တိုင်ယွန် ကုန်သည်ကြီးများအသင်း

အခန်း (၄၇) တိုင်ယွန် ကုန်သည်ကြီးများအသင်း

"သွား၊ ငါ့အတွက် သူ့ကိုသတ်ပေးစမ်း။"

ရှီတိုင်ယာ၏ အမိန့်ဖြင့် မြို့စောင့်တပ်သားများသည် ချက်ချင်းပင် ရှေ့သို့ ပြေးသွားကာ ၎င်းတို့၏ လက်ထဲတွင်ရှိသော လှံများသည် ချင်ယွင်ဘက်သို့ အညှာတာကင်းမဲ့စွာ ထိုးလိုက်ကြသည်။

ချင်ယွင်သည် အေးစက်စွာ ဟစ်အော်လိုက်သည်။ တစ်ဖက်လူက တိုက်ခိုက်နေပြီဆို မှတော့ သူသည်လည်း ပျော့ပျောင်းသည့် တည်သီးတစ်လုံး မဟုတ်ပေ။ သူကရော သူတို့စိတ်တိုင်းကြ ထိုးခွဲခံရမှာလား။

သူသည် စစ်သားတစ်ဦးထံ ချက်ချင်း ချဉ်းကပ်သွားပြီး လက်ဖဝါးတဖက်က လှံတစ်ချောင်းကို ဖြတ်တားလိုက်ကာ သူ၏ခြေဖဝါးကို တချက်လှုပ်ရှားလိုက်ရင်း စစ်သည်တော်၏ ရင်ဘတ်ကို အညှာအတာမဲ့စွာ လက်သီးဖြင့် ထိုးလေသည်။

စစ်သည်တော်သည် ဒဏ်ရာ ပြင်းပြင်းထန်ထန် ရသွားခဲ့သည့်အပြင် လမ်းဘေးရှိ ဆိုင်ခေါင်မိုးကို တိုက်ရိုက်ထိမှန်သွားကာ ချက်ချင်းပင် အပျက်အစီးပုံကြီးအဖြစ် ပြိုကျသွားလေသည်။

ထိုနောက် နောက်ထပ် အော်သံတစ်ခု ထွက်လာသည်။ ချင်ယွင်သည် ပုံရိပ်ယောင် အဖြစ် ပြောင်းလဲသွားခဲ့ပြီး အခြားစစ်သည်တော်တစ်ယောက်၏ ရှေ့တွင် ပေါ်လာသည်။ သူသည် ထိုစစ်သည်တော်၏ မေးစေ့ကို လက်ဖဝါးဖြင့် ရိုက်ချလိုက်သည်။

ထိုစစ်သည်တော်၏ ဦးခေါင်းခွံသည် ချက်ခြင်း ကွဲကြေသွားပြီး နောက်သို့ ပစ်လွင့်သွားသည်။

ဤစစ်သည်တော်များအားလုံးသည် သိုင်းပညာရှင်နယ်ပယ်ရှိ စစ်သည်တော်များ ဖြစ်ကြပြီး သူတို့အားလုံးသည် ပဉ္စမအဆင့် ကောင်းကင်အလွှာ သို့မဟုတ် ဆဋ္ဌမအဆင့်တွင်သာ ရှိနေကြသည်။

သူတို့သည် သေမျိုးလူသားများအတွက် အစွမ်းထက်သော တည်ရှိမှုမျိုး ဖြစ်ကောင်း ဖြစ်နိုင်သော်လည်း ချင်ယွင်၏ရှေ့တွင်မူ သူတို့သည် ပုရွက်ဆိတ်များသာဖြစ်ကြသည်။

"ဘုန်း!"

ချင်ယွင်သည် စစ်သည်တော်တစ်ယောက်၏ ရင်ဘတ်ကို ကန်ချလိုက် သည်။ ထိုစစ်သည်တော်သည် မြှားတစ်စင်းကဲ့သို့ ချက်ချင်း လွင့်ထွက်သွားပြီး မီတာရာပေါင်းများစွာအကွာမှာ ပြုတ်ကျသွားသည်။ ထိုစစ်သည်တော်သည် ဒဏ်ရာအပြင်း အထန်ရသွားခဲ့သည်။

အလွန်လျင်မြန်စွာပင် စစ်သည်တော်အားလုံးသည် လဲကျသွားပြီး မည်သူမျှ မတ်တပ်မရပ်နိုင်။ ယင်းက ချင်ယွင်၏ ကရုဏာကြောင့်ဖြစ်သည်။ မဟုတ်ရင် ဒဏ်ရာအပြင်းအထန်ရရုံလောက်ဖြင့် ရိုးရှင်းလိမ့်မည် မဟုတ်ပေ။

