အခန်း ၁၂၀၅

အခန်း (၁၂၀၅) ကျယ်ကျယ်ပြန့်ပြန့် ဆွေးနွေးခြင်း။

အဘိုးအိုလေး၏ စကားသည် ငြိမ်သက်နေသော ပင်လယ်ပြင်ဝယ် ရုတ်တရက် ပေါက်ကွဲသွားသော လှိုင်းလုံးကြီးတစ်ခုကဲ့သို့ ဖြစ်သွားခဲ့ရပြီး၊ ခြံဝင်းအတွင်းရှိ လူတိုင်းကို ကျယ်ကျယ်ပြန့်ပြန့် ဆွေးနွေးစေခဲ့သည်။

ထိုကျောက်တုံးမှာ မည်သည့်ရတနာမျိုး ပါဝင်နိုင်သည်ကို လူတိုင်းက မှန်းဆနေကြသည်။

ထိုအခိုက်အတန့်တွင် အဖိုးအိုလေးအား စူးစူးစိုက်စိုက် ကြည့်နေသော ချင်ယွင်၏ အကြည့်များသည်လည်း ချီးကျူးသည့်အမူအရာ ရှိလာသည်။ အဘိုးအိုလေးသည် အလွန် စွမ်းဆောင်နိုင်သည်ဟု ဆိုရပေမည်။

ချင်ယွင်သည် အဖိုးအိုလေး ရွေးချယ်ထားသော ကျောက်တုံးကို ကြည့်လိုက်ချိန်မှာ, သူ့နှလုံးသားထဲတွင် လှိုင်းလုံးတစ်ခုက ထပ်မံ ထွက်ပေါ်လာခဲ့သည်။

ထိုကျောက်တုံးများကြားထဲတွင် သူ၏စွမ်းအင်အတက်အကျ လှိုင်းကို ဖြစ်စေနိုင်သည့် ကျောက်တုံး တစ်လုံးထက်မက ရှိနေသော်လည်း အဘိုးအိုလေး ရွေးချယ်ထားသည့် ထိုကျောက်တုံးကြောင့် ဖြစ်ပေါ်လာသော စွမ်းအင်အတက်အကျ လှိုင်းတွေက တခြား ကျောက်တုံးများထက် ပိုပြင်းထန်ပါသည်။ ထို့ကြောင့် အဘိုးအိုလေး ရွေးချယ်ထားသော ဤကျောက်တုံးပေါ်ရှိ ရတနာသည် ထူးထူးခြားခြား ဖြစ်ရမည်ကို ချင်ယွင်က သေချာပေါက် သိနေသည်။

"ကောင်းပြီ, ဒီတစ်ခုကို ငါ့အတွက် ဖြတ်လိုက်ပါ!" သခင်လေး ပိုင်ယုက သူရဲကောင်းဆန် စွာ ပြောလိုက်သည်။

ပြောပြီးသည်နှင့် ဆရာကြီး အန်က ကျောက်တုံးဆီသို့ တိုက်ရိုက် လျှောက်သွားသည်။

သခင်လေး ပိုင်ယု၏ အဆင့်အတန်းကြောင့် ငွေကြေးကို အရင်ပေးချေပြီးမှ ကျောက်တုံး များကို ဖြတ်ရန် မလိုအပ်တော့ပါ။ ပုံမှန်အားဖြင့်လည်း သူသည် ကျောက်တုံးအားလုံးကို ဖြတ်ပြီးမှသာ ပေးဆောင်နေကြ ဖြစ်သည်။ နောက်ဆုံးတွင်၊ သူသည် နတ်ဘုရား ကျောက်ခဲများကို ပေးဆောင်ရန် မတတ်နိုင်ဟု မည်သူကမျှ သံသယမရှိကြပေ။

ဆရာကြီး အန်းသည် ကျောက်တုံးဆီသို့ လျှောက်သွားရသည်။ ကျောက်တုံးကြီးသည် ရွေ့လျားရန် အလွန်ကြီးသောကြောင့်၊ ပုံမှန်နေရာမှာပင် ထားသည်။

ဘန်း…။

ဆရာကြီး အန်သည် သူ၏လက်ဖဝါးကို ဆုပ်လိုက်ပြီး, သူ၏လက်ထဲမှာ ရွှေဓားမြှောင် တစ်ချောင်း ပေါ်လာသည်။

