အခန်း ၁၆၄၉

အခန်း (၁၆၄၉) ရွှဲ့ခိုင်၏တောင်းဆိုချက်

သူတို့သုံးယောက် ထွက်သွားပြီးနောက် ချင်ယွင်သည် ကောင်းကင်လေပြင်း ချောက်ကမ်းပါးဆီသို့ ပြေးသွားခဲ့သည်။

သူသည် ဤဒုတိယမစ်ရှင်ကို အပြီးသတ်ရန် ကောင်းကင်နတ်ဆိုးသစ်သီးကို လုယူရမည် ဖြစ်သည်။

ပထမ မစ်ရှင်က ပြီးသွားခဲ့ပြီ။ အနည်းငယ် တုန်လှုပ်ချောက်ချားခဲ့ရသော်လည်း နောက်ဆုံးရလာဒ်မှာ ကောင်းမွန်နေဆဲ ဖြစ်သည်။ ပင်လယ်နတ်ဆိုးဘုရင်၏ နတ်ဆိုး အမြုတေသည် ယခုအခါ သူ့သိုလှောင်လက်စွပ်ထဲတွင် ရှိနေသည်။

ကံမကောင်းစွာပင်၊ သူ့မှာ အမှောင်နတ်ဆိုးနဂါးကိုယ်ပွား မရှိတော့သဖြင့် သူ၏စွမ်းအား သည် အလွန်မင်း လျော့ကျသွားခဲ့သည်။ ကောင်းကင်နတ်ဆိုးသစ်သီးကို သိမ်းပိုက်ရန် သူ့အတွက် အလွန်ခက်ခဲပေလိမ့်မည်။

သို့သော် သူဘာမှ မတတ်နိုင်ခဲ့ပါ။ ယခုအချိန်တွင် သူသည် တစ်ကြိမ်လျှင် ခြေတစ်လှမ်း သာ လှမ်းနိုင်တော့သည်။ နောက်ဆုံးတွင်, သူ့အမှောင်နတ်ဆိုးနဂါးကိုယ်ပွားကို မဟူရာ ကမ္ဘာက သိမ်းပိုက်ထားခဲ့သည်။

သို့သော် ချင်ယွင်သည် ဝေးဝေးမသွားနိုင်ခင်မှာ လူတစ်ဦးက သူ့လမ်းကြောင်းကို ပိတ်ဆို့ခဲ့ သည်။ ဤလူသည် ပင်လယ်နတ်ဆိုးနန်းတော်တွင် ကြုံတွေ့ခဲ့ရသော ရွှဲ့ခိုင်မှ လွဲ၍ အခြားသူ မဟုတ်ပေ။

"နောက်ဆုံးတော့ မင်း ဒီကို ရောက်လာပြီပဲ။ ငါ မင်းကိုစောင့်နေတာ ကြာလှပြီ" ရွှဲ့ခိုင်က ပြုံးပြီး ချင်ယွင်ကို တွေ့သည့်အခိုက်မှာ ပြောလိုက်သည်။

"ကျွန်တော် ဒီကိုဖြတ်သွားမယ်ဆိုတာ စီနီယာ ဘယ်လိုသိတာလဲ" ချင်ယွင်က အံ့သြစွာ မေးလိုက်သည်။

ဤရွှဲ့ခိုင်သည် သူ့ကို ဤနေရာ၌ စောင့်နေသည်မှာ အတော်ကြာပြီဖြစ်ကြောင်း သိသာ သော်လည်း သူ အရမ်းကို သိချင်နေမိသည်။ သူ ဒီနေရာကနေ ဖြတ်ကျော်သွားမည့် အကြောင်းကို ဤရွှဲ့ခိုင်က မည်သို့ သိနေသနည်း။ မဟူရာကမ္ဘာနှင့် အခြားသူများ ထွက်ခွာသွားမည်ကို သူ မည်သို့ သိနေသနည်း။

ရွှဲ့ခိုင်သည် ချင်ယွင်၏အမေးကို ကြားတော့ သူက ပြုံးပြီး ပြောသည် နဂါးချောက်နက် ပင်လယ်ကနေ တိုက်ကြီးဆီကိုသွားဖို့ လမ်းကြောင်းနှစ်ခုပဲ ရှိတယ်။ တစ်ခုက အင်မော်တယ်တောင်ကို သွားတာပဲ။ နောက်တစ်ခုကတော့ ဧရာမနတ်ဘုရားတိုက်ကြီးကို ပြန်သွားရမယ်။ ငါ ဖန်လုံမှတ်စုကို ဖတ်ဖူးတော့, မှတ်တမ်းတင်ထားတဲ့နေရာက အင်မော်တယ်တောင်ဆိုတာ ငါ သိတယ်။ ဒါကြောင့်, မင်း အင်မော်တယ်တောင်ကို မသွားဖူးဆိုမှတော့ ဒီနေရာကနေ ဖြတ်သွားလိမ့်မယ်လို့ ငါ တွေးလိုက်တယ်။”

"အိုး၊ ကျွန်တော် အင်မော်တယ်တောင်ကို မသွားဘူးဆိုတာ ဘယ်လိုသိတာလဲ" ချင်ယွင်က စိတ်ဝင်တစား ပြောလိုက်ပါသည်.