ကြည့်ရှုသူများသည် အံသြသွားကြသည်။ မူလက ချင်ယွင်ကို ဤစစ်သားများက ဆန်ခါပေါက်ဖြစ်အောင် လှံဖြင့်ထိုးကြမည်ဟု သူတို့ထင်ခဲ့ကြသော်လည်း ၎င်းတို့ကို ချင်ယွင်က လွယ်လွယ်ကူကူ ကိုင်တွယ်နိုင်လိမ့်မည်ဟု သူတို့ မမျှော်လင့်ထားခဲ့ကြပေ။

"ဒါဆို သူကလည်း ကျင့်ကြံသူပေါ့။ ရှီတိုင်ယာကို ဆန့်ကျင်ဝံ့တာ မဆန်းပါဘူး။"

"ဒါပေမယ့် သူက ကျင့်ကြံသူတစ်ယောက်ဆိုရင်ရော ဘာသွားလုပ်ရမှာလဲ။ ရှီတိုင်ယာရဲ့ နောက်ကွယ်မှာ တိုင်ယွန်ကုန်သည်ကြီးများအသင်းတစ်ခုလုံးရှိတယ်လေ။ မြို့သခင်ကတောင် သူ့ကိုမြင်ရင် ယဉ်ကျေးသိမ်မွေ့ရတယ်"

"မှန်တယ်။ တိုင်ယွန်ကုန်သည်ကြီးများအသင်းမှာ ကျွမ်းကျင်သူတွေက တိမ်တွေလိုပဲ များပြားလွန်းတယ်။ ရှီတိုင်ယာက ( ရန်ငြိုးကို) အမြဲတမ်း ပြန်ပေးဆပ်တတ်တဲ့လူပဲ။ ဒီကောင်က ရှီတိုင်ယာကို စော်ကားလိုက်မှတော့သူက မကြာခင် ဒါမှမဟုတ် နောက်ပိုင်းမှာ သေရမှာပါဘဲ"

"ဟင့်, အပြစ်တင်ချင်ရင်တော့ ရေရှည်မကြည့်တတ်တဲ့ သူ့မျက်လုံးတွေကိုပဲ အပြစ်တင်ရမယ်။ ဘယ်သူ့ကိုမှ ပြစ်မှားစော်ကားတာ မကောင်းပါဘူး၊ ဒါပေမယ့် ဒီကောင်‌လေးက ဒီအာဏာရှင်ဆန်တဲ့ ရှီတိုင်ယာကိုမှ သွားစော်ကားလိုက်တာပဲ"

"တိုင်ယွန်ကုန်သည်ကြီးများအသင်းလား?"

ဤလူများ၏ စကားဝိုင်းသည် ချင်ယွင်၏နားထဲသို့ သဘာဝအတိုင်း ၀င်လာခဲ့ပြီး နောက်ဆုံးတွင် သူ၏ရှေ့ရှိလူငယ်၏ ကိုယ်‌ရေးအချက်လက် အစစ်အမှန်ကို သိရှိသွားခဲ့သည်။

‌တော်၀င်ရန်အင်ပါယာတွင်၊ တိုင်ယွန်ကုန်သည်ကြီးများအသင်းသည် အမြဲတမ်း သာလွန်သော အင်အားစုဖြစ်သည်။ ၎င်းသည် ကြွယ်ဝချမ်းသာမှုနှင့် ယှဉ်ပြိုင်ပြီး အင်ပါယာတစ်ခုလုံး၏ စီးပွားရေး အသက်သွေးကြောများကို ထိန်းချုပ်ထား သည်။ ကုန်သည်ကြီးများအသင်းအဖွဲ့ပုံစံဖြင့် အင်ပါယာ၏ မြို့ကြီးများတွင် ပျံ့နှံ့နေခဲ့ သည်။ မိုးကြိုး၀ိညာဏ်မြို့သည် ဘိုင်ယွန်စီရင်စုရှိ တိုင်ယွန်ကုန်သည်ကြီးများ အသင်း၏ အရေးကြီးသောဌာနခွဲ တစ်ခုဖြစ်သည်။

