အခန်း ၆၃

အခန်း (၆၃) တုံ့ပြန်မှုရမှတ် သန်း ၃၀၀ အထိ ရရှိခြင်း...အစစ်အမှန် အင်မော်တယ်အဆင့် ချည်နှောင်ခြင်း အဆောင်လက်ဖွဲ့

ထို့နောက် ချက်ချင်းဆိုသလိုပင်...

စုရှီယုသည် အစိမ်းရောင် ယပ်တောင်တစ်ချောင်းကို လေလံစားပွဲပေါ်သို့ ကျွမ်းကျင်စွာ တင်လိုက်၏။

သူမက တည်ငြိမ်စွာ မိတ်ဆက်ပေးလိုက်သည်။

"ဒီလေလံပစ္စည်းက ယပ်တောင် အမျိုးအစား လက်နက်ဖြစ်ပြီးတော့ အဋ္ဌမ အဆင့်မြင့်ကို ရောက်ရှိနေတယ်... အသုံးပြုတဲ့အချိန်ကျရင် တိုက်ပွဲမှာ အထောက်အကူ ဖြစ်စေဖို့ ဧရာမ လေဆင်နှာမောင်းကြီးကို ဆင့်ခေါ်နိုင်ပြီးတော့ အရမ်းအားကောင်းတဲ့ ဖျက်ဆီးနိုင်စွမ်း ရှိတယ်..."

"စတင်လေလံဈေး... အဆင့်နိမ့် စိတ်ဝိညာဉ်ကျောက်တုံး ၁၅၀၀၀၀၀၀..."

လေလံပစ္စည်းများ၏ အဆင့်က ဆက်တိုက်ဆိုသလို မြင့်တက်လာသည်နှင့်အမျှ အားကောင်းသော အင်အားစုများမှ ပို၍စိတ်ဝင်စားလာကြသည်။

သူတို့သည် လေလံဆွဲခြင်းတွင် စတင်၍ ပါဝင်လာကြတော့သည်။

ခန်းမဆောင် ၃ ... "အဆင့်မြင့် စိတ်ဝိညာဉ်ကျောက်တုံး ၁၆၀၀၀..."

ခန်းမဆောင် ၉ ... "အဆင့်မြင့် စိတ်ဝိညာဉ်ကျောက်တုံး ၁၆၅၀၀..."

သီးသန့်ခန်း ၉၅၆၇၀ ... "အဆင့်မြင့် စိတ်ဝိညာဉ်ကျောက်တုံး ၁၈၀၀၀..."

ခန်းမဆောင် ၇ ... "အဆင့်မြင့် စိတ်ဝိညာဉ်ကျောက်တုံး ၁၈၅၀၀..."

"..."

ခန်းမဆောင် ၉ ... "အဆင့်မြင့် စိတ်ဝိညာဉ်ကျောက်တုံး ၂၁၀၀၀..."

နောက်ဆုံးတွင်...

ခန်းမဆောင် ၉ ရှိ အင်အားစုက ဤနက်နဲသိမ်မွေ့ ငှက်မွှေးယပ်တောင်ကို အောင်မြင်စွာ လေလံဆွဲသွားခဲ့လေ၏။

【အဆတစ်ထောင် တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... သူတော်စင်ဘုရင် အထွတ်အထိပ်အဆင့် လက်နက်ဖြစ်တဲ့ ခုံးမင်နက်နဲသိမ်မွေ့ ယပ်တောင်ကို ရရှိပါတယ်...】

ထို့နောက်...

စုရှီယုက နောက်ထပ် လက်နက်တစ်ခုဖြစ်သည့် တောင်ဖြိုခွဲခြင်း ရွှေရောင်လှံရှည်ကို ထုတ်ယူလိုက်သည်။

သူမက တည်ငြိမ်စွာ ပြောဆိုသည်။

"ဒီအရာက အဋ္ဌမ အဆင့်နိမ့် လှံရှည် အမျိုးအစား လက်နက်ဖြစ်ပြီး အရမ်းထက်ရှတယ်... ဒီလှံရှည်က အဋ္ဌမ အလယ်အလတ်အဆင့် လက်နက်တစ်ခုနဲ့ နှိုင်းယှဉ်နိုင်တဲ့ မာကျောမှု ရှိတယ်..."

