အခန်း ၄၈၇

Vol. 49 Ch. 487

အခန်း (၄၈၇) အေဒီ၁၉၃၇ ခုနှစ်သို့ ခရီးစဥ်

သူက လက်ဖက်ရည်ခွက်ကို ချလိုက်ပြီး ရှေ့ဆက်လုပ်ရမည့် အစီအစဉ်များကို ရှင်းပြလိုက်သည်။ "နောက်ထပ် ခရီးစဉ်အတွက် သွားရမယ့်နေရာနဲ့ အချိန်ကိုတော့ မဆုံးဖြတ်ရသေးဘူး။ ဒါပေမဲ့ ခုနစ်ရက်အတွင်းမှာတော့ ကြေညာဖြစ်လောက်တယ်။ ဒီကြားထဲ မင်းတို့ သဘောရှိ နားလို့ရပြီ... အားလပ်ရက်လို့ပဲ သဘောထားလိုက်ပေါ့။ ခရီးစဉ်အသစ် ထွက်လာတာနဲ့ မင်းတို့ကို ငါ ချက်ချင်း အကြောင်းကြားလိုက်မယ်.."

ထို့နောက် သူက ဆွေးနွေးမှု ပြီးဆုံးပြီဖြစ်ကြောင်း ပြသသည့်အနေဖြင့် လက်ကို ဝှေ့ယမ်းပြလိုက်၏။ "ကဲ... ဒီတစ်ခေါက် တာဝန်အတွက် မင်းတို့ ပင်ပန်းသွားကြပြီ။ သွားနားလို့ရပြီ..."

ထိုစကားကို ကြားသည့်အခါ ချန်ချင်းက အေဂျင်စီ၏ ဝင်ပေါက်ဆီသို့ မသိစိတ်အရ လှမ်းကြည့်လိုက်မိပြီး သူ၏ အလုပ်ခွင်အကျင့်အရ မနေနိုင်ဘဲ မေးလိုက်မိသည်။ "ခရီးသွားအေဂျင်စီဆိုတော့ အလှည့်ကျ တာဝန်ကျဖို့ လူမလိုဘူးလားဗျ..."

ထိုအခါ ကျန်းယဲ့မှာ မနေနိုင်ဘဲ ရယ်မောလိုက်ပြီး ခေါင်းခါပြလိုက်သည်။ "မလိုပါဘူး..."

စနစ်ရောက်ရှိလာကတည်းက သူ၏ ခရီးသွားအေဂျင်စီမှာ အမည်ခံသက်သက်သာ ဖြစ်သွားခဲ့ပြီ မဟုတ်ပါလော။

ချန်ချင်းနှင့် ဖန်ဖန်တို့ကို ပြန်လွှတ်လိုက်ပြီးနောက် ကျန်းယဲ့တစ်ယောက်တည်း ရုံးခန်းထဲ၌ ကျန်ရစ်ခဲ့သည်။ ထို့နောက် စိတ်ကူးပေါက်သည်နှင့် သူက စနစ်ပြတင်းပေါက်ကို ဖွင့်လိုက်ပြီး ခရီးသွားအဖွဲ့ သုံးဖွဲ့ကို တစ်ပြိုင်နက်တည်း ဦးဆောင်ခဲ့ရသည့် အကျိုးအမြတ်များကို စတင် တွက်ချက်ကြည့်လိုက်၏။

စခရင်ပေါ်ရှိ ရှင်းလင်းစွာ ဖော်ပြထားသော အချက်အလက်များကို ကြည့်ရှုရင်း သူ၏ မျက်နှာပေါ်တွင် ကျေနပ်အားရသည့် အပြုံးတစ်ခု ပေါ်လာရသည်။

