အခန်း ၁၂၉၆

အခန်း (၁၂၉၆) လှည့်စားခံရခြင်း။

"ဟုတ်တယ်၊ ကျွန်မတို့ မြေခွေးဘိုးဘေးက အဲဒီတုန်းက ကြီးကျယ်ခမ်းနားတဲ့ နတ်ဘုရား စွမ်းရည်ကို ဖန်တီးခဲ့တယ်၊ "ကောင်းကင်ဘုံဖြိုခွဲခြမ်း စွမ်းအားက ကျွန်မတို့ မြေခွေး မျိုးနွယ်ရဲ့ ကြီးကျယ်ခမ်းနားတဲ့ နတ်ဘုရားစွမ်းရည် သုံးမျိုးထဲက တစ်ခုပဲ။ ဒါပေမယ့်, ကျွန်မတို့ မြေခွေးမျိုးနွယ်အပေါ် ကျရောက်လာခဲ့တဲ့ ဘေးဆိုးကြီးကြောင့် ကျွန်မညီမနှင့် ကျွန်မတို့ပဲ ကျန်တော့တယ်။ ကျွန်မညီမနဲ့ ကျွန်မကိုယ်တိုင်ကလည်း ပါရမီနည်းပါးတော့ ဒီနတ်ဘုရားစွမ်းရည်ကို ဘယ်တုန်းကမှ နားမလည်ခဲ့ကြဘူး။ သခင်လေးချင်, ရှင်က ထက်မြက်ပြီး ဉာဏ်ကောင်းတယ်။ ဒီနတ်ဘုရားစွမ်းရည်ကို ရှင် သေချာပေါက် နားလည် နိုင်လိမ့်မယ်။"

တော်ယုက ချင်ယွင်ကို ပြောပြီးနောက်တွင်, သူမလက်ထဲမှာ ရွှေရောင် စာလိပ်တစ်လိပ် ပေါ်လာသည်။ စာလိပ်ထံမှ ရှေးဟောင်း အငွေ့အသက်တစ်ခု ထွက်ပေါ် လာခဲ့သည်။

ချင်ယွင်က စာလိပ်ကိုမြင်လိုက်သောအခါ, သူ့မျက်လုံးတွေက ချက်ချင်းဆိုသလို လင်းလက်သွားသည်။ စာလိပ်အတွင်း၌ အလွန်မင်း ထူးခြားသော စွမ်းအားတစ်ခု ပါရှိနေသည်ကို သူခံစားနိုင်သည်

“အစ်မ၊ အစ်မက အဲဒါကို လုံးဝ အသုံးမပြုရဘူးနော်။ ဒါက ငါတို့ မြေခွေးမျိုးနွယ်ရဲ့ လျှို့ဝှက်ချက်ဖြစ်တယ်။ ရှေးအစဉ်အဆက် ခေါင်းဆောင်တွေကပဲ လေ့လာနိုင်တယ်။ တကယ်လို့, အစ်မသာ ဒီနတ်ဘုရားစွမ်းရည်ကို ဖြန့်လိုက်ရင် မြေခွေးဘိုးဘေးက အစ်မကို အပြစ်ပေးလိမ့်မယ်။" တော်အန်းက ကမန်းကတန်း ပြောလိုက်သည်။

ထိုစကားကြားတော့ ချင်ယွင်သည် သူ၏ မူလက စိတ်ဝင်တစား အကြည့်များကို ချက်ချင်း ရုတ်သိမ်းလိုက်သည်။

တော်အန်းပြောသည့်အတိုင်း, အကယ်၍, သူသည် ထိုနတ်ဘုရားစွမ်းရည်ကို လေ့ကျင့်သည့်အတွက် တော်ယုကို ထိခိုက်မည်ဆိုလျှင်, သူသည် သေချာပေါက် ကြည့်လိမ့်မည် မဟုတ်ပေ။

"အန်အာ၊ နင် စကားတော်တော်များတာပဲ” ရုတ်သိမ်းသွားသော ချင်ယွင်၏ အကြည့်များ ကို မြင်လိုက်သည်နှင့်, တော်ယုက ချက်ချင်း လှည့်ကြည့်ကာ တော်အန်းကို စိုက်ကြည့် လိုက်သည်။

