အခန်း ၁၃၃၇

အခန်း (၁၃၃၇) ယွမ်ရှီရှီ၏ရည်ရွယ်ချက်သည်

ချင်ယွင်သည် မြေပြင်ပေါ်တွင် လှဲလျောင်းနေပြီး ယွမ်ရှီရှီကို ကြည့်လိုက်သည်။

ယွမ်ရှီရှီလည်း ထိုနေရာတွင် ရပ်ကာ သူ့ကို ထိုကဲ့သို့ ကြည့်နေခဲ့သည်။ နှစ်ယောက်စလုံး စကားမပြောကြဘဲ လေထုက ထူးဆန်းလှသည်။

အချိန်အတော်ကြာပြီးနောက်၊ ချင်ယွင်သည် နောက်ဆုံးတွင် ထိုအခြေအနေကို စတင် ချိုးဖျက်လိုက်သည်။ သူက ခါးသီးစွာ ပြုံးပြီး ပြောသည် "မင်း ငါ့ကို ဒီလိုမျိုး ဆက်ကြည့်နေ ဖို့ စီစဉ်ထားတာလား?။ ဒါမှမဟုတ် နောက်အခိုက်အတန့်မှာ ငါ့ကို သတ်ပစ်ပြီး မင်း လိုချင်တဲ့ ရှေးဟောင်းကျောက်စိမ်းချဉ်ဆီကို သိမ်းပိုက်ဖို့ ကြံစည်နေတာလား။"

ယွမ်ရှီရှီက ချင်ယွင်ကို စိုက်ကြည့်ရင်း ပြုံးလိုက်ပြီး၊ သူမလှပသော မျက်လုံးတွေက ရစ်ဝဲလာကာ "ကျွန်မက ရှင်နဲ့အတူ နေရာမှာဆိုတော့ နေလို့မရနိုင်ဘူးလား"ဟု မေးလိုက်သည်။

ထိုစကားကြားတော့ ချင်ယွင်သည် ခဏလောက် မှင်သက်သွားပြီး သူ့မျက်နှာမှာ ခါးသီးဖွယ် အပြုံးတစ်ခု ပေါ်လာပြန်သည်။

"မင်း ဘာတွေ တွေးနေလဲ ငါမသိဘူးလို့ မင်း မထင်လိုက်နဲ့။ အစကတည်းက မင်းက ဘယ်သူ့နောက်ကိုမှ လိုက်ဖို့ အစီအစဉ်မရှိဘူး။ မဟုတ်ရင်, မင်းရဲ့ကိုယ်ထဲမှာ ညှို့ငင်ခြင်း စွမ်းအားတွေ ဒီလောက်အထိ စုဆောင်းမိနေမှာ မဟုတ်ဘူး။ တကယ်လို့, မင်းသာ မင်းရဲ့ ခန္ဓာကိုယ်ကို ထိတွေ့ပြုနိုင်ရင်, မင်းအနေနဲ့ အခုလိုနေရာမှာ အဆုံးသတ်မှာ မဟုတ်ဘူး။ မင်းက ရတနာတွေကို ရယူရန်အတွက် နတ်သမီးလေလံပွဲမှာ ပါဝင်ခဲ့တယ်။ ရတနာကို ရပြီးတာနဲ့ ပြန်လှည့်မကြည့်ဘဲ မင်း ထွက်သွားလိမ့်မယ်လို့ ငါ ယုံကြည်ထားတယ်။ မင်းရဲ့ အသက်ကို ကယ်တင်ဖို့အတွက် လျှို့ဝှက်ထားရတဲ့ နည်းလမ်းတစ်ချို့တော့ မင်းမှဦ ရှိရမယ်။" ချင်ယွင်က ချက်ချင်းပင် သူ့ခန့်မှန်းချက်ကို ထုတ်ပြောလိုက်ပါသည်။