ဤ ရှီတိုင်ယာသည် မိုးကြိုး၀ိညာဏ်မြို့ရှိ တိုင်ယွန်ကုန်သည်ကြီးများအသင်းဌာနခွဲ၏ ခေါင်းဆောင် ရှီဂျီ၏သားဖြစ်သည်။ မိုးကြိုး၀ိညာဏ်မြို့၏ မြို့တော်သခင်သည်ပင်လျှင် သေးငယ်သော ခေါက်ဆွဲအချို့ကို တိုင်ယွန်ကုန်သည်ကြီးများဌာနခွဲသို့ ရောင်းချခဲ့ရ သည်၊ ထို့ကြောင့် ရှီတိုင်ယာသည် အလွန်မာနကြီးရဲသည်။

"ကလေး၊ မင်းကို ကျင့်ကြံသူဖြစ်နေမယ်လို့ ငါမမျှော်လင့်ထားခဲ့ဘူး။ မင်းရဲ့ကျင့်ကြံမှု အဆင့်က သိုင်းသခင်နယ်ပယ် တတိယအဆင့် ကောင်းကင်အလွှာကို ရောက်သင့်တယ်လို့ ငါထင်တယ်၊ မင်း ဒီလောက် မာနကြီးတာ မဆန်းပါဘူး။" ရှီတိုင်ယာက ချင်ယွင်ကို ကြည့်ရင်း ရယ်မောလိုက် သည်။ သူ၏ မျက်လုံးများတွင် အပျော်သဘော အရိပ်အယောင်များပင် ရှိနေပုံရသည်။

ရှီတိုင်ယာ၏စကားကို လျစ်လျူရှုလိုက်ရင်း ချင်ယွင်၏အမူအရာက အေးစက်သွား သည်။

တိုင်ယွန်ကုန်သည်ကြီးများအသင်းက အင်အားကြီးတယ်ဆိုရင်ရော ဘာဖြစ်လဲ?

သူ၏အမြင်တွင် တော်၀င်ချင်မင်းဆက်နှင့် နှိုင်းယှဉ်ပါက တိုင်ယွန်ကုန်သည်ကြီးများ အသင်းသည် နှမ်းစေ့မတ်ပဲစေ့များထက် ဘာမှမပိုပေ။

"ကလေး, မင်းက ကျင့်ကြံသူဆိုတော့ မင်းကို ထပ်မေးပါရစေ၊ မင်းရဲ့ဓားကို ရောင်းမလား။

" ရှီတိုင်ယာက ထပ်မေးသည်။

ချင်ယွင်သည် ရှီတိုင်ယာကိုပင် မကြည့်ဘဲ မြို့အပြင်သို့ ဦးတည့်ကာ လျှောက်သွား လိုက်ရင်း သူ၏အပြုမူဖြင့် ရှီတိုင်ယာကို တိုက်ရိုက် အဖြေပေးလိုက်သည်။

"ကောင်းပြီလေ၊ မင်းက ဒီလောက်မသိနားမလည်မှတော့ မယဉ်ကျေးတဲ့အတွက် ငါ့ကို အပြစ်မတင်နဲ့။"

ရှီတိုင်ယာသည် လုံးလုံး ဒေါသထွက်သွားပြီး သူ၏မျက်လုံးများက ချက်ချင်း ကျဉ်းမြောင်း ‌‌သွားသည် ။ ထို့နောက် မြင်းပေါ်မှ ခုန်ချပြီး ချင်ယွင်၏ ကျောကို လက်ဖဝါးဖြင့် ရိုက်ချလိုက်သည်။

ချင်ယွင်သည် ရှီတိုင်ယာ၏ လှုပ်ရှားမှုကို သတိပြုမိပြီး တစ်ချိန်တည်းတွင် သူသည် ပြန်လှည့်ကြည့်ကာ သူ၏လက်ဖဝါးကို ရိုက်ထုတ်လိုက်ပြီး ရှီတိုင်ယာ၏လက်ဝါးကို ထိပ်တိုက်ရင်ဆိုင်လိုက်သည်။

"ဘုန်း!"