"စတင်လေလံဈေး... အဆင့်နိမ့် စိတ်ဝိညာဉ်ကျောက်တုံး ၉၀၀၀၀၀၀..."

"..."

ခန်းမဆောင် ၇ ... "အဆင့်မြင့် စိတ်ဝိညာဉ်ကျောက်တုံး ၁၃,၅၀၀..."

ပြိုင်ဆိုင်မှု တစ်ကြိမ်အပြီးတွင်... ခန်းမဆောင် ၇ ရှိ အင်အားစုက အောင်မြင်စွာ လေလံဆွဲသွားနိုင်ခဲ့သည်။

【အဆ တစ်သောင်း တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... သူတော်စင်ဘုရင် အဆင့်မြင့် သူတော်စင်လက်နက်ဖြစ်တဲ့ တိမ်တိုက်ဖြိုခွဲခြင်း နဂါးလှံရှည်ကို ရရှိပါတယ်...】

နောက်ဆက်တွဲ လေလံပွဲများသည်လည်း အစီအစဉ်တကျ ဆက်လက်၍ ကျင်းပနေခဲ့လေ၏။

ကျန်ရှိနေသော ပစ္စည်းများအားလုံးသည် အဋ္ဌမအဆင့်နှင့် အထက် ရတနာများပင်။

ပြင်းထန်သော လေလံဆွဲမှုများ အကြိမ်ကြိမ် အပြီးတွင်...

ထိုအရာများကို အဓိကအင်အားစုအသီးသီးမှ ကျင့်ကြံသူများက လျှင်မြန်စွာ ရယူသွားကြသည်။

ထိုအထဲတွင် အဋ္ဌမ အထွတ်အထိပ်အဆင့် ကောင်းကင်အလွန် ကြယ်ပျံကို လွှမ်းမိုးမှုရှိသော အင်အားစုဖြစ်သည့် ကောင်းကင်ဘုံသွန်းလုပ်ခြင်း ဂိုဏ်းက ရယူသွားခဲ့သည်။

အဋ္ဌမ အဆင့်မြင့် နက်နဲသိမ်မွေ့ဓား စိတ်ဝိညာဉ်ဆေးလုံးကို ကောင်းကင်ဘုံဓားဂိုဏ်းက ရယူသွားလေ၏။

အဋ္ဌမ အထွတ်အထိပ်အဆင့် ကောင်းကင်ရွှေ့ပြောင်းခြင်း နက်နဲသိမ်မွေ့ဒိုင်းကာကို မရဏဝိညာဉ်ဂိုဏ်းက ရယူသွားသည်။

အဋ္ဌမ အဆင့်မြင့် ချီချည်နှောင်ခြင်း စိတ်ဝိညာဉ် အဆောင်လက်ဖွဲ့ကို သွေးအရိပ်ဂိုဏ်းက ရယူသွားခဲ့သည်။

နောက်ဆုံးတွင် တိမ်မြူခိုး ကောင်းကင်တုန်လှုပ်ခြင်း စည်းတံဆိပ်ကို ရွှမ်းလင်ဂိုဏ်းက ရယူသွားခဲ့လေ၏။

ဤလေလံပစ္စည်းများအားလုံး လေလံဆွဲခံရပြီးနောက်...