သူ့အမြင်အရဆို, ယွမ်ရှီရှီသည် ယောက်ျားတစ်ယောက်နှင့်အတူ ယခုလိုလုပ်ရပ်မျိုးကို လက်ခံရန် အမှန်တကယ် ဆန္ဒရှိနေသည်ဆိုလျှင်, သူမသည် ထိုညှို့ငင်ခြင်းစွမ်းအားကို စုစည်းခံမှာ မဟုတ်ပါဘူး။ အခု သူမသည် သူ့ခန္ဓာကိုယ်ထဲမှ ညှို့ငင်ခြင်းစွမ်းအားကို ထိန်းမနိုင်သိမ်းမရ ဖြစ်နေခဲ့ပြီ။ ထိုသို့မဟုတ်လျှင်, သူမ၏ ဆွဲမက်ဖွယ်ခန္ဓာကိုယ်ဖြင့် ဆိုပါက, သူမအနေဖြင့် မည်သည့်ယောက်ျားမျိုးကိုမဆို ရှာတွေ့နိုင်မှာ မဟုတ်ဘူးလား။

“ရှင်က အတော်လေး ဉာဏ်ကောင်းတာပဲ။ ပြီးတော့, ရှင်က အရှေ့ပိုင်းမြစ် ဘိုးဘေးထက်တောင် ပိုထက်မြက်ပြီး၊ ရက်စက်တယ်။ ရှင့်လို ကောင်းကင်ဘုံကို စိန်ခေါ်နိုင်တဲ့ လူတစ်ယောက်ကို တွေ့လိုက်ရလို့ ကျွန်မ တကယ်ကို အံ့သြမိသွားတယ်။ ကျွန်မမှာ ပြောစရာတစ်ခု ရှိတယ်။ ရှင်က ကျွန်မရဲ့စိတ်ဝင်စားမှုကို ဆွဲဆောင်နိုင်တဲ့ တစ်ဦးတည်းသော လူပဲ" ဟု ယွမ်ရှီရှီက စကားပြောရင်း ပြုံးပြလိုက်သည်။ သူမသည် ချင်ယွင်ကို ကြည့်ပြီး သဘောကျလာခဲ့သည်။ ထိုချစ်စဖွယ် အပြုံးသည် စိတ်ဝိညာဉ်ကို မွှေနှောက်ပစ်နိုင်သည်။ ချင်ယွင်ပင်လျှင် မထိန်းနိုင်ဘဲ မူးနေသကဲ့သို့ ခံစားလာရသည်။

အကယ်၍, သူသည် ထိုညှို့ငင်ခြင်းစွမ်းအားကို တွန်းလှန်ရန် သူ့ကောင်းကင်ဘုံ အလိုဆန္ဒကို တစ်ချိန်လုံး အသုံးပြုထားခြင်းကြောင့်သာ မဟုတ်ပါက, သူသည် ယွမ်ရှီရှီ၏ စိတ်ဝိညာဉ်ကို ဖမ်းစားနိုင်သော ဆွဲဆောင်မှုရှိသည့် ထိုအပြုံးထဲ့သို့ ကျရောက်ကောင်း ကျရောက်သွားနိုင်သည်။

"ဒါဆိုလည်း နတ်သမီးယွမ်ရဲ့ မျက်လုံးထဲကို ဝင်ခွင့်ရတဲ့အတွက် ငါ တကယ်ကို ဂုဏ်ယူမိပါတယ်" ချင်ယွင်က ယွမ်ရှီရှီ၏ ချဲ့ကားပြောဆိုမှုကြောင့် သူ့မျက်နှာပေါ်မှာ နည်းနည်းလေးမှ စိတ်လှုပ်ရှားနေသည့် အမူရာမျိုး မရှိခဲ့ပါဘူး။

"ရှင်က တကယ်ကို အံ့သြစရာကောင်းတယ်။ ကျွန်မရဲ့ ညှို့ငင်ခြင်းစွမ်းအားက ရှင့်ရှေ့မှာ အသုံးမဝင်သလိုပင်။ ဒါမျိုး ပထမဆုံးအကြိမ် ကြုံဖူးခြင်းပဲ။ ကောင်းကင်နတ်ဘုရားတွေ တောင် ရှင့်လောက် စိတ်အေးလက်အေး အမူအရာမျိုး မရှိဘူး” ယွမ်ရှီရှီက ချင်ယွင် ငြိမ်သက်နေသည်ကို မြင်လိုက်ရသည့်အခါ စိတ်မသက်မသာ အမူအရာဖြင့် ပြောလိုက်ပါ သည်။

