အခန်း ၁၆၇၀

အခန်း (၁၆၇၀) စတင်ခြင်းမျက်လုံး၏ဆင့်ကဲဖြစ်စဉ်။

"သူက ... သူက စိတ်ဝိညာဉ်ဝါးမျိုးခြင်း နတ်ဆိုးနွယ်ပင်ရဲ့ စိတ်ဝိညာဉ်စွမ်းအားကို ဝါးမျိုနေတာလား" လူအုပ်ထဲမှ တစ်စုံတစ်ယောက်က အော်ပြောလိုက်သည်။

ချင်ယွင်၏ လုပ်ရပ်က လူတိုင်းကို ထိတ်လန့်စေခဲ့သည်။ အကယ်၍, သူတို့သည် သူတို့ကိုယ်ပိုင် မျက်စိဖြင့် မမြင်ခဲ့ရပါက၊ သူတို့ကို သတ်ပစ်မည်ဆိုလျှင်ပင် တစ်စုံ တစ်ယောက်က စိတ်ဝိညာဉ်ဝါးမျိုးခြင်း နတ်ဆိုးနွယ်ပင်၏ စိတ်ဝိညာဉ်စွမ်းအားကို ဝါးမြိုနိုင်မည်ဟု မယုံဝံ့ကြပေ။

"ဟုန်ရန်၊ မင်းရဲ့စိတ်ဝိညာဉ်စွမ်းအားအပေါ် ထိန်းချုပ်မူနဲ့ဆို, မင်းအနေနဲ့ ညီငယ်ချင်လို လုပ်ဆောင်နိုင်လား" လုံချန်က ဟုန်ရန်ဘက်လှည့်ပြီး မေးသည်။

ယခုအချိန်တွင်၊ စိတ်ဝိညာဉ်ဝါးမျိုးခြင်း နတ်ဆိုးနွယ်ပင်သည် သူ့ကိုယ်သူပင် လုံးဝ ဂရုစိုက်နိုင်စွမ်း မရှိတော့ပြီ။ ၎င်းသည် အခြားသူများကို တိုက်ခိုက်ရန် စွန့်လွှတ်ခဲ့ပြီး၊ နွယ်ပင်အားလုံးက ချင်ယွင်ဆီသို့ တိုက်ခိုက်နေခဲ့ပြီး ဖြစ်သောကြောင့် ဘေးနားရှိ အခြားသူများ အားလုံး လွတ်မြောက်ခဲ့ကြသည်။

“ငါမလုပ်နိုင်ဘူး။ လူတစ်ယောက်ရဲ့ စိတ်ဝိညာဉ်စွမ်းအားကို ဝါးမြိုဖို့အတွက်ဆို၊ လူတစ်ယောက်ဟာ စွမ်းအားကြီးတဲ့ စိတ်ဝိညာဉ်အမျိုးအစား နတ်ဘုရားပစ္စည်းတစ်ခုကို ကြားခံအဖြစ် အသုံးပြုရမယ်။ ဒုတိယအနေနဲ့၊ အဲဒီလူဟာ ဘိုးဘေးနတ်ဘုရားရဲ့ စိတ်ဝိညာဉ်စွမ်းအား ဒါမှမဟုတ် အဲဒီအထက်မှာ ရှိနေရမယ်။ ဒီနည်းနဲ့သာ ရှေ့က နတ်ဆိုး နွယ်ပင်တေါကို တွန်းလှန်နိုင်လိမ့်မယ်။" ဟုန်ရန်က ပြန်ဖြေသည်။ သူမပြောနေချိန်မှာ, သူမမျက်လုံးများက ချင်ယွင်၏ခန္ဓာကိုယ်မှ မည်သည့်အခါမှ ခွာမသွားခဲ့ပေ။ သူမ၏ မျက်ခုံးများက အနည်းငယ် တွန့်နေကာ သူမမျက်လုံးများတွင် အံ့သြခြင်းများဖြင့် ပြည့်နှက်နေသည်။

