အခန်း ၁၂၃၉

အခန်း (၁၂၃၉) ကြေးနီတောင်တန်း။

ချွင်..။

ချင်ယွင်၏ ဓားအလင်းသည် ကောင်းကင်တိုင် ပျံ့လွင့်သွားကာ နောက်ဆုံးတွင် မမြင်နိုင်သောလေဟာနယ်နှင့် အပြင်းအထန် တိုက်မိသွားပြီး သန့်စင်သော သံမဏိ အချင်းချင်း ထိခိုက်မိသည့်အသံ ထွက်ပေါ်လာသည်။

၎င်းအသံက ပတ်ဝန်းကျင်တစ်ခုလုံး ပဲ့တင်ထပ်ပြီး ကောင်းကင်နှင့် မြေကြီးကိုပင် တုန်ခါသွားသည်။

ထိုမြင်ကွင်းကိုမြင်တော့ နီထိုက်စွေ့နှင့် တခြားလူများသည် အံ့သြတကြီး အမူအရာဖြင့် တစ်ယောက်ကို တစ်ယောက် ကြည့်လိုက်မိကြသည်။

ချင်ယွင်၏ ပါးစပ်ထောင့်စွန်းတွင်လည်း ခပ်ဖျော့ဖျော့ အပြုံးရိပ်တစ်ခု ပေါ်လာသည်။ အမှန်တကယ်လည်း သူထင်ထားသည့် အတိုင်းပင်။ သူ့ရှေ့မှ လွတ်နေသော တောင်တန်း လယ်ကွင်းပြင်သည် သူတို့မြင်ရသလောက် ရိုးရှင်းမူမရှိဘဲ သူ့ဓားသည်လည်း သတ္တုတစ်ခု ကို ထိမှန်သွားခဲ့သည်။

"သေချာပါတယ်။ နောက်ထပ် လျှို့ဝှက်ချက်တစ်ခု ရှိနေပါပြီ။ အဲဒါက ဖုံးကွယ်ထားတဲ့ အစီအရင် ဝင်္ကပါပဲလား။" ချင်ယွင်က သူ့စိတ်ထဲတွင် မှန်းဆလိုက်သည်။

သို့သော်လည်း သူသည် ဤထင်ကြေးကို လျင်မြန်စွာ ပယ်ချခဲ့သည်။ အကယ်၍ ၎င်းသည် အစီအရင်ဝင်္ကပါတစ်ခု ဖြစ်ခဲ့ပါက၊ အစီအရင်ဝင်္ကပါ၏ စွမ်းအားကို အနည်းငယ်မျှပင် မခံစားရခြင်းက သူ့အတွက် မဖြစ်နိုင်ပေ။ ချင်ယွင်သည် သူ့ရှေ့ရှိ ဤလေဟာနယ်အတွင်း ၌ အစီအရင်ဝင်္ကပါ၏ စွမ်းအင်အတက်အကျလှိုင်း လုံးဝ မရှိဟု အတည်ပြုနိုင်သည်။

"အဲဒါက အစီအရင်ဝင်္ကပါတစ်ခု မဟုတ်ဘူးဆိုတော့, အဲဒါက လေဟာနယ် အမျိုးစား ရတနာတစ်ခုခုဖြစ်ရမယ်။ ဒါမှမဟုတ် နတ်ဘုရားစွမ်းရည် ဖြစ်ရမယ်" ချင်ယွင်က သူ့ကိုယ်သူ တွေးနေမိသည်။

ချင်ယွင်သည် လေဟာနယ်ဆိုင်ရာ ဥပဒေသများနှင့် အခြားနတ်ဘုရားစွမ်းရည်များ အကြောင်း စူးစမ်းလိုစိတ် အမြဲတမ်း အပြည့်ရှိနေခဲ့သည်။ သို့သော် သူသည် တစ်ခါမှ မဝင်ရောက်နိုင်ခဲ့ပေ။ ထို့ကြောင့်၊ ချင်ယွင်သည် သူ့ရှေ့ရှိ ဤလေဟာနယ်အတွင်း၌ ဖြစ်ပျက်နေသည့် အရာများကို အမှန်တကယ် မမြင်နိုင်ခဲ့ပေ။

