အခန်း ၆၈၉

အခန်း (၆၈၉) နှလုံးသားနတ်ဆိုးကပ်ဘေးဘေးဒုက္ခ။

ချင်ယွင်၏ခန္ဓာကိုယ်သည် ကောင်းကင်ယံမှ တည့်မတ်စွာ ပြုတ်ကျသွားသည်။ သူ၏မျက်ခုံးကြားမှာ သွေးထွက်သံယို အပေါက်တစ်ခု ပေါ်လာပြီး သူ၏ခေါင်းတစ်ခုလုံး ကိုပင် ဖောက်ဝင်သွားခဲ့သည်။

ဘန်း….။

ချင်ယွင်သည် ပင်လယ်ရေမျက်နှာပြင်ပေါ်သို့ ကျဆင်းခါနီးတွင် သူ၏ခန္ဓာကိုယ်သည် ရုတ်တရက် ရပ်တန့်သွားသည်။ သူ၏မျက်ခုံးကြားမှ သွေးစွန်းနေသော အပေါက်သည် မြင်သာသော အရှိန်ဟုန်ဖြင့် ကုစားနေသည်။

“ဒီသတ္တမမြောက် ကောင်းကင်ဘုံကပ်ဘေးဒုက္ခကြီးက အလွန် ကြောက်စရာ ကောင်းလွန်းတယ်”။

ချင်ယွင်၏ မျက်လုံးများသည် ထိတ်လန့်ကြောက်ရွံ့မှုများနှင့် ပြည့်နှက်နေပြီး သူ၏ နှလုံးသားထဲတွင် ကြောက်ရွံ့မှုအပြည့် ရှိနေပါသည်။

ယခုလေးတင် ထိုရွှေရောင်အလင်းတန်းသည် အလွန်ကြောက်စရာကောင်းသည်။ အကယ်၍ သူသည် လျှို့ဝှက်ဆန်းကြယ်သော အဝါရောင်နတ်ဆိုးပညာရပ်၏ စတုတ္ထ အဆင့်သို့ မရောက်ရှိခဲ့ပါက၊ ယခုလေးတင် တိုက်ခိုက်မှုသည် သူ့ကိုသတ်ပစ်ရန် လုံလောက်ပေလိမ့်မည်။ အကယ်၍ သူ့နေရာမှာ အခြားလူတစ်ဦးသာဆိုပါက၊ ၎င်းတို့သည် ဤတိုက်ခိုက်မှုကြောင့် အချိန်ကြာမြင့်စွာကတည်းက သုတ်သင်ခံခဲ့ရ ပေလိမ့်မည်။

"သတ္တုရဲ့ချွန်ထက်မှုနှင့် လျှပ်စီးကြောင်းအမြန်နှုန်းတို့ ပေါင်းစပ်မှုကြောင့် ဖြစ်ပေါ်လာ တဲ့ လျှပ်စီးကြောင်းကပ်ဘေးဒုက္ခက အမှန်တကယ် ကြောက်မက်ဖွယ်ကောင်းလှ တယ်။ ငါ သတိထားမှရမယ်" ချင်ယွင်က မျက်မှောင်ကြုတ်ပြီး သူ့ကိုယ်သူ ပြန်ပြော လိုက်သည်။

ယခုလေးတင်၊ သတ္တမမြောက် ရွှေရောင်လျှပ်စီးလှံသည် ပြင်းထန်သော အဖျက် စွမ်းအားကို ပိုင်ဆိုင်ထားပြီး ချင်ယွင်၏ ဆဲလ်တစ်ဝက်ကျော်ကို တခဏအတွင်း ဖျက်ဆီးပစ်လိုက်သည်။ ထို့ကြောင့်၊ ချင်ယွင်သည် သူ၏ခန္ဓာကိုယ်ကို လျှို့ဝှက် ဆန်းကြယ်သော အဝါရောင်နတ်ဆိုးပညာရပ်ဖြင့် ပြန်လည်ရယူနိုင်ခဲ့သော်လည်း၊ ပျက်စီးမှုသည် အလွန်ကြီးမားပြီး သာမန်တိုက်ခိုက်မှုထက် နှစ်ဆနီးပါး ကြီးမားလေ သည်။