ယခုအကြိမ် တွက်ချက်မှု အကျဉ်းချုပ် -

သက်တမ်း တိုးလာမှု - ၃၀ ရက် + ၃၀ ရက် + ၃၀၀ ရက် = ၃၆၀ ရက်

ကျော်ကြားမှုအမှတ် တိုးလာမှု - ၁၀၀၀ + ၁၀၀၀ + ၁၀၀၀၀ = ၁၂,၀၀၀ မှတ်

အထူးဆုလာဘ် - ကံစမ်းမဲ လှည့်ဘီး လှည့်ရန် အခွင့်အရေး (၁) ကြိမ် ထပ်ဆောင်းရရှိခြင်း။

"မဆိုးဘူး... တကယ်ကို မဆိုးဘူးပဲ..." ကျန်းယဲ့က စခရင်ပေါ်မှ ထိုးတက်သွားသည့် အမှတ်များနှင့် သက်တမ်းကို ကြည့်ကာ အထူးသဖြင့် သက်တမ်း တစ်နှစ်စာနီးပါး တိုးလာမှုနှင့် ကံစမ်းမဲဖောက်ရန် အခွင့်အရေးတစ်ကြိမ် ရရှိလိုက်မှုတို့ကြောင့် သူ၏ စိတ်အခြေအနေက အလွန်ကောင်းမွန်သွားရသည်။

ဝန်ထမ်းအရေအတွက်သာ များပြားလာမည်ဆိုပါက သူက ကျင့်ကြံခြင်း မပြုလုပ်ဘဲနှင့်ပင် ထာဝရအသက်ရှင်ခြင်းကို ရရှိနိုင်လိမ့်မည်မဟုတ်လော။

တကယ်တော့ နောက်ထပ် လူပိုငှားဖို့ လိုသေးတာပဲ။ ဝန်ထမ်းပိုများလေ ပိုကောင်းလေပဲ။ စစ်သည်မရှိသည့် စစ်သူကြီးတစ်ယောက်က အဆုံးမှာတော့ ထိရောက်မှု မရှိနိုင်ဘူး မဟုတ်ပါလော။

ထို့နောက် သူ၏ အကြည့်က ဆွဲဆောင်မှုရှိစွာ တောက်ပနေသည့် ကံစမ်းမဲ လှည့်ဘီးသင်္ကေတလေးပေါ်သို့ ကျရောက်သွားပြီး သူ၏ ခေါင်းထဲ၌ အတွေးတစ်ခု ဖြတ်ပြေးသွားသည်။ "အခုပဲ သုံးလိုက်ရမလား..."

ကျန်းယဲ့က ခဏမျှ တွေးကြည့်ပြီးနောက် မသုံးရန် ဆုံးဖြတ်လိုက်ကာ နောက်ပိုင်း တကယ်လိုအပ်လာသည့်အချိန်အထိ စောင့်ဆိုင်းရန် ဆုံးဖြတ်လိုက်၏။

နောက်ပိုင်းရက်များတွင်တော့ ကျန်းယဲ့က ကျဲ့ကျန်းပြည်နယ် အနောက်ပိုင်းရှိ ထျန်းမုတောင်တန်းများအတွင်းသို့ နက်နက်ရှိုင်းရှိုင်း ဝင်ရောက်သွားခဲ့ပြီး သာယာလှပကာ လူသူကင်းမဲ့သည့် တောင်ကြားတစ်ခုကို ရှာဖွေတွေ့ရှိသွားခဲ့သည်။ ထို့နောက် တဲတစ်လုံးထိုးကာ ကျင့်ကြံခြင်းဘဝကို စတင်လိုက်တော့သည်။

တဲအပြင်ဘက်တွင် ခေါက်စားပွဲနှင့် ကုလားထိုင်များကို ရိုးရှင်းစွာ ချထား၏။ မလှမ်းမကမ်းရှိ အချိန်ကာလများကြောင့် ချောမွေ့နေသည့် ဧရာမကျောက်တုံးကြီးတစ်ခုပေါ်တွင်မူ ကျန်းယဲ့တစ်ယောက် မျက်လုံးများကို အနည်းငယ် မှိတ်ထားကာ ရှည်လျားညီညာသော အသက်ရှူနှုန်းဖြင့် တင်ပျဉ်ခွေ ထိုင်နေချေသည်။