ထိုဓားမြှောင်က အရင်ဓားမြှောင်များနှင့် မတူပေ။ ယခုတစ်ကြိမ်၊ ဓားမြှောင်သည် အလယ်အလတ်အဆင့် နတ်ဘုရားပစ္စည်းဖြစ်ပြီး, ယခင်က အဆင့်နိမ့်အဆင့် နတ်ဘုရား ပစ္စည်းများထက် များစွာပို၍ ထက်မြက်သည်။

ဆရာကြီး အန်သည် သူ့လက်ကို ဝှေ့ယမ်းလိုက်သည်။ သူ့လက်ကို ဝှေ့ယမ်းလိုက်တိုင်း ထူထဲသည့် ကျောက်ပြားတစ်ချပ်ကို ခွာချလိမ့်မည်။

ထိုကဲ့သို့ပင်၊ ဆရာကြီး အန်းသည် နတ်ဘုရားဝိညာဥ် ကျောက်တုံးကို အရူးအမူး ဖြတ်တောက်ပစ်လိုက်သည်။ မူလက လူထက်ဝက်ခန့် မြင့်သော နတ်ဘုရား ဝိညာဉ် ကျောက်တုံးသည် လျင်မြန်စွာ မီတာဝက်သာသာ မြင့်တော့သည်။

ထိုအချိန်တွင် ဆရာကြီး အန်း၏ လှုပ်ရှားမှုများသည် တဖြည်းဖြည်း ကျဆင်းလာသည်။ သိသာထင်ရှားစွာ၊ သူသည် အရေးကြီးသော အခိုက်အတန့်သို့ ရောက်နေပြီဟု သိလိုက်ရ သည်။

လူတိုင်း အသက်ပင် မရူကြတော့ပေ။ သူတို့သည် ထိုကျောက်တုံးပေါ်မှာ မည်သည့် ရတနာမျိုး ပေါ်လာမလဲဆိုသည်ကို အမှန်တကယ် သိချင်နေကြသည်။

ဘန်း…။

မျှော်လင့်ထားသည့်အတိုင်း ဆရာကြီး အန်းသည် ကျောက်တုံးတစ်တုံးကို ဖြတ်လိုက်ပြီး နောက်၊ သွေးနီရောင် အလင်းတန်းတစ်ခုက ကောင်းကင်သို့ ပစ်လွှတ်လိုက်သည်။

ရုတ်တရက်၊ ခြံဝင်းတစ်ခုလုံးသည် ပြင်းထန်သော သွေးရောင်အငွေ့အသက်များဖြင့် ပြည့်လျှံနေပြီး ကျောက်တုံးကြီးမှ ပြင်းထန်သော စွမ်းအင်အတက်အကျ လှိုင်းတစ်ခု ထွက်လာသည်။

"ဒါက ရှေးခေတ် သွေးနဂါးကျောက်တုံးလား?" တစ်စုံတစ်ယောက်က အံ့သြစွာ ပြောသည်။

သို့သော် သူပြောပြီးသည်နှင့် တပြိုင်နက် တစ်စုံတစ်ဦးက ချက်ချင်း ပြန်ပြောသည် "ဒါက ရှေးခေတ် သွေးနဂါးကျောက်တုံး မဟုတ်ဘူး။ ဒါက ရှေးခေတ် သွေးဖီးနစ်ကျောက်တုံးပဲ”။

အနီးနားရှိ လူအုပ်ကြီးသည် ထိုစကားကို ကြားသောအခါ သူတို့၏မျက်နှာများသည် ချက်ချင်းပင် အံ့အားသင့်သွားကြသည်။

အမှန်တကယ်လည်း ထိုကျောက်တုံးသည် ရှေးခေတ်သွေးဖီးနစ် ကျောက်တုံးဖြစ်သည်။ သာမာန်အားဖြင့် လက်ဖဝါးအရွယ် သွေးဖီးနစ်ကျောက်တုံးသည် နတ်ဘုရားကျောက်တုံး ၁၀,၀၀၀ တန်ကြေးရှိသည်။ သို့သော် ဤသွေးဖီးနစ်ကျောက်တုံးသည် မီတာဝက်ခန့် မြင့်မားသည်။ တစ်နည်းဆိုရသော် ဤရှေးခေတ် သွေးဖီးနစ်ကျောက်တုံးသည် အနည်းဆုံး နတ်ဘုရားကျောက်တုံး ၁၀၀၀၀၀ သို့မဟုတ် ထို့ထက်မက တန်ဖိုးရှိသည်။