သူ၏ခန္ဓာကိုယ်ထဲရှိ သိမ်မွေ့နက်နဲသော အဝါရောင် စွမ်းအင်ဖြင့်ဆိုပါက၊ သူသည် ဤမျှ အတိုင်းအတာအထိ နောက်တကြိမ် ထပ်မံတိုက်ခိုက်ခံရပါက၊ ပြန်လည်ကောင်းမွန် လာရန် အလွန်ခက်ခဲမည် ဖြစ်သည်။ ထိုအချိန်ရောက်လျှင် သူသည် အမှန်တကယ် အသက်ဆုံးရှုံးသွားပါလိမ့်မည်။

"နောက်ဆုံး ကောင်းကင်ဘုံ ကပ်ဘေးဒုက္ခနှစ်ခုပဲ ကျန်တော့တယ်။ ငါ အရမ်းကို သတိထားရမယ်။" ချင်ယွင်သည် သူ၏စိတ်နှလုံးထဲမှာ လေးနက်စွာ ပြောလိုက်သည်။

ဤကောင်းကင်ကပ်ဘေးဒုက္ခ၏ အဖျက်စွမ်းအားသည် သူ၏ လျှို့ဝှက်ဆန်းကြယ် သော အဝါရောင်နတ်ဆိုးပညာရပ်အတွက် ကြီးမားသော ပြိုင်ဘက်ဟု ဆိုနိုင်သည်။ သူသည် အမှန်တကယ် မသေနိုင်ဘူးဆိုလျှင်ပင် ဤအဖျက်စွမ်းအားသည် သူ့ကို လုံးဝ ချေမှုန်းပစ်နိုင်သည်။

ချင်ယွင် အဆင်နေသည်ကို တွေ့လိုက်ရမှ အဝေးမှလူအားလုံးလည်း သက်ပြင်း ကိုယ်စီ ချနိုင်ကြလေသည်။ သို့ရာတွင်၊ သူတို့၏မျက်နှာပေါ်ရှိ အမူအရာများသည် ပြေလျော့သွားခြင်း မရှိသေးပေ။ အဘယ်ကြောင့်ဆိုသော် နောက်ထပ် ကောင်းကင်ဘုံ ကပ်ဘေးဒုက္ခနှစ်ခုသည် အမှန်တကယ် အသက်တမျှ အရေးကြီးနေသောကြောင့် ဖြစ်ပါသည်။

ဂျိန်း…. ဒလိန်း…။

ကောင်းကင်ယံမှာ အနက်ရောင်လျှပ်စီးတွေ ပြည့်နှက်နေသည့် တိမ်စိုင်တိမ်မည်းတွေ က တစ်ဖန် ရွေ့လျားလာပြီး အဋ္ဌမမြောက် လျှပ်စီးကပ်ဘေးဒုက္ခက ကျရောက်တော့ မည်။

လူတိုင်း၏နှလုံးသားများလည်း ဆွဲထုတ်ပစ်လိုက်သလို ခံစားလိုက်ရသည်။ ရန်စီချီ နှင့် ချင်မင်ရှီတို့သည် သူမတို့၏ လက်များကို တင်းတင်းကြပ်ကြပ် ဆုပ်ကိုင်ထားပြီး သူမတို့၏ လှပသော မျက်လုံးများသည် စိုးရိမ်မှုဖြင့် ပြည့်နှက်နေသည်။

လျူရန်ယွင်၏ လှပသော မျက်နှာသည်လည်း အလားတူ ကြောက်ရွံ့နေမိ၏။ သူမ၏ ထူးထူးခြားခြား အိပ်မောကျနေသော ဖီးနစ်မျက်လုံး တစ်စုံသည် ယခုအချိန်တွင် စိုးရိမ်စိတ်များဖြင့် ပြည့်နှက်နေ၏။ သူမ၏ ချစ်စဖွယ် ရုပ်ရည်အသွင်အပြင်ကို ပြန်လည် ရရှိလာကတည်းက သူမ၏ စိတ်နေစိတ်ထားသည် နူးညံ့သိမ်မွေ့ပြီး လှုပ်ရှား သက်ဝင် လာခဲ့ပါသည်။ သူမ၏ ကျက်သရေရှိမူသည် ရင့်ကျက်ခြင်း အရိပ်အယောင်ကို သယ်ဆောင်ထားသည်။

"ယွင်အာ၊ မင်း ကောင်းကင်ဘုံရဲ့ကပ်ဘေးဒုက္ခကို ဘေးကင်းကင်းနဲ့ လွတ်မြောက်ရ မယ်။" လျူရန်ယွင်သည် သူမ၏နှလုံးသားထဲတွင် ဆုတောင်းနေမိခဲ့သည်။

