အခန်း (၂၈၇၁-၂၈၇၂)

အခန်း (၂၈၇၁) - သစ္စာဖောက်

​မုန့်ထျန်းရှု၏ ခရီးနှင်နှုန်းမှာ အတော်ပင် မြန်ဆန်လှသည်။

​လအနည်းငယ်ခန့် ကြာပြီးနောက်တွင် သူတို့သည် ခရီးစဉ်၏ ဦးတည်ရာသို့ ရောက်ရှိလာကြသည်။

​သို့သော် ဤနေရာမှာ လေဟာနယ်၏ ပထမအလွှာသာ ဖြစ်သည်။

​အသွင်ပြောင်းလဲခြင်း တားမြစ်နယ်မြေကို ပိတ်ဆို့ထားသည့် နယ်မြေမှာ လေဟာနယ်၏ ပိုမိုနက်ရှိုင်းသော နေရာတွင် ရှိသည်။

​ဖန့်ချန်သည် ရင်းနှီးသော မျက်နှာတစ်ခုကို နောက်တစ်ကြိမ် ထပ်မံတွေ့လိုက်ရသည်။

​" မုန့်ထျန်းရှု၊ ယင်ချဲ့ ကောင်းကင်အရှင်ကို ဂါရဝပြုပါတယ်။"

​မုန့်ထျန်းရှုသည် ကောင်းကင်အရှင် တစ်ပါး ဖြစ်သော်လည်း၊ ယခုအခါတွင်တော့ အလွန်ပင် ရိုသေလေးစားစွာဖြင့် ဂါရဝပြုနေပြီး ယဉ်ကျေးမှု လွန်ကဲမိမည်ကိုပင် စိုးရိမ်နေဟန်ရှိသည်။

​"မုန့်ထျန်းရှု…… ငါ မင်းကို သိတယ်၊ မကြာသေးမီနှစ်တွေအတွင်း ပေါ်ထွက်လာတဲ့ ထူးချွန်တဲ့ လူငယ်လေးပေါ့၊ ရှူလုံက မင်းကို အတော်လေး အားကိုးနေပုံရတယ်။"

​ယင်ချဲ့က ဖန့်ချန်တို့ကို မထီတရီ အပြုံးဖြင့် တစ်ချက်ကြည့်လိုက်သည်။

​မုန့်ထျန်းရှုကို ဤလူသားမျိုးနွယ်စု လူငယ်သုံးဦးအား ခေါ်ဆောင်လာစေခြင်းမှာ ရှူလုံ၏ ဆိုလိုရင်းကို သူမ ခန့်မှန်းမိပြီးသား ဖြစ်နေသည်။

​ဖန့်ချန်တို့ သုံးဦးလည်း အချိန်မဆိုင်းဘဲ လက်ဆုပ်လက်ကိုင်ပြု၍ ယင်ချဲ့ ကောင်းကင်အရှင်ကို ဂါရဝပြုလိုက်ကြသည်။

​ယင်ချဲ့ ကောင်းကင်အရှင်သည်လည်း စကားရှည်မနေတော့ဘဲ သူတို့ကို သူမ၏ အတွင်းကမ္ဘာထဲသို့ ခေါ်ဆောင်သွားပြီးနောက် လေဟာနယ်အလွှာများအတွင်းသို့ နက်နက်ရှိုင်းရှိုင်း ဆင်းသွားလေသည်။

​သူမသည် ဝိညာဉ်မျိုးနွယ်စုဝင် ဖြစ်သည့်အတွက် လေဟာနယ်၏ နက်ရှိုင်းသော အလွှာများသို့ ဆင်းသွားခြင်းမှာ သာမန် ကောင်းကင်အရှင်တို့ထက် ပိုမိုလွယ်ကူပြီး ထမင်းစားရေသောက်သကဲ့သို့ပင် ဖြစ်သည်။

​မကြာမီပင် ရွှေရောင် အစီရင်စာလုံးများဖြင့် ပိတ်ဆို့ထားသော အတွင်းကမ္ဘာ တားမြစ်နယ်မြေတစ်ခုသည် ဖန့်ချန်တို့၏ မျက်စိရှေ့တွင် ဖြည်းဖြည်းချင်း ပေါ်လာသည်။

​"ဒါကတော့ အသွင်ပြောင်းလဲခြင်း တားမြစ်နယ်မြေပဲ၊ မင်းတို့ ခရီးနှင်နှုန်းက မြန်တယ်၊ တခြား သူတော်စင်တွေ မရောက်သေးခင် မင်းတို့ အရင်ဆုံး ရောက်လာကြတာပဲ။"

​ယင်ချဲ့ ကောင်းကင်အရှင်သည် ဝင်ပေါက်ရှေ့တွင် ရပ်ကာ အပြင်ဘက်ရှိ အသွင်ပြောင်းလဲခြင်း တားမြစ်နယ်မြေကို ငေးကြည့်နေပြီး၊ သူမ၏ မျက်ဝန်းထဲတွင် လေးနက်သော အရိပ်အယောင်တစ်ခု ဖြတ်သန်းသွားသည်။ ထို့နောက် သူမသည် တစ်နေရာရာကို ညွှန်ပြလိုက်သည်။

​"ဟိုဘက်ကို မြင်လား "

​ဖန့်ချန်တို့ လှမ်းကြည့်လိုက်ရာ ထိုနေရာတွင် ရုပ်အလောင်းအချို့ ပေါ်လွင်နေသည်ကို တွေ့လိုက်ရသည်။

​၎င်းတို့မှာ မုန့်ထျန်းရှု ပြသခဲ့သော ထိုကံဆိုးသူ သူတော်စင်များပင် ဖြစ်သည်။

​"သူတို့က အသွင်ပြောင်းလဲခြင်း နတ်ဘုရားမျက်လုံးရဲ့ အန္တရာယ်ကို ခံလိုက်ရတာ ဟုတ်မဟုတ်ဆိုတာကို ငါတို့ အတည်မပြုနိုင်သေးဘူး။ ဒီတစ်ခါ ရှေးဟောင်း အတွင်းကမ္ဘာ တားမြစ်နယ်မြေကို ဖြေလျှော့တာက ပိလော့မဟာမိတ်အဖွဲ့ရဲ့ ရည်ရွယ်ချက်တစ်ခုပါသလို၊ အဲဒီ အကြီးကဲကြီးရဲ့ အလိုတော်လည်း ပါတယ်လေ။"

