အခန်း ၁၄၉၈

အခန်း (၁၄၉၈) လျှို့ဝှက်နတ်ဘုရားဂိုဏ်း၏ အမွေဆက်ခံမှု

ချင်ယွင်သည် လျှို့ဝှက်ဆန်းကြယ်သော ဘိုးဘေးနတ်ဘုရား မည်မျှ ပျော်ရွှင်နေသည်ကို မြင်သောအခါတွင် သူသည် ရွှင်လန်းသောအကြည့်ကို ထုတ်ဖော်ပြသလိုက်သည်။

သူသည်လည်း လျှို့ဝှက်ဆန်းကြယ်သော ဘိုးဘေးနတ်ဘုရားကို အမြင်ကောင်းရှိသည်။ အစကတည်းကနေ ယခုချိန်ထိတိုင်အောင်၊ လျှို့ဝှက်ဆန်းကြယ်သော ဘိုးဘေးနတ်ဘုရား သည် ဆွေမျိုးတို့၏ စောင့်ရှောက်ခြင်းကို ခံရသကဲ့သို့၊ သူ့အား အလွန်ကြင်နာသော ခံစားမူ ကို အမြဲပေးနေခဲ့သည်။

လျှို့ဝှက်ဆန်းကြယ်သော ဘိုးဘေးနတ်ဘုရား၏မျက်နှာသည် အပြုံးများဖြင့် ပြည့်နေ သည်။ သူသည် နတ်ဘုရားစိတ်ဝိညာဉ်အမှတ်သား အမျှင်တန်းတစ်ခုမျှင်သာ ဖြစ်သော် လည်း၊ သူသည် ဘိုးဘေးနတ်ဘုရားအဆင့် နတ်ဘုရားစိတ်ဝိညာဉ်အမှတ်သား ဖြစ်နေဆဲ ဖြစ်သည်။ သူ့ရုပ်ခန္ဓာကိုယ်က အစစ်မဟုတ်သော်လည်း လူ့စိတ်ခံစားမှုများနှင့် စိတ်ခံစားချက်များလည်း ရှိနေပါသေးသည်။ သူ့ရှေ့မှာ နတ်ဘုရားစိတ်ဝိညာဉ် အမှတ်သား မှာ ဤအရာအားလုံး ရှိနေခဲ့သည်။

'"တပည့်၊ မင်းက ငါသတ်မှတ်ထားတဲ့ စမ်းသပ်မှု ရှစ်ခုကို အောင်မြင်ပြီးသွားပြီ။ အခု မင်းက ဒီရှေးဟောင်းမိစ္ဆာနတ်ဘုရားကို အနိုင်ယူပြီး ဒီလျှို့ဝှက်ဆန်းကြယ်တဲ့ ကြေးဝါ အပိုင်းအစနဲ့ မိစ္ဆာနတ်ဘုရားရဲ့မျက်လုံးကိုလည်း ရရှိခဲ့ပြီ။ မင်းရဲ့ ဆရာတစ်ယောက်အနေနဲ့ မင်းရဲ့ ခြေလှမ်းတိုင်းကို ငါ မြင်ပြီးပြီ။ မင်းရဲ့ စွမ်းဆောင်မှုက ငါ့ကို အရမ်း ကျေနပ်ပြီး အံ့သြသွားအောင် လုပ်နိုင်ခဲ့တယ်" လျှို့ဝှက်ဆန်းကြယ်သော ဘိုးဘေးနတ်ဘုရားက လေးစားမှု အပြည့်ရှိသည့် မျက်နှာဖြင့် ပြောသည်။

"ဆရာကြီး၊ ဆရာက တပည့်ကို မြှောက်ပင့်နေတာပါ။ နေရာတော်တော်များများမှာ, တပည့်က ခန့်မှန်းတွက်ဆနိုင်လို့ပါ။ ခွန်အားအရဆို, ဒီစမ်းသပ်မူ ရှစ်ခုကို တပည့်အနေနဲ့ အောင်မြင်နိုင်မှာ မဟုတ်ဘူး။" ချင်ယွင်က ကျိုးနွံစွာ ပြောသည်။

ချင်ယွင်သည် ထိုစကားကိုကြားတော့ လျှို့ဝှက်ဆန်းကြယ်သော ဘိုးဘေးနတ်ဘုရားက ခေါင်းညိတ်ပြီး ပြုံးပြသည်။