ထိုအချိန်တွင်၊ ချင်ယွင်သည် ပတ်ဝန်းကျင်ရှိ လူများ၏ စိုးရိမ်သော အကြည့်များ အောက်တွင် စိတ်ပူနေခဲ့သည်။ ယခုအချိန်တွင် သူသည် ကောင်းကင်ယံမှ ကပ်ဘေး ဒုက္ခတိမ်တိုက်ကြီးကို လေးနက်သော အမူအရာဖြင့် ကြည့်နေသည်။ အဋ္ဌမမြောက် ကောင်းကင်ဒုက္ခကြီး၏ တန်ခိုးအစွမ်းသည် သတ္တမမြောက် ကောင်းကင်ကပ်ဘေးဒုက္ခ ထက်ပင် ပို၍ကြောက်စရာကောင်းမည်ကို သူ သိသည်။ ထို့ကြောင့် သူ၏စိတ်ဓာတ်ကို အမြင့်ဆုံးထိ မြှင့်တင်ထားပြီး နိုးကြားသတိထားနေသည်။

ဒေါင်!

ဤအခိုက်အတန့်တွင် ကောင်းကင်ယံ၌ အနက်ရောင် ကပ်ဘေးဒုက္ခတိမ်တိုက်များ သည် ရုတ်တရက် အက်ကွဲသွားကာ သက်တံ့အလင်းတန်းများက အက်ကွဲရာထဲမှ ဖြာဆင်းလာသည်။

"ဘုန်း….."

ခုနစ်ရောင်ခြယ် လျှပ်စီးများသည် ကောင်းကင်ယံမှ ပြိုဆင်းလာခဲ့ပြီး ချင်ယွင်အပေါ် ပြင်းထန်စွာ ဖိအားပေးနေသည့် အနှိုင်းမဲ့ ကြောက်မက်ဖွယ်ရာ ဖိအားတစ်ခုကို သယ်ဆောင်လာခဲ့သည်။

ဤကြောက်မက်ဖွယ်ကောင်းသော အငွေ့အသက်အောက်တွင် ပင်လယ်ရေ မျက်နှာပြင်တစ်ခုလုံး ရုတ်တရက် ပွင့်ထွက်သွားပြီး ပင်လယ်ရေသည် ပြင်းထန်စွာ တလှိမ့်လှိမ့် မြင့်တက်သွားသည်။

"ဘယ်လောက်တောင် ကြောက်စရာကောင်းလိုက်တဲ့ လျှပ်စီးကပ်ဘေးဒုက္ခလဲ။”

ချင်ယွင်၏ အမူအရာသည် ချက်ချင်း ပြောင်းသွားပါသည်။ ခုနစ်ရောင်ခြယ် လျှပ်စီးတွင် ပါရှိသော စွမ်းအားသည် သူ၏ ဦးရေပြားကို ထုံကျင်စေသည်။

ဤခုနစ်ရောင်ခြယ် လျှပ်စီးသည် အစစ်အမှန် အင်မော်တယ် အလယ်လတ်အဆင့် ကျွမ်းကျင်သူများကိုပင် ချေမှုန်းပစ်ရန် လုံလောက်ပါသည်။ အစစ်အမှန် အင်မော်တယ် နှောင်းပိုင်းအဆင့် ကျွမ်းကျင်သူတစ်ဦးပင်လျှင် ဤခုနစ်ရောင်ခြယ် လျှပ်စီးကြောင်းကို တားဆီးနိုင်မည် မဟုတ်ပေ။

အနည်းငယ်မျှ တုံ့ဆိုင်းနေခြင်းမရှိဘဲ၊ ချင်ယွင်သည် သွေးအနှစ်သာရ လောင်ကျွမ်းခြင်း လျှို့ဝှက်ပညာရပ်ကို တိုက်ရိုက် အသုံးပြုလိုက်သည်။ မိုးကြိုးအင်မော်တယ်ခန္ဓာကိုယ် သည်လည်း ရုတ်ခြည်း ပွင့်ထွက်သွားပြီး သူ၏ခန္ဓာကိုယ်တစ်ခုလုံး၏ ခွန်အားသည် ချက်ချင်းပင် အလွန်မင်း တိုးမြင့်လာခဲ့သည်။

"နဂါးလက်သီးသိုင်းရဲ့ တတိယသိုင်းကွက် နဂါးမှော်ဝင်ဆေး..!"

