အခန်း ၁၀၁၁

အခန်း (၁၀၁၁) - ပုကျိုး တောင် ၏ အမွေအနှစ်

ချက်ချင်း ဆိုသလိုပင်... သူတို့ နှစ်ဦး ၏ နောက်ဆက်တွဲ ခြေကန်ချက် ဝင်တိုက် မိမှု မှာ သရေ ရလဒ် ဖြင့် အဆုံးမသတ် တော့။ ထိုအစား တောင်ဘိုးဘေးကြီး မှာ နောက်သို့ တဟုန်ထိုး လွင့်စင်သွားတော့၏။

"ဝုန်း..."

မာကျောသော ကျောက်တုံးကြီး တစ်တုံး က ဟင်းလင်းပြင် နေရာလွတ် ကို ဖြတ်သန်းသွားသလို... တောင်ဘိုးဘေးကြီး သည် အရှိန်သတ်နိုင်ရန် အတွက်၊ သူ၏ မှော် စွမ်းအား များ အားလုံး ကို ဖော်ထုတ်လိုက်ရ၏။ သူသည် ကောင်းကင်ယံ အမြင့် တွင် လွင့်မျော နေတော့သည်။

ဤ တစ်ကြိမ် တွင်မူ... သူ၏ နှုတ်ခမ်း ထောင့်မှ သွေးများ စီးကျလာခဲ့လေပြီ။

ပို၍ အရေးကြီးသော အချက်မှာ... ယခင် က သူ နှင့် ပေါင်းစပ်ထားခဲ့သော မိုးထိအောင် မြင့်မားလှသည့် တောင်တန်းကြီးများ ၏ ပုံရိပ်ယောင် များမှာ သူ၏ ခန္ဓာကိုယ် ထဲမှ ရုတ်တရက် ပျံထွက်သွား၏။ သူ၏ နောက်ကွယ် တွင် လုံးဝ ပျောက်ကွယ်သွားလေတော့၏။

တောင်ဘိုးဘေးကြီး က သူ၏ နောက်ကျော ကို တစ်ချက် အကြည့်ပို့လိုက်ပြီးနောက်... လက်ကို မြှောက်ကာ လက်ခုံဖြင့် နှုတ်ခမ်း ထောင့်မှ သွေးများကို သုတ်ဖယ်လိုက်သည်။

"ဟီးဟီး... ဟားဟားဟား..."

သူတော်စင် ဘိုးဘေးကြီး ၏ တိုက်ခိုက်မှု ကြောင့် သူ နောက်တစ်ကြိမ် ရှုံးနိမ့်ခဲ့ရသော်ငြားလည်း... သူ က ကျယ်လောင်စွာ အားရပါးရ ရယ်မောလိုက်လေ၏။

"ငါ ဒဏ်ရာ မရခဲ့တာ တော်တော် ကြာနေပြီပဲ... အဲဒီ ခံစားချက် က ဘယ်လိုမျိုးလဲ ဆိုတာကိုတောင် ငါ မေ့လုနီးပါး ဖြစ်နေပြီ။ ငါ့ကို ပြန်ပြီး သတိရအောင် လုပ်ပေးတဲ့ အတွက် ကျေးဇူးတင်ပါတယ်"

တောင်ဘိုးဘေးကြီး က အောက်ဘက် ရှိ သူတော်စင် ဘိုးဘေးကြီး ၏ ပုံရိပ်ယောင် ကို ငုံ့ကြည့်လိုက်ရာ... မျက်လုံးများက သိမ်းငှက် တစ်ကောင် အလား ထက်ရှ စူးရှ နေပြီး သားကောင် ကို ချိန်ရွယ်သည့်နှယ်ပင်။

သူတော်စင် ဘိုးဘေးကြီး သည် တောင်ဘိုးဘေးကြီး၏ မျက်လုံးများ ထဲက အကြည့် ကို မြင်လိုက်ရသော အခါ... အနည်းငယ် မလုံမခြုံ ဖြစ်သွားသလို ခံစားလိုက်ရသည်။

