ပေါင်းများစွာမှာ မျက်မြင်မရသော ဟင်းလင်းပြင် လှိုင်းဂယက်စက်ကွင်း တစ်ခုထဲသို့ ဝင်ရောက်သွားသည့်နှယ် ဖြစ်သွား၏။

ဟင်းလင်းပြင် စွမ်းအား၏ လမ်းကြောင်းပြောင်းမှုကြောင့် ဓားများက စုယွီ၏ ဘေးတစ်ဖက်တစ်ချက်စီမှ အန္တရာယ်ကင်းစွာ ဖြတ်သန်းသွားကြလေသည်။

စုယွီ၏ ဆံချည် တစ်ပင်မျှပင် လှုပ်ရှားမသွားခဲ့ချေ။

မဟာတာအို၏ ဖိအားများ ကျော်လွန်သွားပြီးနောက် ယွီလုံနန်းတော်မှ အကြီးအကဲက ထပ်မံ မတိုက်ခိုက်တော့ဘဲ သူ၏ မျက်လုံးများထဲတွင် အံ့အားသင့်မှုနှင့် မယုံကြည်နိုင်မှုများ ပြည့်နှက်နေတော့၏။

သူ့ကိုယ်ပိုင် ဝိညာဉ်ခွဲထွက် မဟာတာအို စွမ်းအားက တစ်ဖက်လူ၏ အမွေးတစ်ပင်ကိုတောင် မထိခိုက်စေနိုင်ခဲ့ဘူးလား...။

ဒီလူက...။

'ဟင်းလင်းပြင် တာအိုရဲ့ စွမ်းအားပဲ... ဒါ... တကယ်ပဲ ဒီလောက်ထိ ကြောက်စရာ ကောင်းနေတာလား...'

အကြီးအကဲက အနည်းငယ် မယုံကြည်နိုင်ဖြစ်နေပြီး သတိထားမှုနှင့် လေးနက်မှုတို့ ရောယှက်နေသော အကြည့်ဖြင့် စုယွီကို ကြည့်လိုက်သည်။

စုယွီက ထိုလူကို အေးဆေးတည်ငြိမ်စွာ ကြည့်ကာ နှုတ်ဆက်လိုက်၏။

"မြေကမ္ဘာအင်မော်တယ်စံအိမ် အကြီးအကဲက ... ယွီလုံနန်းတော်က တာအိုမိတ်ဆွေကို နှုတ်ခွန်းဆက်သပါတယ်..."

စုယွီ၏ စကားကို ကြားသောအခါ ယွီလုံနန်းတော်မှ အကြီးအကဲက ရုတ်တရက် တစ်စုံတစ်ခုကို သတိရသွားပြီး အံ့အားသင့်စွာ ရေရွတ်လိုက်လေသည်။

"မင်း... မင်းက ဟင်းလင်းပြင် တာအိုရဲ့ စွမ်းအားကို နားလည်ထားတယ်လို့ သတင်းကြီးနေတဲ့... မြေကမ္ဘာအင်မော်တယ်စံအိမ်က ပါရမီရှင်လေးများလား…”