"စိတ်ဝင်စားဖို့ ကောင်းတယ်။ ညီငယ်ချင်က တကယ့်ကို နားမလည်နိုင်လောက် အောင်ပါပဲ။ သူက မြေကမ္ဘာနတ်ဘုရားနယ်ပယ် အထွတ်အထိပ်အဆင့်နဲ့ အထွက်အထိပ် ကောင်းကင်နတ်ဘုရားနယ်ပယ်အထိ ကိုယ်တွယ်နိုင်သလို နတ်ဘုရားစိတ်ဝိညာဉ်ကို လည်း ဘိုးဘေးနတ်ဘုရားနယ်ပယ်အထိ ရောက်အောင် ဘယ်လိုလုပ်ဆောင်ခဲ့လဲဆိုတာ ငါ တကယ် မသိတော့ပါဘူး။" လုံချန်က သက်ပြင်းမချဘဲ မနေနိုင်တော့။

ဟုန်ရန်သည် ထိုစကားကိုကြားတော့ သူမ၏အနီရောင်နှုတ်ခမ်းတစ်စုံကို ဖွင့်လိုက်သော် လည်း တခြားဘာမှ ပြန်မပြောပါဘူး။ သို့သော် ချင်ယွင်အပေါ် သူမ၏ စူးစမ်းလိုစိတ်က လုံးဝ လောင်ကျွမ်းသွားခဲ့သည်။

ချင်ယွင်သည် လူအုပ်ကြီး၏ အံ့အားသင့်နေသော အကြည့်များကို ဂရုမစိုက်ပေ။ ဤအခိုက်အတန့်တွင်၊ သူသည် နတ်ဘုရားစိတ်ဝိညာဉ် စွမ်းအားကို ဝါးမျိုခြင်း၏ ပျော်ရွှင်မှုထဲ၌ အပြည့်အ၀ နှစ်မြှုပ်နေခဲ့သည်။

မူလက သူသည် ၎င်းကို ကိုင်တွယ်ရန်အတွက် စိတ်ဝိညာဉ်ဝါးမျိုခြင်း နတ်ဆိုးနွယ်ပင်ကို ဝါးမျိုခဲ့ခြင်း ဖြစ်သည်။ သို့သော်၊ စိတ်ဝိညာဉ်ဝါးမျိုခြင်း နတ်ဆိုးနွယ်ပင် အမြောက်အမြား ကို ဝါးမျိုပြီးနောက်၊ သူ့စိတ်ဝိညာဉ်သည် အမှန်တကယ်ပင် အနှိုင်းမဲ့ အစွမ်းထက်လာ သည်ကို သူ တွေ့ရှိခဲ့ရသည်။ ထိုမျှတင်မကသေးပေ၊ သူ့စတင်ခြင်းမျက်လုံးသည် အစွမ်းထက်သည့် စိတ်ဝိညာဉ်ဝါးမျိုခြင်း နတ်ဆိုးနွယ်ပင်၏ စိတ်ဝိညာဉ်စွမ်းအားဖြင့် သန့်စင်ပြီးနောက် သိသာထင်ရှားသည့် ဆင့်ကဲပြောင်းလဲမူ အရိပ်အယောင်တွေ ပြသလာ ခဲ့သည်။

ဤအရာက ချင်ယွင်ကို ချက်ခြင်းဆိုသလို ပျော်ရွှင်စေသည်။

စတင်ခြင်းမျက်လုံးသည် ရှေးခေတ်မိစ္ဆာနတ်ဘုရား ကျန်ရစ်ခဲ့သည့် မိစ္ဆာနတ်ဘုရား မျက်လုံးဖြစ်သည်။ ၎င်းတွင် အနှိုင်းမဲ့ အစွမ်းထက်သော စွမ်းအားများ ပိုင်ဆိုင်ထားသော် လည်း ချင်ယွင်သည် စတင်ခြင်းမျက်လုံး၏ စစ်မှန်သော လုပ်ဆောင်ချက်များကို မည်သည့်အခါမှ ဖွံ့ဖြိုးတိုးတက်အောင် မလုပ်ဆောင်နိုင်ခဲ့ပေ။

ယခု စတင်ခြင်းမျက်လုံးသည် ပြောင်းလဲလာခဲ့ပြီး၊ ယင်းက ချင်ယွင်အတွက် သေချာပေါက် ကောင်းသောအရာ ဖြစ်သည်။