ဝိညာဉ်နယ်မြေ စစ်ပွဲ ကြီး မစတင် ခင် ကတည်းက ပင်... သူ သည် အရာအားလုံး ကို ကြိုတင် အကွက်ချ စီစဉ် ရန် အတွက် ဟောကိန်းများ ထုတ်ထား၏။

တောင်နှင့် ပင်လယ် ကမ္ဘာ ရှိ ဘိုးဘေးကြီးများ၏ အခြေအနေ ကို အရင်ဆုံး တွက်ချက် ခဲ့၏။

တွက်ချက်မှု များ အရ... တောင်ဘိုးဘေးကြီး နှင့် ပင်လယ်ဘိုးဘေးကြီး တို့ အချင်းချင်း သဘောထား ကွဲလွဲ နေကြပြီး ရန်သူ တွေ အဖြစ် သတ်မှတ် လောက်သည့် အထိ ဖြစ်နေကြောင်း လက်ရှိ အခြေအနေ ကို ဖော်ထုတ် နိုင်ခဲ့၏။

သူတော်စင် ဘိုးဘေးကြီး သည် တောင်နှင့် ပင်လယ် ကမ္ဘာ ၏ အတွင်းရေး အခြေအနေများကို တွက်ချက်ခဲ့၏။ ထို့ကြောင့် ကျယ်ပြန့်သော ကမ္ဘာ အား တောင်နှင့် ပင်လယ် ကမ္ဘာ ၏ ဝိညာဉ်နယ်မြေ များ၏ တိုက်ခိုက်မှုများကို တန်ပြန် ရန် အတွက် မဟာဗျူဟာမြောက် လှည့်ကွက်များကို ဖော်ထုတ် ရာတွင် နာမည်ကြီးသော "ထျန်းကျီ မြင်းပြိုင်ပွဲ" နည်းလမ်း ကို ဖော်ထုတ် စေရန် မဟာဗျူဟာ တစ်ရပ် ရေးဆွဲခဲ့ရ၏။

ယုတ္တိဗေဒ အရ တွေးကြည့်မည် ဆိုလျှင်... သူ၏ တွက်ချက်မှု များ အပေါ် အခြေခံ ၍၊ ကျယ်ပြန့်သော ကမ္ဘာ က အနိုင် ရရှိခဲ့သင့်သည် ပင်။

သို့သော်... နင်ချီ ဟူသော ထူးခြားသည့် သတ္တဝါ တစ်ကောင် ရုတ်တရက် ပေါ်ထွက်လာခဲ့ပြီး သူ ကြိုတင် အကွက်ချ စီစဉ် ထားခဲ့သမျှ အရာအားလုံး ကို လုံးလုံးလျားလျား နှောင့်ယှက် ဖျက်ဆီး ပစ်လိုက်ကာ... အမှားအယွင်းများ ဆက်တိုက် ဖြစ်ပေါ်လာစေသည်။

[ဒီစာပိုဒ်ထဲက "ထျန်းကျီ မြင်းပြိုင်ပွဲ"

(田忌赛马 - Tián Jì sài mǎ) ဆိုတာ တရုတ်သမိုင်းနဲ့ စစ်ဗျူဟာလောကမှာ အလွန်ကျော်ကြားတဲ့ စကားပုံ/ပုံပြင် တစ်ခု ဖြစ်ပါတယ်။

🐎 "ထျန်းကျီ မြင်းပြိုင်ပွဲ" ပုံပြင်

တရုတ်ပြည်ရဲ့ စစ်ပြိုင်ခေတ် တုန်းက ချီနိုင်ငံ မှာ "ထျန်းကျီ" ဆိုတဲ့ စစ်သူကြီး တစ်ယောက် ရှိခဲ့တယ်။ သူက မင်းညီမင်းသားတွေနဲ့ မြင်းပြိုင်ပွဲ လောင်းကြေးထပ် ကစားရတာကို ဝါသနာပါသတဲ့။

အဲဒီခေတ်က မြင်းပြိုင်ပွဲတွေမှာ မြင်းတွေကို အဆင့် (၃) ဆင့် ခွဲခြားပြီး ပြိုင်ကြတယ်..

