အခန်း ၁၁၈၈

အခန်း (၁၁၈၈) ဝူယောင်၏မူလအစ။

ကြည့်ရသည်မှာ သူ၏ရှေ့မှ ဤအဖိုးအိုသည် ခေါင်းလောင်းလေနတ်ဘုရားနန်းတော်မှ အစစ်အမှန် လူတစ်ယောက် မဟုတ်ပေ။ ထို့အပြင်, သူသည် နတ်ဘုရားနန်းတော်ကြီး လေးခုမှ လူတစ်ယောက်ပင် မဟုတ်ခဲ့ပေ။ သူ၏ ယခင်စကားများသည် ချင်ယွင်ကို လုံးဝ လိမ်ညာခြင်းသာ ဖြစ်ပါသည်။

တကယ်တော့ သူသည် တကိုယ်တော် ကျင့်ကြံသူတစ်ဦးသာ ဖြစ်ပြီး သူ့နာမည်ကတော့ အမှန်ပင်။ အမှန်တကယ်လည်း သူ့ကို ဝူယောင်ဟု ခေါ်သည်။

ယခုတစ်ကြိမ်တွင် သူသည် လီဟောင်နှင့် တခြားလူများကို ရှာဖွေရသည့် အကြောင်းရင်း မှာ ရတနာအချို့ကြောင့် မဟုတ်ပေ။ သူသည် လီဟောင်နှင့် အခြားလူများ ရှေးဟောင်း နယ်မြေမှ ထွက်ခွာလာသည်ကို မြင်လည်း မမြင်ခဲ့ပေ။ ထိုစကားအားလုံးသည် သူကိုယ်တိုင် ဖန်တီးထားခြင်းသာ ဖြစ်ပါသည်။

သူ၏ အစစ်အမှန် ရည်ရွယ်ချက်ကတော့ လီဟောင်နှင့် တခြားသူတွေကို သတ်ဖြတ်ပြီး၊ သူတို့ ခန္ဓာကိုယ်ထဲမှ အသက်သွေးအနှစ်သာရကို ထုတ်ယူရန် ဖြစ်ပါသည်။

အဘယ်ကြောင့်နည်း။

ဤအရာက ချင်ယွင်ကို အလွန်အံ့အားသင့်ပြီး စိတ်ဝင်စားစရာ ဖြစ်စေခဲ့သည်။

ဝူယောင်ဟုခေါ်သော ဤအဘိုးအိုသည် မကောင်းသော နည်းလမ်းများကို ကျင့်ကြံရန် မဟုတ်ရုံသာမက၊ ယဇ်ပူဇော်သည့် နည်းလမ်းများကို အသုံးပြုရန်အတွက်လည်း ရည်ရွယ်ထားခြင်း မဟုတ်ပါ။ သူ့အသက် ရှင်သန်ရန်အတွက် သွေးအနှစ်သာရ လိုအပ်နေသောကြောင့်သာ ဖြစ်ပါသည်။

သင်တို့ကြားရသည့်စကား မှန်ပါသည်။ ဤလူကြီးသည် သူ့အသက်ကို သက်တမ်းတိုးနိုင် ရန်အတွက် ဒီနေရာကို ရောက်လာခြင်း ဖြစ်သည်။

တကယ်တော့ ဤအဘိုးကြီးသည် လူသားတစ်ယောက် မဟုတ်ပေ။ သူ၏ အဓိက ခန္ဓာကိုယ်သည် အနှစ်သာရအဖြစ်သို့ ပြောင်းလဲသွားသော သွေးကျောက်ခဲမှ ဖြစ်ပါသည်။

​သွေး​ကျောက်​ဟု ​ခေါ်သောအရာသည် မွေးဖွားလာခြင်း မဟုတ်ဘဲ၊ ဤကမ္ဘာကြီး မွေးဖွားပြီးနောက် ဖြစ်ပေါ်လာသည့်အရာ ဖြစ်သည်။

မူလက သူသည် နတ်ဘုရားကမ္ဘာရှိ သာမန်ကျောက်တုံးတစ်တုံး ဖြစ်ခဲ့သော်လည်း ကံကြမ္မာကောင်းတစ်ခုကြောင့် တန်ခိုးကြီးမားသော ဘိုးဘေးနတ်ဘုရားတစ်ပါး၏ အသက်သွေး အနှစ်သာရသည် သူ့ကိုယ်ထည်ပေါ်သို့ ကျဆင်းသွားခဲ့သည်။ ထို့နောက် ဤသွေးအနှစ်သာရတွင် ပါရှိသော စွမ်းအားကို သူ စုပ်ယူလိုက်သည်။ ထို့အပြင်၊ သူသည် ကောင်းကင်နှင့်မြေကြီး၏ ဝိညာဉ်စွမ်းအင်ကို အဆက်မပြတ် စုပ်ယူနေခဲ့သည်။ အနှစ် ဆယ်သန်း ပြည့်ပြီးနောက် သူသည် တဖြည်းဖြည်း ဉာဏ်ရည်ဉာဏ်သွေး မြင့်တက်လာခဲ့ သည်။

