အခန်း ၁၀၃၉

အခန်း (၁၀၃၉) စိတ်ဝိညာဉ်သန့်စင်ခြင်းကြာပွတ် အစွမ်းပြခြင်း။

"သူ ဘာကြောင့် ပျောက်သွားတာလဲ?" အောင်းဟန်သည် ချင်ယွင်၏ရုပ်အသွင်ကို ရှာလို ဟန်ဖြင့် ပတ်ပတ်လည်ကို လျင်မြန်စွာ ကြည့်လိုက်ရင်း အံ့အားသင့်နေခဲ့သည်။

သို့သော်, ဤအခိုက်အတန့်တွင် ကြက်သွေးရောင်ကြာပွတ် တစ်ချောင်းသည် လေဟာနယ် ထဲမှ ရုတ်တရက် ထွက်ပေါ်လာခဲ့ပြီး၊ အောင်းဟန်သည် တုံ့ပြန်ရန်ပင် အချိန်မရှိခဲ့ပေ။

“ရွှမ်း..”။

ကျယ်လောင်သော ပေါက်ကွဲသံနှင့်အတူ ကြက်သွေးရောင် ကြာပွတ်သည် အောင်းဟန်၏ မျက်နှာပေါ်သို့ ပြင်းထန်စွာ ကျရောက်လာသည်။

“အား…” အိုးဟန်သည် ရှည်လျားသော ကြာပွတ်ဖြင့် ထိမှန်သွားခဲ့ပြီး ဒေါသတကြီး အော်သံကို ချက်ချင်း ထုတ်အော်လိုက်သည်။ သူ၏လက်တွေက သူ၏ဦးခေါင်းကို နာကျင်ကိုက်ခဲဟန်ဖြင့် ဆုပ်ကိုင်ထားပြီး၊ သူ၏ပါးစပ်ကနေ သွေးတွေ စီးကျလာပါသည်။ သူ၏အသွင်အပြင်က အလွန်မင်း ရက်စက်ကြမ်းကြုတ်ဟန် ပေါက်နေသည်။

သူ၏လက်ဖဝါးထဲကစကြာဝဠာလည်း သူ၏လက်ထဲမှ လွတ်သွားပြီး အောက်မြေပြင်ကို ပြုတ်ကျသွားပါသည်။

ချင်ယွင်သည် မြေပြင်ပေါ်သို့ ကျဆင်းခါနီးတွင် သူ၏လက်တစ်ဖက်ကို ရုတ်တရက် ဆန့်ထုတ်ကာ ၎င်းကို ဖမ်းဆုပ်လိုက်သည်။

တစ်ချိန်တည်းမှာပင်, သူသည် သူ၏ဝတ်စုံလက်မောင်းကို ဝှေ့ယမ်းလိုက်ပြီး၊ ရှောင်ဘိုင် လည်း ထိုနေရာကနေ ပျောက်သွားခဲ့သည်။

ချင်ယွင်သည် လေဟာနယ်ထဲမှ ထွက်လာခဲ့သည်။ အခုလေးတင် ဖြစ်ပျက်ခဲ့သမျှက အရာအားလုံးသည် သူ၏တွက်ချက်မူအောက်မှ ဖြစ်ပေါ်လာခြင်း ဖြစ်ပါသည်။ အနီရောင် ကြာပွတ်သည်လည်း ရှေးဟောင်းစိတ်ဝိညာဉ်သန့်စင်ခြင်း စပါးအုံးမြွေ၏ ကိုယ်ခန္ဓာမှ သန့်စင်ထားသော မြွေအရွတ်များမှလွဲ၍ အခြား မဟုတ်ပေ။

"မင်း...ငါ့ကို ဘာလုပ်လိုက်တာလဲ?" ဤအခိုက်အတန့်တွင် အောင်းဟန်သည် တည်ငြိမ် သွားခဲ့ပြီး၊ ချင်ယွင်ကို အဆိပ်ပြင်းသော မျက်လုံးများဖြင့် ကြည့်လိုက်သည်။