ချင်ယွင်က ကျယ်လောင်စွာ အော်ဟစ်လိုက်ပြီး သူ၏ခန္ဓာကိုယ်ထဲမှ စွမ်းအင်များသည် တဟုန်ထိုး ထွက်ပေါ်လာခဲ့ပါ။ စွမ်းအားက ကြီးမားလွန်းသဖြင့် သူသည် လက်သီးတစ်ချက်ကို ချက်ချင်း ပစ်ထိုးလိုက်သည်။

"ဘုန်း….."

ခုနစ်ရောင်လျှပ်စီးနှင့် ချင်ယွင်၏ လက်သီးချက်သည် ပြင်းထန်စွာ တိုက်မိသွားပြီး ကောင်းကင်ယံတွင် ပေါက်ကွဲထွက်သွားသည်။

ချင်ယွင်၏အောက်ရှိ ပင်လယ်ရေမျက်နှာပြင်သည် ပေါက်ကွဲသွားသည်။ ပင်လယ်ရေ သည် ပေထောင်ပေါင်းများစွာနက်သော တွင်းနက်ကြီးကို တိုက်ရိုက် ထုတ်လွှတ်သည်။ လှိုင်းလုံးကြီးများသည် အရပ်မျက်နှာအသီးသီးသို့ ပျံ့နှံ့တက်သွားသည်။

ချင်ယွင်သည် ပါးစပ်မှ သွေးများအန်ထွက်သည်အထိ သွေးချောင်းဆိုးနေပြီး သူ၏ခန္ဓာကိုယ်ကို တည်ငြိမ်အောင် မထိန်းနိုင်မီ ပေတစ်ထောင်အကွာထိ လဲကျသွားသည်။

ခုနစ်ရောင် လျှပ်စီးကြောင့် သူ၏လက်သီးနှင့် လက်မောင်းတစ်ခုလုံး ကွဲကြေသွား ခဲ့သည်။ သူ၏ခန္ဓာကိုယ်တစ်ခုလုံး သွေးများဖြင့် ရွှဲနစ်နေသည်။ ခုနစ်ရောင် လျှပ်စီး သည် မည်မျှထိ ကြောက်စရာကောင်းသည်ကို တွေးကြည့်နိုင်ပါသည်။

အဝေးမှလူတိုင်း အထူးသဖြင့် အမျိုးသမီး သုံးယောက်သည် ယခုလို ကြေကွဲဖွယ် မြင်ကွင်းကို မြင်လိုက်တိုင်း သူမတို့၏ပါးပြင်ပေါ်မှ မျက်ရည်စတွေ တလိမ့်လိမ့် စီးကျလာသည်။

ချင်ယွင်သည် သူ၏လက်များကို တစတစ ပြန်လည်ကြီးထွားလာစေရန် အဝါရောင် နတ်ဆိုးပညာရပ်ကို ဖြန့်ကျက်လိုက်ရင်း ပြင်းထန်သော နာကျင်မှုကို ခံနိုင်ရည်ရှိအောင် အံကြိတ်ထားလိုက်သည်။

ဤအခိုက်အတန့်တွင်၊ သူ၏ခန္ဓာကိုယ်ထဲရှိ နက်နဲသိမ့်မွေ့သော အဝါရောင်စွမ်းအင် သည် များစွာမကျန်တော့ဘဲ၊ သူသည် ကြောက်မက်ဖွယ်အကောင်းဆုံး ကောင်းကင်ဘုံ ကပ်ဘေးဒုက္ခကြီးဖြစ်သည့် ကိုးကြိမ်မြောက် ကောင်းကင်ကပ်ဘေးဒုက္ခနှင့် ရင်ဆိုင်ရမည် ဖြစ်သည်။

"ဟမ့်၊ ဒီကောင်းကင်ကပ်ဘေးဒုက္ခအောက်မှာ ငါ သေရမယ်ဆိုတာ လုံးဝ မယုံဘူး။"

