အခန်း ၁၆၃၃

အခန်း (၁၆၃၃) ဒွမ်ဟွန်ချန်

"ရှေးဟောင်းကောင်းကင်ဘုံလျှပ်စီးသစ်သီးဆိုတာက သစ်ပင်ပေါ်မှာ ပေါက်တာ မဟုတ်ဘူး။ ဖရိုဖရဲလျှပ်စီးနဲ့ ပြုစုပျိုးထောင်ပေးထားတဲ့ သစ်သီးတစ်လုံးပဲ။ ဒါကို ဖရိုဖရဲ လျှပ်စီးအနှစ်သာရလို့ ဆိုနိုင်တယ်။ ပုံမှန်အတိုင်းဆို, ရှေးဟောင်းကောင်းကင်ဘုံ လျှပ်စီး သစ်သီးတစ်လုံး သိပ်သည်းနိုင်ဖို့ နှစ်သန်းပေါင်း ရာနှင့်ချီ, ဒါမဟုတ် ကုဋေပေါင်း များစွာ ကြာမြင့်နိုင်တယ်။ ဒါက အကြီးမြတ်ဆုံး ရတနာတစ်ခုပဲ။" လျှိုဘိုက ရှင်းပြသည်။

“အဲလိုလား။ ဒါဆို ဒီရှေးဟောင်းကောင်းကင်ဘုံလျှပ်စီးသစ်သီးက တကယ်ကို အဖိုးတန်တာပဲ” ချင်ယွင် ခေါင်းညိတ်လိုက်သည်။

ဖရိုဖရဲလျှပ်စီးသည် စကြာဝဠာတစ်ခုလုံးတွင် အစွမ်းထက်ဆုံးသော လျှပ်စီးများထဲမှ တစ်ခု ဖြစ်သည်။ စကြာဝဠာကြီးသည် အလွန်ကျယ်ပြောပြီး အံ့ဩစရာများဖြင့် ပြည့်နှက်နေ သည်။ ဤရှေးဟောင်းကောင်းကင်ဘုံလျှပ်စီးသစ်သီးကို မွေးဖွားခြင်းသည် သဘာဝ၏ အံ့ဖွယ်တစ်ခု ဖြစ်ပြီး၊ စကြဝဠာတစ်ခုလုံးတွင် ဤတစ်မျိုးတည်းသာ ရှိနိုင်ဖွယ် ရှိသည်။

"ဟား..၊ ဟား…၊ ကောင်းလိုက်တာ။ ဒီရှေးဟောင်းကောင်းကင်ဘုံ လျှပ်စီးသစ်သီးနဲ့ဆို၊ ငါ့ခန္ဓာကိုယ်က မကြုံစဖူးအဆင့်ကို ရောက်ရှိသွားမှာ သေချာတယ်။" ပင်လယ်နတ်ဆိုး ဘုရင်က ဟက်ဟက်ပက်ပက် ရယ်မောလိုက်သည်။ ဤရှေးဟောင်းကောင်းကင်ဘုံ လျှပ်စီးသစ်သီးကို သူ အလွန်မင်း ကျေနပ်နေပါသည်။

အုပ်စိုးရှင်ကောင်းကင်နန်းတော်၏ နန်းတော်သခင်လည်း ကျေနပ်သည့် အပြုံးတစ်ခုကို ထုတ်ဖော်လိုက်ပါသည်။ ပင်လယ်နတ်ဆိုးဘုရင်သည် သူ၏ ရတနာကို သေချာပေါက် စိတ်ဝင်စားမည်ကို သူသိသည်။

ပတ်ဝန်းကျင်မှ လူတွေလည်း စိတ်ခံစားချက်များဖြင့် ပြည့်နှက်နေသည်။ အုပ်စိုးရှင် ကောင်းကင်နန်းတော်၏ နန်းတော်သခင်သည် ဤမျှ အဖိုးတန်သော ရတနာကို အမှန်တကယ် ထုတ်ပေးလိမ့်မည်ဟု သူတို့ မမျှော်လင့်ခဲ့ကြပေ။