အခုလေးတင်, ချင်ယွင်၏ ကြာပွတ်က သူ၏မျက်နှာပေါ်ကို သိသိသာသာ ကျရောက်သွား သော်လည်း၊ သူ၏ဦးခေါင်းက နာကျင်စွာ ပေါက်ကွဲသွားသလို ခံစားလိုက်ရပါသည်။ ထို့ကြောင့်၊ သူသည် စဉ်းစားနိုင်စွမ်းအားလုံး ဆုံးရှုံးလုနီးပါး ဖြစ်ခဲ့ရပါသည်။

အဝေးမှ လူတွေအားလုံးလည်း သိလိုစိတ်ပြင်းပြသည့် အမူအရာတွေကို ထုတ်ဖော်ပြသနေ ကြပြီး၊ ဖြစ်ပျက်ခဲ့သမျှကို ရှင်းရှင်းလင်းလင်း နားမလည်ကြပါဘူး။

"ဟမ့်၊ မင်း စမ်းသပ်ကြည့်ရင် သိလာလိမ့်မယ်။" ချင်ယွင်က လှောင်ပြောင်ပြောလိုက်ပြီး သူ၏လက်ထဲမှ စိတ်ဝိညာဉ်သန့်စင်ခြင်းကြာပွတ်ကို ပစ်လွှတ်လိုက်ပါသည်။

“ရွှမ်း..”။

နောက်ထပ် ပေါက်ကွဲသံတစ်ခု ထွက်ပေါ်လာသည်။

ကြက်သွေးရောင် ကြာပွတ်သည် လျင်မြန်စွာ ဆွဲထုတ်ခံရသော မြွေနီတစ်ကောင်နှင့် တူနေသည်။ ၎င်းသည် လေထဲသို့ တဖျပ်ဖျပ် လှုပ်ယမ်းသွားပြီး အောင်းဟန်၏ မျက်နှာပေါ် သို့ ကျရောက်သွားပြန်သည်။

အောင်းဟန်၏ တစ်ကိုယ်လုံး မြေပြင်ပေါ်သို့ ပြိုလဲကျသွားပြီး၊ အလွန်မင်း သနားစဖွယ် ကောင်းသော အော်ဟစ်သံက ထွက်ပေါ်လာပါသည်။

"မဟုတ်ဘူး...ဒါက စိတ်ဝိညာဉ်တိုက်ခိုက်မှု။ ဘယ်လိုလုပ် ဖြစ်နိုင်မှာလဲ?" အောင်းဟန် သည် မြေပြင်ပေါ် လူးလှိမ့်ရင်း ထအော်လိုက်သည်။

ချင်ယွင်၏ ကြာပွတ်သည် သူ၏မျက်နှာကို မထိခဲ့ဘဲ သူ၏စိတ်ဝိညာဉ် အနှစ်သာရကို ထိမှန်သွားခဲ့သည်။ ဤအခိုက်အတန့်တွင် သူ၏စိတ်ဝိညာဉ် အနှစ်သာရသည် မီးလောင် ကျွမ်းသွားသလို ခံစားလိုက်ရသည်။ ထိုခံစားချက်သည် အလွန်နာကျင်ရသည်ဟု ဆိုနိုင်သည်။

"စိတ်ဝိညာဉ်တိုက်ခိုက်မှုလား..?" အဝေးမှ ဗာမီလီယမ်ငှက် မျိုးနွယ်စုဝင်များသည် ချက်ချင်း သဘောပေါက်သွားကြသည်။ သူတို့အားလုံးသည် အောင်းဟန်ကို ကြည့်ရင်း သနားနေသည့် အမူအရာများကို ထုတ်ဖော်လာကြသည်။

လူတစ်ဦး၏ စိတ်ဝိညာဉ်သည် လူတစ်ဦးတွင် အပျော့ညံ့ဆုံး အစိတ်အပိုင်းတစ်ခု ဖြစ်သည်။ အင်မော်တယ် ဧကရာဇ်များပင်လျှင် အစွမ်းထက်သော စိတ်ဝိညာဉ်အကာကွယ် ရတနာများ မရှိဘဲ ဤတိုက်ခိုက်မှုများကို ခံနိုင်ရည်ရှိမည် မဟုတ်ပေ။

