အခန်း ၁၇၆၄

အခန်း (၁၇၆၄) ဘိုးဘေးနတ်ဘုရားအဆင့် တိုက်ခိုက်ရေးသမား။

ချင်ယွင်သည် ယခုအချိန်တွင် လျှိုဘို ပေါ်လာမည်ဟု မထင်ခဲ့ပေ။

လျှိုဘိုသည် အချိန်တိုင်း အိပ်ပျော်နေသောကြောင့် သူ့ကို လုံးဝ ဂရုမစိုက်ခဲ့ပေ။

ထို့ကြောင့် ချင်ယွင်သည် အခြေခံအားဖြင့် လျှိုဘိုမရှိသလို ဟန်ဆောင်နေခဲ့သည်။ ဤအခိုက်အတန့်တွင် လျှိုဘိုထွက်ပေါ်လာပြီး ဤအခြားကမ္ဘာမှ အပြာရောင်ကြေးခွံ နတ်ဆိုးကျင့်ကြံသူကို နတ်ဆိုးကျွန်အဖြစ် ပြန်လည်ပြုပြင်ပေးမည်ဟု သူ မမျှော်လင့်ထား ပေ။

"ဒီကမ္ဘာခြား နတ်ဆိုးကျင့်ကြံသူကိုလည်း နတ်ဆိုးကျွန်အဖြစ် ပြုပြင်ပေးနိုင်လို့လား။" ချင်ယွင်က စိတ်ရှုပ်ထွေးစွာဖြင့် မေးလိုက်သည်။

ယခင်က လျှိုဘို သန့်စင်ပေးထားသော နတ်ဆိုးကျွန်များအားလုံးကို နတ်ဆိုးနတ်ဘုရား များမှ ပြုလုပ်ခဲ့ခြင်း ဖြစ်သည်။ ဤကမ္ဘာခြား နတ်ဆိုးကျင့်ကြံသူများသည် နတ်ဆိုး ကျွန်များအဖြစ်သို့ ပြန်လည်သန့်စင်နိုင်သည်ဟု သူ တစ်ခါမှ မကြားဖူးပါဘူး။

"သေချာပေါက် ရတာပေါ့။ နတ်ဆိုးနတ်ဘုရားတွေကိုပဲ သန့်စင်နိုင်တယ်လို့ မင်းကို ဘယ်သူ ပြောလဲ။ မင်းသေသွားရင်တောင် မင်းကို နတ်ဆိုးကျွန်အဖြစ် ပြုပြင်ပေးနိုင်တုန်း ပဲ" လျှိုဘို၏စကားများသည် ချင်ယွင်၏ စိတ်ထဲတွင် ထွက်ပေါ်လာသည်။

ချင်ယွင်သည် တခဏတာ စကားမပြောနိုင် ဖြစ်သွားရသည်။ သို့သော်, အကယ်၍, လျှိုဘို သာ ဤအပြာရောင်ကြေးခွံ နတ်ဆိုးကျင့်ကြံသူကို နတ်ဆိုးကျွန်အဖြစ် ပြန်လည် ပြုပြင်နိုင် ပါက, သူ့တွင် နောက်ထပ် ဘိုးဘေးနတ်ဘုရားတစ်ယောက် ရှိလာလိမ့်မည်။

"ဘုန်း"

ထိုအချိန်တွင် ကောင်းကင်ယံ၌ တိုက်ပွဲသည် ပြင်းပြင်ထန်ထန် စိတ်လှုပ်ရှားစရာ ကောင်းသည့်အဆင့်သို့ ရောက်ရှိနေပြီ ဖြစ်သည်။ အပြာရောင်ကြေးခွံ နတ်ဆိုး ကျင့်ကြံသူ သည် လုံထျန်း၏တိုက်ခိုက်မှုကို တွန်းလှန်ရန် သူ့ကိုယ်ပိုင်လက်ကို အသုံးပြုခဲ့သည်။

ပထမတော့ လုံထျန်းသည် အပြာရောင်ကြေးခွံ နတ်ဆိုးကျင့်ကြံသူနှင့် လက်ရည်တူ တိုက်ခိုက်နိုင်သော်လည်း, နောက်ပိုင်းတွင် လုံထျန်းသည် တဖြည်းဖြည်းနှင့် အောက်ကို ကျလာခဲ့သည်။

