အခန်း ၆၉၄

အခန်း (၆၉၄) လျူလီရန်မျိုးနွယ်စု။

ချပ်ဝတ်တန်ဆာဝတ်ထားသည့် လူငယ်သည် အေးစက်တည်ငြိမ်သော လူငယ်က ဤမျှ မြန်ဆန်လိမ့်မည်ဟု သေချာပေါက် မျှော်လင့်မထားပေ။ ထို့ကြောင့် သူသည် ချက်ချင်းပင် ရှောင်တိမ်းချင်ခဲ့သည်။

သို့သော် အေးစက်တည်ငြိမ်သော လူငယ်၏ တိုက်ခိုက်မှုသည် အလွန်ပြတ်သားပြီး မြန်ဆန်သည်။ ချပ်ဝတ်တန်ဆာဝတ်ထားသည့် လူငယ်သည် မတုံ့ပြန်ခင်မှာ အေးစက် တည်ငြိမ်သော လူငယ်က သူ၏ရင်ဘတ်ကို ထိုးပြီးနေပြီ။

"ဘုန်း”

ချပ်ဝတ်တန်ဆာဝတ်ထားသည့် လူငယ်၏ ရင်ဘတ်ပေါ်ရှိ ချပ်ဝတ်တန်ဆာသည် ချက်ချင်း ကွဲအက်သွားပြီး သူ၏ခန္ဓာကိုယ်တစ်ခုလုံးသည် အဝေးသို့ လွှင့်ထွက်သွားသည်။ သူ၏ ပါးစပ်က သွေးအန်ထုတ်လိုက်ရပြီး၊ ချောင်းတဟွတ်ဟွတ်ဆိုးနေကာ၊ သူ၏မျက်နှာက တုန်လှုပ် ခြောက်ခြားနေသည်။

အင်မော်တယ်ကမ္ဘာ၏ မြေဆွဲအားသည် သာမန် သေမျိုးဂြိုလ်တစ်ခုထက် အဆ တစ်ထောင် ပိုကြီးမားသည်။ မြေကြီးပေါ်ရှိ မြေဆီလွှာများနှင့် ကျောက်တုံးများပင်လျှင် သေမျိုးကမ္ဘာထက် များစွာခိုင်မာသည်။ ထို့ကြောင့် ချပ်ဝတ်တန်ဆာဝတ်ထားသည့် လူငယ်သည် ဒဏ်ရာပြင်းထန်စွာ ရသွားခဲ့သော်လည်း အဝေးကြီး လွင့်ပျံမသွားခဲ့ပေ။

အေးစက်တည်ငြိမ်သော လူငယ်သည် ချပ်ဝတ်တန်ဆာဝတ်ထားသည့် လူငယ်ကို နောက်ပြန် လွင့်ထွက်သွားသည်အထိ ထိုးနှက်ခဲ့သည်။ သူသည် အလျင်စလို လိုက်လံ တိုက်ခိုက်ခြင်း မရှိတော့ချေ။ ယင်းအစား၊ သူသည် ချပ်ဝတ်တန်ဆာဝတ်ထားသည့် လူငယ်ကို အေးစက်စက် မျက်လုံးများဖြင့် ကြည့်နေလေသည်။ သူသည် ဂုဏ်ယူဝင့်ကြွား စွာ မတ်တပ်ရပ်နေပြီး သူ၏အငွေ့အသက်က လုံး၀ ပေါ်လွင်နေပြီ။

"အလယ်လတ်အဆင့် အစစ်အမှန် အင်မော်တယ်နယ်ပယ်" ချပ်ဝတ်တန်ဆာတတ် လူငယ်သည် နာကျင်နေသော ရင်ဘတ်ကို ဆုပ်ကိုင်လိုက်ပြီး မြေပြင်မှ ဖြည်းညှင်းစွာ ထလာသည်။ သူ၏မျက်လုံးတစ်စုံက အေးစက်တည်ငြိမ်သော လူငယ်ကို စိုက်ကြည့်နေ သည်။ အေးစက်တည်ငြိမ်သော လူငယ်၏ခွန်အားကြောင့် သူ သိသိသာသာ တုန်လှုပ်သွား ခဲ့ရသည်။