"ဒါပေမယ့် "တော်အန်းက အနည်းငယ် လက်မခံနိုင်သေးပေ။

"ကောင်းပြီ၊ တော်အန်းကို အပြစ်ပြောစရာ မလိုပါဘူး။ ဒီနတ်ဘုရား စွမ်းရည်နဲ့မှ, ငါ တောင်ထိပ်ပေါ်ကို အောင်မြင်စွာ တက်လှမ်းနိုင်မယ်ဆိုရင်, ငါ အဲဒါကို လေ့ကျင့်မှာ မဟုတ်ဘူး။ ဒါ့အပြင်, အဲဒါမရှိရင်ရော, ငါက တောင်ထိပ်ပေါ်ကို မတက်နိုင်တော့ဘူးလား" ချင်ယွင်က ခေါင်းခါပြီး ငြင်းလိုက်သည်။

ထိုစကားကြားတော့ တော်ယု၏ နှလုံးသားက ချက်ခြင်း လှုပ်ရှားသွားသည်။

ဤသည်မှာ နတ်ဘုရားစွမ်းရည်တစ်ခု ဖြစ်သည်။ မြေခွေးမျိုးနွယ်၏ အဖိုးတန်ဆုံး ရတနာတစ်ခုလည်း ဖြစ်သည်။ တန်ဖိုးအရဆို၊ ၎င်းသည် ဝူဝမ်ဓားသိုင်းနှင့် “လျှပ်စီးပြိုလဲ ခြင်း”တို့ထက်ပင် သာလွန်သည်။ အကယ်၍, ၎င်းကို တစ်စုံတစ်ယောက်ကို ပြောင်းလဲ ပေးလိုက်ပါက, အလွန်မင်း စိတ်လှုပ်ရှားနေလိမ့်မည်။ သို့သော်၊ ချင်ယွင်သည် သူမ၏ ဘေးကင်းရေးကို စိုးရိမ်ပေးနေသောကြောင့် သူမအနေဖြင့် မည်သို့မှ စိတ်မလှုပ်ရှားဘဲနေ မည်နည်း?။

ချင်ယွင်သည် သူကိုယ့်ပိုင်ခွန်းအားဖြင့် တောင်ထိပ်ပေါ်ကို အောင်မြင်စွာ တက်နိုင်သည်ဟု ပြောဆိုခဲ့သော စကားအတွက်မူ, ၎င်းစကားသည် ချင်ယွင်က သူမတို့အား နှစ်သိမ့်ပေးရုံ သက်သက်သာ ဖြစ်ပါသည်။

ချင်ယွင်သည် မည်သူ့အတွက် တောင်ထိပ်ပေါ်ရောက်ရန် အလွန် ကြိုးစားနေရသနည်း?။

သူမတို့အတွက်ကြောင့် မဟုတ်ပေဘူးလား?။ သူမတို့သည် ချင်ယွင်အပေါ် အကြွေး အများကြီး တင်နေခဲ့ပါပြီ။

တော်ယုသည် ချင်ယွင်အတွက် တစ်ခုခုလုပ်ပေးရန် ပို၍ပင် စိတ်ပိုင်းဖြတ်လိုက်ပါသည်။

“သခင်လေးချင်, ဒီနတ်ဘုရားစွမ်းရည်ကို သခင်လေး လေ့ကျင့်နိုင်အောင် ခွင့်ပြုပေးနိုင် မယ့် နောက်ထပ် နည်းလမ်းတစ်ခု ရှိသေးတယ်။ ဒါပေမယ့် ကျွန်မ သခင်လေးချင်အပေါ် အမှားလုပ်မိသွားခဲ့တယ်။ သခင်လေး သဘောတူပါ့မလားလို့ ကျွန်မ သိချင်မိတယ်” တော်ယုက ပြုံးပြီး ချင်ယွင်ကို ပြောသည်။

"တကယ်လို့ မင်းရဲ့ဘဝကို စတေးရမယ်ဆိုရင်တော့, ငါ သေချာပေါက် သဘောမတူဘူး" ချင်ယွင်က ပြောသည်။