စုရှီယုသည် လင်းရှောင်၏ နောက်ဆုံးပိတ်ပွဲပစ္စည်းကို စောင့်ဆိုင်းရင်း ငြိမ်သက်စွာ မတ်တတ်ရပ်နေသည်။

【အဆ တစ်ရာ တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... နဝမ အထွတ်အထိပ်အဆင့် ပစ္စည်းဖြစ်တဲ့ ကောင်းကင်အလွန်ကြယ်ပျံ သံမဏိကို ရရှိပါတယ်...】

【အဆ တစ်သိန်း တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... ဧကရာဇ် အလယ်အလတ်အဆင့် ဆေးလုံးဖြစ်တဲ့ ကောင်းကင်ဘုံဓား သူတော်စင်ဆေးလုံးကို ရရှိပါတယ်...】

【အဆ တစ်သိန်း တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... ဧကရာဇ်အ အဆင့်မြင့် သံချပ်ကာဖြစ်တဲ့ ကောင်းကင်ဘုံ မူလအစ ရွှေသံချပ်ကာကို ရရှိပါတယ်...】

【အဆ တစ်သန်း တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... အင်မော်တယ်အဆင့် အဆောင်လက်ဖွဲ့ဖြစ်တဲ့ အင်မော်တယ် ချည်နှောင်ခြင်း အဆောင်လက်ဖွဲ့ကို ရရှိပါတယ်...】

【အဆ တစ်သောင်း တုံ့ပြန်မှုကို ဖြစ်ပေါ်စေတဲ့အတွက် အိမ်ရှင်ကို ဂုဏ်ပြုပါတယ်... သူတော်စင်အရှင်သခင် အထွတ်အထိပ်အဆင့် သိုင်းပညာနည်းစနစ်ဖြစ်တဲ့ နက်နဲသိမ်မွေ့ ဧကရာဇ် လောကဖိနှိပ်ခြင်း စည်းတံဆိပ်ကို ရရှိပါတယ်...】

အနောက်ဘက်ခန်းမ၌....

လင်းရှောင်သည် သူ၏ စနစ်ဟင်းလင်းပြင် အတွင်းရှိ အထွတ်အထိပ်ရတနာများကို ကြည့်လိုက်၏။

သူ၏ နှုတ်ခမ်းများက ကျယ်ပြန့်သော အပြုံးတစ်ခုအဖြစ် ကွေးတက်သွားသည်။

အချိန်တခဏကြာသည်အထိ သူ အလွန်အမင်း စိတ်လှုပ်ရှားနေသဖြင့် စကားပင် မပြောနိုင်တော့ချေ။

အချိန်အတော်ကြာပြီးနောက်...

နောက်ဆုံး၌ သူ၏နှလုံးသားထဲရှိ စိတ်လှုပ်ရှားမှုကို ဖိနှိပ်နိုင်ခဲ့လေ၏။

သူက ပြောဆိုလိုက်သည်။

"ဘာတွေ ဖြစ်ကုန်တာလဲ... စနစ်က ချို့ယွင်းနေတာများလား..."

"တုံ့ပြန်မှုအဆတွေက အရမ်းကို အဓိပ္ပာယ်မဲ့လွန်းတယ်... အင်မော်တယ် ရတနာတွေတောင် ထွက်လာတယ်..."

"ငါက ပြိုင်ဘက်ကင်းအခြေအနေကို ရောက်တော့မယ့်ပုံပဲ..."

လင်းရှောင်က ခပ်ဖျော့ဖျော့ ပြုံးလိုက်ပြီးနောက် သူ ဖြည်းညှင်းစွာ သက်ပြင်းချလိုက်သည်။

သူက စနစ်မျက်နှာပြင်ပေါ်ရှိ တာဝန်ကို ကြည့်လိုက်၏။

【စနစ်တာဝန်... ကုန်းမြေတစ်ခုလုံးတွင် နာမည်ကြီးခြင်း

၁... အရောင်းအဝယ် ပမာဏ သန်း ၅၀၀ ထက် မနည်းသော လေလံပွဲတစ်ခုကို ကျင်းပပါ... လက်ရှိ တိုးတက်မှု... ၂၅၄၀၀၀၀၀၀ / ၅၀၀၀၀၀၀၀၀

၂... သူတော်စင်အဆင့် သို့မဟုတ် အဲ့ဒီထက် ပိုမြင့်တဲ့ ရတနာ နှစ်ခုကို လေလံတင်ပါ... လက်ရှိ တိုးတက်မှု... ၀ / ၂】

【ပြီးမြောက်ခြင်း ဆုလာဘ်... အလယ်အလတ်အဆင့် ဆင့်ခေါ်ခြင်းကတ် ၃ ကတ်၊ နယ်ပယ် တက်လှမ်းခြင်းကတ် (အိမ်ရှင် သီးသန့်) ၁ ကတ်၊ ထိပ်တန်း သိုင်းပညာနည်းစနစ် ၁ ခု】

ပစ္စည်းကောင်းအများအပြားကို လေလံတင်ခဲ့သော်လည်း...

