အခန်း ၁၁၅၄

အခန်း (၁၁၅၄) လေဝိညာဉ်အစွမ်း…..။

ထို့နောက်၊ ဝိညာဉ်နတ်ဘုရားမသည် တင်ပျဉ်ခွေထိုင်ကာ သူမ၏ဒဏ်ရာများကို ပြန်လည် ကုစားလိုက်သည်။

ဝိညာဉ်နတ်ဘုရားမ၏ ခန္ဓာကိုယ်ပေါ်ရှိ ဒဏ်ရာများသည် ပေါ့ပါးခြင်း မရှိပေ။ ထို့အပြင်၊ တင်းချန်ကို ကိုင်တွယ်ရန်အတွက် သူမသည် သူမ၏ ဒဏ်ရာများကို ပိုဆိုးလာစေနိုင်သည့် သူမ၏နတ်တန်ခိုးကိုပင် အတင်းအကြပ် စုစည်းခဲ့သည်။ ယခု သူမ၏ နတ်ဘုရားခန္ဓာကိုယ် သည် ပြင်းထန်စွာ ပျက်စီးသွားပြီး၊ ၎င်းကို ပြန်လည်ပြုပြင်ရန် ကြီးမားသော နတ်ဘုရားတန်ခိုးကို သုံးစွဲရန် လိုအပ်ပါသည်။ ပုံမှန်အားဖြင့်၊ ဤလုပ်ငန်းစဉ်သည် အချိန်အနည်းငယ် ကြာမည် ဖြစ်သည်။

ချင်ယွင်သည် သူ၏ မွေးရာပါ နတ်ဘုရားစွမ်းရည်ကို အသုံးပြုပြီး ရုပ်ခန္ဓာကိုယ် ခွန်အားကို အမြောက်အမြား သုံးစွဲခဲ့သော်လည်း၊ သူ၏ခန္ဓာကိုယ်သည် များစွာ ပျက်စီးခြင်း မရှိခဲ့သဖြင့် သူ၏ ခွန်အားသည် လျင်မြန်စွာ ပြန်လည် ကောင်းမွန်လာခဲ့သည်။

ချင်ယွင်သည် သူ၏ခွန်အားများ ပြန်လည်ရရှိပြီးနောက်တွင်၊ ဝိညာဉ်နတ်ဘုရားမသည် သူမ၏ဒဏ်ရာများကို ကုသပနေဆဲ ဖြစ်သည်ကို သူ မြင်လိုက်ရသည်၊ ထို့ကြောင့် သူသည် သူ၏နတ်ဘုရားတန်ခိုးကို ပေါင်းစပ်ရန် ဆက်လက် ကြိုးစားလိုက်သည်။

ယခုအခါ၌ သူသည် သူ၏စွမ်းရည် ခုနစ်ပါးအနက် လေးပါးကို ပေါင်းစပ်ထားပြီး ဖြစ်သည်။ ထို့ကြောင့် မပေါင်းစပ်ရသေးသည့် ဉပဒေသသုံးမျိုးသာ ကျန်ရှိပါတော့သည်။ (ပေါင်းစပ်ပြီး ဉပဒေသလေးမျိုးကြောင့်ဖြစ်ပေါ်လာသော နတ်ဘုရားတန်ခိုးများမှာ ဖရိုဖရဲ နတ်ဘုရား တန်ခိုး၊ ဖရိုဖရဲ ဖျက်ဆီးခြင်း နတ်ဘုရားတန်ခိုး၊ ဉပဒေသနှစ်မျိုးကို ပေါင်းစပ်ထားသည့် ပေါက်ကွဲအသက်နတ်ဘုရားတန်ခိုးတို့ ဖြစ်ပါသည်။)

ထိုစွမ်းရည်သုံးပါးမှာ လေစွမ်းရည် လေ၏ဝိညာဉ်ဥပဒေသ၊ အကန့်သတ်မဲ့ အသွင်ပြောင်း ခြင်းဉပဒေသနှင့် လျှပ်စီးစွမ်းရည် မြန်နှုန်းမြင့်လျှပ်စီး ဉပဒေသတို့ ဖြစ်ပါသည်။