ဘန်း…။

ချင်ယွင်၏လက်ထဲမှ စတင်ခြင်းမျက်လုံးသည် အနှိုင်းမဲ့ အစွမ်းထက်သည့် စုပ်ယူမှု စွမ်းအားတစ်ခုကို ထုတ်လွှတ်လိုက်ပါသည်။ စိတ်ဝိညာဉ်ဝါးမျိုခြင်း နတ်ဆိုးနွယ်ပင်ပေါ်ရှိ စိတ်ဝိညာဉ်စွမ်းအားသည် ၎င်းကြောင့် အရူးအမူး ဝါးမြိုခံနေရသည်။ ဤအစွမ်းထက်သော စုပ်ယူခြင်းစွမ်းအားအောက်တွင်၊ ချင်ယွင်၏လက်ထဲရှိ စတင်ခြင်းမျက်လုံးသည် ၎င်း၏ မူလက အနီရောင် သူငယ်အိမ်များသည် ခရမ်းရောင် ပြောင်းသွားခဲ့သည်။

ခရမ်းရောင် သူငယ်အိမ်များသည် အစွမ်းထက်သော နတ်ဆိုးအလင်းကို ထုတ်လွှတ်နေပြီး၊ ချင်ယွင်၏ စတင်ခြင်းမျက်လုံးကို ပို၍ပို၍ အားကောင်းစေသည်။

"ဘုန်း"

ကျယ်လောင်သော ပေါက်ကွဲသံနှင့်အတူ၊ စိတ်ဝိညာဉ်ဝါးမျိုခြင်း နတ်ဆိုးနွယ်ပင်သည် နောက်ဆုံးတွင် ချင်ယွင်၏ ရူးသွပ်သော ဝါးမျိုခြင်းကို ခံနိုင်ရည်မရှိတော့ဘဲ နောက်ဆုံးတွင် ညှိုးနွမ်းသွားပြီး လေထဲသို့ လုံးဝ ပျံ့လွင့်သွားခဲ့သည်။

သို့သော်လည်း ယခုအချိန်တွင် ချင်ယွင်လည်း ထူးထူးခြားခြား အသွင်အပြင် ရှိနေသည်။ သူ့ညာလက်သည် အနှိုင်းမဲ့ လှပသော ခရမ်းရောင် အလင်းတန်းကို ထုတ်လွှတ်နေပြီး၊ သူ့နောက်တွင် အနှိုင်းမဲ့ ကြီးမားသော ဒေါင်လိုက် မျက်လုံးကြီး ပေါ်လာသည်။

ဤဒေါင်လိုက်မျက်လုံးကြီးသည် ထင်ယောင်ထင်မှား ပုံရိပ်ယောင်တစ်ခု မဟုတ်တော့ဘဲ အစစ်မှန် မျက်လုံးတစ်လုံး ဖြစ်နေခဲ့သည်။

ကြီးမားသော သူငယ်အိမ်များသည် ဤထူးဆန်းသော ခရမ်းရောင်အလင်းကို ထုတ်လွှတ် နေသောကြောင့် ရောက်ရှိလာသူ လူအားလုံးကို ထိတ်လန့်သွားစေသည်။

"ဒဏ္ဍာရီလာ မိစ္ဆာနတ်ဘုရားမျက်လုံးက ပြီးပြည့်စုံတဲ့ အခြေအနေအထိ အမှန်တကယ် ပြောင်းလဲသွားပြီလား။ ဒါက ဘယ်လို ဖြစ်နိုင်မှာလဲ။ မိစ္ဆာနတ်ဘုရားမျက်လုံးက သူ့အပေါ် ဘယ်လိုလုပ် သက်ရောက်နိုင်မှာလဲ။" ဟုန်ရန်သည် ထိုဒေါင်လိုက်မျက်လုံးကြီးကို မြင်သောအခါ ချက်ချင်းပင် ထိတ်လန့်စွာ အော်ပြောလိုက်သည်။

သူမသည် နတ်ဘုရားစိတ်ဆန္ဒကို ကျင့်ကြံသူတစ်ဦးဖြစ်သည်။ ထို့ကြောင့် သူမသည် အခြားသူများထက် နတ်ဘုရားစိတ်ဝိညာဉ် ရတနာတွေအကြောင်းကို သဘာဝအတိုင်း နားလည်သဘောပေါက်ထားသည်။

