အခန်း ၉၁၁

အခန်း (၉၁၁) နတ်နဂါးချပ်ဝတ်တန်ဆာ။

ထိုစကားကို ပြောပြီးနောက်၊ ချင်ယွင်၏ မျက်လုံးများသည် ရုတ်တရက် ခက်ထန်လာပြီး သူ၏ခန္ဓာကိုယ်မှ ထူးဆန်းသော စွမ်းအင်အတက်အကျလှိုင်းများ ထွက်ပေါ်လာသည်။

ဘန်း..။

ဤစွမ်းအင်အတက်အကျလှိုင်းများသည် တခဏချင်း ပျံ့နှံ့သွားခဲ့ပြီး၊ အချင်းဝက် မီတာ တစ်သောင်းရှိသော ဧရာမနယ်မြေကြီးတစ်ခုအသွင် တိုက်ရိုက် ဖွဲ့စည်းသွားခဲ့သည်။

"အယ်….? ဒါက ဘာလဲ?" အင်မော်တယ်ဘုရင်များသည် တစ်ခုခုလွဲချော်နေသည်ကို သတိပြုမိပုံရသည်။ သူတို့ပတ်ဝန်းကျင်တွင် ထူးထူးခြားခြား အပြောင်းအလဲတစ်ခု ပျံ့နှံ့သွားသလို ခံစားလိုက်ရသော်လည်း၊ သူတို့ကို လုံးဝ မထိခိုက်ခဲ့ပါဘူး။

"ဟမ့်၊ ဒါက လှည့်ကွက်အချို့ပဲ ဖြစ်ရမယ်။" အင်မော်တယ်ဘုရင် တစ်ယောက်က ချက်ချင်းပင် မထီမဲ့မြင်ပြုကာ ပြောလိုက်သည်။

တခြားသူတွေလည်း ခေါင်းညိတ်ပြကြသည်။ သူတို့သည် ဤထူးခြားသော နယ်မြေထံမှ အဆင်မပြေမှု တစ်စုံတစ်ရာကိုမှ မခံစားခဲ့ရပါချေ။

တစ်ဖက်တွင်မူ၊ ယုကျန်းနှင့် ကျားဖြူတို့သည် ချင်ယွင်ကို စူးစူးစိုက်စိုက် ကြည့်နေကြပြီး၊ ဤထူးဆန်းသော နယ်မြေကို သတိထားနေပုံရသည်။

လူတိုင်း၏ တုံ့ပြန်မှုကိုမြင်လိုက်ရတော့၊ ချင်ယွင်က ခပ်ဖျော့ဖျော့ ပြုံးလိုက်ပါသည်။

"မင်းတို့ရဲ့ အသက်​​တွေကို ​ဖြတ်သန်းခွင့် ပြုလိုက်ကြစမ်း” ချင်ယွင်သည် အေးစက်စွာ အော်ဟစ်လိုက်ပြီး နယ်မြေတစ်ခုလုံးအတွင်းမှာ လျှို့ဝှက်ဆန်းကြယ်သော စွမ်းအားတစ်ခု ထွက်ပေါ်လာသည်။

"မကောင်းတော့ဘူး..” ကျန်းယုနှင့် ကျားဖြူ၏ အမူအရာများသည် သိသိသာသာ ပြောင်းလဲသွားသည်။

အဘယ်ကြောင့်ဆိုသော် သူတို့သည် သူတို့၏ ခန္ဓာကိုယ်ပေါ်တွင် အဆက်မပြတ် စီးဆင်းနေသော အသက်စွမ်းအားကို ရှင်းရှင်းလင်းလင်း ခံစားနိုင်သောကြောင့် ဖြစ်သည်။ မျက်စိတစ်မှိတ်အတွင်းမှာပင် သူတို့၏ နဂိုက ချောမွေ့သော မျက်နှာများသည် အရေးအကြောင်းများ အနည်းငယ်ရှိလာကာ သူတို့၏ မူလက နက်မှောင်နေသော ဆံပင်များသည် စတင် ဖြူစပြုလာသည်။

"အား…...ဒါက ဘယ်လို ဖြစ်ရတာလဲ?။ ငါ့အသက်တွေက ဘယ်လိုနည်းနဲ့ ရုန်းထွက်သွား နိုင်တာလဲ?" အင်မော်တယ်ဘုရင်များသည် ချက်ချင်းပင် ထိတ်လန့်သွားပြီး၊ သူတို့အားလုံးသည် အလွန်ထိတ်လန့်သော အမူအရာများကို ထုတ်ဖော်နေကြသည်။