ချင်ယွင်က ပြုံးပြီး ဘာမှပြန်မပြောဘဲ မြေပြင်ပေါ်မှ ဖြည်းညှင်းစွာ ထရပ်လိုက်သည်။

တကယ်တော့ ထိုအချိန်အတွင်းမှာ သူသည် ယွမ်ရှီရှီနှင့် တမင်တကာ စကားပြောနေခဲ့ပြီး၊ သူ့ခန္ဓာကိုယ်ကို ပြန်လည်ကုစားခွင့် ရရှိရန် ထိုအချိန်ကို အသုံးပြုနေခြင်း ဖြစ်ပါသည်.

သူသည် သူ၏အထွတ်အထိပ် အခြေအနေသို့ ပြန်လည်ကောင်းမွန်လာခြင်း မရှိသော် လည်း၊ သူ၏နတ်ဘုရားတန်ခိုးနှင့် ကြယ်နတ်ဆိုးနတ်ဘုရား၏တန်ခိုး၏ ၃၀ ရာခိုင်နှုန်းကို ပြန်လည်ရရှိနေပြီ ဖြစ်သည်။ သူသည် ယွမ်ရှီရှီကို ရင်ဆိုင်ရလျှင်ပင် သူ့ကိုယ်သူ ကာကွယ်ဖို့ လုံလောက်ပါပြီ။

ချင်ယွင် မတ်တပ်ရပ်လာသည်ကို မြင်တော့, ယွမ်ရှီရှီသည် အံ့အားသင့်သည့် အမူအရာ တစ်ခုကို ထပ်မံ ထုတ်ဖော် လိုက်သည်။

ယခုလေးတင် သူမသည် ချင်ယွင်၏ အခြေအနေကို မြင်ထားပြီး ဖြစ်သည်။ ပုံမှန်အားဖြင့်၊ လူတစ်ယောက်သည် ထိုသို့သော အတိုင်းအတာအထိ ရင်ဆိုင်ကြုံတွေ့ရပါက, နေ့တစ်ဝက်မရှိခင်, မတ်တပ်ပြန်ရပ်နိုင်ရန်ပင် ခက်ခဲလိမ့်မည်။ သို့သော် ချင်ယွင်သည် အမွှေးတိုင်တစ်ချောင်း ထွန်းညှိချိန် ကျော်ကျော်လောက်သာ ရှိပါသေးသည်။ ယင်းကြောင့်, သူမသည် မည်သို့ မတုန်လှုပ်ဘဲ နေနိုင်မည်နည်း?။

"အခု ရှင်က ဘယ်သူလဲဆိုတာနဲ့ ရှင့်မှာ လျှို့ဝှက်ချက်တွေ ဘယ်လောက်များများ ရှိနေလဲ ဆိုတာ ကျွန်မ တကယ် သိချင်နေပြီ" ယွမ်ရှီရှီက မထိန်းနိုင်ဘဲ သက်ပြင်းချလိုက်သည်။

ချင်ယွင်သည် ထိုစကားကိုကြားတော့ သူ့ပါးစပ်ထောင့်က အနည်းငယ် ရှုံ့မဲ့သွားပြီး ခြောက်ကပ်ကပ်အသံဖြင့် ပြောလိုက်သည် "ငါ ဘယ်သူလဲဆိုတာ မင်းကို ပြောထားပြီး သားပါ။ ငါ့နာမည်က ချင်ယွင်။ ငါ့မှာ လျှို့ဝှက်ချက် ဘယ်လောက်ရှိလဲဆိုတာတော့ ငါ မပြောပြနိုင်ဘူး။ ငါ့မှာ ကီလိုဂရမ်အနည်းငယ် အလေးချိန်ရှိတဲ့ အရာတစ်ခုပဲ ရှိတယ်”။