အဘယ့်ကြောင့်ဆိုသော် ဘိုးဘေးနတ်ဘုရားအဖြစ် ပြောင်းလဲပေးနိုင်သော တန်ခိုးတော် ပမာဏက အလွန်များပြားခြင်း မရှိသေးသောကြောင့် ဖြစ်သည်။ သူတိုက်ခိုက်နေစဉ်မှာ ဘိုးဘေးနတ်ဘုရားတန်ခိုးတော်ကို သုံးစွဲရမှုပမာဏက တိုးမြင့်လာသဖြင့် သူ၏လက်ထဲ တွင်ရှိသော နဂါးဘုရင်ဓားကို အသက်သွင်းရန် အလွန်ခက်ခဲလာခဲ့သည်။

ဘိုးဘေးနတ်ဘုရားပစ္စည်းများသည် ဘိုးဘေးနတ်ဘုရားတန်ခိုးတော်ဖြင့်သာ အသက် သွင်းနိုင်သည်။ ကောင်းကင်နတ်ဘုရား၏တန်ခိုးစွမ်းအားသည် လုံးဝ အကျိုးသက်ရောက် မှု မရှိပေ။

ထို့ကြောင့်၊ လုံထျန်း၏ဘိုးဘေးနတ်ဘုရား တန်ခိုးတော် ကုန်ဆုံးသွားသည်နှင့် တစ်ပြိုင်နက်၊ သူ့ခွန်အားသည် အလွန်အားနည်းသွားလိမ့်မည်။

"ဘုန်း"

နောက်ဆုံးတွင် လုံထျန်းသည် ရှုံးနိမ့်ခဲ့သည်။ အပြာရောင်ကြေးခွံ နတ်ဆိုးကျင့်ကြံသူ၏ လက်သီးချက်သည် သူ့ရင်ဘတ်ကို ထိမှန်သွားခဲ့သည်။ သူသည် ချက်ခြင်းပင် နောက်ပြန် လွင့်ပျံသွားပြီး မြေပြင်ပေါ်တွင် တွင်းကြီးတစ်ခု ဖန်တီးလိုက်သည်။

သူ့ရင်ဘတ်မှာ ကြီးမားသည့် အပေါက်ကြီးတစ်ခု ပေါ်လာပြီး ပြင်းထန်စွာ ဒဏ်ရာရသွား ခဲ့ပြီး၊ တိုက်ခိုက်နိုင်စွမ်း မရှိတော့ပေ။

"ဟမ့်၊ အရမ်းအားနည်းတယ်"

အပြာရောင်ကြေးခွံ နတ်ဆိုးကျင့်ကြံသူသည် မထီမဲ့မြင်ပြုဟန်ဖြင့် အေးစက်စွာ အော်ဟစ်လိုက်ပြီး လုံထျန်းလဲကျသွားသည့် ဦးတည်ရာဆီသို့ လက်သီးဖြင့် ထိုးလိုက် သည်။

ပတ်ဝန်းကျင်ရှိ လူတိုင်းသည် ထိတ်လန့်တုန်လှုပ်သော အမူအရာများကို ဖော်ပြနေကြ သည်။ အကယ်၍ ဤလက်သီးချက်သာ ထိမှန်သွားပါက လုံထျန်းသည် သေချာပေါက် သေရလိမ့်မည်။

သို့သော် သူတို့၏ ခွန်အားမှာ အားနည်းလွန်းလှသည်။ တားဆီးရန်အတွက် ရှေ့ကို အလျင်စလို ပြေးသွားရင်တောင် သေမှာဘဲဖြစ်သည်။

လုံထျန်းလည်း မတ်တပ်ရပ်ရန် အသည်းအသန် ရုန်းကန်ကြိုးစားသော်လည်း, သူ့ခန္ဓာကိုယ်က ဆိုးဆိုးရွားရွား ပျက်စီးနေသောကြောင့် သူသည် အချိန်တိုအတွင်း မလှုပ်ရှားနိုင်ခဲ့ပါဘူး။