သူသည် အမှန်တကယ် အသက်မရှင်သေးတဲ့အတွက် သူ့သွေးအနှစ်သာရကို ခဏခဏ ဖြည့်သွင်းပေးရန် လိုအပ်ပါသည်။ ထိုသို့မဟုတ်လျှင်, သူသည် အသက်မဲ့ ကျောက်တုံး ပြန်ဖြစ်သွားလိမ့်မည်။

ဤအဘိုးအိုသည် လူသားအသွင်ပြောင်းသွားသည့် အချိန်မှစ၍ အနှစ်တစ်သိန်း ရှင်သန် နေထိုင်လာခဲ့သည်။ ဤတစ်သိန်းအတွင်း သူသတ်ခဲ့သည် လူများသည် မရေမတွက်နိုင် အောင် အများပြားရှိနေခဲ့သည်။ ထို့အပြင် သူ၏ ခွန်အားများ တိုးလာသည်နှင့်အမျှ သူသတ်ခဲ့သော လူများ၏ နယ်ပယ်သည် ပိုမို၍ အားကောင်းလာသည်။

ယခုတစ်ကြိမ်မှာ, အကယ်၍, သူသာ လီဟောင်နှင့် အခြားလူများကို သတ်လိုက်မည်ဆို လျှင်, သူသည် အနှစ်တစ်ရာ ရှင်သန်နိုင်မည် ဖြစ်သည်။ ထို့ကြောင့် သူသည် လီဟောင်နှင့် အခြားလူများကို အစောပိုင်း သတ်ပစ်လိုခြင်း ဖြစ်သည်။

"စိတ်ဝင်စားဖို့ ကောင်းတယ်။ တကယ်ကို စိတ်ဝင်စားဖို့ ကောင်းတယ်။ ဘိုးဘေး နတ်ဘုရားတစ်ပါးရဲ့ အသက်သွေးတစ်စက်က အသက်တစ်ခုကို ဖန်တီးမယ်လို့ ငါ မျှော်လင့်မထားဘူး။ ဒါပေမယ့် ဒီအသက်ကို ထိန်းသိမ်းရတဲ့တန်ဖိုးက အရမ်းကို ကြီးမားလွန်းတယ်။" ချင်ယွင်က ခေါင်းခါပြီး သူ့ကိုယ်သူ ပြန်ပြောသည်။

ဝူယောင်အဖိုးအို၏ တည်ရှိမှုသည် ဘိုးဘေးနတ်ဘုရား၏ တန်ခိုးနှင့် သူ့အသက်၏ သဘာလွန် အံ့ဖွယ်ဖြစ်ရပ် နှစ်ခုလုံးကို ခံစားရစေခဲ့သည်။

ဘန်း..။

ချင်ယွင်သည် တစ်စုံတစ်ခုကို ရိပ်စားမိသွားသလို ခံစားလိုက်ရပြီး သူ၏ဒန်တန်နှင့် ချိတ်ဆက်ထားသော ကနဦးစကြာဝဠာသည် ယခုအခိုက်အတန့်တွင် တုန်ခါလာသည်။

ကနဦးစကြာဝဠာတွင်၊ စကြဝဠာ၏နိယာမများသည် အဆက်မပြတ် ပြောင်းလဲလာသည်။ အရာရာသည် စည်းစနစ်မကျ ဖရိုဖရဲဖြစ်နေသော အခြေအနေမှ စည်းစနစ်ကျသော အခြေအနေသို့ ပြောင်းလဲသွားခဲ့သည်။

အကန့်အသတ်မဲ့၏အစတွင် ယင်နှင့်ယန်အသွင် စတင်ပေါ်ပေါက်လာခဲ့သည်။

ယင်နှင့်ယန်သည် ချင်ယွင်၏ ကနဦးစကြဝဠာမှ ပေါ်ထွက်လာခဲ့ပြီး ချင်ယွင်၏ စကြာဝဠာ သည် အဆက်မပြတ် လည်ပတ်နေခဲ့သည်။