၎င်းတို့အားလုံးသည် နှစ်ပေါင်းသိန်းနှင့်ချီ၍ သက်တမ်းရှိသော်လည်း၊ သူတို့၏ သက်တမ်း ဆုံးရှုံးမှု အတိုင်းအတာသည် အလွန် ကြောက်စရာကောင်းနေသည်။ ဤအတိုင်းသာ ရှေ့ဆက် ဝါးမျိုခံနေရပါက၊ သူတို့သည် တစ်နာရီမပြည့်ခင် အချိန်အတွင်း သူတို့၏ သက်တမ်း နှစ်ရာထောင်ချီကို လုံးလုံးလျားလျား ဝါးမြိုသွားလိမ့်မည်။

"အဲဒါ သူပဲ။ ဟုတ်တယ် သူပဲ ဖြစ်ရမယ်။" အင်မော်တယ်ဘုရင်အချို့သည် ချင်ယွင်ကို ချက်ချင်း လက်ညှိုးထိုးပြပြီး ပြောလိုက်သည်။

"သူ့ကို သတ်ကြစမ်း” မင်းတို့ သူ့ကို သတ်လိုက်တာနဲ့ ဒီနယ်မြေလည်း ပျောက်ကွယ်သွား လိမ့်မယ်” ယုကျန်းက ပြောသည်။ သူပြောပြီးသည်နှင့်၊ အင်မော်တယ်ဘုရင် ကိုယ်ပွား သည် သူ၏နောက်တွင် ပေါ်လာပြီး၊ တလှိမ့်လှိမ့်တက်လာသော စွမ်းအားများ ပါဝင်နေ သည့် လက်သီးနှင့်အတူ ကြောက်မက်ဖွယ်ကောင်းသော ခွန်အားများဖြင့် ချင်ယွင်ဆီသို့ တဟုန်ထိုး ပြေးထွက်သွားလေသည်။

ချင်ယွင်သည် သူ၏မျက်လုံးများတွင် အေးစက်သော အပြုံးဖြင့် သူ့ဆီသို့ အပြေးအလွှား ပြေးလာနေသော ယုကျန်းကို ကြည့်နေသည်။

"ငါ့မှာ မင်းအတွက် နောက်ထပ် လက်ဆောင်တစ်ခု ရှိသေးတယ်။ မင်း သဘောကျပါ့ မလားဆိုတာ ငါ သိချင်မိသား” ချင်ယွင်က တဟားဟား ရယ်မောလိုက်သည်။ ထို့နောက်၊ ကြောက်မက်ဖွယ်ကောင်းသော နဂါးဟိန်းဟောက်သံက သူ၏ခန္ဓာကိုယ်မှ ထွက်ပေါ် လာသည်။ ထို့နောက် ချင်ယွင်၏ ခန္ဓာကိုယ်မှ ရွှေရောင်နဂါးပုံစံ ချပ်ဝတ်တစ်ခု ထွက်ပေါ်လာသည်ကို လူတိုင်း တွေ့လိုက်ရသည်။

မှန်ပါသည်။ ချင်ယွင် ယခုအသုံးပြုလိုက်သည့် အရာက နတ်နဂါးကျောက်စိမ်း တံဆိပ်၏ နတ်နဂါးချပ်ဝတ် ဖြစ်ပါသည်။

ချပ်ဝတ်တန်ဆာ ပေါ်လာသည်နှင့် တပြိုင်နက် ချင်ယွင်၏ အငွေ့အသက်သည် ကြောက်မက်ဖွယ် အဆင့်သို့ တိုးမြင့်သွားခဲ့သည်။

ချင်ယွင်သည် ရှောင်တိမ်းခြင်း မရှိသလို လှုပ်ရှားခြင်းပင် မပြုလုပ်ခဲ့ပေ။ ယုကျန်း၏ လက်သီးသည် ချင်ယွင်၏ ချပ်ဝတ်တန်ဆာပေါ်သို့ ပြင်းထန်စွာ ရိုက်ချလိုက်သည် ။

ဘုန်း…။

ထိတ်လန့်တုန်လှုပ်ဖွယ် အသံတစ်ချက် ထွက်ပေါ်လာသော်လည်း၊ ချင်ယွင်၏ ရုပ်အသွင်က လုံးဝ မလှုပ်ရှားပေ။ ယုကျန်း၏ ကြောက်စရာကောင်းသော တိုက်ခိုက်မှုက သူ့ကို မည်သည့်နာကျင်မူမှ မဖြစ်စေခဲ့ပါဘူး။