"ကောင်းပြီ၊ ငါ့ရဲ့ချီးကျူးမူအကြောင်းတွေ ထပ်မပြောတော့ဘူး။ ငါတို့လျှို့ဝှက်နတ်ဘုရား ဂိုဏ်းရဲ့ အမွေနှစ်ကို မင်းကို အရင် သင်ပေးမယ်" လျှို့ဝှက်ဆန်းကြယ်သော ဘိုးဘေး နတ်ဘုရားက သူ၏ အပြုံးကို ထိန်းလိုက်ခဲ့ပြီး သူ၏အသံသည် တဖြည်းဖြည်း လေးနက် လာသည်။

ထိုစကားကိုကြားတော့ ချင်ယွင်၏ အမူအရာက လေးနက်လာသည်။

"ငါတို့လျှို့ဝှက်နတ်ဘုရားဂိုဏ်းရဲ့ အမွေနှစ်ကို နှစ်မျိုးခွဲထားတယ်။ တစ်မျိုးက လျှို့ဝှက် နတ်ဘုရားဂိုဏ်းရဲ့ ဂိုဏ်းခေါင်းဆောင် အမွေနှစ်ဖြစ်ပြီး နောက်တစ်မျိုးကတော့ ငါ့ကိုယ်ပိုင် အမွေအနှစ် ဖြစ်တယ်။ ဒါကိုတော့ တားမြစ်အမွေအနှစ်လို့ ခေါ်တယ်။" လျှို့ဝှက် ဆန်းကြယ်သော ဘိုးဘေးနတ်ဘုရားက ပြောသည်။

"တားမြစ်အမွေအနှစ်လား?" ချင်ယွင်က အံ့ဩမူနှင့်အတူ ထပ်ခါတလဲလဲ ရေရွတ်သည်။

လျှို့ဝှက်ဆန်းကြယ်သော ဘိုးဘေးနတ်ဘုရားက ခေါင်းညိတ်ပြသည်။ “ဟုတ်တယ်၊” တားမြစ်အမွေနှစ်ပဲ။ တကယ်လို့, မင်းသာ ငါ့ကို မင်းရဲ့ ဆရာအဖြစ် မခံယူဘူးဆိုရင်, ငါက မင်းကို ဂိုဏ်းခေါင်းဆောင်အမွေအနှစ်ကိုပဲ သင်ပေးလိမ့်မယ်။ မင်းအနေနဲ့ အဲဒီအမွေအနှစ် အားလုံးကို ကျွမ်းကျင်သွားခဲ့ရင်, မင်းက အနာဂတ်မှာ လျှို့ဝှက်နတ်ဘုရားဂိုဏ်းကို ထိန်းချုပ်နိုင်လိမ့်မယ်။ တားမြစ်အမွေအနှစ်ကတော့၊ အဲဒါက ငါကိုယ်တိုင် ဖန်တီးထားတဲ့ ကြောက်မက်ဖွယ်ကောင်းတဲ့ တားမြစ်ပညာတစ်ခုပဲ။ ဒီပညာရပ်က အလွန်မင်း ကြောက်စရာကောင်းတဲ့ စွမ်းအားကို ပိုင်ဆိုင်ထားတယ်။ အခု မင်းက ငါ့တပည့် ဖြစ်လာမှ တော့ ငါလည်း မင်းကို သင်ပေးဖို့ သဘာဝအတိုင်း ရွေးချယ်ရမယ်"။

ချင်ယွင်သည် ရုတ်တရက် ခေါင်းညိတ်လိုက်ပြီး၊ သူ့မျက်လုံးတွေက မျှော်လင့်ချက်များဖြင့် ပြည့်နှက်နေခဲ့သည်။

တားမြစ်အမွေနှစ်ဆိုသည့်နာမည်သည် အလွန်အစွမ်းထက်သည့် နာမည်တစ်ခု ဖြစ်ပါ သည်။ ယခုတားမြစ်ပညာရပ်တစ်ခုကို နားလည်အောင် ဖမ်းဆုပ်ထားနိုင်လျှင် သူ့ခွန်အား က သေချာပေါက် ကြီးကြီးမားမား တိုးမြင့်လာပါလိမ့်မည်။