ဘေးနားမှ မုတ်ဆိတ်မွေးနှင့်လူကြီးသည် အံ့သြသည့် အမူအရာ ပေါ်နေသည်။ ထင်ရှားစွာပင်၊ တက်လှမ်းလာသော ကျင့်ကြံသူတစ်ဦးသည် အမှန်တကယ်ပင် အလယ်အလတ်အဆင့် အစစ်အမှန်သော အင်မော်တယ်နယ်ပယ်တွင် ရှိနေမည်ဟု သူ မမျှော်လင့်ခဲ့မိသည်မှာ ထင်ရှားပါသည်။

သူတို့သည် အစောပိုင်းအဆင့် အစစ်အမှန် အင်မော်တယ် တက်လှမ်းလာသူများကို အလိုအလျောက် အနိုင်ကျင့်နိုင်သော်လည်း အလယ်လတ်အဆင့် အစစ်အမှန် အင်မော်တယ် တက်လှမ်းလာသူများတော့ မလုပ်နိုင်ပေ။ အဘယ်ကြောင့်ဆိုသော် ထိုကဲ့သို့သော ပါရမီရှင်မျိုးကို မျိုးနွယ်စုမှ ရှာဖွေတွေ့ရှိသည်နှင့် တစ်ပြိုင်နက် ၎င်းတို့ကို ဦးစားပေးအဖြစ် ပြုစုပျိုးထောင်ပေးမည်ဖြစ်ပြီး ၎င်းတို့၏ အဆင့်အတန်းသည် သူတို့၏ အဆင့်အတန်းကို တိုက်ရိုက်ကျော်သွားမည် ဖြစ်သောကြောင့် ဖြစ်သည်။ ထိုအချိန်ရောက် လျှင်၊ အကယ်၍ ထိုပါရမီရှင်များသည် သူတို့အပေါ် ရန်ငြိုးထားမည်လျှင် သူတို့သည် ရှင်သန်ရန် နည်းလမ်းမရှိပေ။

"မင်းတို့အင်မော်တယ်ကမ္ဘာက စည်းမျဉ်းတွေကို ငါ ဂရုမစိုက်ဘူး၊ ဒါပေမယ့် မင်း သူမကို ထိတွေ့ဖို့ ငါ ခွင့်မပြုနိုင်ဘူး။" အေးစက်တည်ငြိမ်သော လူငယ်က အေးစက်စက် ပြောလိုက်ပြီး သူ၏အသံက ကျယ်လောင်လွန်းသည်။

အနိုင်ကျင့်ခံရသော မိန်းကလေးသည် အေးစက်တည်ငြိမ်သော လူငယ်၏ ထိုစကားကို ကြားသောအခါ အေးစက်တည်ငြိမ်သော လူငယ်ဆီသို့ မနေနိုင်ဘဲ လှည့်ကြည့်လိုက်သည်။ အေးစက်တည်ငြိမ်သော လူငယ်ကို လှည့်ကြည့်နေစဉ် သူမ၏ မျက်လုံးများသည် ကျေးဇူးတင်ခြင်း နှင့်အတူ လေးစားသည့် အမူအရာများဖြင့် ပြည့်နှက်နေသည်။

ချပ်ဝတ်တန်ဆာဝတ်ထားသည့် လူငယ်သည် လေးလေးနက်နက် မျက်မှောင်ကြုတ်လိုက် မိသည်။ သူသည် တက်လှမ်းလာစဉ်မှာ အစစ်အမှန် အင်မော်တယ် အလယ်အလတ် အဆင့် စွမ်းအားရှိသော တက်လှမ်းလာသူတစ်ဦးနှင့် အမှန်တကယ် ရင်ဆိုင်ကြုံတွေ့ရ မည်ဟု မထင်ထားခဲ့ပေ။ ထို့အပြင် သူသည် ပြိုင်ဘက်၏ လက်သီးချက်ဖြင့် လွင့်ထွက်သွား သေး၏။

