အခန်း ၁၁၉၆

အခန်း (၁၁၉၆) သူရဲကောင်းစိတ်ဝိညာဉ်။

နတ်ဘုရားပုဆိန်ကြီးသည် နတ်တောင်ကြီးကဲ့သို့ လေးလံပြီး ၎င်း၏တန်ခိုးသည် ကောင်းကင်နှင့် မြေကြီးကို ဖြိုခွဲပစ်ရန်ပင် လုံလောက်သည်။

ထက်ရှသော ပုဆိန်ရောင်ခြည်အလင်းသည် အနှိုင်းမဲ့ လွှမ်းမိုးကြီးစိုးပြီး၊ ပြင်းထန်သော အငွေ့အသက်များကို သယ်ဆောင်ထားကာ၊ ချင်ယွင်၏ တိမ်တိုက်ပိုးထည် လက်အိတ် များဖြင့် အပြင်းအထန် ပိတ်ဆို့ခံလိုက်ရသည်။

ချင်ယွင်၏ ခြေဖဝါးအောက်ရှိ မြေပြင်သည် ထပ်ခါထပ်ခါ နစ်မြုပ်နေပြီး၊ ပေဒါဇင်ပေါင်းများစွာ ပြိုကျသွားကာ အနှိုင်းမဲ့ကြီးမားသော တွင်းနက်ကြီးတစ်ခု ဖြစ်ပေါ်လာသည်။

သို့သော်၊ မြေပြင်သည် နိမ့်ဝင်သွားသော်လည်း၊ ချင်ယွင်၏ခါးသည် အမြဲတမ်း ဖြောင့်တန်းနေခဲ့ပြီး၊ နတ်ဘုရားပုဆိန်ကြီးမှ ကြောက်မက်ဖွယ်ကောင်းသော စွမ်းအား သည် သူ၏ကျောရိုးကို မကွေးညွှတ်စေနိုင်သေးပေ။

"ပိတ်ဆို့...ပိတ်ဆို့…ပိတ်ဆို့ထားတယ်” အရပ်မျက်နှာအသီးသီးသို့ ထွက်ပြေးသွားကြသော အဝေးမှလူများသည် ကြောက်စရာကောင်းသော ပုဆိန်နှင့် ပြောင်ပြောင်တင်းတင်း ရင်ဆိုင်တိုက်နေသော ပုံရိပ်ကို စိုက်ကြည့်ရင်း မယုံကြည်နိုင်စွာ ရပ်နေကြ၏။

နတ်ဘုရားပုဆိန်ကြီး မည်မျှအထိ ကြောက်စရာကောင်းမှန်း သူတို့ မသိသော်လည်း၊ မီတာတစ်သောင်းအကွာမှပင် သူတို့၏ဦးရေပြားကို ထုံကျဉ်သွားစေလောက်သည့် နတ်ဘုရားတန်ခိုးကို သူတို့ ခံစားနေရတုန်းပင်။ ဤအရာတစ်ခုတည်းကပင် နတ်ဘုရား ပုဆိန်အတွင်းပါရှိသော စွမ်းအားသည် အလယ်လတ်အဆင့် ကြယ်နတ်ဘုရားနယ်ပယ်မှ ကျွမ်းကျင်သူတစ်ဦးကို သတ်ပစ်နိုင်ပြီး နှောင်းပိုင်းအဆင့် ကြယ်နတ်ဘုရားနယ်ပယ်သို့ ရောက်ရှိရန် လုံလောက်နေကြောင်း သူတို့အား သေချာစေခဲ့သည်။

သို့သော် သူတို့ရှေ့မှ ဤလူငယ်သည် ဤနတ်ဘုရားပုဆိန်ကြီးကို လက်ဗလာဖြင့် ပိတ်ဆို့ထားသည်။ သူ့လက်ထဲမှာရှိနေသော နတ်ဘုရားလက်အိတ်က မည်သည့်အဆင့် ရှိသည်ကို မပြောနှင့်ဦး၊ ဤကြောက်စရာကောင်းသော စွမ်းအားကပင် သူတို့နှင့် ကီလိုမီတာ ၁၀၈၀၀၀ အထိ ကွာခြားနေပါပြီ။