"ဟေး၊ အုပ်စိုးရှင်ကောင်းကင်နန်းတော်ရဲ့ နန်းတော်သခင် ကိုယ်တိုင်တောင် လာနေပြီလို့ မင်းပြောတယ်။ ကျန်တဲ့ နန်းတော်သခင် ခြောက်ယောက်လည်း လာမှာလား။"

"လာနိုင်ချေများမယ်ထင်တယ်"

“နောက်ထပ် ဘယ်လိုရတနာမျိုးတွေ ထွက်ပေါ်လာမလဲဆို ငါ သိချင်မိတယ်။

…

ထိုအခိုက်တန့်တွင်, ခန်းမတစ်ခုလုံးမှာ ဆွေးနွေးမှုများဖြင့် ပြည့်နှက်နေသည်။ ပို၍ အရေးပါသည့် ရတနာတွေ ထွက်ပေါ်လာဦးမလားဆိုတာ လူတိုင်းက စောင့်မျှော်နေကြ သည်။

"ဟမ့်၊ ရှေးဟောင်းကောင်းကင်ဘုံလျှပ်စီးသစ်သီးက နှိုင်းမဲ့ရတနာတစ်ခု ဖြစ်နေပြီလေ။ ဒီရတနာထက် ဘယ်ရတနာက ပိုအဖိုးတန်မှာလဲ" အုပ်စိုးရှင်ကောင်းကင်နန်းတော် နန်းတော်၏ နန်းတော်သခင်က အေးစက်စွာ အော်ပြောလိုက်သည်။ ပတ်ဝန်းကျင်မှ လူများ၏ ဆွေးနွေးမှုတွေကို မကျေမနပ် ဖြစ်နေသည်မှာ ထင်ရှားသည်။

ပတ်ဝန်းကျင်က လူတွေအားလုံးလည်း စကားပြန်မပြောရဲတော့ဘဲ ချက်ချင်း ငြိမ်ကျသွား သည်။

"ရှေးဟောင်းကောင်းကင်ဘုံလျှပ်စီးသစ်သီးက တကယ်ကို အံ့သြစရာကောင်းပေမယ့် အနှိုင်းမဲ့တော့ မဟုတ်သေးပါဘူး”။

သို့သော် ထိုအချိန်တွင် ခန်းမအပြင်ဘက်မှ ကျယ်လောင်သော အသံတစ်ခု ထွက်ပေါ်လာ သည်။ ထို့နောက် မုတ်ဆိတ်ရှည်နှင့် အဘိုးအိုတစ်ဦး ခန်းမအတွင်းမှာ ပေါ်လာသည်။

"ဆရာကြီး"

ထောင့်မှာရပ်နေသည် လင်ဒေါင်က အံ့သြစွာ အော်ခေါ်လိုက်သည်။

သူက လင်ဒေါင်ရဲ့ဆရာသခင်လား။

ချင်ယွင်၏ အကြည့်များသည် အဘိုးကြီးအပေါ်သို့ ကျရောက်သွားကာ သူ့အကြည့်တွေက မသိစိတ်ကြောင့် အေးစက်သွားခဲ့သည်။

လင်ဒေါင်၏ဆရာသခင်သည် နတ်ဘုရားတစ်ရာညစာစားပွဲ၌ ပေါ်လာမည်ဟု သူ မှန်းဆ ထားပြီးဖြစ်သော်လည်း၊ ထိုပုဂ္ဂိုလ်ပေါ်လာသည့်အခိုက်မှာပင်, ချင်ယွင်ကို သတ်ဖြတ်လို သည့်ဆန္ဒကို ဖြစ်ပေါ်စေခဲ့သည်။

ဤလင်ဒေါင်၏ ဆရာသခင်၏ စွမ်းအားသည် အုပ်စိုးရှင်ကောင်းကင်နန်းတော်၏ နန်းတော်သခင်နှင့် အတူတူပင်။ သူတို့နှစ်ဦးစလုံးသည် ကောင်းကင်နတ်ဘုရားနယ်ပယ်၏ အထွတ်အထိပ်တွင် ရှိကြသည်။ သို့သော်လည်း ချင်ယွင်သည် လင်ဒေါင်၏ ဆရာသခင် ထံမှ ထူးဆန်းသော စွမ်းအားတစ်ခုကို ခံစားနိုင်သေးသည်။ ဤစွမ်းအားသည် ပင်လယ် နတ်ဆိုးဘုရင်နှင့်ပင် နှိုင်းယှဉ်နိုင်ပြီး အလွန်မင်း ကြောက်စရာကောင်းသည်။