"အာ...၊ ငါ သိတယ်။" ထိုအချိန်မှာ ကောင်းကင်နဲ့မြေကြီးကိုပင် အမြဲလိုလို မကြောက်ရွှံ့ သည့် တော်အန်းက ရုတ်တရက် အော်ပြောလိုက်သည်။

ချင်ယွင်နှင့် အခြားလူများသည် တော်အန်းဆီသို့ ချက်ချင်းပင် အံ့ဩသော အမူအရာများ ဖြင့် ကြည့်လိုက်ကြသည်။

တော်အန်းသည် အားလုံးက သူမကို လှမ်းကြည့်နေသည်ကို မြင်လိုက်ရသည့်အခါ, တော်ယုကို အနားကို အလျင်စလို ဆွဲခေါ်ပြီး ပြောလိုက်သည် "အစ်မ, တစ်ခါတုန်းက ကောင်းကင်နတ်ဘုရားတစ်ပါးဟာ အထူးနတ်ဘုရားသံမဏိနဲ့ ပြုလုပ်ထားတဲ့ တောင်တစ်လုံးကို နတ်ဘုရားပစ္စည်းတစ်ခုအဖြစ် သန့်စင်ခဲ့တဲ့အကြောင်းကို ငါတို့မျိုးနွယ် ရဲ့ ရှေးဟောင်းမှတ်တမ်းတွေထဲမှာ မှတ်တမ်းတင်ထားတဲ့တာကို မှတ်မိသေးလား?”။

"နင် ကြေးနီတောင်တန်းကို ဆိုလိုတာလား။" တော်ယုက ကမန်းကတန်း မေးလိုက်သည်။

"မှန်တယ်၊ အဲ့ဒါက ကြေးနီတောင်တန်းပဲ။ ရှေးဟောင်းစာအုပ်ထဲမှာ ဒီနတ်တောင် အကြောင်း ဘယ်လိုပုံဖေါ်ထားလဲဆိုတာ သေချာစဉ်းစားကြည့်ဖူးလား?။ တော်အန်းက တော်ယုကို ဆက်မေးမြန်းသည်။

ထိုစကားကို ကြားတော့ တော်ယု၏မျက်နှာမှာ မှတ်ဉာဏ်များကို ပြန်လည်အောက်မေ့နေ သည့် အမူအရာ ပေါ်လာသည်။

"ကြေးနီတောင်တန်း၊ ၎င်း၏ကိုယ်ထည်တစ်ခုလုံး မီးနဲ့တူတယ်။ ၎င်းရဲ့ပုံသဏ္ဍာန်က တောင်ထွတ်တစ်ခုလိုပဲ။ ၎င်းက ကောင်းကင်နဲ့ မြေကြီးကို ပြောင်းလဲနိုင်တဲ့ စွမ်းအားကို ပိုင်ဆိုင်ထားတယ်။" တော်ယုက ရေရွတ်လိုက်သည်။

"ကြယ်တွေကို အသွင်ပြောင်းခြင်း၊ ကမ္ဘာကြီးကိုပါ ပြောင်းလဲစေတယ်။ ဒါက လေဟာနယ် နတ်ဘုရားပစ္စည်းတစ်ခုရဲ့ လုပ်ဆောင်ချက် မဟုတ်ဘူးလား?" တော်အန်းက ပြောသည်။

တော်ယုလည်း ခေါင်းညိတ်သည်။ တော်အန်း၏စကားများသည် ကျိုးကြောင်းဆီလျော် သည်ဟုလည်း သူမ ခံစားရသည်မှာ ထင်ရှားသည်။