နီထိုက်စွေ့လည်း ထိတ်လန့်သွားသည်။ ချင်ယွင်၏ နောက်ကျောကို ကြည့်လိုက်ရင်း သူ အံ့သြသွားသည် ။

သူသည် ဤနတ်ဘုရားပုဆိန်ကြီး၏ အလေးချိန်နှင့် တန်ခိုးကို ကိုယ်တိုင် တွေ့ကြုံခံစားဖူး သည်။ နတ်ဘုရားတစ်ပိုင်းကို အသာထား၊ နှောင်းပိုင်း ကြယ်နတ်ဘုရားနယ်ပယ် ကျွမ်းကျင်သူဆိုလျှင်ပင် ဤပုဆိန်ကြီးကို တွန်းလှန်ရန်အတွက် သူ၏လက်များကို အသုံးပြုရဲမည် မဟုပေ။ ထိုသို့ဆိုလျှင်, တခဏအတွင်း အသားပြားဖြစ်သည်အထိ ချက်ခြင်း ကြေမွသွားနိုင်ပါသည်။

ယခု ချင်ယွင်သည် ဤနတ်ဘုရားပုဆိန်ကြီးကို အခိုင်အမာ လှုပ်ခါနိုင်သည်။ ၎င်း၏ အစွမ်းသည် အပေါ်ယံမြင်ရသလောက် မရိုးရှင်းကြောင်း တွေ့ရှိနိုင်ပေသည်။

နီထိုက်စွေ့သည် ချင်ယွင်ကို စူးစူးစိုက်စိုက် ကြည့်ရင်း သူ၏အမူအရာက ပို၍ပို၍ လေးနက်လာပြန်သည်။

အမှန်ဆို, သူသည် ယခင်က ချင်ယွင်ကို စိတ်အားထက်သန်စွာဖြင့် ခင်မင်ရင်းနှီးခဲ့ခြင်း သည် ချင်ယွင်၏ ခွန်အားက အားနည်းပြီး၊ သူသည် ပေါ့ပေါ့ပါးပါး စကားပြောလိုသော ကြောင့် ဖြစ်သည်။ အခု ချင်ယွင်၏ ကျင့်ကြံမူက သူ့ထက် သာလွန်နေသောကြောင့် သူသည် အနည်းငယ် ရှက်သွားခဲ့သည်။

ဟုတ်ပါသည်။ သူသည် ချင်ယွင်နှင့် ရင်းနှီးခဲ့သည့်အတွက် ဝမ်းသာမိပါသည်။ ထိုသို့မဟုတ်လျှင်, သူသည် ဒီနေ့ ဒီနေရာမှာ သေသွားနိုင်သည်။

ချွင်….။

ချင်ယွင်သည် ပုဆိန်ကို လက်သီးဖြင့် ထိုးလိုက်ပြီး ချက်ခြင်းပင် ပျံလွှတ်လိုက်သည်။

"ဘုန်း..”။

ပုဆိန်ကြီးသည် နောက်ပြန် လွင့်သွားကာ အဝေးမှ တောင်ထိပ်တစ်ခုသို့ ထိုးကျသွားပြီး၊ တောင်ထိပ်သည် ထက်ဝက်ကွဲသွားကာ မြေကြီးကွဲအက်သည့်တုန်ခါသံ ထွက်ပေါ်လာ သည်။

ထိုအခိုက်အတန့်မှာ လူတိုင်း အံသြသွားပြန်သည်။ လက်သီးတစ်ချက်က ပုဆိန်ကြီးကို လွင့်ပျံလွှတ်လိုက်သည်။ ထိုလက်သီးချက်က မည်မျှ အစွမ်းထက်လိုက်မည်နည်း?။

