အခန်း ၁၂၇၈

အခန်း (၁၂၇၈) ပြိုင်ဘက်ကင်းနတ်ဘုရားလျှပ်စီး။

ဘန်း….။

ချင်ယွင်၏မျက်လုံးများမှ ပြင်းထန်သော စွမ်းအင်အတက်အကျ လှိုင်းများနှင့် ပေါက်ကွဲ ထွက်လာသည်နှင့်အမျှ ကမ္ဘာကြီးတစ်ခုလုံးသည် ရုတ်တရက် လှုပ်ရှားမှုများ ရပ်တန့် သွားခဲ့သည်။ အရာအားလုံး လုံးဝ မလှုပ်မယှက် ဖြစ်သွားခဲ့သည်။

ချင်ယွင်ကို အပြင်းအထန် တိုက်ခိုက်လာနေသော ဧရာမလျှပ်စီးလုံးဆို ပြောနေစာရာပင် မလိုအပ်ပေ။ ကျန်းခွန်၏ အမူအရာသည်ပင် တိတ်ဆိတ်သွားခဲ့သည်။

ထိုအခိုက်တန့်တွင် တဟုန်ထိုး ပျံ့နှံ့တက်လာသော ဒီရေလှိုင်းကြီးသည် လုံးဝ ရပ်သွားခဲ့ သည်။ ကြီးမားသော လှိုင်းလုံးကြီးများသည် လေထဲတွင် လွင့်မျောနေကာ ရေလှိုင်း တံတိုင်းကြီးများ ဖြစ်ပေါ်လာသည်။ ထိုအခိုက်တန့်တွင် ကမ်းစပ်ပေါ်ရှိလူများပင် လုံးဝ ငြိမ်သက်နေခဲ့သည်။

သေချာပါသည်၊ ချင်ယွင်သည် သူ၏မွေးရာပါ နတ်ဘုရား စွမ်းရည်ကို “အချိန်ရပ်တန့်ခြင်း” ကို အသုံးပြုခဲ့ပါပြီ။

ချင်ယွင်သည် နတ်ဘုရားနဂါးအသွင်သို့ ပြောင်းလဲရန် ရွေးချယ်ရခြင်း၏ အကြောင်းရင်းမှာ ဤမွေးရာပါ နတ်ဘုရား စွမ်းရည်ကို အသုံးပြုလိုသောကြောင့်ပင် ဖြစ်ပါသည်။

နတ်ဘုရားနဂါး၏ မွေးရာပါ နတ်ဘုရားစွမ်းရည်သည် လူသားအသွင်ထက် နဂါးအသွင်ဖြင့် အသုံးပြုခြင်းက များစွာပို၍ အစွမ်းထက်ပါသည်။ အကယ်၍, ချင်ယွင်သည် ၎င်းကို လူသားပုံစံဖြင့် အသုံးပြုမည်ဆိုလျှင်, ကျန်းခွန်ကို လွှမ်းမိုးနိုင်ရန် သူ့အတွက် အလွန်မင်း ခက်ခဲမည်ကို စိုးရိမ်နေမိသည်။

သူ့အစီအစဉ်အရ, သူသည် အချိန်အတော်ကြာအောင် ငြိမ်နေရမည်။

ဘန်း…။

အချိန်ရပ်တန့်ခြင်းကို အသုံးပြုပြီးနောက် ချင်ယွင်သည် ကျန်းခွန်ကို မတိုက်ခိုက်ခဲ့ပေ။ ယင်းအစား၊ သူသည် ကြီးမားလှသော နဂါးပါးစပ်ကြီးကို ဖွင့်ကာ ဧရာမနတ်ဘုရား လျှပ်စီးအလုံးကြီးကို မျိုချလိုက်သည်။

