အခန်း ၁၆၀၂

အခန်း (၁၆၀၂) အဆင့်ဖြတ်ကျော်မှု။

"ဖြစ်နိုင်တာက" ယွမ်ဟန်သည် လေထဲတွင် လွင့်မျောနေသော ချင်ယွင်ကို ကြည့်ကာ ချင်ယွင်၏ နတ်ဆိုးနတ်ဘုရားအမြုတေတွင် ရစ်ပတ်ထားသော သွေးနီရောင်နဂါး ကိုးကောင်ကို ကြည့်ရင်း အလွန်အံ့အားသင့်သော အမူအရာ ပေါ်လာသည်။

အဝေးက လူတွေအားလုံးလည်း ထိုမြင်ကွင်းကို အသက်မဲ့နေသည့် မျက်လုံးများဖြင့် စိုက်ကြည့်နေကြပြီး သူတို့၏မျက်လုံးတွေက ထိတ်လန့်တုန်လှုပ်နေကြသည်။

သူတို့သည် နတ်ဆိုးနတ်ဘုရားကျင့်ကြံလမ်းစဉ် ကျင့်ကြံသူများ မဟုတ်ကြသော်လည်း နတ်ဆိုးနတ်ဘုရားကျင့်ကြံမူလမ်းစဉ်ကို ကျင့်ကြံရာတွင် ကောင်းကင်ဘုံကို အံတုနိုင်သော နတ်ဆိုးနတ်ဘုရား ရုပ်ခန္ဓာကိုယ်တစ်ခု တည်ရှိနေသည့်အကြောင်းကို ဒဏ္ဍာရီတွေအရ သူတို့အားလုံး ကြားဖူးကြသည်။ ၎င်းသည် ဒဏ္ဍာရီလာ ဖရိုဖရဲနတ်ဆိုးနတ်ဘုရား ရုပ်ခန္ဓာကိုယ် ဖြစ်သည်။ ဤရုပ်ခန္ဓာကိုယ်၏ အကြီးမားဆုံးသော ထူးခြားချက်က အဆင့် ချိုးဖြတ်ပြီးသည်နှင့် နတ်ဆိုးနတ်ဘုရား၏ အမြုတေတစ်ဝိုက်တွင် သွေးနီရောင်နဂါး ကိုးကောင် ရစ်ပတ်နေသော ဖြစ်စဉ်ကို ထုတ်ဖော်ပြသမည် ဖြစ်သည်။

ပန်ဂုမဟာနတ်ဘုရားသည် ထိုကဲ့သို့ ရုပ်ခန္ဓာကိုယ်ကို ပိုင်ဆိုင်ထားသည်ဟု ဒဏ္ဍာရီတွေမှာ ဆိုထားကြသည်။ သူသည် အလွန်မင်း အစွမ်းထက်ပြီး ကြောက်စရာကောင်းသည်။ တစ်ချိန်က ပန်ဂုမဟာနတ်ဘုရားကို ရန်စမိသော ပြီးပြည့်စုံသော ကောင်းကင်ဘုံအဆင့် ဘိုးဘေးဘုရား တစ်ပါးရှိခဲ့သည်ဟု ဆိုသည်။ နောက်ဆုံးတွင် ပန်ဂုမဟာနတ်ဘုရား၏ လက်သီးချက်ကြောင့် ထိုဘိုးဘေးနတ်ဘုရားသည် လုံး၀ ချေမှုန်းခံခဲ့ရသည်။

နောက်ပိုင်း ပန်ဂုမဟာနတ်ဘုရား ပျောက်ကွယ်သွားသောအခါ ဤရုပ်ခန္ဓာကိုယ်သည် ဒဏ္ဍာရီတစ်ခု ဖြစ်လာခဲ့သည်။ သို့သော်, နတ်ဆိုးနတ်ဘုရားသွေးမျိုးဆက်ထဲမှာ ဤရုပ်ခန္ဓာကိုယ်မျိုးရှိကြောင်း အားလုံးက အမြဲ ယုံကြည်ခဲ့ကြသည်။ ဤသွေးမျိုးဆက် ထွက်ပေါ်လာသည်နှင့်တပြိုင်နက် ၎င်းသည် နတ်ဆိုးနတ်ဘုရားသွေးမျိုးဆက်၏ ဧကရာဇ် အဖြစ် လေးစားခံရမည် ဖြစ်သည်။