​ယင်ချဲ့ ကောင်းကင်အရှင်က ပြောလိုက်သည်။

​သူမသည် မုန့်ထျန်းရှုထက် ပိုမိုနက်နဲသော အကြောင်းအရာများကို သိရှိထားကြောင်းမှာ ထင်ရှားလှသည်။

​ဖန့်ချန်တို့မှာ လုကျိုးယွမ်၏ အလိုတော်ဟု ကြားလိုက်သည်နှင့် စိတ်ထဲတွင် အတန်ငယ် သဘောပေါက်သွားကြသည်။

​"လုကျိုးယွမ်က အရင်တုန်းက သံသရာမသေမျိုးဏ်းကနေ အပြစ်ပေးခံခဲ့ရဖူးတယ်၊ သူတော်စင်ဧကရာဇ် နန်းတော်ကနေ ထွက်ပြေးပြီးနောက် တစ်ခါ ပြန်လည်ဝင်စားခဲ့သေးတယ်၊ နောက်ပိုင်းတော့ သံသရာမသေမျိုးဂိုဏ်းအတွက် အလုပ်အချို့ လုပ်ပေးခဲ့တာပဲ။"

​"ဒါဆိုရင် ဒီ အတွင်းကမ္ဘာ တားမြစ်နယ်မြေမှာ အသွင်ပြောင်းလဲခြင်း နတ်ဘုရားမျက်လုံးရဲ့ စွမ်းအားအငွေ့အသက်တွေ ရှိနေဖို့ (၈၀) ရာခိုင်နှုန်း သေချာနေပြီ။"

​ဖန့်ချန်၏ စိတ်ထဲတွင် စိတ်လှုပ်ရှားမှုများ တဖွားဖွား ဖြစ်ပေါ်လာသည်။

​ဒီစွမ်းအားကိုသာ ရရှိလိုက်ရင် နတ်ဘုရားမျက်လုံး (၉) မျိုး စုစည်းဖို့ နီးကပ်သွားပြီ။

​သူသည် ကမ္ဘာတည်ဆောက်ခြင်းအဆင့် အစောပိုင်းမှ နောက်ဆုံးအဆင့်အထိ အချိန်တိုအတွင်း တက်လှမ်းနိုင်ခဲ့သည်။

​ထို့ကြောင့် ထပ်တိုး စွမ်းအားများကို နားလည်သဘောပေါက်ရန် လုံလောက်သော အခြေခံအုတ်မြစ်များ ရှိနေသည်။

​သူ့စိတ်ထဲတွင် ဖုံးကွယ်ထားသော အမှန်တရားကို သိရှိထားသော်လည်း သူ၏ ရှေ့ဆက်မည့်လမ်းကို တားဆီးနိုင်မည်မဟုတ်ပေ။

​ထိုစွမ်းအားမှာ အန္တရာယ်များနေပါစေ၊ အနာဂတ်တွင် အားထုတ်လေ့ကျင့်မှုဖြင့် ထိုအထဲမှ နတ်ဘုရားတစ်ပါးကို မွေးထုတ်နိုင်ပြီး သူ၏ ရှေ့တွင် "နတ်ဘုရား ကျွန်" ဟု ခေါ်ဆိုနိုင်သည့် အခြေအနေသို့ ရောက်သွားရင်တောင် သူ မကြောက်ပေ။

​ဝမ်အိုကြီးနည်းတူပင်၊ အခြေအနေမှာ လွန်ကဲနေပြီ ဖြစ်သည်။

​လူသားဆိုသည်မှာ အစာနင်မည်ကို ကြောက်၍ အစာမစားဘဲ နေနိုင်ပါ့မလား။

​"ပြောရဦးမယ်၊ ဒီတစ်ခါ စူးစမ်းလေ့လာတာက မဖြစ်မနေ လုပ်ရမယ့် ကိစ္စမဟုတ်ဘူး၊ မင်းတို့ အားလုံး အထဲကို ဝင်ကြမှာလား "

​ယင်ချဲ့ ကောင်းကင်အရှင်က သူတို့သုံးဦးကို တစ်ချက်ကြည့်လိုက်သည်။

​သုံးဦးစလုံးမှာ တစ်ပြိုင်နက်တည်း ခေါင်းညိတ်လိုက်ကြသည်။

​ယင်ချဲ့ ကောင်းကင်အရှင်သည် ထိုအပြုအမူကို မြင်သောအခါ ကျေနပ်စွာ ပြုံးလိုက်သည်။

​"မဆိုးဘူး၊ မင်းတို့က ဆန်းနယဲ့ သူတော်စင်တွေ ဖြစ်လာလို့ ပျင်းရိနေဖို့ မတွေးကြတာပဲ။"

​"အမှန်အတိုင်း ပြောရရင်၊ ဒီကာလအတွင်းမှာ လူအိုတချို့က မင်းတို့ကို ဆန်းနယဲ့ စစ်မြေပြင်ဆိုတဲ့ ခေါင်းစဉ်နဲ့ မူရင်း သဘောသဘာဝကို မေ့သွားမှာကို စိုးရိမ်နေကြတာ။"

​"အဲဒီအထိတော့ မရောက်ပါဘူး၊ ကောင်းကင်ငါးပါးရဲ့ ဆန်းနယဲ့ သူတော်စင်တွေက အဲဒီအဆင့်ထိ မရောက်သေးဘူး၊ ဆန်းနယဲ့ စစ်မြေပြင်မှာ လမ်းက အဝေးကြီး ကျန်သေးတယ်၊ တကယ်လို့ ဘက်ပေါင်းစုံက အကြီးအကဲတွေရဲ့ ပူးပေါင်းဆောင်ရွက်မှု မရှိရင် ဒီတစ်ခါ ကောင်းကင်ငါးပါးပြိုင်ပွဲတောင် အဆင်ပြေပြေ ဖြစ်လာမှာ မဟုတ်ဘူး။ ကျွန်တော်လို လူငယ်လေးတွေက ဘဝင်မြင့်ပြီး ဆန်းနယဲ့ စစ်မြေပြင်ကို အကြောင်းပြပြီး ကောင်းကင်ငါးပါးရဲ့ အရင်းအမြစ်တွေကို ဖျက်ဆီးရဲပါ့မလား။"