"တကယ်ကို နတ်ဆိုးကောင်းကင်နန်းတော်ရဲ့ နန်းတော်သခင် ဒွမ်ဟွန်ချန်ပဲ။ သူလည်း တကယ်ကို ရောက်လာတာပဲ"

"မှန်တယ်။ နတ်ဆိုးကောင်းကင်နန်းတော်ဟာ ကောင်းကင်နန်းတော်ခုနစ်ခုထဲမှာ အမြဲ လျှို့ဝှက်ဆန်းကြယ်ဆုံးပဲ မဟုတ်လား။ နတ်ဆိုးကောင်းကင်နန်းတော်ရဲ့ နန်းတော်သခင် က ဒီနေရာမှာ အမှန်တကယ် ပေါ်လာလိမ့်မယ်လို့ ငါ မမျှော်လင့်ထားခဲ့ဘူး။"

…

ပတ်ဝန်းကျင်မှ လူများ၏ တီးတိုးအသံတွေက ထပ်မံ ထွက်ပေါ်လာသည်။

"ဒွမ်ဟွန်ချန်၊ မင်းက ရှေးဟောင်းကောင်းကင်ဘုံလျှပ်စီးသစ်သီးထက် သာလွန်တဲ့ ရတနာကို ထုတ်ယူနိုင်မယ်လို့ ဆိုလိုတာလား။" အုပ်စိုးရှင်ကောင်းကင်နန်းတော်၏ နန်းတော်သခင် ရှင်းယုထန်က ဒွမ်ဟွန်ချန်ကို အထင်သေးလိုကြည့်ရင်း အေးစက်စွာ ပြောလိုက်သည်။

"ငါ့ရဲ့ရတနာက ရှေးဟောင်းကောင်းကင်ဘုံလျှပ်စီးသစ်သီးလောက် အဖိုးမတန်ပေးမယ့် လက်တွေ့ကျကျပြောရရင် မင်းရဲ့ရှေးဟောင်းကောင်းကင်ဘုံလျှပ်စီးသစ်သီးထက်တောင် ပိုတန်ဖိုးရှိနိုင်တယ်" ဒွန်ဟွန်ချန်က ပြောသည်။

"ချီစကားမပြောနဲ့၊ အဖိုးတန်ရတနာဆိုလည်း အဖိုးတန်ရတနာပေါ့။ ဘယ်လုပ်လုပ် အသုံးမဝင်ဘဲ ရှိမလဲ။” အုပ်စိုးရှင်ကောင်းကင်နန်းတော်ရဲ့ နန်းတော်သခင်က ဒေါသတကြီး ကျိန်ဆဲလိုက်ပါသည်။ ရှင်းနေသည်မှာ သူသည် ဒွမ်ဟွန်ချန်၏စကားများကို သဘောမတူ ပေ။ တဖက်လူက စင်ပေါ်ရောက်မှ ရိုက်ချခဲ့နေသည်ဟု သူ ယုံကြည်ထားသည်။

ဒွမ်ဟွန်ချန်လည်း စိတ်မဆိုးပါဘူး။ "ရှေးဟောင်းကောင်းကင်ဘုံ လျှပ်စီးသစ်သီးက တကယ်ကို အနှိုင်းမဲ့ အဖိုးတန်တဲ့ ရတနာတစ်ခုပါ။ ဒါပေမယ့်, ရှေးဟောင်း ကောင်းကင်ဘုံ လျှပ်စီးသစ်သီးက ရိုင်းစိုင်းလွန်းလှတယ်။ အထွက်အထိပ် ကောင်းကင်နတ်ဘုရားအဆင့်ရှိ နတ်ဆိုးသားရဲတွေတောင် ရှေးဟောင်းကောင်းကင်ဘုံလျှပ်စီးသစ်သီးရဲ့ စွမ်းအင်ကို စုပ်ယူ ဖို့အတွက် အခက်တွေ့ကြလိမ့်မယ်။ တကယ်လို, အတင်းအကြပ် စုပ်ယူမယ်ဆိုရင်လည်း, သူတို့ခန္ဓာကိုယ်တွေ ပေါက်ကွဲသွားလိမ့်မယ်။ မဟုတ်ရင်, မင်းရဲ့အုပ်စိုးရှင်ကောင်းကင် နန်းတော်က ဒီလောက်ကောင်းတဲ့ ရတနာကို ဘာလို့ အသုံးပြုမှာလဲ"