သူသည် တာဝန်ပြီးမြောက်ရန် အလှမ်းဝေးနေဆဲပင်။

"တစ်ခါတည်းနဲ့ အပြီးသတ်လိုက်ရအောင်..."

"တုံ့ပြန်မှု ဈေးဆိုင်မှာ ပစ္စည်းအသစ်တွေ ထပ်ထွက်လာလားဆိုတာ ငါ သိချင်မိတယ်..."

ဤသို့ တွေးတောမိကာ...

လင်းရှောင်၏အတွေးများ လှုပ်ရှားသွားပြီး တုံ့ပြန်မှု ဈေးဆိုင်ကို ဖွင့်လိုက်သည်။

ထိုစျေးဆိုင်မျက်နှာပြင်၌ ပစ္စည်းအချက်အလက်များကို တစ်ခုပြီးတစ်ခု ပြသထားသည်။

【တုံ့ပြန်မှု ဈေးဆိုင်...

၁... ရေစည်းချက်ဆေးလုံး (တတိယ အဆင့်မြင့်) ... တုံ့ပြန်မှုရမှတ် ၁၀၀... ဝယ်ယူနိုင်သော အကြိမ်အရေအတွက်... ၄၉၉

၂... ကောင်းကင်မီးတောက် အဆောင်လက်ဖွဲ့ (ပဉ္စမ အဆင့်နိမ့်) ... တုံ့ပြန်မှု ရမှတ် ၁၅၀၀... ဝယ်ယူနိုင်သော အကြိမ်အရေအတွက်... ၁၀၀

၃... အနှစ်သာရပါဝင်သော စိတ်ဝိညာဉ်ကျောက်စိမ်း (ဆဋ္ဌမ အဆင့်နိမ့်) ... တုံ့ပြန်မှု ရမှတ် ၃၀၀၀၀... ဝယ်ယူနိုင်သော အကြိမ်အရေအတွက်... ၀

၄... ရိုးတွင်းခြင်ဆီဆေးကြောခြင်း နဂါးတက်လှမ်းခြင်းသစ်သီး (သတ္တမ အဆင့်မြင့်) ... တုံ့ပြန်မှု ရမှတ် ၆၆၀,၀၀၀... ဝယ်ယူနိုင်သော အကြိမ်အရေအတွက်... ၃

၅... တာအို သွေးကြာပန်း (သတ္တမ အထွတ်အထိပ်အဆင့်) ... တုံ့ပြန်မှု ရမှတ် ၃၀၀၀၀၀... ဝယ်ယူနိုင်သော အကြိမ်အရေအတွက်... ၁၀

၆... စိတ်ဝိညာဉ်ချေမှုန်းခြင်းနှင့် ဖျက်ဆီးခြင်း အဆောင်လက်ဖွဲ့ (အဋ္ဌမ အထွတ်အထိပ်အဆင့်) ... တုံ့ပြန်မှု ရမှတ် ၁၂၀၀၀၀၀... ဝယ်ယူနိုင်သော အကြိမ်အရေအတွက်... ၃

၇... စိတ်ဝိညာဉ်ပေါက်ကွဲခြင်း ချီတက်လှမ်းခြင်း ဆေးလုံး (အဋ္ဌမ အလယ်အလတ်အဆင့်) ... တုံ့ပြန်မှု ရမှတ် ၉၉၀၀၀၀... ဝယ်ယူနိုင်သော အကြိမ်အရေအတွက်... ၃