နဂါးကြီး၏ပါးစပ်သည် တုနှိုင်းမရလောက်အောင်ပင် ကြီးမားလှပြီး ၎င်းသည် ပါးစပ် တစ်ချက်ဟလိုက်ရုံဖြင့် ထိုနတ်ဘုရားလျှပ်စီးအလုံးကြီးကို မျိုချလိုက်သည်။

ချင်ယွင်၏ လုပ်ဆောင်ချက် ပြီးဆုံးပြီးနောက် ကမ္ဘာကြီးတစ်ခုလုံးသည် မူလ အခြေအနေ သို့ ပြန်လည် ရောက်ရှိသွားခဲ့သည်။

ထိုမြင်ကွင်းကို မြင်လိုက်ရတော့ လူအားလုံးသည် အံ့သြတကြီးဖြင့် အမူအရာများဖြင့် သူတို့အသိစိတ်များ ပြန်ကောင်းလာကြပါသည်။

နတ်ဘုရားလျှပ်စီးများ ပျောက်ကွယ်သွားသောကြောင့် သူတို့သည် အလွန်ပင် ပဟေဠိ ဖြစ်နေခဲ့ကြသည်။

ကျန်းခွန်ပင်လျှင် အံ့သြထိတ်လန့်သွားပြီး သူ၏တိုက်ခိုက်မှုသည် အဘယ်ကြောင့် ရုတ်တရက် ပျောက်ကွယ်သွားရသည်ကို နားမလည်နိုင်ခဲ့ပေ။

ချင်ယွင်သည် ထိုနတ်ဘုရားလျှပ်စီးများကို မျိုချလိုက်ပြီးနောက်၊ သဘာဝအတိုင်း သူ့ဗိုက်ထဲသို့ ချက်ချင်း မျိုချခြင်း မပြုခဲ့ပေ။ ထုံးစံအတိုင်း, သူသည် သူ့ဗိုက်ထဲသို့ မျိုချခဲ့ခြင်း မဟုတ်ပါဘူး။ ထိုမျှလောက် ပြင်းထန်သော နတ်ဘုရားလျှပ်စီးများကို သူ့ဗိုက်ထဲသို့ မျိုချခြင်းသည် သေခြင်းတရားကို တောင်းဆိုခြင်းနှင့် မကွာခြားလှပေ။

အကယ်၍, သူ့ခန္ဓာကိုယ်ထဲမှာ လျှပ်စီးနဂါးငယ်လေး ရှိနေလျှင်ပင်၊ သူ့အတွက် ထိုမျှလောက် အစွမ်းထက်သော နတ်ဘုရားလျှပ်စီးအလုံးကြီးကို တိုက်ရိုက် ဝါးမျိုရန် လုံးဝ မဖြစ်နိုင်ပေ။

ထိုသို့လုပ်ဆောင်ရာ၌ ချင်ယွင်၏ရည်ရွယ်ချက်မှာ ဤကြီးမားလှသော နတ်ဘုရားလျှပ်စီး အလုံးကြီးကို သူ၏ကနဦးစကြဝဠာအတွင်းသို့ စုပ်ယူရန် ဖြစ်ပါသည်။

ဘန်း…။

ထိုအချိန်တွင် အချိန်က ရပ်တန့်နေသောကြောင့်၊ ထိုနတ်ဘုရား လျှပ်စီးအလုံးကြီး၏ ကြောက်မက်ဖွယ်ကောင်းသော စွမ်းအားသည် ပေါက်ကွဲသွားခြင်း မရှိခဲ့ပေ။ ယခုအချိန် တွင် ရပ်တန့်နေသောအချိန်က ပြန်လည်သက်ဝင်လာပြီ ဖြစ်သောကြောင့် ပေါက်ကွဲတော့ မည်။ ကံကောင်းထောက်မစွာ၊ ချင်ယွင်က အဆင်သင့် ဖြစ်နေခဲ့ပြီ။ ဧရာမ တွင်းနက်ကြီး တစ်ခုသည် ချက်ချင်း ပေါ်လာပြီး နတ်ဘုရားလျှပ်စီးအလုံးကြီးကို ကနဦးစကြဝဠာထဲသို့ ချက်ခြင်း မျိုချသွားခဲ့သည်။