သူတို့သည် တစ်နှစ်ပတ်လုံး ငန်းဘဲများကို အမှန်တကယ် ရိုက်နှက်ခဲ့ကြသော်လည်း၊ ထိုငန်းဘဲများကြောင့် မျက်လုံအမြင် ကွယ်နေကြပြီ။

အစောပိုင်းက၊ သူသည် ဤတက်လှမ်းလာသူများကို အင်မော်တယ်ကမ္ဘာ၏ စည်းမျဉ်း အချို့ကို သင်ပေးမည်ဟု ရိုင်းစိုင်းစွာ ပြောခဲ့ဖူးသော်လည်း ယခုအခါတွင် သူသည် ကျားတစ်ကောင် တက်စီရန်ထက်ပင် ခက်ခဲလာသည်။

သူ၏မျက်လုံးများတွင် ရုန်းကန်နေရင်း ချပ်ဝတ်တန်ဆာဝတ်ထားသည့် လူငယ်သည် လက်ခံနိုင် မလိုလားသည့် အမူအရာကို ထုတ်ဖော်နေသည်။

ဘေးနားရှိ မုတ်ဆိတ်မွေးနှင့်လူကြီးသည် ချပ်ဝတ်တန်ဆာ ဝတ်ဆင်ထားသည့် လူငယ်ကို အလျင်အမြန် လှမ်းကြည့်ကာ မဆင်မခြင် လှုပ်ရှားခြင်း မပြုရန် ပြောလိုက်သည်။ ထို့နောက် သူက ကမန်းကတန်း ပြုံးပြီး ပြောသည် "ကောင်းပြီ၊ အခု အားလုံးက နားလည်မှု လွဲနေတာပါ။ ချင်းဇီကလည်း အင်မော်တယ်ကမ္ဘာရဲ့ အန္တရာယ်တွေအကြောင်း မင်းတို့ကို သိစေချင်လို့ပါ။ သူက မင်းတို့ကို တမင်တကာ အရှက်ခွဲဖို့ မရည်ရွယ်ပါဘူး။"

အေးစက်တည်ငြိမ်သော လူငယ်က မည်သည့်စကားမှ ပြန်မပြောချေ။ တစ်ဖက်လူက သူ၏စေတနာကောင်းကို ပြသဖို့ ရည်ရွယ်ပြီး ရောက်လာကတည်းက၊ သူသည် မည်သူ့ကိုမှ ပြစ်မှားချင်စိတ် မရှိပေ။

သို့သော် သင်ခန်းစာကို တိုက်ရိုက်သင်ကြားပေးခံရသည့် မာနကြီးသော လူငယ်သည် အရှုံးမပေးလိုပါ။ သူသည် အလွန်သနားစဖွယ်ကောင်းသော သင်ခန်းစာကို သင်ကြားခဲ့ရပြီး သူ၏ဒေါသကို ထိန်းချုပ်ထားရသည်။ တစ်ဖက်က ရှုံးနိမ့်ကြောင်း ဝန်ခံထားသည်ကို မြင်လိုက်ရသဖြင့်၊ သူသည် သဘာဝအတိုင်း နှာနုကို ဖြတ်ကန်ချင်နေပြီး၊ ချပ်ဝတ်တန်ဆာ ဝတ်ထားသည့် လူငယ်အား အေးစက်စွာ ပြောလိုက်သည် "မေ့လိုက်ရမယ်။ ပြောတော့ လွယ်တယ် မဟုတ်လား?။ မင်း ငါတို့ကို တောင်းပန်ရမယ်"