သဘာဝအတိုင်း၊ သူမသည်လည်း မိစ္ဆာနတ်ဘုရားမျက်လုံး၏ အသုံးပြုပုံနှင့် မူလအစကို ကြားဖူးသည်။ ဤအခိုက်အတန့်တွင်၊ သူမသည် မိစ္ဆာနတ်ဘုရားမျက်လုံးကို အသုံးပြုနေ သော ချင်ယွင်ကို တွေ့လိုက်ရသည့်အတွက် သဘာဝအတိုင်း အလွန်အံ့သြသွားမိသည်။

ထိုအချိန်တွင် ချင်ယွင်သည် အစွမ်းထက်သော နတ်ဘုရား စိတ်ဝိညာဉ်စွမ်းအား၏ ကောင်းချီးပေးမူအတွင်းမှာ လုံးဝ နှစ်မြှုပ်နေခဲ့သည်။ ဤမျက်လုံးသည် သူ့ စွမ်းအား ကြီးထွားမှုအတွက် များစွာ အထောက်အကူဖြစ်စေပြီး၊ ၎င်းသည် ပြီးပြည့်စုံသော အခြေအနေအထိ ပြောင်းလဲတိုးတက်သွားခဲ့သည်။

ဤအခိုက်အတန့်တွင်၊ ချင်ယွင်သည် သူ့ခန္ဓာကိုယ်အတွင်းရှိ နတ်ဘုရားတန်ခိုးစွမ်းအား များ ပိုမိုခိုင်မာလာကြောင်း ခံစားခဲ့ရပြီး သူ့ခွန်အားသည် တစ်ဖန်ပြန်လည်၍ တိုးမြင့်လာခဲ့ သည်။

သေချာသည်မှာ, အရေးကြီးဆုံးအရာကတော့ စတင်ခြင်းမျက်လုံး၏ အကျိုးသက်ရောက်မှု ဖြစ်ပါသည်။ သူသည် ပြင်းထန်သော စိတ်ဝိညာဉ်တိုက်ခိုက်မူများကို ထုတ်လွှတ်နိုင်ပြီး တိုက်ပွဲတွင် မမျှော်လင့်ထားသော အကျိုးသက်ရောက်မှုအဖြစ် ၎င်းကို အသုံးချနိုင်ခဲ့သည်။

"တကယ်လို့ စတင်ခြင်းမျက်လုံးသာ ပြီးပြည့်စုံတဲ့ အနေအထားအထိ ပြောင်းလဲသွားပါက၊ ငါ့ကနဦးစကြာဝဠာရဲ့ အလိုဆန္ဒကိုလည်း ပြီးပြည့်စုံစွာ ပြသနိုင်လိမ့်မယ်။ အခု ငါ့စိတ်ဆန္ဒကို အခြားလူတွေအပေါ် လက်အောက်ခံ ကျေးကျွန်အဖြစ် အသုံးချမယ်ဆိုရင်, အကျိုးသက်ရောက်မှုက ဟုန်ရန်ထက် အားနည်းမှာ မဟုတ်တော့ဘူး။" ချင်ယွင်က ရယ်မောလိုက်သည်။

သူ့လက်ကို ဆုပ်လိုက်သည်နှင့်, သူ့နောက်က ဒေါင်လိုက်မျက်လုံးကြီးသည် လေထဲသို့ ပျောက်ကွယ်သွားသည်။

သူသည် သူ့ အစစ်မှန်အဓိပ္ပာယ် အနှစ်သာရကို ဆုပ်ကိုင်နိုင်ခြင်းမရှိဘဲ၊ သူ့အလိုဆန္ဒ တစ်ခုတည်းဖြင့် တိုက်ခိုက်ခြင်းကပင် အလယ်အလတ်အဆင့် အစစ်မှန် အဓိပ္ပါယ်၏ အကျိုးသက်ရောက်မှုကို ရရှိနိုင်သည်။ ဤသည်မှာ ချင်ယွင်၏ သူ့နတ်ဘုရား စိတ်ဝိညာဉ် စွမ်းအားအပေါ် ထိန်းချုပ်နိုင်မူသည် ပြီးပြည့်စုံသော နယ်ပယ်သို့ ရောက်ရှိနေပြီ ဖြစ်ကြောင်း ပြသရန် လုံလောက်ပါသည်။