တော်အန်းလည်း အံ့အားသင့်သည့် အမူအရာကို ထုတ်ပြလာခဲ့သည်။ သူမအစ်မက မည်သည့်အရာ ပြောနေမှန်း သူမ မသိပါဘူး။

"မဟုတ်ဘူး။ အဲဒါက ငါတို့အပေါ် သက်ရောက်မှု မရှိပါဘူး။ အဲဒါက သခင်လေးချင် အပေါ်မှာပဲ သက်ရောက်မှုရှိတာပါ. ဒါပေမယ့် သက်ရောက်မှု အများကြီး မရှိပါဘူး။" တော်ယုက ပြုံးပြီး ပြောလိုက်သည်။

"ဘာနည်းလမ်းလဲ?" ချင်ယွင်က စိတ်ရှုပ်ထွေးစွာဖြင့် မေးလိုက်သည်။

"ကျွန်မတို့ အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်ရဲ့ မျိုးနွယ်စု ခေါင်းဆောင် ဖြစ်လာရင်ပေါ့" တော်ယုက ပြုံးပြီး ပြောလိုက်သည်။

"အယ်?" ချင်ယွင်ကိုယ်တိုင် မှင်သက်အံ့ဩသွားရုံသာမက တော်အန်းလည်း မှင်သက်သွား သည်။ ရှင်းရှင်းပြောရရင်၊ တော်ယုက ယခုလိုစကားမျိုး ပြောလာမည်ဟု မမျှော်လင့်ထား သည်မှာ ထင်ရှားပါသည်။

"ဒါပေမယ့် ငါက မင်းတို့ အမြီးကိုးချောင်း ကောင်းကင်ကျောက်စိမ်း မြေခွေးမျိုးနွယ်စုထဲက လူတစ်ယောက် မဟုတ်ဘူးလေ။ ငါက မင်းတို့ရဲ့ မျိုးနွယ်စုခေါင်းဆောင် ဘယ်လိုလုပ် ဖြစ်နိုင်မှာလဲ" ချင်ယွင်က စိတ်ရှုပ်ထွေးစွာဖြင့် မေးလိုက်သည်။

"စိတ်မပူပါနဲ့၊ သခင်လေးချင်၊ ကျွန်မတို့ အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်ရဲ့ မျိုးနွယ်စုခေါင်းဆောင်က ကျွန်မတို့ အမြီးကိုးချောင်း ကောင်းကင်ကျောက်စိမ်း မြေခွေး မျိုးနွယ်စုထဲက လူတစ်ယောက်ဖြစ်ဖို့ မလိုအပ်ပါဘူး။ မင်းမှာ အရည်အချင်းရော အကျင့်သီလပါ ရှိနေသရွေ့, ကျွန်မတို့ရဲ့ အမြီးကိုးချောင်း ကောင်းကင်ကျောက်စိမ်း မြေခွေး မျိုးနွယ်စုမှ အဖွဲ့ဝင်များအားလုံးက အဲဒီလူမျိုးကို အသိမှတ်ပြုပါတယ်” တော်ယု က ပြုံးပြီး ရှင်းပြသည် "သခင်လေးက ခေါင်းဆောင်အဖြစ် အရွေးခံလို့ရပါတယ်။ ယခုအချိန်မှာ, အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်ထဲမှာ ကျွန်မ ညီမနဲ့ ကျွန်မပဲ ကျန်တော့တာ။ ဒါ့ကြောင့်၊ ကျွန်မတို့က သခင်လေးကို ကျွန်မတို့ မျိုးနွယ်ရဲ့ မျိုးနွယ်စုခေါင်းဆောင်အဖြစ် သဘာဝအတိုင်း ရွေးချယ်နိုင်ပါတယ်။ ဒီနည်းဖြင့်၊ သခင်လေးက ကျွန်မတို့ အမြီးကိုးချောင်း ကောင်းကင်ကျောက်စိမ်း မြေခွေးမျိုးနွယ်ရဲ့ နတ်ဘုရားစွမ်းရည်များကို လေ့ကျင့်နိုင်ပါတယ်။ ဒါပေမယ့် သခင်လေး, သခင်လေးရဲ့ ကံကြမ္မာကတော့ အနာဂတ်မှာ ကျွန်မတို့ မြေခွေးမျိုးနွယ်နဲ့ ဆက်စပ်သွားလိမ့်မယ်။"