ရွှဲ့ခိုင်က ထပ်ပြုံးပြပြီး ပြောသည် "မသိဘူး၊ ငါ ခန့်မှန်းကြည့်တာပါ"

ချင်ယွင်က စကားမပြောနိုင် ဖြစ်သွားရသည်။ ဤရွှဲ့ခိုင်သည် တကယ်ကို ကံကောင်းလွန်း သည်။ သူသည် မှန်မှန်ကန်ကန် ခန့်မှန်းနိုင်ခဲ့သည်။

"ဒါဆို စီနီယာက ဘာလို့ ဒီမှာ လာစောင့်နေတာလဲ။" ချင်ယွင်က ဆက်မေးသည်။

ချင်ယွင်မှာ ရွှဲ့ခိုင်နှင့်ပတ်သက်၍ ကြိုတင်အစီအစဉ်အချို့ ရှိနေသည်။ ဤလူမှာ လျှို့ဝှက်ချက်တွေ အများကြီးရှိနေသည်ဟု သူအမြဲတမ်း ခံစားခဲ့ရသည်။ ယခုအချိန်တွင် သူ့စွမ်းအားသည် နှောင်းပိုင်း ကောင်းကင်နတ်ဘုရားအဆင့်တွင်သာ ရှိသေးသည်။ သူသည် ရွှဲ့ခိုင်အတွက် သေချာပေါက် ပြိုင်ဖက်မဟုတ်ပေ။ အကယ်၍, ရွှဲ့ခိုင်သာ သူ့ကို တိုက်ခိုက်ခဲ့လျှင်, သေခြင်းတရားက တကယ်ပဲ သူ့ကို စောင့်မျှော်နေလိမ့်မည်။

"တကယ်တော့ မင်းနောက်ကို လိုက်ချင်တာကြောင့် မင်းကိုရှာဖို့လာခဲ့တာပဲ" ရွှဲ့ခိုင်က ပြုံးပြီး ပြောသည်။

"ကျွန်တော့်နောက်ကို လိုက်ဖို့လား" ချင်ယွင် အံ့အားသင့်သွားသည်။ ကိုယ့်နားကိုပင် သံသယဝင်လုနီးပါးပင်။

လက်ရှိ ရွှဲ့ခိုင်သည် သူ့ထက်ပင် ပို၍ အစွမ်းထက်ကြောင်း သိထားရမှာဖြစ်ပြီး သူ့ကို သတ်ဖြတ်ခြင်းသည် လက်ဖဝါးကို လှန်လိုက်သကဲ့သို့ လွယ်ကူသည်။ သူသည် ယခင်က ပြင်းထန်သော တိုက်ခိုက်ရေးစွမ်းရည်ကို ပြသခဲ့သော်လည်း၊ ၎င်းသည် သူကိုယ်ပွား ကြောင့်ဟု လူတိုင်း ပြောနိုင်ပါသည်။ အခုတော့ သူ့ကိုယ်ပွားကို မဟူရာကမ္ဘာက သိမ်းပိုက်လိုက်ပြီး၊ ဤအကြောင်းကို ရွှဲ့ခိုင်လည်း သိပြီးသားဖြစ်လိမ့်မည်။ အခု ရွှဲ့ခိုင်က သူ့နောက်ကို လိုက်ချင်သည်ဟု အမှန်တကယ် ပြောနေခဲ့သည်။ ချင်ယွင်သည် မည်သို့ မအံ့သြဘဲ နေနိုင်မည်နည်း။

"စီနီယာ၊ စီနီယာ နောက်နေတာလား။ အခု ကျွန်တော့်ရဲ့စွမ်းအားက စီနီယာရဲ့ တစ်ဝက် တောင် မရှိတော့ဘူး။ စီနီယာ ကျွန်တော့်နောက်ကို လိုက်ဖို့ဆိုတာက၊ ကျွန်တော့်ကို လှည့်စားနေတာ မဟုတ်ဘူးလား" ချင်ယွင်က ပြုံးပြုံးလေး ပြောလိုက်သည်။ ရွှဲ့ခိုင်၏ စကားတွေက မှန်သည်ကို သူ မယုံကြည်ခဲ့ပေ။