"ဘာလဲ?" ယုကျန်းသည် မယုံကြည်နိုင်ဟန်ဖြင့် မျက်လုံးများ ပြူးကျယ်သွားရသည်။

သူ၏လက်သီးတစ်ချက်သည် အင်မော်တယ်တောင်တစ်ခုကိုပင် ပေါက်ကွဲပစ်ရန် လုံလောက်သော်လည်း၊ ချင်ယွင်၏ ခန္ဓာကိုယ်မှာ အမာရွတ်တစ်ခုမှ မကျန်ရစ်ခဲ့ပါဘူး။

ခပ်လှမ်းလှမ်းမှ အခြားလူများလည်း အလွန်အံ့အားသင့်သွားသည့် အမူအရာများကို ထုတ်ဖော်နေပြီး၊ သူတို့သည် အလွန်တုန်လှုပ်သွားကြောင်း ထင်ရှားပါသည်။

"မင်းက ငါ့ကို ထိုးခဲ့တယ်။ အခု ငါ မင်းကို ပြန်ထိုးရမယ်။" ချင်ယွင်က ပြုံးပြီး ယုကျန်းကို စိတ်ကူးယဉ် ဆန်နေခြင်းမရှိဘဲ တိုက်ရိုက် ထိုးချလိုက်သည်။

“ဖူး…”။

ယုကျန်း၏ ခန္ဓာကိုယ်သည် ချက်ချင်းပင် ပြင်းထန်သော ဒဏ်ရာ ရရှိသွားကာ၊ သူ၏ ရင်ဘတ်သည် အောင့်သွားခဲ့ပြီး၊ သူ၏ခန္ဓာကိုယ်တစ်ခုလုံး ပေရာပေါင်းများစွာ အကွာအဝေးသို့ ပစ်လွင့်သွားပြီး၊ အဝေးမှ တောင်ကုန်းတစ်ခုပေါ်သို့ ပြုတ်ကျသွားခဲ့သည်။

"ဘယ်လို...ဒါက ဘယ်လိုလုပ် ဖြစ်နိုင်မှာလဲ"

ချင်ယွင်ကို လှောင်ပြောင်သရော်ခဲ့ကြသော အင်မော်တယ်ဘုရင် ငါးယောက်သည် ဤမြင်ကွင်းကို မြင်သောအခါ သူတို့၏ မေးရိုးများသည် မြေပြင်ပေါ်သို့ ပြုတ်ကျလုနီးပါး ဖြစ်သွားပြီး၊ သူတို့မျက်လုံးများက မှိန်းမောတွေဝေသွားကြသည်။

တိုက်ခိုက်တော့မည့် ကျားဖြူတောင်မှ ချင်ယွင်ကို မျက်မှောင်ကြုတ်ကာ ကြည့်လိုက်ပြီး၊ သူ၏မျက်လုံးများတွင် ကြောက်ရွံ့မှုတွေ ပြည့်နှက်နေခဲ့သည်။

ဘန်း….။

ချင်ယွင်က အထင်သေးဟန်ဖြင့် ရယ်မောလိုက်ပြီး၊ ရှေ့သို့ ခြေတစ်လှမ်း တိုးလိုက်သည်။ သူ ရှေ့ကို လှမ်းလိုက်သည်နှင့် သ်၏ရုပ်အသွင်ကလည်း ပျောက်ကွယ်သွားခဲ့သည်။

လူတိုင်း မတုံ့ပြန်နိုင်ခင်မှာ၊ ချင်ယွင်၏ ရုပ်အသွင်သည် အင်မော်တယ်ဘုရင် ငါးပါးထဲမှ တစ်ကောင်၏ ရှေ့တွင် တစ္ဆေသရဲလို ပေါ်လာပါသည်။ ချင်ယွင်သည် သူ၏လက်ကို ဓားအဖြစ်အသုံးပြုကာ ထိုအင်မော်တယ်ဘုရင်၏ ရင်ဘတ်ကို ချက်ခြင်း ထိုးဖောက် လိုက်သည်။

“တောက်… တောက်..”

