အခန်း ၁၆၁၁

အခန်း (၁၆၁၁) ကောင်းကင်ဘုံတန်ခိုးသလင်းကျောက်။

ချင်ယွင်နှင့် အခြားသူများသည် ရှေးခေတ်နတ်ဘုရားကမ္ဘာထဲသို့ ဝင်ရောက်ပြီးနောက် တန်ခိုးကြီးသော ကောင်းကင်တောင်ရှိရာ အရပ်ဆီသို့ ပျံသန်းသွားကြသည်။

လမ်းတစ်လျှောက်တွင်၊ ချင်ယွင်သည် နောက်ဆုံးတွင် ရှေးခေတ်နတ်ဘုရားကမ္ဘာ၏ အကန့်အသတ် မရှိမှုကို မြင်တွေ့ခဲ့ရသည်။

တောင်တန်းများသည် အဆုံးမရှိပေ။ တောတောင်များက ထူထပ်ပြီး၊ ကျောက်ဆောင်များ က အလွန်ကြီးမားသည်။ ရှေးခေတ်နတ်ဘုရားကမ္ဘာ၏ မြင်ကွင်းသည် သူထင်ထားသည် ထက် ပို၍ပင် ခမ်းနားထည်ဝါသည်။

သူတို့သည် ရက်ပေါင်း ဒါဇင်နှင့်ချီပြီး ပျံသန်းခဲ့ကြသော်လည်း တောထဲကနေ မထွက်နိုင် သေးပါဘူး။

"ရှေးခေတ်နတ်ဘုရားကမ္ဘာက တကယ့်ကို သာမန်မဟုတ်ဘူးပဲ။ ဒီတန်ခိုးကြီးတဲ့ ကောင်းကင်တောင်က ဘယ်လိုပုံစံလဲဆိုတာ ငါ တကယ် မြင်ချင်လိုက်တာ။" ချင်ယွင်က တောင်ထိပ်တစ်ခုပေါ်တွင် ရပ်ရင်း အဝေးကို လှမ်းကြည့်ကာ သူ့ကိုယ်သူ ပြောလိုက်သည်။

သူတို့ လမ်းလျှောက်ခဲ့သည်မှာ သုံးလလောက်ရှိပါပြီ။ သို့သော်, သူတိုသည် ဆယ်ပုံတစ်ပုံ လောက်သာ လျှောက်လှမ်းခဲ့ရသေးပြီး၊ ချင်ယွင်သည် ဘာပြောရမှန်းမသိ ဖြစ်သွားသည်။

သို့သော်လည်း ချင်ယွင်သည် လွန်ခဲ့သော သုံးလက ခရီးမတွင်ခဲ့ပေ။ လွန်ခဲ့သည့် တစ်လက ပင် သူ၏ကျင့်ကြံမှုသည် နောက်ဆုံးတွင် သူ့အား ကြိုဆိုနေသည့် ကောင်းကင်ဘုံ ကပ်ဘေးဒုက္ခကို ဖိနှိပ်နိုင်ခြင်း မရှိတော့ပေ။

ဤကောင်းကင်ဘုံ ကပ်ဘေးဒုက္ခကြီးသည် အလွန်မင်း ကြောက်စရာကောင်းသည်။ ကောင်းကင်ဘုံကပ်ဘေးဒုက္ခ စုစုပေါင်း ၃၆ ခုရှိခဲ့ပြီး တစ်ခုစီတိုင်းသည် ပို၍ပင် ကြောက်စရာကောင်းသည်။ အဆုံးတွင် ချင်ယွင်သည် ဤကောင်းကင်ဘုံကပ်ဘေးဒုက္ခ၌ သေဆုံးသွားလုနီးပါးပင် ဖြစ်ခဲ့ရသည်။

ကံကောင်းထောက်မစွာ၊ သူ၏ နတ်ဆိုးနတ်ဘုရားကျင့်ကြံမှုသည် အစောပိုင်း ကောင်းကင် နတ်ဆိုးနတ်ဘုရားအဆင့်သို့ ဖြတ်ကျော်ထား၍ ဖြစ်သည်။ ထိုသို့မဟုတ်ပါက, သူသည် ဤကြောက်မက်ဖွယ်ကောင်းသော ကောင်းကင်ဘုံကပ်ဘေးဒုက္ခကို ခံနိုင်ရည်ရှိမည် မဟုတ်ပေ။