"ငါ တကယ်ပြောနေတာ။ ငါ မင်းနောက်ကို တကယ်လိုက်မှာ။ မဟုတ်ရင် မင်းကို ဒီမှာ စောင့်နေမှာ မဟုတ်ဘူး" ရွှဲ့ခိုင်က လေးနက်စွာ ပြောသည်။

"အယ်" ချင်ယွင် အံ့ဩသွားသည်။ ရွှဲ့ခိုင်သည် နောက်ပြောင်နေခြင်း မဟုတ်ကြောင်း သူတွေ့ရှိခဲ့ပြီး အံ့သြသွားခဲ့သည်။

"ဒါဆို စီနီယာ၊ စီနီယာ ကျွန်တော့်နောက်ကို ဘာလို့ လိုက်ချင်တာလဲ။ ပြောပြလို့ရမလား" ချင်ယွင်လည်း လေးနက်လာသည်။

အကယ်၍ လူတစ်ဦးသည် ပုံမှန်မဟုတ်သော တစ်စုံတစ်ရာကို ပြုလုပ်ခဲ့ပါက သူ့တွင် ကိုယ်ပိုင် ရည်မှန်းချက်ပန်းတိုင် ရှိရမည်။ ထို့ကြောင့် ဤရွှဲ့ခိုင်သည် အကြောင်းပြချက် မရှိဘဲ သူ့နောက်သို့ လိုက်မည် မဟုတ်ပေ။

"ငါ ဒီမဟာနတ်ဆိုးနတ်ဘုရား အကျဉ်းထောင်ကနေ လွတ်မြောက်ချင်တယ်။ မင်းက ငါ့ကို ကူညီပေးနိုင်တယ်" ရွှဲ့ခိုင်က ပြောသည်။

"ကျွန်တော်က စီနီယာကို ကူညီပေးနိုင်တယ်လို့ စီနီယာ ဘာလို့ သေချာနေတာလဲ" ချင်ယွင်က လေးနက်စွာ မေးလိုက်သည်။

"မင်းက ငါ့ကို ကူညီပေးနိုင်တယ်ဆိုတဲ့ ခံစားချက်မျိုး ငါ့မှာ ရှိနေတယ်။ မင်းကိုယ်ပေါ်မှာ ဖန်လုံရဲ့အရိပ်ကို ငါ မြင်နေရတယ်။" ရွှဲ့ခိုင်က ပြောသည်။

"အယ်။ စီနီယာက စီနီယာဖန်လုံကို သိတယ်လား" ချင်ယွင်သည် ရုတ်တရက် မျက်လုံးပြူး ကာ ပြောလိုက်သည်။

"မှန်တယ်, ဖန်လုံကို ငါသိတယ်။ ဒါမှမဟုတ်ပဲ ငါက သူ့ကိုမြင်ဖူးတဲ့ တစ်ဦးတည်းသော လူပဲ။ ဒါကြောင့် သူမသေခင် ဒီဖန်လုံမှတ်စုကို ငါ့ဆီ အပ်လိုက်တယ်။" ရွှဲ့ခိုင်က လေးနက်စွာ ပြောပြီး ချင်ယွင်ကို ထိတ်လန့်သွားစေသည့် လျှို့ဝှက်ချက်တစ်ခုကို ဖော်ထုတ်လိုက်သည်။

ဤဖန်လုံသည် နှစ်သန်းပေါင်း များစွာကြာအောင် ပြိုင်ဘက်ကင်း ပါရမီရှင်တစ်ဦး ဖြစ်သည်။ အခု နှစ်တွေ မည်မျှ ကြာသွားပြီလဲ။ ဤရွှဲ့ခိုင်သည် အမှန်တကယ်ပင် ဖန်လုံ မြင်ဖူးသည့် နောက်ဆုံးလူ ဖြစ်နေမည်ကို မည်သူ ထင်ထားမည်နည်း။

"ဒါဆို ပင်လယ်နတ်ဆိုးဘုရင်က စီနီယာဆီကနေ ဖန်လုံမှတ်စုကို ရယူခဲ့တာလား။" ချင်ယွင်က အံ့သြစွာ မေးလိုက်သည်။