ချင်ယွင်သည် ဤကောင်းကင်တာအိုဉပဒေသ သုံးမျိုးကို ပေါင်းစပ်ရန် ကြိုးစားနေသော် လည်း ယခုအချိန်အထိ ၎င်းတို့ကို အောင်မြင်စွာ ပေါင်းစပ်နိုင်ခြင်း မရှိသေးပေ။

တကယ်တော့၊ ချင်ယွင်သည် လျှပ်စီးစွမ်းရည် မြန်နှုန်းမြင့်လျှပ်စီး ဉပဒေသ သို့မဟုတ် လေစွမ်းရည် လေ၏ဝိညာဉ်ဥပဒေသတို့ကို သူ၏နတ်တန်ခိုးနှင့် အမြဲတမ်း ပေါင်းစပ်ချင် နေခဲ့သည်။ အကြောင်းမှာ သူသည် ဤနတ်ဘုရားတန်ခိုးနှစ်ခုကို အတူတကွ ပေါင်းစည်းလိုက်သည်နှင့် ၎င်း၏အမြန်နှုန်းသည် အလွန်တိုးမြင့်လာမည် ဖြစ်သည်။

တိုက်ပွဲအဆင့်မည်သို့ပင် ရှိစေကာမူ အမြန်နှုန်းသည် အမြဲတမ်း ကြီးမားသော အရေးကြီး အစိတ်ပိုင်းတရပ်ဖြစ်သည်ကို သိထားရလိမ့်မည်။

အကယ်၍, သင်၏အမြန်နှုန်းသည် သင်၏ပြိုင်ဘက်ကို လုံးလုံးလျားလျား ဖြတ်ကျော်သွား သည်နှင့် သင်သည် အနိုင်ရရန် အခွင့်အလမ်းက အများကြီး ပိုများလာပါလိမ့်မည်။

ချင်ယွင်သည် ယခုတစ်ကြိမ် တင်းချန်ကို သတ်နိုင်ရသည့် အကြောင်းရင်းမှာ အမှောင်ထု စွမ်းအင်နှင့် သူ၏ မွေးရာပါ နတ်ဘုရားစွမ်းရည်ကြောင့် ဖြစ်သည်။ ဤနှစ်ခုထဲက တစ်ခုခု လွဲချော်သွားခဲ့လျှင်, ချင်ယွင်သည် သူ့ကို အနိုင်ယူရန် အခွင့်အရေး မရှိနိုင်ပေ။

"မဟုတ်ဘူး၊ အခု ငါ့မှာ အမှောင်ထုစွမ်းအင် အများကြီး မကျန်တော့ဘူး။ နောက်ထပ် တိုက်ပွဲတစ်ခု ဒါမှမဟုတ် နှစ်ခုလောက် တိုက်ခိုက်ပြီးတာနဲ့ လုံးလုံး ကုန်ဆုံးသွားမှာ ငါ ကြောက်မိတယ်။ အဲဒီအချိန်ရောက်ရင်, ငါ့ရဲ့စွမ်းအားတွေ အများကြီး လျော့နည်းသွားမှာ သေချာတယ်။" ချင်ယွင်က သူ့ကိုယ်သူ တွေးနေသည်။

သို့သော် သူ၏စွမ်းအားတိုးရန် နည်းလမ်းနှစ်ခုသာ ရှိပါသည်။ တစ်ခုမှာ နတ်ဘုရားတန်ခိုး အသစ်နှင့် ပေါင်းစပ်ရန်ဖြစ်ပြီး နောက်တစ်ခုကတော့ နတ်ဘုရားခန္ဓာကိုယ်ကို သန့်စင်ရန် ဖြစ်သည်။

ချင်ယွင်သည် ယခုအချိန်တွင် သူ၏နတ်ဘုရားခန္ဓာကိုယ်ကို မသန့်စင်ချင်သေးပါ။ ယင်းအစား၊ သူသည် သူ၏နတ်ဘုရားတန်ခိုး အားလုံးကို အတူတကွ ပေါင်းစပ်ပြီး သူ၏ နတ်ဘုရားခန္ဓာကိုယ်ကို သန့်စင်နိုင်ရန် စီစဉ်ထားခဲ့သည်။ ထိုနည်းအားဖြင့် ပေါင်းစပ်ထား သော သူ၏နတ်ဘုရားခန္ဓာကိုယ်၏ ခွန်အားသည် နတ်ဘုရားတန်ခိုးတစ်ခုဖြင့် သန့်စင်ထားသော နတ်ဘုရားခန္ဓာကိုယ်များ၏ ခွန်အားထက် များစွာ မြင့်မားမည်မှာ သေချာပါသည်။