"မင်း" ချပ်ဝတ်တန်ဆာဝတ်ထားသည့် လူငယ်သည် ချက်ချင်းပင် ဒေါသတကြီး ပြောလိုက် ပြီး မောက်မာသော လူငယ်ကို စိုက်ကြည့်နေ၏။

သူလိုအင်မော်တယ်ကမ္ဘာမှာ မွေးဖွားလာသူတစ်ယောက်အတွက် တက်လှမ်းလာသူများ ကို တောင်းပန်ရန်မှာ မည်သို့ဖြစ်နိုင်မည်နည်း?။

"ဟမ့်၊ မင်း ရှင်းအာကို တောင်းပန်ရမယ်။ မဟုတ်ရင် မင်း ဒီနေ့ ထွက်သွားနိုင်မှာ မဟုတ်ဘူး။" မာနကြီးသော လူငယ်က မဆုတ်မနစ် ပြောသည်။

"မင်းတို့ကို ငါဘာမှ မလုပ်ရဲဘူးလို့ မင်း တကယ်ထင်နေတာလား?" သူသည် ဒေါသတကြီး ပြောလိုက်ရင်း ချပ်ဝတ်တန်ဆာ ဝတ်ထားသည့် လူငယ်၏ မျက်လုံးများသည် ဒေါသများနှင့် ပြည့်နှက်နေသည်။

"သူက ငါတို့နဲ့ ဘာမှ မဆိုင်ဘူး။ သူနဲ့ရင်ဆိုင် မဆိုင် မင်းအပေါ်မှာပဲ မူတည်တယ်" သို့သော် ဤအခိုက်အတန့်တွင် အေးစက်တည်ငြိမ်သော လူငယ်သည် ရုတ်တရက် စကား စပြော လာသည်။

"အိုးယန်လျူ ၊ မင်း... အနည်းဆုံးတော့ ငါတို့က ဂိုဏ်းတူတပည့်တွေပါကွာ။ မင်းက ငါ့ကို တကယ်ပဲ ဒီလိုမျိုး ဆက်ဆံတယ်ပေါ့" မာနကြီးသော လူငယ်သည် အေးစက် တည်ငြိမ်သော လူငယ်၏ စကားကို ကြားသောအခါ အေးစက်တည်ငြိမ်သော လူငယ်အား ဒေါသတကြီး ပြောလိုက်လေသည်။

"စီနီယာအစ်ကို အိုးယန်၊ စီနီယာအစ်ကို တန်ယု..." ဘေးနားမှာ ထိတ်လန့်နေသော မိန်းကလေးက တစ်ခုခု ပြောချင်နေပုံရသော်လည်း စီနီယာအစ်ကို တန်ယုက အရင်တုန်းက အိုးယန်လျူကို လှောင်ပြောင်သရော်ခဲ့ပုံတွေကို ပြန်တွေးမိသောအခါ သူမသည် မည်သည့်စကားမှ ထပ်မပြောနိုင်တော့ပါဘူး။

.

"ဘာလဲ၊ အခု​ ငါ ​တောင်းပန်ဖို့ ​လိုအပ်​​သေးလား?" မာနကြီးသော လူငယ်ကို ကြည့်ရင်း ချပ်ဝတ်တန်ဆာဝတ်ထားသည့် လူငယ်သည် သရော်ဟန်ဖြင့် မေးလိုက်သည်။ သူသည် လှုပ်ရှားရန် အဆင်သင့်ဖြစ်ပြီဟု ပြောနေသည့်အလား သူ၏လက်သီးများကို ပွတ်သပ် လိုက်သည်။

"မင်း...ရှေ့တိုး မလာနဲ့နော်။" မာနကြီးသော လူငယ်သည် ချက်ချင်းပင် ထိတ်လန့်သွား သည်။

သူ၏ယုံကြည်မှုသည် အေးစက်တည်ငြိမ်သော လူငယ်ထံမှ လာခြင်းဖြစ်ပါသည်။ အေးစက်တည်ငြိမ်သော လူငယ်သည် သူနှင့်ပတ်သက်ပြီး ထိုစကားမျိုး ပြောလိုက်သည့် အခိုက်၊ သူသည် သဘာဝအတိုင်း ခုခံရန် သတ္တိအနည်းငယ်မျှ မရှိတော့ချေ။