“ဟုတ်တယ်လေ၊ အတိတ်တုန်းက ငါ ပင်လယ်နတ်ဆိုးဘုရင်နဲ့ ဆုံဖူးတယ်။ ငါ ဖန်လုံ မှတ်စုအကြောင်း သူ့ကို ပြောပြခဲ့တယ်။ ဒါပေမဲ့ သူ့မှာ ဆိုးဝါးတဲ့ရည်ရွယ်ချက်တွေ ရှိနေမယ်လို့ ငါ မမျှော်လင့်ထားခဲ့ဘူး။ ဖန်လုံမှတ်စုကို ရယူလိုစိတ်နဲ့ သူက ငါ့ဇနီးနဲ့ သားသမီးတွေကို ခြိမ်းခြောက်ခဲ့တယ်။ ငါလည်း ငါ့ဇနီးနဲ့ သားသမီးတွေ အသက်ဆက် ရှင်စေဖို့အတွက် ဖန်လုံမှတ်စုကို ပေးအပ်ခဲ့တယ်။ ဒါပေမယ့်, ငါမမျှော်လင့်တာက, သူက သူ့ကတိကို ဖောက်ဖျက်ပြီး ငါ့ဇနီးနဲ့သားသမီးတွေကို သတ်ပစ်ပြီး၊ ငါ့ကို ဒဏ်ရာအပြင်း ထန်ရအောင် တိုက်ခိုက်ခဲ့တယ်။ ငါ့အသက်ကိုကယ်ဖို့ အထူးနည်းလမ်းအချို့သာ မရှိခဲ့ရင် ငါ သူ့သတ်ဖြတ်ခြင်း ခံခဲ့ရတာကြာလှပေါ့။ ဒီနှစ်တွေတစ်လျှောက်လုံး၊ ငါဟာ ငါ့အသက်တွက် ထွက်ပြေးနေခဲ့ရပြီး၊ ဇနီးနှင့်သားသမီးတွေအတွက် လက်စားချေနိုင်ဖို့ ဖန်လုံမှတ်စုက ပင်လယ်နတ်ဆိုးဘုရင်လက်မှာရှိတဲ့အကြောင်း ဖြန့်နေခဲ့တယ်” ရွှဲ့ခိုင် သည် ဤအကြောင်းအရာကို ပြောသောအခါတွင် သူ့အသံသည် မသိစိတ်ကြောင့် အေးစက်သွားခဲ့သည်။

ပင်လယ်နတ်ဆိုးဘုရင် သေဆုံးသွားသော်လည်း ရွှဲ့ခိုင်၏နှလုံးသားထဲမှ အမုန်းတရားက ပြေပျောက်ရန် ခက်ခဲနေပြီ ဖြစ်သည်။

ထိုစကားကိုကြားတော့ ချင်ယွင်လည်း ရုတ်တရက် သဘောပေါက်သွားသည်။ ရွှဲ့ခိုင်လည်း သနားစရာကောင်းသူ တစ်ယောက်ဖြစ်ကြောင်း သူသိသည်။

သို့သော် ချင်ယွင်သည် ဤအချက်ကြောင့် ရွှဲ့ခိုင်၏တောင်းဆိုချက်ကို သဘောမတူပေ။ နောက်ဆုံးတော့၊ ယခုအချိန်မှာ ရွှဲ့ခိုင်က သူ့နောက်ကို လိုက်ရာမှာ တခြားရည်ရွယ်ချက် တွေ ရှိမရှိ သူ မသေချာပါဘူး။

"ဖန်လုံရဲ့အရိပ်ကို ကျွန်တော့်ဆီမှာ မြင်နေရတယ်လို့ စီနီယာ ပြောခဲ့တယ်။ ကျွန်တော်က စီနီယ ဖန်လုံနဲ့ ဘယ်လိုတူလဲလို့ ကျွန်တော် သိချင်မိတယ်။" ချင်ယွင်က ထပ်မေးသည်။

ရွှဲ့ခိုင်သည် ချင်ယွင်၏ အမေးကို ကြားလိုက်ရပြီးနောက် သူ့မျက်လုံးထဲတွင် အေးစက်မှုက တဖြည်းဖြည်း လျော့ပါးလာသည်။ သူက ဆက်ပြောသည် “မင်းက မြေကမ္ဘာနတ်ဘုရား နယ်ပယ်မှာ ရှိနေပေမယ့် မင်းဆီက အငွေ့အသက်ကို ငါ ခံစားနိုင်တယ်။ ဒီအငွေ့အသက် က ဖန်လုံနှင့် အလွန်တူတယ်။ ငါ အရင်က အင်မော်တယ်တောင်ကို ရောက်ဖူးပြီး မှတ်စုထဲ မှာ ဖန်လုံက ဖော်ပြထားတဲ့ ကောင်းကင်နဲ့မြေကြီးရဲ့ လျှို့ဝှက်နက်နဲမှုတွေကို ဆင်ခြင် ချင်ခဲ့တယ်။ ဒါပေမယ့် ငါ မအောင်မြင်ခဲ့ဖူး။ ဉာဏ်အလင်း နည်းနည်းလေးတောင်မရဘဲ အနှစ်ဆယ်သန်းလောက် နေခဲ့ရတယ်။ အဲဒီအချိန်ကျမှ ဖန်လုံပြောတဲ့စကားက မှန်တယ် ဆိုတာကို ငါ သိလိုက်တယ်။"

