အခန်း ၁၇၉၈

အခန်း (၁၇၉၈) ကောင်းကင်တောင်။

နဂါးမျိုးနွယ် ကျွမ်းကျင်သူများကို နှုတ်ဆက်ပြီးနောက်၊ ချင်ယွင်သည် ကောင်းကင်တောင် ဆီသို့ ချက်ချင်း ပြေးသွားခဲ့သည်။

အချိန်ဘိုးဘေးဘုရားမ၊ ကလေးဧကရာဇ်နှင့် သေမင်းဘိုးဘေးနတ်ဘုရားတို့အနေဖြင့်၊ သူတို့သည် နဂါးမျိုးနွယ်တွင် ကျန်ရစ်ခဲ့သည်။

ချင်ရီသည် ချင်ယွင်နှင့်အတူ မထွက်ခွာနိုင်သောကြောင့်၊ ချင်ယွင်သည် သူမကို ကနဦး စကြာဝဠာသို့ တိုက်ရိုက် ခေါ်ဆောင်သွားခဲ့ရသည်။

ယခုအချိန်တွင်၊ ချင်ယွင်၏စကြာဝဠာသည် အခြေခံအားဖြင့် ပြီးပြည့်စုံခြင်းအထိ ဖွံ့ဖြိုးလာ သော်လည်း စကြဝဠာတစ်ခုလုံး၏ စည်းမျည်းများသည် တည်ထောင်ပြီးစ ဖြစ်ပြီး၊ ပြီးပြည့်စုံခြင်း မရှိသေးပေ။

ထို့ကြောင့်၊ ချင်ယွင်၏ လက်ရှိစွမ်းအားသည် အများဆုံး ကြီးမြတ်သော ကောင်းကင်ဘုံ အဆင့် ဘိုးဘေးနတ်ဘုရားများနှင့် ယှဉ်နိုင်ပါသည်။

ချင်ယွင်သည် အလုံးစုံပြီးပြည့်စုံခြင်း ကောင်းကင်ဘုံအဆင့် ဘိုးဘေးနတ်ဘုရားများနှင့် မယှဉ်နိုင်သေးပါ။

ကြွေလွင့်ဘိုးဘေးဘုရားလို ကျွမ်းကျင်ပညာရှင်မျိုး မဟုတ်ပါက, ချင်ယွင်သည် အလုံးစုံ ပြီးပြည့်စုံခြင်း ကောင်းကင်ဘုံအဆင့် ဘိုးဘေးနတ်ဘုရားများကို ဖိနှိပ်နိုင်မည် မဟုတ်ပေ။

အလွန်လျင်မြန်စွာ၊ ချင်ယွင်သည် မြူခိုးများထူထပ်သော ပတ်ဝန်းကျင်ကို ရောက်ရှိလာ သည်။

"ဒီခရမ်းရောင်ဘုရင်နဲ့ ထပ်တွေ့ဦးမလား ငါ သိမိတယ်။" ချင်ယွင်က သူ့ကိုယ်သူ တွေးနေသည်။

ယခုအခါ လျှိုဘိုသည် ဝါးမျိုးခြင်းနတ်ဆိုးအင်းဆက်၏ခန္ဓာကိုယ်ကို ရုပ်သေးအဖြစ် စတင် သန့်စင်နေပြီ ဖြစ်သည်။

အကယ်၍, သူသည် ခရမ်းရောင်ဘုရင်ကို အမှန်တကယ် တွေ့ခဲ့ရင်တောင်....

ဝါးမျိုးခြင်းနတ်ဆိုးအင်းဆက်၏ရုပ်ခန္ဓာကိုယ်ခွန်အားကို အားကိုး၍ ခရမ်းရောင်ဘုရင်ကို တိုက်ခိုက်ခြင်းက ပြဿနာမဖြစ်သင့်ကြောင်း ချင်ယွင် ယုံကြည်ခဲ့သည်။

ထို့ကြောင့် ချင်ယွင်သည် ထူထပ်သော မြူခိုးဒီရေလှိုင်းထဲသို့ တိုက်ရိုက် ထိုးဆင်းသွားခဲ့ သည်။

လက်ရှိအချိန်တွင် မြူခိုးများက ရှေးခေတ်နတ်ဘုရားကမ္ဘာ၏ သုံးပုံတစ်ပုံနီးပါးကို သိမ်းပိုက်ထားပြီး ဖြစ်သည်။