ဤယင်နှင့်ယန်စွမ်းအား၏ လွှမ်းမိုးမှုအောက်တွင် ကြယ်များသည် ဖြည်းညှင်းစွာ ပေါ်ပေါက်လာသည်။ အရာအားလုံးက သူ့အလိုလို စတင်လည်ပတ်လာသည်။

ယခုအချိန်တွင် ၎င်းသည် သေမျိုးကမ္ဘာမှာ ဖြစ်နေသေးပြီး၊ အင်မော်တယ်ကမ္ဘာတွင် ဗလာဖြစ်နေသေးကာ၊ နတ်ဘုရားကမ္ဘာသည် ပရမ်းပတာဖြစ်နေဆဲပင်။

သို့သော် ချင်ယွင်သည် အလျင်စလို မရှိပေ။ ယခုအခါတွင် ကနဦးစကြဝဠာသည် ထိုက်ကျိ နယ်ပယ်သို့ ဝင်ရောက်နေပြီဖြစ်သောကြောင့်, သူသည် ဆက်လက်တိုးတက်နေမူကို စောင့်ဆိုင်းရန်သာ လိုအပ်ပါသည်။

အနာဂတ်တွင်, သူ အနန္တနယ်ပယ်သို့ ရောက်ရှိသောအခါ၊ ချင်ယွင်သည် ၎င်း၏ ကနဦး စကြာဝဠာတွင် သက်ရှိများကို ဖန်တီးနိုင်မည် ဖြစ်သည်။ ထိုမှသာ သူသည် ကောင်းကင်နှင့် မြေကြီးကို အစစ်မှန် အုပ်စိုးရသည့် စကြဝဠာ၏ တန်ခိုးရှင်ဟု ခေါ်တွင်နိုင်မည် ဖြစ်သည်။

“ငါရဲ့ မရည်ရွယ်ဘဲ စိတ်ဝိညာဉ်ရှာဖွေမှုက ငါ့ရဲ့ ကနဦးစကြာဝဠာမှာ အောင်မြင်မှုတွေ ဖြစ်ပေါ်လာလိမ့်မယ်လို့ ငါ မမျှော်လင့်ထားခဲ့ဘူး။ ဒါက တကယ်ကို အခွင့်အရေး တစ်ခုပဲ။" ချင်ယွင်သည် သူ၏စိတ်ထဲတွင် ခါးသီးစွာ ပြုံးကာ သူ့ကိုယ်သူ ရေရွတ်လိုက်သည်။

သူ၏ ကနဦးစကြဝဠာကြီး အဆင့်ချိုးဖြတ်တော့မည် ဖြစ်သော်လည်း၊ အနည်းငယ် ချို့တဲ့နေသေးသည်။ သို့သော်၊ ယခုလေးတင်၊ သူသည် ဝူယောင်၏ မှတ်ဉာဏ်များကို ရှာဖွေခဲ့ပြီး စကြာဝဠာတစ်ခုလုံးကို ကျောက်တုံးတစ်ခု၏ အမြင်ရှုထောင့်မှ မြင်တွေ့ခဲ့ရ သည်။ ထို့ကြောင့်၊ သူသည် စကြဝဠာရှိ အရာအားလုံး၏ နိယာမများကို နားလည်မှု အသစ်တစ်ခုကို ရရှိခဲ့ပြီး သူ၏အစဦးစကြာဝဠာအတွင်း အောင်မြင်မှုဆီသို့ ဦးတည်သွား နိုင်ခဲ့သည်။

ဘန်း..။

ချင်ယွင်၏ အငွေ့အသက်သည် တဖြည်းဖြည်း တည်ငြိမ်လာသည်။ စကြာဝဠာတွင်း ကနဦး အောင်မြင်မှုတွေကြောင့် သူ၏ စိတ်နေစိတ်ထားသည် ချက်ချင်းဆိုသလို အေးဆေး တည်ငြိမ်လာသည်။ ဤသည်မှာ သူ၏အငွေ့အသက် ပြောင်းလဲသွားခြင်းကြောင့် မဟုတ်ဘဲ၊ သူ၏ စိတ်ပိုင်းဆိုင်ရာ ပြောင်းလဲသွားခြင်းကြောင့် ဖြစ်သည်။

ယခုအချိန်, ကောင်းကင်နှင့်မြေကြီး ပြိုကျလျှင်ပင် သူသည် မတုန်လှုပ်တော့ပေ။ သူသည် စစ်မှန်သော နေ၊ လ၊ ကြယ်များကို ရရှိနိုင်သော တစ်ဦးတည်းသော သူဖြစ်သည်။