နေရောင်ခြည်က အထက်ရှိ ထူထပ်သော သစ်ရွက်များကြားမှတစ်ဆင့် စိမ့်ဝင်လာပြီး သူ၏ ကိုယ်ပေါ်သို့ အလင်းစက်လေးများအဖြစ် လင်းလက်စွာ ကျဆင်းနေခဲ့သည်။

ရုတ်တရက်ဆိုသလို မည်သည့် သတိပေးမှုမှ မရှိဘဲ သူ ဆန့်တန်းထားသည့် လက်ဖဝါးထဲမှ လိမ္မော်ရောင် ရောယှက်နေသည့် မီးတောက်ငယ်လေးတစ်ခု ပေါက်ကွဲထွက်ပေါ်လာ၏။

ထိုမီးတောက်လေးက တစ်စက္ကန့်ပင် မခံဘဲ တဖျပ်ဖျပ်လင်းလက်ကာ ငြိမ်းအေးသွားသော်လည်း ထိုအခိုက်အတန့်လေးအတွင်း ထွက်ပေါ်လာခဲ့သည့် အလင်းရောင်နှင့် အပူရှိန်က တကယ့် အစစ်အမှန်ပင်။

ကျန်းယဲ့က မျက်လုံးများကို ဖွင့်ကာ သူ၏ လက်ဖဝါးကို ကြည့်ပြီး ပြုံးလိုက်မိသည်။

သူက စိတ်ကို ပြန်လည်စုစည်းလိုက်ပြီး ခန္ဓာကိုယ်ထဲရှိ ဝိညာဉ်စွမ်းအင်များကို လှုံ့ဆော်ကာ အခြေခံ နည်းစနစ်အကျဉ်းချုပ်ထဲရှိ မီးတောက်နည်းစနစ်၏ လည်ပတ်မှုလမ်းကြောင်းအတိုင်း စီးဆင်းစေလိုက်သည်။

ဤတစ်ကြိမ်တွင်တော့ သူ၏ လက်ဖဝါးထဲ၌ လိမ္မော်ရောင်အလင်းက ထပ်မံတောက်ပလာပြီး မီးတောက်လေးက သုံးစက္ကန့်ခန့် တည်ငြိမ်စွာ လောင်ကျွမ်းနေပြီးမှ ဝိညာဉ်စွမ်းအင် လုံလောက်မှု မရှိတော့သဖြင့် လွင့်စင်ပျောက်ကွယ်သွားပြန်သည်။

"အောင်မြင်သွားပြီပဲ...." ကျန်းယဲ့က ရေရွတ်လိုက်ပြီး သူ၏ မျက်ဝန်းများထဲတွင် ကျေနပ်မှုများ ပြည့်နှက်နေ၏။

ချီစုဆောင်းခြင်းအဆင့်၏ ဆဋ္ဌမမြောက်အဆင့် သို့ ချိုးဖောက်ဝင်ရောက်ပြီးနောက် သူက အခြေခံ တိုက်ခိုက်ရေး နည်းစနစ်အချို့ကို စတင်လေ့လာရန် ကြိုးစားခဲ့ပြီး မီးတောက်နည်းစနစ်က ၎င်းတို့ထဲမှ တစ်ခုဖြစ်သည်။

တောင်တန်းများထဲတွင် နှစ်ရက်တိုင်တိုင် လေ့ကျင့်စမ်းသပ်ပြီးနောက် နောက်ဆုံးတွင် သူက မီးတောက်တစ်ခုကို အောင်မြင်စွာ ဖန်တီးနိုင်ခဲ့ပြီဖြစ်၏။ ၎င်းက သူ အခြေခံကို ကျွမ်းကျင်သွားပြီဟူသည့် အဓိပ္ပာယ်ပင်။

ထို့နောက် သူက လက်ချောင်းများကို ချိုးကာ အချိန်ကို တွက်ချက်ကြည့်လိုက်သည်။ သူ တောင်ပေါ်သို့ ရောက်နေသည်မှာ ငါးရက်ခန့် ရှိနေပြီဖြစ်ပြီး နောက်ထပ် နှစ်ရက်ဆိုလျှင် သူ ယခင်က ခန့်မှန်းထားသည့်အတိုင်း စနစ်မှ တာဝန်အသစ် ချပေးမည့်ရက်သို့ ရောက်ရှိလာတော့မည် ဖြစ်၏။

"ပြန်ဖို့ အချိန်တန်ပြီပဲ..."