ချပ်ဝတ်တန်ဆာဝတ်ထားသည့် လူငယ်သည် လှောင်ရယ်ရယ်နေသော်လည်း၊ သူသည် အမှန်တကယ် လှုပ်ရှားခြင်းမျိုး မရှိခဲ့ပေ။

ချင်ယွင်သည် ဘေးနားမှာ ရပ်နေပြီး ပြဇာတ်ကို ကြည့်နေရင်း၊ သူတို့သုံးယောက်ကြားက ဆက်ဆံရေးကို ရှင်းရှင်းလင်းလင်း မြင်နေရသည်။

အိုးယန်လျူဟုခေါ်သော အေးစက်တည်ငြိမ်သော လူငယ်သည် သူ၏ကမ္ဘာပေါ်ရှိဂိုဏ်းတွင် အလွန် လူမုန်းများသူ ဖြစ်ရမည်။ တန်ယုသည် ဂိုဏ်း၏တန်ဖိုးထားကို အမြဲတမ်း ခံရသူ ဖြစ်လိမ်မည်။ ထို့ကြောင့် အိုးယန်လျူဟုခေါ်သော ဤလူငယ်သည် တန်ယု၏ မကြာခဏ လှောင်ပြောင်မူကို ခံရလိမ့်မည်။

သို့သော်လည်း အိုးယန်လျူသည် ထင်ပေါ်ကျော်ကြားမူ မြင့်တက်လာခဲ့ပြီး တန်ယုကို ဖြတ်ကျော်သွားပြီးနောက် ၎င်းတို့နှစ်ဦးကြားရှိ ဆက်ဆံရေးသည် ပို၍ပြေလျော့သွားခဲ့ သည်။ ယခုလေးတင် အိုးယန်လျူ ပြောခဲ့သော စကားများအတွက်မူ၊ ၎င်းသည် သဘာဝ အတိုင်း တန်ယုကို လက်တုန့်ပြန်ခြင်း ဖြစ်ပါလိမ့်မည်။

ထိုမိန်းကလေးနှင့် ပတ်သက်၍ သူမသည် ဖြူစင်သော စိတ်ထားရှိသူ ဖြစ်ရမည်။ ယခုလေးတင် သူမသည် အိုးယန်လျူကို အနည်းငယ် လေးစားမူရှိနေသည်။ အိုးယန်လျူ သည် ဤအကြောင်းကို ကောင်းကောင်းသိသည့်အတွက် သူမကို အမြဲတမ်း ကာကွယ် ပေးခြင်းမျိုး ဖြစ်လိမ့်မည်။

"နောက်ထပ် ထွက်ပေါ်လာတဲ့ ပါရမီရှင်တစ်ယောက်ပဲ။ ဒီအိုးယန်လျူက အရင်တုန်းက အများကြီး ခံစားခဲ့ရပုံပဲ။ စိတ်ဝင်စားဖို့ ကောင်းတယ်။" ချင်ယွင်က သူ၏စိတ်နှလုံးထဲတွင် ရယ်မောလိုက်သည်။

သူသည် အိုးယန်လျူကို အရမ်း သဘောကျမိသည်။ သူ၏ တည်ငြိမ်မူ သို့မဟုတ် ရှင်းလင်းပြတ်သားသော အာဃာတတရားများ၊ မည့်သည့်အရာပင် ဖြစ်ပါစေ၊ ဤအရာအားလုံးသည် ချင်ယွင်ကို သူ့ကိုယ်သူ အရိပ်ထင်ဟပ်စေခဲ့သည်။ ထို့ကြောင့်၊ အိုးယန်လျူသည် သူငယ်ချင်းမိတ်ဆွေအဖြစ် ပေါင်းသင်းထိုက်သူဖြစ်ကြောင်း သူ ခံစားမိ သည်။