"သူက စိတ်ဝိညာဉ်တွေကို ဘယ်လိုတိုက်ခိုက်ရမယ်ဆိုတာ တကယ် သိနေတယ်ပေါ့။ အဲဒီ ကြာပွတ်ကြောင့်များ ဖြစ်နိုင်မလား?" ကောင်းကင်ယံတွင် ရှိနေသည့် ကျူးထန်းချန်လည်း အံ့သြသည့် အမူအရာကို ထုတ်ပြလာသည်။

အောင်းဟန် အရိုက်နှက်ခံနေရစဉ်မှာ, သူသည် ဝင်ရောက်စွက်ဖက်ရန် ရည်ရွယ်ချက် မရှိပေ။

သူနှင့်အောင်းဟန်တို့သည် တစ်ယောက်ကို တစ်ယောက် အသုံးချနေကြခြင်း ဖြစ်ပါသည်။ တစ်နည်းအားဖြင့် ကျူးထန်းချန်သည်လည်း ချင်ယွင်သည် အောင်းဟန်ကို သတ်ပစ်မည် ဟု မျှော်လင့်နေခဲ့သည်။

အောင်းဟန်သည် နဂါးမျိုးနွယ်စု၏ နံပါတ်တစ် ပါရမီရှင် ဖြစ်ပါသည်။ အကယ်၍၊ ချင်ယွင်သာ အောင်းဟန်ကို သတ်ဖြတ်လိုက်ပါက နဂါးမျိုးနွယ်စုသည် ချင်ယွင်နှင့် လုံးဝ ဆန့်ကျင်ဘက် ဖြစ်သွားပေလိမ့်မည်။ အကယ်၍, သူကိုယ်တိုင်က ချင်ယွင်ကို မသတ်နိုင်ခဲ့ဘူးဆိုရင်တောင် နဂါးမျိုးနွယ်စုက ချင်ယွင်ကို သေချာပေါက် အလွတ်ပေးလိမ့် မည် မဟုတ်ပေ။

“ရွှမ်း..”

ချင်ယွင်၏ လက်ထဲမှ စိတ်ဝိညာဉ်သန့်စင်ခြင်းကြာပွတ်က ရပ်တန့်သွားခြင်း မရှိခဲ့ပါဘူး။ သူက ထပ်ပြီး ပစ်လွှတ်လိုက်သည်နှင့် ချောင်ဟန်၏ ကိုယ်ပေါ်ကို ကျရောက်သွားခဲ့သည်။

ထိုအချိန်တွင်၊ အောင်းဟန်သည် အလွန်မင်း အားနည်းနေခဲ့ပြီး၊ သူ၏ နဂါးစိတ်ဝိညာဉ် အနှစ်သာရ တစ်ခုလုံး ပြိုကျသွားတော့မည့် လက္ခဏာများပင် ပြသနေသည်။

ရှေးဟောင်း စိတ်ဝိညာဉ်သန့်စင်ခြင်း စပါးအုံးမြွေမှ သန့်စင်ထားသော စိတ်ဝိညာဉ် သန့်စင်ခြင်းကြာပွတ်၏ စွမ်းအားသည် အမှန်တကယ်ပင် ထူးကဲသည်ဟု ဆိုရမည် ဖြစ်သည်။ ဂုဏ်သိက္ခာကြီးမားသော ကောင်းကင်တာအိုနယ်ပယ်၏ အဆင့် ၁၀ ရှိ အင်မော်တယ် ဧကရာဇ် အောင်းဟန်သည်ပင် ကြာပွတ်ဒဏ်သုံးချက်သာ ခံနိုင်ရည်ရှိခဲ့ပြီး ယခုထက်ပို၍ ခံနိုင်ရည် မရှိတော့ပေ။