"ဒီလိုလည်း အဆင်ပြေတာပဲလား?" ထိုစကားကို ကြားပြီးနောက် ချင်ယွင်သည် အံ့သြသွားခဲ့သည်။

အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်၏ မျိုးနွယ်စုခေါင်းဆောင်ကို ဤနည်းဖြင့် ရွေးချယ်၍ရလိမ့်မည်ဟု သူမမျှော်လင့်ခဲ့ပေ။ အကယ်၍, တော်ယု ပြောခဲ့သည့်အတိုင်းသာ အမှန်ဆိုလျှင်၊ သူသည် မျိုးနွယ်စုခေါင်းဆောင်အဖြစ် ရွေးချယ်ခံ လိုက်သည်နှင့်, သူသည် နတ်ဘုရားစွမ်းရည်ကို ကျင့်ကြံနိုင်မှာဖြစ်ပြီး၊ ဤအရာက သူ့အတွက် ဆိုးဝါးခြင်း မရှိပေ။

အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်နဲ့ ပေါင်းစည်းသွားမည့် ကံတရားအတွက်မူ, ၎င်းသည် ချင်ယွင်အတွက် အထူးပြောနေစရာ လုံးဝ မလိုအပ်ပေ။

သူသည် ကနဦးစကြဝဠာကို ပိုင်ဆိုင်ထားပြီး၊ သူ့ ကံကြမ္မာက သာမန်လူတွေ နှိုင်းယှဉ်နိုင် သည့်အရာ မဟုတ်ပါဘူး။ အမြီးကိုးချောင်း ကောင်းကင်ကျောက်စိမ်း မြေခွေးမျိုးနွယ်သည် အဆုံးမှာ လုံးဝ ပျက်ဆီးသွားခဲ့လျှင်ပင် သူ့ကံကြမ္မာက အများကြီး ပျောက်ကွယ်သွားမှာ မဟုတ်ပါဘူး။ ဆန့်ကျင်ဘက်အနေဖြင့်, သူ့ကံကြမ္မာကပင် အမြီးကိုးချောင်း ကောင်းကင် ကျောက်စိမ်းမြေခွေးကို အကူညီတွေ ယူဆောင်ပေးနိုင်ပါသည်။ ၎င်းသည် မြေခွေးမျိုးနွယ် ၏ နတ်ဘုရားစွမ်းရည်ကို လေ့ကျင့်ခြင်းအတွက် ချင်ယွင်ပေးသည့် ဆုကြေးအဖြစ် ယူဆနိုင်သည်။

"တော်ယုက သဘာဝအတိုင်း သခင်လေးကို မလှည့်စားဝံ့ပါဘူး။” တော်ယုက ပြုံးရင်း ပြောလိုက်သည်။

.

ဘေးတဘက်တွင်မူ တော်အန်း၏ မျက်လုံးများသည် ရှုပ်ထွေးနေသည့် အရိပ်အယောင်များ ဖြင့် တဖျပ်ဖျပ်ခတ်နေသည်။ သူမပုံစံက တစ်ခုခုပြောတော့မည့်ပုံစံ ပေါက်နေသော်လည်း အဆုံးမှာတော့ သူမသည် အသံထွက်ပြီး မပြောတော့ပါဘူး။

"ကောင်းပြီလေ, မင်းတို့ကို မထိခိုက်သရွေ့ မင်းတို့မျိုးနွယ်ရဲ့ မျိုးနွယ်စုခေါင်းဆောင်အဖြစ် ငါ ကတိပေးတယ်။" ချင်ယွင် ခေါင်းညိတ်သဘောတူလိုက်သည်။

ထိုစကားကိုကြားတော့ တော်ယုက ဝမ်းသာအားရ ပြုံးပြလိုက်သည်။

တော်အန်းသည် သူမမျက်နှာပေါ်တွင် ဖျစ်ညှစ်ကာ ပြုံးပြလိုက်သော်လည်း၊ သူမ မျက်လုံးကြီးတွေက တော်ယုကို စိုက်ကြည့်နေသေးသည်။