"ညီငယ်ချင်၊ မင်းက ငါ့ကို ပိုပိုပြီး စွဲလန်းသွားအောင် လုပ်နေတော့တာပဲ။ မင်းရဲ့ အံ့သြစရာ ကောင်းတဲ့ နတ်ဘုရားစွမ်းရည်တွေက တစ်ခုပြီးတစ်ခု ထွက်ပေါ်လာနေတယ်"

ချင်ယွင်သည် စတင်ခြင်းမျက်လုံး၏ ဆင့်ကဲဖြစ်စဉ်ကို ကျေနပ်နေချိန်မှာ, ဟုန်ရန်နှင့် လုံချန်တို့လည်း ပျံသန်းလာကြသည်။ လုံချန်ဆိုလျှင် သူ့ကို ရယ်မောပြီး နောက်ပြောင်နေ သည်။

"အစ်ကိုကြီးလုံ၊ မင်းက ငါ့ကို မြှောက်ပင့်ပေးနေတာပါ။ မင်းရဲ့ ခွန်အားနဲ့ ယှဉ်ရင် ငါ့နည်းလမ်းတွေက သိမ်ငယ်လွန်းနေပါသေးတယ်။" ချင်ယွင်က ပြုံးပြီး ပြန်ဖြေသည်။

လုံချန်က ပြုံးပြီး ခေါင်းယမ်းလိုက်သည်။ ချင်ယွင်က နှိမ့်ချစွာ ပြောနေမှန်း သူသိသည်။ အကယ်၍, သူတို့နှစ်ယောက် တကယ်တိုက်ခိုက်ကြရင် သူတို့၏ အနိုင်ရခြေက ၅၀/၅၀ ရှိလိမ့်မည်။

"ကောင်းပြီ၊ ဆက်သွားရအောင်" ချင်ယွင်က ပြုံးရင်း ပြောလိုက်သည်။

လုံချန်က ခေါင်းညိတ်လိုက်သည်။ ဟုန်ရန်သည် မည်သည့်ထင်မြင်ချက်ကိုမျှ မပြောဘဲ နှုတ်ဆိတ်နေခဲ့သည်။

ထို့ကြောင့် ချင်ယွင်နှင့် အခြားလူများသည် အောက်သို့ ဆက်လက် ပျံသန်းသွားကြသည်။

ချိုင့်ဝှမ်းထဲတွင် အစီအရင်ဝင်္ကပါ ၁၀၈ ခု ရှိသော်လည်း အစီအရင်ဝင်္ကပါတိုင်းနှင့် တွေ့ဆုံမည် မဟုတ်ပေ။ ချင်ယွင်နှင့် တခြားသူများသည် ထိုအစီအရင်ဝင်္ကပါများကို ဂရုတစိုက် ရှောင်တိမ်းနိုင်နေသရွေ့၊ ထိုအစီအရင်ဝင်္ကပါတွေကြောင့် သူတို့ ထိခိုက်မှာ မဟုတ်ပါဘူး။

ချင်ယွင်နှင့် အခြားသူများသည် ဆက်လက် ဆင်းသွားခဲ့ပြီး မီတာရာပေါင်းများစွာ ဆက်တိုက် ဆင်းသွားခဲ့သည်။

ဘန်း…။

ရုတ်တရက် ချင်ယွင်နှင့် အခြားသူများသည် ပါးလွှာသော အလင်းလွှာတစ်ခုကို ဖြတ်ကျော် သွားပုံရပြီး သူတို့သုံးဦးသည် ကြီးမားသော မြေရိုင်းလွင်ပြင်တစ်ခုပေါ်တွင် ပေါ်လာခဲ့သည်။

"ဒါက အစီအရင်ဝင်္ကပါကနေ ဖန်တီးထားတဲ့ လေဟာနယ်တစ်ခု ဖြစ်သင့်တယ် မဟုတ်လား" လုံချန်က ချင်ယွင်ကို ကြည့်ပြီး မေးသည်။