ချင်ယွင်သည် ကျန်းခွန်ကို သူတစ်ယောက်တည်း တိုက်ခိုက်ရန် ရဲရဲဝံ့ဝံ့ သဘောတူခဲ့ရသည့် အကြောင်းရင်းမှာ သူ့ယုံကြည်မှု လွန်ကဲနေခြင်းကြောင့် မဟုတ်ဘဲ တစ်စုံတစ်ဦးက အကြံဥာဏ် ပေးလာသောကြောင့် ဖြစ်ပါသည်။

ထိုလူသည် နတ်ဆိုးနတ်ဘုရားကမ္ပည်းပြားမှ ပစ္စည်းဝိညာဉ် လျိုဘိုမှလွဲ၍ အခြားသူ မဟုတ်ပေ။

ဤအခိုက်အတန့်တွင် ချင်ယွင်သည် လျိုဘို၏ ညွှန်ကြားချက်များကို လိုက်နာပြီး ကြောက်မက်ဖွယ်ကောင်းသော ဧရာမလျှပ်စီးအလုံးကြီးကို ကနဦးစကြဝဠာထဲသို့ ပို့ဆောင်ကာ၊ ချင်ယွင်၏ ကနဦးစကြဝဠာ အလယ်ဗဟိုတွင် လွင့်မျောနေသည့် လျှို့ဝှက် ဆန်းကြယ်သော ကြေးနီအပိုင်းအစကို ပြင်းပြင်းထန်ထန် တိုက်ခိုက်စေခဲ့သည်။

"ဘုန်း..”။

ကြောက်မက်ဖွယ်ကောင်းသော နတ်ဘုရားလျှပ်စီးအလုံးကြီးသည် ကြေးနီအပိုင်းအစကို ပြင်းထန်စွာ ပေါက်ကွဲလိုက်သည်။ ကြေးနီအပိုင်းအစသည် ချက်ချင်းဆိုသလို နတ်ဘုရား လျှပ်စီးအလုံးကြီးဖြင့် ရစ်ပတ်ခံလိုက်ရသည်။

ချင်ယွင်သည် ထိုကဲ့သို့ လှုပ်ရှားရခြင်း၏ အဓိပ္ပါယ်ကို နားမလည်သော်လည်း လျိုဘိုက သူ့ကို ထိုကဲ့သို့ ပြောသောကြောင့် သူသည် သူစိတ်တိုင်းကျ လုပ်ဆောင်ပေးခဲ့သည်။ လျိုဘိုက သူ့ကို အန္တရာယ်ပြုမည်မဟုတ်ဟု သူ အသေအချာ ယုံကြည်ထားသည်။

ဘန်း…။

မည်သည့်အခါမှ လှုပ်ရှားမှုမရှိသော ကြေးနီအပိုင်းအစသည် နတ်ဘုရား လျှပ်စီး အလုံးကြီး ဖြင့် လွှမ်းခြုံထားပြီးနောက်၊ ၎င်းသည် တုနှိုင်းမရအောင် အစွမ်းထက်သော အလင်းတန်း တစ်ခု ရုတ်တရက် ထုတ်လွှတ်လိုက်သည်။ ထို့နောက် ထူးဆန်းသော မြင်ကွင်းတစ်ခု ဖြစ်ပေါ်လာသည်။ ကြေးနီအပိုင်းအစသည် အနှိုင်းမဲ့ ကြောက်မက်ဖွယ်ကောင်းသော နတ်ဘုရားလျှပ်စီးများကို အမှန်တကယ်ပင် ချက်ခြင်းဆိုသလို လုံး၀ ဝါးမြိုသွားခဲ့သည်။