ဤကြောက်စရာကောင်းသော မြူခိုးဒီရေလှိုင်းကြီးကြောင့် ကောင်းကင်နတ်ဘုရား နယ်ပယ်မှ ကျွမ်းကျင်သူများသည်ပင် အသက်ရှင်နေထိုင်နိုင်မည့် လေဟာနယ်များကို ပြင်းထန်စွာ ညှစ်ထုတ်နေကြရသည်။

အခြားတစ်ဖက်တွင်မူ ကမ္ဘာခြားနတ်ဆိုးများသည် လူသားပညာရှင်များနှင့် တိုက်ခိုက် ခြင်းကို ရပ်လိုက်ပြီး ကောင်းကင်ဘုံတံဆိပ် အသစ်၏ တည်နေရာကို ရှာဖွေရန် စတင်ခဲ့ကြ သည်။

ယခုတော့ ချင်ယွင်သည် အခြေခံအားဖြင့် နားလည်သွားခဲ့ပြီ ဖြစ်သည်။

ဤကမ္ဘာခြားနတ်ဆိုးများ အားလုံးသည် ခရမ်းရောင်ဘုရင်၏ လက်အောက်ခံများ ဖြစ်သည်။

သူတို့၏ ရည်မှန်းချက်က လူသားများကို ချေမှုန်းရန်မဟုတ်ဘဲ ကောင်းကင်ဘုံတံဆိပ်ကို သိမ်းပိုက်ရန် ဖြစ်သည်။

ခရမ်းရောင်ဘုရင်သည် ကောင်းကင်ဘုံတံဆိပ်ကို အသုံးပြု၍၊ အကြီးမြတ်ဆုံး အုပ်စိုးရှင် တိုက်ကြီး၏ အတွင်းပိုင်းတံခါးကို ဖွင့်ပြီး၊ သူသည် အကြီးမြတ်ဆုံး အုပ်စိုးရှင် အမွေနှစ်ကို ရယူနိုင်ရန် ဆန္ဒရှိနေသည်။

ချင်ယွင်သည် တန်ခိုးကြီးသော ကောင်းကင်တောင်ဆီသို့ လျှောက်လှမ်းလာခဲ့သည်။

ယခုတစ်ကြိမ်မှာတော့, သူလုပ်စရာရှိသည်က တန်ခိုးကြီးသော ကောင်းကင်တောင်ကို တက်နိုင်ရန် အစွမ်းကုန် ကြိုးစားဖို့ ဖြစ်သည်။

တန်ခိုးကြီးသော ကောင်းကင်တောင်၏အကူအညီဖြင့်၊ သူသည် ပြန်လည်ဝင်စားခြင်း ဉပဒေသများကို ဆင်ခြင်နိုင်သည်။

ပြန်လည်ဝင်စားခြင်းဉပဒေသများသည် ဥပဒေသအားလုံး၏ ထိပ်ဆုံးတွင်ရှိနေသော ဥပဒေသများ ဖြစ်သည်။

ပြန်လည်ဝင်စားခြင်းဉပဒေသများကို နားလည်သဘောပေါက်မှသာ ချင်ယွင်၏ ကနဦး စကြာဝဠာ အမှန်တကယ် ပြီးမြောက်နိုင်မည် ဖြစ်သည်။

ဝှီး....။

ချင်ယွင်သည် လျင်မြန်စွာပင် ကောင်းကင်တောင်ခြေရင်းသို့ ရောက်ရှိလာခဲ့သည်။

ယခုအချိန်တွင်၊ တန်ခိုးကြီးသော ကောင်းကင်တောင်၏ ဖိအားသည် စကြာဝဠာ၏ ပြီးဆုံးခြင်းသို့ ရောက်ရှိတော့မည့် သူ့အတွက် များစွာ အတားအဆီး မရှိတော့ပါ။

သို့သော်လည်း တန်ခိုးကြီးသော ကောင်းကင်တောင်အတွင်း ပါရှိသော စကြာဝဠာ၏ တန်ခိုးကြီးသော စွမ်းအားသည် ချင်ယွင်၏ နှလုံးသားကို ရင်တုန်စေသည်။

"ကြည့်ရတာ, ငါ သတိထားရမယ့်ပုံပဲ။ ဒီစကြဝဠာသခင်ဟာ ဒီစကြာဝဠာထဲမှာ နှစ်ပေါင်း များစွာရှိနေခဲ့တာ ထင်ရှားပါတယ်။ သူနဲ့ ထိပ်တိုက်ရင်ဆိုင်ဖို့ ငါ့စွမ်းအားက မလုံလောက် ဘူး" ချင်ယွင်က သူ့ကိုယ်သူ တွေးနေသည်။