ဘန်း…။

သို့သော် ဤအခိုက်အတန့်တွင် ကြီးမားသော လက်ဖဝါးကြီးတစ်ခုသည် ထွက်ပေါ်လာပြီး လုံထျန်းဆီသို့ ကျဆင်းလာသည့် လက်သီးချက်ကို ပိတ်ဆို့လိုက်သည်။

ပတ်ဝန်းကျင်ရှိ ကောင်းကင်နတ်ဘုရားများ အားလုံးသည် အံ့အားသင့်သည့် အမူအရာများ ကို ထုတ်ဖော်လာကြပြန်သည်။ ထိုကျောက်လက်ဝါးကြီးက မည်သည့်နေရာက ရောက်လာမှန်း သူတို့ နားမလည်ကြပါဘူး။

ချင်ယွင် တိုက်ခိုက်သည်ကို လုံဟန်နှင့် လုံထျန်းတို့သာ သိသည်။

"ကျေးဇူးတင်ပါတယ်" လုံထျန်းက ချင်ယွင်ကိုကြည့်ပြီး ပြောလိုက်သည်။

"အရင်ဆုံး အေးအေးဆေးဆေး အနားယူပါ။ ကျန်တာ ငါ့အတွက် ထားလိုက်။" ချင်ယွင်က ပြုံးပြုံးလေး ပြောလိုက်သည်။

ထိုစကားကို ပြောပြီးနောက်တွင် တိမ်တိုက်ထဲထိ တိုးဝင်နေသည့် မျှော်စင်ကြီးတစ်ခု အလား သူ့နောက်တွင် တုနှိုင်းမရအောင် ကြီးမားသည့် ဧရာမကျောက်ရုပ်ထုကြီးတစ်ခု ပေါ်လာသည်။

လုံထျန်းက ခေါင်းညိတ်ပြလိုက်သည်။

"ချင်ယွင်၊ ဒီကောင်ကို သေအောင်ရိုက်စမ်း။" လုံဟန်သည် ဘေးတဖက်ခြမ်းမှနေ၍ အသဲအသန် အော်ပြောလိုက်သည်။

ချင်ယွင်က ခပ်ဖျော့ဖျော့ပြုံးကာ အပြည့်အဝ လုပ်ဆောင်ပေးမည့်အကြောင်း အာမခံချက် ပေးသည့် အမူအရာ လုပ်ပြသည်။

ပတ်ဝန်းကျင်ရှိ နဂါးမျိုးနွယ် ကောင်းကင်နတ်ဘုရားများသည် ၎င်းတို့၏ စိတ်နှလုံးထဲတွင် အံ့သြမှုနှင့်အတူ သံသယစိတ်များကို ဖြစ်ပေါ်လာကြသည်။

ဒီကျောက်ရုပ်တုကြီးကို ချင်ယွင်က ဆင့်ခေါ်ခဲ့တာများ ဖြစ်နိုင်မလား။

အပြာရောင်ကြေးခွံ နတ်ဆိုးကျင့်ကြံသူသည် ချင်ယွင်နောက်ကွယ်ရှိ ကျောက်ရုပ်ထုကြီးကို စူးစမ်းလိုစိတ်ဖြင့် ကြည့်လိုက်ရင်း သူ့မျက်လုံးများက လေးနက်မှုအရိပ်အယောင်ကို ပေါ်လွင်စေသည်။

"လူသား၊ မင်းနောက်က ဘာကြီးလဲ" အပြာရောင်ကြေးခွံ နတ်ဆိုးကျင့်ကြံသူက မေးသည်။

ချင်ယွင်က ပြုံးပြီး ပြောသည် "သူက ငါ့လက်အောက်ငယ်သားပါ"

"လက်အောက်ငယ်သားလား။ မဖြစ်နိုင်ပါဘူး။ အဲဒါကြီးက မင်းထက် သိသိသာသာ အားကောင်းနေတယ်။ ဒါပေမယ့် သူ့ခန္ဓာကိုယ်ပေါ်က အသက်ရဲ့ အငွေ့အသက်ကို ငါ ဘာလို့ မခံစားနိုင်ရတာလဲ" အပြာရောင်ကြေးခွံ နတ်ဆိုးကျင့်ကြံသူက ငြင်းပယ်သည်။

