အခန်း ၁၀၁၀

အခန်း (၁၀၁၀) - ပုကျိုး တောင် ၏ အမွေအနှစ်

အကြောင်းမူကား ထို မျက်စိတစ်မှိတ် အတွင်းမှာပင်... သူတို့ နှစ်ဦး အကြား တွင် အချိန် ၏ စီးဆင်းမှု မှာ ရုတ်တရက် ပြောင်းလဲသွားခဲ့သောကြောင့် ပင်။

သူတော်စင် ဘိုးဘေးကြီး ၏ လက်သီး များ အရှိန် မြင့်တက်သွားသည် နှင့်အမျှ... တောင်ဘိုးဘေးကြီး ၏ အရှိန် မှာ နှေးကွေးသွားခဲ့ရသည်။ ဤ တိုးတက်မှု နှင့် ဆုတ်ယုတ်မှု အကြား တွင်... သူ၏ မူလ ကာကွယ်ရေး အစီအစဉ် များမှာ သဘာဝကျစွာ ပင် တောင့်ခံ နိုင်စွမ်း မရှိတော့ပေ။

သူတော်စင် ဘိုးဘေးကြီး သည် အချိန် နိယာမ စည်းမျဉ်း ၏ စွမ်းအား အချို့ ကို အမှန်တကယ် ပင် ပိုင်ဆိုင် ထားကြောင်း တောင်ဘိုးဘေးကြီး ချက်ချင်း နားလည် သဘောပေါက်လိုက်တော့၏။

ဤ အရာများ အားလုံး ကို စဉ်းစား တွက်ချက်ပြီးနောက်... တောင်ဘိုးဘေးကြီး ၏ မျက်လုံးများ နောက်တစ်ကြိမ် အရောင်လက်

သွားပြန်သည်။

မိမိ စစ်မြေပြင်နယ်မြေ အတွင်းသို့ ဘာအတွက် ဝင်ရောက် တိုက်ခိုက်ခဲ့ရသလဲ။ အကြောင်းရင်း ကို သူ လုံးဝ မမေ့လျော့ သေးချေ။ သူ သည် တောင်ဘိုးဘေးကြီး ၏ ရှေးဟောင်း လမ်းစဉ် သူတော်စင် ပန်းချီကား အတွက် သီးသန့် ရောက်ရှိလာခြင်းသာ။

ထို အရာ က... ဤ ရှေးဟောင်း လမ်းစဉ် သူတော်စင် ပန်းချီကား တွင် ရွှေရောင် အင်မော်တယ် အဖြစ်သို့ တက်လှမ်း နိုင်မည့် စွမ်းအား များ ပါဝင် နေကြောင်း နှင့် သူ ရယူ ပိုင်ဆိုင် ရန် ကံကြမ္မာ ပါလာသော အရာ ဖြစ်ကြောင်း သူ့ကို ပြောပြခဲ့သည်လေ။

မမျှော်လင့် ဘဲ... သူတော်စင် ဘိုးဘေးကြီး သည် တိုက်ပွဲ စတင် သည် နှင့် တစ်ပြိုင်နက် သူ၏ စွမ်းအားများကို အပြည့်အဝ ဖော်ထုတ်လာသည်။

ရှေးဟောင်း လမ်းစဉ် သူတော်စင် ပန်းချီကား တွင် ဤကဲ့သို့သော စွမ်းအား များ ပါဝင် နေခြင်းအပြင်... သူတို့ ကဲ့သို့သော ကမ္ဘာ့ အရှင်သခင် ကျင့်ကြံသူများကို အချိန် နိယာမ စည်းမျဉ်းများကို ဖော်ထုတ် နိုင်စေမည့် အခြား မည်သည့် အရာ မျိုး ရှိနိုင်ဦးမည်နည်း။

တောင်ဘိုးဘေးကြီး လုံးဝ (လုံးဝ) နားမလည် နိုင်အောင် ဖြစ်နေရသည်။

သို့သော်ငြားလည်း... သူ သည် သတင်း အချက်အလက်များကို ပိုမို သေချာစွာ စုံစမ်း ထောက်လှမ်း ရန် လိုအပ်နေ၏။