ချင်ယွင်၏ လက်ဖဝါးပေါ်သို့ သွေးများစီးကျလာပြီး ထိုအင်မော်တယ်ဘုရင်၏ မျက်လုံးများ သည် မယုံကြည်နိုင်သည့် အမူအရာဖြင့် ပြည့်နှက်နေသည်။

ချင်ယွင်က ပြုံးပြီး သူ၏လက်ဖဝါးကို တိုက်ရိုက် ဆွဲထုတ်လိုက်ရာ၊ ရင်ဘတ်ကို ထိုးဖောက်ခံလိုက်ရသော ထိုအင်မော်တယ်ဘုရင်သည် တည့်တည့်မတ်မတ် ပြိုလဲကျ သွားပါသည်။

အခြားသော အင်မော်တယ်ဘုရင်များအားလုံး လုံးလုံးလျားလျား မှင်သက်သွားကြသည်။ ထို့နောက် တစ်စုံတစ်ယောက်သည် ရုတ်တရက် အသိဝင်လာပြီး "ပြေး! ဒီကောင်က မွန်းစတားတစ်ကောင်ပဲ" ဟု အော်ပြောလိုက်တော့သည်။

ဤအော်ဟစ်သံသည် ချက်ချင်း ပေါက်ကွဲထွက်သွားပြီး၊ အခြားအင်မော်တယ် ဘုရင် လေးပါးစလုံး အဝေးသို့ ထွက်ပြေးသွားကြသည်။

ချင်ယွင်က ခပ်ဖျော့ဖျော့ ပြုံးပြီး အဝေးသို့ ပျံထွက်သွားပြန်သည်။ သူသည် ထိုအင်မော်တယ် ဘုရင်များထဲမှ တစ်ဦး၏နောက်ကျောကို တိုက်ရိုက် ထိုးနှက်လိုက်သည်။ ထိုအင်မော်တယ်ဘုရင်သည် ချင်ယွင်၏ လက်သီးချက်ကြောင့် ပေါက်ကွဲသွားခဲ့သည်။

“ဘုန်း…”။

ထိုကဲ့သို့ ကြေကွဲဖွယ်ကောင်းသော လူသတ်ပွဲကြီးသည် ဆက်တိုက်ဆိုသလို ဖြစ်ပျက်သွားခဲ့သည်။ အခြားသော အင်မော်တယ်ဘုရင်သုံးပါးသည် ချင်ယွင်၏နယ်မြေထဲ မှ မလွတ်မြောက်ခင်မှာပင် ချင်ယွင်၏ တိုက်ရိုက် သတ်ဖြတ်ခြင်းကို ခံခဲ့ရသည်။ သူတို့ သည် ထွက်ပြေးဖို့ပင် အခွင့်အလမ်း မရှိခဲ့ပါဘူး။

သူတို့သေခါနီးအချိန်ရောက်မှသာ ချင်ယွင်သည် သေခြင်းတရားကို စောင့်စားရန်အတွက် ဤနေရာတွင် တစ်ယောက်တည်းနေခဲ့ခြင်း မဟုတ်ဘဲ သတ်ဖြတ်ရန်အတွက် တစ်ယောက်တည်း နေခဲ့ခြင်းဖြစ်ကြောင်း သူတို့ သဘောပေါက်သွားခဲ့ကြသည်။

ချင်ယွင်သည် ကျားဖြူကို မကြည့်မှီ နောက်ဆုံး အင်မော်တယ်ဘုရင်ကို မြေပြင်ပေါ်သို့ ပစ်ချလိုက်သည်။

ကျားဖြူသည် ချင်ယွင်၏ အသွင်အပြင်ကို မြင်သောအခါ၊ သူ၏ခန္ဓာကိုယ်သည် တောင့်တင်းသွားခဲ့သည်။ ထိုအချိန်တွင် သူ၏မျက်နှာသည် အရေးအကြောင်းများဖြင့် ပြည့်နှက်နေခဲ့ပြီး၊ သူသည် လူငယ်တစ်ဦးအဖြစ်မှ လူအိုကြီးအဖြစ်သို့ ပြောင်းလဲသွားခဲ့ သည်။

"မလုပ်နဲ့...ငါ့ကို မသတ်နဲ့ ယုကျန်းက ငါ့ကို ဒီလိုလုပ်ခိုင်းတာပါ။" ကျားဖြူက ထိတ်လန့်တကြား ဒူးထောက်ပြီး ကမန်းကတန်း ရှင်းပြသည်။

"ဟမ့်၊ တကယ်လို့၊ မင်းသာ ငါ့လက်ထဲမှာရှိတဲ့ ခုနစ်ရောင်ခြယ် ရှေးဟောင်း ဆိတ်သုဉ်းခြင်း ကျောက်တုံးအပေါ်မှာ လောဘမကြီးခဲ့ဘူးဆိုရင်၊ ယုကျန်းက မင်းကို အတင်းအကြပ် လုပ်ခိုင်းလို့မရမှာကို ငါ ကြောက်မိတယ်။" ချင်ယွင်က အေးစက်သော အပြုံးဖြင့် ပြောသည်။ သူပြောပြီးသည်နှင့် သူသည် တိုက်ရိုက် ပျံထွက်သွားသည်။ ကျားဖြူ မတုံ့ပြန်နိုင်ခင်မှာ ချင်ယွင်၏ ကန်ချက်ကြောင့် လွင့်ပျံသွားခဲ့ရသည်။ သူသည် အဝေးသို့ ပြင်းထန်စွာ ပြုတ်ကျသွားပြီး ပြန်မထနိုင်တော့ပေ။