ဟုတ်ပါသည်။ ချင်ယွင်၏ကပ်ဘေးဒုက္ခက တခြားလေးယောက်ကိုလည်း ထိတ်လန့်စေခဲ့ သည်။ ကပ်ဘေးဒုက္ခ၏တန်ခိုးကိုပင် သူတို့ လျှော့မတွက်ဝံ့ကြချေ။

မြေကမ္ဘာနတ်ဘုရားနယ်ပယ်သို့ ဖြတ်ကျော်ဝင်ရောက်စ ကောင်းကင်ဘုံကပ်ဘေးဒုက္ခ သည် ဤမျှ ထိတ်လန့်စရာကောင်းသည့် တန်ခိုးမျိုးရှိနေသည်ကို သူတို့ အမှန်တကယ်ပင် မယုံကြည်နိုင်ခဲ့ကြပေ။ သူတို့၏စိတ်နှလုံးထဲတွင် ချင်ယွင်အပေါ် အကဲဖြတ်မူက အဆင့်သစ်တစ်ခု တိုးမြင့်လာခဲ့သည်။

"ဂျူနီယာ ညီငယ်၊ စိတ်မပူပါနဲ့၊ ငါတို့သွားရမယ့်လမ်းက အလှမ်းဝေးနေသေးတယ်၊ ငါတို့ နောက်ပိုင်း အသုရာဒေသကို ဝင်ရတော့မယ်။ အဲဒီကိုရောက်ရင် သတိထားရမယ်။" လျှိုဖန်းဟွာက ပြုံးပြီး ချင်ယွင်၏အနားကို လျှောက်သွားသည်။

"အသုရာ ဒေသက အရမ်းအန္တရာယ်များလို့လား" ချင်ယွင်က အံ့သြစွာ မေးလိုက်သည်။

"မှန်တယ်။ အရမ်းအန္တရာယ်များတယ်။ အသုရာဒေသကို ခြေလှမ်းပြီးမှသာ, မင်းက ရှေးခေတ်နတ်ဘုရားကမ္ဘာထဲကို အမှန်တကယ် ဝင်ရောက်နိုင်မှာ။ လွန်ခဲ့တဲ့ သုံးလတာ ကာလအတွင်းမှာ ငါတို့ဟာ အန္တရာယ် လုံးဝ မကြုံတွေ့ခဲ့ဘူး။ လူတစ်ဦးတစ်ယောက်ကို တောင်မှ မတွေ့ခဲ့ရဘူး။ နေရာတိုင်းမှာ တောတောင်တွေ ဆိတ်သုဉ်းနေတဲ့ တောင်တန်း တွေချည်း ရှိနေခဲ့တယ်။ ဒါပေမဲ့ အသုရာဒေသကို ဝင်လိုက်တာနဲ့ ရှေးခေတ်နတ်ဘုရား ကမ္ဘာက အစစ်မှန် ငရဲဘုံဖြစ်ကြောင်း မင်း တွေ့ရလိမ့်မယ်။" လျှိုဖန်းဟွာက ပြုံးပြုံးလေး ပြောသည်။

'"ငရဲဘုံလား?" ချင်ယွင်က ထပ်ခါတလဲလဲ အံ့အားသင့်သွားသည်။

လွန်ခဲ့သည့်သုံးလတွင်၊ သူတို့သည် မည်သည့်အန္တရာယ်မှ မကြုံခဲ့ရသောကြောင့် ရှေးခေတ် နတ်ဘုရားကမ္ဘာတွင် ကြောက်မက်ဖွယ် အန္တရာယ်များ မရှိဟု သူထင်ခဲ့သည်။ သို့သော် ယခု သူသည် လျှိုဖန်းဟွာ၏ စကားကို ကြားလိုက်ရတော့ သူ မှားနေပြီဆိုသည်ကို သိလိုက် ရသည်။