၈... မန်ရှန်းတာအိုပညာရှင် အမွေအနှစ် ကျောက်စိမ်းအရိုး (နဝမ အဆင့်နိမ့်) ... တုံ့ပြန်မှု ရမှတ် ၈၀၀၀၀၀၀... ဝယ်ယူနိုင်သော အကြိမ်အရေအတွက်... ၃

၉... စိတ်ဝိညာဉ် ချိုးဖျက်ခြင်း သူတော်စင် ဆေးလုံး (နဝမ အထွတ်အထိပ်အဆင့်) ... တုံ့ပြန်မှု ရမှတ် ၂၀၀၀၀၀၀၀... ဝယ်ယူနိုင်သော အကြိမ်အရေအတွက်... ၅

၁၀... တိမ်တိုက်ဖြိုခွဲခြင်း နဂါးလှံရှည် (သူတော်စင်ဘုရင်နယ်ပယ် အဆင့်မြင့်) ... တုံ့ပြန်မှု ရမှတ် ၁၉၉၉၉၀၀၀၀... ဝယ်ယူနိုင်သော အကြိမ်အရေအတွက်... ၃

၁၁... ကောင်းကင်ဘုံဓား သူတော်စင်ဆေးလုံး (ဧကရာဇ်အဆင့် အလယ်အလတ်အဆင့်) ... တုံ့ပြန်မှု ရမှတ် ၁၀၀၀၀၀၀၀၀၀၀... ဝယ်ယူနိုင်သော အကြိမ်အရေအတွက်... ၁

၁၂... လောလောဆယ် မရှိသေးပါ...

【လက်ရှိ တုံ့ပြန်မှု ရမှတ်... ၃၂၈၀၀၀၀၀၀】

တုံ့ပြန်မှု ရမှတ် ၃၀၀၀၀၀၀၀၀ နှင့် အသစ်ထပ်တိုးထားသော ရတနာသုံးခုကို မြင်သောအခါ...

လင်းရှောင်က အလွန်အမင်း စိတ်ကျေနပ်စွာ ပြုံးလိုက်သည်။

အချိန်တခဏကြာမျှ စဉ်းစားပြီးနောက်...

သူသည် မန်ရှန်းတာအိုပညာရှင် အမွေအနှစ် ကျောက်စိမ်းအရိုးတစ်ခုနှင့် စိတ်ဝိညာဉ် ချိုးဖျက်ခြင်း သူတော်စင် ဆေးလုံးတစ်လုံးကို လဲလှယ်လိုက်၏။

'ဆေးလုံး... စိတ်ဝိညာဉ် ချိုးဖျက်ခြင်း သူတော်စင် ဆေးလုံး'

'အဆင့်... နဝမ အထွတ်အထိပ်အဆင့်'

'ဖော်ပြချက်... ရှားပါးတဲ့ စိတ်ဝိညာဉ်အပင်များစွာကနေ ဖန်တီးထားပြီးတော့ သန့်စင်တဲ့ စိတ်ဝိညာဉ်စွမ်းအင် အမြောက်အမြား ပါဝင်ပြီး ကျင့်ကြံခြင်း အမြန်နှုန်းနဲ့ ချိုးဖျက်ဝင်ရောက်နိုင်မယ့် အခွင့်အရေးကို တိုးမြှင့်ပေးနိုင်တဲ့ အားကောင်းတဲ့ အကျိုးသက်ရောက်မှုတွေရှိတယ်...'

စိတ်ဝိညာဉ် ချိုးဖျက်ခြင်း သူတော်စင် ဆေးလုံး၏ အချက်အလက်များကို ဖတ်ရှုပြီးနောက်...

လင်းရှောင်က သူ၏လက်ကို ရှေ့သို့ ဝှေ့ယမ်းလိုက်သည်။

သူသည် ဤပစ္စည်းနှစ်ခုကို ထိုအရာများ၏ အချက်အလက်များနှင့်အတူ စုရှီယုထံသို့ ပေးပို့လေသည်။

လေလံစင်မြင့်ပေါ်တွင်...

