အခန်း ၁၄၈၆

အဓိပတိအင်မော်တယ်သခင် စာစဉ် (၁၀၀)

ဘာသာပြန်သူ နေဇင်။

အခန်း (၁၄၈၆) လျှို့ဝှက်ဆန်းကြယ်‌သော ဘိုးဘေးနတ်ဘုရား။

ချင်ယွင်သည် အချိန်အတော်ကြာအောင် မငြိမ်တည်နိုင်သေးသည့် မုန်တိုင်းတစ်ခုနှင့် တူနေသည်။

သို့သော် အစိမ်းရောင်ထူးဆန်းသော မျက်လုံးများ၏ မူလအစကို သိရှိသွားပြီးနောက် ချင်ယွင်၏ မျက်ခုံးများက တွန့်သွားခဲ့သည်။

ရှေးဟောင်းမိစ္ဆာနတ်ဘုရားမျက်လုံးသည် ရှေးဟောင်းမိစ္ဆာနတ်ဘုရား၏ တန်ခိုးစွမ်းအား ကို ပိုင်ဆိုင်ထားပြီး ၎င်း၏တန်ခိုးသည် အကန့်အသတ် မရှိပေ။ ယခုအခါ, ၎င်းကို ဤလျှို့ဝှက်ဆန်းကြယ်သော ကြေးဝါအပိုင်းအစများနှင့် ပေါင်းစပ်ထားသောကြောင့် ၎င်း၏စွမ်းအားသည် အနှိုင်းမဲ့ ကြောက်မက်ဖွယ်ကောင်းနေပေလိမ့်မည်။

ထို့အပြင်၊ ချင်ယွင်သည် ရှေးဟောင်းမိစ္ဆာနတ်ဘုရား၏ မျက်လုံးထဲတွင် ရှေးဟောင်းမိစ္ဆာ နတ်ဘုရား၏စိတ်ဝိညာဉ် တည်ရှိနေမည်ကို စိုးရိမ်နေခဲ့သည်။ အကယ်၍, ထိုသို့ဖြစ်ခဲ့လျှင် ပိုဆိုးသွားလိမ့်မည်။

ရှေးဟောင်းမိစ္ဆာနတ်ဘုရား၏ စိတ်ဝိညာဉ်တစ်ခုလုံးကို မဆိုထားနှင့်, ၎င်းသည် အကြွင်းအကျန် စိတ်ဝိညာဉ်မျှင်တန်းတစ်ခုမျှသာ ဖြစ်ခဲ့လျှင်ပင်, ၎င်းသည် ရှေးဟောင်း မိစ္ဆာနတ်ဘုရားမျက်လုံးနှင့် ကြေးဝါအပိုင်းအစ၏ အကူအညီဖြင့်ဆိုပါက ၎င်းသည် အလွန်မင်း ကြောက်မက်ဖွယ် ကောင်းလာမည်ဖြစ်သည်။

ဘန်း…။

ချင်ယွင် အံ့အားသင့်နေစဉ်မှာ, ခန်းမအတွင်းမှ လှိုင်းလုံးကြီးတစ်ခု ထွက်ပေါ်လာသည်။ ထို့နောက် ခန်းမထဲတွင် အဖြူရောင်ပုံရိပ်တစ်ခု ပေါ်လာပါသည်။

ချင်ယွင်သည် အဖြူရောင်ရုပ်အသွင်ကို ကြည့်ရင်း နိုးကြားသတိထားသော အမူအရာကို ချက်ချင်း ထုတ်ဖော်လိုက်သည်။

ဤသည်မှာ အဖြူရောင်ဝတ်စုံဝတ် လူလတ်ပိုင်းအရွယ် အမျိုးသားတစ်ဦး ဖြစ်သည်။ သူ့မျက်နှာက ပြတ်သားပြီး ချောမောကာ၊ သူ့မျက်နှာမှာ နွေးထွေးသည့် အပြုံးတစ်ခု ရှိနေပြီး လူတွေကို နွေဦးလေပြေဖြင့် လွှမ်းခြုံသွားသည့် ခံစားချက်ကို ပေးစွမ်းနေသည်။

ထိုအချိန်တွင် လူလတ်ပိုင်းအရွယ် အမျိုးသားသည် ချင်ယွင်နှင့် အလွန်ရင်းနှီးနေသကဲ့သို့ ချင်ယွင်ကို အပြုံးဖြင့် ကြည့်နေသည်။