ရုတ်တရက် ချင်ယွင်အပေါ် လူတိုင်း၏ အကြည့်များသည် နှိုင်းစာ၍မရသည့် လေးစားဟန် အမူအရာများ ဖြစ်လာကြသည်။

ဝှီး….။

သို့သော် ဤအခိုက်အတန့်တွင် နတ်ဘုရားပုဆိန်ကြီးမှ ကြောက်မက်ဖွယ်ကောင်းသော အလင်းတန်းများ ထွက်ပေါ်လာပြီး အလွန်လျင်မြန်သော လျှပ်စီးကြောင်းအဖြစ် ပြောင်းလဲကာ ချင်ယွင်ဆီသို့ တိုက်ရိုက် ပြေးသွားလေသည်။

ချင်ယွင်သည် ထိပ်တန်း အမြန်နှုန်းဖြင့် တဟုန်ထိုး ဖြတ်သန်းလာသည့် တောက်ပ လင်းလက်နေသော အလင်းတန်းကို ကြည့်လိုက်ရင်း၊ သူ၏ပါးစပ်ထောင့်မှ အေးစက်သော အပြုံးတစ်ခု ထွက်ပေါ်လာသည်။

"အချိန်အတော်ကြာအောင် မပြည့်မစုံရှိနေခဲ့တဲ့ စိတ်ဝိညာဉ်လေးက ငါ့ကို လုယက်ပြီး သေမင်းကို ရှာဖွေချင်နေတယ်။" ချင်ယွင်က ကျယ်လောင်စွာ အော်ပြောလိုက်ပြီး၊ ကနဦးစကြာဝဠာ၏ အလိုဆန္ဒကို သူ၏နတ်ဘုရား စိတ်ဝိညာဉ်ထဲသို့ ချက်ချင်း သွန်းလောင်းကာ ချက်ချင်းပင် ပစ်လွှတ်လိုက်လေသည်။

ချင်ယွင်၏ စိတ်ဝိညာဉ်သည် လေထဲတွင် ကြီးမားပြီး မမြင်နိုင်သော လက်ဖဝါးကြီးတစ်ခု အဖြစ် ပေါင်းစပ်သွားပြီး၊ လင်းလက်တောက်ပနေသော အလင်းတန်းပေါ်ကို ရိုက်ချလိုက် သည်။

"အား……"

အလင်းတန်းအတွင်းမှ ဝမ်းနည်းကြေကွဲဖွယ် အော်သံတစ်ခု ထွက်ပေါ်လာပြီး အကြွင်းကျန် စိတ်ဝိညာဉ်မှ ဖြစ်ပေါ်လာသော အလင်းတန်းများသည် ချင်ယွင်၏ စိတ်ဝိညာဉ် စွမ်းအား အတက်အကျလှိုင်းများကြောင့် ပြင်းထန်စွာ ပြန့်ကျဲသွားခဲ့သည်။

ဤတိုက်ပွဲသည် အခိုးအငွေ့မရှိသော တိုက်ပွဲဖြစ်သည်၊ သို့သော် ဤတိုက်မှုတွင်ပါဝင်သော ကြောက်မက်ဖွယ် စွမ်းအားကို ပတ်ဝန်းကျင်ရှိလူတိုင်း ခံစားနိုင်သည်။

အထူးသဖြင့် ချင်ယွင်၏ နတ်ဘုရားစိတ်ဝိညာဉ်စွမ်းအား တဟုန်ထိုး ထွက်ပေါ်လာသည့် အခိုက်တွင် သူတို့ခြေထောက်များ ပျော့ခွေသွားကာ မြေပြင်ပေါ်တွင် ဒူးထောက်လုနီးပါး ခံစားခဲ့ရသည်။