​ဖန့်ချန်က ခေါင်းခါလိုက်သည်။

​"မင်းရဲ့ သဘောထားက ဒီလိုဆိုရင်တော့ ကောင်းတာပေါ့။"

​ယင်ချဲ့ ကောင်းကင်အရှင်က ပြုံးလိုက်ပြီး စကားအလှည့်အပြောင်းကို ရုတ်တရက် ပြောင်းလဲလိုက်သည်။

​"မင်း အရင်တုန်းက သွေးရွာခန်းမဘက်မှာ နာမည်ပြောင် ဝူရှီး နဲ့ ချီကွမ်းယီ ကို တိုက်ခဲ့တယ်လို့ ကြားတယ်၊ အဲဒီအချိန်က သူ့ရဲ့ ကျင့်စဉ်အဆင့်က မင်းထက် တစ်ဆင့်မြင့်နေတာတောင် မင်းပဲ နိုင်သွားတယ်ဆို။"

​"တကယ်တော့ သရေပွဲပါ။"

​ဖန့်ချန်က -

​"နောက်ဆုံးတော့ ငါတို့ ကျောက်တုံး၊ ကတ်ကြေး ၊ စက္ကူ ကစားပြီး အနိုင်အရှုံး ဆုံးဖြတ်လိုက်ကြတာ။" ဟု ပြောသည်။

​ယင်ချဲ့ ကောင်းကင်အရှင်မှာ စိတ်ဝင်စားသွားပြီး ကျောက်၊ ကတ်ကြေး ၊ စက္ကူ ကစားနည်းအကြောင်း အသေးစိတ် မေးမြန်းလိုက်ရာ၊ ၎င်း၏ အဓိပ္ပာယ်ကို သိရှိသွားချိန်တွင် ရယ်မောမိလိုက်သည်။

​ထို့နောက် သူမက -

​"ဒီတစ်ခါ မငြိမ်သက်တဲ့နယ်မြေကလည်း ရွှမ်နယဲ့အဆင့် အစောပိုင်း တစ်ယောက် လာလိမ့်မယ်၊ နာမည်က နတ်မိမယ်ယွီ ၊ ရှန်းကျောက် ကောင်းကင်အရှင်ရဲ့ တပည့်ပဲ။ ဒါပေမဲ့ ရှန်းကျောက် ကောင်းကင်အရှင်က အလုပ်မအားလို့ ချီကွမ်းယီကို လိုက်ပို့ခိုင်းလိုက်တာ။"

ဟု ပြောသည်။

​"ယင်ချဲ့ ကောင်းကင်အရှင်၊ ဆိုလိုတာက…… ချီ ကွမ်းယီလည်း ကောင်းကင်အရှင် ဖြစ်သွားပြီပေါ့ "

​ဖန့်ချန်၏ အမူအရာမှာ ထူးဆန်းသွားသည်။

​"ဟုတ်တယ်လေ။"

​ယင်ချဲ့ ကောင်းကင်အရှင်က ပြုံး၍ -

​"မင်း မယုံနိုင်စရာ ဖြစ်နေတာပေါ့၊ တကယ်တော့ ဒါက ကျိုးကြောင်းဆီလျော်ပါတယ်၊ သူ့ရဲ့ မျိုးဆက်က ချီထျန်း မျိုးနွယ်စုမှာ အလွန်မြင့်မားတယ်လေ။"

​"စောစောပိုင်းနှစ်တွေတုန်းက သူက သူတော်စင်ဧကရာဇ် စီမံကိန်းကနေ ထွက်ပြေးပြီး မငြိမ်သက်တဲ့နယ်မြေကို သွားခဲ့တာ၊ တကယ်တမ်း အသက်အရွယ်ကို တွက်ရင် သူက ငါ့ထက် မငယ်လောက်ဘူး။"

​"ကံမကောင်းတာက သူက အဲဒီအချိန်မှာ နောက်ထပ် စောင့်ဖို့ မလုပ်ခဲ့ဘူး၊ နိဗ္ဗာန် တားမြစ်နယ်မြေ ပွင့်လာတဲ့အထိ စောင့်ပြီး မင်းတို့နဲ့အတူ ဆန်းနယဲ့ စစ်မြေပြင်ထဲကို ဝင်နိုင်ရင် သူရဲ့ ရှေ့ရေးက ပိုတောင် တောက်ပဦးမှာ။"

​ဖန့်ချန်သည် သူမ၏ စကားဆိုလိုရင်းကို နားလည်လိုက်သည်။

​ယခုအခါ ကောင်းကင်ငါးပါး၏ ကျင့်ကြံနည်းလမ်းမှာ နှစ်မျိုး ရှိသည်။

​ရိုးရာနည်းလမ်းမှာ သူတော်စင်ကျမ်းစာများဖြင့် ကျင့်ကြံခြင်း ဖြစ်သည်။

​နောက်တစ်မျိုးမှာ ယခု သူတို့ ဆန်းနယဲ့ သူတော်စင်များ လျှောက်လှမ်းနေသည့် လမ်းစဉ် ဖြစ်သည်။

​ကျင့်ကြံနည်းဖြင့် အတွင်းကမ္ဘာကို သန့်စင်ခြင်း ဖြစ်သည်။

​ချီကွမ်းယီမှာ လက်ရှိတွင် ပထမနည်းလမ်းဖြင့် သွားနေခြင်း ဖြစ်ပြီး၊ နိဗ္ဗာန် တားမြစ်နယ်မြေ မပေါ်ခင်က ထိုနည်းလမ်းမှာ ကောင်းကင်ငါးပါး၏ တစ်ခုတည်းသော လမ်းစဉ် ဖြစ်သည်။