"ချင်.. ... ချင်ယွင်၊ မင်း ငါ့ကိုသတ်ရင် နဂါးမျိုးနွယ်စုက မင်းကို လုံးဝ ခွင့်လွှတ်မှာ မဟုတ် ဘူး။ ငါ့အဒေါ်ကလည်း မင်းကို အလွတ်ပေးမှာ မဟုတ်ဘူး။ သူမက အထွက်အထိပ် နဂါးမင်းရဲ့ တမန်တော်တစ်ဦးပဲ " အောင်းဟန်က ကျယ်လောင်စွာ အော်ပြောလိုက်သည်။ သူ၏ခန္ဓာကိုယ်၏ ချွေးပေါက်များမှ သွေးများ စိမ့်ထွက်လာပြီး သူ၏မျက်နှာကို အလွန်မင်း ရက်စက်ကြမ်းကြုတ်သွားစေသည်။

သူသည် မြေကြီးပေါ်ကနေ မတ်တပ်ထရပ်လိုက်ပြီး သူ၏ခန္ဓာကိုယ်က တုန်တုန်ယင်ယင် ဖြစ်နေသည်။ သူသည် ထက်မြက်သော နဂါးမင်းသားတစ်ပါး မဟုတ်တော့ပေ။ သူသည် အမှန်တကယ်ပင် မူးရူးနေသော အမူးသမားတစ်ယောက်နှင့် ပိုတူနေသည်။

ချင်ယွင်သည် ထိုစကားကို ကြားလိုက်သောအခါတွင်, သူ၏ပါးစပ်ထောင့်မှ အေးစက်သော အပြုံးတစ်ခုအဖြစ် တွန့်ကွေးသွားသည်။

နောက်ဆုံးအကြိမ်တုန်းက, သူသည် လုံရွှဲ့၏မျက်နှာကြောင့် အောင်းဟန်ကို လွှတ်ထားခဲ့ သည်။ ထို့ကြောင့်ပင် သူသည် ယနေ့အခြေအနေမျိုး ကြုံတွေ့ခဲ့ရပြီး ရှောင်ဘိုင်နှင့် ရှောင်ကျင်းတို့အားလုံးသည်ပင် သေဆုံးလုနီးပါး ဖြစ်ခဲ့ရသည်။

ထို့ကြောင့် ဤတစ်ကြိမ်တွင် သူသည် အောင်းဟန်ကို သတ်ပစ်ရန် ဆုံးဖြတ်ခဲ့သည်။ အကယ်၍, လုံရွှဲ့ ပြန်ပေါ်လာခဲ့လျှင်ပင်, သူသည် လှုပ်ရှားရန် တွန့်ဆုတ်နေမှာ မဟုတ်တော့ပါဘူး။ သူ၏မိတ်ဆွေများနှင့် ဆွေမျိုးတွေကို အသုံးချပြီး သူ့ကို ဒုတိယအကြိမ် ခြိမ်းခြောက်လာမည့်အဖြစ်မျိုး မမြင်ချင်တော့သည်မှာ သေချာပါသည်။

"ဟမ့်၊ ဒီနေ့ မင်းအဒေါ် ဒီကို ရောက်လာရင်တောင် မင်းကို မကယ်နိုင်တော့ဘူး။ မင်းက ငါ့ညီတွေနဲ ငါ့ကို ခြိမ်းခြောက်ရဲမှတော့, မင်း သေဖို့ အာရုံရှိနေလို့ ဖြစ်ရမယ်" ချင်ယွင်က အေးစက်စွာ ပြောလိုက်ပြီး သတ်ဖြတ်လိုစိတ်က ပေါ်လာပြန်ပါသည်။

ချင်ယွင်သည် စိတ်ဝိညာဉ်သန့်စင်ခြင်းကြာပွတ်ကို ထပ်မံ ပစ်လွှတ်လိုက်သည်။ ယခု တစ်ကြိမ်တွင် သူသည် စိတ်ဝိညာဉ်သန့်စင်ခြင်းကြာပွတ်၏ စွမ်းအားကို မှီခိုးထားရုံသာ မက ဖရိုဖရဲလျှပ်စီးကိုလည်း အသုံးပြုထားသေးသည်။ အနက်ရောင် လျှပ်စီးကြောင်းသည် တွင်းနက်တစ်ခုမှ ထွက်လာသော အနီရောင်နှင့် အနက်ရောင် မြွေနှစ်ကောင်ကဲ့သို့ ကြာပွတ်ကို ရစ်ပတ်လျက် ရှိနေသည်။ ၎င်းတို့သည် ကောင်းကင်ယံ၌ မြင်ကွင်းနှစ်ခုအဖြစ် ပြောင်းလဲသွားပြီး အောင်းဟန်ဆီသို့ ပြင်းထန်စွာ ပြေးဝင်သွားခဲ့သည်။