ဒွမ်ဟွန်ချန်သည် ထိုစကားများကို ပြောပြီးသည်နှင့် အားလုံးက အုပ်စိုးရှင် ကောင်းကင် နန်းတော်၏ နန်းတော်သခင်ကို ချက်ချင်း ကြည့်ကြသည်။

ပင်လယ်နတ်ဆိုးဘုရင်ပင်လျှင် အုပ်စိုးရှင်ကောင်းကင်နန်းတော်၏ နန်းတော်သခင်အား မေးခွန်းထုတ်သော မျက်လုံးများဖြင့် ကြည့်နေ၏။

ထိုစကားကိုကြားတော့ အုပ်စိုးရှင်ကောင်းကင်နန်းတော်၏ နန်းတော်သခင်သည် ဒွမ်ဟွန်ချန်ကို အဆိပ်ပြင်းသည့် နာကြည်းမှုများဖြင့် ချက်ချင်း ကြည့်လိုက်ပါသည်။ ထင်ရှားသည်မှာ၊ ဒွမ်ဟွန်ချန်၏ စကားများက သူ့အနာပေါ် ထိခိုက်စေခဲ့သည်။

မှန်ပါသည်။ ဤရှေးဟောင်းကောင်းကင်ဘုံ လျှပ်စီးသစ်သီးသည် ရှားပါးရတနာဖြစ်သော် လည်း၊ ဤရတနာ၏ စွမ်းအားသည် အမှန်တကယ် လွှမ်းမိုးကြီးစိုးလွန်းပါသည်။ သာမန် ကောင်းကင်နတ်ဘုရားနယ်ပယ် ပညာရှင်များသည် ၎င်းကို အမှန်တကယ် စုပ်ယူနိုင်ခြင်း မရှိပေ။ ဘိုးဘေးနတ်ဘုရားနယ်ပယ် ကျွမ်းကျင်ပညာရှင်များသာ ရှေးဟောင်း ကောင်းကင်ဘုံလျှပ်စီးသစ်သီး၏ အကျိုးသက်ရောက်မှုကို စုပ်ယူနိုင်မည် ဖြစ်သည်။ အကယ်၍, ဘိုးဘေးနတ်ဘုရားအဆင့် ကျွမ်းကျင်ပညာရှင်များပင် ၎င်းကို အပြင်းထန် စုပ်ယူလိုက်မည်ဆိုလျှင် သူတို့ခန္ဓာကိုယ်သည် ချက်ချင်း ပေါက်ကွဲသွားနိုင်သည်။ ဤသည် မှာ သူကိုယ်တိုင် ရှေးဟောင်းကောင်းကင်ဘုံလျှပ်စီးသစ်သီးကို မစားသုံးရခြင်း၏ အကြောင်းရင်းလည်း ဖြစ်သည်။

"အုပ်စိုးရှင်ကောင်းကင်နန်းတော်ရဲ့ နန်းတော်သခင်၊ ဒီရှေးဟောင်းကောင်းကင်ဘုံ လျှပ်စီး သစ်သီးက အရမ်းကို ကြီးစိုးလွန်းနေတယ်။ မင်း ​​ဘာလို့ ပွင့်ပွင့်လင်းလင်း မပြောခဲ့တာလဲ။ မင်း ငါ့ကို အန္တရာယ်ပြုဖို့ ကြိုးစားနေတာလား။" ပင်လယ်နတ်ဆိုးဘုရင်သည် အုပ်စိုးရှင် ကောင်းကင်ဘုံနန်းတော် နန်းတော်သခင်၏ မျက်နှာပေါ်ရှိ အရိပ်အယောင်ကို မြင်လိုက် သောအခါတွင် သူ၏မျက်လုံးများက အေးစက်သွားပြီး၊ ချက်ချင်းပင် အေးစက်စက် မေးခွန်း ထုတ်လိုက်သည်။