"ခင်ဗျားက ဘယ်သူလဲ?" ချင်ယွင်က ကမန်းကတန်း မေးလိုက်သည်။ ဤလူလတ်ပိုင်း အရွယ် အမျိုးသားသည် သူ့ကို အလွန်သန့်စင်သော ခံစားချက်ကို ပေးနေခဲ့သော်လည်း၊ ဤနေရာသည် လျှို့ဝှက်ဆန်းကြယ်သော ဘိုးဘေးနတ်ဘုရား၏ အိပ်ဆောင်ဖြစ်နေဆဲပင်။ ဤနေရာတွင် ပေါ်လာနိုင်သူ၏ ကိုယ်ရေးအချက်လက်သည် မရိုးရှင်းဟု ယူဆ၍ ရပါသည်။

"မင်းက ငါဘယ်သူလဲဆိုတာ မသိနိုင်ဘူး။ ဒါပေမယ့် မင်းဘယ်သူလဲဆိုတာ ငါ သိတယ်။ မင်းနာမည်က ချင်ယွင် မဟုတ်လား။" အဖြူရောင်ဝတ် လူလတ်ပိုင်းအရွယ် အမျိုးသားက ပြောသည်။

ထိုစကားကို ကြားတော့ ချင်ယွင်က မျက်မှောင်ကြုတ်ပြီး သူ့မသိစိတ်က “ခင်ဗျားက ဘယ်လိုသိလဲ” ဟု မေးထွက်သွားသည်။

အဖြူရောင်ဝတ် လူလတ်ပိုင်းအရွယ် အမျိုးသားက ပြုံးပြီး ပြောသည် "မင်း ဒီကမ္ဘာငယ် လေးထဲကို ဝင်လာကတည်းက မင်းကို ငါ စောင့်ကြည့်နေခဲ့တာ။ မင်းနာမည်က ချင်ယွင်လို့ သိထားရုံတင်မကဘူး မင်းအကြောင်းကိုလည်း ငါ အများကြီး သိထားတယ်။ ဥပမာအနေနဲ့, မင်းက ချီသန့်စင်မူကျင့်ကြံခြင်းနဲ့ ရုပ်ခန္ဓာကိုယ် သန့်စင်ခြင်း နှစ်မျိုးစုံကို ကျင့်ကြံထား တယ်။ ပြီးတော့၊ မင်းခန္ဓာကိုယ်ထဲမှာ ပေါင်းစပ်နတ်ဘုရားတန်ခိုးစွမ်းအား ခြောက်မျိုး လည်း ရှိနေတယ်။ ဒါ့အပြင်, မင်းခန္ဓာကိုယ်ထဲမှာ ဘိုးဘေးနတ်ဘုရားအဆင့် ပစ္စည်းတစ်ခု လည်း ရှိနေသေးတယ်”။

"ဘိုးဘေးနတ်ဘုရားအဆင့် ပစ္စည်းတစ်ခုလား?" ချင်ယွင်သည် မှင်သက်သွားသော်လည်း အလျင်အမြန် တုံ့ပြန်လိုက်သည်။ သူ့ရှေ့မှာ ဤလူလတ်ပိုင်းအရွယ် အမျိုးသားသည် လျှိုဘိုအကြောင်းကို ပြောနေခြင်း ဖြစ်နိုင်သည်။

"ဒါဆို လျှိုဘိုက ဘိုးဘေးနတ်ဘုရားအဆင့် ပစ္စည်းတစ်ခုပေါ့။ သူက ထိပ်တန်းအဆင့် ထိပ်တန်းအဆင့် အထွက်အထိပ် နတ်ဘုရားပစ္စည်းတစ်ခု ဖြစ်လိမ့်မယ်လို့ ငါ အမြဲ တွေးနေခဲ့တာ။" ချင်ယွင်က သူ့ကိုယ်သူ တွေးနေသည်။

သို့သော် သူစကားပြောပြီးသည်နှင့် လျှိုဘို၏အော်ဟစ်သံက သူ့စိတ်ထဲတွင် ထွက်ပေါ်လာ သည် "ငါ့ကို အမှိုက်နဲ့တူတဲ့ ဘိုးဘေးနတ်ဘုရားအဆင့်ပစ္စည်းနဲ့ မနှိုင်းယှဉ်စမ်းပါနှင့်။ ငါက ဘိုးဘေးနတ်ဘုရားပစ္စည်းအဆင့် အမှိုက်တစ်ခု ဖြစ်နိုင်ပါ့မလား"