အောဟန်၏ မျက်လုံးများတွင် ကြောက်ရွံ့မှု အရိပ်အယောင် ပေါ်လာသည်။ ယခုမှသာ လျှင် သူသည် သေခြင်းတရားကို အမှန်တကယ် ခံစားရလေသည်။ မဆိုင်းမတွပင် သူသည် အစစ်အမှန် နဂါးတစ်ကောင်အသွင်သို့ တိုက်ရိုက် အသွင်ပြောင်းကာ အဝေးသို့ ထွက်ပြေးသွားချင်ခဲ့သည်။

သို့သော် သူ၏ခန္ဓာကိုယ်သည် ထွက်ပြေးမလွတ်မြောက်ခင်မှာ ရှည်လျားသော ကြာပွတ်သည် အတားအဆီး မရှိဘဲ သူ၏ခြေထောက်ပေါ်သို့ ကျရောက်လာသည်။

“ရွှမ်း..”။

ကောင်းကင်တုန်လှုပ်လောက်သည့် ကျယ်လောင်သော အသံတစ်ချက် ထွက်ပေါ်လာ ပြီးနောက် အောင်းဟန်၏ကြီးမားလှသော နဂါးခန္ဓာကိုယ်ကြီးသည် ချင်ယွင်၏ ကြာပွတ်ကြောင့် ကောင်းကင်ယံမှ ပြင်းထန်စွာ ဆွဲချခံလိုက်ရပြီး မြေပြင်ပေါ်သို့ ပြင်းထန်စွာ ပြုတ်ကျသွားကာ နာနာကျင်ကျင် ညည်းတွားလိုက်ပါသည်။

ဗာမီလီယမ်ငှက် မျိုးနွယ်စုဝင်များသည် ထိုမြင်ကွင်းကို မြင်လိုက်ရသည့်အခါ, သူတို့၏ မေးရိုးတွေလည်း မြေပြင်ပေါ်ကို ပြုတ်ကျသွားပါသည်။ စိတ်ဝိညာဉ်သန့်စင်ခြင်း ကြာပွတ်၏ ကြောက်စရာကောင်းသည့် အစွမ်းကို လျှို့ဝှက်စွာ အံ့သြသွားကြသည်။

ဝှီး…။

သို့သော်လည်း ဤအရာအားလုံး မပြီးဆုံးသေးခင်မှာ ချင်ယွင်သည် ရှေ့သို့ ခြေတစ်လှမ်း တိုးကာ ပေတစ်ထောင်အကွာအဝေးကို ချက်ချင်း ဖြတ်ကျော်ပြီး အောင်းဟန်၏ နဂါးခေါင်းကို စီးနင်းလိုက်သည်။

အောင်းဟန်သည် မလိုလားသည့်အမူအရာဖြင့် နဂါးဟိန်းဟောက်အသံကို ထုတ်လွှတ် သည်။ သူသည် နဂါးမျိုးနွယ်စု၏ မင်းသားတစ်ပါးဖြစ်ပြီး သူ၏သွေးမျိုးဆက်သည် နဂါးအဖွဲဝင်များထဲတွင် အသန့်ရှင်းဆုံး ဖြစ်သည်။ သူ၏အဆင့်အတန်းက တုနှိုင်းမရအောင် မွန်မြတ်သော်လည်း၊ သူသည် အမှန်တကယ်ပင် လူသားတစ်ယောက်၏ ထိပ်မှာစီးပြီး မောင်းနှင်ခြင်းခံနေခဲ့ရသည်။ ဤအရာ သူ့ကို ကိုယ်လုံးတီးနှင့် အရှက်ခွဲသလို ခံစားရစေသည်။