"ကြေးနီတောင်တန်း?" ချင်ယွင်က ထိုနာမည်ကို ပြောလိုက်စဉ်မှာ အနည်းငယ် အံ့သြသွား သည်။

ယေဘုယျအားဖြင့် လေဟာနယ်ဆိုင်ရာ နတ်ဘုရားပစ္စည်းများသည် အမျိုးအစား နှစ်မျိုးရှိ သည်။ ပထမတစ်ခုက လေဟာနယ်သိုလှောင်ရတနာ အမျိုးအစား နတ်ဘုရားပစ္စည်းများ ဖြစ်ကြသည်။ ဥပမာအားဖြင့်၊ လေဟာနယ်သိုလှောင်ရတနာများသည် နတ်ဘုရား ကမ္ဘာ မှာ အဆင့်အနိမ့်ဆုံး လေဟာနယ်ဆိုင်ရာ နတ်ဘုရားပစ္စည်းများ ဖြစ်ကြသည်။ အဆင့်မြင့် လေဟာနယ်ဆိုင်ရာ နတ်ဘုရားပစ္စည်းတစ်ခုသည် ကမ္ဘာကြီးကိုပင် လိုက်လျောညီထွေ ဖြစ်စေနိုင်ပြီး ကမ္ဘာကြီးတစ်ခု၏ အုပ်စိုးရှင်တစ်ပါးပင် ဖြစ်လာနိုင်သည်။

ဒုတိယတစ်ခုသည် လေဟာနယ်အမျိုးအစား နတ်ဘုရားပစ္စည်းများကို အသုံးပြုခြင်း ဖြစ်သည်။ ဤနတ်ဘုရားပစ္စည်းများသည် မကြာခဏ ကမ္ဘာကြီးကိုပါ ပြောင်းလဲစေနိုင်ပြီး မူလကမ္ဘာကြီး၏ လေဟာနယ်ကိုပါ သက်ရောက်စေနိုင်သည်။ တစ်ခါတစ်ရံတွင် ၎င်းတို့ကို တိုက်ပွဲများတွင် အသုံးပြုနိုင်ပြီး ကြီးမားသောစွမ်းအားကို ပြသနိုင်ကြသည်။

နောက်ဆုံးတစ်ခုကတော့ ပထမတစ်ခုထက် ပို၍တန်ဖိုးကြီးပြီး တော်အန်း ပြောခဲ့သည့် ကြေးနီရောင်တောင်တန်း ဖြစ်သည်။

"ဒါဆို, ငါတို့ရှေ့မှာ ရှိနေတာက ကြေးနီတောင်တန်း ဖြစ်နိုင်ချေများတယ် " ချင်ယွင်က သူ့ကိုယ်သူ တွေးလိုက်သည်။

၎င်းသည် တကယ်ကို လျှို့ဝှက်ဆန်းကြယ်လွန်းသည်ဟု သူ ခံစားရသည်။ တောင်တန်း တစ်ခုသည် သူတို့ရှေ့မှာ မားမားမတ်မတ် တည်ရှိနေသော်လည်း သူတို့အနေဖြင့် ဘာမှ မမြင်ရပါဘူး။

"တော်အန်း, မင်း ခုနကပြောခဲ့တဲ့ စာအုပ်တွေအပြင်, မင်းတို့မျိုးနွယ်မှာ တခြားရှေးဟောင်း စာအုပ်တွေရော ရှိသေးလား။ ဥပမာ၊ နတ်ဘုရားသားရဲ အစောင့်ရှောက်တွေအကြောင်း၊ ဒါမှမဟုတ် ကြေးနီတောင်တန်းလိုမျိုး တစ်ခုခုပေါ့။" ချင်ယွင်က တော်အန်းကို ဆက်မေးကြည့်သည်။