သို့သော်၊ သူတို့ ဤနတ်ဘုရားဝိညာဉ် ကျောက်တုံးကို ဝယ်သောအခါ၊ သူတို့သည် ၅၀,၀၀၀ သာ ပေးရလိမ့်မည်။ တစ်နည်းဆိုရသော် ပထမကျောက်တုံးသည် နှစ်ဆ သို့မဟုတ် သုံးဆအထိပင် တိုးလာနိုင်သည်။

"အရမ်းကို အစွမ်းထက်လွန်းတယ်။ တကယ်ကို ဆရာကြီး ဟောင်ယုလို့ ခေါ်ဆိုထိုက် တယ်။"

"မှန်တယ်။ ဒီပထမဆုံးတစ်ခုကနေ ရှေးဟောင်း သွေးဖီးနစ်ကျောက်တုံးကြီးကို ဖြတ်ထုတ် နိုင်တာကတော့ အရမ်းကြောက်ဖို့ ကောင်းလွန်ပါတယ်။ တကယ်လို့, ငါသာ သူ့ဆီကနေ နည်းနည်းပါးပါး သင်ယူနိုင်မယ်ဆိုရင်, အနာဂတ် ငါ့ကျင့်ကြမူအတွက် စိတ်ပူစရာ မလိုတော့ဘူး”။

…

ပတ်ဝန်းကျင်ရှိ လူတိုင်းက ဆွေးနွေးနေကြပြီး အဘိုးအိုလေးအား ငေးကြည့်ရင်း ကြည်ညို လေးစားမှုအပြည့် ရှိနေကြပါသည်။

"ဟား...၊ ဟား...၊ ဆရာကြီး ဟောင်ယုက တကယ့်ကို ကြောက်စရာကောင်းပါတယ်။ ဒီရှေးခေတ် သွေးဖီးနစ်ကျောက်တုံးက ငါ့နှလုံးသားနဲ့ တကယ်ကို လိုက်ဖက်ပါတယ်။ ကောင်းပြီ၊ ငါ ဒီနေ့ ကျောက်တုံးတချို့ကို ထပ်မံဖွင့်ဖို့ ဆုံးဖြတ်ပြီးပြီမို့ ဆရာကြီး ဟောင်ယု က လှုပ်ရှားမှု အနည်းငယ် ပြသနိုင်စေရမယ်" သခင်လေး ပိုင်ယုက ဟက်ဟက်ပက်ပက် ရယ်မောလိုက်သည်။

"ဒါဆို ဒီလူအိုကြီးက သခင်လေး ပိုင်ယုကို ကျေးဇူးတင်ရပါလိမ့်မယ်။" ဆရာကြီး ဟောင်ယုက ပြုံးပြုံးလေး ပြောလိုက်သည်။

သခင်လေးပိုင်ယုသည် သူလိုချင်သည့် ရတနာများနှင့် ရတနာများဖွင့်ရခြင်းကို နှက်သက် ခြင်း ဖြစ်ပြီး၊ သူလိုချင်သည့်အရာကတော့ ထင်ပေါ်ကျော်ကြားမှု ဖြစ်သည်။

သူ နာမည်ကောင်း ရှိနေသရွေ့ သူ့မှာ ရတနာတွေ ရှားပါးမှာ မဟုတ်ပါဘူး။ ထို့ကြောင့်၊ သူ့အတွက်ဖြစ်စေ၊ သခင်လေးပိုင်ယုအတွက်ဖြစ်စေ ဤအရာသည် နှစ်ဦးနှစ်ဖက် အကျိုးရှိသည့် အခြေအနေ ဖြစ်ပါသည်။

သခင်လေးပိုင်ယု၏ စကားကိုကြားသောအခါ လူအုပ်ကြီး၏ မျက်နှာများသည် အံ့ဩမူ စိတ်လှုပ်ရှားမူများဖြင့် ပြည့်နှက်နေသည်။ သူတို့အနေဖြင့် ဒီနေ့ လာရခြင်းက လုံးဝ အကျိုးမဲ့ မဟုတ်ဟုတွေးရင်း စိတ်ထဲမှာ သက်ပြင်းချလိုက်ကြသည်။