တစ်ခါတစ်ရံတွင် လူဆိုသည်မှာ အရာရာကို အမြဲတမ်း တွေးတောနေမိတတ်သည် မဟုတ်ပါလော။ ထိုအတွေးက ခေါင်းထဲသို့ ဝင်လာပြီး တစ်စက္ကန့်အကြာမှာပင်... အချိန်အတော်ကြာ ပျောက်ကွယ်နေခဲ့သော စနစ်၏ အသိပေးသံက သူ၏ ခေါင်းထဲ၌ ရှင်းလင်းစွာ ထွက်ပေါ်လာတော့သည်။

[ဒင်... ခရီးသွားတာဝန်အသစ် ချမှတ်ပြီးပါပြီ။ လက်ခံသူနှင့် အဖွဲ့သားများ ကျေးဇူးပြု၍ ပြင်ဆင်ထားကြပါ။ တာဝန်က မကြာမီ စတင်တော့မည် ဖြစ်သည်။]

'ဟင်....ဒီတစ်ခေါက် ကြားကာလက တိုသွားတာပဲ... ငါးရက်တည်းလား....'

ကျန်းယဲ့က အသေးစိတ် အချက်အလက်များကို ဖွင့်ကြည့်လိုက်၏။

တာဝန် (၁) : သွေးစွန်းသော နှစ်ကာလများ၊ မျှော်လင့်ချက်မီးတောက်များ

ခရီးစဉ် : အေဒီ ၁၉၃၇ ခုနှစ်သို့ သွားရောက်ပြီး ကမ္ဘာမြေသို့ လည်ပတ်ရန် ခရီးသွား ၅၀ ဦး (သမိုင်းဝင် ပုဂ္ဂိုလ်ဖြစ်စေ၊ မဖြစ်စေ) ကို စုဆောင်းပါ။

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၇ ရက်

ခရီးစရိတ် : တစ်ဦးလျှင် ငွေဒင်္ဂါး ၁ ပြား

လူစုဆောင်းမည့် ကာလ : ၇ ရက်

စတင်မည့်အချိန် : ယခု သောကြာနေ့ မွန်းတည့် ၁၂ နာရီ တိတိ

တာဝန် ဆုလာဘ်များ : သက်တမ်း +၁၈၀ ရက်၊ ကျော်ကြားမှုအမှတ် +၅၀၀၀

တာဝန် (၂) : အဇူရာအံဖွယ်ကမ္ဘာ - အိပ်မက်ဆန်သော ရေအောက်ကမ္ဘာ

ခရီးစဉ် : အတ္တလန်တစ်ဟုခေါ်သော အိပ်မက်ဆန်သည့် ရေအောက်ကမ္ဘာသို့ သွားရောက်လည်ပတ်ရန် ကမ္ဘာမြေမှ ခရီးသွားများကို စုဆောင်းပါ။

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၅ ရက်

ခရီးစရိတ် : တစ်ဦးလျှင် ယွမ် ၅၀,၀၀၀

စတင်မည့်အချိန် : ယခု သောကြာနေ့ မွန်းတည့် ၁၂ နာရီတိတိ

တာဝန် ဆုလာဘ်များ : သက်တမ်း +၃၀၀ ရက်၊ ကျော်ကြားမှုအမှတ် +၈၀၀၀

တာဝန် (၃) : ဟန်ဝူဧကရာဇ်၏ သူရဲကောင်း စိတ်ဝိညာဉ်နှင့် မြောက်ပိုင်းသဲကန္တာရ၏ ရှည်လျားသော တေးသံသာ