၁။ အဆင့်မြင့်မြင်း

၂။ အဆင့်လတ်မြင်း

၃။ အဆင့်နိမ့်မြင်း

ပြိုင်ပွဲစည်းကမ်းကတော့ အဆင့်တူမြင်းချင်း (၃) ပွဲ ပြိုင်ရပြီး (၂) ပွဲနိုင်တဲ့သူက အနိုင်ရတာပေါ့။ ဒါပေမဲ့ ထျန်းကျီရဲ့ မြင်းတွေက တစ်ဖက်မင်းသားတွေရဲ့ မြင်းတွေကို အဆင့်ချင်းယှဉ်ရင် အမြဲတမ်း အနည်းငယ် လျော့နည်းနေတတ်လို့ ထျန်းကျီဟာ အမြဲတမ်း ရှုံးနိမ့်ပြီး လောင်းကြေးတွေ ကုန်နေခဲ့တယ်။

အဲဒီအချိန်မှာ ထျန်းကျီရဲ့ အိမ်တော်မှာ ခိုလှုံနေတဲ့ နာမည်ကြီး စစ်ဗျူဟာပညာရှင် "စွန်းပင်း" (နာမည်ကျော် စွန်းဝုရဲ့ မြေး) က မြင်းပြိုင်ပွဲကို စောင့်ကြည့်ပြီး ထျန်းကျီကို ဗျူဟာတစ်ခု ပေးခဲ့ပါတယ်။

"စစ်သူကြီး... နောက်တစ်ခါ ပြိုင်ရင် မင်းသားရဲ့ အဆင့်မြင့်မြင်းနဲ့ ပြိုင်ဖို့ ခင်ဗျားရဲ့ 'အဆင့်နိမ့်မြင်း' ကို အရင်ထုတ်လိုက်ပါ။ပြီးရင် မင်းသားရဲ့ အဆင့်လတ်မြင်းနဲ့ ပြိုင်ဖို့ ခင်ဗျားရဲ့ 'အဆင့်မြင့်မြင်း' ကို ထုတ်၊ နောက်ဆုံး မင်းသားရဲ့ အဆင့်နိမ့်မြင်းနဲ့ ပြိုင်ဖို့ မင်းရဲ့ 'အဆင့်လတ်မြင်း' ကို ထုတ်ပြီး ယှဉ်ပြိုင်ပါ" လို့ လမ်းညွှန်ခဲ့တယ်။

ထျန်းကျီလည်း အဲဒီအတိုင်း ပြိုင်ပွဲမှာ နေရာပြောင်းပြီး ထုတ်လိုက်တဲ့အခါ..

* ပထမပွဲ: ထျန်းကျီရဲ့ (အဆင့်နိမ့်မြင်း) vs မင်းသားရဲ့ (အဆင့်မြင့်မြင်း) ➡️ ရှုံးသည်။ (၀ - ၁)

* ဒုတိယပွဲ: ထျန်းကျီရဲ့ (အဆင့်မြင့်မြင်း) vs မင်းသားရဲ့ (အဆင့်လတ်မြင်း) ➡️ နိုင်သည် (၁ - ၁)

* တတိယပွဲ: ထျန်းကျီရဲ့ (အဆင့်လတ်မြင်း) vs မင်းသားရဲ့ (အဆင့်နိမ့်မြင်း) ➡️ နိုင်သည် (၂ - ၁)

ရလဒ်အနေနဲ့ ပထမပွဲမှာ အပြတ်အသတ် ရှုံးပေးလိုက်ရပေမယ့် ကျန်တဲ့ ဒုတိယနဲ့ တတိယပွဲတွေမှာ ပြန်နိုင်သွားလို့ ထျန်းကျီတစ်ယောက် မြင်းပြိုင်ပွဲမှာ (၂ ပွဲ ၁ ပွဲ) နဲ့ အနိုင်ရရှိသွားခဲ့ပါတယ်။