ကြေးနီအပိုင်းအစသည် အနှိုင်းမဲ့ အစွမ်းထက်သော နတ်ဘုရားလျှပ်စီးကို ဝါးမျိုလိုက်ပြီး နောက်၊ အလွန်တောက်ပသော ခရမ်းရောင်သွေးပြန်ကြောတစ်ခုသည် သူ့မျက်နှာပြင်ပေါ် တွင် အမှန်တကယ် ထွန်းလင်းတောက်ပလာခဲ့သည်။ ချင်ယွင်၏နှလုံးကို တုန်လှုပ်စေ သည့် စွမ်းအင်အတက်အကျလှိုင်းတစ်ခုသည် ကြေးဝါအပိုင်းအစထံမှ ထုတ်လွှတ်လာ သည်။

ချင်ယွင်သည် ထိုအားကောင်းသော နတ်ဘုရားတန်ခိုး စွမ်းအင်အတက်အကျလှိုင်းကို ခံစားလိုက်ရပြီး, သူ့မျက်နှာက ချက်ချင်းပင် တုနှိုင်းမရအောင် အံ့အားသင့်သွားသည့် အမူအရာ ပေါ်လာပါသည်။

သူ၏ မွေးရာပါ နတ်ဘုရားစွမ်းရည်ကို အသုံးပြုခဲ့ခြင်းကြောင့်၊ သူ၏ ခန္ဓာကိုယ်သည် နတ်ဘုရားနဂါးအသွင်မှ လူသားအသွင်သို့ ပြောင်းလဲနေပြီ ဖြစ်သည်။ ဤအခိုက်အတန့် တွင် သူ၏ မူလက စွမ်းအားကင်းမဲ့သွားသည့် ခန္ဓာကိုယ်သည် ပုံမှန်အတိုင်းအနေထားသို့ ပြန်လည် ရောက်ရှိသွားပုံရသည်။ အနှိုင်းမဲ့ အားကောင်းသော စွမ်းအားတစ်ခုက ကြေးနီအပိုင်းအစထံမှ စတင် ထွက်ပေါ်ပြီး ချင်ယွင်၏ ခန္ဓာကိုယ်ထဲသို့ စိမ့်ဝင်သွားခဲ့သည်။

ဤစွမ်းအားသည် အရိုင်းဆန်ခြင်းမရှိပေ။ ဆန့်ကျင်ဘက်အနေနှင့်၊ ၎င်းသည် အလွန်တရာ မှ နူးညံ့သိမ်မွေ့ပါသည်။ သို့သော် ၎င်းအတွင်းပါရှိသော စွမ်းအားသည် တုနှိုင်းမယှဉ် နိုင်လောက်အောင် အစွမ်းထက်လွန်းသည်။

ဘန်း…။

တောက်ပသော ခရမ်းရောင်အလင်းတန်း ပုံစံသင်္ကေတများသည် ချင်ယွင်၏ ခန္ဓာကိုယ် ပေါ်တွင် ပေါ်လာပါတော့သည်။ သူ၏ ခန္ဓာကိုယ်သည် နဂါးအတောင်ပံများ မပါဘဲ လေထဲတွင် အမှန်တကယ် လွင့်မျောနေပြီး၊ သူ၏ အငွေ့အသက်သည် မကြုံစဖူး ပြင်းထန်သော အဆင့်သို့ ရောက်ရှိသွားခဲ့သည်။

"ဟင်... ဘာဖြစ်နေတာလဲ?" ကမ်းပေါ်ရှိ လူတိုင်းသည် လေထဲတွင် လွင့်မျောနေပြီး၊ သူ့တစ်ကိုယ်လုံးမှ အနှိုင်းမဲ့ အစွမ်းထက်သော စွမ်းအင်အတက်အကျ လှိုင်းများ ထုတ်လွှတ် နေသော ချင်ယွင်ကို ကြည့်လိုက်ကြပြီး၊ သူတို့၏ မျက်နှာများသည် ပဟေဠိဆန်သော အမူအရာများ ထွက်ပေါ်လာကြပါသည်။