​သူသည် ထိုလမ်းစဉ်တွင်လည်း ရှေ့ဆုံးမှ ရှိနေသူ ဖြစ်သည်။

​"ကျင့်ကြံနည်းက နိဗ္ဗာန် တားမြစ်နယ်မြေထဲကနေပဲ ရနိုင်ပေမဲ့ တခြားနည်းလမ်းမရှိဘူးလို့တော့ မဆိုလိုဘူး၊ ကျင့်ကြံနည်း အလုံအလောက် ရှိဖို့ပဲ လိုတာ။"

​"ကောင်းကင်ငါးပါးရဲ့ လက်ရှိ ကောင်းကင်အရှင် တချို့လည်း ဒီလမ်းစဉ်ကို ပြောင်းလဲ လေ့ကျင့်လို့ ရပါတယ်၊ ဒါပေမဲ့ ဒီလမ်းက အဲဒီလောက် မလွယ်ကူဘူးလေ။"

​ထိုအချိန်တွင် ယင်ချဲ့ ကောင်းကင်အရှင်၏ စိတ်အာရုံမှာ တစ်ချက် လှုပ်ရှားသွားပြီး၊ အတွင်းကမ္ဘာမှာ အဆင့်ဆင့် မြင့်တက်သွားသည်။

​လေဟာနယ်၏ ပထမအလွှာတွင် အတွင်းကမ္ဘာများစွာ ပေါ်ထွက်လာပြီး ဖြစ်သည်။

အကြီးကဲ​ငါးပါး ကိုလည်း ပို့ဆောင်ပေးလိုက်ပြီး၊ သူတို့ကို လိုက်ပို့ပေးသည့် ကောင်းကင်အရှင်များနှင့်အတူ ယင်ချဲ့ ကောင်းကင်အရှင်၏ အတွင်းကမ္ဘာထဲသို့ ရောက်ရှိလာကြသည်။

အကြီးကဲ​ငါးပါး မှာ ဖန့်ချန်ကို မြင်လိုက်သည်နှင့် ချက်ချင်းပင် အနားသို့ တိုးကပ်လာကာ၊ ဤကာလအတွင်း ကောင်းကင်ငါးပါးပြိုင်ပွဲနှင့် ပတ်သက်သည့် ကိစ္စရပ်များကို ပြောပြလေသည်။

​"ကိစ္စမရှိပါဘူး၊ ကောင်းကင်ငါးပါးပြိုင်ပွဲက လူအများရဲ့ ဆန္ဒအတိုင်းပါပဲ၊ ဦးတည်ချက်ကို ခဏလောက် ထိန်းချုပ်ပေးလိုက်ရင် ရပါပြီ။"

​ဖန့်ချန်မှာ ထိုကိစ္စကို အထူးအလေးမထားပေ။

​ယင်ချဲ့ ကောင်းကင်အရှင်တို့မှာ မနီးမဝေးတွင် ရပ်နေကြပြီး လူငယ်များ၏ စကားဝိုင်းတွင် ဝင်မပါဘဲ အကြီးကဲငါးပါး နှင့် ဖန့်ချန်တို့၏ ပြောဆိုပုံကို ကြည့်နေကြရာ၊ သူတို့ကို လိုက်ပို့ပေးသော ကောင်းကင်အရှင်အချို့မှာ ရှုပ်ထွေးသော အရိပ်အယောင်များဖြင့် ကြည့်နေကြသည်။

​"ဖန့် သူတော်စင်ဘိုးဘေး၊ ဒီ ရှေးဟောင်း အတွင်းကမ္ဘာ တားမြစ်နယ်မြေမှာ အသွင်ပြောင်းလဲခြင်း နတ်ဘုရားမျက်လုံး ရှိတယ်လို့ ကြားတယ်၊ ဘယ်လိုထင်လဲ "

​စီကုကျိ က စိတ်ဝင်တစားဖြင့် အသံကို တိုး၍ မေးသည်။

​"ငါကတော့ (၈၀) ရာခိုင်နှုန်း သေချာတယ်လို့ ထင်တယ်၊ မှန်တယ်၊ မင်းတို့က နတ်ဘုရားမျက်လုံး (၉) မျိုးထဲက ဘယ်နှစ်မျိုးကို ပိုင်ဆိုင်ထားလဲ "

​ဖန့်ချန်က မေးသည်။

​စီကုကျိ၏ မျက်ဝန်းထဲတွင် ဂုဏ်ယူဝံ့ကြွားမှုများ ပေါ်လာသည်။

​"အဲဒီအကြောင်း ပြောရရင်တော့၊ အရင်တုန်းက သူတော်စင်ဧကရာဇ် စီမံကိန်း ရှိတုန်းက ငါတို့ အကြီးကဲငါးပါး က နတ်ဘုရားမျက်လုံး (၉) မျိုးထဲက အတော်များများကို ပိုင်ဆိုင်ထားခဲ့တာပါ။"

​"ကောင်းကင်ငါးပါးထဲမှာ နားလည်သဘောပေါက်နိုင်တဲ့ နတ်ဘုရားမျက်လုံး (၉) မျိုးကတော့ တောက်ပသော နတ်ဘုရားမျက်လုံး၊ နီရဲသော ကပ်ဘေးဝိဇ္ဇာ နတ်ဘုရားမျက်လုံး၊ သတ်ဖြတ်ခြင်းခုနှစ်ပါး နတ်ဘုရားမျက်လုံး တို့ပဲ ရှိတော့တယ်။"

​ဆွေ့ဟွမ်ရွှီ က -

​"ဒါပေမဲ့ နတ်ဘုရားမျက်လုံး (၉) မျိုးကို နားလည်သဘောပေါက်ဖို့က အလွန် ခက်ခဲလွန်းလို့ ငါတို့ထဲမှာ ဖူချန်းချူ တစ်ယောက်ပဲ ဒီ နတ်ဘုရားမျက်လုံး (၃) မျိုးလုံးကို ပိုင်ဆိုင်ထားတယ်။"

ဟု ပြောသည်။

ဖူချန်းချူက နှိမ့်ချစွာဖြင့် ပြုံးလိုက်သည်။

​"မပြောပလောက်ပါဘူး။"

​"ဒါဆိုရင်တော့ သူတို့က နတ်ဘုရားမျက်လုံး (၉) မျိုး အစုံ ရဖို့ဆိုတာ မဖြစ်နိုင်သလောက်ပါပဲ။"

