အခန်း ၁၃၃၄

အခန်း (၁၃၃၄)။ သန်မာလွန်းခြင်။

အရှေ့ပိုင်းမြစ်ဘိုးဘေးသည် မူလက သူ့ရှေ့ရှိ ချင်ယွင်သည် သံသယမရှိဘဲ သေဆုံးသွား လိမ့်မည်ဟု ထင်ခဲ့သော်လည်း ချင်ယွင်၏ ရုတ်တရက် နတ်ဘုရားနဂါးအဖြစ် ပြောင်းလဲ သွားခြင်းက သူ့ကို ထိတ်လန့်စေခဲ့သည်။

ထိုနောက်မှာတော့ ချင်ယွင်၏ ကြီးမားလှသော နဂါးခြေသည်းကြီးက သူ့ကို ပြင်းထန်သည့် ခြိမ်းခြောက်မှုကို ခံစားစေခဲ့သည်။

သူက ချင်ယွင်၏ နဂါးခြေသည်းကြီးကို အတင်းကြပ် လှုပ်ခါခြင်းမပြုဝံ့ဘဲ လျင်မြန်စွာ ရှောင်ထွက်သွားသည်။

သို့သော် ချင်ယွင်သည် အသွင်ပြောင်းပြီးနောက်၊ ဆယ်ကီလိုမီတာ အကွာအဝေးသည် ချက်ချင်း ကွဲအက်သွားကာ ကြောက်မက်ဖွယ်စွမ်းအင်လှိုင်းလုံးများက အရှေ့ပိုင်းမြစ် ဘိုးဘေးနှစ်ဦးကို လွင့်ပျံသွားစေခဲ့သည်။

နတ်ဘုရားနဂါးအဖြစ် ပြောင်းလဲသွားသော ချင်ယွင်သည် သူ၏တိုက်ခိုက်ရေးစွမ်းအားကို အဆပေါင်းများစွာ တိုးမြင့်လာမည် ဖြစ်သည်။ ထို့အပြင် ချင်ယွင်သည် လျှပ်စီးပြိုလဲခြင်း နတ်ဘုရားစွမ်းရည်ကိုပါ ကျွမ်းကျင်ထားသည်။ သူသည် နတ်ဘုရားနဂါးအသွင် ပြောင်းထားလျှင်ပင်၊ သူသည် ဤနတ်ဘုရားစွမ်းရည်ကို အသုံးချနိုင်သေးသည်။ ထို့ကြောင့် သူ့လက်ဖဝါးမှ ပေါက်ကွဲထွက်နိုင်သော စွမ်းအားသည် သဘာဝအတိုင်း ကြောက်မက်ဖွယ် ကောင်းသည်။

အဝေးတွင်၊ ချင်ယွင်၏ ဧရာမခြေသည်းကြီးကြောင့် ဖန်တီးဖြစ်ပေါ်လာသည့် ကြောက်မက်ဖွယ် လှိုင်းလုံးကြီးများကို ရှောင်ရှားရန် ယွမ်ရှီရှီသည် အဝေးသို့ လွင့်မျောပျံသန်းရန်မှတပါး ရွေးချယ်စရာ မရှိတော့ပေ။

ယခုအချိန်တွင်၊ လိပ်ငယ်တောင်၏ အနီးတစ်ဝိုက်သည် အပျက်အစီးများအဖြစ်သို့ ပြောင်းလဲသွားခဲ့ပြီး၊ လိပ်ငယ်တောင်၏ စံအိမ်ကြီးသည် ဤကြောက်စရာကောင်းသော မုန်တိုင်းတွင် ပြာများအဖြစ်သို့ ပြောင်းလဲသွားခဲ့ပြီ ဖြစ်သည်။

"ဒါဆို မင်းက နတ်ဘုရားနဂါးပေါ့။ မင်း ဒီလောက် ခွန်အားနဲ့ ပေါက်ကွဲနိုင်တာ အံ့သြစရာ မဟုတ်တော့ဘူး" အရှေ့ပိုင်းမြစ်ဘိုးဘေးသည် ကောင်းကင်တွင် ကြီးမားလှသော ခရမ်းရောင် နဂါးကြီးကို ကြည့်ရင်း အေးစက်စွာ ပြောလိုက်သည်။