ချင်ယွင်သည် ချက်ချင်းပင် စကားမပြောနိုင် ဖြစ်သွားပြီး သူ့စိတ်ထဲတွင် အနည်းငယ် အံ့သြသွားသည်။

ဤလျှိုဘိုသည် ဘိုးဘေးနတ်ဘုရားအဆင့်ပစ္စည်းကို အမှိုက်ဖြစ်သည်ဟု အမှန်တကယ် ပြောခဲ့သည်။ လျှိုဘို၏ နတ်ဆိုးနတ်ဘုရားကမ္ပည်းပြားသည် ဘိုးဘေးနတ်ဘုရားအဆင့် ပစ္စည်းထက်မှာ ‌သေချာပေါက် ရှိနေပုံရသည်။

"ဒါဆို မင်းက ဘယ်ရတနာအဆင့်လဲ။" ချင်ယွင်က အသံဖြင့်ထုတ်လွှင့်ကာ မေးသည်။

"အခုအချိန်မှာ မင်းသိဖို့ မလိုဘူး။ ငါ့အဆင့်က ဘိုးဘေးနတ်ဘုရားအဆင့်ပစ္စည်းလို အမှိုက်တွေနဲ့ နှိုင်းယှဉ်နိုင်တဲ့အရာ မဟုတ်ဘူးဆိုတာ မင်း သိထားဖို့ပဲ လိုတယ်။ လျှိုဘိုက အသံထုတ်လွှင့်မှုမှတစ်ဆင့် ပြန်ကြားခဲ့သည်။

ထိုစကားကိုကြားတော့ ချင်ယွင်သည် ထိုမေးခွန်းကို စိတ်မ၀င်စားတော့ပေ။ သူ မည်မျှပင် မေးမြန်းနေပါစေ လျှိုဘိုက သူ့ကို မပြောပါဘူး။

"ခင်ဗျားက လျှို့ဝှက်ဆန်းကြယ်သော ဘိုးဘေးနတ်ဘုရားပဲ မဟုတ်လား။" ချင်ယွင်က လူလတ်ပိုင်းအရွယ် အမျိုးသားကို ကြည့်ကာ မေးသည်။ ဤအခိုက်အတန့်တွင် သူသည် လူလတ်ပိုင်းအရွယ် အမျိုးသား၏ အမည်ကို အကြမ်းဖျင်း ခန့်မှန်းနိုင်သည်။

ဤနေရာသည် လျှို့ဝှက်ဆန်းကြယ်သော ဘိုးဘေးနတ်ဘုရား၏ အိပ်ဆောင် ဖြစ်သည်။ လျှို့ဝှက်ဆန်းကြယ်သော ဘိုးဘေးနတ်ဘုရားမှလွဲ၍ အခြားမည်သူ ပေါ်လာနိုင်မည်နည်း။

လူလတ်ပိုင်းအရွယ် အမျိုးသားသည် ချင်ယွင်၏ စကားကို ကြားလိုက်သောအခါတွင် သူ့မျက်နှာပေါ်တွင် အပြုံးမပျက် ပေါ်လာသည်။ သူက ညင်သာစွာ ခေါင်းညိတ်ပြပြီး ချင်ယွင်၏ စကားကို အသိအမှတ် ပြုလိုက်သည်။

လူလတ်ပိုင်းအရွယ် အမျိုးသားက ခေါင်းညိတ်ပြသည်ကို မြင်တော့ ချင်ယွင်သည် အလွန် အံ့သြသည့် အမူအရာတစ်ခုကို ထုတ်ဖော်လိုက်ပါသည်။ "ဒါဆို ခင်ဗျား မသေသေးဘူးပေါ့။ ခင်ဗျား သေသွားပြီဆိုတာ ကောလဟာလတွေ မဟုတ်လား။"

အဖြူရောင်ဝတ် လူလတ်ပိုင်းအရွယ် အမျိုးသားသည် ချင်ယွင်၏ စကားကိုကြားသောအခါ သူ့မျက်နှာပေါ်ရှိ အပြုံးသည် ပို၍တောက်ပလာသည်။