ပတ်ဝန်းကျင်ရှိ လူတိုင်းကလည်း မယုံကြည်နိုင်လောက်သည့် အမူအရာများကို ဖော်ပြနေ ကြသည်။ ဤကျောက်ရုပ်ထုကြီးသည် ကြီးမြတ်သော ကောင်းကင်ဘုံအဆင့် ဘိုးဘေး နတ်ဘုရားနယ်ပယ်သို့ သိသာထင်ရှားစွာ ရောက်ရှိနေပြီ။ ၎င်းသည် ချင်ယွင်၏ လက်အောက်ခံ မည်သို့ ဖြစ်နိုင်မည်နည်း။

ချင်ယွင်သည် ရှင်းပြခြင်းမရှိဘဲ မထင်မရှား ပြုံးလိုက်သည်။ သူက သူ့နောက်က ရုပ်တုကြီး ကို တိုက်ရိုက် အမိန့်ပေးလိုက်သည်၊ "ဟွန်ထျန်း၊ သူ့ကို သတ်ပစ်လိုက်ပါ၊ ဒါပေမယ့် သူ့ခန္ဓာကိုယ်က နဂိုအတိုင်း ရှိနေပါစေ”။

"ဟုတ်ကဲ့ သခင်" ဟွန်ထျန်း နတ်ဆိုးကျောက်ရုပ်ထုကြီးက ချက်ချင်း ပြန်ဖြေသည်။

ထိုစကားတွေ ပြောဆိုပြီးချိန်မှာ ရောက်ရှိနေသူ လူအားလုံး အံ့သြသွားကြပါသည်။

ဤကြီးမြတ်သော ကောင်းကင်ဘုံအဆင့် ဘိုးဘေးနတ်ဘုရားအဆင့် ကျောက်ရုပ်ထုကြီး သည် အမှန်တကယ်ပင် ချင်ယွင်၏ လက်အောက်ခံ ဖြစ်နေသည်။

အပြာရောင်ကြေးခွံ နတ်ဆိုးကျင့်ကြံသူလည်း အံ့အားသင့်သော အမူအရာကို ဖော်ပြလာ သည်။ ချင်ယွင်ပြောသည့်စကားက အမှန်ဖြစ်မည်ဟု သူ မမျှော်လင့်ခဲ့ပေ။

"ဟမ့်၊ အဲဒါက ကျောက်တုံးကြီးပဲလေ။ မင်းကို လက်သီးတစ်ချက်နဲ့ ရိုက်ခွဲပစ်မယ်။" အပြာရောင်ကြေးခွံ နတ်ဆိုးကျင့်ကြံသူသည် လက်သီးဝှေ့ယမ်းကာ ဟွန်ထျန်း နတ်ဆိုး ကျောက်ရုပ်ထုကြီးဆီသို့ တိုက်ရိုက် ပြေးသွားခဲ့သည်။

လက်သီးတစ်ချက် ပစ်ထိုးလိုက်ပြီးနောက် အနှိုင်းမဲ့ အစွမ်းထက်သည့် စွမ်းအားတစ်ခုက ထုတ်လွှတ်လာသည်။

သို့သော်လည်း ကျောက်ရုပ်ထုကြီးသည် အလားတူ လက်သီးတစ်ချက် ထုတ်ဖော်ရင်း သူ့မျက်နှာတွင် အထင်အမြင်သေးမှု အရိပ်အယောင် ပေါ်လာသည်။

"ဘုန်း"

ကောင်းကင်နှင့်မြေကြီး ပေါက်ကွဲသွားကာ အပြာရောင်ကြေးခွံ နတ်ဆိုးကျင့်ကြံသူ၏ လက်သီးကို ရုပ်တုကြီးမှ အတားအဆီးမရှိဘဲ ပိတ်ဆို့ထားသည်။

ပတ်ဝန်းကျင်ရှိ ကောင်းကင်နတ်ဘုရားများသည် ၎င်းတို့၏နားများ ကန်းသွားသည်ဟု ခံစားခဲ့ရပြီး ကြောက်မက်ဖွယ်ကောင်းသော ပေါက်ကွဲအသံကြောင့် ၎င်းတို့၏ ခေါင်းများကို နာကျင်စေခဲ့သည်။