"ကောင်းပြီ၊ အားလုံး ပြီးသွားပြီ။ တကယ်လို့ ငါတို့ မတိုက်ခိုက်ဖြစ်ခဲ့ဘူးဆိုရင် ငါတို့လည်း တစ်ယောက်နဲ့ တစ်ယောက် သိလာမှာ မဟုတ်ဘူး။ နောက်တော့၊ မင်းတို့ကို လျူလီရန်မျိုးနွယ်စုကို ခေါ်သွားပေးမယ်။" မုတ်ဆိတ်မွေးနှင့်လူကြီးက ပြောသည်။

"လျူလီရန်မျိုးနွယ်စုကို ဘာလို့ သွားရတာလဲ?။ ကျွန်မတို့က ကျွန်မတို့ရဲ့ သိုင်းဦးလေးနဲ့ တခြားသူတွေကို ရှာဖို့ လိုနေသေးတယ်။" ရှင်းအာဟုခေါ်သော အမျိုးသမီးက စူးစမ်းလိုစိတ်ဖြင့် မေးသည်။

"မင်းတို့က အခုမှ အင်မော်တယ်ကမ္ဘာကို ရောက်လာတာဆိုတော့ အင်အားစုတစ်ခုရဲ့ အကာအကွယ် မရှိဘူးဆိုရင် ဘာတွေဖြစ်လာမလဲဆိုတာ မသိသေးဘူး"။ မင်းတို့အတွက် အင်မော်တယ်ကမ္ဘာမှာ လျှောက်သွားဖို့ဆိုတာ မဖြစ်နိုင်သလောက်ပဲ။ တကယ်လို့ မင်းတို့ ထွက်သွားမယ်ဆိုရင် မင်းတို့ အသတ်ခံရနိုင်တယ်။ ပြီးတော့ ဒီတက်လှမ်းခြင်းရေကန်က လျူလီရန်မျိုးနွယ်စုရဲ့ ထိန်းချုပ်မှုအောက်မှာ ရှိနေတယ်။ ငါက မင်းတို့ကို လျူလီ ရန်မျိုးနွယ်စုကို ခေါ်ဆောင်သွားပြီးတဲ့အခါ၊ မင်းတို့အနေနဲ့၊ လျူလီရန်မျိုးနွယ်စုမှာ ပါဝင်ဖို့ ရွေးချယ်နိုင်သလို ထွက်သွားလို့လည်း ရတယ်။ ဒါပေမယ့် အခုလောလောဆယ်တော့ မင်းတို့အားလုံး ငါနဲ့အတူ လျူလီရန်မျိုးနွယ်စုကို လိုက်ခဲ့ရမယ်။ ဒါက ငါ့ တာဝန်ပဲ။ မင်းတို့အနေနဲ့ ငါတို့ကို ခက်ခဲအောင် မလုပ်ဘူးလို့ ငါမျှော်လင့်တယ်" မုတ်ဆိတ်မွေးနှင့် လူကြီးက ရှင်းပြသည်။

တန်ယု နှင့် အခြားသူများသည် တစ်ခဏမျှ နှုတ်ဆိတ်သွားကြသည်။ ဤအခိုက်အတန့် တွင် ဤအင်မော်တယ် ကမ္ဘာကြီးသည် သူတို့ထင်ထားသလို လှပမည် မဟုတ်ကြောင်းကို သူတို့လည်း သိလိုက်ရပါပြီ။ အင်အားစုများ၏ အကာကွယ်မရှိဘဲ အပြင်ဘက်မှာ လျှောက်သွားနေမည်ဆိုလျှင်၊ သူတို့သည် အသတ်ခံရနိုင်သည်။