ခရီးစဉ် : ဘီစီ ၁၂၃ ခုနှစ်ရှိ ဟန်မင်းဆက်သို့ သွားရောက်လည်ပတ်ပြီး ဟန်ဝူဧကရာဇ် အုပ်စိုးစဉ်ကာလက ဟန်မင်းဆက်၏ အငွေ့အသက်များကို ခံစားနိုင်ရန် ကမ္ဘာတစ်ဝှမ်းမှ ခရီးသွားများကို ဆွဲဆောင်ပါ။

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၇ ရက်

ခရီးစရိတ် : တစ်ဦးလျှင် ယွမ် ၁၀၀,၀၀၀

စတင်မည့်အချိန် : ယခု သောကြာနေ့ မွန်းတည့် ၁၂ နာရီ တိတိ

တာဝန် ဆုလာဘ်များ : သက်တမ်း +၄၀၀ ရက်၊ ကျော်ကြားမှုအမှတ် +၁၀,၀၀၀

ကျန်းယဲ့၏ အကြည့်က စနစ်ပြတင်းပေါက်ပေါ်ရှိ ၁၉၃၇ဟူသော စကားလုံးများပေါ်တွင် အချိန်အတော်ကြာ ရပ်တန့်နေမိသည်။ ၎င်းက သူ၏ နှလုံးသားကို တစ်စုံတစ်ခုဖြင့် ခပ်ဖွဖွ လာရိုက်ခတ်သွားပြီး ဂယက်လှိုင်းများ ထစေသကဲ့သို့ပင်။

သူ၏ ယခင်က ခန့်မှန်းချက် မှန်ကန်နေခဲ့သည်။ စနစ်က ဤခေတ်ကာလအတွက် တာဝန်ကို တကယ်ပဲ ချမှတ်ပေးလာခဲ့ပြီဖြစ်၏။

နောက်ဆုံးတော့... အဆက်မပြတ် စစ်မီးတောက်လောင်နေခဲ့သည့် ထိုနှစ်ကာလများဆီသို့ သွားရမည့် အချိန်တန်လာခဲ့ပြီပဲ...

သူတို့၏ အသွေးအသားများဖြင့် မဟာတံတိုင်းကြီးကို တည်ဆောက်ခဲ့ကြသည့် ဘိုးဘေးများအနေဖြင့်... သူတို့ အသက်ပေး၍ ကာကွယ်ခဲ့သည့် မြေကမ္ဘာကြီးက နောင်လာနောက်သားများ လက်ထက်တွင် မည်သို့မည်ပုံ ဖြစ်တည်လာခဲ့ပြီလဲဆိုတာကို ကိုယ်တိုင်ကိုယ်ကျ မြင်တွေ့ရမည့် အချိန်ကျရောက်လာခဲ့ပြီဖြစ်သည်။

သူက ရင်ထဲ၌ ဆူပွက်လာသည့် စိတ်လှုပ်ရှားမှုများကို ဖိနှိပ်ထားရန် အသက်ပြင်းပြင်း တစ်ချက်ရှူလိုက်ပြီးနောက် ကျန်ရှိနေသည့် လုံးဝအသစ်ဖြစ်သော ခရီးစဉ် နှစ်ခုကို ကြည့်လိုက်သည်။ အိပ်မက်ဆန်သော ရေအောက်ကမ္ဘာ နှင့် ဟန်ဝူခေတ်တို့က လေ့လာစူးစမ်းဖူးခြင်း မရှိသေးသည့် နယ်ပယ်များဖြစ်ပြီး ဆုလာဘ်များကလည်း ရက်ရောလှသည်။