ယောင်ဖုန်းလည်း ထိတ်လန့်သွားသည်။ အခြားလူများက ၎င်းကို မခံစားနိုင်သော်လည်း၊ သူမသည် ချင်ယွင်၏ စွမ်းအားက အလွန်ကြောက်စရာကောင်းသည့် အဆင့်သို့ ရောက်ရှိ နေပြီဟု ရှင်းရှင်းလင်းလင်း ခံစားနိုင်ပါသည်။ သူသည် အလယ်လတ်အဆင့် မြေကမ္ဘာ နတ်ဘုရားနယ်ပယ်ကိုပင် ကျော်လွန်ပြီး နှောင်းပိုင်း မြေကမ္ဘာနတ်ဘုရား နယ်ပယ်သို့ပင် ရောက်ရှိတော့မည် ဖြစ်သည်။

"မဟုတ်ဘူး...မဖြစ်နိုင်ဘူး၊ ဒါက လုံးဝ မဖြစ်နိုင်ဘူး?" ကျန်းခွန်သည် နတ်ဘုရားတစ်ပါး ကဲ့သို့ လေထုထဲတွင် လွင့်မျောနေသော ချင်ယွင်ကို သူ့မျက်နှာပေါ်မှာ အလွန်မင်း မယုံနိုင်သည့် အမူအရာဖြင့် ကြည့်လိုက်ပါသည်။ ပြင်းထန်သော ကြောက်ရွံ့မှုတစ်ခုက သူ့နှလုံးသားအောက်ခြေထဲမှ ထွက်ပေါ်လာခဲ့သည်။

ယင်းက သူ့နှလုံးသားအောက်ခြေထဲက ကြောက်ရွံ့မူဖြစ်ပြီး၊ သူ့စိတ်ဝိညာဉ်တစ်ခုလုံးကို ပင် တုန်လှုပ်သွားစေခဲ့သည်။

ဤကြောက်ရွံ့မှုမျိုးသည် နောက်ဆုံးအကြိမ်တုန်းက သူ ဘိုးဘေးနတ်ဘုရား၏ တန်ခိုးနှင့် ရင်ဆိုင်ရချိန်တုန်းကနှင့် အတိအကျ အတူတူပင်။ ကြယ်နတ်ဘုရား ပုရွက်ဆိတ် တစ်ကောင်ထံမှ ထိုကဲ့သို့ ကြောက်ရွံ့မှုမျိုးကို အမှန်တကယ် ခံစားရမည်ဟု သူ မယုံနိုင်ပေ။

"မဟုတ်ဘူး...မဖြစ်နိုင်ဘူး၊ မင်းက အတိအကျ ဘယ်သူလဲ။" ထိုအချိန်တွင် ကျန်းခွန်သည် အလွန်မင်း တုန်လှုပ်သွားခဲ့သည်။

ရုတ်တရက်, သူသည် တစ်ခုခုကို တွေးနေပုံရပြီး ရေကန်၏ နက်ရှိုင်းရာဆီသို့ ဦးတည်ကာ သူ၏ အစစ်အမှန် ပုံစံအဖြစ်သို့ အလျင်အမြန် ပြောင်းလဲလိုက်သည်။

မူလက ဤလျှို့ဝှက်ဆန်းကြယ်သော စွမ်းအားကြောင့် ဖြစ်ပေါ်လာသော ပြင်းထန်သော ခံစားချက်ထဲတွင် နစ်မြောနေသော ချင်ယွင်သည် ထွက်ပြေးလွတ်မြောက်လိုသော ကျန်းခွန်ကို မြင်လိုက်ရလျှင်, အေးစက်သော အပြုံးတစ်ခုက သူ့မျက်နှာပေါ်တွင် ချက်ချင်း ပေါ်လာခဲ့သည်။