ချင်ယွင်၏ ကြောက်မက်ဖွယ်ကောင်းသော ကောင်းကင်ဘုံတန်ခိုး၏ အလိုဆန္ဒသည် အပြည့်အဝ လွှတ်ထုတ်ခြင်းမဟုတ်ပေ။ အကယ်၍, သူသာ လုံးလုံးလျားလျား လွှတ်လိုက် လိုက်လျှင်, သူ မည်သည့်စကားကိုမှ အတိအကျ မပြောရဲပါဘူး။ သို့သော်, အနည်းဆုံး, နတ်ဘုရားတစ်ပိုင်း နယ်ပယ်မှာရှိနေသည့် လူတိုင်းက မြေပြင်ပေါ်မှာ ဒူးထောက်ရလိမ့်ရ လိမ့်မည်။

ဤအကြွင်းကျန် စိတ်ဝိညာဉ်ကို သတ်ဖြတ်ခြင်းနှင့်ပတ်သက်၍မူ, ဤမျှလောက် အစွမ်းထက်သော နတ်ဘုရားစိတ်ဝိညာဉ်ကို ပိုင်ဆိုင်ထားသူ ချင်ယွင်အနေဖြင့်, သဘာဝ အတိုင်း မည်သည့်စကားမှ ပြောစရာမလိုပေ။ ထို့အပြင်၊ ဤအကြွင်းအကျန် စိတ်ဝိညာဉ် သည် ကာလကြာရှည်စွာ အသက်ရှင် ကျန်ရစ်နေခဲ့သည်။ အတိတ်တုန်းက ထိုလူသည် မည်မျှပင် အစွမ်းထက်ခဲ့ပါစေ၊ ယခုအခါ ထိုအချိန်တုန်းက စွမ်းအားပမာဏ၏ အဆတစ်ထောင်အောက်သာ ကျန်ပါတော့သည်။ ထို့ကြောင့် ဤအကြွင်းအကျန် စိတ်ဝိညာဉ်သည် ချင်ယွင်၏အသက်ကို သိမ်းပိုက်လိုခြင်းက ကိုယ့်ကိုယ်ကို သတ်သေခြင်းသာ ဖြစ်ပါသည်။

ယခင်က၊ နီထိုက်စွေ့သည် နတ်ဘုရားပုဆိန်ကြီးကို ပိုင်ရှင်အဖြစ် အသိအမှတ် မပြုနိုင် ခြင်းမှာ ဤနတ်ဘုရား စိတ်ဝိညာဥ်အမျှင်တန်းက နတ်ဘုရားပုဆိန်ကို သိမ်းပိုက်ထားသော ကြောင့် ဖြစ်သည်။ အစောပိုင်းက ဧရာမပုဆိန်ကြီး၏တိုက်ခိုက်မှုမှာလည်း နီထိုက်စွေ့က နတ်ဘုရားပုဆိန်ကြီး၏ ပိုင်ရှင်အဖြစ် အသိအမှတ် ပြုလိုခြင်းကြောင့် ဖြစ်ပြီး၊ ၎င်းက နတ်ဘုရားပုဆိန်ကြီး၏ တိုက်ခိုက်မှုကို အစပျိုးမိခဲ့ခြင်းလည်း ဖြစ်ပါသည်။

ယခုအခါ နတ်ဘုရားပုဆိန်ကြီးရှိ အကြွင်းအကျန် စိတ်ဝိညာဉ်သည် ဖျက်ဆီးခံရပြီးနောက်၊ နတ်ဘုရားပုဆိန်ကြီးသည် ပိုင်ရှင်မဲ့အရာတစ်ခု ဖြစ်လာခဲ့သည်။

ချင်ယွင်၏ ရုပ်အသွင်သည် ဖျတ်ခနဲလင်းလက်သွား နတ်ဘုရားပုဆိန်ကြီး၏ ဘေးတွင် ချက်ချင်း ပေါ်လာသည်။