ယခုအချိန်တွင် ချင်ယွင်သည် ကောင်းကင်ဘုံကို အံတုနိုင်သော ဤရုပ်ခန္ဓာကိုယ်မျိုး ရှိလာလိမ့်မည် ဟု မည်သူမျှ မျှော်လင့်မထားပေ။

ထိုအချိန်တွင် ချင်ယွင်လည်း အနည်းငယ် အံ့သြသွားသည်။ ဖရိုဖရဲနတ်ဆိုးနတ်ဘုရား ရုပ်ခန္ဓာကိုယ် ထွက်ပေါ်လာမူကြောင့် သူသည်လည်း အလွန်အံ့သြသွားခဲ့သည်။

သူသည် မူလက ဖရိုဖရဲအစိမ်းရောင်ကြာပန်းရုပ်ခန္ဓာကိုယ်ကို ပိုင်ဆိုင်ထားသည်။ သို့သော် သူ၏ ကျင့်ကြံမှုအဆင့်သည် တဖြည်းဖြည်း တိုးမြင့်လာသည်နှင့်အမျှ ဤရုပ်ခန္ဓာကိုယ်၏ သက်ရောက်မှုများသည် သေးငယ်သထက် သေးငယ်လာသည်။ သို့သော်၊ ပန်ဂု မဟာနတ်ဘုရား၏သွေးတစ်စက်သည် သူ၏ ဖရိုဖရဲအစိမ်းရောင်ကြာပန်း ရုပ်ခန္ဓာကိုယ်ကို နောက်တစ်ကြိမ် လှုံ့ဆော်ပေးနိုင်ပြီး၊ သူ၏ရုပ်ခန္ဓာကိုယ်သည် ဒဏ္ဍာရီလာ ဖရိုဖရဲ နတ်ဆိုးနတ်ဘုရား ရုပ်ခန္ဓာကိုယ်အဖြစ်သို့ ပြောင်းလဲသွားစေလိမ့်မည်ဟု သူ ဘယ်သော အခါမှ မမျှော်လင့်ထားပေ။

ဤအခိုက်အတန့်တွင်၊ ချင်ယွင်၏ ရုပ်ခန္ဓာကိုဘ်သည် ကြီးမားစွာ အသွင်ပြောင်းနေသည်။ သူ့ရုပ်ခန္ဓာသည် အနှိုင်းမဲ့ အားကောင်းလာသည်။ သူ့နတ်ဘုရားခန္ဓာရှိ ဆဲလ်တစ်ခုစီတိုင်း တွင် အဆုံးမရှိသော စွမ်းအားများ ပါရှိနေသည်။ အရင်ကထက် အဆပေါင်း ဆယ်ဆ သို့မဟုတ် ရာနှင့်ချီ၍ အားကောင်းလာခဲ့သည်။

ထိုမျှတင်မကဘဲ ချင်ယွင်၏ နတ်ဘုရားနတ်ဘုရားအမြုတေလည်း အမြဲပြောင်းလဲနေပါ သည်။ မာကျောမူအရဖြစ်စေ, ခွန်အားအရဖြစ်စေ, ၎င်းသည် အလွန်မင်း ကြောက်စရာ ကောင်းသည့်အဆင့်သို့ ရောက်ရှိသွားခဲ့သည်။

သွေးနီရောင်နဂါးကိုးကောင်သည် ပတ်ပတ်လည်မှာ တဝဲလည်လည် ရစ်ပတ်နေခဲ့ပြီး၊ အဆုံးမဲ့ တန်ခိုးအာနုဘော်ကို ထုတ်လွှတ်နေကာ ပြိုင်ဘက်ကင်း နတ်ဆိုးတစ်ပါး ထွက်ပေါ်တော့မည့်အတိုင်းပင်။