-ဒီစစ်ဗျူဟာရဲ့ အဓိက အနှစ်သာရက "မိမိ၏ အားနည်းချက်အရှိဆုံးအရာဖြင့် ရန်သူ၏ အားသာချက်အရှိဆုံးအရာကို တန်ပြန်ရင်ဆိုင်စေပြီး၊ မိမိ၏ အားသာချက်များဖြင့် ရန်သူ၏ အားနည်းချက်များကို လိုက်လံ ချေမှုန်းကာ ဗျူဟာမြောက် အနိုင်ယူခြင်း" ဖြစ်ပါတယ်]

ထို့နောက် သူတော်စင် ဘိုးဘေးကြီး သည် နောက်တစ်ကြိမ် ထပ်မံ ဗေဒင် တွက်ချက်ခဲ့လေရာ နင်ချီ သည် သူ နောက်ထပ် ခြေတစ်လှမ်း ရှေ့တိုး နိုင်ရန် အတွက် အခွင့်အရေး တစ်ရပ် ဖြစ်ကြောင်း နှင့် ဤ တိုက်ပွဲ တွင် နင်ချီ မှာ အကြီးမားဆုံးသော အပြောင်းအလဲ တစ်ခု လည်း ဖြစ်ကြောင်း အဆုံးအဖြတ် ပေးခဲ့၏။

ထို့ကြောင့်... သူတော်စင် ဘိုးဘေးကြီး သည် သူ၏ ကိုယ်ပွား ကို စစ်မြေပြင်နယ်မြေ အတွင်းသို့ နှစ်ကြိမ်တိုင်တိုင် စေလွှတ် ရန် အနည်းငယ်မျှ ပင် မတွေဝေ မတုံ့ဆိုင်းခဲ့ပေ။

ယခုအခါ... သူ သည် ပင်လယ်ဘိုးဘေးကြီး နှင့် တောင်ဘိုးဘေးကြီး တို့ကို ရင်ဆိုင် ဖြေရှင်းရန် အတွက်၊ သူ၏ အဖိုးတန် ဆုံးသော ရတနာ ဖြစ်သည့်... ရှေးဟောင်း လမ်းစဉ် သူတော်စင် ပန်းချီကား ကိုပါ ထုတ်ယူ ဖော်ထုတ်လိုက်လေပြီ။

ရှေးဟောင်း လမ်းစဉ် သူတော်စင် ပန်းချီကား အကြောင်း ပြောရမည် ဆိုလျှင်... ၎င်း၏ လျှို့ဝှက်ချက်များကို ယခုတိုင်အောင် အပြည့်အဝ ဖော်ထုတ် နိုင်ခြင်း မရှိသေးပေ။

သူ၏ စွမ်းအား နှင့် ဆင်တူသော ရှေးဟောင်း သူတော်စင် များ အနက်မှ တစ်ဦး ၏ စွမ်းရည်များကိုသာ နားလည် သဘောပေါက် ခဲ့ပြီး... ဒါကပင် အပြည့်အစုံ မဟုတ်သေးပေ။

ယခင် က ဆိုခဲ့သော "မနက်ခင်း မှာ တာအို ကြားနာပြီး ညနေခင်း မှာ သေဆုံး ခြင်း" နှင့် "မေတ္တာ တရား ရှိသူ များက တောင်များကို သဘောကျ သည်" ဟူသော စကားများက ထို ရှေးဟောင်း ပညာရှိ စကားများ၏ စွမ်းအား မှ ဆင်းသက်လာခြင်း ဖြစ်၏။

တောင်ဘိုးဘေးကြီး ၏ မျက်နှာ အမူအရာ ကို မြင်လိုက်ရသောအခါ... သူတော်စင် ဘိုးဘေးကြီး သည် မည်သည့် အကြောင်းကြောင့် မှန်း မသိဘဲ သူ တစ်ခုခု ကို တွက်ချက် တာ မှားယွင်းသွားခဲ့ပြီလား ဟူ၍ နဝေတိမ်တောင် ဖြစ်သွားရသည်။