ချင်ယွင်၏ စကားကိုကြားတော့ ယွမ်ရှီရှီ၏ လှပသော မျက်နှာသည် ချက်ချင်း နီရဲသွား သည်။

ဘယ်နှစ်ကီလိုဂရမ်လဲ?။

အစောပိုင်းက ထိုစကားလုံး၏ အဓိပ္ပါယ်ကို သူမ နားမလည်ခဲ့သော်လည်း၊ အခုအခါ, သူမသည် ချင်ယွင်ပြောလိုသည့် အဓိပ္ပါယ်ကို လုံး၀ နားလည်သွားခဲ့ပြီ။ ယောက်ျားနှင့် မိန်းမတို့ကြားက ဆက်ဆံမူကို မည်သည့်အခါမှ မကြုံတွေ့ဖူးသော သူမသည် ချင်ယွင်ကို ပြင်းပြင်းထန်ထန် မစိုက်ကြည့်ဘဲ မနေနိုင်ခဲ့ပါချေ။

ချင်ယွင်သည် ယွမ်ရှီရှီ၏ ဖြူဖျော့သွားသော မျက်လုံးများကို မြင်လိုက်ရသောအခါတွင် သူက ကူကယ်ရာမဲ့ ခေါင်းယမ်းလိုက်သည်။ "မင်းက ဒီလိုညစ်ညမ်းတဲ့ စကားလုံးတွေကို တောင် လက်မခံနိုင်ဘူး။ ဒါနဲ့တောင် မင်းခန္ဓာကိုယ်ကို ရောင်းစားချင်နေသေးတယ်။ ဒါကို စဉ်းစားဉာဏ်ရှိတဲ့ တစ်ယောက်က တစ်ချက်ကြည့်ရုံနဲ့ သိနိုင်တယ်။"

"ဒီကမ္ဘာမှာ ယောက်ျားဘယ်နှစ်ယောက်ကရော စူးရှိတဲ့မျက်လုံးအမြင် ရှိမှာလဲ" ယွမ်ရှီရှီက အေးစက်စွာ ဟစ်အော်ပြီး မေးလိုက်သည်။

ချင်ယွင်သည် ထိုစကားကိုကြားသောအခါ သူ့မျက်နှာပေါ်ရှိ အပြုံးသည် အနည်းငယ် လျော့သွားသည်။

ယွမ်ရှီရှီ ပြောသည်မှာ မှန်တယ်။ ထိုယောက်ျားများသည် သူမကို ကြည့်နေပုံစံက စွဲလန်းမှု အပြည့်ရှိနေသည်။ သူတို့သည် ဘယ်လိုလုပ် လေးလေးနက်နက် စဉ်းစားနိုင်မည်နည်း?။ ထို့ကြောင့် ချင်ယွင်ကဲ့သို့ အမှန်တရားကို သတိပြုမိနိုင်သူ မရှိသလောက်ပင် ဖြစ်လိမ့်မည်။ မဟုတ်ပါက အထွတ်အထိပ် ကြယ်နတ်ဘုရားနယ်ပယ် ကျင့်ကြံသူလေးဦးသည် မှိန်းမောပြီး ချင်ယွင်ကို လုပ်ကြံသတ်ဖြတ်ရန် ရောက်ရှိလာလိမ့်မည် မဟုတ်ပေ။

တကယ်တော့ ချင်ယွင်သည် ၎င်းတို့ကို အမှန်တကယ် မသတ်ဖြတ်ခဲ့လျှင်ပင်, သူတို့အနေဖြင့် ဘာမှဖြစ်လာမည် မဟုတ်ပေ။ ယွမ်ရှီရှီ၏ ကျင်ကြံမှုသည် ၎င်းတို့ထက် မြင့်မားသောကြောင့် သူတို့သည် ယွမ်ရှီရှီကို မည်သို့ ရယူနိုင်မည်နည်း။ သို့သော်လည်း သူတို့သည် ဤရလာဒ်ကို မစဉ်းစားခဲ့ကြပေ။ ယွမ်ရှီရှီကြောင့် သူတို့စိတ်တွေ ရှုပ်ထွေးနေခဲ့ ပြီး၊ ယခုလိုမျိုး အဆုံးသတ်ခဲ့ရခြင်း ဖြစ်သည်။