"ငါ သူ့ကို အခုလို ဆက်ပြီး အဆင့်ဖြတ်ကျော်ဖို့ လုံးဝ ခွင့်မပြုနိုင်ဘူး။ သူ့ကို အမြန်ဆုံး သတ်ပစ်ရမယ်" ယွမ်ဟန်သည် ချင်ယွင်၏ခန္ဓာကိုယ်ပေါ်ရှိ အငွေ့အသက်များ ပို၍ပို၍ အားကောင်းလာသည်ကို ခံစားလိုက်ရပြီး၊ သူ့မျက်လုံးများတွင် သတ်ပစ်လိုစိတ်များက ပို၍ ပြင်းထန်လာသည်။

သူသည် ချင်ယွင်၏ ခန္ဓာကိုယ်မှ ခြိမ်းခြောက်နေသော အငွေ့အသက်ကို အမှန်တကယ် ခံစားလိုက်ရသည်။ ထို့ကြောင့်, သူသည် ဘာမှမလုပ်ဘဲ ချင်ယွင်ကို လုံးဝ ထိုင်ကြည့်မနေ နိုင်တော့ပေ။

"မင်းက ဒဏ္ဍာရီလာ ဖရိုဖရဲနတ်ဆိုးနတ်ဘုရားရုပ်ခန္ဓာကိုယ်ကို ပိုင်ဆိုင်ခဲ့ရင်တောင်, ဒီနေ့ မင်း သေကိုသေရမယ်" ယွမ်ဟန်သည် သူ့သွားများကြားမှ စကားတစ်ခွန်းကို ညှစ်ထုတ် လိုက်သည်။ ထို့နောက် သူ့မျက်လုံးများက ရုတ်တရက် အေးစက်သွားပြီး၊ သူ့တစ်ကိုယ်လုံး ချက်ချင်း ပျံထွက်သွားသည်။

သူ့နောက်တွင် အလွန်ကြီးမားသော လိပ်နက်ပုံရိပ်ကြီးတစ်ခု သိပ်သည်းကာ ဖုံးလွှမ်းသွား လေသည်။ သူ့လက်သီးများကို မြေသားအဝါရောင် စွမ်းအင်ရောင်ခြည်အလွှာများဖြင့် ထုပ်ပိုးထားသည်။ ဤမြေသားအဝါရောင် စွမ်းအင်ရောင်ခြည်အလွှာနှင့်အတူ၊ သူ့လက်သီး တွေက တုနှိုင်းမရအောင် ထူထဲပြီး ကြောက်စရာကောင်းသည့် အငွေ့အသက်ကို ထုတ်လွှတ်သည်။

"ဘုန်း...."

ယွမ်ဟန်သည် တုန့်ဆိုင်းမနေဘဲ လေဟာနယ်ထဲသို့ တိုက်ရိုက် ထိုးသွင်းလိုက်သည်။ ထိုလက်သီးချက်သည် ချက်ချင်းပင် အနှိုင်းမဲ့ ကြောက်မက်ဖွယ်ကောင်းသည့် လှိုင်းလုံးကြီး တစ်ခုကို ဖြစ်ပေါ်လာစေပြီး၊ ကြောက်မက်ဖွယ်ကောင်းသော စွမ်းအင်မုန်တိုင်းသည် ကောင်းကင်ကို တိုက်ရိုက်လွှမ်းခြုံကာ ချင်ယွင်အပေါ်သို့ ဖိနှိပ်လာသည်။

"ဘုန်း...."

သို့သော်၊ ထိုနတ်ဘုရားတန်ခိုးစွမ်းအင်လှိုင်းလုံးသည် ချင်ယွင်၏ခန္ဓာကိုယ်ကို ရိုက်ခတ် လာသောအခါ၊ မမြင်နိုင်သော သွေးရောင်စွမ်းအင်ဒိုင်းတစ်ခုက ပိတ်ဆို့ထားသည်။ ထိုကြောက်မက်ဖွယ်ကောင်းသော လေပြင်းလှိုင်းလုံးကြီးသည် သူ့ကို လုံးဝ မလှုပ်ခါနိုင် ပေ။

"ချိုးဖျက်စမ်း.."