စနစ်မျက်နှာပြင်ကို ပိတ်လိုက်ပြီးနောက် ကျန်းယဲ့က သူ၏တဲနှင့် ကိုယ်ပိုင်ပစ္စည်းများကို အမြန်သိမ်းဆည်းလိုက်ပြီး သစ်ပင်များကြားတွင် အကြိမ်အနည်းငယ် ခုန်ပျံကျော်လွှားကာ တောင်အောက်သို့ လျင်မြန်စွာ ဆင်းလာလိုက်သည်။

လမ်းခုလပ်တွင် သူက ချန်ချင်းနှင့် ဖန်ဖန်တို့ထံ စာတိုများ ပေးပို့လိုက်လေသည်။

"တာဝန်အသစ် ရပြီ... ခရီးသွားအေဂျင်စီကို ချက်ချင်း ပြန်လာခဲ့ကြ..."

ကျန်းယဲ့က ခရီးသွားအေဂျင်စီ၏ ဝင်ပေါက်တွင် ပေါ်လာသည့်အခါ ချန်ချင်းနှင့် ဖန်ဖန်တို့က ကြိုတင်ရောက်ရှိနေကြပြီဖြစ်ပြီး ပထမထပ်ရှိ နားနေခန်းဧရိယာ၌ စောင့်ဆိုင်းနေကြသည်။

ကျန်းယဲ့ ဝင်လာသည်နှင့် ဖန်ဖန်က ဆိုဖာပေါ်မှ ချက်ချင်း ခုန်ထလိုက်ပြီး စိတ်မရှည်စွာဖြင့် မေးလိုက်၏။ "ဒါရိုက်တာကျန်း... ခရီးသွားအဖွဲ့ ဦးဆောင်ရမယ့် တာဝန်အသစ် ရပြီလားဟင်..."

"အင်း..." ကျန်းယဲ့က ခေါင်းညိတ်လိုက်ပြီး သူတို့၏ မျက်နှာချင်းဆိုင်တွင် ထိုင်လိုက်သည်။

"ဝေး... အရမ်းကောင်းတာပဲ... ဒီတစ်ခေါက်က ဘယ်လမ်းကြောင်း သုံးခုလဲဟင်..." ဖန်ဖန်၏ မျက်လုံးများက အရောင်လက်သွားရသည်။

ကျန်းယဲ့က မည်သူ့ကိုမျှ စိတ်လှုပ်ရှားအောင် ဆွဲမထားတော့ဘဲ တာဝန်လမ်းကြောင်း သုံးခုကို ရှင်းလင်းစွာ ပြောပြလိုက်၏။

"ပထမတစ်ခုက ၁၉၃၇ ခုနှစ်ကို သွားပြီး ဘလူးစတားကို လာလည်မယ့် ခရီးသွား ၅၀ကို ၇ ရက်ကြာ ခရီးစဉ်အတွက် စုဆောင်းရမယ်။ ဒုတိယတစ်ခုက ကမ္ဘာမြေက ခရီးသွားတွေကို အတ္တလန်တစ်လို့ခေါ်တဲ့ အိပ်မက်ဆန်တဲ့ ရေအောက်ကမ္ဘာဆီကို ၅ ရက်ကြာ ခရီးစဉ်အတွက် ခေါ်သွားပေးရမယ်။ တတိယတစ်ခုကတော့ ကမ္ဘာမြေက ခရီးသွားတွေကို ဘီစီ ၁၂၃ ခုနှစ်က ဟန်မင်းဆက်ဆီကို ၇ ရက်ကြာ ခရီးစဉ်အတွက် ခေါ်သွားပေးရမယ်..."

သူ စကားပြောပြီးသည်နှင့် ချန်ချင်းနှင့် ဖန်ဖန်တို့က ပထမဆုံး လမ်းကြောင်းဆီသို့ တစ်ပြိုင်နက်တည်းနီးပါး အာရုံရောက်သွားကြသည်။

သူတို့နှစ်ဦးသား အချင်းချင်း ကြည့်လိုက်မိကြပြီး တစ်ဖက်လူ၏ မျက်ဝန်းများထဲရှိ ခိုင်မာပြတ်သားမှုများကို အသီးသီး မြင်တွေ့လိုက်ကြ၏။

ချန်ချင်းက လေးနက်သော လေသံဖြင့် အရင်စကားစလိုက်သည်။ "ဒါရိုက်တာကျန်း... ဒီ ၁၉၃၇ ခုနှစ် လမ်းကြောင်းကို ကျွန်တော့်ကို ပေးပါ..."