"ပြောစမ်းပါဦး။ နတ်သမီးလေလံပွဲမှာ မင်း ပါဝင်ရခြင်းရဲ့ ရည်ရွယ်ချက်က ဘာလဲ? မင်းရဲ့ အဆင့်တန်းအရ မင်းမှာ ရတနာတွေ ရှားပါးမဲ့ပုံ မပေါ်ပါဘူး။ မင်းမှာ မရှိတာက ရှေးဟောင်းကျောက်စိမ်းချဉ်ဆီပဲ ဖြစ်လိမ့်မယ်။ ဒါကိုရှာဖို့အတွက် ဒီလိုနည်းလမ်းကို အသုံးပြုစရာ မလိုဘူး။” ချင်ယွင်က ယွမ်ရှီရှီဘက် လှည့်ပြီး မေးလိုက်ပါသည်။

ထိုမေးခွန်းက သူ အမြဲသိချင်နေသည့် မေးခွန်းတစ်ခု ဖြစ်ပါသည်။ ရှေးဟောင်း ကျောက်စိမ်းချဉ်ဆီသည် ဤစကြာဝဠာထဲတွင် မရှိနိုင်တော့ပေ။ လျှိုဘို၏ နတ်ဆိုး နတ်ဘုရားကမ္ပည်းပြား လေဟာနယ်ထဲမှာ ၎င်းကို အနည်းငယ်မျှ သိမ်းဆည်းထားခြင်း ကြောင့်သာ မဟုတ်ပါက၊ ဤစကြဝဠာတစ်ခုလုံးကို ရှာဖွေခဲ့လျှင်ပင်, ၎င်းကို နောက်ထပ် တစ်စက်ရှာတွေ့ရန်ပင် မဖြစ်နိုင်ပေ။ ယွမ်ရှီရှီသည် ဤအကြောင်းကို မသိနိုင်ဟု သူ ယုံကြည်သည်။

"ဟုတ်တယ်၊ အရင်တုံးက ရှေးဟောင်းကျောက်စိမ်းချဉ်ဆီအတွက်ကြောင့် မဟုတ်ဘဲ အခြားရတနာသက်သက်အတွက် ရောင်းချဖို့ အစပျိုးခဲ့တာ။ ကျွန်မက ထူးခြားပြီး တန်ဖိုးကြီးတဲ့ ရတနာတွေကို လိုအပ်နေတယ်။" ယွမ်ရှီရှီက သူမ၏လေသံမှာ အနည်းငယ် အေးစက်နေပြီး သတ်ဖြတ်လိုသည့် ဆန္ဒများ ပါ၀င်နေသည်ဟုပင် ဆိုနိုင်သည်။

"မင်းအဖေအတွက် လက်စားချေမလို့လား" ချင်ယွင်က အစမ်းသဘောဖြင့် မေးသည်။

"ရှင် ဘယ်လိုသိတာလဲ?" ယွမ်ရှီရှီသည် ချင်ယွင်ကို အံ့သြစွာ ကြည့်သည်။

ချင်ယွင်သည် လူတုံးလူအတစ်ယောက်ကို ကြည့်နေဟန် အကြည့်မျိုးကို တိုက်ရိုက် ပစ်ကြည့်လိုက်သည်။ သူမမျက်လုံးထဲမှ သတ်ဖြတ်လိုသည့်ဆန္ဒက သိသာထင်ရှားလွန်း သဖြင့် ၎င်းကို အရူးတစ်ယောက်ပင် မြင်နိုင်ပါသည်။

ယွမ်ရှီရှီလည်း ချင်ယွင်က အဘယ့်ကြောင့် သူမကို အရူးတစ်ယောက်ကဲ့သို့ ကြည့်နေဟန် ကို နားလည်သွားပုံရပြီး၊ အနည်းငယ် မကျေမနပ် ဖြစ်သွားခဲ့သည်။

သူမဘေးနားရှိ ယောက်ျားအားလုံးသည် သူမ၏ရုပ်ရည်အသွင်အပြင်ကိုသာ ကြည့်နေကြ သောကြောင့် သူမ၏စိတ်ခံစားချက်များကို လုံးဝ ဂရုမစိုက်မိကြပေ။ ထို့ကြောင့် သူမသည် စကားပြောသည့်အခါတွင် သူမမျက်လုံးများကို ဖုံးကွယ်သည့် အလေ့အထ မရှိပေ။ ယခု ချင်ယွင်သည် သူမကို ဖြတ်ကျော်မြင်နိုင်သည်။ သူမရှေ့က ဤလူသည် တခြားယောက်ျားတွေနှင့် မတူဘူးဆိုသည်ကို သူမ သိလိုက်ရသည်။