သူတို့နှစ်ဦးသည် တခဏချင်း ထိပ်တိုက်တွေ့ဆုံသွားပြီး ဆယ်မီတာကျော်အထိ နောက်ပြန်ဆုတ်သွားကြသည်။

"ဟင်၊ ငါ့ရဲ့တိုက်ခိုက်မှုကို တားဆီးနိုင်ခဲ့တယ် ပေါ့" ရှီတိုင်ယာ အံ့သြသွားသည်။

သူသည် သူ့ခွန်အား၏သုံးဆယ်ရာခိုင်နှုန်းကိုသာ အသုံးပြုခဲ့သော်လည်း သူ၏ရှေ့ရှိ ဤ‌ ကောင်လေးသည် ယင်းကို တားဆီးနိုင်မည်ဟု သူ မထင်ခဲ့ပေ။ ဒါပေမယ့် ဤကောင်လေးသည် စောစောလေးကမှ ပိတ်ဆို့တားဆီး သွားခဲ့သည်။ သူ့မှာ စွမ်းရည်အချို့ ရှိနေဆဲဟု ထင်ရသည်။

"ငါ မင်းရဲ့ရန်သူ မဖြစ်ချင်ဘူး၊ မင်းက ငါ့အတွက် ပြိုင်ဘက်မဟုတ်ဘူး။ ရပ်လိုက်ပါ!" ချင်ယွင်က အေးစက်စွာပြောသည်။

"ကလေးလေး, မင်း ရူးနေတာလား ငါက မင်းရဲ့ပြိုင်ဘက်မဟုတ်ဘူး ဟုတ်လား။ မင်းကိုယ်မင်း အစွမ်းထက်တယ်လို့ ထင်နေရုံနဲ့ မင်းကငါ့ရဲ့တိုက်ခိုက်မှုကို ခံနိုင်ရည်ရှိမယ်လို့ မထင်နဲ့၊ ငါပြောပါရစေ၊ အခုနက ငါက ငါ့ရဲ့အင်အားတစ်ဝက် လောက်တောင် အသုံးမချရသေးဘူး။ ."

ရှီတိုင်ယာက ဒေါသတကြီး ရယ်သည်။ ဤ ကောင်လေးသည် သူ၏ပြိုင်ဘက် မဟုတ်ဘူးဟု ပြောနေသည်။ ဘယ်လိုဟာသမျိုးပါလိမ့်။

သူ၏ရှေ့ရှိဤကောင်‌စုတ်လေးသည် တတိယအဆင့် ကောင်းကင်အလွှာ သိုင်းသခင်အဆင့် ကျွမ်းကျင်သူဖြစ်ပြီး သူကတော့ သတ္တအဆင့် ကောင်းကင်အလွှာ သိုင်းသခင်အဆင့် ကျွမ်းကျင်သူ ဖြစ်သည်။ သူတို့နှစ်ယောက်ကြားက ကွာခြားချက်သည် ကြီးမားသည့် ခြားနားချက်ကြီးဟုပင် ပြောလို့ရသည်။

သို့သော်လည်း ဤကောင်စုတ်လေးသည် သူက သူ၏ပြိုင်ဘက်မဟုတ်ဘူးဟု အမှန်တကယ် ပြောခဲ့သည်။ ယင်းက သူ့ကို ဘယ်လိုလုပ်ပြီး မရယ်မောစေဘဲ နေနိုင်မှာလဲ။

"မင်း အစွမ်းကုန်ထုတ်သုံးရင်တောင် မင်းက ငါ့ရဲ့ ပြိုင်ဘက် ဖြစ်လာမှာ မဟုတ်ဘူး။" ချင်ယွင်က အေးစက်စွာ ပြောသည်။

ရှီတိုင်ယာသည် ဒေါသထွက်သွားသည်။ သူ၏ရှေ့ရှိ ဤကောင်လေးသည် အလွန် မောက်မာလွန်းသည် ။ အရင်က သူသည် ဤကောင်လေးကို သူ၏မျက်လုံး တစ်လုံးထဲ တောင် ထည့်မထားသော်လည်း ယခုတော့ ဤကောင်လေးသည် အမှန်တကယ် ရိုင်းစိုင်းလွန်းလှသည်။ သင်ခန်းစာကောင်းကောင်းမသင်ပေးရင် ဤကောင်လေးသည် ကောင်းကင်နဲ့မြေကြီးကို အမှန်တကယ် မသိတော့မည့်ပုံပင်။

"ဟင့်၊ ဒီလိုဆိုမှတော့ မင်းကို ငါ ဘယ်လောက် အစွမ်းထက်တယ်ဆိုတာ ငါပြသ‌ပေးမယ်။ " ရှီတိုင်ယာသည် သူ၏ခန္ဓာကိုယ်မှ ဝိညာဉ်စွမ်းအင်များ လှိမ်းတက်လာရင်း အေးစက်စွာ ဟစ်အော်လိုက်သည်။

ချင်ယွင်ဆီကို ပစ်၀င်ရင်း သူ၏တစ်ကိုယ်လုံး သည် ပုံရိပ်ယောင်အဖြစ်သို့ ပြောင်းလဲသွားသည်။

"နှလုံးသားထိုးဖောက်ဓား !"