"ငါသေပြီလား မသေဘူးလားဆိုတာတောင် မသိတော့ပါဘူး။ အခုချိန်မှာ မင်းရှေ့မှာ မတ်တပ်ရပ်နေတဲ့ငါက ငါ့နတ်ဘုရား စိတ်ဝိညာဉ်နဲ့ ပုံဖော်ထားတဲ့ အမျှင်တန်းလေး တစ်ခုပဲ။ ငါ့ရဲ့အစစ်အမှန် စိတ်ဝိညာဉ်က ငါနဲ့ အဆက်အသွယ် ပြတ်နေတာ ကြာလှပြီ။ ဒါပေမယ့် မင်း ပြောသလိုပဲ၊ ငါ သေလောက်ပါပြီ။" အဖြူရောင်ဝတ် လူလတ်ပိုင်းအရွယ် အမျိုးသားက ပြောသည်။

ထိုစကားကိုကြားတော့ ချင်ယွင်၏မျက်နှာပေါ်မှ ထိတ်လန့်မှုသည် ရုတ်တရက် ပို၍ပင် ပြင်းထန်လာသည်။ အဖြူရောင်ဝတ် လူလတ်ပိုင်းအရွယ် အမျိုးသားသည် လျှို့ဝှက် ဆန်းကြယ်သော ဘိုးဘေးနတ်ဘုရား၏ အစစ်မှန် ခန္ဓာကိုယ် မဟုတ်ပေ။ ၎င်းသည် လျှို့ဝှက်ဆန်းကြယ်သော ဘိုးဘေးနတ်ဘုရား၏ စိတ်ဝိညာဉ်အမျှင်တန်းတစ်ခု၏ ပုံရိပ်မျှသာ ဖြစ်သည်။ လျှို့ဝှက်ဆန်းကြယ်သော ဘိုးဘေးနတ်ဘုရား၏ အစစ်အမှန် ခန္ဓာကိုယ်အတွက်မူ, ၎င်းသည် အများဆုံး သေဆုံးသွားဖွယ် ရှိနေသည်။

"တောင်းပန်ပါတယ်, ဒီဂျူနီယာက ရိုင်းပျမိပါတယ်" ချင်ယွင်က တောင်းပန်စကား ဆိုလိုက်သည်။

အဖြူရောင်ဝတ် လူလတ်ပိုင်းအရွယ် အမျိုးသားသည် ပေါ့ပေါ့ပါးပါး သူ့လက်ကို ဝှေ့ယမ်း လိုက်သည်။ သူက ချင်ယွင်ကို ကြည့်ပြီး ပြောလိုက်သည် "မင်း လမ်းတစ်လျှောက်မှာ လုပ်ဆောင်ခဲ့သမျှ အရာအားလုံးကို ငါ မြင်ပြီးပြီ။ မင်းရဲ့စွမ်းဆောင်ရည်တွေက ငါ့ မျှော်လင့်ချက်တွေထက် အကြိမ်ကြိမ် ကျော်လွန်နေခဲ့တယ်။ မင်းမှာ ရွေးချယ်စရာ မရှိတော့ဘူးလို့ ငါထင်လိုက်တိုင်း မင်းက မင်းကိုယ်မင်း ကယ်တင်နိုင်ခဲ့တယ်။ အထူးသဖြင့် ကောင်းကင်နတ်ဘုရားဆယ်ပါးရဲ့ စမ်းသပ်မှုဖြစ်တဲ့ အဋ္ဌမအဆင့်မှာ မင်းရဲ့ စွမ်းဆောင်မှုက ငါ့မျက်လုံးတွေကို လင်းလက်စေခဲ့တယ်"။

ချင်ယွင်သည် အဖြူရောင်ဝတ် လူလတ်ပိုင်းအရွယ် အမျိုးသား၏ စကားကို ကြားသော အခါ ရှက်ရွံ့စွာ ပြုံးလိုက်သည်။

ဘိုးဘေးနတ်ဘုရားနယ်ပယ် ကျွမ်းကျင်သူတစ်ဦးမှ အလွန်ချီးကျူးခြင်း ခံရသည့်အတွက်, သူသည် ပီတိဖြစ်နေဆဲ ဖြစ်သည်။