နတ်ဘုရားတန်ခိုး၏ အရည်အသွေးသည် နတ်ဘုရားခန္ဓာကိုယ်၏ ခွန်အားကို အဆုံးအဖြတ်ပေးပါသည်။ အစွမ်းထက်သော နတ်ဘုရားကိုယ်ခန္ဓာသည် ပြင်းထန်သော တိုက်ပွဲစွမ်းအားကို ယူဆောင်လာရုံသာမက၊ အနာဂတ်ကျင့်ကြံရေးတွင် ပို၍ အရေးကြီးသော အခန်းကဏ္ဍမှ ပါ၀င်လာပါမည်။

ဘန်း…။

ချင်ယွင်သည် လေစွမ်းရည် လေ၏ဝိညာဉ်ဥပဒေသကို ဖရိုဖရဲစွမ်းအင်နှင့် ပေါင်းစည်းရန် ကြိုးစားလိုက်ပါသည်။ အမှန်တကယ်ဆို ဒီကြိုးစားမှုအတွက် သူ့မှာ မျှော်လင့်ချက် သိပ်မရှိပါဘူး။ အဆုံးတွင်, သူသည် အရင်က အကြိမ်ပေါင်းများစွာ ကြိုးစားခဲ့ပြီးပါပြီ။

သို့သော် ဤအခိုက်အတန့်တွင် ထူးဆန်းသော ဖြစ်စဉ်တစ်ခု ပေါ်ပေါက်လာသည်။

လေစွမ်းရည် လေ၏ဝိညာဉ်ဥပဒေသသည် အမှန်တကယ်ပင် ရှေးဟောင်း ဖရိုဖရဲစွမ်းအင် နှင့် ပေါင်းစပ်သွားကာ စိမ်းပြာရောင်ဖျော့ဖျော့ နတ်ဘုရားတန်ခိုး၏ အရိပ်အယောင်က မှိန်ပျပျထွက်ပေါ်လာသည်။

ဤနတ်ဘုရားတန်ခိုးသည် ပြင်းထန်သည့် မည်သည့်စွမ်းအားကိုမှ မပိုင်ဆိုင်ထားသော် လည်း၊ ၎င်းသည် ဖော်မပြနိုင်သော ပေါ့ပါးမှုကို ပေးစွမ်းသည်။ နွေဦး၏ လေပြည်လေး အလားပင်။ ၎င်းသည် နွေးထွေးပြီး ပေါ့ပါးသည်။ သို့သော်လည်း ဤနွေးထွေးသော လေပြေထဲတွင် ပေါ့ပါးမှုအရိပ်အယောင်ကိုလည်း သယ်ဆောင်လာခဲ့သည်။

ချင်ယွင်သည် ဤနတ်ဘုရားတန်ခိုး၏ ပေါင်းစပ်မှုကို ခံစားလိုက်ရပြီး သူ၏မျက်နှာသည် ရွှင်လန်းသော အမူအရာ ချက်ချင်း ထွက်ပေါ်လာသည်။

အနည်းငယ်မျှ တုံ့ဆိုင်းမနေဘဲ၊ သူ၏ခန္ဓာကိုယ်ကို လွှမ်းခြုံရန်, သူသည် ဤနတ်ဘုရား တန်ခိုးကို တိုက်ရိုက် အသုံးပြုလိုက်သည်။

ဘန်း…။

ဤနတ်ဘုရားတန်ခိုးသည် သူ၏ခန္ဓာကိုယ်ထဲသို့ စိမ့်ဝင်လာသောအခါ၊ ချင်ယွင်သည် အလွန်ပေါ့ပါးသော ခံစားချက်ကို ခံစားလိုက်ရသည်။ နတ်ဘုရားကမ္ဘာ၏ ပြင်းထန်သော မြေဆွဲငင်အားသည် ပျောက်ကွယ်သွားသလိုဖြစ်ပြီး၊ သူ၏ခန္ဓာကိုယ်တစ်ခုလုံးသည် အလင်း၏အမွေးအမျှင်များကဲ့သို့ ဖြစ်နေသည်။