ချင်ယွင်သည် ကောင်းကင်ဘုံကို အန်တုနိုင်သော တိုက်ခိုက်ရေး စွမ်းအားကို ပြသနိုင်ရခြင်း၏ အကြောင်းရင်းမှာ သူ၏နတ်ဘုရားနဂါးနှင့် ဆက်စပ်နေကြောင်း သူ ရှင်းရှင်းလင်းလင်း ယုံကြည်သွားသည်။ လူသားပုံစံဖြင့် ကျင့်ကြံခြင်းသည် သူ့ကိုယ်သူ ဖုံးကွယ်ထားခြင်း ဖြစ်သည်။

ချင်ယွင်သည် အရှေ့ပိုင်းမြစ်ဘိုးဘေး၏စကားကို ပြန်ကြားခြင်း မရှိပေ။ သူ၏ကြီးမားလှ သော နဂါးမျက်လုံးကြီးများသည် ကောင်းကင်ယံတွင် ရပ်နေသော အရှေ့ပိုင်းမြစ် ဘိုးဘေး ကို ကြည့်ကာ သူတို့၏မျက်လုံးများသည် ကမ္ဘာကြီးကိုပင် အထင်သေးနေသည့် အတိုင်းပင်။

"အရှေ့ပိုင်းမြစ်ဘိုးဘေး ကျုပ် ခင်ဗျားကို ထွက်သွားဖို့ အကြံပေးလိုက်မယ်။ မဟုတ်ရင်, ဒီနေ့ ခင်ဗျားကို ဒီနဂါးခြေသည်းရဲ့ ကုတ်ခြစ်မှုအောက်မှာ သေတဲ့အထိ ရိုက်နှက်ပစ်မယ်” ချင်ယွင်နဂါးကြီးသည် လူ၏စကားများကို ထွေးထုတ်လိုက်ပြီး သူ့အသံသည် နေရာတိုင်း တွင် ကျယ်လောင်စွာ ဆူညံနေသည်။

"ငါ့ကို သေအောင် ရိုက်မယ် ဟုတ်လား?။ မင်းရဲ့ပုံစံ အစစ်အမှန်ကို ပြောင်းလဲလိုက်ရုံနဲ့ မင်းက ငါ့ကို အနိုင်ယူနိုင်မယ်လို့ ထင်နေတာလား?။ မင်းက ငါ့ရဲ့စစ်မှန်တဲ့ ခွန်အားကို မပြခင် အသံကျယ်ကျယ်နဲ့ ပြောရဲတယ်ပေါ့။” အရှေ့ပိုင်းမြစ်ဘိုးဘေးက လှောင်ပြောင် သည်။ သူ့မျက်နှာမှာ ကြောက်ရွံ့မှုအရိပ်အယောင် လုံးဝ မရှိခဲ့ဘဲ အေးစက်စက် အပြုံးတစ်ခုက သူ့မျက်နှာမှာ ပေါ်လာခဲ့သည်။

ထိုထို့ပြောပြီးသည်နှင့် သူ၏လက်နှစ်ဘက်တွင် နတ်ဘုရားတူများ ပေါ်လာသည်။

ဤနတ်ဘုရားတူ နှစ်ချောင်းစလုံးသည် အဆင့်မြင့် နတ်ဘုရားပစ္စည်းများ ဖြစ်သည်။ ထို့အပြင်၊ ၎င်းတို့သည် ထိပ်တန်းအဆင့် နတ်ဘုရားများထဲတွင်ပင် ပါဝင်နိုင်သည်။ ၎င်းတို့သည် ထိပ်တန်းအဆင့် နတ်ဘုရားပစ္စည်းများနှင့် အနည်းငယ်သာ ကွာတော့သည်။ ဤနတ်ဘုရားတူနှစ်ချောင်းသည် ထိပ်တန်းအဆင့် နတ်ဘုရား ပစ္စည်းများအဖြစ် မြင့်တင်နိုင်ရန် နှစ်ထောင်ပေါင်းများစွာ အချိန်ယူရဦးမည် ထင်သည်။

ထိုမြင်ကွင်းကိုမြင်တော့ ချင်ယွင်သည် သူ့နဂါးနှာခေါင်းကြီးကို မရှုံ့မဲ့ဘဲမနေနိုင်ခဲ့ပေ.