"ကောင်းပြီ၊ ဂိုဏ်းခေါင်းဆောင်အမွေအနှစ်အကြောင်း ငါ မင်းကို အရင် ရှင်းပြမယ်။" လျှို့ဝှက်ဆန်းကြယ်သော ဘိုးဘေးနတ်ဘုရားက ပြောသည်။

ချင်ယွင်သည်လည်း ထိုစကားကို အလေးအနက် နားထောင်နေပါသည်။

"ဂိုဏ်းခေါင်းဆောင်အမွေအနှစ် ဆက်ခံမူကတော့ ဂိုဏ်းရဲ့လျှို့ဝှက်ကျမ်းတွေ၊ ဂိုဏ်းရဲ့ အရင်းအမြစ်တွေနဲ့ ငါ့ရဲ့လေဟာနယ် အနှစ်သာရတို့ ပါဝင်လိမ့်မယ်။" လျှို့ဝှက် ဆန်းကြယ် သော ဘိုးဘေးနတ်ဘုရားက ပြောသည်။ သူ့ဝတ်စုံလက်မောင်းကို ဝှေ့ယမ်းလိုက်သည်နှင့် လက်ထဲတွင် ရှေးဟောင်းလက်စွပ်တစ်ကွင်း ပေါ်လာသည်။

"ဒါကို နတ်ဘုရားပုန်းကွယ်ခြင်းကမ္ဘာလို့ ခေါ်တယ်။ ဒါက နတ်ဘုရားသိုလှောင်ပစ္စည်း တစ်ခုဖြစ်ရုံတင်မကဘူး၊ လျှို့ဝှက်နတ်ဘုရားဂိုဏ်းရဲ့ ခေါင်းဆောင်တစ်ယောက်ရဲ့ အမှတ် အသားတစ်ခုလည်း ဖြစ်တယ်။ ဒီအထဲမှာ အဲဒီအချိန်တုန်းက ငါတို့လျှို့ဝှက်နတ်ဘုရား ဂိုဏ်းရဲ့ အရင်းအမြစ်တွေ အကုန်လုံးပါရှိတယ်။ လျှို့ဝှက်ပညာရပ်စာအုပ်ပေါင်း ၃၀၀၊ ကျင့်ကြံခြင်းနည်းစနစ် ၃၀၀၀၊ နတ်ဘုရားစွမ်းရည် ၁၀၀၀၀ နဲ့ နတ်ဘုရားကျောက်တုံး မျိုးစုံ၊ နတ်ဘုရားပစ္စည်းမျိုးစုံစသဖြင့်ပေါ့" လျှို့ဝှက်ဆန်းကြယ်သော ဘိုးဘေးနတ်ဘုရား က ပြောသည်။ ထိုသို့ပြောပြီးနောက်၊ သူသည် နတ်ဘုရားပုန်းကွယ်ခြင်းကမ္ဘာလက်စွပ်ကို ချင်ယွင်ထံ ပေးအပ်လိုက်သည်။

ချင်ယွင်သည် နတ်ဘုရားပုန်းကွယ်ခြင်းကမ္ဘာကိုယူကာ သူ၏စိတ်ဝိညာဉ်စွမ်းအားကို ထိုထဲသို့ ထည့်သွင်းလိုက်သည်။ လျင်မြန်စွာပင် သူ့မျက်နှာပေါ်တွင် အံ့အားသင့်သည့် အမူအရာတစ်ခု ပေါ်လာသည်။

အမှန်စင်စစ်ပင်၊ လျှို့ဝှက်ပညာရပ်စာအုပ်သုံးရာ၊ ကျင့်ကြံခြင်းနည်းစနစ်သုံးထောင်နှင့် နတ်ဘုရားစွမ်းရည် တစ်သောင်းတို့သည် နတ်ဘုရားပုန်းကွယ်ခြင်းကမ္ဘာလက်စွပ်ထဲမှာ ရှိနေပါသည်။ ဤသည်မှာ အမှန်တကယ် ကြီးမားသော ကျမ်းစာတိုက်ပြီးတစ်ခု ဖြစ်သည်။ ရတနာများနှင့် ဘုရားကျောက်တုံးများအတွက်မူ ၎င်းတို့သည် ဂိုဏ်းတစ်ခုကို နှစ်သန်း ပေါင်းများစွာ တည်တံ့စေရန် လုံလောက်ပြီး၊ ၎င်းတို့သည် တောင်များကဲ့သို့ စုပုံထားသည်။