ဝှီး….။

ချင်ယွင်၏ ရုပ်အသွင်ပြင်သည် တုန်ခါသွားပြီး၊ သူသည် ချက်ချင်းပင် လေပြေလေညင်း အဖြစ်သို့ ပြောင်းလဲသွားကာ သူ၏မူလနေရာမှ ပျောက်ကွယ်သွားပြီး မိုင်တစ်ရာဝေးသော တောင်ထိပ်တွင် ပြန်လည်ပေါ်လာသည်။

ချင်ယွင်သည် ပြန်လှည့်လိုက်ပြီး သူဖြတ်သွားသည့် အကွာအဝေးကို ကြည့်လိုက်ရင်း သူ၏မျက်လုံးများက ရွှင်မြူးလျက် ရှိချေသည်။

တခဏအတွင်း ကီလိုမီတာ တစ်ရာ။ သူသည် အင်မော်တယ်ကမ္ဘာတွင် ကီလိုမီတာ တစ်သန်းသွားလာနိုင်သော်လည်း၊ ဤနေရာသည် နတ်ဘုရားကမ္ဘာ ဖြစ်သည်။ ဤနေရာ၌ ဆွဲငင်အားသည် အင်မော်တယ်ကမ္ဘာထက် အဆပေါင်း မရေမတွက်နိုင်အောင် ကြီးမားပါ သည်။ ပုံမှန်အားဖြင့်၊ အစောပိုင်း ကြယ်နတ်ဘုရားနယ်ပယ် ကျွမ်းကျင်သူများပင်လျှင် ချင်ယွင်ကဲ့သို့ တခဏအတွင်း ကီလိုမီတာတစ်ရာခရီးကို သွားနိုင်မည် မဟုတ်ပေ။

ထို့ထက် ပို၍အရေးကြီးသည်မှာ သူလှုပ်ရှားနေချိန်တွင် သူ၏လှုပ်ရှားမှုများသည် အနှိုင်းမဲ့ ပေါ့ပါးသွားသည်ကို ချင်ယွင် တွေ့ရှိခဲ့ရသည်။ ပတ်ဝန်းကျင်လေထုမှာပင် စွမ်းအင် အတက်အကျလှိုင်းများ မဖြစ်ပေါ်စေခဲ့ပေ။ တိတ်ဆိတ်တည်ငြိမ်နေသည်ဟု ဆိုနိုင်သည်။

"ဒီလေဝိညာဉ်အစွမ်းက တကယ်ကို ထူးထူးခြားခြားပဲ။ ဒီလေဝိညာဉ်အစွမ်းကို ငါ့ရဲ့ နဂါးတောင်ပံတွေနဲ့ တွဲပြီးအသုံးပြုလိုက်ရင်, ငါ့ရဲ့ပျံသန်းမှု အမြန်နှုန်းက အလယ်အလတ် အဆင့် ကြယ်နတ်ဘုရားနယ်ပယ် ကျွမ်းကျင်သူတစ်ယောက်ရဲ့ ထက်ဝက်ထက်မက ကျော်သွားမှာကို ငါ ကြောက်မိတယ်။" ချင်ယွင်၏ပုံရိပ်သည် ဖျတ်ခနဲ့ တောက်ပလာပြီး ဝိညာဉ်နတ်ဘုရားမဘက်သို့ ပြန်လာခဲ့သည်။

ဤလုပ်ငန်းစဉ် တစ်ခုလုံးသည် အလွန်ပေါ့ပါးပြီး ဝိညာဉ်နတ်ဘုရားမပင် အနည်းငယ်မျှ သတိမပြုမိပါ။