"ဟမ့်၊ မင်းက သိပ်ကို မာနကြီးတုန်းပါလား?။ မင်း ဘယ်လောက်ကြာကြာ မောက်မာ နိုင်မလဲဆိုတာ ငါကြည့်ချင်မိတယ်" ချင်ယွင်က လှောင်ပြောင်ပြီး လက်သီးတွေကို တင်းတင်းကြပ်ကြပ် ဆုပ်ထားလိုက်ပါသည်။ ထို့နောက် ကောင်းကင်ပြိုကျပြီး မြေကြီး အက်ကွဲသွားလောက်သည့် လက်သီးချက်က အောင်းဟန်၏ ဦးခေါင်းပေါ်သို့ တိုက်ရိုက် ကျရောက်သွားသည်။

"ဘုန်း..”။

ကျယ်လောင်သော ပေါက်ကွဲသံနှင့်အတူ မြေပြင်တစ်ခုလုံး ပြိုကျသွားသည်။ သူ၏ ဘေးနားက တောင်ကြီးတစ်ခုတောင် ပြိုကျသွားသည်။ ထို့အပြင်၊ ဤအက်ကွဲမှုသည် ဗာမီလီယမ်ငှက် တောင်တန်း၏အဆုံးအထိ ပျံ့နှံ့သွားသကဲ့သို့ ဤအက်ကွဲမှုသည် ပျံ့နှံ့နေဆဲ ဖြစ်သည်။

"အား.." အောင်းဟန်သည် သနားစဖွယ် အော်ဟစ်သံကို ထုတ်အော်လိုက်ပါသည်။ နဂါးတစ်ကောင်၏ အော်ဟစ်သံသည် ကောင်းကင်နှင့်မြေကြီးကို တုန်လှုပ်သွားစေသော် လည်း၊ သနားကရုဏာသက်ဖွယ် ခံစားချက်က ပေါ်လွင်နေပါသည်။

ဗာမီလီယမ်ငှက် မျိုးနွယ်စုဝင်များသည် မျက်မှောင်ကြုတ်ကာ သည်းမခံနိုင်သည့် အမူအရာများကို ထုတ်ဖော်လာကြသည်။ ချင်ယွင်၏ လက်သီးချက်များက ၎င်းတို့ကို မထိခဲ့သော်လည်း၊ သူတို့သည် မြင်တွေ့နေရာစဉ်မှာပင် နာကျင်မူကို ခံစားရပါသည်။

"မင်း မယုံသေးဘူးလား?" ချင်ယွင်က လှောင်ပြောင်ပြန်သည်။

ထိုနောက်မှာတော့, သူ၏လက်သီးချက်တွေက အောင်းဟန်၏ ဦးခေါင်းကို မုန်တိုင်းလို တိုက်ခတ်ပါတော့သည်။ သွေးတွေက ချက်ချင်းဆိုသလို လွင့်စင်သွားကာ အောင်းဟန်၏ ဦးခေါင်းသည် တိုက်ရိုက် ပုံစံပျက်သွားခဲ့ပြီး၊ ကြီးမားလှသော နဂါးမျက်လုံးနှစ်လုံးတွင် တစ်လုံးသည် မှေးမှိန်သွားခဲ့သည် ။

မြေပြင်သည် ဆက်လက် တုန်ခါနေပြီး ကြောက်မက်ဖွယ်ရာ အက်ကြောင်းများက ဗာမီလီယမ်ငှက် တောင်တန်းတစ်ခုလုံး ပျံနှံ့သွားစေခဲသည်။

ထိုအချိန်တွင် အောင်းဟန်၏ နှလုံးသားထဲတွင် နာကျည်းမှုများ ပြည့်နှက်နေသည်။ သူသည် သနားညှာတာပေးရန် တောင်းဆိုချင်သော်လည်း ချင်ယွင်က သူ့ကို အခွင့်အရေး မပေးခဲ့ပါဘူး။ ချင်ယွင်၏ လက်သီးချက်သည် သူ၏ခေါင်းပေါ်သို့ ကျရောက်သွားပြီး လက်သီးချက်တိုင်းက သူ့ကို အရူးအမူး မူးဝေသွားစေပါသည်။