သူတို့ လက်ရှိရောက်နေသည့် နေရာသည် တကယ့် ရှေးခေတ်နတ်ဘုရားကမ္ဘာ၏ နယ်မြေ မဟုတ်သေးပါဘူး။

သို့သော် ချင်ယွင်သည် ရှေးခေတ်နတ်ဘုရားကမ္ဘာကို အဘယ့်ကြောင့် ငရဲဟုခေါ်ဆိုသည် ကို နားမလည်ခဲ့ပေ။ ရှေးခေတ်နတ်ဘုရားကမ္ဘာတွင် မည်သည့်အရာက အလွန်မင်း ကြောက်စရာကောင်းနေရသနည်း။

လျှိုဖန်းဟွာသည် ချင်ယွင်၏ အတွေးတွေကို မြင်ပုံရပြီး ပြုံးပြုံးရွှင်ရွှင် အမူအရာဖြင့် ပြောသည် "ဂျူနီယာ ညီလေး၊ ရှေးခေတ်နတ်ဘုရားကမ္ဘာကို ငရဲလို့ ခေါ်ရတဲ့အကြောင်းကို မင်း သိချင်နေတာ မဟုတ်လား"

ချင်ယွင် ခေါင်းညိတ်ပြလိုက်သည်။

ချင်ယွင် ခေါင်းညိတ်ပြသည်ကို မြင်တော့ လျှိုဖန်းဟွာသည် သူ့မျက်နှာပေါ်ရှိ အပြုံးက ပို၍ပင် ပီပြင်လာသည်။ သူက ပြုံးပြီး ပြောသည် "ငါတို့က မင်းကို ဖြစ်ပေါ်လာမယ့် အကျိုးဆက်ကနေ ရှောင်တိမ်းခွင့် မပြုနိုင်တော့ဘူး။ တကယ်တော့ ရှေးခေတ်နတ်ဘုရား ကမ္ဘာကို ငရဲလို့ခေါ်ရတဲ့ အကြောင်းရင်းက အဲဒီအန္တရာယ်တွေက ငရဲထက် မနိမ့်လို့ပဲ။ အသုရာဒေသမှာ ရှေးဟောင်းနတ်ဘုရားသားရဲ အပြားပြားရှိတဲ့အပြင်, ဘက်ပေါင်းစုံမှာ အုပ်စုငယ်များစွာလည်း ရှိနေကြတယ်။ သူတို့က တောင်ထိပ်တွေကို သိမ်းပိုက်ထားပြီး၊ လုယက်ရာမှာ အထူးပြု ကျွမ်းကျင်ကြတယ်။ အချိုအုပ်စုတွေက အတော်လေး အစွမ်းထက်တယ်။ ဒါကြောင့် နတ်ဘုရားကမ္ဘာကနေ ဖြတ်သန်းသွားလာကြတဲ့ ကျွမ်းကျင် သူ အများအပြားဟာ တကယ်လို့ ဂရုမစိုက်မိဘူးဆိုရင် ဒီနေရာမှာ သေကြေကြလိမ့်မယ်။"

"လုယက်တာလား…?" ချင်ယွင်သည် အံ့အားသင့်သည့် အမူအရာဖြင့် ထုတ်ဖော်ပြော ဆိုလိုက်သည်။

ဤသည်မှာ ဒဏ္ဍာရီထဲက တောင်တန်းသူခိုးတွေ မဟုတ်ဘူးလား၊ ရှေးခေတ် နတ်ဘုရား ကမ္ဘာမှာ ဓားပြတွေ ဘာကြောင့် ရှိနေရသေးတာလဲ။ လုယက်ရလောက်အောင် ထိုက်တန်တဲ့အရာက ဘာများဖြစ်မလဲ။ သူတို့နယ်ပယ်ရှိ လူများသည် ဘိုးဘေးနတ်ဘုရား အဆင့်ပစ္စည်းမှမဟုတ်လျှင်, ထိပ်တန်းအဆင့် နတ်ဘုရားပစ္စည်းကိုတောင် စိတ်မဝင် စားကြတော့ပါဘူး။ လုယက်ရလောက်အောင် ထိုက်တန်တဲ့အရာက ဘာများဖြစ်မလဲ။