ဤအရာသည် ချင်ယွင်၏ အဆင့်ဖြတ်ကျော်ခြင်း၏ အကျိုးကျေးဇူးများ ဖြစ်သည်။ စိတ်၏ အရေးပါမှုကို လျှော့မတွက်သင့်ပေ။ တစ်ခါတစ်ရံ စိတ်ဓာတ်သည် တိုက်ပွဲများတွင် အရေးပါသော အခန်းကဏ္ဍမှ ပါဝင်နိုင်သည်။

ချင်ယွင်သည် ဝူယောင်၏ အလောင်းကို ကြည့်လိုက်သည်။ ထိုအချိန်တွင်၊ ဝူယောင်သည် သွေးနီကျောက်တုံးအဖြစ်သို့ ပြန်ပြောင်းသွားခဲ့သည်။

ချင်ယွင်က သူ၏ဝတ်စုံလက်မောင်းကို ဝှေ့ယမ်းပြီး ထိုကျောက်တုံးကြီးကို သူ၏ ကနဦးစကြဝဠာထဲကို တိုက်ရိုက်ထည့်လိုက်ပါသည်။

မည်သို့ပင်ဖြစ်စေ, ဝူယောင်၏ အမြင်အရဆို, သူ မမှားပါဘူး။ သူ အသက်ရှင်ဖို့အတွက် ဆက်လက်ရှင်သန်နိုင်ရန် ရုန်းကန်လှုပ်ရှားနေကြသော လူသားများကို အမြဲတမ်း ရှာဖွေနေရပါမည်။ သေချာသည်မှာ၊ လူသားများ၏အမြင်ဖြင့်ဆိုလျှင် သူသည် ဆိုးယုတ်ပြီး ခွင့်မလွှတ်နိုင်သော လူတစ်ဦး ဖြစ်နေပါသည်။

ချင်ယွင်သည် သူ့ကို ကနဦးစကြာဝဠာထဲ ထည့်ထားရခြင်း၏ အကြောင်းအရင်းကတော့ ဝူယောင်က သူ့ကို အဆင့်ဖြတ်ကျော်နိုင်အောင် ကူညီပေးခဲ့သည့်အတွက် ဝူယောင်ကို ကျေးဇူးတင်မိ၍ ဖြစ်ပါသည်။ အနာဂတ်တွင် ချင်ယွင်သည် အနန္တနယ်ပယ်သို့ အမှန်တကယ် ရောက်ရှိကောင်း ရောက်ရှိသွားနိုင်ပြီး၊ သူသည် ဝူယောင်အတွက် စစ်မှန်သော အသွေးအသားနှင့် ခန္ဓာကိုယ်ကို ဖန်တီးပေးနိုင်မည် ဖြစ်သည်။

အလယ်လတ်အဆင့် နတ်ဘုရားပစ္စည်းအတွက်မူ, ၎င်းကို ချင်ယွင်သည် သူ၏ သိုလှောင် လက်စွပ်တွင် သဘာဝအတိုင်း သိမ်းဆည်းထားလိုက်သည်။

မဟူတိမ်တိုက်ပိုးထည်လက်အိတ်က သူ့ကို အမှန်တကယ်ပင် သွေးဆောင်နိုင်သည်ဟု ပြောရပါမည်။

"သခင်.. ငါ..." လီဟောင်က တစ်ခုခုပြောချင်နေသည့်အလား ချင်ယွင်၏ရှေ့သို့ လျှောက်လာခဲ့သည်။ ထို့အပြင်, သူ၏မျက်နှာမှာ ရှက်ရွှံ့သည့် အရိပ်အယောင် ပေါ်နေပါ သည်။

"မင်း ဘာမှပြောနေစရာ မလိုတော့ဘူး။ မင်း ဘာပြောမလဲဆိုတာ ငါသိတယ်။ တကယ်တော့ မင်းကိုလည်း အပြစ်တင်လို့ မရပါဘူး" ချင်ယွင်က သူ့လက်ကို ပေါ့ပေါ့ဆဆ ဝှေ့ယမ်းလိုက်သည်။

လီဟောင်သည် ယခင်က သူသည် ချင်ယွင်ကို မထီမဲ့မြင်ပြုခဲ့ဖူးသည်ဟု ပြောချင်သော် လည်း ချင်ယွင်၏မျက်လုံးထဲတွင် ဤသည်မှာ လီဟောင်၏ စရိုက်မှန်ဖြစ်ပြီး ၎င်းကို လုံးဝ ဂရုမစိုက်ပေ။