ယခုအခါ ဤစကြဝဠာသခင်သည် အန္တရာယ်အတွင်းမှာ ရှိနေသည်။

သို့သော်၊ သူ၏ တန်ခိုးကြီးသော ကောင်းကင်တောင်သည် သူ့စကြာဝဠာ၏ အခြေခံ အုတ်မြစ်ဖြစ်သည်။

ချင်ယွင် သတိထားရလိမ့်မည်။

ဝှီး...။

ချင်ယွင်သည် တောင်ထိပ်ကိုပင် မမြင်နိုင်လောက်အောင် မြင့်မားသော တန်ခိုးကြီးသော ကောင်းကင်တောင်ကို မော့ကြည့်လိုက်ပြီး၊ သူသည် ချက်ချင်းပင် အလင်းတန်းများ အဖြစ်သို့ ပြောင်းလဲကာ တောင်ထိပ်ဆီသို့ ပြေးတက်သွားခဲ့သည်။

စကြဝဠာတစ်ခုလုံးရှိ လူများစွာသည် တန်ခိုးကြီးသော ကောင်းကင်တောင်ကို တက်ရောက်နိုင်စွမ်း မရှိပေ။

ချင်ယွင်သည် တန်ခိုးကြီးသော ကောင်းကင်တောင်ထိပ်သို့ အဆက်မပြတ် ပြေးတက်နေ သော ဝိညာဉ်မျောက်တစ်ကောင်နှင့် တူနေသည်။

သူလှမ်းလိုက်သည့် ခြေလှမ်းတိုင်းက မီတာထောင်ချီ အမြင့်ရောက်သည်။

လျင်မြန်စွာပင် သူသည် တန်ခိုးကြီးသော ကောင်းကင်တောင်၏ တောင်စောင်းသို့ ရောက်ရှိသွားသည်။

ချင်ယွင်သည် ထိုတောင်စောင်းတွင် ရပ်လိုက်သည်။

ထိုအချိန်တုန်းက ခရမ်းရောင်ဘုရင်သည် ဤနေရာတွင် တင်ပျဉ်ခွေထိုင်ကာ စကြဝဠာ၏ မူလစွမ်းအားကို အဆက်မပြတ် စုပ်ယူနေသည်ကို သူ မြင်ခဲ့ရသည်။

ယခု သူသည် တန်ခိုးကြီးသော ကောင်းကင်တောင်၏ ကျောက်ဆောင်များပေါ်သို့ တက်လှမ်းလာသောအခါ၊ ကျောက်ဆောင်များအတွင်းရှိ စကြဝဠာကြီး၏ တန်ခိုးကြီးသော မူလစွမ်းအားကို ရှင်းရှင်းလင်းလင်း သူ ခံစားနိုင်ခဲ့သည်။

ထို့ကြောင့် ဤတောင်တန်းကျောက်တုံးများ အားလုံးကို ခိုင်မာအားကောင်းသော စကြာဝဠာ၏ မူလစွမ်းအားဖြင့် ဖွဲ့စည်းထားသောကြောင့် ကွဲကြေသွားခြင်း မရှိပေ။

သို့သော် ယခုအချိန်တွင် ချင်ယွင်၏ စကြာဝဠာမူလစွမ်းအားသည် ပြည့်စုံသွားခဲ့ပြီး၊ သူသည် ထိုစွမ်းအားကို လုံးဝ မလိုအပ်တော့ပေ။

အခု သူလုပ်ရမည့်အရာက တောင်ကို ဆက်တက်ဖို့ ဖြစ်သည်။

တန်ခိုးကြီးသော ကောင်းကင်တောင်၏ တောင်ထိပ်သို့ တက်ပြီး၊ သတ္တဝါအားလုံးတို့၏ ဉပဒေသတို့ကို လွှမ်းမိုး၍၊ သူသည် သတ္တဝါအပေါင်း၏ ဉပဒေသတို့ကို ကြည့်ရူနေအလား ပြန်လည်ဝင်စားခြင်း ဉပဒေသကို ကြည့်ရူဆင်ခြင်ရန် ဖြစ်သည်။

ထို့ကြောင့် ချင်ယွင်သည် တောင်ထိပ်သို့ ဆက်လက်တက်ခဲ့သည်။ သို့သော်, သူသည် အကြာကြီး မတက်နိုင်ခဲ့ပေ။