"အရှင် ပင်လယ်နတ်ဆိုးဘုရင်၊ ငါက မင်းကို ဘယ်လိုလုပ် အန္တရာယ်ပြုဝံ့မှာလဲ။ ဒီ ရှေးဟောင်း ကောင်းကင်ဘုံလျှပ်စီးသစ်သီးက တကယ့်ကို ရက်စက်ကြမ်းကြုတ်ပေမယ့် ဒွမ်ဟွန်ချန် ပြောသလောက်လည်း မဟုတ်နိုင်ပါဘူး။ တကယ်တော့ ဒီစကားက ဒွမ်ဟွန်ချန်က မင်းကို တမင်တကာ နှိုးဆော်ပေးနေတာပါ" အုပ်စိုးရှင် ကောင်းကင် နန်းတော်၏ နန်းတော်သခင်က ကမန်းကတန်း ရှင်းပြသည်။

သို့သော် ပင်လယ်နတ်ဆိုးဘုရင်သည် အုပ်စိုးရှင်ကောင်းကင်နန်းတော် နန်းတော်သခင်၏ စကားကို လျစ်လျူရှုပြီး၊ ရှေးဟောင်းကောင်းကင်ဘုံလျှပ်စီးသစ်သီးအပေါ် စိတ်ဝင်စားမူ လုံးဝ ပျောက်ဆုံးသွားခဲ့သည်။

ထိုမြင်ကွင်းကို မြင်တော့ အုပ်စိုးရှင်ကောင်းကင်နန်းတော်၏ နန်းတော်သခင်သည် မကျေနပ်သည့် အရိပ်အယောင်ကို ထုတ်ဖော်လိုက်ပါသည်။ ထို့နောက် သူသည် မကျေမနပ် မျက်နှာဖြင့် ဒွမ်ဟွန်ချန်ကို ကြည့်လိုက်သည်။

ဒွမ်ဟွန်ချန်က အုပ်စိုးရှင်ကောင်းကင်နန်းတော်၏ နန်းတော်သခင်ကို လှောင်ပြောင်ဟန် ဖြင့် ရယ်မောလိုက်ပါသည်။

ချင်ယွင်လည်း အနည်းငယ် အံ့သြသွားသည်။ ယခုလေးတင်၊ သူသည် ဤရှေးဟောင်း ကောင်းကင်ဘုံလျှပ်စီးသစ်သီးသည် အလွန်ကောင်းသည်ဟု ခံစားမိသော်လည်း ကောင်းကင်နတ်ဘုရားနယ်ပယ် ကျွမ်းကျင်သူများသည် ၎င်းကို စုပ်ယူနိုင်စွမ်းမရှိဟု သူ မမျှော်လင့်ထားပေ။ ဤအရာက တကယ်ကို ဝမ်းနည်းစရာကောင်းလွန်းပါသည်။

"ကောင်စုတ်လေး၊ တခြားလူတွေ စုပ်လို့မရပေမယ့် မင်းက လုပ်နိုင်တယ်လေ။ မင်းရဲ့ အမှောင်နတ်ဆိုးနဂါးကိုယ်ပွားဟာ ဘိုးဘေးနတ်ဘုရားအဆင့် ရုပ်ခန္ဓာကိုယ်တစ်ခုဆိုတာ ကို မင်း မေ့သွားပြီလား။ ဒါကြောင့် ဒီကောင်းကင်နတ်ဘုရားတွေက အဲဒါကို စုပ်ယူလို့ မရပေမယ့် မင်း လုပ်နိုင်တယ်။" လျှိုဘို၏အသံသည် ချင်ယွင်၏ စိတ်ထဲတွင် ထွက်ပေါ် လာသည်။