ထို့နောက် ဆရာကြီး ဟောင်ယုသည် နောက်ထပ် ကျောက်တုံးတစ်ခုကို ကောက်ယူလိုက် သည်။ သို့သော် ထိုကျောက်တုံးအတွင်းရှိ ရတနာသည် ရှေးခေတ် သွေးဖီးနစ်ကျောက်တုံး လောက် တန်ဖိုးမရှိပေ။

ဤအရာသည် လူတိုင်း၏အမြင်တွင် အလွန်အစွမ်းထက်နေပြီ ဖြစ်ပါသည်။ အရင်းပြန်ရ မည်ဟု အာမခံချက်ပေးနိုင်ခြင်းကပင် အရမ်းကို အံ့သြစရာကောင်းသည့်အရာ ဖြစ်နေပါ ပြီ။ အဆုံးတွင်, ရွေးချယ်ထားသည့် နတ်ဘုရားဝိညာဉ်ကျောက်တုံးတိုင်း အဖိုးတန် ရတနာများ ထုတ်ပေးနိုင်မည်ဟု မည်သူမှ အာမခံနိုင်မှာ မဟုတ်ပါဘူး။ ဟုတ်ပါသည်, ချင်ယွင်ကတော့ ခြွင်းချက်ပါ။

ချင်ယွင်သည် ထိုမြင်ကွင်းကိုမြင်လိုက်ရလျှင်, သူလည်း စိတ်ဝင်စားမူ နည်းပါးသွားသည်။ အဘယ်ကြောင့်ဆိုသော် အဖိုးအိုလေးသည် ကျောက်တုံးနှစ်တုံးကြား ရွေးချယ်မူ ပြုရမည့် အချိန်မှာ သူသည် အတော်လေးသေးငယ်သည့် ကျောက်တုံးကို ရွေးချယ်လိုက်သော ကြောင့် ဖြစ်ပါသည်။

ဤအဘိုးအိုလေးသည် အလွန်အစွမ်းထက်နေပြီ ဖြစ်သော်လည်း၊ ချင်ယွင်ကဲ့သို့ ကျောက်တုံးအတွင်းရှိ ရတနာများကို အာရုံခံစားနိုင်စွမ်းမရှိလျှင်, သူ၏သေမျိုး ခန္ဓာကိုယ် ဖြင့် အကောင်းဆုံးသော ရတနာများကို ရွေးချယ်ရန်မှာ မဖြစ်နိုင်ပေ။

ချင်ယွင်က ခေါင်းယမ်းပြီး သူ့ကျောက်တုံးတွေကို ရွေးချယ်ရန် ပြင်လိုက်ပါသည်။

သို့သော် ထိုမြင်ကွင်းကို ကျောက်တုံးရွေးနေသော အဘိုးအိုလေးက မြင်သွားခဲ့သည်။

တကယ်တော့ အဘိုးအိုလေးသည် အလွန်မာနကြီးသူ ဖြစ်သည်။ သူသည် ကျောက်တုံးများ ကို ရွေးချယ်သည့် သူ၏စွမ်းရည်အပေါ် အမြဲတမ်း ယုံကြည်မှု အပြည့်ရှိခဲ့သည်။ သူသည် သူ့ပတ်ဝန်းကျင်မှ လူများ၏ အထင်ကြီးလေးစားမှုကို ခံစားခဲ့ရသော်လည်း၊ ယခု သူသည် ကျောက်တုံးများကို ရွေးချယ်လိုက်သောအခါ အမှန်တကယ်ပင် ခေါင်းခါယမ်းခြင်းကို ကြုံတွေ့လိုက်ရသည်။ ယင်းကြောင့် သူ၏စိတ်ထဲတွင် မကျေနပ်မှုက ပြင်းထန်လာခဲ့သည်။

"ညီငယ်လေး၊ ဒီအဘိုးကြီး ကျောက်တုံးရွေးချယ်တာ တစ်ခုခုများ မှားနေလို့လား?။ မင်း ခေါင်းခါယမ်းနေတာ ငါ တွေ့လိုက်ပါတယ်။ မင်း ဆင်းလာပြီး ဘာလို့ ငါ့ကို နည်းနည်းပါးပါး မသင်ပေးတာလဲ?။" အဘိုးအိုသည် ကျောက်တုံးရွေးချယ်ခြင်းကို တိုက်ရိုက် ရပ်တန့်လိုက် ပြီး၊ အိမ်နောက်ဖေး တံခါးဝတွင် ရပ်နေသော ချင်ယွင်ဆီသို့ လှည့်ကြည့်လိုက်သည်။