“သူတို့က ဒီနေရာမှာ ကောင်းကင်ဘုံတန်ခိုးသလင်းကျောက်တုံးတွေအတွက် ရှိနေကြတာ ပဲ” ယုထန်းနူက ကြားဖြတ်ပြောလိုက်သည်။

“ကောင်းကင်ဘုံတန်ခိုးသလင်းကျောက်တုံး။ အဲဒါက ဘာလဲ” ချင်ယွင်က ထပ်မေးလိုက်ပါ သည်။

“ဒီကောင်းကင်ဘုံတန်ခိုး သလင်းကျောက်တုံးဆိုတာက ဒီရှေးခေတ်နတ်ဘုရားကမ္ဘာမှာ ထူးခြားပြီး ရှားပါးတဲ့ သလင်းကျောက်တစ်မျိုးပဲ။ ကောင်းကင်တောင်တန်းကို မရေမတွက် နိုင်တဲ့ ဥပဒေသကွင်းဆက်တွေနဲ့ ဖုံးလွှမ်းထားတဲ့ကြောင်းကို မင်း သိထားပြီးပြီ မဟုတ်လား" ယုထန်းနူက ပြောသည်။

ချင်ယွင်က ခေါင်းညိတ်ပြလိုက်သည်။ ယခင်က သူသည် ထိုကောင်းကင်တောင်ကို ကောင်းကင်နှင့်မြေကြီးက ဖြစ်ပေါ်လာသည့် မရေတွက်နိုင်သော ဉပဒေသကွင်းဆက် များဖြင့် ဖုံးလွှမ်းထားသည့် အကြောင်းကို အနည်းနှင့်အများဆိုသလို နားလည်ထားသည်။ ထိုဉပဒေသကွင်းဆက်များသည် အကန့်သတ်မဲ့ပြီး၊ ကောင်းကင်ဘုံတာအို၏ ပုံရိပ်များကို ကိုယ်စားပြုသည်။ တစ်စုံတစ်ယောက်သည် ထိုအထဲသို့ ဝင်ရောက်သွားသည်နှင့်, သူတို့သည် ထိုဉပဒေသများကို နားလည်ဆင်ခြင်နိုင်လိမ့်မည်။

သူတို့သည် တန်ခိုးကြီးသော ကောင်းကင်တောင်တန်းသို့ တတ်နိုင်သမျှ အမြန်ဆုံး ရောက်အောင် အပြေးအလွှား သွားနေရသည့် အကြောင်းအရင်းက ထိုအထဲသို့ ဝင်ရောက် ပြီး ကျင့်ကြံနိုင်ရန် ဖြစ်သည်။

“ဒါဆို ဒီတန်ခိုးကြီးတဲ့ ကောင်းကင်တောင်ဟာ မင်း ဝင်ချင်သလို ဝင်လို့ရတဲ့ နေရာ မဟုတ်ဘူးဆိုတာ မင်း သိသွားပြီ မဟုတ်လား။ တန်ခိုးကြီးတဲ့ ကောင်းကင်တောင်ထဲမှာ မရေမတွက်နိုင်တဲ့ ဥပဒေသကွင်းဆက်တွေ အများကြီး ရှိနေတယ်။ ဒါဆို ကောင်းကင်ဘုံ တာအိုရဲ့ဖိအားက ဘယ်လောက် ကြောက်စရာကောင်းလိုက်မလဲ။ မင်း ပိုပြီး နက်ရှိုင်းစွာ ဝင်ရောက်လေ, ဥပဒေသကွင်းဆက်တွေက ပိုထူထပ်လေဖြစ်ပြီး ဖိအားကလည်း ပိုပြီး ကြောက်စရာကောင်းလာလေပဲ။ ဘိုးဘေးနတ်ဘုရားအဆင့် ပညာရှင်တွေတောင် မဝင်ရဲ ကြဘူး။" ယုထန်းနူက ဆက်ပြောသည်။

"ဒါဆို အဲဒါက ကောင်းကင်ဘုံတန်ခိုး သလင်းကျောက်နဲ့ ဘာဆိုင်လို့လဲ" ချင်ယွင်က ဆက်မေးသည်။