စုရှီယုသည် လင်းရှောင်ထံမှ ပေးပို့လိုက်သော ရတနာ နှစ်ခု၏ အချက်အလက်များကို မြင်သောအခါ အလွန်အမင်း အံ့အားသင့်သွားခြင်းကို မထိန်းချုပ်နိုင်ခဲ့ချေ။

မည်သို့ပင်ဆိုစေကာမူ ထိုအရာများသည် သူတော်စင်အဆင့် ရတနာများ ဖြစ်ပြီး အင်အားစုအားလုံးနီးပါး အိပ်မက်မက်ကြသည့် ပစ္စည်းများပင်။

သူမ ဤမျှထိ ထိတ်လန့်တုန်လှုပ်သွားသည်မှာ အံ့အားသင့်စရာ မဟုတ်ပေ။

သို့သော် သူမ၏ အားကောင်းသော စိတ်ဓာတ်ကြံ့ခိုင်မှုကို အားကိုးကာ သူမသည် သူမ၏စိတ်အတွင်းမှ အံ့အားသင့်မှုကို ဖိနှိပ်ထားနိုင်ခဲ့သည်။

သူမက ဖြည်းညှင်းစွာ သက်ပြင်းချလိုက်၏။

ထို့နောက်...

စုရှီယုက ထပ်မံ၍ ပြုံးလိုက်သည်။

သူမ၏ရှေ့ရှိ တောက်ပနေသော အလင်းတန်းအမြောက်အများကို မျက်နှာမူက သူမက တည်ငြိမ်စွာ ကြေညာလိုက်သည်။

"နောက်တစ်ခုကတော့ ဒီလေလံပွဲရဲ့ ပိတ်ပွဲရတနာတွေ ဖြစ်ပြီး စုစုပေါင်းနှစ်ခု ပါဝင်တယ်..."

ဤသို့ ပြောဆိုရင်း...

စုရှီယုသည် အမွေအနှစ် ကျောက်စိမ်းအရိုးကို လေလံ စားပွဲပေါ်တွင် တင်လိုက်၏။

သူမက မိတ်ဆက်ပေးလိုက်သည်။

"ဒါက ဒီလေလံပွဲရဲ့ ပထမဆုံး ပိတ်ပွဲပစ္စည်းဖြစ်ပြီးတော့ သူတော်စင်ဘုရင်နယ်ပယ် အထွတ်အထိပ်အဆင့် အစွမ်းထက်ပုဂ္ဂိုလ် တစ်ယောက်ဆီကနေ ရရှိတဲ့ အမွေအနှစ် တစ်ခုပဲ"

"ဒါပေမဲ့ ဒီအမွေအနှစ်က အဲ့ဒီ အစွမ်းထက်ပုဂ္ဂိုလ်ရဲ့ စွမ်းအား အပြည့်အဝတော့ မပါဝင်ဘူး... ဒါက နဝမ အဆင့်နိမ့် အမွေအနှစ်တစ်ခု ဖြစ်ပေမဲ့ အရမ်းကို အဖိုးတန်နေတုန်းပဲ..."

"အမွေအနှစ်ကို လက်ခံရရှိပြီးတဲ့နောက်မှာ သူတော်စင်နယ်ပယ် အစောပိုင်းအဆင့် ကျင့်ကြံခြင်းကို တိုက်ရိုက်ရရှိနိုင်ပြီးတော့ နဝမအဆင့် သူတော်စင် သိုင်းပညာနည်းစနစ်နှစ်ခုကိုလည်း နားလည်သဘောပေါက်နိုင်တယ်..."

"စတင်လေလံဈေး... အဆင့်နိမ့် စိတ်ဝိညာဉ်ကျောက်တုံး ၁၀၀၀၀၀၀၀၀"

ဤပစ္စည်း ထွက်ပေါ်လာသည်နှင့် တပြိုင်နက်...