"သခင်လေး၊ ဒါက ကျွန်မတို့ အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်ရဲ့ မျိုးနွယ်စုခေါင်းဆောင် ကျောက်စိမ်းဆွဲသီးပဲ။ သခင်လေးလုပ်ဖို့ လိုအပ်တာက ဒီကျောက်စိမ်းဆွဲသီးပေါ်မှာ သွေးတစ်စက်ချလိုက်ဖို့ပဲ။" တော်ယုက ပြောပြီး ကျောက်စိမ်း ဆွဲသီးကို ချင်ယွင်အား ပေးလိုက်ပါသည်။

ချင်ယွင်သည် ကျောက်စိမ်းဆွဲသီးကို ယူကာ တစ်ချက်ကြည့်လိုက်သည်။ ထို့နောက် လက်ညှိုးကို ကိုက်ကာ ကျောက်စိမ်းဆွဲသီးပေါ်သို့ သွေးဖြင့် ညှစ်ချလိုက်သည်။

ဘန်း…။

ချင်ယွင်၏သွေးများသည် ကျောက်စိမ်းဆွဲသီးပေါ်သို့ ကျရောက်သွားသည်နှင့် ချင်ယွင် သည် ကျောက်စိမ်းဆွဲသီးနှင့် ဆက်စပ်မှုရှိနေကြောင်း ချက်ချင်း သိလိုက်ရသည်။ သို့သော် ဤအရာသည် တစ်ခုတည်းသော အရာမဟုတ်သေးပါ။ ချင်ယွင်သည် တော်ယုနှင့် တော်အန်းတို့၏ ရှင်သန်ခြင်းနှင့် သေခြင်းတရားတို့ကိုပါ အမှန်တကယ် ထိန်းချုပ်နိုင် သည်ကို တွေ့ရှိခဲ့ရသည်။

"ခေါင်းဆောင်, ဒီနေ့ကစပြီး တော်ယုနဲ့ တော်အန်းက ခေါင်းဆောင်ရဲ့ကျေးကျွန်တွေ ဖြစ်လာပါလိမ့်မယ်။ ခေါင်းဆောင်မှာ ဘာခိုင်းစရာပဲရှိရှိ, ခေါင်းဆောင်က ကျွန်မတို့ကို အမိန့်ပေးလို့ရပါတယ်။" တော်ယုသည် ချင်ယွင်၏ရှေ့မှာ တိုက်ရိုက် ဒူးထောက်လိုက်ပြီး ပြောလိုက်သည်။ ထိုသို့ပြောပြီးနောက် သူမဘေးနားရှိ တာအိုအန်ကိုပင် ဆွဲချလိုက်သည်။

တော်အန်းသည် အနည်းငယ် မကျေမနပ် ဖြစ်နေသော်လည်း ဒူးထောက်လိုက်ဆဲပင်။

"ဘာတွေဖြစ်နေတာလဲ?" ချင်ယွင်က မျက်မှောင်ကြုတ်ကာ မေးလိုက်သည်။ အကြောင်းပြချက် မရှိဘဲ သူ့မှာ နောက်ထပ် အစေခံနှစ်ယောက် ရှိလာပြန်ပြီ။ ထို့အပြင်, သူမတို့သည် ရင်သပ်ရှုမောဖွယ် လှပနေသေးသည်။ အကယ်၍, တခြားသူတွေသာဆိုလျှင် အရမ်းကို ပျော်ရွှင်ကြလိမ့်မည်။ သို့သော် ချင်ယွင်ကတော့ မပျော်နိုင်ပါဘူး။