သို့သော်လည်း တော်အန်းက ခေါင်းယမ်းကာ ပြောသည် "ငါတို့ရဲ့ရှေးဟောင်း စာအုပ်တွေ ထဲမှာ ဒီကြေးနီတောင်တန်းနဲ့ ပတ်သက်ပြီး မှတ်တမ်းများစွာသာ ရှိသေးတယ်။ ငါတို့က ဒီကြေးနီတောင်တန်းကို ရှေးခေတ်က တန်ခိုးကြီးတဲ့ ကောင်းကင်နတ်ဘုရားတစ်ပါးက သန့်စင်ခဲ့တယ်ဆိုတာလောက်ပဲ သိထားတယ်။ အဲဒါက အံ့သြဖွယ်ကောင်းပြီး လေဟာနယ် ဆိုင်ရာအသုံးပြုနိုင်တဲ့ နတ်ဘုရားပစ္စည်းတစ်ခုပဲ။ အဲဒီပစ္စည်းနဲ့ဆို ရှေးဟောင်း နယ်မြေတွေမှာ တားမြစ်ထားတဲ့ နေရာများအားလုံးကို ဝင်ရောက်သွားနိုင်လာပြီး၊ ကန့်သတ်ထားတဲ့ နေရာအားလုံးကို လျစ်လျူရှုကာ ဝင်ထွက်နိုင်တယ်”။

"ကန့်သတ်ချက်နေရာ အားလုံးကို လျစ်လျူရှုနိုင်တာလား?" ချင်ယွင်၏ မျက်နှာသည် အံ့အားသင့်မှု အရိပ်အယောင် ပေါ်လာသည်။

ကြေးနီတောင်တန်းသည် ဤမျှအစွမ်းထက်သော စွမ်းအားကို ပိုင်ဆိုင်လိမ့်မည်ဟု သူ အမှန်တကယ် မမျှော်လင့်ခဲ့ပေ။ ဤကမ္ဘာပေါ်တွင် အန္တရာယ်ရှိသော နေရာများစွာ ရှိခဲ့ပြီး ကန့်သတ်ချက် အစီအရင်ဝင်္ကပါများသည် အလွန်မင်း အစွမ်းထက်ကြသည်။ မြေကမ္ဘာ နတ်ဘုရားများနှင့် ကောင်းကင်နတ်ဘုရားများပင်လျှင် ၎င်းတို့သည် ထိုရှေးဟောင်း နယ်မြေများ သို့မဟုတ် တားမြစ်နယ်မြေများတွင် လွတ်လပ်စွာ သွားလာနိုင်ကြောင်းကို ရဲရဲဝံ့ဝံ့ မပြောရဲကြပေ။ သို့သော်၊ ဤကြေးနီတောင်တန်းသည် လူတို့အား ဤကန့်သတ် ထိန်းချုပ်ထားသော ထိုရှေးဟောင်းနယ်မြေများကို လွတ်လပ်စွာ ဝင်ထွက်နိုင်စေရန် အမှန်တကယ် ကူညီပေးနိုင်ခဲ့သည်။ ၎င်းသည် မည်မျှအဖိုးတန်သည်ကို တွေးကြည့်နိုင် သည်။

"စကားမစပ်၊ ဒီကြေးနီတောင်တန်းနဲ့ဆို၊ ဒီဓားမြုပ်နှံခြင်းမြေကနေ ထွက်ခွာဖို့က လွယ်ကူသွားပြီ မဟုတ်ဘူးလား?။ ချင်ယွင် ရုတ်တရက် တစ်ခုခုကို တွေးမိပြီး စိတ်လှုပ်ရှားနေသော အမူအရာ ပေါ်လာသည်။

ဓားမြှပ်နှံခြင်းတောင်တန်းသည် ဝင်ရောက်ပြီးနောက် ပြန်ထွက်ဖို့ အလွန်ခက်ခဲသည်ဟု ကောလဟာလတွေ ရှိခဲ့ကြပါသည်။