ထိုအချိန်တွင် ချင်ယွင်သည် အနားသို့ ဆုတ်ခွာနေပြီ ဖြစ်သည်။ ဤအပြာရောင် ကြေးခွံ နတ်ဆိုးကျင့်ကြံသူသည် အနည်းဆုံး ဘိုးဘေးနတ်ဘရားနယ်ပယ် ကျွမ်းကျင်သူ ဖြစ်သည်။ သူ့မှာ ပါဝင်နိုင်သည့် အခန်းကဏ္ဍ လုံးဝ မရှိပါဘူး။

အပြာရောင်ကြေးခွံ နတ်ဆိုးကျင့်ကြံသူသည် သူ၏တိုက်ခိုက်မှုကို အလွယ်တကူ ပိတ်ဆို့ထားသည်ကို မြင်လိုက်ရလျှင် သူ့မျက်နှာက ထိတ်လန့်သော အမူအရာကို ဖော်ပြလာသည်။

နောက်ဆုံးတော့ သူ့ရှေ့က ဤရုပ်ထုကြီးသည် သူ့ထက်ပင် ပိုသန်မာနေသည်ကို သူ သိလိုက်ရပြီ။

ထို့ကြောင့် သူသည် အလျင်အမြန် လှည့်ထွက်ကာ ထွက်ပြေးတော့မည် ဖြစ်သည်။

"ထွက်ပြေးချင်သလား၊ အဲဒီလောက် မလွယ်ဘူး။" အပြာရောင်ကြေးခွံ နတ်ဆိုး ကျင့်ကြံသူဆီသို့ ဧရာမလက်သီးကြီးဖြင့် ထိုးလိုက်ရင်း ရုပ်ထုကြီးက အေးစက်စက် ရယ်မောသံ ထုတ်ဖော်လိုက်သည်။

အပြာရောင်ကြေးခွံ နတ်ဆိုးကျင့်ကြံသူသည် ကီလိုမီတာ ဆယ်သန်းကျော်အထိ ပျံသန်းနေ ပြီဖြစ်သော်လည်း ရုပ်ထုကြီး၏ လက်ဖဝါးထဲမှ ထွက်မြောက်အောင် မပျံသန်းနိုင်သေးပေ။ သူသည် ရုပ်ထုကြီး၏လက်ထဲတွင် ဖမ်းဆုပ်ခံထားရသည်။

အပြာရောင်ကြေးခွံ နတ်ဆိုးကျင့်ကြံသူသည် အသည်းအသန် ရုန်းကန်ခဲ့သော်လည်း အသုံးမဝင်ပေ။ ဤဟွန်ထျန်း နတ်ဆိုးကျောက်ရုပ်ထုကြီးသည် အစွမ်းထက်လွန်းပြီး သူ့ လက်ဖဝါးပေါ်ရှိ ချည်နှောင်ခြင်းစွမ်းအားသည် သူလွတ်မြောက်နိုင်သည့် အရာမဟုတ်ပေ။

လူတိုင်း၏ မျက်လုံးများ ပြူးကျယ်သွားသည်။

ကြောက်မက်ဖွယ်ကောင်းသော အပြာရောင်ကြေးခွံ နတ်ဆိုးကျင့်ကြံသူသည် ဟွန်ထျန်း နတ်ဆိုးကျောက်ရုပ်ထုကြီး ရှေ့တွင် အားနည်းသော ကြက်တစ်ကောင်နှင့်တူသည်။

"လျှိုဘို, မင်းအလှည့်ပဲ" ချင်ယွင်၏ရုပ်အသွင်သည် တောက်ပသွားပြီး အပြာရောင်ကြေးခွံ နတ်ဆိုးကျင့်ကြံသူရှေ့တွင် တိုက်ရိုက် ပေါ်လာသည်။

"ကောင်းပြီ၊ ဒီကလေးက မဆိုးဘူး မဟုတ်လား။ အဲဒီလို တိုက်ခိုက်ရေးသမားနဲ့ဆို မင်း ဘာလို့ ငါနဲ့ပူးပေါင်းပြီး၊ နတ်ဆိုးကျွန်တွေ ငါ့ကို ထပ်မလုပ်ခိုင်းရတာလဲ" လျှိုဘို၏ နောက်ပြောင်သော အသံက ချင်ယွင်၏ စိတ်ထဲတွင် ထွက်ပေါ်လာသည်။