"အရှင် ဘိုးဘေးနတ်ဘုရားက ကျွန်တော့်ကို အလွန်ချီးမြှောက်နေတာပါ။ အမှန်တော့, ကျွန်တော်က အဲဒီအဋ္ဌမအဆင့် ကောင်းကင်ဘုံနန်းတော်ရဲ့ စမ်းသပ်မှုကို အခွင့်ကောင်း ယူပြီး ကြိုးစားခဲ့ရုံပါ။ စင်မြင့်ပေါ်မှာ ကျွန်တော်က အသုံးမဝင်တဲ့ လှည့်ကွက်အချို့ကို အသုံးပြုခဲ့မိတယ်။ ဒါကြောင့်, ကျွန်တော်က အရှင်ဘိုးဘေးနတ်ဘုရားရဲ့ မျက်လုံးထဲသို့ မ၀င်ရောက်နိုင်ပါဘူး။ ချင်ယွင်က အမှန်အတိုင်း ပြောလိုက်သည်။

အဋ္ဌမမြောက် ကောင်းကင်ဘုံနန်းတော်၏ စမ်းသပ်မှုကို သူ ကျော်ဖြတ်နိုင်သည်မှာ အရာအားလုံး လျှိုဘို၏အကြံဉာဏ်များ အမှန်ဖြစ်ပါသည်။ အရာအားလုံးသည် တိုက်ဆိုင်မှု တစ်ခုမျှသာ ဖြစ်သည်။ အကယ်၍ သူသာ အထွက်အထိပ် ကောင်းကင်နတ်ဘုရားနယ်ပယ် ကျွမ်းကျင်သူ ဆယ်ပါးကို ပြင်းပြင်းထန်ထန် တိုက်ခိုက်ပြီး ဖြတ်ကျော်လိုလျှင် လုံးဝ မဖြစ်နိုင်ပေ။

"မဟုတ်ဘူး၊ ငါ့အမြင်အရဆို၊ အဲဒါကိုက မင်းရဲ့စွမ်းအားပဲ။ အထူးသဖြင့် မင်း အသုံးပြုခဲ့တဲ့ လေဟာနယ် ဖြတ်သန်းခြင်းပဲ။ အဲဒါကို ငါတောင် မမြင်နိုင်ဘူး။ ဘိုးဘေးနတ်ဘုရား နယ်ပယ် လေဟာနယ်ထိန်းချုပ်သူတစ်ဦးအနေနဲ့ မင်းအသုံးပြုခဲ့တဲ့ လေဟာနယ် လျှို့ဝှက် ပညာရပ်ကို ငါမမြင်နိုင်တာ ဒါ ပထမဆုံးအကြိမ်ပဲ" အဖြူရောင်ဝတ် လူလတ်ပိုင်းအရွယ် အမျိုးသားက ပြောသည်။

ချင်ယွင်သည် လျှို့ဝှက်ဆန်းကြယ်သော ဘိုးဘေးနတ်ဘုရား၏ စကားကို ကြားသောအခါ တွင် သူ့စိတ်နှလုံးထဲမှာ အိုးတိုးအိုးတမ်း ဖြစ်သွားရသည်။

သူက မည်သည့်လေဟာနယ်လျှို့ဝှက်ပညာရပ်မျိုးစားဆိုတာ မသိနိုင်ဘူးလား။ သူ ထိန်းချုပ်ထားသော လေဟာနယ်စွမ်းအားသည် ဤပျောက်ကွယ်နေသော နတ်ဘုရား ကျွန်းမှပင် ရရှိခဲ့ခြင်း ဖြစ်သည်။ လေဟာနယ်ထိန်းချုပ်မှုနှင့် ပတ်သက်၍မူ သူသည် အခုမှ အစပြုသူမျှသာ ဖြစ်ပြီး အဆင့်တစ်ခုပေါ်တွင် လုံးဝ မရပ်တည်နိုင်ပေ။

လေဟာနယ်လျှို့ဝှက်ပညာရပ်ဟုခေါ်သည့် ထိုလေဟာနယ် လမ်းကြောင်းအတွက်မူ, တကယ်တော့, ၎င်းသည် ကနဦးစကြဝဠာကနေ ဖန်တီးထားသည့် လေဟာနယ် လမ်းကြောင်းတစ်ခု ဖြစ်ပါသည်။ လျှို့ဝှက်ဆန်းကြယ်သော ဘိုးဘေးနတ်ဘုရားသည် ၎င်းကို မမြင်နိုင်သည်မှာ လုံးဝ ပုံမှန်ပင်ဖြစ်သည်။