သို့သော် ချင်ယွင်သည် ဤအရာများကို သိပ်စိတ်မဝင်စားပေ။ ၎င်းတို့သည် အများအပြား ရှိသော်လည်း ၎င်းတို့သည် လုံလောက်အောင် မသန့်စင်ခဲ့ပေ။ သာမန် ကြယ်နတ်ဘုရားနှင့် မြေကမ္ဘာနတ်ဘုရားတို့အတွက်မူ, ၎င်းတို့သည် အလွန် အဖိုးတန်သော်လည်း ချင်ယွင် အနေဖြင့် ၎င်းတို့၏ အရေးပါမှုသည် အလွန်သေးငယ်နေပါပြီ။

လျှို့ဝှက်ဆန်းကြယ်သော ဘိုးဘေးနတ်ဘုရားသည် ချင်ယွင်၏ အတွေးများကို တစ်ဆင့် မြင်နေပုံရသည်။ သူက ပြုံးပြီးပြောသည် "ဒီအရာတွေက မင်းမျက်လုံးတွေကို မဆွဲဆောင်နိုင်ဘူးဆိုတာ ငါ သိပါတယ်။ ဒါပေမယ့် မင်းအနေနဲ့ အခုပြမယ့်ဟာကိုတော့ သေချာပေါက် စိတ်ဝင်စားမှာပါ"။

ထိုသို့ပြောပြီးနောက်၊ လျှို့ဝှက်ဆန်းကြယ်သော ဘိုးဘေးနတ်ဘုရားသည် သူ၏ လက်ဖဝါး ကို လှန်လိုက်သောအခါ၊ လက်ဖဝါးအရွယ်အစားရှိ ရွှေလှေငယ်တစ်စင်းသည် လျှို့ဝှက် ဆန်းကြယ်သော ဘိုးဘေးနတ်ဘုရား၏လက်ထဲ၌ ပေါ်လာသည်။

"ဒါကိုတော့ နတ်ဘုရားဖုံးကွယ်ခြင်းလှေလို့ ခေါ်နိုင်တယ်။ ဒါက အဆင့်နိမ့် ဘိုးဘေး နတ်ဘုရားအဆင့်ပစ္စည်းတစ်ခုပဲ။ ဒါက ပျံသန်းနိုင်တဲ့ ဘိုးဘေးနတ်ဘုရားပစ္စည်းတစ်ခု ဖြစ်ရုံတင်မကဘူး အာကာသလွန်းပျံယာဉ် အမျိုးအစား ဘိုးဘေးနတ်ဘုရား ပစ္စည်းတစ်ခု လည်း ဖြစ်တယ်။ ဒီလှေပျံနဲ့ဆိုရင် စကြဝဠာကြီးရဲ့ ကမ္ဘာအရပ်ရပ်ဆီ အတားအဆီးမရှိဘဲ လွတ်လပ်စွာ သွားလာနိုင်တယ်" လျှို့ဝှက်ဆန်းကြယ်သော ဘိုးဘေးနတ်ဘုရားက မိန့်သည်။ ထို့နောက် ရွှေလှေကို ချင်ယွင်အား ပေးအပ်လိုက်သည်။

ချင်ယွင်သည် လှေကိုယူလိုက်ပြီး အလွန်ပျော်ရွှင်သော အမူအရာကို ထုတ်ဖော်လိုက်သည်။

ဤနတ်ဘုရားဖုံးကွယ်ခြင်းလှေသည် ကောင်းမွန်သောအရာ ဖြစ်သည်။ သူ၏ လက်ရှိ ခွန်အားဖြင့် နတ်ဘုရားကမ္ဘာ၏ အတားအဆီးများကို ဖြတ်ကျော်၍ မရပေ။ အကယ်၍, သူသည် နတ်ဘုရားကမ္ဘာကနေ အင်မော်တယ်ကမ္ဘာသို့ ပြန်သွားလိုပါက၊ ကနဦး စကြာဝဠာ၏ လေဟာနယ် လမ်းကြောင်းကိုသာ အားကိုးနိုင်သည်။ ဤနည်းအားဖြင့်၊ သူသည် စကြဝဠာကို သူတစ်ဦးတည်းသာ ဖြတ်သန်းသွားလာနိုင်သည်။