ထိုအခိုက်တွင်၊ ချင်ယွင်သည် ဤနတ်ဘုရားပုဆိန်ကြီးသည် အလွန်တရာမှ လက်ရာ မြောက်လှကြောင်းကို တွေ့ရှိခဲ့ပြီး၊ ၎င်းပေါ်ရှိ ပုံစံသင်္ကေတများသည် ထူးထူးခြားခြား အနုစိတ်ကြောင်း တွေ့ရှိခဲ့ရသည်။ ပုဆိန်ကြီး၏ လက်ကိုင်အရိုး ပတ်ပတ်လည်မှာပင် ပုံစံသင်္ကေတများသည်ဖြင့် ဖုံးအုပ်ထားသည်။

နတ်ဘုရားပုဆိန်ကြီး၏ သတ္တုပစ္စည်းနှင့် ပတ်သက်၍မူ ချင်ယွင်သည် မည်သည့်အရာကိုမှ မမြင်ရသော်လည်း နတ်ဘုရားပုဆိန်ကြီးသည် အနှိုင်းမဲ့ လေးလံမာကျောကြောင်း သူ ခံစားနိုင်သည်။

ချင်ယွင်သည် သူ၏လက်ကို ဆန့်တန်းပြီး ပုဆိန်ကြီးကို ကိုင်လိုက်သည်။ သူ့လက်က ပုဆိန်ကြီးလက်ကိုင်ကို ထိလိုက်သည်နှင့် ပုဆိန်ကြီး၏လက်ကိုင်မှ အေးစက်သည့် ခံစားချက်တစ်ခု ချက်ချင်း ထွက်ပေါ်လာသည်။ ဤအေးစက်မှုက သူ့နှလုံးသားကို ထိုးဖောက်ခြင်းမရှိပေ။ ယင်းအစား, ချင်ယွင်သည် သူ့တစ်ကိုယ်လုံး အဟန့်အတား မရှိသလို ခံစားရစေသည်။

သို့သော် ချင်ယွင်သည် ဧရာမပုဆိန်ကြီးကို မခါနီးတွင် သူ၏ ခွန်အားသက်သက်ဖြင့် ပုဆိန်ကြီးကို အမှန်တကယ် မသယ်ဆောင်နိုင်သည်ကို တွေ့ရှိလိုက်ရသဖြင့် အံ့ဩသွားရ သည်။

ဤပုဆိန်ကြီးသည် နတ်တောင်ကဲ့သို့ လေးလံလွန်းလှသည်။

ချင်ယွင်သည် သူ၏စိတ်ထဲတွင် အလွန်တုန်လှုပ်သွားခဲ့သည်။ သူသည် နတ်ဘုရား ပုဆိန်ကြီးကို မမြှောက်ခြင်းမပြုခင် သူ၏လက်ဖဝါးကို ကြယ်နတ်ဆိုး နတ်ဘုရား၏ တန်ခိုးဖြင့် ဖုံးလွှမ်းရန် အလျင်အမြန် စုစည်းလိုက်ရသည်။

သူ၏လက်ဗလာဖြင့် ဤပုဆိန်ကြီး၏ တိုက်ခိုက်မှုကို တားဆီးနိုင်ခဲ့ခြင်း၏ အကြောင်း အရင်းမှာ သူ့ကိုယ်ပိုင် ခွန်အားကြောင့်သာမက, သူ့မဟူတိမ်တိုက် ပိုးထည်လက်အိတ်က ၎င်း၏ခွန်အားအများစုကို ဖယ်ရှားပေးနိုင်သောကြောင့်လည်း ဖြစ်ပါသည်။ ထိုသို့ မဟုတ်လျှင်, သူသည် ဤပုဆိန်ကြီးကို ဤမျှကြီးစိုးနိုင်စွာ တားဆီးနိုင်မှာ မဟုတ်ပါဘူး။

ချင်ယွင်သည် နတ်ဘုရားပုဆိန်ကြီးကို ကိုင်မြှောက်လိုက်သည်ကို မြင်လိုက်ရလျှင်, အဝေးမှ လူတိုင်းသည် အံ့သြမှုနှင့်အတူ မနာလိုသည့် အမူအရာများကို ဖြစ်ပေါ်လာကြ သည်။