"သူ ဘာပြောခဲ့လို့လဲ" ချင်ယွင်က စူးစမ်းလိုစိတ်ဖြင့် မေးသည်။

"ငါက ဒီအစစ်မှန် အဓိပ္ပာယ်ကို နားလည်ဖို့ အချက်လက်နဲ့ မကိုက်ညီဘူးလို့ သူ ပြောခဲ့ဖူး တယ်။ တကယ်လို့, ငါ ဒီအစစ်မှန် အဓိပ္ပာယ်ကို နားလည်ချင်ရင် အနှစ်သန်းတစ်ရာ ကြာတောင် နားလည်မှာ မဟုတ်ဘူးတဲ့။ အနာဂတ်မှာ ကံကြမ္မာရှိတဲ့ လူတစ်ယောက်ကို ရှာပြီး ကံကြမ္မာရှင်ကို ဖန်လုံမှတ်စု ပေးခိုင်းဖို့ ပြောခဲ့တယ်။ အဲဒီကံကြမ္မာရှင်နောက်ကို လိုက်ခဲ့မယ်ဆိုရင် ငါလည်း ဒီလောကထဲကနေ ထွက်သွားဖို့ အခွင့်အရေးရလိမ့်မယ်တဲ့" ရွှဲ့ခိုင်က ပြောလိုက်သည်။

ထိုကစားကို ကြားတော့ ချင်ယွင်က လေးလေးနက်နက် တွေးတောသွားသည်။

ရွှဲ့ခိုင်က ထပ်မမေးတော့ပေ။ သူပြောစရာရှိတာမှန်သမျှ အကုန်ပြောပြီးသွားပြီ။ သူ့မှာ ကိုယ်ပိုင် ဂုဏ်သိက္ခာ ရှိပါသည်။။ အကယ်၍, ချင်ယွင်က သဘောမတူခဲ့လျှင်, သူ ထွက်သွားရုံသာရှိပါသည်။

"ကောင်းပြီ၊ ကျွန်တော့်နောက်ကို လိုက်ဖို့ ကျွန်တော် ကတိပေးတယ်။ ကျွန်တော် ဒီနေရာ ကနေ ထွက်သွားခွင့်ရခဲ့ရင် ကျွန်တော်က စီနီယာကို သေချာပေါက် လိုက်ပါခွင့်ပေးမယ်လို့ လည်း ကတိပေးတယ်။ ဒါပေမယ့် ဒီအချိန်မှာ စီနီယာက ကျွန်တော့်စကားကို နားထောင်ရမယ်။" ချင်ယွင်က ခေါင်းမော့ပြီး ပြောလိုက်သည်။

ရွှဲ့ခိုင်သည် ချင်ယွင်၏ စကားကိုကြားတော့ သူ့မျက်လုံးထဲမှာ အပြုံးတစ်ခု ပေါ်လာသည်။ သူက ဘာမှပြန်မပြောပေ။

ချင်ယွင်သည် ရွှဲ့ခိုင်၏ စွမ်းဆောင်မှုကို အရမ်းကို ကျေနပ်နေခဲ့သည်။ တကယ်တော့ ရွှဲ့ခိုင်ပြောခဲ့သည့် စကားတွေက အမှန်တရားတွေဖြစ်သည်ဟု ချင်ယွင် သေချာသည်။ သေချာသည်မှာ, အကယ်၍, ရွှဲ့ခိုင်သာ သူ့အပေါ်မှာ အခြားရည်ရွယ်ချက်တွေ ရှိနေခဲ့လျှင်, သူလည်း သက်သတ်လွတ်သမား မဟုတ်ပေ။

ချင်ယွင်၏လက်ထဲမှာ အရင်က တစ်ခါမှ မသုံးဖူးသည့် ဝှက်ဖဲတစ်ခု ရှိနေသည်။ ထိုဝှက်ဖဲ က ရွှဲ့ခိုင်ကို ရင်ဆိုင်ရန် လုံလောက်ပါသည်။