ဟုတ်ပါသည်။ အရေးကြီးဆုံးအချက်ကတော့ သူ့ရှေ့မှ ဤလူသည် လျှို့ဝှက်ဆန်းကြယ် သော ဘိုးဘေးနတ်ဘုရား၏ အစစ်အမှန် ခန္ဓာကိုယ် မဟုတ်ခြင်း ဖြစ်ပါသည်။ အကယ်၍ ချင်ယွင်သည် ကနဦးစကြဝဠာ၏ လေဟာနယ်လမ်းကြောင်းကို အသုံးပြုစဉ်, လျှို့ဝှက် ဆန်းကြယ်သော ဘိုးဘေးနတ်ဘုရား၏ အစစ်အမှန် ခန္ဓာကိုယ်သည် ချင်ယွင်ကို ကိုယ်တိုင်ကိုယ်ကျ လေ့လာကြည့်ရှုနေခဲ့မည်ဆိုလျှင်, ၎င်းနောက်ကွယ်ရှိ သဲလွန်စများကို သေချာပေါက် မြင်နိုင်ပါလိမ့်မည်။

ချင်ယွင်သည် ဤကိစ္စအတွင်းမှာ လုံး၀ မရစ်ပတ်ချင်တော့ပေ။ နောက်ဆုံးတွ၊ ကနဦးစကြာဝဠာသည် လက်ရှိအချိန်မှာ သူ၏အကြီးမားဆုံး လျှို့ဝှက်ချက်တစ်ခု ဖြစ်ပါ သည်။ အထူးသဖြင့်၊ ဘိုးဘေးနတ်ဘုရားသခင်အဆင့် ကျွမ်းကျင်သူများကို ၎င်းအကြောင်း သိခွင့်မပြုနိုင်ပေ။ ထိုအရာက ဘိုးဘေးနတ်ဘုရား၏ နတ်ဘုရားစိတ်ဝိညာဉ် အမျှင်တန်း တစ်ခု ဖြစ်နေလျှင်ပင် သူ သိခွင့်ပြုမှာ မဟုတ်ပါဘူး။

"အရှင် ဘိုးဘေးနတ်ဘုရား၊ နဝမမြောက် ကောင်းကင်ဘုံနန်းတော်မှာ စမ်းသပ်မှုတစ်ခု ရှိရမယ်၊ ဟုတ်တယ်မဟုတ်လား?။ အဲဒီစမ်းသပ်မှုက ဘာလဲဆိုတာ ကျွန်တော် သိချင်ပါ တယ်။" ချင်ယွင်က အစပြု၍ မေးလိုက်သည်။

ချင်ယွင်၏စကားကို ကြားသောအခါ လျှို့ဝှက်ဆန်းကြယ်သော ဘိုးဘေးနတ်ဘုရားက ပြုံးလိုက်သည်။ ထို့နောက် သူ့အမူအရာက တဖြည်းဖြည်း လေးနက်လာသည်။ သူက ချင်ယွင်အား ပြောပြသည် "မှန်တယ်၊ နဝမမြောက် ကောင်းကင်ဘုံနန်းတော်မှာ စမ်းသပ်မှု တစ်ခု ရှိနေတယ်။ ဒါ့အပြင်, ဒီစမ်းသပ်မှုရဲ့ အခက်အခဲက အလွန်မင်း အန္တရာယ်များလွန်း တယ်။ အဋ္ဌမမြောက် ကောင်းကင်ဘုံနန်းတော်ရဲ့ စမ်းသပ်မှုထက် ဆယ်ဆတောင် ခက်ခဲနိုင်တယ်။ ဒီစမ်းသပ်မူကို ခံယူဖို့ မင်း တကယ် စဉ်းစားနေတာလား။ နဝမမြောက် ကောင်းကင်ဘုံနန်းတော်ရဲ့ စမ်းသပ်မှုမှာ တကယ်လို့ မင်း စိတ်မငြိမ်မသက် ဖြစ်ခဲ့ရင်, မင်းအနေနဲ့ ကပ်ဘေးဒုက္ခထဲကနေ ပြန်လည် ထမြောက်နိုင်စွမ်း မရှိတော့ဘူးဆိုတာကို မင်း နားလည်ထားရမယ်”။