အဘိုးအိုလေး စကားစပြောသည်နှင့် လူတိုင်းက ချင်ယွင်ကို ချက်ချင်း လှည့်ကြည့်လိုက် သည်။

ချင်ယွင်သည် အစိမ်းရောင်သဲကျောက်ပေါ်မှ အလယ်လတ်အဆင့် နတ်ဘုရားပစ္စည်းကို ဖွင့်ခဲ့သူဖြစ်သည်ကို တွေ့လိုက်ရသောအခါတွင် သူတို့၏ မျက်နှာများသည် အံ့ဩသွားကြ သည်။

သခင်လေး ပိုင်ယုလည်း ချင်ယွင်ကို လှည့်ကြည့်ကာ သူ၏မျက်နှာက စူးစမ်းလိုစိတ်ဖြင့် ငုံ့ကြည့်နေသည်။

ချင်ယွင်သည် လူတိုင်း အကြည့်ခံနေရသည်ကို မြင်လိုက်သောအခါ, သူ၏ ခေါင်းခါယမ်း ခြင်းက အဘိုးအိုလေးအား ဒေါသထွက်စေခဲ့ကြောင်း သူ ချက်ချင်း သိလိုက်သည်။ အဘိုးအိုလေး၏ အော်ဟစ်ပြောဆိုလိုက်သည့် အသံက သူ့ထံမှ အကြံဉာဏ်တစ်စုံတစ်ရာ လိုချင်၍မဟုတ်ဘဲ၊ သူ့ကို အရှက်ရစေမည့် အခွင့်အရေးတစ်ခုကို ရှာနေမှန်း သိသာပါ သည်။

ထို့အပြင်, သူသည် လွန်ခဲ့သည့် အခိုက်အတန့်ကပင် ခေါင်းယမ်းနေခဲ့သည်။ သူသည် ဘယ်အချိန်ကတည်းက ခေါင်းခါယမ်း၍ မရတော့ပါသနည်း?။ ဤအဘိုးအိုလေးသည် သူ့ကို မဟုတ်မမှန် စွပ်စွဲနေသည်မှာ ရှင်းလင်းသေချာသည်။

အမှန်တကယ်မှာလည်း အဘိုးအိုလေးသည် ချင်ယွင်ကို ပြဿနာ ရှာနေခြင်း ဖြစ်ပါသည်။ အကယ်၍, သူ ထင်ပေါ်ကျော်ကြားချင်သည်ဆိုလျှင်, အစွမ်းထက်သော နတ်ဘုရားဝိညာဉ် ကျောက်တုံးတချို့ကို ရွေးရုံပြရုံဖြင့် မလုံလောက်ပါဘူး။ ထို့ကြောင့်, သူသည် သူနှင့် ယှဥ်ပြိုင်ရန် လူရှာရတော့သည်။ ဤနည်းဖြင့်သာ သူ၏ခွန်အားကို မီးမောင်းထိုးပြနိုင်မည် ဖြစ်သည်။ ချင်ယွင်၏ လုပ်ရပ်များက သူ့ကို အခွင့်အရေးတစ်ခု ပေးလိုက်သလိုပင်။

ချင်ယွင်သည် ပြဿနာ မဖြစ်စေလိုသောကြောင့် အဘိုးအိုလေး၏ ကျောက်တုံးရွေးချယ်မူ နှင့်ပတ်သက်၍ အပြစ်ပြောရန် ရည်ရွယ်ချက် မရှိပေ။

သို့သော် သူ ရှင်းပြခါနီးတွင် အနားတွင် ရပ်နေသော လူငယ်က ရုတ်တရက် ပြောသည် "သူက ဘာမှမသိတဲ့ လူသစ်တစ်ယောက်ပါ။ သူက ဘယ်လို ခွေးချေးကံကောင်းမျိုး ရလာ လဲတော့ ကျွန်တော်လည်း မသိဘူး။ သူက အစိမ်းရောင်သဲကျောက်တုံးကနေ အလယ်လတ်အဆင့် နတ်ဘုရားပစ္စည်းကို ဖွင့်နိုင်ခဲ့သည်။ သူက ကျောက်ရွေးဆရာကြီးလို့ သူ့ကိုယ်သူ တကယ် ထင်သွားပုံပဲ။ ဆရာကြီး ဟောင်ယု ဒီလူကြောင့် လှည့်စားမခံမိစေနဲ့”။