သို့သော် ဤနတ်ဘုရားဖုံးကွယ်ခြင်းလှေကြတော့ မတူပေ။ ချင်ယွင်သည် ခရီးသွားရာမှာ အခြားသက်ရှိပေါင်းစုံကို သူနှင့်အတူ ခေါ်သွားနိုင်သည်။ ထို့အပြင်၊ ဤစကြာဝဠာထဲတွင် ရွှေကျီးကန်းကမ္ဘာကဲ့သို့သော ပုန်းကွယ်နေသော ကမ္ဘာငယ်လေးများစွာ ရှိနေသေးသည်။ ၎င်းတို့ထဲသို့ ဝင်ထွက်သွားလာရန် အလွန်ခက်ခဲနေသေးသည်။ သို့သော်၊ ဤနတ်ဘုရား ဖုံးကွယ်ခြင်းလှေကို အသုံးပြုခြင်းဖြင့် ပို၍ လွယ်ကူသွားလိမ့်မည်။

ထိုမျှတင်မကဘဲ၊ နတ်ဘုရားဖုံးကွယ်ခြင်းလှေသည် အလွန်အစွမ်းထက်သည့် အကာကွယ် ဘိုးဘေးနတ်ဘုရားပစ္စည်းတစ်ခုလည်း ဖြစ်ပါသည်။ သူသည် ကောင်းကင်နတ်ဘုရား နယ်ပယ်အောက်ရှိ မည်သည့်ကျွမ်းကျင်ပညာရှင်၏ တိုက်ခိုက်မှုကိုမဆို ခံနိုင်ရည်ရှိသည်။ အကယ်၍, ဘိုးဘေးနတ်ဘုရားတွေကိုယ်တိုင် မလှုပ်ရှားဘူးဆိုလျှင်၊ ကောင်းကင် နတ်ဘုရား နယ်ပယ်က ပညာရှင်တွေတောင်မှ ဤလှေနှင့်ပတ်သက်ပြီး ဘာမှ မလုပ်နိုင် ဘူး။ သူ၏ကြောက်မက်ဖွယ်ကောင်းသော အမြန်နှုန်းကိုပါ ထည့်တွက်ခြင်းဖြင့် ၎င်းသည် ထွက်ပြေးလွတ်မြောက်ရန် လွယ်ကူသည်ဟု ဆိုနိုင်သည်။

နတ်ဘုရားဖုံးကွယ်ခြင်းလှေသည် ဓားမြုပ်နှံခြင်းတောင်တန်းထဲမှာ ချင်ယွင် မြင်တွေ့ခဲ့ဖူး သည့် ကြေးနီတောင်တန်း၏ အဆင့်မြှင့်တင်ထားသော ဗားရှင်းတစ်ခုဟု ဆိုနိုင်သည်။ သူ့အနေဖြင့် ကြေးနီတောင်တန်းရတနာကို ပြန်လည်ရယူနိုင်တော့မည် မဟုတ်ပေ။

"သေချာပေါက် ပစ္စည်းကောင်းပဲ။ ဆရာကြီး၊ ဆရာကြီးမှာ တခြားဘိုးဘေးနတ်ဘုရား အဆင့် ပစ္စည်းတွေ ရှိသေးလား" ချင်ယွင်က ကမန်းကတန်း မေးလိုက်သည်။

ထိုစကားကိုကြားတော့ လျှို့ဝှက်ဆန်းကြယ်သော ဘိုးဘေးနတ်ဘုရားသည် ကူကယ်ရာမဲ့ ခေါင်းခါပြီး ပြောသည် "တကယ်တော့ ငါ့လက်ထဲမှာ အဲဒီတုန်းက ဆိုးသွမ်းတဲ့ ဘိုးဘေးနတ်ဘုရားပစ္စည်းတစ်ခု ရှိနေခဲ့တယ်။ ဒါပေမယ့် အဲဒါကို ငါ့ရဲ့ မူလခန္ဓာကိုယ်က သိမ်းသွားခဲ့တယ်။ ငါ့မှာ ဒီတစ်ခုပဲ ကျန်တော့တယ်။ ဒါကြောင့် ငါလည်း မင်းကို အများကြီး မပေးနိုင်ဘူး။"

ထိုစကားကိုကြားတော့ ချင်ယွင်သည် ဝမ်းနည်းသည့် အမူအရာကို ချက်ချင်း ထုတ်ဖော် လိုက်မိသည်။