ထို့ကြောင့်... တောင်ဘိုးဘေးကြီး သည် သူ၏ ရင်ဘတ် ဒဏ်ရာ မှ ပြန်လည် နာလန်ထူလာသည် နှင့် တစ်ပြိုင်နက်၊ သူတော်စင် ဘိုးဘေးကြီး အပေါ်သို့ မထင်မှတ် ထားသော တိုက်ကွက် စတင်၏။

"တောင်တန်း တစ်ထောင် နဲ့ မိုးထိအောင် မြင့်မားတဲ့ တောင်ထွတ် တွေ"

တောင်ဘိုးဘေးကြီး က ဟိန်းဟောက်လိုက်ပြီး... မြား တစ်စင်း အလား တဟုန်ထိုး ပြေးထွက်သွားတော့သည်။

ကမ္ဘာမြေ ကြီး တစ်ခုလုံး တုန်ခါသွားပြီး... အဆုံးအစ မရှိသော စွမ်းအား များက သူ၏ နောက်ကွယ် တွင် စုစည်းလာကြ၏။

မှိုင်းရီသော အလင်းရောင် အောက်တွင်... တောင်ဘိုးဘေးကြီး သည် တောင်နှင့် ပင်လယ် ကမ္ဘာ တစ်ခုလုံး ၏ တောင်စောင့် နတ်ဘုရား ပုံရိပ်များကို ယူဆောင်လာသည့်နှယ်။ ကျယ်ပြောပြီး မိုးထိအောင် မြင့်မားလှသော တောင်တန်းကြီးများ ၏ ပုံရိပ်ယောင် တစ်ခု သူ၏ နောက်ကွယ် တွင် ပေါ်ထွက်လာသည်ကို လူတိုင်း မြင်တွေ့လိုက်ကြရသည်။

တောင် အရိပ် ကြီး ပေါ်ထွက်လာသည် နှင့် တစ်ပြိုင်နက်... ၎င်း သည် တောင်ဘိုးဘေးကြီး ၏ ခန္ဓာကိုယ် အတွင်းသို့ ချက်ချင်း ပေါင်းစပ် ဝင်ရောက်သွားတော့၏။

တောင်ဘိုးဘေးကြီး ၏ ခန္ဓာကိုယ် မှာ နောက်တစ်ကြိမ် ထပ်မံ ကြီးမားလာပြီး... ဆယ့်ခြောက်ပေ ခန့် မြင့်မားသော ဧရာမ လူ့ဘီလူး တစ်ကောင် အဖြစ်သို့ အသွင်ပြောင်းသွား၏။ သူ၏ ခန္ဓာကိုယ် အစိတ်အပိုင်း တစ်ခုစီ တိုင်း မှာ... ကြီးမြတ်သော ပန်းပုဆရာက ထွင်းထု ထားသော ကျောက်ဆစ် ရုပ်တု ကြီး တစ်ခု အလား အလွန်တရာပြီးပြည့်စုံ နေပြီး ပေါက်ကွဲ ထွက်ပေါ်လာမည့် အလား ကြီးထွားလာသော စွမ်းအား များဖြင့် ပြည့်နှက် နေတော့၏။

တောင်ဘိုးဘေးကြီး သည် သူတော်စင် ဘိုးဘေးကြီး ဆီသို့ ခြေလှမ်း ကျဲကြီး များဖြင့် လျှောက်လှမ်းသွားတော့သည်။

ယခုအခါ ပိုမို အစွမ်းထက်လာသော တောင်ဘိုးဘေးကြီး ကို ရင်ဆိုင် ရချိန် တွင်... သူတော်စင် ဘိုးဘေးကြီး သည် အနည်းငယ်မျှ ပင် မတုန်လှုပ် ခဲ့ဘဲ စကား တစ်ခွန်း တည်း ကိုသာ ရေရွတ်လိုက်၏။

"ပညာရှိ တဲ့ သူ တွေ က ရေ ကို သဘောကျပြီး မေတ္တာ တရား ရှိတဲ့ သူ တွေ က တောင် တွေကို သဘောကျ ကြတယ်"