ဥပဒေသကွင်းဆက်များက ကောင်းကင်ဘုံတာအို၏ ဖိအားကို ဖြစ်ပေါ်စေနိုင်သည် ဟူသော အချက်ကို ချင်ယွင်က တွေးထားပြီး ဖြစ်သည်။ သူ့နှလုံးသားထဲမှာ ထိုပြဿနာကို အမြဲတစေ တွေးတောနေခဲ့သည်။ အခု ယုထန်းနူ ပြောသည်ကို သူကြားလိုက်ရတော့ တခြားလူတွေကရော ထိုပြဿနာကို မည်သို့ ဖြေရှင်းကြမလဲဆိုသည့်အကြောင်းကို အရမ်း သိချင်နေခဲ့သည်။

"ကောင်းကင်ဘုံတာအိုရဲ့ ဖိအားက ကြောက်မက်ဖွယ်ကောင်းပေမယ့် အရာအားလုံးက ဆင်းသက်လာတာလို့ ပြောကြတယ်။ ပြီးတော့ ဤကောင်းကင်ဘုံတန်ခိုး သလင်းကျောက် တွေက ကောင်းကင်ဘုံတာအိုရဲ့ အဲဒီဖိအားကို ခံနိုင်ရည်ရှိတယ်။" ယုထန်းနူက ဆက်လက် ရှင်းပြသည်။

"ဘယ်လို?" ချင်ယွင်သည် အံ့သြသည့် အမူအရာကို ထုတ်ဖော်လိုက်ပါသည်။

"ကောင်းကင်ဘုံတန်ခိုး သလင်းကျောက်တွေထဲက စွမ်းအင်တွေကို ငါတို့ ခန္ဓာကိုယ်ထဲကို စုပ်ယူနေသမျှပေါ့။ မင်းမှာ ကောင်းကင်ဘုံတန်ခိုး သလင်းကျောက်တွေ ပိုများလေ, မင်းက ကောင်းကင်တောင်မှာ ပိုကြာကြာနေနိုင်လေဘဲ။ သေချာတာက, မင်း ပိုပြီးနက်ရှိုင်းတဲ့ အရပ်ကိုသွားလေ, မင်းမှာရှိတဲ့ ကောင်းကင်ဘုံတန်ခိုး သလင်းကျောက်တွေ ပိုကုန်ဆုံးလေ ပဲ။ ဒါကြောင့်၊ ရှေးခေတ်နတ်ဘုရားကမ္ဘာမှာ လူတိုင်းက ကောင်းကင်ဘုံတန်ခိုး သလင်းကျောက်တွေကို အဖိုးတန်ဆုံး ရတနာတွေအဖြစ် တန်ဖိုးထားကြတာက, လူတိုင်း ကောင်းကင်တောင်ထဲ ဝင်ရောက်ပြီး စစ်မှန်သော အဓိပ္ပာယ်ရဲ့ ဉပဒေသတွေကို နားလည် ဆင်ခြင်နိုင်ဖို့ပဲ” ယုထန်းနူက ဆိုသည်။

"အဲဒါကြောင့်လား.." ချင်ယွင်၏ မျက်နှာသည်လည်း ရုတ်တရက် ဉာဏ်အလင်းပွင့်သွား သည်မှာ ထင်ရှားပါသည်။

လူတိုင်းသည် တန်ခိုးကြီးသော ကောင်းကင်တောင်တွင် ကျင့်ကြံပြီး စစ်မှန်သော အဓိပ္ပာယ်၏ ဉပဒေသကွင်းဆက်များကို နားလည်ဆင်ခြင်နိုင်ရန် ရှေးခေတ်နတ်ဘုရား ကမ္ဘာတွင် နေထိုင်ခဲ့ကြသည်။ သို့သော်လည်း ကောင်းကင်ဘုံတန်ခိုး သလင်းကျောက်များ မပါဘဲ တန်ခိုးကြီးသော ကောင်းကင်တောင်သို့ ဝင်ရောက်ရန်မှာ မဖြစ်နိုင်ပေ။ ရလာဒ်အနေဖြင့်၊ ကောင်းကင်ဘုံတန်ခိုး သလင်းကျောက်များသည် သဘာဝအတိုင်း အလွန်မင်း အဖိုးတန်လာပေလိမ့်မည်။