​ဖန့်ချန်က စိတ်ထဲတွင် တိတ်တဆိတ် တွေးလိုက်သည်။

​ထိုအချိန်တွင် လူနှစ်ဦးမှာ ယင်ချဲ့ ကောင်းကင်အရှင်၏ အတွင်းကမ္ဘာထဲသို့ လျှောက်လာကြသည်။

အကြီးကဲ​ငါးပါး သည် လာသူတို့ကို မြင်လိုက်သည်နှင့် ချက်ချင်းပင် ဒေါသထွက်သွားကြသည်။

​"သစ္စာဖောက် "

အခန်း (၂၈၇၂) - ပြန်လည်ပိတ်ဆို့ခြင်း

​ချီကွမ်းယီသည် အကြီးကဲငါးပါး အရောက်လာမည်ကို ကြိုတင်သိရှိထားပုံရသည်။ သူတို့ကို မထီတရီ ကြည့်နေခြင်းကို လျစ်လျူရှုလိုက်ပြီး ယင်ချဲ့ ကောင်းကင်အရှင်နှင့် မုန့်ထျန်းရှုတို့ကို ဦးညွှတ်အရိုအသေပေးကာ ဖန့်ချန်ဘက်သို့ လှည့်ကြည့်လိုက်သည်။

​"ဝူရှီး၊ ငါတို့ မတွေ့တာ နှစ်ပေါင်းထောင်ချီ ရှိပြီနော်၊ နေကောင်းရဲ့လား "

​"ငါကတော့ နေကောင်းပါတယ်။ မင်းလည်း မဆိုးပါဘူး၊ ယင်ချဲ့ ကောင်းကင်အရှင် ပြောပြလို့ သိရတာ၊ မင်း အခု ကောင်းကင်အရှင် ဖြစ်သွားပြီပေါ့ "

​ဖန့်ချန်က ပြုံး၍ ပြောလိုက်သည်။

​အကြီးကဲငါးပါးမှာ ပြောစရာစကား ရှိနေသေးသော်လည်း၊ ထိုစကားကို ကြားသောအခါ အနည်းငယ် တွေဝေသွားကြပြီး ရှုပ်ထွေးသော အကြည့်များဖြင့် ချီကွမ်းယီကို ဝေ့ဝဲကြည့်ရှုကြသည်။

​သူတို့၏ အကြည့်များတွင် စိုးရိမ်မှု၊ နှမြောမှု၊ နှင့် အနည်းငယ်သော အခြားသူ၏ ဘေးဒုက္ခကို ကြည့်၍ ပျော်ရွှင်နေသည့် အရိပ်အယောင်များ ရောထွေးနေသည်။

​ချီကွမ်းယီက ပြုံးလိုက်သည်။

​"ဟုတ်တယ်လေ၊ အဲဒီအချိန်က ကမ္ဘာငယ်သူတော်စင် နေရာမှာပဲ တွယ်ကပ်နေတာ အဓိပ္ပာယ်မရှိဘူးလို့ ထင်မိတာပါ။ အရင်းအမြစ်တွေကို အလကားဖြုန်းတီးနေမယ့်အစား၊ ကောင်းကင်အရှင် သူတော်စင်နေရာကို တက်လှမ်းပြီး အဓိပ္ပာယ်ရှိတဲ့ အလုပ်တွေ လုပ်ချိန်တန်ပြီလေ။"

​ပြောရင်းနှင့် သူသည် အကြီးကဲငါးပါးကို တစ်ချက်လှမ်းကြည့်လိုက်သည်။

​အကြီးကဲငါးပါး၏ စိတ်ထဲတွင် ဒေါသများ ချက်ချင်း တောက်လောင်လာသည်။ ဖန့်ချန်သာ မရှိလျှင် သူတို့အနေဖြင့် ကဲ့ရဲ့ပြောင်လှောင်သည့် စကားလုံးများဖြင့် ပက်ပက်စက်စက် ပြောဆိုမိကြမည်မှာ သေချာသည်။

​"သခင်လေး"

​နတ်မိမယ်ယွီမှာ ပွင့်ပွင့်လင်းလင်းပင် ဖန့်ချန်၏ဘေးသို့ လျှောက်သွားပြီး လက်မောင်းကို တွဲကိုင်လိုက်သည်။

​ရှန်းဟုန်မျိုးနွယ်စုမှာ ယခုအခါ ပွင့်လင်းစွာ ပေါ်ထွက်လာပြီ ဖြစ်ရာ၊ ဤနေရာရှိ ကောင်းကင်အရှင်များမှာ နတ်မိမယ်ယွီ၏ နောက်ခံကို မသိဘဲ မနေကြပါ။

​နတ်မိမယ်ယွီသည် ဝမ်ချုံစန်းကို တစ်ချက်ကြည့်လိုက်ပြီးနောက် ရှဲ့အာမန်ကို ကြည့်ကာ ဖန့်ချန်ထံသို့ စိတ်အာရုံဖြင့် စကားလှမ်းပြောလိုက်သည်။

​"ဝမ်အိုကြီး သူက……"

​"မှတ်ဉာဏ်တွေ ပြန်ရသွားပြီ။"

​"အို"

​နတ်မိမယ်ယွီ၏ မျက်ဝန်းတွင် အပြုံးတစ်ခု ပေါ်လာပြီး ဝမ်ချုံစန်းကို ခေါင်းညိတ်ပြလိုက်သည်။

​ဝမ်ချုံစန်းလည်း နားလည်သွားကာ အနည်းငယ် ခေါင်းညိတ်တုံ့ပြန်လိုက်သည်။

​"သူတို့အားလုံး ရောက်လာကြပြီပဲ၊ ရှန်းဖူမျိုးနွယ်စုဘက်က ကောင်းကင်အရှင်တွေက ဘယ်လို ပြောသလဲ "

​ချီကွမ်းယီက ယင်ချဲ့ ကောင်းကင်အရှင်ကို မေးလိုက်ရာ သူ၏ အသံမှာ သာမန်အတိုင်းပင် ဖြစ်သည်။

​"ရောက်တော့မှာပါ။ ခဏလောက် ထပ်စောင့်ဦး။"