သို့သော်လည်း, သူတို့အားလုံးသည် ချင်ယွင်ကို သူတို့စိတ်နှလုံးသားအောက်ခြေမှ ချီးမွမ်းကြပါသည်။ အဆုံးတွင်, ချင်ယွင်သည် ဤနတ်ဘုရားပုဆိန်ကြီးကို ရယူရန် သူ့ကိုယ်ပိုင်ခွန်အားကို အားကိုးခဲ့သည်။

ဘန်း…။

သို့သော် ချင်ယွင်သည် တစ်ချက်ကြည့်လိုက်ပြီးနောက် သူ၏နတ်ဘုရားပုဆိန်ကြီးကို မြှောက်ကာ ပစ်ချလိုက်သည်။

နတ်ဘုရားပုဆိန်ကြီးသည် လေထဲတွင် လှပသော လမ်းကြောင်းတစ်ခု ချန်ရစ်ခဲ့ကာ နီထိုက်စွေ့ အနားသို့ ကျဆင်းသွားသည်။ ၎င်းသည် နီထိုက်စွေ့၏ ခန္ဓာကိုယ်ထဲကို ပြင်းပြင်းထန်ထန် ထိုးနှက်လိုက်သလိုပင်။

"ညီအစ်ကို ချင်၊ မင်းက ဘယ်သူလဲ?" နီထိုက်စွေ့က ချင်ယွင်ကို အံ့သြစွာ ကြည့်ကာ မေးလိုက်သည်။

သူသည် ဤပုဆိန်ကြီးကို အမှန်တကယ် လိုချင်ခဲ့ပြီး၊ ချင်ယွင် ရရှိသွားသည်ကို မြင်လိုက်ရချိန်မှာ အနည်းငယ်ပင် မနာလို ဖြစ်မိခဲ့သည်။ ထို့အပြင်, ချင်ယွင်သည် သူ့ကို ကယ်တင်ခဲ့သည်။ ထို့ကြောင့် ချင်ယွင်သည် ဤပုဆိန်ကြီးကို အမှန်တကယ် လက်ခံခဲ့မည် ဆိုပါက, သူ့အနေဖြင့် အနည်းငယ်မျှ စောဒကတက်စရာ အကြောင်းမရှိသည့်အပြင် စောဒကလည်း တက်မည်မဟုတ်ပေ။

သို့သော် ချင်ယွင်သည် ဤနတ်ဘုရားပုဆိန်ကြီးကို သူ့ထံသို့ ပစ်ချလိုက်သည်။ တခဏအတွင်း, ချင်ယွင် လုပ်ချင်သည့်အရာကို သူ နားမလည်ပါဘူး။

"ညီအစ်ကို နီ၊ မင်းကို ဒီနတ်ဘုရားပုဆိန်ကြီးကို ငါ ပေးမယ်။ ငါက ဓားကို အသုံးပြုတဲ့လူ။ ဒီနတ်ဘုရား ပုဆိန်ကြီးက ငါ့အတွက် မသင့်တော်ဘူး။" ချင်ယွင်က ပြုံးပြုံးလေး ပြောလိုက်သည် ။

သို့သော် သူ့စကားများ ပြောပြီးသည်နှင့် လူတိုင်းက ချင်ယွင်၏ သူရဲကောင်းဆန်မှုကို သဘောကျ လေးစားကြသည်။

တစ်စုံတစ်ယောက်အား တန်ခိုးကြီးသော နတ်ဘုရားပုဆိန်ကြီးကို လက်ဆောင်အဖြစ် ပေးကမ်းခြင်းသည် ပြတ်သားလွန်းလှသည် မဟုတ်ပါလော?။

နီထိုက်စွေ့၏ မျက်လုံးများသည် မယုံကြည်နိုင်စွာ ပြူးကျယ်သွားပြီး၊ ထို့နောက်တွင် သူသည် အနှိုင်းမဲ့ ပီတိဖြစ်ဟန်ကို ထုတ်ဖော်လိုက်သည်။