ချင်ယွင်သည် သေဆုံးသွားသော ကျားဖြူကို သူ၏မျက်လုံးများတွင် အပြုံးရိပ်ဖြင့် ကြည့်နေလေသည်။

ယခုအခါတွင် သူသည် နတ်နဂါးချပ်ဝတ်တန်ဆာကို အသုံးပြုထားပြီး၊ သူ၏ ခွန်အားသည် တော်ဝင်တာအိုနယ်ပယ်၏ မဟာစက်ဝိုင်းကြီးနှင့် ယှဉ်နိုင်သော အဆင့်သို့ ရောက်ရှိနေပြီ ဖြစ်သည်။ ဤကျားဖြူသည် သဘာဝအတိုင်း သူဆီမှ ထိုးနှက်ချက်တစ်ချက်ကိုပင် မခုခံနိုင်ခဲ့ပေ။

"ဟင့်….၊ ငါ တကယ်ပဲ သူ့ကို လွတ်မြောက်ခွင့် ပေးလိုက်ရတာပဲ။"

သို့သော် ယခုအချိန်တွင် ချင်ယွင်သည် ယုကျန်း၏ ရုပ်အသွင် ပျောက်ကွယ်သွားသည်ကို တွေ့လိုက်ရသည်။ သူသည် ထွက်ပြေးလွတ်မြောက်ရန် နည်းလမ်းအချို့ကို အသုံးပြု ခဲ့ပုံရသည်။

ချင်ယွင်သည် သူ၏မျက်လုံးများတွင် အေးစက်စက် အရိပ်အယောင်ဖြင့် ယုကျန်း ပျောက်ကွယ်သွားသည့် နေရာဆီကို ကြည့်လိုက်ပါသည်။

"ဒီတစ်​ခါ မင်း ကံ​ကောင်းသွားခဲ့ရင်​​တောင်၊​ ​နောက်​တစ်​ခါ, တကယ်လို့၊ မင်း ငါ့ကို​ ထပ်​ပြီး ဒုက္ခ​ပေးဝံ့ရင်​, မယဉ်ကျေးတဲ့အတွက် ငါ့ကို အပြစ်​မတင်​နဲ့" ချင်ယွင်က အေးစက်စွာ အော်ပြောလိုက်ပြီး၊ နတ်နဂါးချပ်ဝတ်ကို သူ၏ခန္ဓာကိုယ်မှ ချက်ခြင်း ရုတ်သိမ်း လိုက်သည်။

နတ်နဂါးချပ်ဝတ်ကို တစ်နှစ်လျှင် တစ်ကြိမ်သာ အသုံးပြုနိုင်သည်။ ယခုတစ်ကြိမ်၊ အသုံးပြုပြီးသွားပြီ ဖြစ်သည့်အတွက် ချင်ယွင်သည် ၎င်းကို ပြန်အသုံးမပြုမီ နောက်ထပ် တစ်နှစ် စောင့်ရပေလိမ့်မည်။

သို့သော်၊ နတ်နဂါးချပ်ဝတ်၏ စွမ်းအားသည် အမှန်တကယ်ပင် ထူးထူးခြားခြား အစွမ်းထက်သည်။ ယုကျန်းမှလွဲ၍ အခြားအင်မော်တယ်ဘုရင် ရှစ်ပါးသည် ချင်ယွင်၏ လက်တွင် သေဆုံးသွားခဲ့သည်။

"အစ်ကိုကြီးမာန်နဲ့ တခြားလူတွေလည်း အဝေးကို ထွက်သွားသင့်ပြီ။ ဒီလိုဆိုမှတော့၊ ဒီအခွင့်အရေးကို အသုံးချပြီး နောက်ထပ် ခုနစ်ရောင်ခြယ် ရှေးဟောင်း ဆိတ်သုဉ်းခြင်း ကျောက်တုံးတွေကို ရှာတွေ့ဖို့ ငါ အသုံးပြုနိုင်တယ်။" ချင်ယွင်က သူ့ကိုယ်သူ တွေးနေမိသည်။

ထို့နောက်၊ သူသည် အလင်းတန်းတစ်ခု ပြောင်းသွားပြီး ပျောက်ကွယ်သွားခဲ့သည်။