​ယင်ချဲ့ ကောင်းကင်အရှင်က ပြောသည်။

​တစ်နာရီခန့် ကြာပြီးနောက်တွင်……

​ရှန်းဖူမျိုးနွယ်စုမှ ကောင်းကင်အရှင် နှစ်ပါး နောက်ကျ၍ ရောက်လာကြသည်။ သူတို့သည် ယင်ချဲ့ ကောင်းကင်အရှင်ကို တောင်းပန်စကား ဆိုပြီးနောက်၊ ဤနေရာရှိ ကောင်းကင်အရှင်များကို တစ်ချက်ကြည့်ကာ ချီကွမ်းယီနှင့် မုန့်ထျန်းရှုတို့ကို နှုတ်ဆက်လိုက်ကြသည်။

​ဤကောင်းကင်အရှင် နှစ်ပါးမှာ အသစ်တက်လာသူများ ဖြစ်သည့်အတွက် ယခင်က သိပ်ပြီး ရင်းနှီးမှု မရှိခဲ့ကြပေ။

​လေဟာနယ်၏ အနက်ရှိုင်းဆုံးနေရာတွင်……

​အသွင်ပြောင်းလဲခြင်း တားမြစ်နယ်မြေရှေ့တွင် ဖန့်ချန်တို့သည် ရှန်းဖူ ကောင်းကင်အရှင် နှစ်ပါးက နည်းလမ်းများကို အသုံးပြု၍ ဤရှေးဟောင်း အတွင်းကမ္ဘာ တားမြစ်နယ်မြေကို တစ်စချင်းစီ ဖွင့်ပေးနေသည်ကို ကြည့်နေကြသည်။

​"မင်းတို့မှာ အချိန်နှစ်နှစ်ရာ ရှိတယ်။ အောင်မြင်သည်ဖြစ်စေ၊ မအောင်မြင်သည်ဖြစ်စေ နှစ်နှစ်ရာအတွင်း အထဲကနေ ပြန်ထွက်လာရမယ်။"

​ထို ရှန်းဖူ ကောင်းကင်အရှင် နှစ်ပါးမှာ စွမ်းအားအချို့ကို အသုံးပြု၍ ပိတ်ဆို့ထားသည့် အလွှာများကို ခဏတာ ဖယ်ရှားပေးလိုက်သည်။ သို့သော် ၎င်းကို ဖျက်ဆီးခြင်း မဟုတ်ဘဲ သိမ်းဆည်းသည့် ပုံစံဖြင့် တစ်ဖက်သို့ ဖယ်ထားခြင်း ဖြစ်သည်။

​"ဒီ ရှေးဟောင်း တားမြစ်နယ်မြေကို အပြီးတိုင် မဖွင့်တော့ဘူးလား "

​စီကုကျိက တွေဝေစွာ မေးသည်။

​ယင်ချဲ့ ကောင်းကင်အရှင်က ပြုံး၍ -

​"လုံးဝ ထိန်းချုပ်နိုင်ခြင်း မရှိခင်တော့ အပြီးတိုင် ဖွင့်ဖို့ မရည်ရွယ်ဘူး။ အရင်က ဒီနေရာတွေကို ပိတ်ဆို့ဖို့ ရှန်းဖူမျိုးနွယ်စုက အကြီးအကျယ် ကြိုးပမ်းခဲ့ရတာလေ။ အခုက ခဏပဲ ဖွင့်ပေးတာ၊ မင်းတို့ အထဲကို လည်ပတ်ပြီးရင် ပြန်ထွက်လာခဲ့။ ပြီးရင် ဆက်ပြီး ပိတ်ထားဦးမှာ။"

​"ဒီ ရှေးဟောင်း တားမြစ်နယ်မြေက အန္တရာယ် အလွန်များပုံပဲ။"

​အကြီးကဲငါးပါးမှာ လေးနက်သော အမူအရာဖြင့် ပြောသည်။

​သူတို့အနေဖြင့် အထဲသို့ ဝင်သင့် မဝင်သင့် စဉ်းစားနေစဉ်မှာပင်……

​ဖန့်ချန်ကမူ စတင်လှုပ်ရှားနေပြီ ဖြစ်သည်။

​ဖန့်ချန် ဦးဆောင်၍ ရှဲ့အာမန်၊ ဝမ်ချုံစန်း၊ နတ်မိမယ်ယွီတို့သည် အတွင်းကမ္ဘာများကို ပိုင်စိုးထားသူများပီပီ အသွင်ပြောင်းလဲခြင်း တားမြစ်နယ်မြေဆီသို့ အတူတကွ ပျံသန်းသွားကြသည်။

​ဤနေရာမှာ ယင်ချဲ့ ကောင်းကင်အရှင်က ထိန်းချုပ်ထားသဖြင့် လူသားသူတော်စင်များကို ဖိအားပေးသည့် ကြောက်မက်ဖွယ်ရာ အငွေ့အသက်များမှာ ခဏတာ ပျောက်ကွယ်သွားသည်။

​မဟုတ်ပါက ဖန့်ချန်မှလွဲ၍ ကျန်သုံးဦးမှာ ဤနေရာတွင် လမ်းလျှောက်နိုင်မည်ပင် မဟုတ်ပေ။

​အကြီးကဲငါးပါးမှာ ထိုမြင်ကွင်းကို မြင်သောအခါ တွေဝေမနေရဲတော့ဘဲ အမြန်ပင် လိုက်ပါသွားကြသည်။

​"ယင်ချဲ့ ကောင်းကင်အရှင်၊ ပိလော့မဟာမိတ်အဖွဲ့က ဘာလို့ ဒီ ရှေးဟောင်း တားမြစ်နယ်မြေကို ရုတ်တရက် ဖွင့်ချင်လာရတာလဲ "

​ချီကွမ်းယီက မေးလိုက်သည်။

​"ငါတို့ ဆန္ဒမဟုတ်ပါဘူး၊ အဲဒီ အကြီးကဲကြီးရဲ့ အလိုတော်ပါပဲ။"