ဖန်ဖန်ကလည်း အလျင်စလို အသံဖြင့် ချက်ချင်း ဝင်ပြောလာသည်။ "ကျွန်မလည်း သွားချင်တယ်...ဒါရိုက်တာကျန်း... ကျွန်မကိုလည်း သွားခွင့်ပြုပါနော်....."

အခန်း ၄၈၇ပြီး၏။

အခန်း ၄၈၇

Vol. 49 Ch. 487

အခန်း (၄၈၇) အေဒီ၁၉၃၇ ခုနှစ်သို့ ခရီးစဥ်

ယခုအကြိမ် တွက်ချက်မှု အကျဉ်းချုပ် -

သက်တမ်း တိုးလာမှု - ၃၀ ရက် + ၃၀ ရက် + ၃၀၀ ရက် = ၃၆၀ ရက်

ကျော်ကြားမှုအမှတ် တိုးလာမှု - ၁၀၀၀ + ၁၀၀၀ + ၁၀၀၀၀ = ၁၂,၀၀၀ မှတ်

"ပြန်ဖို့ အချိန်တန်ပြီပဲ..."

'ဟင်....ဒီတစ်ခေါက် ကြားကာလက တိုသွားတာပဲ... ငါးရက်တည်းလား....'

ကျန်းယဲ့က အသေးစိတ် အချက်အလက်များကို ဖွင့်ကြည့်လိုက်၏။

တာဝန် (၁) : သွေးစွန်းသော နှစ်ကာလများ၊ မျှော်လင့်ချက်မီးတောက်များ

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၇ ရက်

ခရီးစရိတ် : တစ်ဦးလျှင် ငွေဒင်္ဂါး ၁ ပြား

လူစုဆောင်းမည့် ကာလ : ၇ ရက်

စတင်မည့်အချိန် : ယခု သောကြာနေ့ မွန်းတည့် ၁၂ နာရီ တိတိ

တာဝန် ဆုလာဘ်များ : သက်တမ်း +၁၈၀ ရက်၊ ကျော်ကြားမှုအမှတ် +၅၀၀၀

တာဝန် (၂) : အဇူရာအံဖွယ်ကမ္ဘာ - အိပ်မက်ဆန်သော ရေအောက်ကမ္ဘာ

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၅ ရက်

ခရီးစရိတ် : တစ်ဦးလျှင် ယွမ် ၅၀,၀၀၀

စတင်မည့်အချိန် : ယခု သောကြာနေ့ မွန်းတည့် ၁၂ နာရီတိတိ

တာဝန် ဆုလာဘ်များ : သက်တမ်း +၃၀၀ ရက်၊ ကျော်ကြားမှုအမှတ် +၈၀၀၀

ခေါ်ယူရမည့် လူအရေအတွက် : ၅၀ ဦး

ခရီးစဉ် ကြာမြင့်ချိန် : ၇ ရက်

ခရီးစရိတ် : တစ်ဦးလျှင် ယွမ် ၁၀၀,၀၀၀

စတင်မည့်အချိန် : ယခု သောကြာနေ့ မွန်းတည့် ၁၂ နာရီ တိတိ

တာဝန် ဆုလာဘ်များ : သက်တမ်း +၄၀၀ ရက်၊ ကျော်ကြားမှုအမှတ် +၁၀,၀၀၀

"တာဝန်အသစ် ရပြီ... ခရီးသွားအေဂျင်စီကို ချက်ချင်း ပြန်လာခဲ့ကြ..."

အခန်း ၄၈၇ပြီး၏။