သို့သော်လည်း ဤကြေးနီတောင်သည် တော်အန်းပြောခဲ့သည့်အတိုင်း ကောင်းကင်ဘုံကို စိန်ခေါ်နေမည်ဆိုလျှင်၊ ၎င်းသည် သူတို့ကို အလွယ်တကူ အပြင်ဘက်ကို ခေါ်ဆောင်သွား နိုင်မည်မှာ သေချာပါသည်။

"အခွင့်အရေးရရင် ဒီကြေးနီတောင်တန်းကို ငါ ရအောင်ယူရမယ့်ပုံပဲ" ချင်ယွင်က သူ့စိတ်ထဲတွင် သူ့ကိုယ်သူ ရေရွတ်လိုက်သည်။ သူ့စိတ်ထဲမှာလည်း ကြေးနီတောင်တန်း အကြောင်း တွေးနေမိသည်။

သို့သော် ထိုအခိုက်တွင်၊ ဤကြေးနီတောင်တန်းသည် ချင်ယွင်ထင်ထားသကဲ့သို့ ဖိနှိပ်ရန် လွယ်ကူမည့်ပုံ မပေါ်ပေ။

ကြေးနီတောင်တန်းကို စောင့်ကြပ်နေသည့် အစွမ်းထက်သော သတ္တဝါတစ်ကောင် ရှိနေသည်မှာ သိသာထင်ရှားလှသည်။ ၎င်းသည် ချင်ယွင်နှင့် အခြားလူများ ကြေးနီ တောင်တန်းဆီသို့ မချဉ်းကပ်နိုင်ရန် တားဆီးထားသည်။ အရေးအကြီးဆုံးအချက်က ချင်ယွင်သည် သူတို့၏ တည်နေရာကို မသိနိုင်သေးပါဘူး။ စောင့်ကြပ်သူက အနိုင်ယူဖို့က ကောင်းကင်ဘုံကို တက်ရခြင်းထက် ပိုခက်ခဲသည်ဟု ဆိုနိုင်ပါသည်။

ထိုမျှတင်မကဘဲ ချင်ယွင်သည် နတ်ဆိုးနတ်ဘုရားကမ္ပည်းပြားမှာ သိမ်းဆည်းထားသည့် မြေကမ္ဘာနတ်ဆိုးနတ်ဘုရားအလောင်းကြီးကိုလည်း တွေးနေမိသည်။ ဤအလောင်းကြီး သည် ကြေးနီတောင်တန်းနှင့် ပတ်သက်မှု ရှိနေနိုင်ဖွယ် ရှိသည်။

"မေ့လိုက်ပါ၊ အခုတော့ ဒီကြေးနီတောင်တန်းကို ဒီအတိုင်း ထားခဲ့လိုက်မယ်။ နောက်မှ အခွင့်အရေးရှိရင် ပြန်လာယူကြတာပေါ့" ချင်ယွင်သည် အတန်ကြာ စဉ်းစားပြီးနောက် နောက်ဆုံးတွင် သူသည် ဆုံးဖြတ်ချက်တစ်ခု ချလိုက်သည်။

သူ၏လက်ရှိအင်အားဖြင့် ဤစောင့်ကြပ်ကို အနိုင်ယူပြီး ကြေးနီတောင်တန်းကို ရယူရန်မှာ မဖြစ်နိုင်ပေ။ ထို့ကြောင့် အကောင်းဆုံးနည်းလမ်းမှာ ၎င်းကို ဤနေရာတွင် ခေတ္တထားခဲ့ ကာ နောက်မှ ပြန်လာရန်ဖြစ်သည်။

ကြေးနီတောင်တန်းသည် ဤနေရာတွင် အနည်းဆုံး နှစ်ပေါင်း ထောင်သောင်း၊ သို့မဟုတ် သိန်းနှင့်ချီ, သို့မဟုတ် နှစ်သန်းပေါင်းများစွာပင် တည်ရှိနေနိုင်သည်။ ဤမျှအချိန်အကြာ သည့်တိုင် ယူသွားနိုင်စွမ်းမရှိသောကြောင့်, ၎င်းကို အချိန်တိုလေးအတွင်းမှာ ထုတ်ယူဖို့က သဘာဝအတိုင်း မဖြစ်နိုင်ပေ။ ထို့ကြောင့် ချင်ယွင်သည် ကြေးနီတောင်တန်းကို အခြားလူများ ဦးစွာ ယူဆောင်သွားမည်ကို မစိုးရိမ်ခဲ့ပေ။