ဧရာမ လူသား ဓမ္မ ပုံရိပ်ယောင်ကြီး တစ်ခု သူ၏ ခန္ဓာကိုယ် ထဲမှ ‌ထွက်ပေါ်လာသည်။

တာအို ဓမ္မ ပုံရိပ်ကြီး ပေါ်ထွက်လာသည် နှင့် တစ်ပြိုင်နက်... အမျိုးမျိုးသော စည်းမျဉ်းများ အားလုံး သည် အလိုအလျောက် စုရုံးလာကြ၏။ ထို့နောက် အမျိုးမျိုးသော စည်းမျဉ်းများက သူတော်စင် တာအို ကို မွေးဖွား ပေးလိုက်ကာ... ဖျက်ဆီး၍ မရနိုင်သော ထာဝရ ဓမ္မ ခန္ဓာကိုယ် ကြီး တစ်ခု အလား ဖြစ်သွားတော့သည်။

ထို ဓမ္မ ခန္ဓာကိုယ် ကြီး မှာ... တောင်ဘိုးဘေးကြီး ၏ ဆယ့်ခြောက်ပေ ခန့် မြင့်မားသော ခန္ဓာကိုယ် ထက် များစွာ ပိုမို ကြီးမား လွန်းလှသည်။

ဓမ္မ ခန္ဓာကိုယ် ကြီး ၏ ဧရာမ ခြေဖဝါး ကြီး က အလွန် လျင်မြန်စွာ ဆန့်ထွက်လာပြီး... တောင်ဘိုးဘေးကြီး က ဆန့်ထုတ်လိုက်သော ခြေဖဝါး နှင့် မျက်စိတစ်မှိတ် အတွင်း အပြင်းအထန် ဝင်တိုက် မိသွားတော့၏။

ဤ ထိတိုက်မှု ၏ အားလှိုင်းမှာ... ယခင် က ဖြစ်ပေါ် ခဲ့သော စည်းမျဉ်း မုန်တိုင်း ထက်ပင် အဆပေါင်းများစွာ ပိုမို ကြောက်မက်ဖွယ် ကောင်းလွန်း လှသည်။

သူတို့ ဝင်တိုက် မိသည့် နေရာ တွင် ဟင်းလင်းပြင် ကိုယ်တိုင် ပင်လျှင် ပျောက်ကွယ်သွားသလို ရှိ၏။

သူတို့ အကြား တွင် အပိုင်းပိုင်း အစစ ပျက်စီး နေကာ အဆုံးအစ မရှိ နက်ရှိုင်းသော အမည်းရောင် ဟင်းလင်းပြင် အက်ကွဲကြောင်းကြီး တစ်ခု ကို ဖန်တီးလိုက်တော့၏။

ဝိညာဉ်ကမ္ဘာကြီး နှစ်ခု ၏ ပေါင်းစပ် ဆန္ဒတော် များဖြင့် ဖန်တီး ထားသော စစ်မြေပြင်နယ်မြေ တစ်ခု ဖြစ်သော်ငြားလည်း... သူတို့ နှစ်ဦး ၏ တိုက်ခိုက်မှု များကြောင့် အလွန်တရာ ဆိုးရွားစွာ ပျက်စီးသွားခဲ့ရလေပြီ။

ကျယ်ပြန့်သော ကမ္ဘာ့ဆန္ဒတော် နှင့် တောင်နှင့် ပင်လယ် ကမ္ဘာ့ဆန္ဒတော် တို့ သည်လည်း ရောက်ရှိ နေကြပြီ ဖြစ်ပြီး... စစ်မြေပြင်နယ်မြေ ကို အဆက်မပြတ် ပြန်လည် ပြုပြင် မွမ်းမံရန် အတွက်၊ သူတို့ ၏ ကိုယ်ပိုင် စွမ်းအားများကို ချက်ချင်း စတင် ဖော်ထုတ် နေကြရတော့၏။

သို့သော်ငြား... ကမ္ဘာ့ဆန္ဒတော် နှစ်ပါး ယခုလေးတင် မှ ပြုပြင်ပြီးစီးသွားသော ဟင်းလင်းပြင် မှာ၊ ထို နှစ်ဦး နောက်တစ်ကြိမ် ထပ်မံ လှုပ်ရှားလိုက်သည် နှင့် တစ်ပြိုင်နက် နောက်တစ်ခါ ထပ်မံ ပြိုကျ ပျက်စီးသွားပြန်သည်။