ယခုအချိန်တွင်၊ ချင်ယွင်၏ ခန္ဓာကိုယ်တွင် နတ်ဘုရားတန်ခိုး လေးမျိုးရှိနေပါပြီ။ ၎င်းတို့မှာ လေစွမ်းရည်ဖြင့် ပေါင်းစပ်ထားသော ဖရိုဖရဲ နတ်ဘုရားတန်ခိုး၊ လျှပ်စီးစွမ်းရည်ဖြင့် ပေါင်းစပ်ထားသော ဖရိုဖရဲ ဖျက်ဆီးခြင်း နတ်ဘုရားတန်ခိုး၊ လျှပ်စီးနှင့် အသက်စွမ်းရည် တို့ဖြင့် ပေါင်းစပ်ထားသော ပေါက်ကွဲအသက် နတ်ဘုရားတန်ခိုးနှင့် သူ ယခုလေးတင် ပေါင်းစည်းနိုင်ခဲ့သည့် နွေဉီးလေပြေနတ်ဘုရားတန်ခိုးတို့ ဖြစ်လေသည်။

ဤနတ်ဘုရားတန်ခိုးလေးမျိုးတွင် မတူညီသော လုပ်ဆောင်ချက်များ ပါရှိပြီး၊ နတ်ဘုရား တန်ခိုး အမျိုးအစား တစ်ခုစီသည် မတူညီသော လက္ခဏာများကို ပြသနိုင်သည်။

သေချာသည်မှာ, ချင်ယွင်သည် သူအသုံးမပြုဖူးသေးသည့် သတ်ဖြတ်ခြင်းအကွက်တစ်ခုကို ဖုံးကွယ်ထားပြီး၊ ထိုသတ်ဖြတ်ခြင်းအကွက်က နတ်ဘုရားတန်ခိုး လေးမျိုးစလုံးကို ပေါင်းစပ်အသုံးပြုခြင်း ဖြစ်သည်။ ကနဦးစကြာဝဠာကြောင့် ချင်ယွင်၏ နတ်ဘုရား တန်ခိုးများသည် သာမာန်လူများနှင့် မတူဘဲ မတူညီသော စွမ်းရည်များ၏ ဉပဒေသများကို ပေါင်းစပ်နိုင်ပါသည်။

ချင်ယွင်သည် သူ၏နတ်ဘုရားတန်ခိုးများကို ပေါင်းစပ်နိုင်သည်ဟု ယုံကြည်သည်။ ပေါင်းစပ်ပြီးနောက် ထွက်ပေါ်လာမည့် ထိုစွမ်းအားသည် အမှောင်ထုစွမ်းအင်ကိုပင် ကျော်လွန်နိုင်သည်ဟူသော အထူးအတွေးမျိုးပင် ရှိနေခဲ့သည်။

သို့သော် ချင်ယွင်သည် အခြားရွေးချယ်စရာမရှိလျှင် ၎င်းတို့ကို ပေါင်းစည်းရန် ကြိုးစားမည် မဟုတ်ပေ။ သူ၏လက်ရှိ ခွန်အားဖြင့် ဤမျှ ကြောက်စရာကောင်းသော စွမ်းအားကို အမှန်တကယ် ခံနိုင်ရည်မရှိသေးပါ။ အမှောင်ထုစွမ်းအင်သည် သူ့ခန္ဓာကိုယ်၏ ခံနိုင်ရည်ရှိသော ကန့်သတ်ချက် ဖြစ်နေပါပြီ။ ထိုထက်ပို၍ အစွမ်းထက်သည်ဆိုလျှင်၊ ချင်ယွင်၏ ခန္ဓာကိုယ်က ခံနိုင်ရည်ရှိမှာ မဟုတ်တော့ပါဘူး။

"တကယ်လို့, ဒီအချိန်မှာ ငါ့ရဲ့ခန္ဓာကိုယ်သာ နတ်ဘုရားတစ်ပိုင်း နယ်ပယ်ကို ဖြတ်ကျော် နိုင်ခဲ့ရင်, ငါ့ရဲ့ပေါင်းစပ်စွမ်းအင်ကို အသုံးချနိုင်လောက်တယ်။ အဲဒီအချိန်ရောက်မှ ငါ့ရဲ့ နတ်ဘုရားခန္ဓာကိုယ်ကို သန့်စင်တာက ပိုအဆင်ပြေလိမ့်မယ်။" ချင်ယွင်က သူ့ကိုယ်သူ တွေးနေသည်။