"လမ်းလွှဲပြီး သွားကြရအောင်။ အခု ငါတို့မှာ ဒီကြေးနီတောင်တန်းကို ဖြိုချဖို့ အရည်အချင်း မရှိသေးဘူး" ချင်ယွင်က သူ့နောက်မှ လိုက်လာသော တော်ညီအစ်မနှင့် နီထိုက်စွေ့တို့ကို ပြောလိုက်သည်။

နီထိုက်စွေ့နှင့် တော်ယုတို့ နှစ်ယောက်စလုံး ခေါင်းညိတ်ကြပြီး ချင်ယွင်၏ အမြင်ကို သဘောတူကြသည်။

တော်အန်းကမူ နှုတ်ခမ်းစူလိုက်သည်။ သူမမျက်နှာမှာ မလိုလာသည့် အမူအရာဖြင့် ပြည့်နှက်နေသည်။ သူတို့ရှေ့မှာ ထိပ်တန်းအဆင့် နတ်ဘုရားပစ္စည်းတစ်ခု ရှိနေသည်ကို သူမ သိပြီးကတည်းက ချင်ယွင် ဒီရတနာကို ထိန်းချုပ်အနိုင်ယူပြီး၊ ဒီကြေးနီတောင်တန်း ၏ ပုံပန်းသဏ္ဍာန်ကို မြင်တွေ့နိုင်မည်ဟု သူမ မျှော်လင့်ထားသည်။ သို့သော် ဤကြေးနီ တောင်တန်းအကြောင်း ကြားပြီးနောက် ချင်ယွင်သည် အမှန်တကယ် အရှုံးပေးလိမ့်မည်ဟု သူမ မမျှော်လင့်ခဲ့ပေ။ ထုံးစံအတိုင်း သူမသည် အလွန်အမင်း မကျေမနပ် ဖြစ်မိသည် ။

သို့သော်လည်း တော်ယုသည် သူမ၏ နှလုံးသားထဲတွင် အလွန်ပျော်ရွှင်နေခဲ့သည်။ သူမသည် ချင်ယွင်ကို အန္တရာယ်မဖြစ်စေလိုခဲပေ။ ထို့ကြောင့် ချင်ယွင်က ကြေးနီ တောင်တန်းကို စုဆောင်းရန် စွန့်လွှတ်လိုက်ကြောင်းကို သူမ ကြားလိုက်ရသောအခါတွင် သူမသည် စိတ်သက်သာရာရဟန်ဖြင့် သက်ပြင်းမချဘဲ မနေနိုင်ခဲ့ပါချေ။

ချင်ယွင်သည် တော်အန်း၏ အမူအရာကို မကြည့်ပေ။ ယင်းအစား, သူသည် ကြေးနီတောင်တန်းနှင့် ပတ်သက်ပြီး သဲလွန်စရှိမရှိ ကြည့်လိုက်သည်။ သူမျက်လုံးထဲတွင် ဆုံးဖြတ်ချက် ပြတ်သားသည့် အရိပ်ယောင်တစ်ချက် လင်းလက်သွားပြီး သူ့ကိုယ်သူ တီးတိုးရေရွတ်လိုက်ပါသည် "မင်းက ငါ့ဥစ္စာပဲ။ နောက်ဆုံးတော့ မင်းက ငါ့အပိုင် ဖြစ်လာ လိမ့်မယ်။ မင်းကို ဘယ်သူမှ လုယူသွားလို့ မရဘူး။ အခု ငါ မင်းကို ဒီမှာ နေခွင့်ပေးခဲ့မယ်။"