'"ခေါင်းဆောင်, ကျေးဇူးပြုပြီး ကျွန်မကို ခွင့်လွှတ်ပေးပါ။ တော်ယု စကားပြောစဉ်တုန်းက တစ်ခုခုကို ဖုံးကွယ်ထားမိခဲ့ပါတယ်။ တကယ်တော့ ကျွန်မတို့ မျိုးနွယ်စုဝင်တွေရဲ့ ခွင့်ပြုချက်မလိုဘဲ၊ ကျွန်မတို့ အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်ရဲ့ ခေါင်းဆောင်အဖြစ် ရွေးကောက်တင်မြှောက်ခံရဖို့ဆိုရင်၊ တော်ဝင်မျိုးရိုးက အမျိုးသမီး တစ်ဦးကို ကိုယ်လုပ်တော်အဖြစ်နဲ့ လက်ထပ်ယူဖို့ ဆန္ဒရှိရပါမယ်။ ဒါမှမဟုတ် ကျွန်မတို့က သခင်အဖြစ် ခံယူဖို့ဆန္ဒရှိရပါ့မယ်။ ဒီအစေခံမက သခင်လေးအပေါ် အမြင့်ကြီး မမှန်းရဲပါ ဘူး။ ဒါကြောင့် ကျွန်မက သခင်လေးကို ကျွန်မရဲ့သခင်အဖြစ် မှတ်ယူဖို့ ကိုယ်တိုင် ဆုံးဖြတ်ချက် ချလိုက်တာပါ" တော်ယုက ချင်ယွင်၏ရှေ့မှာ ဒူးထောက်ပြီး ပြောလိုက် သည်။

ချင်ယွင်သည် ပြောစရာစကား မဲ့သွားခဲ့သည်။ သူသည် လှည့်စားခံလိုက်ရသလို ခံစားရသည်။

သို့သော်လည်း တော်ယုနှင့် တော်အန်းတို့ မည်ကဲ့သို့ ဒုက္ခမျိုးစုံကြုံတွေ့ခဲ့ရသည်ကို တွေးလိုက်မိစဉ် သူကိုယ်တိုင်လည်း မည်သို့ပြောရမှန်း မသိတော့ပေ။

"မေ့လိုက်ပါ။ မေ့လိုက်ပါ။ ငါ တောင်ထိပ်ပေါ်ရောက်တဲ့အထိ စောင့်ပါ။ ပြီးရင် မင်းတို့ရဲ့ စိတ်ဝိညာဉ်ကို ဖယ်ရှားပေးမယ်။" ချင်ယွင်က ပြောသည်။

"ကျွန်မတို့ အမြီးကိုးချောင်း ကောင်းကင်ကျောက်စိမ်းမြေခွေး မျိုးနွယ်စုရဲ့ အမျိုးသမီးတွေ က လူတစ်ယောက်ထဲကိုပဲ ကျွန်မတို့ရဲ့အသက်နဲ့ထပ်တူ သခင်အဖြစ် ထမ်းဆောင်ကြပါ တယ်။ ကျွန်မတို့ သေတဲ့အထိ ဘယ်တော့မှ ပြောင်းလဲမှာ မဟုတ်ဘူး။" တော်ယုက ဆက်ပြောသည် ။

ချင်ယွင်သည် သူ့ကိုယ်သူ အသက်ကြပ်သကဲ့သို ဆို့နင့်သွားခဲ့သည်။ သူက တော်ယုကို ကြည့်ပြီး ဒေါသထွက်ချင်သော်လည်း ဒေါသကို အပြင်မထုတ်နိုင်ခဲ့ပေ။

ချင်ယွင်၏ရှေ့တွင် ဒူးထောက်ကာ ခေါင်းငုံ့ထားရင်း တော်ယုလည်း တုန်လှုပ်သွားသည်။

ထိုအချိန်တွင် တော်အန်း၏ ပါးစပ်သည် အထင်အမြင် သေးခြင်းများဖြင့် ပြည့်နှက်နေ သည်။ သူမက တိုးတိုးလေး ပြောလိုက်သည် "တကယ်လို့, နင်သာ ကတိပေးစကား ပြောလိုက်ရင်, နာခံရဦးမှာပဲလေ။ အခုတော့ နင့်ပုံစံက တွန့်ဆုတ်နေပုံရတယ်။"

တော်အန်း၏ အသံသည် အကျယ်ကြီး မဟုတ်သော်လည်း ချင်ယွင်သည် ရှင်းရှင်း လင်းလင်း ကြားနေရပြီး၊ ယင်စကားက ဒေါသထွက်မူ ရယ်စရာကောင်းမူ နှစ်မျိုးလုံးကို ခံစားလိုက်ရသည်။