ဤနတ်ဘုရားတူနှစ်ချောင်း၏ ထွက်ပေါ်လာနှင့်အတူ၊ အရှေ့ပိုင်းမြစ်ဘိုးဘေးသည် အကန့်အသတ်မဲ့ စွမ်းအားကို ရုတ်တရက် ပိုင်ဆိုင်ထားသကဲ့သို့ပင်။

"ဟမ့်၊ ကောင်စုတ်လေး၊ ဒါကမှ ငါ့ရဲ့ စစ်မှန်တဲ့ခွန်အားပဲ။ အစောပိုင်းက အရာအားလုံးက မင်းအတွက် အပျော်သဘောသက်သက်ပဲ။ ဒီတော့, မင်း နတ်ဘုရားနဂါးအဖြစ် ပြောင်းလဲ ရင်တောင် ဘာဖြစ်လဲ။ ငါ့နတ်ဘုရားတူတွေက မင်းကို အပိုင်းပိုင်းဖြစ်တဲ့ထိ ရိုက်နှက်နိုင်သေးတယ်။"

ထိုသို့ပြောပြီးနောက် အရှေ့ပိုင်းမြစ်ဘိုးဘေးနှစ်ဦးသည် လက်ထဲမှ နတ်ဘုရားတူများကို ထုရိုက်ကာ ချင်ယွင်၏ကြီးမားလှသော ခန္ဓာကိုယ်ကို အပြင်းအထန် တိုက်ခိုက်သည်။

နတ်ဘုရားတန်ခိုး၏ လွှမ်းမိုးမှုအောက်တွင်၊ နတ်ဘုရားသံတူကြီးများသည် ဧရာမ တူကြီးများကဲ့သို့ အဆပေါင်းတစ်ထာင် ကြီးမားသွားပြီး ချင်ယွင်၏ ခန္ဓာကိုယ်ဆီသို့ ရိုက်ချ လိုက်သည်။ ၎င်းတွင်ပါရှိသော နတ်ဘုရားတန်ခိုး စွမ်းအင်အတက်အကျလှိုင်းများသည် ပို၍ပင် ကြောက်စရာကောင်းသည်။

အရှေ့ပိုင်းမြစ်ဘိုးဘေးနှစ်ဦးသည် တစ်ချိန်တည်းတွင် လက်ဝဲဘက်နှင့် ညာဘက်မှ တစ်ဦးစီ တိုက်ခိုက်လာကြသည်။

ချင်ယွင်သည် နဂါးခြေသည်းကို ဆန့်ထုတ်လိုက်ပြီး နတ်ဘုရားသံတူကြီး တစ်ခုဆီသို့ ပြင်းပြင်းထန်ထန် ရိုက်ချလိုက်စဉ် မြေကြီးကွဲအက်သွားသည့် အသံသည် ချက်ချင်းပင် ထွက်ပေါ်လာခဲ့သည်။

နတ်ဘုရားသံတူကြီးသည် ချင်ယွင်၏ ကြီးမားလှသော နဂါးခြေသည်းကြီးနှင့် အပြင်းအထန် တိုက်မိပြီး ကောင်းကင်တုန်လှုပ်သော အသံတစ်ခု ထွက်ပေါ်လာသည်။

ချင်ယွင်ကြောင့် ထိုနတ်ဘုရားတူကြီးသည် ချက်ချင်း ခုန်ထွက်သွားခဲ့သည်။ သို့သော်လည်း ထိူအခိုက်အတန့်တွင်၊ တစ်ဖက်မှနတ်ဘုရားတူကြီးသည် ချင်ယွင်၏ရှေ့သို့ ရောက်ရှိလာ ပြီး ချင်ယွင်၏ ကြီးမားလှသော ခန္ဓာကိုယ်ကြီးကို တိုက်ရိုက် ထိမှန်သွားခဲ့သည်။

"ဘန်း…”