​ယင်ချဲ့ ကောင်းကင်အရှင်က ပြောသည်။

​အကြီးကဲကြီး

​ချီကွမ်းယီမှာ မည်သူမည်ဝါဖြစ်ကြောင်း ခန့်မှန်းမိလိုက်သည်။

​"အသွင်ပြောင်းလဲခြင်း နတ်ဘုရားမျက်လုံးဆိုတာ နတ်ဘုရားမျက်လုံး (၉) မျိုးထဲကတစ်ခုပဲ၊ တကယ်လို့ သူတို့ထဲက တစ်ယောက်ယောက်သာ နားလည်သဘောပေါက်သွားရင် ဒီပျောက်ကွယ်သွားတဲ့ စွမ်းအားကို ကောင်းကင်ငါးပါးအတွက် ပြန်သုံးနိုင်မှာ။"

​သူတို့ကို လိုက်ပို့ပေးသည့် ကောင်းကင်အရှင် တစ်ပါးက ပြောသည်။

​"ဒါက ကောင်းကင်ငါးပါးအတွက်တော့ အကျိုးကျေးဇူး အလွန်ကြီးမားမှာပဲ။"

​……

​……

​ခဏအကြာတွင် ဖန့်ချန်တို့သည် အေးဆေးစွာ ဆင်းသက်လိုက်ကြသည်။

​အကြီးကဲငါးပါးနှင့် ဝမ်အိုကြီးတို့သည် ဖန့်ချန်၏ ဘေးပတ်လည်တွင် ချက်ချင်း စုရုံးရောက်ရှိလာပြီး ပတ်ဝန်းကျင်ကို သတိကြီးစွာဖြင့် စောင့်ကြည့်နေကြသည်။

​"သခင်လေး၊ နောက်ထပ် ဘယ်ဘက်ကို သွားရမလဲ၊ ဒီနေရာက ကြည့်ရတာ အကုန်လုံး အတူတူပဲ၊ ဘာမှ မထူးခြားသလိုပဲ။"

​နတ်မိမယ်ယွီက ပတ်ဝန်းကျင်ကို လှည့်ကြည့်ရင်း မေးသည်။

​အကြီးကဲငါးပါးလည်း ဤနေရာမှာ အလွန်ငြိမ်းချမ်းနေပြီး အန္တရာယ် တစ်စုံတစ်ရာ ရှိပုံမပေါ်သဖြင့် ဘာမှ ထူးခြားမှု မရှိဟု ခံစားရသည်။

​သို့သော် ရှဥ်ကွေ့ မျိုးနွယ်စုမှ အဆိပ်သင့်သွားသူများက ၎င်းတို့အား သတိပေးနေသဖြင့် ဤအတွင်းကမ္ဘာ တားမြစ်နယ်မြေမှာ လုံးဝ မလုံခြုံကြောင်း သိထားသည်။

​ဖန့်ချန် စကားစမည် ပြုလုပ်တော့မည့်အချိန်မှာပင်၊ သူ၏ စိတ်အာရုံမှာ ရုတ်တရက် လှုပ်ရှားသွားပြီး မျက်စိရှေ့တွင် ကြီးမားသော မြင်ကွင်းတစ်ခု ပေါ်လာသည်။

​မီးခိုးရောင် မြူခိုးများ လှုပ်ရှားနေသည့်ကြားမှ လုကျိုးယွမ်နှင့် အရိပ်တစ်ခု အချင်းချင်း စကားများနေသည်ကို မြင်လိုက်ရသည်။

​"မင်းတို့ ငါ့ကို တိုက်ခိုက်ဖို့ တွန်းအားပေးရင်၊ အားလုံး သေကြေပျက်စီးသွားလိမ့်မယ် "

​လုကျိုးယွမ်က တစ်ဖက်လူ၏ နှာခေါင်းကို ညွှန်ပြ၍ ပြောသည်။

​တစ်ဖက်လူက ရယ်မော၍ -

​"စမ်းကြည့်မလား "

​"လာလေ"

​"လာစမ်း"

​"……"

​"လုကျိုးယွမ်၊ အဲဒီ ဖန့် ဆိုတဲ့ကောင်ရဲ့ နည်းလမ်းတွေက ထူးချွန်တယ်ဆိုရင် သူ့ကို အသွင်ပြောင်းလဲခြင်း တားမြစ်နယ်မြေကို သွားစမ်းခိုင်းလိုက်ပေါ့၊ ဘာတွေ စိုးရိမ်နေတာလဲ "

​"အဲဒီ ရှေးဟောင်း တားမြစ်နယ်မြေက ငါ့ကို လိုက်သတ်ခဲ့တဲ့ ထောင်ထိန်းကျန်ခဲ့တဲ့ နေရာပဲ။ တကယ်လို့ ဖန့်ချန်သာ အသွင်ပြောင်းလဲခြင်း နတ်ဘုရားမျက်လုံးကို နားလည်သွားရင်၊ သူက ထောင်ထိန်းရဲ့ အမှတ်အသားကို ရသွားမှာပေါ့။ ဖြစ်နိုင်ရင် အဲဒီထောင်ထဲကနေ ငါတို့အတွက် အကူအညီပေးမယ့်သူ နောက်ထပ် လူအနည်းငယ်ကိုပါ ခေါ်ထုတ်လာနိုင်လိမ့်မယ်။"

​"အဲဒီထဲမှာ ရှိနေတာတွေက လူဆိုးကြီးတွေပဲ၊ ထွက်လာရင်လည်း ငါတို့ရဲ့ အကူအညီ ဖြစ်လာမှာ မဟုတ်ဘူး။ မင်းက ငါ့ဆီက ခွင့်ပြုချက်မယူဘဲ သူတို့ကို အသွင်ပြောင်းလဲခြင်း တားမြစ်နယ်မြေကို လှည့်စားခေါ်လာတာ၊ ဒါက မင်း မျက်နှာဖုံးချွတ်ပြီး စစ်ကြေညာချင်နေတာပဲ "

​"ဒါဆိုလည်း ချွတ်လိုက်ပေါ့၊ မင်း တကယ်သာ တိုက်ခိုက်ရဲရင် ဒီနေရာမှာ ငါ့ကြောင့် ပိတ်မိနေပါ့မလား "