"မှန်တယ်။ ငါဘာလို့ မစဉ်းစားမိတာလဲ" ချင်ယွင်၏ မျက်လုံးများသည် ချက်ချင်းပင် တောက်ပလာသည်။

သူ၏ အမှောင်နတ်ဆိုးနဂါးကိုယ်ပွားသည် ဘိုးဘေးနတ်ဘုရားတစ်ပါး၏ ရုပ်ခန္ဓာကိုယ် ဖြစ်သည်။ ထို့အပြင်၊ သူ၏အမှောင်နတ်ဆိုးနဂါးသည် မူလကတည်းက နတ်ဘုရား လျှပ်စီးများကို ဝါးမြိုနိုင်သည့် လျှပ်စီးစွမ်းရည် နတ်ဘုရားသားရဲတစ်ကောင် ဖြစ်သည်။ ဤ ကောင်းကင်ဘုံလျှပ်စီးသစ်သီးသည် သူ့အတွက် အလွန်အရေးကြီးသော ဖြည့်စွက်စာ ဖြစ်သည်။

"ဒါဆို ဒီရှေးဟောင်းကောင်းကင်ဘုံလျှပ်စီးသစ်သီးကို စားလိုက်လို့ ဘာအကျိုးရှိမလဲ။" ချင်ယွင်က အသံလွှင့်ကာ ဆက်မေးသည်။

သို့သော် လျှိုဘိုက စိတ်ပိုင်းဆိုင်ရာ ပို့လွှတ်ရင်း "ဒါတော့ ငါမသိဘူး။ ငါလည်း အရင်က ဒီအရာကို တစ်ခါမှ မမျိုမချဖူးဘူး။ ဒါပေမယ့် မင်း အဲဒါကို သန့်စင်နိုင်ခဲ့ရင် မမျှော်လင့်ထား တဲ့ အကျိုးကျေးဇူးတွေ သေချာပေါက် ရလာပါလိမ့်မယ်"

ချင်ယွင်၏မျက်လုံးများက ချက်ချင်းပင် အရောင်ဖျော့သွားသည်။ လျှိုဘိုသည် ထိုစကားများကို မပြောခဲ့တာမှ ပိုကောင်းပါဦးမည်။ ထိုစကားက လုံးဝ အသုံးမဝင်ပေ။

"ကြည့်ရတာ, ငါတို့ ဒီရှေးဟောင်းကောင်းကင်ဘုံလျှပ်စီးသစ်သီးကို ရရှိနိုင်ဖို့ အခွင့်အရေး ရှိမယ့်ပုံပဲ။" ချင်ယွင်က သူ့ကိုယ်သူ တွေးနေသည်။

ချင်ယွင်သည် လျှိုဘိုနှင့် ဆွေးနွေးနေချိန်တွင်၊ အုပ်စိုးရှင်ကောင်းကင်ဘုံနန်းတော်၏ နန်းတော်သခင်သည် ဒွမ်ဟွန်ချန်နှင့် ထပ်မံ စကားစစ်ထိုးနေကြသည်။

အုပ်စိုးရှင်ကောင်းကင်နန်းတော်၏ နန်းတော်သခင်က ဒွမ်ဟွန်ချန်ကို ဒေါသတကြီး လက်ညှိုး ထိုးပြီး ပြောသည် "ဟမ့်၊ အဘိုးကြီး၊ ငါ့ရဲ့ ရှေးဟောင်းကောင်းကင်ဘုံ လျှပ်စီး သစ်သီးက လက်တွေ့မကျဘူးလို့ မင်းပြောခဲ့တာ မဟုတ်ဘူးလား။ ဒါဆို မင်းကရော ဘယ်လို ရတနာတွေ ယူလာတာလဲ။ မင်း ဘာလို့ ထုတ်မပြတာလဲ။ ငါတို့ ကြည့်ရအောင်"

ဒွမ်ဟွန်ချန်၏ နှုတ်ခမ်းများက အပြုံးတစ်ခုအဖြစ် တွန့်ကွေးသွားပြီး၊ သူ့မျက်လုံးများက ယုံကြည်မှု အငွေ့အသက်ကို ပေါ်လွင်စေသည်။