ချင်ယွင်၏ခန္ဓာကိုယ်ပေါ်ရှိ နဂါးအကြေးခွံများသည် ချက်ချင်း ပေါက်ကွဲသွားပြီး သွေးများ ထွက်ကျလာသည်။ ချင်ယွင်၏ကြီးမားလှသော ခန္ဓာကိုယ်ကြီးသည် မထိန်းနိုင်ဘဲ လွင့်ပျံသွားပြီး အဝေးမှ တောင်ထွတ်ကို ဖြိုခွဲသွားခဲ့သည်။

"ဟား ဟား၊ မင်း အသွင်ပြောင်းထားရင်တောင် မင်းက ငါ့ရဲ့ပြိုင်ဘက် မဟုတ်ဘူးလို့ ငါ ပြောဖူးပါတယ်။ နာခံမူရှိရှိနဲ့ သေလိုက်တော့" အရှေ့ပိုင်းမြစ်ဘိုးဘေး ကျယ်လောင်စွာ ရယ်မောလိုက်သည်။

သို့သော်လည်း, ရုပ်အသွင်နှစ်ခုသည် ၎င်းတို့၏နတ်ဘုရားတူကြီးများကို ထပ်မံ ဝှေ့ယမ်းကာ ချင်ယွင်ကို အပြင်းအထန် တိုက်ခိုက်ခဲ့သည်။ နတ်ဘုရားသံတူကြီးများတွင် ပါရှိသော တန်ခိုးစွမ်းအားသည် ယခင်ကထက် ပို၍ပင် ကြောက်စရာကောင်းသည်။

ယွမ်ရှီရှီ ဤမြင်ကွင်းကို မြင်လိုက်ရသောအခါ သူမ၏မျက်လုံးများသည် ဒေါသ အရိပ်အမြွက် လှစ်ပြသွားသည်။ သူမလက်ထဲက နတ်ဘုရားဓားသည် ချက်ချင်းပင် လေထဲကို ထိုးဖြတ်သွားခဲ့သည်။

အနှိုင်းမဲ့ အစွမ်းထက်သော ဓားအလင်းတစ်ခုသည် အရှေ့ပိုင်းမြစ်ဘိုးဘေး၏ရုပ်အသွင်ကို ချက်ချင်း အပြင်းအထန် တိုက်ခိုက်သွားသည်။

အရှေ့ပိုင်းမြစ်ဘိုးဘေးသည် ထိုဓားအလင်းကို သတိပြုမိသော်လည်း အေးစက်သော အပြုံးတစ်ခုက သူ့မျက်နှာပေါ်တွင် ပေါ်လာပါသည်။ အရှေ့ပိုင်းမြစ်ဘိုးဘေး၏ နတ်ဘုရား တူကြီးနှစ်ခုထဲမှ တစ်ခုသည် ပြန်လှည့်၍ ယွမ်ရှီရှီ၏ဓားအလင်းထဲသို့ တိုက်ရိုက် ရိုက်ချသွားပြီး ယွမ်ရှီရှီ၏ ဓားအလင်းကို အပိုင်းပိုင်း ကွဲကြေသွားစေသည်။

"နတ်သမီးယွမ်, ဘာဖြစ်နေတာလဲ။ မင်းက ဒီကောင်စုတ်ကို ခွဲခွာဖို့ ဝန်လေးနေတာလား?။ ဒါပေမယ့်, မလှုပ်ရှားဖို့ မင်းကို ငါ အကြံပေးလိုက်တယ်။ မဟုတ်ရင်, နောက်ပိုင်းကျ မင်းကို ငါ့ရှေ့မှာ ဒူးထောက်ပြီး သနားခံတောင်းပန်ရတဲ့အထိ လုပ်ပစ်မယ်” အရှေ့ပိုင်းမြစ် ဘိုးဘေးသည် ယွမ်ရှီရှီကို ကြည့်ကာ ပြောလိုက်သော်လည်း သူ့မျက်လုံးများက ညစ်ညမ်းသော အပြုံးကို ပေါ်လွင်စေသည်။