လူတိုင်း ၏ စောင့်ကြည့် မှု အောက်တွင်... သူတော်စင် ဘိုးဘေးကြီး ၏ ဓမ္မ ပုံရိပ်ယောင် နှင့် တောင်ဘိုးဘေးကြီး ၏ မိုးထိအောင် မြင့်မားလှသော ဧရာမ ပုံရိပ်ကြီးတို့ အကြိတ်အနယ် တိုက်ခိုက် နေကြတော့၏။

သူတို့ ၏ အရွယ်အစား များမှာ ကွဲပြား ခြားနား နေသော်ငြားလည်း... အံ့ဩဖွယ် ကောင်းလောက်အောင် ပင် သူတို့ ဖော်ထုတ် နေသော စွမ်းအား များမှာ တဖြည်းဖြည်း နှင့် ဆင်တူလာတော့သည်။

နင်ချီ လုံးဝ အာရုံစိုက် နေပြီး... သူတို့ နှစ်ဦးစလုံး ၏ လှုပ်ရှားမှု တိုင်း ကို မျက်ခြေမပြတ် စောင့်ကြည့် နေခဲ့၏။

သူတို့ ၏ တိုက်ပွဲ များမှာ ရိုးရှင်း သည်ဟု ထင်ရသော်ငြားလည်း... လှုပ်ရှားမှု နှင့် ငြိမ်သက်မှု တစ်ခုစီ တိုင်း တွင် အမျိုးမျိုးသော နတ်ဘုရား မှော်စွမ်းရည် များ ပါဝင် ကိန်းအောင်း နေလေသည်။ သို့သော် ပရိသတ်အား ထုတ်ဖော် ပြသ နေသည် မှာမူ... မူလ အခြေခံ သို့ ပြန်လည် ရောက်ရှိသွားသော မူရင်း ၏ ရိုးရှင်းသော ပုံစံ တစ်ခု သာလျှင် ဖြစ်၏။

နင်ချီက ရိုးရှင်းမှု ၏ အတွင်းဘက် ၌ ရှိနေသော အစစ်အမှန် အဓိပ္ပာယ်များကို ရှင်းလင်းစွာ မြင်တွေ့ နိုင်စွမ်း ရှိသည်။

သူတော်စင် ဘိုးဘေးကြီး နှင့် တောင်ဘိုးဘေးကြီး တို့ ၏ တိုက်ခိုက်မှု တစ်ခုစီ တိုင်း က... စစ်မြေပြင်နယ်မြေ အတွင်းရှိ ဝိညာဉ်ချီ ၏ စည်းမျဉ်းများ အားလုံး ကို မလွဲမသွေ လှုံ့ဆော် ပေးလိမ့်မည် ဖြစ်ပြီး ပိုမို နက်ရှိုင်းသော နေရာ တွင် ရှိနေသော ဝိညာဉ်ကမ္ဘာကြီး နှစ်ခု ၏ ပေါင်းစပ် စွမ်းအားများကိုပါ လှုံ့ဆော် ပေးနိုင်ခြေ ရှိ၏။

ရိုးရှင်း သည်ဟု ထင်ရသော်ငြားလည်း... ၎င်း သည် သူတို့ နှစ်ဦး လောလောဆယ် စုစည်း ထုတ်လွှတ် နိုင်သော အကြီးမားဆုံးသော စွမ်းအားများကို ကိုယ်စားပြု နေသည်။

ဝိညာဉ်ကမ္ဘာကြီး နှစ်ခု၏ ကမ္ဘာ့ဆန္ဒတော်များ ပင်လျှင် အချိန်မီ မပြုပြင် နိုင်လောက်အောင် ဟင်းလင်းပြင်မှာ ပျက်စီးနေရသည်။

၎င်းအား ကြည့်ရင်း... အကယ်၍ သူတို့ နှစ်ဦး သာ ဤအတိုင်း ဆက်လက် တိုက်ခိုက်နေကြမည် ဆိုပါက စစ်မြေပြင်နယ်မြေ ကြီး မှာ နောက်ဆုံး တွင် လုံးဝဥသုံ ပြိုကျ ပျက်စီးသွားလေမည်လား။

နင်ချီ ဤသို့ တွေးတော နေစဉ် မှာပင်... ရုတ်တရက်၊ သူတော်စင် ဘိုးဘေးကြီး ၏ ဓမ္မ ပုံရိပ်ယောင် မှာ ရွှေရောင် အလင်းတန်း များဖြင့် တလက်လက် တောက်ပလာတော့သည်။