ချင်ယွင်က ပြုံးပြီး၊ ထိုစကားကို လျစ်လျူရှုလိုက်သည်။

ဘန်း…။

ချင်ယွင်၏မျက်ခုံးနှစ်ခုကြားမှ အားပြင်းသော လှိုင်းလုံးများ ထွက်ပေါ်လာပြီးနောက် အပြာရောင်ကြေးခွံ နတ်ဆိုးကျင့်ကြံသူဆီသို့ ချက်ချင်း ပစ်လွှတ်သွားခဲ့သည်။

မူလက ရုန်းကန်နေသော အပြာရောင်ကြေးခွံ နတ်ဆိုးကျင့်ကြံသူသည် ရုတ်တရက် ရပ်တန့်ပြီး မူးလဲသွားသည်။

"သူ ဘာလုပ်လိုက်တာလဲ။ အပြာရောင်ကြေးခွံ နတ်ဆိုးကျင့်ကြံသူက ဘာလို့ မလှုပ်တော့ တာလဲ။ သူသေသွား ပြီလား။" ကောင်းကင်နတ်ဘုရားတွေ အားလုံး အံ့အားတသင့် အမူအရာကိုယ်စီ ဖြစ်ပေါ်လာကြသည်။

ချင်ယွင် ဘာလုပ်လိုက်မှန်း သူတို့မသိသော်လည်း, သူသည် အပြာရောင်ကြေးခွံ နတ်ဆိုး ကျင့်ကြံသူကို မလှုပ်ရှားနိုင်အောင် တားဆီးလိုက်ဖြစ်ကြောင်း သူတို့ သိသည်။

လုံထျန်းနှင့် လုံဟန်တို့လည်း ထိတ်လန့်သွားကြသည်။ အခုနက ချင်ယွင်၏ မျက်ခုံးနှစ်ခု ကြားမှ ထုတ်လွှတ်လိုက်သော စွမ်းအင်အတက်အကျသည် သူတို့စိတ်နှလုံး၏ နက်ရှိုင်းရာ အရပ်မှပင် ကြောက်ရွံ့မှုကို ခံစားရစေခဲ့သည်။

ချင်ယွင်သည် လူတိုင်း၏အကြည့်များကို လျစ်လျူရှုပြီး သူ့အင်္ကျီလက်မောင်းကို ဝှေ့ယမ်း ကာ အပြာရောင်ကြေးခွံ နတ်ဆိုးကျင့်ကြံသူအား ကမ္ဗည်းကျောက်ပြားထဲသို့ တိုက်ရိုက် ထည့်လိုက်ပါသည်။

တစ်ချိန်တည်းမှာပင် သူသည် ရုပ်ထုကြီးကို ကနဦးစကြဝဠာထဲသို့ ထည့်သွင်းခဲ့သည်။

"လျှိုဘို၊ ဒီနတ်ဆိုးကျွန်ကို သန့်စင်ဖို့ အချိန်ဘယ်လောက် ကြာဦးမှာလဲ" ချင်ယွင်က လျှိုဘိုကို မေးသည်။

"စိတ်မပူပါနဲ့။ သုံးရက်အတွင်းမှာ မင်းအနေနဲ့ ဘိုးဘေးနတ်ဘုရားအဆင့် နတ်ဆိုးကျွန်ကို မြင်ရမယ်လို့ ငါ အာမခံတယ်။" အသံထုတ်လွှင့်မှုမှတစ်ဆင့် လျှိုဘိုက ပြောသည်။

ထိုစကားကိုကြားတော့ ချင်ယွင်က တောက်ပသည့် အပြုံးကို ထုတ်ဖော်လိုက်ပြီး သူ့မျက်လုံးတွေက မျှော်လင့်ခြင်းများဖြင့် ပြည့်နေခဲ့သည်။

နောက်သုံးရက်အကြာတွင် သူ့မှာ ဘိုးဘေးနတ်ဘုရားအဆင့် တိုက်ခိုက်ရေးသမား နောက်တစ်ယောက် ရှိလာလိမ့်မည်။ ဤအရာက အခြားမည်သူမျှ စိတ်ကူးမယဉ်ဝံ့သော အရာဖြစ်သည်။