ချင်ယွင်သည် ခုခံမှုလှိုင်းတစ်ခုကို ခံစားလိုက်ရသည်။

ဤခုခံမှုလှိုင်းလုံးသည် စိတ်ဝိညာဉ်ဖိအားမှ ရောက်ရှိလာခြင်း မဟုတ်ဘဲ စကြဝဠာ၏ စွမ်းအားမှ ရောက်ရှိလာခြင်း ဖြစ်သည်။

ချင်ယွင်၏ အသုံးပြုထားသော စကြာဝဠာ၏စွမ်းအားကို တန်ခိုးကြီးသော ကောင်းကင် တောင်အတွင်းမှ စကြာဝဠာ၏စွမ်းအားက ငြင်းပယ်နေခြင်း ဖြစ်သည်။

တစ်နည်းဆိုရသော် တန်ခိုးကြီးသော ကောင်းကင်တောင်တန်းသည် တိုင်းတစ်ပါး စကြာဝဠာသခင်များ၏ ကျူးကျော်မှုကို ရှာဖွေတွေ့ရှိခဲ့ပြီး ဖြစ်သည်။

သူသည် ချင်ယွင်ကို စတင် ငြင်းပယ်ခဲ့သည်။

စကြာဝဠာတစ်ခု၏မူလအစတွင် ၎င်းတို့၏ကိုယ်ပိုင်ဥပဒေသများ ရှိသည်။

ပြင်ပလူတစ်ဦးကို ရှာဖွေတွေ့ရှိပြီးသည်နှင့် ၎င်းသည် ပြိုင်ဘက်အပေါ် ပြင်းထန်သော ရွံရှာဖွယ်စွမ်းအားကို ထုတ်လွှတ်ပေးသွားမည် ဖြစ်သည်။

ချင်ယွင်သည် ဤရွံရှာဖွယ်စွမ်းအားကို လျစ်လျူရှုကာ တောင်ထိပ်သို့ ဆက်လက် တက်သွားခဲ့သည်။

သို့သော် ချင်ယွင် ဆက်လက် တက်လှမ်းနေသည်နှင့်အမျှ ဤရွံရှာဖွယ် စွမ်းအားသည် ပိုမိုအားကောင်းလာပြီး အားကောင်းသထက် အားကောင်းလာခဲ့သည်။

ချင်ယွင်၏ မျက်လုံးများတွင် ဒေါသအရိပ်အယောင်များ ထွက်ပေါ်လာပြီး စကြာဝဠာ၏ စွမ်းအားကို ချက်ချင်း စုစည်းလိုက်သည်။

"စကြဝဠာရဲ့ စွမ်းအားကို ပိုင်ဆိုင်ထားတဲ့ ကျုပ်က ခင်ဗျားထက် နိမ့်ကျနေလိမ့်မယ်လို့ ကျုပ် မယုံဘူး။" ချင်ယွင်က အေးစက်စွာ ဟစ်အော်လိုက်သည်။

သူသည် ချက်ချင်းပင် စကြဝဠာ၏ စွမ်းအားကို အားကိုးပြီး တောင်ထိပ်သို့ ဆက်တက်ခဲ့ သည်။

ချင်ယွင်၏ အရှိန်ဟုန်က အရမ်းနှေးသော်လည်း သူသည် ရှေ့ကို ဆက်လျှောက်နေဆဲပင်။

သို့သော် ချင်ယွင် တောင်ထိပ်ပေါ်သို့ တက်ခါနီးတွင် လူလတ်ပိုင်းအရွယ် အမျိုးသားတစ်ဦး သည် တောင်ထိပ်ပေါ်တွင် ရပ်နေသည်ကို တွေ့လိုက်ရသည်။

လူလတ်ပိုင်းအရွယ် အမျိုးသားက သူ့ကို အေးစက်စွာ ငုံ့ကြည့်နေသည်။

သူ့မျက်လုံးများတွင် အပြောင်းအလဲ အနည်းငယ်မျှပင် မရှိပေ။

ချင်ယွင်သည် ဤအမျိုးသားကို မြင်လိုက်သည့်ရအခိုက်တွင် သူ မှင်သက်သွားခဲ့သည်။

"ကောင်းကင်ဘုံတန်ခိုးရှင်လား…"

ချင်ယွင်၏ စိတ်ထဲမှာ ရုတ်တရက် ထိုအတွေး ဝင်လာခဲ့သည်။

သူ့ရှေ့မှ ဤလူသည် ဤစကြဝဠာရဲ့အရှင်သခင်၊ ကောင်းကင်ဘုံတန်ခိုးရှင် ဖြစ်နေပါ သည်။