ရှီတိုင်ယာသည် ဓားကို ညွှန်ပြရင်း အစွမ်းထက်သော ဓားသိုင်းပညာရပ်ကို အသုံးပြု လိုက်သည်။

ပြင်းထန်သော ဓားတစ်ချောင်းသည် ချက်ချင်းပင် လေထုထဲမှာ ပြည့်သွား သည်။ အပြာရောင်ဓားတစ်လက်သည် ရှီတိုင်ယာ၏လက်ချောင်းနောက်သို့ လိုက်ပါရင်း ချင်ယွမ်၏နှလုံးသားကို တည့်တည့်ချိန်ရွယ်ကာ ကောင်းကင်ယံကို ချက်ခြင်း ထိုးဖောက်သွားသည်။

ချင်ယွင်၏ အမူအရာသည် လေးနက်လာသည်။ အလားတူ သူသည်လည်း ဓားကိုညွှန်ကာ အနှစ်သာရဖြတ်တောက်ခြင်း ဓားနည်းပညာရပ်ကို ထုတ်ဖော်လိုက် သည်။ မိုးပြာရောင်ဓားအလင်းသည် ချက်ချင်းဆိုသလို ထွက်ပေါ်လာပြီး အပြာရောင် ဓားအလင်းနှင့် ထိပ်တိုက်ဆုံသွားသည်။ လေထဲတွင် ပြင်းပြင်းထန်ထန် ပေါက်ကွဲသံ များ ထွက်လာသည်။

"ဘန်း!"

ချီဓားသည် ပေါက်ကွဲသွားပြီး ချင်ယွင်ကို လွင့်ထွက်သွားစေခဲ့သည်။

ရှီတိုင်ယာသည် ဤမြင်ကွင်းကိုမြင်သောအခါ ချက်ချင်းဆိုသလို ရယ်မောလိုက်ပြီး "ဟားဟား၊ ကောင်စုတ်လေး၊ မင်းက ငါ့အတွက် ပြိုင်ဘက်မဟုတ်ဘူးလို့ ငါပြောထားပြီးသားပဲ။ မင်းရဲ့စိတ်ရူးကြောင့်သာ ငါ့ကိုတိုက်ခိုက်ဖို့ စိတ်ဆန္ဒရှိနေတာ။ ငါ မင်းကို ပြောပြဦးမယ်။ စောစောလေးက ငါ့ဓားတိုက်ခိုက်မူဟာ ငါ့ရဲ့ စွမ်းအား တစ်ဝက်လောက်ကိုပဲ အသုံးချရ သေးတယ်"

ချင်ယွင်သည် ခပ်ဝေးဝေးတွင် ရပ်နေပြီး သူ၏အမူအရာသည် အေးစက်နေ သည်။ သူ၏ ခန္ဓာကိုယ်တွင် အတွင်းခံချပ်ဝတ် တန်ဆာတစ်ခုပါရှိပြီး သူ၏ ခွန်အားမှာ အလွန်အကန့်အသတ်ရှိ၏။

သူ၏အတွင်းခံ ချပ်ဝတ်တန်ဆာကို မချွတ်ဘူးဆိုလျှင် သူသည် ရှီတိုင်ယာကို အနိုင်ယူနိုင်မှာ မဟုတ်ဘူး။

"နောက်တခေါက်မှာ ငါက ကရုဏာ မပြတော့ဘူး။ ငါ ရှီတိုင်ယာဟာ မင်းလို ပုရွက်ဆိတ်တကောင် ရန်စနိုင်တဲ့ လူတစ်ယောက် မဟုတ်ဘူးဆိုတာ မင်းသိစေချင် တယ်။"

ရှီတိုင်ယာသည် ထပ်ခါထပ်ခါ လှောင်ပြောင် နေသည်။ သူ၏ခန္ဓာကိုယ်ထဲရှိ ဝိညာဉ်စွမ်းအင်များ တဖန်ပြန်လှုပ်လာပြီး ဒါဇင်နှင့်ချီသည့် မိုးရေဓားရှည်များသည် သူ၏ပတ်ဝန်းကျင်မှာ ချက်ခြင်း သိပ်သည်းသွားသည်။ ဓားတစ်ချောင်းစီသည် ပြင်းထန်သော အအေးဓာတ်များကို ထုတ်လွှတ်သည်။