ချင်ယွင်၏ မျက်လုံးများသည် ပြင်းထန်သော မလိုလားမူနှင့်အတူ ဝင်းလက် တောက်ပလာသည်။ သူသည် အင်မော်တယ်ကမ္ဘာသို့ ပြန်သွားပြီး သူ၏အမေကို ကယ်တင်ရန်အတွက် ယခုအချိန်တွင် အခက်အခဲများစွာကို ကြုံတွေ့ခဲ့ရသည်။ ယခုတော့ သူသည် ခြေတစ်လှမ်းမျှသာ ဝေးတော့သည်။ မည်သို့ပင်ဖြစ်စေ၊ သူသည် ဤအတားအဆီးကို ကျော်ဖြတ်ရမည်။ သူ့ကို မည်သူမှ တားလို့မရပေ။

"ကောင်းကင်ဘုံလား၊ လာခဲ့စမ်း…၊ ငါ မင်းကို မကြောက်ဘူး။" ချင်ယွင်သည် ကောင်းကင်ယံကိုမော့ကာ ရူးသွပ်စွာ ဟိန်းဟောက်လိုက်ပြီး သူ၏အသံက ဆုံးဖြတ်ချက် ပြတ်သားမူ အပြည့်ရှိသည်။

"ဟမ့်၊ အမှိုက်ကများ၊ မင်းက ကောင်းကင်ကပ်ဘေးဒုက္ခကို လွတ်မြောက်ပြီး အင်မော်တယ်ကမ္ဘာကို ပြန်သွားချင်နေတာလား။"

သို့သော် ဤအခိုက်အတန့်တွင် ကောင်းကင်ယံမှ အေးစက်သော အသံတစ်ခုက ရုတ်တရက် ထွက်ပေါ်လာသည်။ အလွန်ဂုဏ်သိက္ခာရှိသော အသံသည် ကောင်းကင်ယံ မှ ထွက်ပေါ်လာခြင်း ဖြစ်သည်။

ထို့နောက် ခုနှစ်ရောင်ခြယ် မြင့်မြတ်သော အလင်းတန်းများ ဝန်းရံနေသည့် ချောမောသော လူငယ်လေးတစ်ဦးသည် ကောင်းကင်ယံမှ လျှောက်လှမ်း ထွက်လာ ခဲ့သည်။ သူ၏ရုပ်ရည်အသွင်အပြင်က ချင်ယွင်နှင့် အမှန်တကယ် ဆင်တူသော်လည်း သူ၏အငွေ့အသက်ကမူ ချင်ယွင်ထက် အဆပေါင်း ရာပေါင်းများစွာ ဒါမှမဟုတ် ထောင်ပေါင်းများစွာ ပိုပြင်းထန်ပါသည်။

"မင်းပါလား… ?" ချင်ယွင်သည် ဤလူကို တစ်ချက်ချင်း မှတ်မိသည်။

ဤလူသည် သူ၏ ဖရိုဖရဲ အင်မော်တယ် အရိုးများကို လုယက်ခဲ့ပြီး သူ၏ခမည်းတော် သူ့ကို ရိုက်နှက်ပစ် သေမျိုးကမ္ဘာသို့ ပစ်ချအောင်လုပ်ခဲ့သော သူ၏အစ်ကိုကောင်း ချင်လန်မှလွဲ၍ အခြားသူ မဟုတ်ပေ။

သို့သော်လည်း ယခုအချိန်တွင် ချင်လန်သည် ရုတ်တရက် ပေါ်လာလိမ့်မည်ဟု ချင်ယွင် မမျှော်လင့်ထားပေ။ ဤအရာက ချင်ယွင်၏မျက်ခုံးတွေကို မျက်မှောင်ကြုတ်သွားစေ သည်။

"မင်း ဘာလို့ ဒီကိုရောက်နေတာလဲ?" ချင်ယွင်သည် ချင်လန်ကို စူးစူးစိုက်စိုက် စိုက်ကြည့်ရင်း ပြောလိုက်သည်။

"ဟုတ်ပါတယ်လေ၊ ငါ့ညီလေးဖြစ်တဲ့ မင်းအတွက် ငါ ဒီကို ရောက်လာရတာပေါ့" ချင်လန်က ရယ်မောလိုက်သည်။ သူ၏ စကားလုံးများသည် ပြင်းထန်သော အင်မော်တယ်စွမ်းအားများဖြင့် ရောနှောနေပြီး သူ၏ အငွေ့အသက်သည် တစ်စုံတစ်ယောက်၏ နှလုံးသားကို တုန်လှုပ်သွားစေသည်အထိ ကြောက်မက်ဖွယ် ကောင်းနေပါသည်။