"အခုမှ ထွက်ပြေးဖို့လား။ အရမ်းကို နောက်ကျသွားပြီထင်တယ်" ချင်ယွင်က လှောင်ပြောင်ဟန်ဖြင့် ပြောလိုက်ပြီး လက်တစ်ဖက်ကို ဆန့်ထုတ်လိုက်သည်။

ထို့နောက် ရောက်ရှိနေသူ အားလုံးကို ထိတ်လန့်စေမည့် မြင်ကွင်းတစ်ခု ဖြစ်ပျက်ခဲ့ပါ သည်။ ကျန်းခွန်၏ကြီးမားသော ခန္ဓာကိုယ်ကြီးကို မမြင်နိုင်သော လက်တစ်ဖက်က ဖမ်းမြောက်လိုက်သလိုပင်။ သူသည် ဖြည်းညှင်းစွာ မြှောက်ကြွလာပြီး လေထဲမှာ လွင့်နေခဲ့ သည်။

ကမ်းပေါ်ရှိလူတိုင်း အံ့အားသင့်သွားကြပြီး ယောင်ဖုန်းလည်း ထိတ်လန့်သွားပါသည်။

သေချာသည်မှာ တုန်လှုပ်ခြောက်ခြားရဆုံးလူက ကျန်းခွန်ကိုယ်တိုင်ပင် ဖြစ်ပါသည်။ ဤအခိုက်အတန့်တွင် သူသည် လုံးဝကို ကြောက်လန့်သွားခဲ့သည် ။

"မလုပ်နဲ့...ငါ့ကို မသတ်ပါနဲ့”။ ကျန်းခွန်က ချင်ယွင်ကို အမြန်ကြည့်ကာ သနားညှာတာပေး ရန် တောင်းပန်လိုက်သည်။

ချင်ယွင်သည် ထိုစကားကို ကြားသောအခါတွင် သူ့ပါးစပ်ထောင့်မှ အပြုံးတစ်ခု ထွက်ပေါ်လာသည်။ ထို့နောက် သူ့ရှေ့တွင် ပျံဝဲနေသော လက်သည် ပြင်းပြင်းထန်ထန် လှုပ်ခါသွားသည်။

"ဘုန်း”။

ကျယ်လောင်သော ပေါက်ကွဲသံနှင့်အတူ ကျန်းခွန်၏ ကြီးမားသော ခန္ဓာကိုယ်ကြီးသည် သွေးအမှုန်အမွှားအဖြစ်သို့ ပြောင်းလဲသွားခဲ့သည်။

ကမ်းပေါ်ရှိ လူတိုင်း လုံးဝကို မှင်သက်သွားကြသည်။ နားမလည်နိုင်သော အမူအရာ ကိုယ်စီဖြင့် ချင်ယွင်ကို ကြည့်နေကြရင်း၊ သူတို့သည် သူတို့ရပ်နေရာ နေရာမှာပင် တုန်လှုပ် ခြောက်ခြားသွားကြသည်။

အလယ်အလတ်အဆင့် ကြယ်နတ်ဆိုးနတ်ဘုရား ကျွမ်းကျင်သူတစ်ဦးကို ပေါ့ပေါ့ပါးပါး ချေမှုန်းလိုက်ခြင်း။ ဤအရာအားလုံးကို အလယ်အလတ်အဆင့်ရှိ ကြယ်နတ်ဆိုး နတ်ဘုရားကျွမ်းကျင်တစ်ဦးက လုပ်ဆောင်ခဲ့သည်ကို မည်သူမျှ ယုံကြည်နိုင်ကြပေ။

ချင်ယွင်သည် သွေးမှုန်များကို ကြည့်လိုက်သည်။ သူ့မျက်နှာပေါ်တွင် မည်သည့် အမူအယာမျိုးမှ ရှိမနေသော်လည်း သူ့နှလုံးသားက ထိတ်လန့်တုန်လှုပ်သွားခဲ့သည်။