ချင်ယွင်၏ စကားကိုကြားတော့ လီဟောင်၏ နှလုံးသားသည် ချင်ယွင်ကို လေးစားလာခဲ့ သည်။

လီဟောင်သည် မာနကြီးသော်လည်း သူသည် မျက်စိစုံမှိတ်ကန်းကာ မောက်မာနေသူ မဟုတ်ပေ။ ချင်ယွင်က သူ့ထက် သန်မာနေသမျှ ချင်ယွင်ကို သစ္စာရှိရှိ ကူညီပေးမှာ သေချာပါသည်။ အစောပိုင်းက ချင်ယွင် ပြသခဲ့သော ခွန်အားက ဤအချက်ကို သဘာဝအတိုင်း ပြသခဲ့ပါသည်။

"စကားမစပ်၊ မင်း ဝူဝမ်ဓားသိုင်းရဲ့ ကနဦးအဆင့်ကို နားလည်ထားပြီးသား မဟုတ်လား?" ချင်ယွင်က လီဟောင်ကို ကြည့်ကာ မေးသည်။

"ဟုတ်တယ်၊ ဝူဝမ်ဓားသိုင်းရဲ့ ဓားစွမ်းအားကို ငါနားလည်ထားပြီးသား။ ဒါပေမယ့်, ငါက အဲဒီနောက်က ဓားသိုင်းကွက်တွေထဲ ဘယ်တော့မှ မဝင်ရောက်နိုင်ခဲ့ဘူး။" လီဟောင် သက်ပြင်းချလိုက်သည်။

ချင်ယွင်က ပြုံးပြီး ဘာမှပြန်မပြော။ ယင်းအစား သူသည် လျှပ်စီးသဖွယ် လက်နှစ်ချောင်း ကို တိုက်ရိုက်ဆန့်ကာ လီဟောင်၏နဖူးကို ညွှန်လိုက်သည်။

ဘန်း…။

ချင်ယွင်၏ လက်ချောင်းမှတဆင့် အချက်အလက်များစွာသည် လီဟောင်၏ စိတ်ထဲသို့ ချက်ချင်းပင် ဝင်ရောက်လာသည်။ လီဟောင်က သူ့ကို ပြူးကျယ်သော မျက်လုံးတစ်စုံဖြင့် စိုက်ကြည့်နေရုံမှတပါး ဘာမှမတတ်နိုင်ခဲ့ပေ။

"အခု ငါ မင်းကို ပေးနေတာက ဝူဝမ်ဓားသိုင်း၊ ပထမဆုံးသိုင်းကွက်ဖြစ်တဲ့ ဓားလှိုင်းပဲ။ ဒီသိုင်းကွက်ကို မင်း လုံးလုံး နားလည်နိုင်ရင် မင်းဆီကို နောက်ထပ် သိုင်းကွက်နှစ်ခုကို ငါ ထပ်လွှဲပေးမယ်။ ဒါပေမယ့်, ဒီသိုင်းကွက်ကတင် မင်းအတွက် အနှစ်တစ်ရာလောက် နားလည်ဆင်ခြင်ဖို့ လုံလောက်မယ်လို့ ငါယုံကြည်တယ်။" ချင်ယွင်က လီဟောင်ကို ပြောလိုက်သည်။

ဤအခိုက်တွင် လီဟောင်သည် အလွန်တုန်လှုပ်သွားပြီး ချင်ယွင်အား သူ၏အကြည့်များက နတ်ဘုရားတစ်ပါးလို ဖြစ်လာနေသည်။

"ဘန်း..”

လီဟောင်သည် ချက်ချင်းပင် မြေပြင်ပေါ်တွင် ဒူးထောက်ကာ ချင်ယွင်အား စိတ်လှုပ်ရှားစွာ အရိုအသေပေးလိုက်ပြီး "သခင်ရဲ့ ချီးမြှင့်မမူအတွက် ကျေးဇူးတင်ပါတယ်သခင်"

ဤသည်မှာ လီဟောင်၏ နှလုံးသား အောက်ခြေမှ ထွက်ပေါ်လာသော အသံဖြစ်ပြီး ချင်ယွင်အပေါ် သူ၏ ကြည်ညိုလေးစားမှုက လွန်ကဲစွာ မြင့်တက်လာခဲ့သည်။

ဓားသိုင်းကို လေ့လာသူတစ်ဦးအနေဖြင့် ဝူဝမ်ဓားသိုင်းသည် မည်မျှ တန်ဖိုးရှိသနည်း?။ သို့သော်လည်း ယခုအချိန်တွင် ချင်ယွင်သည် ဝူဝမ်ဓားသိုင်းကို အမှန်တကယ် သင်ပေးခဲ့ပြီး၊ သူ သင်ပေးခဲ့သော ကြင်နာမှုက သူ့အား ဦးညွှတ်ရန် လုံလောက်ပါသည်။