နတ်ဘုရားခန္ဓာကိုယ်ကို သန့်စင်ရန်အတွက် ဉပဒေသစွမ်းရည် ခုနှစ်ခု၏ နတ်ဘုရားတန်ခိုး များကို ပေါင်းစပ်ခြင်းသည် ရူးသွပ်သော စိတ်ကူးတစ်ခု ဖြစ်သည်။ ပထမဆုံးလိုအပ်ချက် မှာ သဘာဝအတိုင်း ခန္ဓာကိုယ်၏ ကြံ့ခိုင်မှု ဖြစ်သည်။ ထိုသို့မဟုတ်လျှင်၊ မသန့်စင်နိုင်ခင် မှာ စွမ်းအားကြောင့် ခန္ဓာကိုယ်သည် ပေါက်ကွဲသွားလိမ့်မည်။

ဘန်း…။

ချင်ယွင်သည် သူ၏ရုပ်ခန္ဓာကိုယ်ကို ခွန်အားကို ဖြတ်ကျော်ရန် အာရုံစိုက်နေစဉ်မှာ, ဘေးတဘက်ရှိ ဝိညာဉ်နတ်ဘုရားမသည် နောက်ဆုံးတွင် သူ၏ကျင့်ကြံမှုအခြေအနေမှ ဆုတ်ခွာသွားခဲ့သည်။

ထိုအချိန်တွင် သူမ၏ဒဏ်ရာများသည် လုံးဝ ပျောက်ကင်းသွားကာ သူမ၏မျက်နှာသည် လည်း နီရဲနေပြီ ဖြစ်သည်။ နုနယ်ပြီးသား သူမ၏မျက်နှာလေးက ပို၍ပင် ဆွဲဆောင်မှု ရှိနေပါသည်။

သို့သော် ချင်ယွင်သည် ဝိညာဉ်နတ်ဘုရားမခန္ဓာကိုယ်အပေါ်ရှိ အငွေ့အသက်က အဆင့်ချိုးဖြတ် ဝင်ရောက်သွားခဲ့သကဲ့သို့ ယခင်ကထက် ပိုမိုအားကောင်းလာသည်ကို တွေ့ရသဖြင့် ချင်ယွင် အံ့အားသင့်သွားသည်။

"ရှန်းယု၊ မင်းရဲ့စွမ်းအားက နည်းနည်း ပြန်ကောင်းသွားပြီလား?" ချင်ယွင်က ဝိညာဉ်နတ်ဘုရားမကို ကြည့်ပြီး ပြုံးကာ မေးလိုက်ပါသည်။

"အင်း…၊ ဒီဒဏ်ရာက ကောင်းချီးတစ်ခုပါပဲ။ ငါ့ရဲ့စွမ်းအားက နည်းနည်းတော့ ပြန်ကောင်းလာပါပြီ။ ငါ ကြယ်နတ်ဘုရားနယ်ပယ် နှောင်းပိုင်းအဆင့်ကို ဖြတ်ကျော်သွား တယ်လေ။ ဒါပေမယ့် အထွတ်အထိပ်အထိ ပြန်ကောင်းဖို့တော့ အချိန် နည်းနည်း လိုနေပါ သေးတယ်။" ဝိညာဉ်နတ်ဘုရားမက ပြုံးပြီး ချင်ယွင်ကို ပြောသည်။

ထိုစကားကြားတော့ ချင်ယွင်သည် ခါးသီးဖွယ် အပြုံးကို ထုတ်ဖော်လိုက်မိပါသည်။

သူ၏အမျိုးသမီးတစ်ဦးအနေနှင့်၊ ဝိညာဉ်နတ်ဘုရားမ၏စွမ်းအားသည် သူ့ကိုယ်တိုင်ထက် သာလွန်နေပြီ။ ထို့ကြောင့် သူ့ကို ဖော်မပြနိုင်အောင် ထူးဆန်းမူကို ခံစားရစေသည်။

ချင်ယွင်၏ အတွေးများကို ဝိညာဉ်နတ်ဘုရားမက မြင်သွားပုံရသည်။ "ခင်ပွန်း၊ သွားကြရ အောင်။ ဒီချစ်ဇနီးလေးက ခင်ပွန်းကို ကမ္ဘာငယ်လေးကို စူးစမ်းဖို့ ခေါ်သွားပေးမယ်" ဟု တမင်တကာ ကျီစယ်ပြောလိုက်ရင်း၊ သူမ၏မျက်လုံးထဲတွင် လိမ္မာပါးနပ်သော အပြုံးက ပေါ်လာပါသည်။