နောက်ဆုံးတွင်၊ သူတို့၏အဆင့်မှာ, အစွမ်းထက်သော အစစ်မှန် အဓိပ္ပာယ် ဥပဒေသ ကွင်းဆက်များကို နားလည်ဆင်ခြင်နိုင်မှသာလျှင် ၎င်းတို့၏ခွန်အားကို တိုးမြင့်လာစေမည် ဖြစ်သည်။

"ဒီလိုဆို, ငါတို့လည်း ကောင်းကင်ဘုံတန်ခိုး သလင်းကျောက်ကို အရင်ရှာဖို့ လိုသေးတယ် မဟုတ်လား" ချင်ယွင်က ယုထန်းနူနှင့် တခြားသူတွေကို ကြည့်ပြီး ပြောလိုက်သည်။

'"မှန်တယ်။ ကောင်းကင်ဘုံတန်ခိုး သလင်းကျောက်တွေရဖို့ ကိုယ့်ကိုကိုယ် အားကိုးရ မယ်။ နတ်ဘုရားနန်းတော်ကြီးလေးခုက ငါတို့ကို ကောင်းကင်ဘုံတန်ခိုး သလင်းကျောက် တွေနဲ့ လဲလှယ်ဖို့ မစ်ရှင်တွေ ထုတ်ပေးပေမယ့်၊ ငါတို့ ဒီထက်ပိုပြီး ကောင်းကင်ဘုံတန်ခိုး သလင်းကျောက်တွေကို ရယူချင်ရင်တော့ ငါတို့အချင်းချင်း လုယက်မှရမယ်။" ယုထန်းနူ ခေါင်းညိတ်လိုက်သည်။

ချင်ယွင်က ခေါင်းညိတ်လိုက်သည်။ ကောင်းကင်ဘုံတန်ခိုး သလင်းကျောက်များ ရရှိသည့် ဤနည်းလမ်းသည် အမှန်တကယ်ပင် နှေးကွေးလွန်းလှသည်။ သတ်ဖြတ်လုယက်ခြင်းဖြင့် သာ ၎င်းကို မြန်မြန်ရယူနိုင်လိမ့်မည်။

"နောက်ထပ် မေးစရာ ရှိသေးတယ်။ ဒီကောင်းကင်ဘုံတန်ခိုး သလင်းကျောက်က ဘယ်က ရောက်လာတာလဲ။" ချင်ယွင်က မေးသည်။

"ကောင်းကင်ဘုံတန်ခိုး သလင်းကျောက်ဟာ ကောင်းကင်တောင်ရဲ့ အနက်ရှိုင်းဆုံး အပိုင်း ကနေ လာတာပဲ။ အဲဒါကို အခြာလူတွေ မပြောနဲ့၊ ဘိုးဘေးနတ်ဘုရားတွေတောင် မသိကြဘူး။" ယခုတစ်ကြိမ်တွင် ချင်ယွင်ကို ပြောပြသည့်လူက ယုထန်းနူ မဟုတ်တော့ဘဲ နှုတ်ဆိတ်နေသော ဝူဒေါင်ဇီ ဖြစ်သည်။

ဝူဒေါင်ဇီ၏ စကားကိုကြားတော့ ချင်ယွင်၏မျက်နှာသည် နားလည်သွားသည့် အရိပ် အယောင် ပေါ်လာသည်။

ကောင်းကင်ဘုံတန်ခိုး သလင်းကျောက်တွေက ကောင်းကင်ဘုံတာအို၏ ဖိအားကို ခံနိုင်ရည်ရှိနေသည်မှာ အံ့သြစရာ မရှိတော့ပါဘူး။ ၎င်းတို့၏ မူလအရင်းမြစ်က ကောင်းကင်တောင်၏ အနက်ရှိုင်းဆုံးအပိုင်းမှ လာခြင်း ဖြစ်နေသည်။