ချင်ယွင်သည် မူလကတည်းက အင်မော်တယ်ကမ္ဘာမှ လာခဲ့သူဖြစ်သည်။ ထို့ကြောင့်၊ သူသည် ဤအကြောင်းကို ကောင်းကောင်းသိပါသည်။

အင်မော်တယ်ကမ္ဘာတွင်၊ သင်သည် အင်မော်တယ်ဘုရင်၏ စွမ်းအားမရှိဘဲ၊ သို့မဟုတ်၊ သေချာသော အင်အားစုတစ်ခုကို ပူးပေါင်းထားခြင်းမျိုး မရှိဘဲ၊ အကယ်၍၊ သင်သည် အင်မော်တယ်ကမ္ဘာအနှံ့ တစ်ယောက်တည်း လျှောက်သွားနေမည်ဆိုလျှင်၊ အသက် ရှင်သန်ဖို့ အခွင့်ရေးမရှိသလောက်ပင် ဖြစ်သည်။

အဘယ့်ကြောင့်ဆိုသော်၊ အင်မော်တယ်ကမ္ဘာ၏ ဝေးလံခေါင်သီသော အရပ်ဒေသများတွင် ဓားပြဂိုဏ်းများစွာ ရှိသောကြောင့် ဖြစ်သည်။ သူတို့သည် ရှင်သန်ရပ်တည်ရန်အတွက် ဖြတ်သွားဖြတ်လာ ခရီးသွားများကို အထူးအာရုံစိုက်ပြီး သတ်ဖြတ်ကြသည်။ ထို့အပြင်၊ သူတို့သည် စွမ်းအားကင်းမဲ့သည့် တက်လှမ်းလာသူများကို အထူးပစ်မှတ်ထားပြီး သတ်ဖြတ်ကြသည်။

"ကောင်းပြီလေ၊ မင်းတို့နဲ့အတူ လျူလီရန်မျိုးနွယ်စုကို အရင်သွားရအောင်" အေးစက်တည်ငြိမ်သော လူငယ်က ထပ်ပြောလာသည်။

တန်ယု နှင့် ရှင်းအာတို့သည် အနည်းငယ် မှင်သက်သွားကြသည်။ သူတိုသည် လျူလီရန်မျိုးနွယ်စုနှင့် မပူးပေါင်းချင်သော်လည်း၊ အိုးယန်လျူသည် သူတို့၏ ကျောရိုးသဖွယ် ဖြစ်လာနေပြီ။ အိုးယန်လျူက ဆုံးဖြတ်ထားပြီးသားဆိုမှတော့ သူတို့သည် သဘာဝအတိုင်း ဆန့်ကျင်လို့မရပါဘူး။

မုတ်ဆိတ်မွေးနှင့်လူကြီး၊ ချပ်ဝတ်တန်ဆာ ဝတ်ဆင်ထားသည့် လူငယ်တို့သည် စိတ်သက်သာရာရဟန်ဖြင့် သက်ပြင်းတစ်ချက် ချလိုက်မိသည်။ အိုးယန်လျူနှင့် တခြားသူတွေ ထွက်သွားမည်ကို သူတို့သည် အမှန်တကယ် စိုးရိမ်နေမိသည်။ ထို့ကြောင့်၊ သူတို့သည် သူ့ကို အတင်းအကြပ် စော်ကားပြစ်မှားဖို့ မဝံ့ရဲကြပါဘူး။ သူတို့သည် အမှန်တကယ် အကျပ်ရိုက်သွားမည်ကို ကြောက်ရွှံ့ကြသည်။

"ကောင်စုတ်လေး။ မင်းရော ဘယ်လိုလဲ?။ ကန့်ကွက်စရာ ရှိသေးလား?" ချပ်ဝတ်တန်ဆာ ဝတ်ဆင်ထားသည့် လူငယ်က ချင်ယွင်ကို ခြိမ်းခြောက်သော အကြည့်ဖြင့် ကြည့်နေလေ သည်။