​"မတိုက်ရဲဘူး မဟုတ်လား ဟုတ်တယ်မလား ဟားဟား၊ မင်း အကန့်အသတ်ကို ရောက်နေပြီ၊ တိုက်ခိုက်လိုက်ရင် ဖြစ်လာမယ့် အကျိုးဆက်ကို မင်း သိမှာပါ။ သူတော်စင်ဧကရာဇ် နန်းတော်ရဲ့ သတိထားမှုကို မခံရရင်တောင်၊ အဲဒီအန္တရာယ်ကို မင်း မခံနိုင်ဘူး "

​အသံများ တဖြည်းဖြည်း တိုးသွားပြီးနောက် မြင်ကွင်းမှာလည်း ရပ်တန့်သွားသည်။ ဖန့်ချန် နောက်ထပ် ဘာတွေ ဆက်ပြောကြသည်ကို ကြည့်ချင်သေးသော်လည်း မမြင်ရတော့ပေ။

​ထို စကားပြောဆိုမှုအရ၊ ဤတစ်ကြိမ် အသွင်ပြောင်းလဲခြင်း တားမြစ်နယ်မြေကို ဖွင့်လှစ်ခြင်းမှာ လုကျိုးယွမ်၏ စိတ်ဆန္ဒ အစစ်အမှန် မဟုတ်ကြောင်း သူ ခန့်မှန်းမိလိုက်သည်။

​သူနှင့် ဝမ်အိုကြီးတို့မှာ ဤနေရာသို့ လှည့်စားခေါ်ဆောင်လာခြင်းသာ ဖြစ်သည်။

​"ထောင်၊ ထောင်ထိန်း ဒီ အသွင်ပြောင်းလဲခြင်း နတ်ဘုရားမျက်လုံးက ဘယ်လို ထောင်ထိန်းနဲ့ ပတ်သက်နေတာလဲ "

​ဖန့်ချန်၏ အမူအရာမှာ လေးနက်သွားသည်။

​"ပြီးတော့ လုကျိုးယွမ်ကို ဒီလောက်အထိ တွန်းအားပေးနိုင်တဲ့ အဲဒီလူ…… ကြည့်ရတာ ချင်ဟော်ဆွေ့ ရဲ့ ကျောထောက်နောက်ခံ ဖြစ်မယ်။ သူတို့ကပဲ ချင်််ဟော်ာဆွေ့ ကို ယင်သူတော်စင်ရဲ့ နည်းလမ်းတွေကို သင်ပေးခဲ့တာပဲ။"

​သူသည် ရှဲ့ကျစ် နန်းတော်တွင် လူအရေခွံကို ဝတ်ဆင်ထားသော ထိုလူကို သတိရလိုက်သည်။ အခြားသူများ၏ အတွင်းကမ္ဘာ ကြယ်တာရာကို သန့်စင်သည့် ယုတ်မာသော နည်းလမ်းမှာ ထိုလူ၏ လက်ချက်ပင် ဖြစ်သည်။

​"ဖန့် သူတော်စင်ဘိုးဘေး၊ မျက်နှာအမူအရာ မကောင်းပါလား၊ ပြဿနာ တစ်ခုခု ရှိလို့လား "

​ရှန်တုရှင်း က စိုးရိမ်စွာ မေးသည်။

​"အရင်ဆုံး ပြန်ထွက်ကြမယ်။"

​ဖန့်ချန်မှာ ပြတ်ပြတ်သားသား ဆုံးဖြတ်လိုက်သည်။

​သူတို့မှာ လှည့်စားခေါ်ဆောင်လာခြင်း ဖြစ်ရာ၊ ဤနေရာတွင် မည်သည့် လျှို့ဝှက်ချက်များ၊ အသွင်ပြောင်းလဲခြင်း နတ်ဘုရားမျက်လုံး၏ စွမ်းအားများ ရှိနေပါစေ၊ ယခုအချိန်တွင် စူးစမ်းရန် သင့်တော်သည့် အချိန် မဟုတ်သေးပေ။

​အရင်ဆုံး ပြန်ထွက်ကြမယ်

​သူတော်စင်များမှာ အံ့အားသင့်သွားကြသော်လည်း သူတို့၏ တုံ့ပြန်မှုမှာ မြန်ဆန်လှပြီး ဖန့်ချန်နှင့်အတူ ထိုနေရာမှ ချက်ချင်း ဆုတ်ခွာရန် ပြင်ဆင်ကြသည်။

​သို့သော် သူတို့ စတင်လှုပ်ရှားလိုက်သည်နှင့် ရှန်းဖူ ကောင်းကင်အရှင် နှစ်ပါးမှာ ခဏတာ ဖယ်ထားသည့် ပိတ်ဆို့အလွှာများကို အသွင်ပြောင်းလဲခြင်း တားမြစ်နယ်မြေပေါ်သို့ တစ်ပြိုင်နက်တည်း ပြန်လည်ပိတ်ဆို့လိုက်ပြီး၊ လေဟာနယ်အတွင်းသို့ ပျောက်ကွယ်သွားကြသည်။

​မုန့်ထျန်းရှု၊ ချီကွမ်းယီနှင့် အခြား ကောင်းကင်အရှင်များသည် တစ်ခုခု မှားယွင်းနေကြောင်း ချက်ချင်း သတိပြုမိသွားပြီး မည်သည့်စကားမှ မဆိုဘဲ ရှန်းဖူ ကောင်းကင်အရှင် နှစ်ပါးနောက်သို့ လိုက်ပါသွားကြသည်။

​ယင်ချဲ့ ကောင်းကင်အရှင်၏ မျက်နှာမှာလည်း အလွန်ဆိုးရွားသွားပြီး အမှောင်ထုဖုံးလွှမ်းနေသည့်နှယ် တည်ငြိမ်သွားသည်။

​……

​……

​"ဒီ ရှေးဟောင်း တားမြစ်နယ်မြေကို ပြန်လည်ပိတ်ဆို့လိုက်ပြီ။"

​ဖန့်ချန်သည် ရပ်တန့်လိုက်ပြီး ထပ်ဆင့်ပိတ်ဆို့ထားသည့် အလွှာများကို ကြည့်ကာ အေးစက်သောအသံဖြင့် ပြောလိုက်သည်။