တောက်ပနေသော အလင်းတန်းများ အားလုံး အတွင်းရှိ ကျင့်ကြံသူများ ရုတ်ရုတ်သဲသဲ ဖြစ်သွားကြသည်။

သူတော်စင်အဆင့် အမွေအနှစ်တစ်ခုကို လေလံတင်လိမ့်မည်ဟု မည်သူမှ မျှော်လင့်မထားခဲ့ကြချေ။

အမွေအနှစ်များသည် အဆင့်တူရတနာများထက် များစွာ ပို၍အဖိုးတန်လေ့ရှိသည်ကို သိထားရပေမည်။

သူတော်စင်နယ်ပယ်သို့ တိုက်ရိုက်ရောက်ရှိစေနိုင်သော အမွေအနှစ်တစ်ခုကိုမူ ဆိုဖွယ်ရာပင် မရှိတော့ချေ။

အချိန်တခဏအတွင်း အင်အားစုအားလုံးမှလူများ ရူးသွပ်သွားကြ၏။

အထူးသဖြင့် ထိပ်တန်းအင်အားစုများဖြစ်သော အဓိက ဂိုဏ်းကြီး လေးဂိုဏ်းနှင့် ခန်းမဆောင် ၁၀ ရှိ ယန်ဧကရာဇ်တို့သည် စိတ်အလှုပ်ရှားဆုံး ဖြစ်နေခဲ့ကြသည်။

မည်သည့် ထိပ်တန်းအင်အားစုက ဤအမွေအနှစ်ကို ရရှိသည်ဖြစ်စေ...

ထိုအင်အားစုသည် မြင့်မြတ်နယ်မြေတစ်ခု ဖြစ်လာရန် ခုန်ပျံကျော်လွှား၍ မြင့်တက်နိုင်ပေမည်။

ခန်းမဆောင် ၂ ရှိ အကြီးအကဲရွှီပင်လျှင် သူ၏ မျက်လုံးများထဲတွင် လိုလားတောင့်တမှု အရိပ်အယောင်များ ထွက်ပေါ်နေသည်။

ဤအမွေအနှစ်သည် ချင်းယွမ်ကုန်းမြေရှိ အင်အားစုများအတွက် မည်မျှထိ အဖိုးတန်ကြောင်းကို ခန့်မှန်းကြည့်နိုင်ပေ၏။

မကြာမီ အင်အားစုအသီးသီးက စတင်၍ လေလံဆွဲကြတော့သည်။

ခန်းမဆောင် ၃ ... "အဆင့်မြင့် စိတ်ဝိညာဉ်ကျောက်တုံး ၁၂,၀၀၀"

ခန်းမဆောင် ၆ ... "အဆင့်မြင့် စိတ်ဝိညာဉ်ကျောက်တုံး ၁၃၀၀၀..."

ခန်းမဆောင် ၂ ... "အဆင့်မြင့် စိတ်ဝိညာဉ်ကျောက်တုံး ၁၅၀၀၀..."

ခန်းမဆောင် ၁၀ ... "အဆင့်မြင့် စိတ်ဝိညာဉ်ကျောက်တုံး ၁၆၀၀၀..."

သီးသန့်ခန်း ၁ ... "အဆင့်မြင့် စိတ်ဝိညာဉ်ကျောက်တုံး ၁၈၀၀၀..."

"..."

ခန်းမဆောင် ၁၀ ... "အဆင့်မြင့် စိတ်ဝိညာဉ်ကျောက်တုံး ၂၅၀၀၀"

အလွန်အမင်း ပြင်းထန်သော ပြိုင်ဆိုင်မှုတစ်ခု အပြီးတွင်...

ယန်ဧကရာဇ်သည် ယန်အောင်းတော်ဝင်နိုင်ငံ၏ ကြွယ်ဝမှုတစ်ခုလုံးကို အားကိုးကာ...

စိတ်ဝိညာဉ်ကျောက်တုံး အများအပြား ယူဆောင်မလာခဲ့သော အဓိက ဂိုဏ်းကြီးလေးဂိုဏ်းနှင့် အကြီးအကဲရွှီတို့ကို အနိုင်ယူပြီး ဤအမွေအနှစ်ကို ရယူနိုင်ခဲ့လေ၏။