ယွမ်ဟန်က ကျယ်လောင်စွာ ဟစ်အော်လိုက်ပြီး သူ့မျက်လုံးများက အနှိုင်းမဲ့ စူးရှသော အကြည့်များဖြင့် ပေါက်ထွက်သွားသည်။ သူ့တစ်ကိုယ်လုံးသည် ချင်ယွင်၏ စွမ်းအင် အလင်းတန်းများ ရှေ့တွင် ချက်ချင်း ပေါ်လာသည်။ မဆိုင်းမတွဘဲ၊ သူသည် သူ့ခန္ဓာကိုယ်ရှိ ခွန်အားအားလုံးကို တိုက်ရိုက် အသက်သွင်းပြီး စွမ်းအင်အလင်းအကာကို ထိုးဖောက်လိုက် သည်။

"ဘုန်း..."

ချင်ယွင်၏ ခန္ဓာကိုယ်ကို ဝန်းရံထားသည့် စွမ်းအင်အကာအကွယ်များသည် ကြီးမားသော လှိုင်းလုံးကြီးတစ်ခု ရိုက်ခတ်သွားသည့်အလား ချက်ချင်းပင် ပြင်းထန်စွာ လှုပ်ခတ်လာ သည်။

သို့သော် စွမ်းအင်အကာအကွယ်သည် ကျိုးပျက်မသွားခဲ့ပေ။ မူလအခြေအနေသို့ ပြန်မရောင်ခင် အကြိမ်အနည်းငယ်သာ လှုပ်ခါသွားခဲ့သည်။

"ဘာလဲ?" ယွမ်ဟန်သည် ဤမြင်ကွင်းကို မြင်သောအခါ အံ့သြသွားသည့် အမူအရာတစ်ခု ကို ချက်ချင်း ထုတ်ဖော်လိုက်ရင်း ချက်ချင်းပင် ပြင်းပြသော မကျေနပ်သည့် အမူအရာ အဖြစ်သို့ ပြောင်းလဲသွားသည်။

"မဖြစ်နိုင်ဘူး၊ ဒီနေ့ မင်းရဲ့လိပ်ခွံကို ငါချိုးဖျက်ရမယ်" ယွမ်ဟန်က ကျယ်လောင်စွာ ဟစ်အော်လိုက်သည်။ ထို့နောက် သူ့ကိုယ်တွင်းရှိ ဥပဒေသကွင်းဆက်ကို တိုက်ရိုက် အသက်သွင်းလိုက်သည်။ သူ့လက်မှ တုနှိုင်းမရအောင် တောက်ပသည့် အလင်းတန်းတစ်ခု ထွက်ပေါ်လာပြီး၊ တုန့်ဆိုင်းခြင်းမရှိ သူ့လက်သီးကို ပေါက်ကွဲလိုက်ပြန်သည်။

"ဘုန်း...."

သို့သော် ယခုတစ်ကြိမ်တွင် စွမ်းအင် အကာအကွယ်ဒိုင်းပေါ်မှာ လှုပ်ရှားမှုတစ်ခု ရှိနေပြီး ၎င်းတွင် အက်ကြောင်းအနည်းငယ် ပေါ်လာသည်။

ယွမ်ဟန်၏ မျက်လုံးများသည် တုနှိုင်းမရအောင် တောက်ပသည့် အလင်းရောင်တစ်ခုနှင့် အတူ ချက်ချင်းဆိုသလို လောင်ကျွမ်းလာပြီး နောက်တစ်ကြိမ် အစွမ်းကုန် ထိုးဖောက် ပစ်လိုက်သည်။

"ဘုန်း...."

ကောင်းကင်ယံမှာ ပေါက်ကွဲသံတစ်ခု ထွက်ပေါ်လာပြန်သည်။ ချင်ယွင်၏ခန္ဓာကိုယ်ပေါ်ရှိ စွမ်းအင်အကာအကွယ်သည် နောက်ဆုံးတွင် လုံးဝ ပျက်စီးသွားခဲ့သည်။ ယွမ်ဟန်သည် ဤမြင်ကွင်းကို မြင်သောအခါ ကျယ်လောင်စွာ ရယ်မောလိုက်သည်။