ယွမ်ရှီရှီသည် သူမ၏ ဓားအလင်း ပိတ်ဆို့ခံရသည်ကို မြင်သောအခါတွင်, သူမမျက်နှာပေါ် မှာ မကျေနပ်သည့် အရိပ်မြွက်တစ်ခု ပေါ်လာသည်။

တစ်ဖက်တွင်မူ၊ ချင်ယွင်၏ကြီးမားလှသော ခန္ဓာကိုယ်ကြီးကို အရှေ့ပိုင်းမြစ်ဘိုးဘေးထံမှ နတ်ဘုရားသံတူကြီးက ထပ်မံ ထိမှန်သွားခဲ့ပြန်သည်။ သူ့ခန္ဓာကိုယ်ပေါ်ရှိ နဂါးအကြေးခွံ များသည် ထပ်မံပေါက်ကွဲပြီး သူ့ခန္ဓာကိုယ်သည် တစ်ဖန် ပြန်ထွက်သွားပြန်သည်။

ချင်ယွင်၏ လက်ရှိခွန်အားဖြင့် နတ်ဘုရားနဂါးအဖြစ် ပြောင်းလဲသွားသော်လည်း၊ သူသည် အရှေ့ပိုင်းမြစ်ဘိုးဘေးနှင့် မယှဉ်နိုင်သေးပါ။

ထိုအချိန်တွင် ချင်ယွင်၏တစ်ကိုယ်လုံးမှာ နှိုင်းစာ၍မရသည့် နာကျင်ခြင်းကို ခံစားနေရ သည်။ နတ်ဘုရားနဂါးခန္ဓာကိုယ်သည် တန်ခိုးကြီးမားသော်လည်း လိုအပ်သော တန်ခိုး စွမ်းအားပမာဏသည်လည်း ကြီးမားလှသည်။ ထို့အပြင်, ထိခိုက်ဒဏ်ရာရသွားပါက ပြန်လည် ပြုပြင်ရ ပိုခက်ခဲလာမည်။ အဆုံးတွင် သူ့ခန္ဓာကိုယ်သည် အရမ်းကို ကြီးမားလွန်းသည်။

ထိုအချိန်တွင် ချင်ယွင်သည် နတ်ဘုရားတူကြီး နှစ်ချက် ထိမှန်သွားခဲ့ပြီ။ သူ၏ နဂါးခြေသည်း တစ်ချောင်း ကျိုးသွားကာ သူ့နောက်ကျောသည် သွေးများဖြင့် စိုရွှဲလျက် ရှိနေသည်။ သူ့ဒဏ်ရာတွေက မသေးငယ်ပါသည်။

"ကြည့်ရတာ ဒီပစ္စည်းကိုပဲ အသုံးပြုရတော့မယ်” ချင်ယွင်၏ မျက်လုံးများတွင် ခက်ထန်မှု အရိပ်အမြွက် ထွက်ပေါ်လာသည်။

ဘန်း..။

ထို့နောက် လောင်းကစားကျောက်တုံး အလုပ်ရုံမှ ဖွင့်လှစ်ထားသော ရှေးဟောင်းနတ်နဂါး အရိုးသည် လေထဲတွင် ပေါ်လာသည်။

ထိုရှေးဟောင်းနတ်နဂါးအရိုး ထွက်ပေါ်လာသည့်အခိုက်တွင်, ၎င်းသည် လေထဲမှ ချင်ယွင်ကို ခံစားမိသွားပုံရသည်။ မူလရိုးရှင်းပြီး မွမ်းမံပြင်ဆင်ထားခြင်းမရှိသော နဂါးအရိုး သည် ဤအခိုက်အတန့်တွင် အဆုံးမဲ့ နတ်ဘုရားအလင်းကို အမှန်တကယ် ထုတ်လွှတ် သည်။

အနှိုင်းမဲ့တန်ခိုးကြီးသော နတ်နဂါးအငွေ့အသက်သည် ရှေးဟောင်းနဂါးအရိုးမှ ထုတ်လွှတ် လာသည်။ ထို့နောက်၊ နတ်နဂါးအရိုးသည် အမှန်တကယ်ပင် အနှိုင်းမဲ့ တောက်ပသော အလင်းလုံးတစ်ခုအဖြစ်သို့ ပြောင်းလဲသွားပြီး ချင်ယွင်၏ မျက်ခုံးနှစ်ခုကြား နေရာကို တိုက်ရိုက် ပျံသန်းသွားခဲ့သည်။