ဘိုးဘေးနတ်ဘုရားအဆင့် ပစ္စည်းများသည် ယေဘုယျအားဖြင့် အလွန်မင်း အစွမ်းထက်ပါ သည်။ ၎င်းတို့သည် နတ်ဆိုးနတ်ဘုရားကမ္ပည်းပြားနှင့် ကြေးဝါအပိုင်းအစများကို မယှဉ်နိုင် သော်လည်း၊ ၎င်းတို့သည် ချင်ယွင်အဆင့် ကျွမ်းကျင်သူတစ်ဦးအတွက် ထူးကဲသော ရတနာများအဖြစ် သတ်မှတ်၍ ရပေသည်။

"ကောင်းပြီ၊ ငါပြောဖို့ မေ့သွားတယ်။ ပုံမှန်အနေနဲ့၊ ဘိုးဘေးနတ်ဘုရားရဲ့ တန်ခိုးတော်က သာ ဒီဘိုးဘေးနတ်ဘုရားအဆင့် ပစ္စည်းတွေကို အသက်သွင်းနိုင်တယ်။ မင်းရဲ့ နတ်ဘုရား တန်ခိုးနဲ့ မင်းက ဒီနတ်ဘုရားဖုံးကွယ်ခြင်းလှေကို အသက်မသွင်းနိုင်သေးဘူး။" လျှို့ဝှက် ဆန်းကြယ်သော ဘိုးဘေးနတ်ဘုရားက ပြောသည်။

"ဘာ?" ချင်ယွင်သည် ချက်ခြင်းပင် မျက်လုံးပြူးသွားပြီး စကားမပြောနိုင်သည့် အမူအရာ ပေါ်လာသည်။ အကယ်၍, သူ့မှာ ဘိုးဘေးနတ်ဘုရား၏ တန်ခိုးတော် မရှိခဲ့ပါက၊ သူ့အတွက် ဤနတ်ဘုရားဖုံးကွယ်ခြင်းလှေသည် လုံးဝ အသုံးမဝင်တော့ပေ ။

ချင်ယွင်၏ ပြောစရာစကားမဲ့သွားသော အမူအရာကို မြင်လိုက်ရတော့ လျှို့ဝှက် ဆန်းကြယ်သော ဘိုးဘေးနတ်ဘုရားက ကျယ်လောင်စွာ မရယ်မောဘဲ မနေနိုင်တော့ပေ။ သူက ဆက်ပြောသည် "စိတ်မပူပါနဲ့၊ ငါလည်း ဒီအကြောင်းကို အချိန်အတော်ကြာကတည်း က တွေးပြီးသားပါ။ နတ်ဘုရားဖုံးကွယ်ခြင်းလှေမှာ ဘိုးဘေးနတ်ဘုရားရဲ့ တန်ခိုးတော်ကို ငါ ချန်ထားခဲ့တယ်။ အထဲမှာရှိတဲ့ ဘိုးဘေးနတ်ဘုရားရဲ့ တန်ခိုးတော်က မင်းကို အကြိမ် တစ်ရာလောက် အသုံးပြုဖို့ လုံလောက်မှာပါ။"

ထိုစကားကို ကြားတော့ ချင်ယွင်သည် စိတ်သက်သာရာရကာ သက်ပြင်းတစ်ချက် ချလိုက်မိသည်။ လျှို့ဝှက်ဆန်းကြယ်သော ဘိုးဘေးနတ်ဘုရားသည် ဘိုးဘေးနတ်ဘုရား၏ တန်ခိုးတော်ကို ချန်မထားခဲ့ပါက၊ နတ်ဘုရားဖုံးကွယ်ခြင်းလှေသည် အသုံးမဝင်တော့ပေ။

"ကောင်းပြီ၊ ဂိုဏ်းရဲ့ အရင်းအမြစ်တွေကို မင်းကို ပေးထားပြီးသားပဲ။ နောက်တစ်ခုက ငါ့အမွေနှစ်ပဲ။" လျှို့ဝှက်ဆန်းကြယ်သော ဘိုးဘေးနတ်ဘုရားက ထပ်ပြီး ပြောသည်။

ထိုစကားကိုကြားတော့ ချင်ယွင်၏အမူအရာက လေးနက်လာသည်။ ပြီးတော့ သူ့မျက်လုံးတွေက အလွန်အမင်း မျှော်လင့်ထားသည့် အကြည့်များ ပေါ်လာပါသည်။