"ဓားမိုးအဖြစ်ပြောင်းလိုက်ပါ။ ဓားက ရေလွှမ်းမိုးသလို ချောက်ချား ခြင်း" ရှီတိုင်ယာ သည် ရေရွတ်ရင်း သူ၏မျက်လုံးများသည် ပြင်းထန်သည့် သတ်ဖြတ်လိုစိတ်များ ထွက်ပေါ်လာသည်။ လက်တချက်လှုပ်ယမ်းမူနှင့်အတူ ဒါဇင်နှင့်ချီသော မိုးရေဓားများ သည် ဥက္ကာပျံကဲ့သို့ ချင်ယွင်ဆီသို့ ပစ်၀င်သွားသည် ။

ချင်ယွင်သည် ရန်သူကြီးနှင့် ရင်ဆိုင်ရသကဲ့သို့ ခံစားရသည်။ သူ၏ အတွင်းခံ ချပ်ဝတ်တန်ဆာသည် သူ၏ခန္ဓာကိုယ်ပေါ်တွင် ရှိနေပြီး၊ သူ၏ လှုပ်ရှားမှုများသည် အလွန် နှေးကွေးလာသည်။ သူသည် ဤတိုက်ခိုက်မှုကို ရှောင်လွှဲရန် မဖြစ်နိုင်သော ကြောင့် ထိပ်တိုက်ရင်ဆိုင်ရန် လိုအပ်သည်။ သို့သော် သူသည် ၎င်းကို ထိပ်တိုက် ရင်ဆိုင်မည်ဆိုလျှင်ပင် သူ၏သဘာ၀တရားကို နားလည်ခြင်းကို အသုံးမပြုဘဲ၊ ဤတိုက်ခိုက်မှုကို တားဆီးရန် အလွန်ခက်ခဲ နေသေးသည်။

"အားလုံးထွက်လာစမ်း!"

ချင်ယွင်သည် သူ၏သွားများကို တင်းတင်းကြိတ်ပြီး သူ၏ခန္ဓာကိုယ်ထဲရှိ ဝိညာဉ်ချီများ မြင့်တက်လာသည်။ သူသည် သူ၏ခါးပေါ်ရှိ ဓားပျော့ကို ဆွဲထုတ်ပြီး အနှစ်သာရ ဖြတ်တောက်ခြင်းကို အသက်သွင်းတော့မည်။

"ရပ်!"

ထိုအချိန်တွင် ကောင်းကင်ယံမှ မိုးခြိမ်းသံတစ်ခု ထွက်ပေါ်လာသည်။

ခရမ်းရောင်အသွင်အပြင်သည် တစ္ဆေသရဲကဲ့သို့ အဝေးမှ လျင်မြန်စွာ ရောက်လာ သည်။ တခဏအတွင်းမှာပဲ ထိုပုံရိပ်သည် ချင်ယွင်၏ ရှေ့ကို ရောက်လာ သည်။ ထို့နောက် ထိုသူသည် သူ၏၀တ်စုံလက်‌မောင်းကို ဝှေ့ယမ်းလိုက်ပြီး ရှီတိုင်ယာ၏ ဒါဇင်နှင့်ချီသည့် မိုးရေဓားများကို တိုက်ရိုက်ချိုးဖျက်ပစ်လိုက်သည်။

"နဝမအဆင့် ကောင်းကင်အလွှာ သိုင်းဂိုဏ်းချုပ်အဆင့် ကျွမ်းကျင်သူလား!"

ချင်ယွင်သည် ထိုလူကို အံ့အားသင့်စွာကြည့်ရင်း အနည်းငယ် ထိတ်လန့်သွားသည်။

ခရမ်းရောင် ပိုးထည်၀တ်စုံ၀တ်ထားသည့် လူလတ်ပိုင်းအရွယ် အမျိုးသားတစ်ဦးသည် ချင်ယွင်နှင့် ရှီတိုင်ယာတို့ကြားတွင် ပြုံးလျက် နောက်ကျောတွင် လက်နှစ်ဖက်ယှက် ကာ မတ်တပ်ရပ်နေသည်ကို သူတွေ့လိုက်ရသည်။

"အဲဒါ မိုးကြိုး၀ိညာဏ်မြို့ရဲ့ မြို့သခင်ပဲ!" မျက်လုံးအမြင်စူးရှသည့် လူတဦးက အော်ပြော လိုက်သည်။

.