"ဒီအတိုင်း ဖြစ်သင့်တယ်။ ဒါပေမယ့် ဒီအစီအရင်ဝင်္ကပါက ဘယ်လိုပုံစံမျိုးလဲဆိုတာ ကျွန်တော်တို့ မသိနိုင်သေးဘူး။ ဒါကြောင့် သတိထားသင့်တယ်။" ချင်ယွင်က ခေါင်းညိတ် ပြပြီး သူ့ပတ်ဝန်းကျင်ကို ဂရုတစိုက် စစ်ဆေးကြည့်လိုက်သည်။

သို့သော်လည်း ပတ်ဝန်းကျင်တွင် အကန့်အသတ်မဲ့ မြက်ခင်းပြင်များသာ ရှိနေခဲ့ပြီး၊ အခြားဘာမျှ မရှိပေ။

ဤအရာက ချင်ယွင်ကို အံ့သြသွားစေသည်။

၎င်းသည် ထောင်ချောက်အစီအရင်ဝင်္ကပါတစ်ခု ဖြစ်နေပါက၊ ၎င်းသည် အကန့်အသတ်မဲ့ မြက်ခင်းပြင်ကြီး မဖြစ်သင့်ပေ။ ထို့အပြင်, လုပ်ကြံသတ်ဖြတ်ခြင်း အစီအရင်ဝင်္ကပါဟု ပြောရအောင်လည်း, သူသည် မည်သည့် သတ်ဖြတ်လိုသည့် ဆန္ဒကိုမျှ မခံစားရပေ။ ရိုးရိုးသားသားပြောရလျှင်၊ သူတို့သည် လက်ရှိတွင် မည်သည့် အစီအရင်ဝင်္ကပါမျိုးနှင့် ကြုံတွေ့နေရသည်ဟု သူ တကယ်ပင် မမြင်နိုင်ခဲ့ပေ။

ဟုန်ရန်နှင့် လုံချန်တို့သည် ပတ်ဝန်းကျင်ကို ဂရုတစိုက် ကြည့်ရင်း ဝေခွဲမရ ဖြစ်နေကြ သည်။

သိပ်မကြာခင်မှာပင်, ကောင်းကင်နတ်ဘုရားနယ်ပယ် နတ်ဘုရားလေးပါးသည် ဤကမ္ဘာကြီးထဲမှာ ပေါ်လာခဲ့သည်။ ထင်ရှားသည်မှာ၊ ၎င်းတို့သည်လည်း ဤအစီအရင် ဝင်္ကပါထဲသို့ ကျူးကျော်ဝင်ရောက်သူများပင် ဖြစ်ပေသည်။ သို့သော် ထိုလူများ၏ ထွက်ပေါ်လာခြင်းဖြင့် ပတ်ဝန်းကျင်တွင် အခြား မည်သည့်မူမမှန်မှုမှ မရှိခဲ့ပေ။

ဘန်း…။

ချင်ယွင်နှင့် အခြားသူများသည် ပဟေဠိ ဖြစ်နေကြစဉ်မှာပင် ပြင်းထန်သော လှိုင်းလုံးကြီး တစ်ခုသည် အဝေးမှ ထွက်ပေါ်လာသည်။ ထို့နောက် ချင်ယွင်သည် အဝေးမှ ပုံရိပ်တစ်ခု ပျံဝဲလာပြီး မြက်ခင်းပြင်ပေါ်တွင် ဆင်းသက်လာသည်ကို တွေ့လိုက်ရသည်။

မြေကြီးသည် ချက်ချင်း ပြိုကျသွားပြီး၊ မြေကြီးတစ်ခုလုံး နစ်မြုပ်သွားခဲ့သည်။

ချင်ယွင်၊ ဟုန်ရန်နှင့် တခြားသူများသည် ထိုလူကို ချက်ချင်း ကြည့်လိုက်သည်။ သူတို့သည် ထိုလူ၏ မျက်နှာအစစ်ကို မြင်လိုက်သောအခါ ချက်ချင်းပင် ထိတ်လန့်သွားကြပါသည်။