"ဟား...၊ ဟား...၊ မင်းရဲ့လိပ်ခွံကို နောက်ဆုံးတော့ ငါ ကျိုးဖျက်နိုင်ခဲ့ပြီ။ မင်း ငါ့ရဲ့ တိုက်ခိုက်မှုတွေကို ဘယ်လိုခုခံမလဲဆိုတာ ငါကြည့်ချင်တယ်" ယွမ်ဟန်က မောက်မာစွာ ရယ်မောလိုက်သည်။ ထို့နောက် သူ့အကြည့်တွေက စူးရှလာပြီး ချင်ယွင်ကို တိုက်ရိုက် တိုက်ခိုက်ပြန်သည်။

ယွမ်ဟန်၏ လက်သီးသည် ချင်ယွင်၏ ခန္ဓာကိုယ်ကို ထိလုနီးပါးဖြစ်နေချိန်တွင် ချင်ယွင်၏ ခန္ဓာကိုယ်သည် ပြောင်းလဲသွားပြန်သည်။

"ဘုန်း..."

နဂါးဟိန်းဟောက်သံ ထွက်ပေါ်လာနောက်၊ ချင်ယွင်၏ခေါင်းထက်မှာ လွင့်မျောနေသည့် နတ်ဆိုးနတ်ဘုရားအမြုတေသည် ပေါက်ကွဲသံတစ်ချက် ထွက်ပေါ်လာပြီး၊ တုနှိုင်းမရ အောင် တောက်ပသည့် သွေးနီရောင်အလင်းတန်းတစ်ခုကို ထုတ်လွှတ်လိုက်ပါသည်။ ပြင်းထန်သော စွမ်းအင်အတက်အကျလှိုင်းများသည် ၎င်းအထံမှ ချက်ချင်း ထွက်ပေါ်လာ သည်။

တစ်ချိန်တည်းမှာပင်၊ ၎င်းကိုရစ်ပတ်နေသော သွေးနဂါးကိုးကောင်ထံမှ ဟိန်းဟောက်သံ ထွက်ပေါ်လာခဲ့ပြီး၊ ၎င်းတို့အားလုံးသည် နတ်ဆိုးနတ်ဘုရားအမြုတေထဲသို့ ပြေးဝင်သွား ကာ အဆုံးမဲ့တန်ခိုးစွမ်းအား ထုတ်လွှတ်နေပြီဖြစ်သော နတ်ဆိုးနတ်ဘုရား အမြုတေသည် ပို၍ပင် ကြောက်စရာကောင်းလာခဲ့သည်။

"နောက်ဆုံးတော့ ငါ ဖြတ်ကျော်သွားခဲ့ပြီ။ ဟား.. ဟား..၊ နောက်ဆုံးတော့ ငါ ဖြတ်ကျော်သွားပြီ။" ထိုအချိန်တွင် ချင်ယွင်၏ မျက်လုံးများက ရုတ်တရက် ပွင့်လာပြီး သူ့မျက်လုံးများမှ အနှိုင်းမဲ့ တောက်ပနေသော နတ်ဘုရားအလင်းရောင်တစ်ခု ထွက်ပေါ်လာသည်။

သူ၏မျက်လုံးများက သောက်ချူးကြယ်များကဲ့သို့ လင်းလက်နေပြီး၊ သူ့အကြည့်တွေက လျှပ်စီးလက်သလိုပင်။

ချင်ယွင်သည် ယွမ်ဟန်၏ လက်သီးတိုက်ခိုက်မူကို ချက်ချင်း ခံစားလိုက်ရပြီး သူ၏ ညာလက်က ချက်ချင်း ဆန့်ထွက်သွားသည်။

"ဘုန်း...."