"ငါ့ကို လာရှာတာလား?။ ငါ ဒီမှာရှိနေတာကို မင်း ဘယ်လိုလုပ် သိတာလဲ?။ မင်း ဘယ်လိုလုပ် သေမျိုးကမ္ဘာကို ဆင်းလာတာလဲ?" ချင်ယွင်က အေးစက်စွာ မေးလိုက်သည်။

အင်မော်တယ် ဧကရာဇ်တွေရဲ့ အကူအညီမပါဘဲ အင်မော်တယ်ဘုရင်အဆင့် ကျွမ်းကျင်သူတွေတောင်မှ အင်မော်တယ်ကမ္ဘာ၏ အတားအဆီးတွေကို ကျော်ဖြတ်နိုင်မှာ မဟုတ်ပါဘူး။

"ဟမ်၊ ကောင်းကင်ဘုံဂိုဏ်းက လူတွေက မင်းအကြောင်း ခမည်းတော်ကို ပြောထားပြီး သား။ မင်း ကောင်းကင်ကပ်ဘေးဒုက္ခကို ဖြတ်ကျော်ပြီး အင်မော်တယ်ကမ္ဘာကို တက်လှမ်းလာမှာကို တားဆီးဖို့ ခမည်းတော်က ငါ့ကို သဘာဝအတိုင်း ညွှန်ကြားထား တယ်။ ငါဆင်းလာနိုင်တဲ့ အကြောင်းရင်းက ခမည်းတော် ကိုယ်တိုင်က ငါ့ကို သဘာဝအတိုင်း ပို့လွှတ်လိုက်လို့ပဲ။ မင်းလိုအမှိုက်တစ်စ၊ အင်မော်တယ်ကမ္ဘာကို ပြန်လာပြီး ငါနဲ့ယှဉ်ပြိုင်ဖို့ အရည်အချင်း မရှိဘူးလို့ သူက ပြောသေးတယ်” ချင်လန်က အထင်သေးဟန်ဖြင့် ပြောလိုက်သည်။

"ခမည်းတော်လား… ? သူက အရမ်းရက်စက်ပြီး ငါ့ကို သတ်ချင်နေတာလား?" ချင်ယွင်၏ မျက်ခုံးများသည် ချက်ချင်း တွန့်သွားခဲ့ပြီး ပြင်းထန်သော အေးစက်မှုက သူ့နှလုံးသား၏ အောက်ခြေမှ ထွက်ပေါ်လာသည်။

"ဟား…၊ ဟား….၊ မင်းက တခြားမိန်းမအနည်းငယ်နဲ့ အိမ်ထောင်ကျတယ်လို့ ငါ ကြားထားတယ်။ မင်းကို အနောက်ဘက်ကောင်းကင်ဘုံကို မပို့ခင် မင်းရဲ့ရှေ့မှာပဲ မင်းရဲ့မိန်းမတွေ သေဆုံးသွားတဲ့အခါ မင်း ဘယ်လိုခံစားရလဲဆိုတာကို မင်းကို မြည်းစမ်းခွင့်ပေးမယ်" ချင်လန်သည် ဟက်ဟက်ပက်ပက် ရယ်မောလိုက်ပြီး သူ၏ မျက်နှာပေါ်ရှိ အမူအရာသည် ချက်ချင်းပင် ခက်ထန်လာသည်။

ထို့နောက် ရွှေရောင်အလင်းတန်းတစ်ခုသည် ရုတ်တရက် ပျံထွက်သွားပြီး အဝေးမှ ယန်စီချီဆီသို့ ပျံသန်းသွားသည်။ ၎င်း၏အရှိန်က အရမ်းကို မြန်ဆန်လွန်းပြီး မည်သူမှ မတုန့်ပြန်နိုင်ခဲ့ပါဘူး။

"ဖူး…"

ရန်စီချီ၏ နှလုံးသားကို ချက်ခြင်း ထိုးဖောက်သွားခဲ့ပြီး သူမ၏ နှလုံးထဲမှ သွေးတွေ ထွက်လာသည်။

"မဟုတ်ဘူး... စီချီ"

ထိုမြင်ကွင်းကို မြင်လိုက်ရတော့ ချင်ယွင်သည် ရူးသွပ်လုနီးပါးဖြစ်ပြီး အော်ဟစ်လိုက်ကာ သူ၏မျက်လုံးတွေက ချက်ချင်း နီမြန်းလာပါသည်။