နတ်နဂါးအရိုးမှ ထွက်ပေါ်လာသော အလင်းလုံးသည် ချင်ယွင်၏ မျက်ခုံးများကြား လေဟာနယ်ထဲသို့ ပျံ့လွင့်သွားသောအခါတွင် ကြီးမားသော စွမ်းအားတစ်ခုက ချင်ယွင်၏ ခန္ဓာကိုယ်ထဲသို့ တိုးဝင်လာသည်။

ထိုစွမ်းအားသည် ချင်ယွင်၏ ခန္ဓာကိုယ်အတွင်း အရူးအမူး မြင့်တက်သွားပြီး ကြောက်မက်ဖွယ်ကောင်းသော နဂါးဟိန်းဟောက်သံကို ထုတ်လွှတ်လိုက်စဉ် သူ့အား အနှိုင်းမဲ့ နာကျင်မူကို ခံစားရစေသည်။

"အောင်း”။

နဂါးဟိန်းဟောက်သံသည် ကောင်းကင်ကို လှုပ်ခါပြီး ကမ္ဘာမြေကို အက်ကွဲသွားစေကာ၊ အနီးနားရှိ နတ်တောင်တန်းများအားလုံးကို ဖြိုချပစ်သည့် ကြီးမားသော မုန်တိုင်းကြီးတစ်ခု ဖြစ်ပေါ်လာသည်။

ယင်းနောက်တွင်၊ ချင်ယွင်၏ကြီးမားလှသော နဂါးကိုယ်ကြီးသည် အရောင်အသွေး စုံလင်သည့် အလွှာတစ်ခုဖြင့် ဖုံးလွှမ်းသွားပုံရသည်။ ၎င်း၏ကြီးမားလှသော နဂါးခန္ဓာကိုယ် သည် မှောင်မိုက်သော ညကောင်းကင်ယံမှာ အလွန်တောက်ပနေ၏။ ၎င်း၏ခန္ဓာကိုယ်မှ ထုတ်လွှတ်သော နတ်ဘုရားတန်ခိုး စွမ်းအင်အတက်အကျလှိုင်းများသည် ပို၍ပင် ကြောက်စရာကောင်းလာသည်။ တန်ခိုးကြီးသော နဂါးတန်ခိုးစွမ်းအားသည် ကောင်းကင် နှင့် မြေကြီးကို ဖုံးလွှမ်းသွားကာ လူတို့၏ စိတ်နှလုံးကို ဆန္ဒအလျှောက် အလိုလို ဒူးထောက်သွားစေသည်။

အရှေ့ပိုင်းမြစ်ဘိုးဘေးသည် ချင်ယွင်၏ ခန္ဓာကိုယ်ပေါ်ရှိ အပြောင်းအလဲများကို ခံစားလိုက် ရပြီး၊ သူ့မျက်ခုံးများသည် တင်းကျပ်စွာ တွန့်သွားခဲ့သည်။ နှစ်ယောက်စလုံးက ချင်ယွင်ကို ကြည့်ကြသည်။

ယွမ်ရှီရှီသည် အလွန်အံ့သြသွားသည့် အမူအရာကို ထုတ်ဖော်ပြသခဲ့ပြီး သူမ၏လှပသော မျက်နှာသည် အံ့သြမှုအပြည့် ရှိနေသည်။

အရှေ့ပိုင်းမြစ်ဘိုးဘေးသည် ချင်ယွင်ကို ကြည့်နေစဉ်၊ ချင်ယွင်သည်လည်း အရှေ့ပိုင်းမြစ် ဘိုးဘေးကို ကြည့်လိုက်သည်။ သူ့မျက်လုံးတစ်စုံသည် ကြီးမားလွန်းသော နေလုံးကြီး နှစ်စင်းနှင့်တူပြီး၊ အနှိုင်းမဲ့ ထူးထူးခြားခြား လင်းလက်တောက်ပနေသော အလင်းရောင်ကို ထုတ်လွှတ်နေသည်။