ချင်ယွင်သည် ယွမ်ဟန်၏ အဆုံးမဲ့ အစွမ်းထက်သော လက်သီးကို ထိုကဲ့သို့ပုံစံမျိုးဖြင့် ပြင်းထန်စွာ ပိတ်ဆို့ထားသည်။ ထိုကြောက်မက်ဖွယ် စွမ်းအားသည် ကွဲကြေသွားကာ အနှိုင်းမဲ့ အားကောင်းသော စွမ်းအင်မုန်တိုင်းအဖြစ်သို့ ပြောင်းလဲသွားသည်။ သို့သော်, ချင်ယွင်၏ ခန္ဓာကိုယ်သည် မတုန်မလှုပ်နိုင်သော နတ်တောင်တစ်ခုလိုပင် မလှုပ်မယှက် ဖြစ်နေသည်။

"ဘာ..၊ သူက ဒီလက်သီးချက်ကို လက်တစ်ဖက်နဲ့ ပိတ်ဆို့ထားတာလား။" အဝေးမှ ကြယ်နတ်ဘုရားကျွမ်းကျင်သူများသည် ဤမြင်ကွင်းကို မြင်သောအခါ သူတို့၏ မေးရိုးများ မြေပြင်ပေါ်သို့ ပြုတ်ကျသွားသည်။ သူတို့သည် ဤမြင်ကွင်းကို မယုံကြည်နိုင်စွာ ကြည့်နေကြသည်။

ထိုအချိန်တွင် ချင်ယွင်သည် ယွမ်ဟန်၏ လက်သီးချက်ကို လက်တစ်ဖက်ဖြင့် ပိတ်ဆို့ကာ ထိုလက်သီးမှ တန်ခိုးစွမ်အား အားလုံးကို ဖယ်ရှားလိုက်သော်လည်း သူ့တစ်ကိုယ်လုံးသည် တုန်လှုပ်သွားခြင်း မရှိပေ။

ယွမ်ဟန်သည် မယုံကြည်နိုင်သည့် အမူအရာနှင့်အတူ မျက်လုံးများကို ပြူးကျယ်စွာ မဖွင့်ဘဲမနေနိုင်တော့။

အကယ်၍, သူသည် အစောပိုင်း ကောင်းကင်နတ်ဆိုးနတ်ဘုရားအဆင့်ကို ဖြတ်ကျော်သွား ရင်တောင်, သူသည် ဤမျှထိ ကြောက်စရာမကောင်းသင့်ပေ။ ချင်ယွင်သည် သူ့လက်သီး ကို တကယ်လှုပ်နိုင်ခဲ့သည်။ ဤအရာက သက်ရောက်မူ အနည်းငယ်မျှမရှိဘဲ တိတ်တဆိတ် ချဲ့ကားလွန်းရာ ကျနေသည်။

"မဖြစ်နိုင်ဘူး၊ လုံးဝ မဖြစ်နိုင်ဘူး၊ အစောပိုင်း ကောင်းကင်နတ်ဆိုးနတ်ဘုရားတစ်ပါးက ဘယ်လိုလုပ် ဒီလောက်တောင် သန်မာနိုင်မှာလဲ။ မင်း ငါ့လက်သီးကို တကယ် တားဆီးနိုင် မယ်လို့ ငါမယုံဘူး။" ယွမ်ဟန်သည် အလွန်အမင်း မကျေမနပ် ဖြစ်ကာ ဟစ်အော်ရင်း၊ သူ့မျက်လုံးများ နီမြန်းလာသည်။ သူစကားပြောနေစဉ်တွင် သူသည် ချင်ယွင်ဆီသို့ သူ့လက်သီးများကို ထပ်မံဝှေ့ယမ်း တိုက်ခိုက်တော့မည်။

ချင်ယွင်သည် အနည်းငယ် ရူးသွပ်နေပြီဖြစ်သော ယွမ်ဟန်ကို ကြည့်လိုက်သော်လည်း သူ့ပါးစပ်ထောင့်က ပေါ့ပါးသော အပြုံးဖြင့် ကွေးညွှတ်သွားကာ "လက်သီးတစ်ချက် မပြောနဲ့၊ မင်း လက်သီးအချက်တစ်ရာ ထိုးရင်တောင် ငါ ဖမ်းနိုင်သေးတယ်။ မင်း ငါ့ကို မယုံရင် ထပ်စမ်းကြည့်လို့ရတယ်။

ချင်ယွင်၏စကားတွေက ကျယ်လောင်ခြင်း မရှိသော်လည်း၊ လူတိုင်း၏နားထဲတွင် မိုးကြိုးတစ်သိန်း ပေါက်ကွဲသံနှင့် တူနေသည်။