"မှန်တယ်၊ အဖေ့အတွက် လက်စားချေနိုင်ဖို့ ကျွန်မ ဒီကိုရောက်လာခဲ့တာပဲ။ ကျွန်မ အဖေ၊ ကောင်းကင်နတ်ဘုရား ယွမ်ယီဟာ ကောင်းကင်တုန်လှုပ်ခြင်း နတ်ဘုရားနန်းတော်ရဲ့ ကောင်းကင်နတ်ဘုရားတွေရဲ့ လက်ချက်နဲ့ သေဆုံးခဲ့ရတယ်။ "မူလကတော့ ကျွန်မ ကိုယ်တိုင် လက်စားချေနိုင်ဖို့အတွက် ကျွန်မရဲ့ ကျင့်ကြံမှုအခြေခံ လုံလောက်အောင် မြင့်တက်လာတဲ့အထိ စောင့်ချင်ခဲ့တာ။ ဒါပေမယ့် ကျွန်မရဲ့ ကျင့်ကြံမှုအခြေခံက ရပ်တန့် နေပြီး၊ ကျွန်မရဲ့အသက်ကလည်း ကြာရှည်မခံတော့ဘူး။ ဒါ့ကြောင့်၊ ခေါင်းလေးလေ နတ်ဘုရားနန်းတော်ရဲ့ ကောင်းကင်နတ်ဘုရားနယ်ပယ် လုပ်ကြံသတ်ဖြတ်သူတွေကို အဲဒီကောင်းကင်နတ်ဘုရားနယ်ပယ် ကျွမ်းကျင်သူတွေကို သတ်ဖြတ်ဖို့အတွက် တောင်းဆိုချင်ခဲ့တယ်။ ဒါပေမယ့် ကောင်းကင်နတ်ဘုရားနယ်ပယ် လုပ်ကြံသတ်ဖြတ် သူကို ဖိတ်ခေါ်ဖို့အတွက် ကျွန်မပေးရမယ့် စျေးနှုန်းက အလွန်ကြီးမားလွန်းတယ်။ ကျွန်မလည်း ဒီဆုံးဖြတ်ချက်ကို ချဖို့ကလွဲပြီး၊ ရွေးချယ်စရာ မရှိတော့ဘူး။" ယွမ်ရှီရှီက ပြောလိုက်ပြီး၊ သူမမျက်လုံးတွေက ဝမ်းနည်းပူဆွေးမှု အပြည့်ပင်။

ချင်ယွင်သည် ထိုမြင်ကွင်းကို မြင်လိုက်ရသည့်အခါ မတတ်တာဘဲ မျက်မှောင်ကြုတ်လိုက် မိသည်။ ထို့နောက်, သူသည် သူ့လက်ဖဝါးကို လှန်လိုက်သည်နှင့် ရှေးဟောင်း ကျောက်စိမ်းချဉ်ဆီပုလင်းက ပေါ်လာပါသည်။

"ဒါဆိုလည်း မင်းကိုယ်တိုင် လက်စားချေသင့်တယ်" ချင်ယွင်က သူ့လက်ထဲမှာ ရှေးဟောင်းကျောက်စိမ်းချဉ်ဆီပုလင်းကို ပစ်ပေးရင်း ပြောလိုက်သည်။

ယွမ်ရှီရှီသည် ရှေးဟောင်းကျောက်စိမ်းချဉ်ဆီပုလင်းကို ဖမ်းယူရင်း၊ သူမ၏ လှပသော မျက်နှာပေါ်တွင် မထင်မှတ်ထားဟန် အံ့အားသင့်သွားသည့် အမူအရာ ပေါ်လာသည်။ ထို့နောက်, သူမသည် ချင်ယွင်ပြိုကျလုနီးပါး ဖြစ်သွားစေသည့် တစ်စုံတစ်ခုကို ပြောလိုက်သည် “ရှင်က ကျွန်မရဲ့ခန္ဓာကိုယ်ကို မလိုချင်တော့ဘူးလား”။